|
Re: وطنية فى عين العدو (Re: وليد محمد المبارك)
|
والله يا حاتم انا ما بقدر اكاكى زى صديقى قيقا
لكن احمد الله واشكره على مداخلة اخونا كمال عباس ياااااخ وقعت لى فى جرح والله :) ده انا لو قعدت مية سنه ما ح اعرف ارص جنس الرص المؤسس (والا نقول المؤثث :::غايتو دى لازماها كاااااااك الحقنى بيها يا قيقا)
يا حاتم صدقنى كلامك ده الفتر هين ده مهدود عديييييل كده :)
ولك الود والاحترام ركز لى بالله مع رشا و كمال عباس
| |
|
|
|
|
|
|
Re: وطنية فى عين العدو (Re: Siham Elmugammar)
|
عماد يا عيدروس قلت لى "شكراً يا سهام المجمر يا زرقاء اليمامة :) " اضحكتنى والله هسه انا اودى وشى من غادة كدودة وين؟؟؟؟ :):)
___________________________ الظاهر كنا بنكتب فى نفس الوقت
زوايا الشوف دى عجيبة ياخ
| |
|
|
|
|
|
|
Re: وطنية فى عين العدو (Re: Siham Elmugammar)
|
اقتباس "ن الحاجات الغريبة للمعارضة أنها مسكت فى صورة الطيب سيخة وهو بارك فى الواطه لعلى عثمان محمد طه, وقعدوا فى وصف الصورة وشكلها واصبحت مادة للتندر والسخرية ود حلال ساى فيهم اتذكر أنو الطيب سيخة صاحب ملف قبيح فى حقوق الأنسان منذ أيام سئية الذكر بيوت الأشباح وأنو متهم بتعذيب كثير من المعتقلين وقتها ماف...وماف زول مشى قال لناس الحركة الأسلامية انكم وقت اصلاً جايين عشان تتكلموا عن مبادئ سامية وأسلامية وأنكم طارحين نفسكم مشروع تغيير على النهج الأسلامى ودايرين تقولوا أنكم جايين بقطيعة مع تاريخكم السابق كيف تجيبوا أمين عام زى ده "
يا حاتم اختيار الطيب سيخة ده اصلا مافيهو مشكلة لانو منسجم تماما مع ناس الحركة الاسلامية و كده وبعدين الناس الطارحين المبادئ الانت بتتكلم عنها ديل منو؟؟ ما كلهم زى الطيب سيخة واسوأ يعنى تقول لمنو شنو؟؟؟؟؟؟؟؟
الا لو كان كلامك ناس المعارضة مفروض كان يكتبوا بشكل جاد حول هذا الترشيح لجماهير الشعب و كده؟؟؟
فى كل الاحوال قصروا والله :)
____________________ وجود قيقا فى هذا البوست محفز :)
| |
|
|
|
|
|
|
Re: وطنية فى عين العدو (Re: وليد محمد المبارك)
|
سلامات يا وليد وتحياتى اول مرة بالنسبة لى اشوفك ظالم عدييييل كده
مالك يا وليد الليلة يعنى الناس المشت تفتش لقمة العيش الحلال مشكوك فى حقيقة موقفهم من قضايا بلدهم؟؟؟ ليه؟؟؟
يا وليد الكلام ده ما بشبهك و ده ما نبذ عشان ما تجى تنبزنى ده عشم فى ان تعيد النظر فى رأيك ده
| |
|
|
|
|
|
|
Re: وطنية فى عين العدو (Re: حاتم الياس)
|
معليش يا وليد انا افتكرت الوش الاخدر الضاحك خاص باخونا المشرف و فهمت انك بنتهظر معاهو
ما كنت مفتكرة انو كلامك كلو هزار
معليش تانى
يا حاتم مالك ياخ انا ما صدقت لقيت لى بوست زى ده مالك عاوز تقفولو علينا وبعدين حساب المداخلات بتاعتك ده مستلف من سودانفور اول :)
| |
|
|
|
|
|
|
Re: وطنية فى عين العدو (Re: محمد حيدر المشرف)
|
كتب الأخ حاتم الياس:-
Quote: تانى حاجة وللمره الألف والكلام ايضاً للأخ كمال عباس أنا بتحدث عن مشاريع وبتحدث عن صور من شطط العمل المعارض أغلبه من أختار المهاجر وولاأتحدث عن ثنائية بره/وجوه...موش كل ماجينا أتكلمنا عن الخارج مشيتو هبشتوا جوازاتكم وأقاماتكم وقلتوا قاصدنا نحن...رجاء راجعو ماكتب هنا.. |
آه إنت إذا تتحدث عن مشاريع!! (ماأفخم الكلمة وأضخمها!!) ياسيدي مايكتب في الأسافير يكتب بصورفردية - والافراد عموما تتبائن خلفياتهم الإجتماعية والثقافية والفكرية والتعليمية, وتتفاوت درجة الإنضباط والمسؤلية والالتزام وتختلف الطبائع- ومدي المرارات الشخصية لديهم , فكل شخص يعبر عن ذاته ورؤيته الخاصة, إذا نحن أمام أفراد لامنظومات سياسية- منضبطة بحيث يسهل محاكمتها والحكم عليها.. ** ماتسميه بشطط العمل المعارض يجب نقده وتصحيحه - من أي حادب عبر تقديم نموذج معارض مغائر -فبضدها تعرف الأشياء , تقديم النموذج البديل أكثر جدوي من حمل قلم التصحيح الاحمر وتكريس كل الجهد في ملاحقة الشطط المعارض والاحجام عن مواجهة أصل العلة وأم الكوارث في بلادي - أي الأنقاذ- أقوم ويقوم غيري بنقد التجاوزات وخلل الممارسة في الاسافير عبر النقد النظري وعبر تقديم نموذج عملي مغائر ولكن لايصرفنا كل هذا وعن قضيتنا الجوهرية و مواجهة العدو الاساسي :- من يقتل ويعذب ويصادر الرأي الاخر ويمزق الوطن ويفرط في السيادة الوطنية والتراب! تقول:- Quote: ...موش كل ماجينا أتكلمنا عن الخارج مشيتو هبشتوا جوازاتكم وأقاماتكم وقلتوا قاصدنا نحن...رجاء راجعو ماكتب هنا.. ... |
ماهذا? أولا أنا أصلا لم أفهم أن كلامك يمس شخصي, فلا أنت ولاغيرك يمكنه أن يزائد علي ولست أنا في معرض الدفاع عن شخصي أمام محاكمة التمس فيها صك براءة وشهادة حسن سير , أنا ياسيدي أتحدث بصورة عامة في شأن عام لا أمر شخصي! (2) كثيرا جدا ممن يكتبون في الاسافير من المهجر- من غير اللاجئين - هاجروا من أجل تحسين أوضاعهم ومن أجل العيش الكريم ففينا من شرد من عمله أو من لم يجد عملا وأو من لم يعجبه مردود عمله بالبلاد, جل هولاء غير متفرغيين للسياسة ولايكسبون عيشهم من وراءها- وإنما يكتبون ويمارسون حقهم في التعبير وإبدأ الرأي فيما يجري في بلادنا ويساهمون في الشأن العام بحسب قدراتهم وإمكاناتهم ,,, (3) المواقع الإسفيرية السودانية المؤثرة مركزها الخارج وقد أسسها مهاجرون وأجتذبت كثيرا من القرأ والإهتمام وقد قامت بدور مؤثر في فضح الفساد والتزوير والتعذيب ونشرت الكتابات المحظورة وفتح منافذ التعبير والتفاعل لإبناء وطني في شتي أنحاء المعمورة.مما أقلق مضاجع طقمة الإنقاذ وقادها لتهكير المواقع المصادمة ومحاولة حجبها عن عيون جماهير شعبنا في الداخل مما يوضح حجم تأثيرها وهلع العسعس والفاشسيت منها.. ** نعم هناك بعضا من التفلتات والملاسانات والسلبيات التي تحتاج لنقد ومعالجة . ونحتاج لتطوير إمكاناتنا والإستفادة القصوي من فضاء السايبر ( 4) الي الأخت العزيزة سهام المجمر تحياتي كتبتي:-
Quote: الظاهر عليك كنت داير حاجة زى بيان المغفور له الحزب الشيوعى :) |
لاحظت أن هناك تعسفنا وأحكام قاسية من بعضنا- تجاه بيان الحزب الشيوعي الأخير! أقول هذا وقد إنتقدت -أنا شخصيا- بعض جوانب البيان في أكثر من موقع ولكن هناك حقائق لايجب إغفالها فقضية رفض المساس بالسيادة الوطنية تتسق مع تاريخ ومبادئ الحزب الشيوعي ,هذا بالاضافة الي أن الحزب رفض مبدأ المساس بالسيادة بغض النظر عن طبيعةالهدف المقصوف. وكما قلت فإن في البيان أوجه نقد عديدة الا أن هذا لايجب أن يعمينا عن أن هذا الحزب قاد ساهم ويساهم في مصادمة الإنقاذ و في الإنتفاضة الاخيرة كان من نتاجها إعتقال شباب وطلاب ونساء وقيادات من هذا الحزب -فالحزب الشيوعي ليس حزبا إفتراضيا يقتصر نشاطه علي الفضاء ويجافي التراب, وإنما حزب يضرب بجذوره في أرض وسموم وكتاحة الواقع. وتعيش قيادته وسط الناس , وينفعل ويتفاعل مع قضايا الجماهير ولا يصيغ قرارته وفق الإنفعال وردود الأفعال ومحاولة إنتزاع التصفيق وآهات الإعجاب,!!,, فلننتقد أحزابنا الوطنية ولكن بلا تجريم أو تخوين وأحكام سلبية قاطعة ,,
(عدل بواسطة كمال عباس on 11-17-2012, 09:43 PM)
| |
|
|
|
|
|
|
Re: وطنية فى عين العدو (Re: كمال عباس)
|
Quote: أمبارح بس فوتنى دافورى الحلة الأسبوعى... |
Quote: بالمناسبة كلام أولاد ثوره وكده..بدر الدين موسى البجضم ليك فى الناس ويصدما ليك ده من السابعة.. شفت كيف حريقه بره وحريقه جوه..... |
معناها خلاص .. مادام الحكم وليد(ومعاه د.نجاة كإمرأة خط) طلعكم فزتو بالدافوري دا فحا نعزمكم باسطة في محل الوطنية. هل النقاش في المواضيع دي فيها غالب ومغلوب يا ربي؟!!
Quote: يا جماعة ما تصنفوا لينا حاتم ده كوز بي سرعة .. وخلونا نمش متابعين البوست ده لينا كم يوم .. ومتنين حتت يا كوز يا امنجي عشان تشوف غيرو سليتو روحنا |
يا وليد خليك عادل، البوست عبارة عن تصنيفات، وصاحب البوست ومعاه بدرالدين شايلين القلم والبطاقات يصححو ويلصقو ليك الديباجة، فشنو شوف ناس الديباجات وين.(والناس الإتداخلو هنا إنتا عارف إنهم ما ناس تصنيفات)
Quote: من الحاجات الغريبة للمعارضة أنها مسكت فى صورة الطيب سيخة وهو بارك فى الواطه لعلى عثمان محمد |
وانت مالك .. ما معارضة ولا وكتك ضيق .. ولا شنو؟ .. بدل التصحيح والبطاقات دي أدينا نماذج لأدب المعارضة (اللي ما يخرش المية).
وشكراً ليك يا كمال عباس
| |
|
|
|
|
|
|
Re: وطنية فى عين العدو (Re: aydaroos)
|
وليد اختصرنا يا عيدروس .. وما شايفنا الا ناس ممكن تختم حاتم بدمغة أمنجى !!
يا اما أن يكون مصيبا فى ذلك .. أو يكون قد تشابه عليه ال .. بشر !!
| |
|
|
|
|
|
|
Re: وطنية فى عين العدو (Re: محمد حيدر المشرف)
|
سهام يا فردة حاتم ما اتى لحوار ولا حاجة وما يشتهال اكتر من الكاك دي
طرحنا عليو مليون سؤال عن وطنيتو الفاخرة، البتظهر مع اسرائيل بس دي!! وين كانت لمن انتزعت الفشقة وحلايب .. بل وين كانت لمن امريكا قسّمت السودان شمال وجنوب!؟ اسرائيل -رفم انها دولة دينيةؤ عنصرية- دولة ديموقراطية ودولة مؤسسات، ول كان ايهود باراك ونتياهو مسحو السودان وايران وانهم على ذلك لقلدرين يا مسترشد بالماركسية دق ابجلفة *انت!! لكن قادة المؤسسة العسكرية واقفين الف احمر .. بالمقابل زباينك، راكبين حميرم بالقلبة، بلا هدى ولا كتابٍ منير
ة
ثم ثانيا وكان في نقطتوالكم ما عارف ذاتو، كدي قبل شهوة النقد غوايته دي، كقانوني كدي كيف لي "الحركة الاسلامية“ دي حزب سياسي مسجل، ام منظمة مجتمع مدني تابعة لهاك .. ول هبتلي وعنقالة زي ما سرقوا البلد وحتلوهو برضو تقول لي سيادة!؟ سيادتك انت دا
--------
* ابجلفة منطقة بالبطانة اشتهرت بصناعة المِدِي ..(الحقوق محفوظة للاديب الحسن البكري) يعني صناعة سلاح ..وطنية جداً جداً المافي شنو!؟
| |
|
|
|
|
|
|
Re: وطنية فى عين العدو (Re: خضر حسين خليل)
|
سلامات يا خضر لاجاد جداً .. بدليل اني ما ختيت وش اخدر
--------
لكن للامانة لا شيءمن قرايتك اعلاه يخصني .. كلامي يهداك قاعد .. وكل زول من حقو ينوم بيو على الجمبة البتريحو وانا دا دربي ماشي انوم عديييل على الجمبة البتريحني المافي شنو هو!؟
| |
|
|
|
|
|
|
Re: وطنية فى عين العدو (Re: قيقراوي)
|
Quote: يعني نفهم كده انو اخانا الفوت دافوري الحلة ده هو المسؤل عن الفشقة وحلايب واقليم دارفور وانفصال الجنوب ولا العبارة شنو بالضبط ؟ كان الموضوع كده بصراحة الواحد حيفتح بوست هسي في باقي ليلنا ده بتسليم حاتم ومعاه اولاد الدافوري للمحكمة الجنائية فدي مسائل أما لو بتهظر ساي فما في مشكلة ، أما لو بتهظر وما بتهظر وبتفتكر انو حاتم ومن خلال بوست من صوابعينو الحلوين كان ممكن ينقذ البلد من مصائب الفشقة ودارفور والشرق وكجبار وحلايب والجنوب ( فقادر اللي حسنو سوا ) يا قيقراوي . |
يا خضر سلامات قيقا ما قال إنو حاتم مسئول من ضياعم .. قال إنو مسئول عن (عدم تحميلو المسئولية) لجهة ما (طبعاً ممكن جداً يا قيقا يكون لسه ما إستلم الديباجات بتاعة الوطنية) فشنو .. أعفيهو من السؤال.
______________________________________________ ويا خضر .. كلنا (رسمة قلب) الشيوعي فأعفنا يا زميل
| |
|
|
|
|
|
|
Re: وطنية فى عين العدو (Re: aydaroos)
|
الافظع يا عمدة، انو العاوز يجيشنا ضد اسرائيل -واعني الفيل اتسلف- ما راضي يجيشنا ضد مصر كلو كلو اهدي قالو في اغسطس الفات خبتتنا ذي الترتيب اها المافي شنو كان .. وطنية كيمان الكمونية ما بتخارج معانا والله ولا راسمالا ذاتو
-----
في الحقيقة دي احر من حقت اسرائيل .. بتوازن الرعب طبعاً دي حقارة عديييل كدا ... اسرائيل غايتو الا نقول ليهم الله يسامحكم .. بتخشوا النار لكن حتى اولاد بمبا الهوينين ديل، عاوزين يسونا في طيز وزة !؟ حليلو هو .. واقصدبعانخي العظيم
| |
|
|
|
|
|
|
Re: وطنية فى عين العدو (Re: قيقراوي)
|
يا عيدروس ازيك يا صديقي قلنا نعرف المستخبي بس يا صاح ، البلد دي بقت ما مضمونة ثم انو من حيثيات البوست إتضح لي فيما اتضح انو حاتم الموثق والمحامي أمام كافة المحاكم المدنية والجنائية زاتو ما مضمون فـ لي ده قلنا نعرف أين نقف نحن بالضبط ؟ الواطة دي بقت ما مضمونة ياعيدروس ياخوي واياك تفكر تحفر ليك بير بتاع سايفون هينهد فيك لو ما انهد في العامل
وكل بأمر الله مودتي التي تعلم وياريتك تجدع لي تلفونك هسي دي في الخاص فالرصيد باكر ما مضمون
| |
|
|
|
|
|
|
Re: وطنية فى عين العدو (Re: aydaroos)
|
يا قيقا انا زاتي جادي بالمناسبة جادي (جداد شديد) وكان ماك عارف أعرف ثم نوم شنو ياخينا والفشقة وحلايب وعيك عيك ما عارفين لي هسي منو الأجحف في حقهم بالضبط ؟
| |
|
|
|
|
|
|
Re: وطنية فى عين العدو (Re: خضر حسين خليل)
|
Quote:
يا قيقا انا زاتي جادي بالمناسبة جادي (جداد شديد) وكان ماك عارف أعرف ثم نوم شنو ياخينا والفشقة وحلايب وعيك عيك ما عارفين لي هسي منو الأجحف في حقهم بالضبط ؟
|
انت ومنو الماعارفين ديل يا خدركا!؟
--------
انا عارف .. والله عارف .. وحاتم ذاتو عارف لكن اشمعنا جاي يذكرنا بانو ما عندنا وطنية اسي دي!؟
لو كنا من الغابات حقاً لما تركت جموع الناس هذا العسكر المأجور يرفل في الخضار باسمنا .... لكنا كما نبود هجيناً نيئاً لتلاحم الغابات والصحراء
اللخ اللخ
او كما قال سيدي تاج السر جعفر الخليفة طه الريفي
اها قضرت معاك ؟ ياخي مصدع والله ماش انوم يكون من عدم الوطنية سااااي الفي شنو!؟
| |
|
|
|
|
|
|
Re: وطنية فى عين العدو (Re: قيقراوي)
|
Quote: طرحنا عليو مليون سؤال عن وطنيتو الفاخرة، البتظهر مع اسرائيل بس دي!! |
انت يا قيقراوى داير تقول انو حاتم ده "عروبى" انا والله قايل الكلام ده حراق روح ساي من أخونا فى الله دينق !!
| |
|
|
|
|
|
|
Re: وطنية فى عين العدو (Re: aydaroos)
|
يا قيقا وود المشرف وعيدروس.
تعالو أتمتعو بالبوست السابق ده لأخونا العروبوي حاتم الياس. مبروك عليكم اسرائيل...ومبروك علينا الربيع العربى
يا عصمت سيف الدولة( ود الياس.)
أين ربيعكم العربي؟ مش في النهاية بقى ربيع أخواني وكيزاني في المنطقة! أسئل نفسك يا أخا العرب. لماذا ما يسمى بثورة الربيع العربي تم في دول كانت تدعوا الى القومية العربية؟ مشكلتك يا حاتم، أنك دائما بتراهن على الحصان الخاسر. مثل حكومة الكيزان في السودان تماما.
| |
|
|
|
|
|
|
Re: وطنية فى عين العدو (Re: محمد حيدر المشرف)
|
الطيب مصطفى سبحان الله ياعيدالروس أنت (فقير) ويزوروك عديل...قبل شوية كنت معاهو فى مكتبوا وشربنا شاى سوا وكان مهتم جداً بالبوست ده وناقشنى فيهو بالتفصيل تصدق!!
قال لى الناس ديل عورا....طبعاً أنا أحتجيت أنو يتكلم عنكم كزملاء نضال بالشكل ده
قام قال لى..هسع سؤال عيدالروس ده ماعوير والأعور منو ضحكات د. المشرف..
هنا خليت الشاى بتاعى فى الطربيزة ومرقته بعد مااديتو أستقالتى من المنبر..
| |
|
|
|
|
|
|
Re: وطنية فى عين العدو (Re: aydaroos)
|
Quote: العالم العربى هو فضاءنا الثقافى والسياسى والأجتماعى ومحط اشواقنا (والماعاجبه الكلام ده يشرب من البحر)!! |
كلام جميل .. لالا .. جميـــــــــــــل خالص
| |
|
|
|
|
|
|
Re: وطنية فى عين العدو (Re: حاتم الياس)
|
+
كتب الزميل حاتم الياس "العالم العربى هو فضاءنا الثقافى والسياسى والأجتماعى ومحط اشواقنا (والماعاجبه الكلام ده يشرب من البحر)!!"
غايتو ناس دينق الكلام ما عاجبهم وإنفصلوا بي بحرهم وأبيار بترولهم، الكلام في الذين مازالوا يشاركونك ما تبقي من وطن؟! وما فعله (أولاد النوبة) مقياس يقرأ من خلاله الرفض العميق لفرضية فضائك الثقافي ومحط أشواقك التي تريد أن تُبلعنا لها بما البحر. دينق قلب لينا المواجع،
دنقس.
| |
|
|
|
|
|
|
Re: وطنية فى عين العدو (Re: Abdulgadir Dongos)
|
العالم العربى هو فضاءنا الثقافى والسياسى والأجتماعى ومحط اشواقنا (والماعاجبه الكلام ده يشرب من البحر)!!"
طيب مالوا..أنا قلت ليك ماتمشى تفتش ليك فضاء تنتمى ليهو..موش كل زول بيحدد أنتماءه براهو أمش أنت أن شاء الله تنتمى لكوريا الشمالية شوف فى زول بيجى يسألك..ويقول ليك داير تبقى كورى ليه
| |
|
|
|
|
|
|
Re: وطنية فى عين العدو (Re: محمد حيدر المشرف)
|
ياابوالجيل ياحبيب..عادى جداً ممكن نتزرزر..وعادى ممكن نتخارج ونتراجع كمان..لكن هسع أنت شايفنى قاعد أتزرزر فى الكوليج دى فرانس !! ماياها الونسة مع الأخوان (الأثاريين)* ديل..
مشرف يامشرف..يأخى أنت زول تمام والله نادى أخوك الأتبراوى ده وتعالوا..أهو نقلبه ونسة وكاااك وكيك ووشوش خدره ونجيب أقتراحات زى فراغ ثقافى وفضاء ثقافى والناس زى تقوم تتثاقف..
* مصطلح لدكتور ع ع ابراهيم يتحدث فيهو عن طغيان الأثارة فى عمل المعارضين,,يمكن أن نضيف له تيار (البوستيه الجيدة) فى نسب المصطلح للبوستات
| |
|
|
|
|
|
|
Re: وطنية فى عين العدو (Re: حاتم الياس)
|
Quote: قال لى الناس ديل عورا....طبعاً أنا أحتجيت أنو يتكلم عنكم كزملاء نضال بالشكل ده قام قال لى..هسع سؤال عيدالروس ده ماعوير والأعور منو ضحكات د. المشرف.. هنا خليت الشاى بتاعى فى الطربيزة ومرقته بعد مااديتو أستقالتى من المنبر.. |
و ..
Quote: مشرف يامشرف..يأخى أنت زول تمام والله نادى أخوك الأتبراوى ده وتعالوا..أهو نقلبه ونسة وكاااك وكيك ووشوش خدره ونجيب أقتراحات زى فراغ ثقافى وفضاء ثقافى والناس زى تقوم تتثاقف..
|
هذا والعفو والعافية.. ووافر الاحترام والود يا عزيزي وأرجو اللا تستبد بى رغبة المشاكسة مرة أخرى ..
| |
|
|
|
|
|
|
Re: وطنية فى عين العدو (Re: محمد حيدر المشرف)
|
حاتم الياس (أو حالم اليأس كما يحلو للبعض الإشارة اليه) موجها كلامه لدينق:
Quote:
يادينق..يااااادينق..لوسألت نفسك أنت قاعد معانا هنا ليه فى البورد ده, طبعاً حاتتخيل أجابتى زى أجابة الناس البقولوا ليك ماانفصلتو ومامشيتوا والكلام الذى لااتفق معه مطلقاً وأبداً بل بفتكر انو حقك حق أصيل مثلنا تماماً فى أى بقعة من بقاع هذه الأرض المسماة السودان..والناس ديل مافهموا أنك قاعد معانا لأنو المنبر ده موش كمنبر بكرى وأنترنت وكلام زى ده, لكن كمجال تنزوى فيه صور الثقافة السودانية فى شقها العربى ولأنو الكتابة أى كتابة سوى كانت فى نت أو فى كتاب أوبوست تشكل ذاكرة ثقافية فأنت موجود معانا هنا بهذه الذاكرة يعنى ماعندك حته تقبل عليها غير الثقافة العربية التى تلقيناها كلنا وأنت وغيرك معنا تحت شروط ممكن تكون موضوع مناقشة..لكن العروبية مافى معناها السلبى بل كثقافة , دى جواك زى ماجواى وأنت هسع قاعد معانا هنا تحت الشرط الثقافى ده فماتقعد تناطح فى الهوا ساى والله اٍلا تمش تقطع راسك وتشترى ليك راس تانى فأنت ياصديق ياعزيز حالة مثالية ومأساوية عن أنفصال تم على الواقع والأرض وترك ذاكرته الثقافية فى حيرة الى أين تختار اتجاهها. ولم تجد سوى أنك (تكبكب التاريخ وتقول ليهو سويت فينى كده ليه)
|
يا دينق .... ده كلام تلقاهو إتقال لحاتم هذا شخصيا من لبناني أو بعض الشوام ... الذين أنكروا عروبة السودان و لا يزالون يطلقون علي الفول السوداني (فستق العبيد). .... لمّا نقول حاتم ده هو المثقف المنفصم .... يتجلي إنفصام هويته و ثقافته في الكلام أعلاه .... فقط تمعّن في مدي إجهاد نفسه لفرز العروبة كهوية و إنتماء من العروبة كثقافة ... و تشريح بعوضة العروبية و معناها السلبي و و و .. شنو كدة ما عارف ....
يا حاتم .... عندما رأيت صورة الطيب سيخة و هو بارك للسفاح الآخر علي عثمان طه ... صدقت كلامك أنك معهم قلبا و قالبا .... دع دينق و ثقافته ... ما هي ثقافتك أنت؟؟!! يا زول أنت مزيّف .. هويّة و ثقافة و إنتماءا ... لدي الجميع ... عربا و أفارقة و فرنجة.
أعتقد هذا البوست مضيعة للوقت .....
| |
|
|
|
|
|
|
Re: وطنية فى عين العدو (Re: Rawia)
|
Quote: ياعيدروس خلونا من حكاية عروبة حاتم الياس دي ! إذا كان حاتم يعتبر نفسو عربي عرقيا فهذا خياره وإن كان يعتبر نفسه عربي - ثقافيا وحضاريا ولسانيا فهذا أيضا شأنه !' |
جبتني راجع يا كمال عباس :) .. وبتفق معاك أي إنسان أو مجموعة في السودان في رأيي حر يقول علي نفسو عربي، أفريقي نوبي، سوداني أو أي هوية تعجبوا .. بس ما يفرض خياراتو علي الباقين وأنا لما قريت كلام حاتم قلتا ليه لو كنتا عارف دي خياراتك كان نقاشي معاك مختلف. وعشان نكون واضحين ، خياراتي انا مختلفة والقومية العربية والوحدة العربية ما بي تمثل أشواق أو خيار لي.
باقي كلامك مية مية يا كمال.
| |
|
|
|
|
|
|
Re: وطنية فى عين العدو (Re: Rawia)
|
ما تنسى يا سبابي -بعد تكيف لينا وضع الحركة الاسلاية القانوني، وتعربو، بعد ماتستخدم العبارة في جملة مفيدة - كمان ورينا بالمرة تكييف للخال الرئاسي ؤ موقعو من الدستور .. الدولي المقارن!
--------
فعلاً حالم وانت خامي الاوهام دي كلها وجاي تبيع لينا ألذ حاجة -كلاكيت للمرة التانية- عزيل التشاشة ، وقولة "جبرنا“ الاسفيرية (اقرأ شكراً على النقاش الثر“
| |
|
|
|
|
|
|
Re: وطنية فى عين العدو (Re: Rawia)
|
Quote: يادينق..يااااادينق..لوسألت نفسك أنت قاعد معانا هنا ليه فى البورد ده, طبعاً حاتتخيل أجابتى زى أجابة الناس البقولوا ليك ماانفصلتو ومامشيتوا والكلام الذى لااتفق معه مطلقاً وأبداً بل بفتكر انو حقك حق أصيل مثلنا تماماً فى أى بقعة من بقاع هذه الأرض المسماة السودان..والناس ديل مافهموا أنك قاعد معانا لأنو المنبر ده موش كمنبر بكرى وأنترنت وكلام زى ده, لكن كمجال تنزوى فيه صور الثقافة السودانية فى شقها العربى ولأنو الكتابة أى كتابة سوى كانت فى نت أو فى كتاب أوبوست تشكل ذاكرة ثقافية فأنت موجود معانا هنا بهذه الذاكرة يعنى ماعندك حته تقبل عليها غير الثقافة العربية التى تلقيناها كلنا وأنت وغيرك معنا تحت شروط ممكن تكون موضوع مناقشة..لكن العروبية مافى معناها السلبى بل كثقافة , دى جواك زى ماجواى وأنت هسع قاعد معانا هنا تحت الشرط الثقافى ده فماتقعد تناطح فى الهوا ساى والله اٍلا تمش تقطع راسك وتشترى ليك راس تانى فأنت ياصديق ياعزيز حالة مثالية ومأساوية عن أنفصال تم على الواقع والأرض وترك ذاكرته الثقافية فى حيرة الى أين تختار اتجاهها. ولم تجد سوى أنك (تكبكب التاريخ وتقول ليهو سويت فينى كده ليه)
.قبل يومين قالوا أولاد النوبا فى كاودا قالوا دايرين يغيروا أسمائهم العربية والكنسية شوف ليك سذاجة ناس بيفتكروا أنو التغيير الثورى (سماية)....فياحبيب نحن قاعدين بالشروط دى مابتتغير بين يوم وليلة فاستمتع بالجميل من هذه الذاكرة ولاتفكر بأن تحاربها ..لأن الأمر سوف يكون بمثابة أنتحار عبثى |
العروبوي حاتم الياس.
أول حاجة أنا ما قاعد معاك. أنت اللي قاعد معاي في البورد ده، على الأقل أرجع لتاريخ تسجيلك ثم قارن. بعدين شايفك بتتكلم بصيغة الجماعة. أي جماعة هذه التي تتحدث أنت باسمها؟ هل هي جماعة الطيب مصطفى ومنبره الخائب أم جماعة أخرى؟ أستخدامي للغة العربية أو معرفتي بالثقافة العربية لن يغير شئ من ثقافتي ومن أفريقيتي. أهو أنا موجود في أمريكا نصف عمري وأكتسبت أيضا ثقافة جديدة أيضا، فلماذا أنت مصر على موضوع الثقافة العربية ده؟ أنا طبعا بقول لك ثقافة عربية على حسب فهمك للثقافة السودانية التي تعتبرها أنت "عربية" أنا زول سوي وما عندي مشكلة مع أي ثقافة أو أجناس. ولكن مشكلة السودان تتمثل في فرض الثقافة العربية والاسلام على جميع الناس وعن طريق القوة. و"الشرط" الثقافي ده نحن مختلفين حوله تماما. أنت زول متعلم يا حاتم ويجب أن توسع مواعينك الفكرية والثقافية والمعرفية شوية علشان تعرف حقيقة البلد الذي تعيش فيه أنت. والسودان ليس أمدرمان. رسالتي ومواقفي في هذا المنبر واضحة وضوح الشمس وغير مشوشة مثل أفكارك التي تناطح بهاالسحاب هنا وعامل من نفسك أرجوز في البورد.
أنت أتصلبت لك في ثقافة وعرقية عربية زائفة وكمان جاي تنتقد الذين يريدون أن يرجعون الى أصولهم الأفريقية! قصتك عجيبة فعلا !
| |
|
|
|
|
|
|
Re: وطنية فى عين العدو (Re: Deng)
|
يا مشرف وعيدروس يا شباب ما هكذا تورد ابل الحديث اخوكم حاتم اي نعم عروبي وكل عبر الدنيا فيو لكنو مثقف .. وحساااااس شديد .. اي والله مع كتير الاسف ( وبفهم كمان، لمن مشيت ليو زيارة في مكتبو رجعني اركويت بي تكسي)
Quote:
انت يا قيقراوى داير تقول انو حاتم ده "عروبى"
|
المشكلة ما في العروبية .. العروبيين كتااار .. وكتر منهم العرب الساي .. القصة في الوطنية ام استك دي ..لمن يمطوها تمشي هنااااااك وطول السنة خامدة!! وطنية ول وجع ضرس هي!؟
--------
ثم ثانياً (المرة اتنين جدجد)
انت الوليد يوسف مش قال ليك تاني ما اسمع تجيب سيرة ضفدع البير، وضفدع برة دي؟
| |
|
|
|
|
|
|
Re: وطنية فى عين العدو (Re: Deng)
|
Quote: البوست القديم فيهو شنو..أنا قاعد أكتب فى منبر سرى وماعارف هههههههههههههههههههههههههه
وبعدين ود المشرف وعيدالروس ديل كويس أنو مشوا (كتابتم زى ماقاعد تتفهم لى) ..ربما كانو من تيار البنيويين الجدد وأستشكل الأمر علينا نحن تيارات العروبيين التقليدية.... لكن كدى خلينى من فكرتك الساذجة بتاعت زعلته وفرحته دى وأقرأ كلامى الفوق ده كويس وحتى الكلام المشيت جبتوا وفرحان بيهو كأدانة..برضو اقراهو
بعدين عليك الله أنا داير لى طلب منك جاد وأعتبروا طلب صديق..يأخى كدى أكتب لينا عن ثقافة مجموعتك الأثنية بتاعت الجنوب قبيلتك وثقافته وطقوس الميلاد والعرس والموت دعنا نعرفك بشكل مختلف ونعرف ثقافات كانت محجوبة عنا بفعل التهميش والتغييب الثقافى..يعنى دعنا نعرف بعضنا البعض اكثر ربما يكون ذلك مدعاة اكيدة لتغيير الأفكار والصور النمطية...بدل ماكلنا شغالين بمنطق السياسة الذى يمكن أن يخصم أكثر مما يثرى....
صديقك/ حاتم الياس |
نقلي لبوستك أفاد الحوار في هذا البوست، ولكي يتعرف على كتاباتك السابقة بعض الأخوان، فلماذا الغضب؟ كلامك الفوق داك لا يختلف عن كتاباتك السابقة المتحجرة والتي لا تريد أن تتطور أبدا. العقلية العروبوية الخربة التي تحملها سوف تسبب لك أذى ثقافي عميق وسوف تدفع ثمنه غاليا. ألحق وراجع نفسك قبل فوات الأوان. لو أنت لم تتطلع على ثقافات الجنوب فهذا هي مشكلتك أنت. لأنك أهتميت بثقافة معينة وكنت مجرد متلقي وعشت في الخدعة العربية الكبرى في السودان. أسئل نفسك. لماذا أنت أتخذت لك عقيدة سياسية عربية وأنت أفريقي وتعيش في قلب القارة الأفريقة ووسط شعب أفريقي وفي دولة حتى أسمها يرمز الى لونها الأفريقي؟ كيف حدث كل ذلك؟ والنتيجة طبعا والأنتاج أنت تعرفه جيدا. أنا لدي ثقافة وطقوس زواج وميلاد، فما هي ثقافتك أنت؟ أوعك بس تقول لي عربية! عدم معرفتك بالقافات السودانية ده جهل يرجع اليك أنت، وأنت "كمثقف" سوداني من المفترض أن تتعرف على الثقافات السودانية قبل ثقافات العروبويين والناصريين والبعثيين والقومين.
| |
|
|
|
|
|
|
Re: وطنية فى عين العدو (Re: حاتم الياس)
|
الغريبة العروبة العاملة لناس دينق (حسكنة) دى...اصلاً ماموضوع البوست ده..ولاالوطنية الأتكلمنا عنها وفندناها وورينا سياقاتها كانت بالطريقة الجبتوها هنا...
العفو والعافية فعلاً قلناها وعيونه زاتها وجعتنا..لكن الذى يوجع أكثر هذه السطحية المهولة..وكل زول جاى شايل غبينتو محل ماواجعاهو وجا...يزبد ويربد فوق الخيط ده..
---
قيقا..هنالك اشياء تخص الذاكرة الأنسانية الصرفة....فأنضبط ياصديق
تانى العفو والعافية
| |
|
|
|
|
|
|
Re: وطنية فى عين العدو (Re: حاتم الياس)
|
Quote: حتى لاتستبد بى روح المشاكسة |
اتفق معاك انها تقيله وكمان أتقل من القندران الوارد فى كلامك بي مساحاتو الدلالية اللطيفة والظريفه وما أحلاها .. تخلى الواحد يمشى فوقها بخفة عجيبة ويقرب يطير .. وشخصيا ما كنت لاكتبها هكذا .. وفى الواقع لم اكتبها هكذا .. لم أكتبها هكذا على الاطلاق .. واحتمال تكون لفحتها باستعجال يا حاتم .. واحتمال أضفت ليها "حتى" عامدا كى تدى الناس احساس ب .. اللطافة وده ما فارق معاى كتير ..
المهم ..
الزمن بتاعنا ده يا حاتم .. زمن تــافــه جدا .. تعرف !! لو لقيت فرقه فى اى زول .. اديهو فى راسو طوالى .. والا تستحمل انو يقل ادبو عليك ..
لقيت زول مطرف وفى متناول اليد .. أغمتو طوالى .. والناس - هكذا - ما كلهم - بتحترم البديهم فى راسهم حار حار .. تصور تانى بخافوا يكتبوا الفارغه وهم فى متناول منبرك .. يمشو يكابسو بيها غادى غادى ..
المهم .. الواحد حقو يعمل حسابو كويس وما يجى للناس مدردق !!
| |
|
|
|
|
|
|
Re: وطنية فى عين العدو (Re: حاتم الياس)
|
Quote: بعدين يا حاتم الأسطوانة المشروخة تبع حكاية أنو الناس العايشة مجبورة ولا حتى إختياراً في بلاد بره وبالتحديد في الدول الغربية، عاملين زي الزول الأيدو في الموية عشان كده ما بشعروا بي قضايا الناس الايدهم في النار، دي بقت حكاية بلا معني، لسبب بسيط فحتى لو سلمنا بمسألة الأيدين الفي الموية البارده كرمز للمهاجرين وبغض الطرف عن ما قدموه لبلدان المهجر خصماً علي أوضاعهم الخاصة وبغض الطرف أيضاً عن ما أخذوه من أمتيازات وراحات وأدتهم "شتيره" زي ما ذكرت في مثالك، يمقمقوا منو زي ما عايزين،مش في أحيان كتيرة يا حاتم الناس بتكون في حوجة لي زول يجيد العوم في البر ؟ عشان يعكس ويوجه عوامتهم وسباحتهم الفي نص اللجة أم أمواجاً متلاطمة ويشوفها من "منطور" مسافة مختلفة ومغايرة تجنبهم الوقوع في الدوامات وتحذرهم من مغبة العوم مع التيار وعروق الدميره ما يجنبهم الكثير من المخاطر والمزانق الشديدة؟ وفي أحيان كثيرة بنلقي المهاجرين لعبو دوراً مهماً وأيجابياً في كثير من القضايا والأزمات في بلدانهم و كان العامل الحاسم في هذا هو بعدهم النسبي عن حيز مجتمعاتهم وأوطانهم،كما أن العكس يمكن أن يكون صحيحاً اذا إعتمدنا فقط علي فكرة التواجد بالداخل كشرط أساسي لتمثل ابعاد المشاكل وتصور حجمها والمشاركة في أمكانية حلها،لا يخفي عليك أن هناك كثيرون في الداخل وقعوا فريسة تمثلات بنية خطاب السلطة في خطاباتهم المناهضة لها دون أن يشعروا وتحضرني في هذه النقطة الحكوة الشعبية من تراث "الدينكا" : تحكي قصة ضفدعين أحداهما يعيش منذ ولادته في بئر عميقة والثاني يعيش في الخارج وفي أحدي المرات كان "ضفدع الخارج" علي عجلة من امره فكان يعدو مسرعاً متقافزاً من هنا لهناك بقفزات كبيرة وعالية نوعاً ما، أسقطته واحدة منها دون أن يشعر في جب البئر حيث يعيش "ضفدع البئر" ولم يكن له من سبيل للخروج منها فرضي بقسمته في العيش مع "ضفدع البئر" الذي رحب بدوره به في مملكة سأمه البئرية الشاسعة وعندما أقبل المساء وبدأ الليل في إرخاء سدول ظلامه الدامس، متزيناً بمصابيحه القليلة من الكواكب والنجوم، إستلقي "ضفدع البئر" علي ظهره في حالة شاعرية يتأمل فيها روعة الظلمة وهدوء الليل، ثم همس لرفيقه وأنيس وحدته الوافد من الخارج: أنظر للسماء في شكلها الدائري كم هي جميلة ورائعة؟ فرد عليه "ضفدع الخارج" بإستغراب شديد: هل السماء دائرية؟ لا..لا..لا السماء دي حاجة كبيرة جداً ومترامية الأطراف الشايفو أنت ده بس هو شكل فتحة حفرة البئر الأنت عايش فيها منذ ولادتك، بالطبع لم يقتنع ضفدع البئر بما قاله ضفدع الخارج واصر علي أن السماء دائرية وصغيرة بها عدد قليل من النجوم، حينها أكتفي ضفدع الخارج وكف عن محاولات إقناعه بأن السماء كبيرة ومترامية الأطراف، عندما أدرك أن لا فائدة من ذلك وفي احدي الليالي والضفدعان يغطان في نوم عميق تفاجأ بصوت قوي يرتطم بسطح الماء القليل داخل البئر وبدون ما يشعروا وجدوا أنفسهم داخل "دلو" البئر وشيئاً فشيئاً يرتفعان نحو الأعلي وعند بلوغهما فتحة البئر قفزا قفزة عالية كانت كافية لتحريرهما من " دلو " البئر ليخرجا للعالم الخارجي الرحب، عندها فقط قام ضفدع البئر بتصديق حجج ضفدع الخارج عندما شاهد بدهشة عظيمة، عياناً بياناً كيف أن السماء كبيرة ومترامية الأطراف تزينها الآلاف من النجوم والكواكب. تخيل يا حاتم لو أن "ضفدع البئر" قابل ليهو طائر قام طار و حلق بيهو فوق السماء، الحيحصل ليهو شنو لمن يشوف البئر الكان عايش فيهو أضيق من جحر النمل ، عليك الله ما تعزلوا الناس العايشين في بلاد بره ينوبكم ثواب السماء الممدودة. مودتي وليد يوسف
|
-----
التعليم في الكبر كالنقش في البحر اهو التراث السودانوي الهارب منو دا بنلاحق بيو ..لمن تآمن
| |
|
|
|
|
|
|
Re: وطنية فى عين العدو (Re: قيقراوي)
|
أكثر شئ اسعدنى هو أنك جبت المداخلة بتاعت الأخ وليد يوسف ومن الجيد ياقيقراوى أنك تسعى تجاه منبر سودان فوراول للحقيقة تجمعنى نقاشات عديدة مع الأخ والصديق ونحن (نتحاور) ..(لانتناتل) كما يحدث هنا , حوا رحقيقى يتشعب وينتج أثره وثمرته ودى مابنضعها فى باب منافسة المواقع و(الفورسيزن) التى يحلو لك أن تقولها بسذاجة ريف اسفيرى..لكته فرق لابد أنو يتقال....فاٍذا كتب وليد يوسف ذلك فقد صدق والصدق هنا هو صدق الموضوعية والألتزام الى جانب المعرفى والموضوعى وليس جانب قرقرقرقرقرقرقرقر
--- بالمناسبة أنت بتشرب رد بول
| |
|
|
|
|
|
|
Re: وطنية فى عين العدو (Re: قيقراوي)
|
هذا ويدعى انو ..
Quote: ولاالوطنية الأتكلمنا عنها وفندناها وورينا سياقاتها كانت بالطريقة الجبتوها هنا... |
كانت بي ياتو طريقة يا شيخنا ؟!.. يا طويل العمر انت قطعت ليك سياقات نفسانية من راسك, ولصقتها لمن تشاء .. وقلت دى ما بتودى الناس للوطنية , بالأمارة قلت حاجة عن كراهية الانقاذ التى أفضت بالناس لكراهية البلد الفيها الانقاذ .. وانتهيت الى انو الكلام ده ما وطنى .. والوطنية هكذا .. اتجاه واااااحد أحد مليان هتافات عن السيادة الوطنية و" أنا سودانى آآآنا" تلعلع من راديك الحايم بيهو.. وبى حركه لا يعلمها الا الله أسقطت ده كلو على خطاب أهل الهامش .. ولثنائية جلابة و ماجلابه .. وكأنك تعتذر للآخرين أنك لا تعنيهم .. وقمت سرحت بى الوهم الفى هذا المنبر سرحة سريعة كده ..Quote: ..بالتالى ياشباب أكرمكم الله ورعاكم الوطنية هى الدفاع عن حقوق الشعب السودانى وحقه فى ارضه وموارده وأن تقتفى أثر هذا الحق حتى ولو دخل فى مناطق غامضة ومبهمة كثيفة الأظلام لاتتيح للناظر سوى طريقين طريق السلطة والتى نجحت فى استدراج الجميع لثنائيتها التليدة بين أنا مسلم ووطنى وأخر صهيونى أمريكى أستكبارى. |
ثم ترحمت على جحا ..
لاكن التفنيد ما عندك ياخ ! مبهم و كثيف الاظلام يا عمك .. ثم .. وبردلب .. يا امريكا .. يا السلطه ؟! وده كلو ما واجعنى .. والله ما واجعنى الا قناعتك بهذا التفنيد يا "شاب" .. هسع عليك الله ده تفنيد زول ساكن السابعة ؟!!
| |
|
|
|
|
|
|
Re: وطنية فى عين العدو (Re: قيقراوي)
|
Quote: ياخضر سلامات ياخ..وانا أسف لم أرحب بك لكننى أعلم تماماً بأنو الموضوع مابيهمك كتير, المهم اراك حزين نوعاً ما ماخالس يعنى وأنت ترى الحوارات تتجه لمسارات غير التى كنت تتوقعها..كما تعلم باننا لسنا محاورين فقط لهؤلاء الأخوة الثوريين الأسفيريين وهم يمضون خلف بوستاتهم ويعلقون خيوطهم على سقف طموحات تستشرف الوهم أكثر من ان تكون لها صلة بالواقع الموضوعى وأنت تعرف ووأنا اعرف وغيرنا يعرف أن شرط الواقع الداخلى المعاش والمحسوس أصدق أنباءاً من (البوستات) عليه نحن نقدم خدمة طيبة لهم فى ملء الفراغ وتزجية الوقت السياسى. ونزورهم مثل صديقنا الذى زار الصديق ,فى اصقاع كندا البعيدة ونشاهد معهم من النافذة المغلقة جرافات الجليد وهى تهوى على كثبانه بينما سودانيز أون لاين مفتوح كفتحة التدفئة على عقل يكدح كدحاً فى الأحلام السياسية واشباحها وبوصف ماشاء له من طيب الوصف, ونحن ايضاً معهم فى الولايات المتحدة الأمريكية نهبط ونعلو مع توتر الأنتخابات وطموح الشاب اوباما الذى يعطى بصيص ضؤ من زيت يتحشرج فى الروح وبالكاد يمسد فلايت المهاجرين الجدد فى أن الغد قد يكون (ملون) زى الغابة والأبنوس. وسودانيز اون لاين تقذف لنا بالمثير والجديد من أنماط معارضة كأنها صنعت فى والت ديزنى من خيال الرسوم المتحركة نوفر ايضاً لهم مادة تشبه الواقع العالق فى منتصف برزخ (يتلولح) بين سدوف الأمكنة وتحتار اٍن كان مايقال محض هذيان أم قول سياسى ينشق خارجا من خطاب الجنون كما قال فوكو..أما أحبابنا أهل الهوى ناس طال عمرك فلله درهم من رجال ...
أنا أنحاز للهنا..حتى ولوكان الـــــ(هنا) نقيضى وضدى لأن أبواب الوعى لم تغلق وتوضع مفاتيحها فى حرز الغيب ولأن ملامح الصراع السياسى نشكلها نحن ونتحارب حولها نحن وسؤال التغيير وكيف يكون الغد تنتنازع على أجابته أيضاً نحن وهذه الـــ(نحن) لاتعنى ابداً صيغة أنسجام وأنما (بنية تناقض وصراع) نمضى وتمضى بنا يومياً...
هل يمكن أن نهديهم زيدان...وهو يغنى (باب النت وأنسده) ! |
يا حاتم أخوي .. الوصاة بالمهلة .. تقسيم الناس لي ناس جوة وناس برة .. وحتي ناس برة مقسمم لي ناس الدول الأوروبية والأمريكية وناس الدول العربية(بأعتبارم درجة تانية) وكمان جاري خضر خليل من يدو عشان يقيف معاك في صف ناس جوة (الكلام دا فطير ونئ .. وما قدر عقلك وتفكيرك .. ولا لغة كتابتك ) نختا ليك لستة بالناس الغيرو بلادهم من برا ولا شنو .. سمعتا بي ديغول .. سمعتا بي الخميني وباقي اللستة قاعد وكلما تحتاج بي نديك. والإنترنت دي ما تستحقرا، فقد تم تجريبهامنذ زمن قريب (وعلي الأقل خلتنا نطالع تقسيماتك الغرائبية دي .. ونتثقف) الله يهديك .. الوطن هو الناس وعلاقاتا لخلق مكان يستاهل العيش فيه والدفاع عنه والبره ناس والجوه ناس.... فما تخترع لينا ناس غريبين، ومن ثم تعاديهم ومن ثم تنزع عنهم ثياب الوطنية وهكذا :)
| |
|
|
|
|
|
|
Re: وطنية فى عين العدو (Re: حاتم الياس)
|
Quote: خلينى أحكى ليك دى قبل كده عمار محمد ادام جاى زهجان ويكشت لقى صحفيين قاعدين تحت شدره جنب ست شاى اتناقشوا وأتونسوا واداروا حوارهم عن المهنة والشان العام الخ..عمار لقى زول شايل ليهو لابتوب قال ليهو افتح سودانيز أون لاين فتح ليهو سودانيز اون لاين قالليهو أدور ليك الناس ديل هسع..كتب ليهوا عنوان مثير كده وأتخارج لم يدخل ولاحرف فى البوست بعدها تداخل العشرات فى بوست عمار وهو مشى وتانى ماجا فتح موبايل خلى كمبيوتر يعنى ألقى الأمر خلف ظهره..كان هذا الأمر مادة لتندر الصحفيين فى انو الناس الهنا ديل ..كائنات سياسية فائقة النشاط , أما دور الأنترنت فلااحد ينكره لكن حين تكون صلتو بالواقع كأداة تواصل ومعرفة منسجمة مع حراكه الواقعى الحقيقى ...لاأن يكون مطبخ لطهى الوهم السياسى المفارق لحقائق الواقع........طوالى هنا بتحول لصيغة كاركتيرية وقع ليك |
واقعلي ما من الليلة ولا من أمبارح يا حاتم .. وأساساً المساككة وحراق الروح لا أنا ولا واحد من الإتداخلوا معاك ديل من ناسو.. والواقع وصلة الناس بيهو ما عبر سودانيز (عندهم أهل،عندم أصحاب، وعندهم تلفزيونات، وبي يقرو جرايد..الخ)
فكلامناالصرفناهو معاك دا (برغم حدتو) واضح إنو إستغراب وعشم
________________________________ إلا تكون بي تعمل فينا زي ما عمار بي يعمل... ودي تبقى قصة وعلي العموم بلاقيك قريب .. يمكن الزول لما يتكلم وبعاين لي الزول بي يفهم اكتر
| |
|
|
|
|
|
|
Re: وطنية فى عين العدو (Re: حاتم الياس)
|
وما تنسي ناس المتاهات العايزين يحللو الجوء ويجرتقوه بالكتابات الثورية الناس الجابت الكارو قبل الحمار وعايزين يملونا قرف والناس البتشرك باهلها في معسكرات التعاسة عشان تعمل باسمهم منظمات تتكسب منها بصورهم ودمهم واشلائهم تجار القضايا
كلامك واضح جدا جدا لاي مواطن سوداني عادي يحمل الجواز الاخضر وكما ذكرت سابقا انت تعبر عنهم تماما
| |
|
|
|
|
|
|
Re: وطنية فى عين العدو (Re: كمال عباس)
|
نقلي لموضوع توجهات حاتم الياس العروبوية، مهم جدا، وقد يعطي للقراء فكرة جيدة عن الخلفية التي ينطلق منها حاتم. ولكي يتفهم الناس فهم الوطنية لدى جماعات التوجهات العروبوية في السودان، وأنانيتهم تجاه ما يحدث لأبناء الهامش من فظائع وعدم أكتراثهم بها وفي نفس الوقت يبكون على أطفال غزة بدموعهم. مشكلة حاتم الياس وأمثالهم هي أنهم ولدو ونشأو في دولة أسمها السودان (أرض السود) وفي نفس الوقت يعملون جاهدين لتزيف مثل هذه الحقائق التاريخية الواضحة.
| |
|
|
|
|
|
|
Re: وطنية فى عين العدو (Re: Deng)
|
Quote: حذف (عدل بواسطة حاتم الياس on 19-11-2012, 00:23 AM) (عدل بواسطة حاتم الياس on 19-11-2012, 01:01 AM)
|
شربانة زيت، جابت نُفاخ!!
| |
|
|
|
|
|
|
Re: وطنية فى عين العدو (Re: حاتم الياس)
|
Quote: وما تنسي ناس المتاهات العايزين يحللو الجوء ويجرتقوه بالكتابات الثورية الناس الجابت الكارو قبل الحمار وعايزين يملونا قرف والناس البتشرك باهلها في معسكرات التعاسة عشان تعمل باسمهم منظمات تتكسب منها بصورهم ودمهم واشلائهم تجار القضايا
كلامك واضح جدا جدا لاي مواطن سوداني عادي يحمل الجواز الاخضر وكما ذكرت سابقا انت تعبر عنهم تماما |
د. نجاة سلامات .. ومبروك للبنية، إن شاء الله يغلبا بالمال وتغلبو بالعيال :) كلامك دا يا دكتورة معمم .. وشبكتو بي تقبض أي زول .. ودا ما كلام علمي با دكتورة.
ملحوظة: الجواز الجديد لونو (لبني)
| |
|
|
|
|
|
|
Re: وطنية فى عين العدو (Re: aydaroos)
|
"رمتني بدائها وأنسلت"
Quote: ودالعم دينق العروبى قلت لى عايز ترجع لجذورك الأفريقية الزول الذى اناب عنك فى بعض الردود هنا ولم يكن أحسن حالاً منك أو أبرع فى هندسة التسطيح ألم يقل لك أن فكرة العودة يوتوبيا رجعية, ياريت تورينى حاترجع بياتوا وسيلة حتى نحجز مقعدنا ألى جوارك وأهو نتونس وندردش لغاية مانصل للمحطة النهائية فى سكة العودة دى..ممكن تورينى اسمها شنو ..بعدين ياحبة مكنتك بتاعت عروبى دى شنو أنا عربى عديل كده وهسع قاعد وجنبى العقال بتاعى أنت قصة عربى دى بتوجعك ليه أوعه تكون متخيلنى فى يوم أنا أسف من هويتى دى وثقافتى دى..عشان بنسفها من الوجود حايتحقق حلم العدل والمساواة...ماتحلم بالحاجة دى..نحن والله مارايحه لينا ثقافة أنت كان رايحة ليك وعايز ترجع ليها فى الجذور أمش شوف ليك ركشه ولاهايس أركبه..واقيف نادى ..
عليك الله ماتجى كل مره تتعارض لى بهنا.....أنا والله كلامك المكرر ده بقى لى زى الدعاء البجيبوه ناس التلفزيون بعد نداء للأذان |
العروبوي حاتم الياس.
أنا أفريقي وفخور بأفريقيتي، أنا قلت لك أن الذين يرغبون في العودة الى جذورهم الأفريقية لهم كل الحق في ذلك، وأنت شخصيا سوف نسمع بك يوما ما بأنك سوف تعود الى جذورك الأفريقية. أوع تفتكر شغلنا ده ممكن يروح في الفاضي ساكت. بعدين أنتو الواحد لمن يزنقكم في النقاش تقومو تقولو في زول بكتب لي. دي طبعا حالة ذهنية نمطية لا تحتمل أن تصدق بأن الأخر يعرفك أكثر ما تعرفه أنت. ودي أكبر مشكلة بتواجهكم في نقاشكم معاي في البورد ده. أنا متعود لمثل هذه الأتهامات ومستعد لها تماما. أنا ليس بحاجة الى عودة، الذين يحتاجون الى هذه العودة هم الذين تاهو وتنكرو لأصولهم الأفريقية. هسع لو أنت أقنعتني أنا بعروبتك المضروبة دي، منو البقنع العرب بعروبتك ؟ دايرني أنقل لك النكات والتقريعات التي تقال في أمثالك من مدعي العروبة؟ نعم كلامي مكرر، وسوف أظل أكرره الى أن يوعى أمثالك ويفيقون من وهم العروبة الذي يعيشونه هذا.
| |
|
|
|
|
|
|
Re: وطنية فى عين العدو (Re: Deng)
|
والله يا حاتم سويت العلي
قدر ما حاولت اخستك ليك بالبوست الجماعة يرجعوا تااااااااااااااااااااااااااااني للتراك
والله هذا جهد ما استطيع ما عندي ليك تاني شيتا اسويه
حا اتفرج فيك ساااااااااااااااااااااااااااااااااااااي وهم يتشاوتوك
يا عيد الروس ويالمشرف .. انتو ما قاعدين تهظروا وتتجمجروا في حلالاكم ..!!؟
فكو الزول ياخ
| |
|
|
|
|
|
|
Re: وطنية فى عين العدو (Re: وليد محمد المبارك)
|
Quote: يا عيد الروس ويالمشرف .. انتو ما قاعدين تهظروا وتتجمجروا في حلالاكم ..!!؟
فكو الزول ياخ |
ولي كيفك... من قبيل أنا كتبتا ليه نتقابل بالدرب.. أحسن من فليق البوستات دا أقرا فوق وود المشرف ذاتو هجر البوست
| |
|
|
|
|
|
|
Re: وطنية فى عين العدو (Re: aydaroos)
|
يا عيدالروس مافي حق صداقة
ولو صداقة مافي .. ما في حق اتجاه يساري واحد
لو ده زاتو مافي
انسانية ماف !!؟
فك الزول ياخ .. ود المشرف طلع احسن منك
| |
|
|
|
|
|
|
Re: وطنية فى عين العدو (Re: وليد محمد المبارك)
|
التمتمة هينة ..كعب التهِجي .. صاحبن لينا بليد خلاس ؤ ولدو ابلد منو .. كنت بشرح ليو رياضيات، يقعد استهجا لي في الارقام والاعداد تكتب ليو (20) يقعد يستهجاها ليك من الواحد!! لمن يصل الطناشر تكون فكرت في الانتحار، ورجعت استغفرت، وبديت في الدورة الجديدة
-----------
نعل حاتم ما اتعقد من عتالتي للبوست دااك؟
الغريبة هنا لي اسي يجابد ما يئس لسة
| |
|
|
|
|
|
|
|