عاجل :اعتقال مدير هيئة العمليات بجهاز الامن لتورطه في الانقلاب الفاشل

Quote: الأخ صلاح ، سلام.. ما في بيت في السودان ما اتضرر من حكومة الانقاذ هذه، سواء كان بالصالح العام أو ساحات المعارك.. الشعب الآن جاهز لإحداث تغيير إيجابي، الناس ديل كفروا بالمتأسلمين ومستعدين يعملوا أي حاجة للتغيير ناقصاهم بس ( القيادة ) ما في قيادة في الداخل تسيّر الناس، لأنو الناس قنعت من القيادات الحالية التي عفى عليها الزمن.. قيادات ما قادرة تعمل تخطيط مرحلي، ما تعرف ده جبن منهم، واللا مهادنة، المحصلة انهم غير مؤثرين حتى على اتباعهم.. المفروض إنو مرحلة مهادنة وتحنيس النظام إنتهت ، والمرحلة البعدها الخروج للشارع ، ودي ما ح تحصل لأنو ما في زول ح يتبعهم وهم زاتهم ما عندهم الشجاعة لتحريك الشارع.. أديني إسم قيادي واحد قال (لا) وخرج عن طوع الحكومة!! ما في !!! عشان كده الشعب لما يصل لقناعة بانو الأحزاب والقيادات الحالية لا فائدة ترجى من وراءها ، ح يكرر سيناريو أكتوبر، ومارس أبريل ، ودي ما معروف تحصل متين.. أنا معاك إنو ما نجح انقلاب عسكري على نظام عسكري، عشان كده بقول ليك إنو التغيير ما بيكون بإنقلاب عسكري يقوم به ضباط مازالوا على رأس عملهم التغيير يا إما بإنتفاضة شعبية تلقائية ، أو عساكر وطنيين إكتووا بنار الإنقاذ.. رغم إنو كما ذكرت ممكن جداً الناس تتعلق بي قشّة وتقيف معاهم لأنهم مؤكد ح يكون أحسن من ناس الإنقاذ.. المشكلة ح تكون في الجواسيس أو الغواصات زي ما بتقول، وديل عديمي ضمير ووطنية، وذممهم جاهزة للبيع، وديل صعب جداً معرفتهم أو الوثوق فيهم خاصة وإنو ناس الإنقاذ دجنّوا كثيرين جداً.. الآن أنسب وقت للتغيير، النظام في أضعف حالاتو ، الجماعة وقعوا في بعض ، الحالة الاقتصادية بلغت مرحلة لاينفع معها الكي، وبطون الناس هي التي ستحركهم.. Quote: واخيرا الحرب بين الشعبي والوطني حرب غواصات لهذا هم يهابون بعضهم وياريت المعارضة تدخل هذه الحرب لانها هي الحرب الحقيقية ومن يجيدها له النصر لقد أسمعت إذ ناديت جياً، ولكن ....!!