|
Re: مصطفى سيد احمد فيديو لجلسة خاصة بالدوحة اهداها لكل محبى فنه (Re: Luay Elhashimi)
|
Quote: ويا ود الامير راجينك تنكت المدسدس وكلنا امل زي ما راجين السلام العالمي وزوال الكيزان فيا ريت تحقق بعض الأماني |
لؤى كيف انك هذه الجلسة كانت مسجلة فيديو وكست وفي الكست تحدث مصطفى عن المحتفى بها وتحدث عن الغربة ومرارتها وكيف بتتخفف مرارة بوجد الناس مش اي ناس الناس الارواحهم شايلة بعض وليه هو قرر ان يهدى هذه الجلسة لكل شخص تطل على سمعه بس وزى ما وعدت الصديق احمد الامين خلينى احول المادة من كست الى سيدى عشان اعرف انزلها ... وبعدها حانحكى عن جلسات تانية عامرة بالمحبة والارواح الشايلة بعض
| |
|
|
|
|
|
|
Re: مصطفى سيد احمد فيديو لجلسة خاصة بالدوحة اهداها لكل محبى فنه (Re: بدر الدين الأمير)
|
الاتنين المتشاكلين
طبعاً لو كتبت اسم واحد قبل التاني ممكن يقول والزول دا منحاز للزول التاني لكن ما علينا.
كون مصطفى سيد احمد الإنسان يكون صاحب دا او متشاكل مع دا إبان حياتو، فدا موضوع بيخصو هو، وبما أنا الموتى لا يتكلمون، فنحن كمستمعين لمصطفى سيد احمد (الفنان) ما بيهمنا في شئ غير فنو، شكلاتو وصداقاتو حاجة بتخصو هو براو.
المعنى افرزوا لينا البوست دا.
لو عن مصطفي (الزول) وعلاقتوا بالناس في الدوحة، ودوا لينا الغناء بتاع مصطفي الفنان في محل تاني، لأنو محل زي ما بينفع فيهو مصطفى الفنان.
او كمان افتحوا ليكم بوست تاني عن مصطفى "الزول" وعلاقتو بي ناس الدوحة وإن شاء دمكم يصل الرُكب ما عندنا بيكم علاق.
فبالله البتعملوا فيهو دا ما عندو علاقة بي مصطفى الفنان، لا كان صاحبنا ولا من باقي شلتنا، وعرّس منو ولا صحاب منو ولا اتشاكل مع منو، لا نحنا دايرين نعرف، لا هو ذاتو هسه في قبروا ولا لو كان عايش بيكون دايرنا نتدخل في خصوصياتو لسبب بسيط علاقتنا بيهو ما بتسمح بي كده. الزول فنان ونحن جمهور مستمعين والعلاقة الغناء.
ممكن تبططلوا التحشر بتاعكم دا في علاقة مع مصطفى وتموا شكلكم دا محل ما دايرين. أها كان بقيتوا رجال ودايرين تتراجلوا علينا، نحنا ما عندنا حيل للشكل، أها بعد ما تتداوسوا وتخلصوا وتبقو معانا كجمهور مستمعين لي مصطفى النبي فوقكم كان ما اخطرتونا بي بوست جديد خاص للمستمعين ولي مصطفى الفنان، بنجيكم فيهو تب.
| |
|
|
|
|
|
|
Re: مصطفى سيد احمد فيديو لجلسة خاصة بالدوحة اهداها لكل محبى فنه (Re: الصادق اسماعيل)
|
الاخ الكريم بدر لك التحيات وكثير الاحترام
والله انا ما عارف انه العطبراوي غني للانغاذ ام لا ..ام هو انغاذي او لا ...
لاني خارج السودان منذ عشرين عاما فقط انا من معجبي فنه وهو احد اعمدة الفن في السودان
وبحثت عن شاعر في الاسي ضاعت سنيني ...فهو الشاعر محمود شعبان والحان واداء
حسن خليفه العطبراوي ...
رغم الكلام المحزن المكتوب فوق ده !!!!!
بالله ادينا تاني من المدسوس ومن نفس الجراب وان شاء الله في ميزان حسناتك..
دمت عافيه
| |
|
|
|
|
|
|
Re: مصطفى سيد احمد فيديو لجلسة خاصة بالدوحة اهداها لكل محبى فنه (Re: بدر الدين الأمير)
|
سلام بدرالدين وضيوفك الكرام وشكرا علي اشراكنا متعة الاستماع لابو سيداحمد .
Quote: 4- إن كان بمكتبتك الخاصة تسجيلات غير مسموعة جماهيريا لمصطفى فأسرة مصطفى سيد أحمد هى الجهة الوحيدة المخول لها قانونيا مطالبتك بالإفراج عن هذه التسجيلات سوى ذلك أنت حر فى الإحتفاظ بأى تسجيلات خاصة لمصطفى سيد أحمد . |
الاخ احمدالامين سلامات يعني يا احمد .. نحن البنحب مصطفي حد الثمالة ما من حقنا نقول دايرين المزيد؟ اظن حقنا كمحبين يفوق حق بثينة والوليدات .. وكلنا عشم نسمع المتاح في خزائن بدرالدين..فهلا استجاب؟
| |
|
|
|
|
|
|
Re: مصطفى سيد احمد فيديو لجلسة خاصة بالدوحة اهداها لكل محبى فنه (Re: جميلة ابراهيم السيد)
|
سلام يابدر الدين والسلام موصول لأبى ساندرا
أغنية فى الأسى ضاعت سنينى من الأغنيات الجميلة التى كتبت بحروف العذاب اللذيذ..
مصطفى أدى الأغنية بطريقة تجعلنى أجزم لو كنت المسئول من حفل تأبينه لجعلتها مستمرة فى الخلفية طيلة الليلة..
هذا البوست بوست جميل بنفس مصطفى وذكراه وبهذه الأغنية التى تخلط عند سامعها بين الدموع والإنتشاء..
مصطفى عالج جزئيتين فى الأغنية وهى كما تعلمون صدح بها العطبراوى زمانا..
مصطفى فى مطلعها يقول: أى صداح على الأيك يغنى لحبيبو
وفى الأصل: كل صداح على الأيك يغنى لحبيبو
وفى رأيى الأصل أبلغ فالشاعر يقول: كل صداح على الأيك يغنى لحبيبو, ويستثنى نفسه ويقول: وأنا بين الورى فى هذه الدنيا غريب.. فهنا وصف الشاعر نفسه بأنه الإستثناء الوحيد فى هذه الدنيا فقد فقد من يغنى له..
أما: أى صداح, يمكن أن تعطى معنى الإستفهام.. أى صداح على الأيك يغنى لحبيبو؟ وأنا بين الورى فى هذه الدنيا غريب.. بمعنى مادام أنا تغربت عن من أغنى له تانى ياتو صداح على الأيك حايغنى لحبيبو.. وفى رأيى هذا يعطى إحساس بتعالى الشاعر ويقلل من المفارقة المقصودة فى المطلع.
المعالجة الثانية: يقول مصطفى: هات لى كأسى من الخمر وقيثارى وكوبى..
والشاعر يقول: هات لى كأسى من الحب وقيثارى وكوبى
ففى رأيى مصطفى مارس تقزيما على البيت إذ أن الخمر لاتخلق نشوة فقط ولكنها ربما تخلق شعور بالغثيان وألم بالمعدة.. أما الحب فيسرى فى جميع خلايا الجسم والروح والعقل ولايخلق إلا إحساس بالنشوة والتحليق..
هذه المعالجة مع عظم الأداء لم تتفوق عليها فى السوء إلا معالجة بدر الدين مع عظم المادة المطروحة لمداخلات أبوساندرا.. حيث مثلت قمة خلط ومزج الغبن على هذا الجمال كما يمزج الدم والفرث باللبن الحليب.
ومايشفع لمصطفى هى لباقته الفائقة عند ذكر الأصل أولا ثم الإتيان بمعالجته!!
| |
|
|
|
|
|
|
|