البحث عن الشهره في المنبر العام !!

Quote: حتي الباشا

Quote: يوم "عقد " بتى مشينا لاهل ابوها فى المسلمية واحد من اعمامها جانى جارى والباص متحرك ـ يا سلمى سلمى على الزول دا بكتب معاكم فى سودانيزاون لاين

Quote: ابوى ازيك لانه اسمك الشيخ وبالمناسبة مرة كنا فى رحلة طلابية وكان معانا طلاب من كلية ما بستخدم كلمة ابوى كتير لمن زول يتكلم معاى كان ولد "ابوى " وكان بت "امى " المهم سالنى من حاجة قلت ليهو ـ نعم يا ابوى ؟ الساعة النهرنى ليك : انا قدر ابوك ؟ ضحكت طبعا ندخل فى الموضوع بتاع الشهرة وكدا وتانى احكى ليك قصة صاحبنا خالس انور عبد الرحمن ولد عقد الجلاد هكذا درجنا على تسمية كل من ينتمى لذلك الصرح اها قومى يال جارة العزيزة لناس انور فى الحلة اتاخرت الباص الماشى المدينة" امكن الحصاحيصا وامكن مدنى فاتها جا اخو انور ماشى بالعربية قوم يا اخو انور سوق معاك الزولة الفاتها الباص وكتين وصلت ، وصلت قبال الباص وفرحانة منتشية انها جات قبال الباص الفاتها وكتين اهلها نزلو من الباص سالوها ـ جيتى كيف يا الحاجة ؟ ـ جيت مع اخو المشتهر يا الشيخ وحات الله ما دايرة اخستك ليك بالبوست لكن اسوى شنو ؟ لقيت نفسى بحكى اها النحكى ليك القصة دى يوم "عقد " بتى مشينا لاهل ابوها فى المسلمية واحد من اعمامها جانى جارى والباص متحرك ـ يا سلمى سلمى على الزول دا بكتب معاكم فى سودانيزاون لاين الدايرة اقولو يا الشيخ ابوى انه فى ناس كتاب راسهم عديل ناشرين كتب ودراسات وابحاث واساتذة فى الجامعات الى اخر القائمة وديل مشاهير من يومن وزمانهن ما كايسين شهرة من المنبر وفى ناس بكتبو فى سودانيز ديل ايمان رحمن ما بتنفات كتابتهم الا تقراها وما تعلق ماضرورى لانها كتابة سمحة امكن لو علقت تفسدها زاتو وفى ناس ما بكضب عليك الكتابة هنا نفختهم "قرب " وبقوا يفتكرو انهم من جابريل ماركيز وانت طالع اها ديل الصعبين خالس المهم يا ابوى "تانى " شخصيا ماعندى حتة انشر فيها الجريدة الكنت بكتب فيها لحقوها امات طه "اجراس الحرية "

Quote: سلام يا صاحب البوست

Quote: يا الشيخ وحات الله ما دايرة اخستك ليك بالبوست لكن اسوى شنو ؟ لقيت نفسى بحكى اها النحكى ليك القصة دى

Quote: الدايرة اقولو يا الشيخ ابوى انه فى ناس كتاب راسهم عديل ناشرين كتب ودراسات وابحاث واساتذة فى الجامعات الى اخر القائمة وديل مشاهير من يومن وزمانهن ما كايسين شهرة من المنبر

Quote: تقراها وما تعلق ما ضرورى

Quote: راجع اول موضوع لي وهو بعنوان ( ضربه البدايه)

Quote: بعض الأعضاء بتجاهل الجدد في الردود كما أشار صاحب البوست، نابع من شخصيات معينة، منهم من يرى أن الفهلوة والكتابة في البورد، لابد أن تكون ...

Quote: .وانا حصلت لي كتير

و الله ما تستاهلي ....

بي قرود و ل بدون ........

Quote: بالمناسبة حركة التجاهل دي ما بيعملوها دايما للناس الجديدة بس..

Quote: لا أحد يمنح في هذا المنبر أحداً أي شيء (أو صك). كما لا يأخذ أحدٌ من أحدٍ أي شيء. أنأ أقرأ، أكثر مما أعلق. وأعتبر نفسي جديد حتى الآن. شكراً لك وتحيات.

Quote: تحية واحترام لي صاحب البوس والمتداخين وعلى راسم (أمي سلمى).... المعروف إنو لفظة "برلـــــوم" تطلق في الجامعات (الدامعات) وتدل على الطلاب الجدد لأنهم لم يخوضوا غمار ما فوق المدارس الثانوية، وهم بذلك لايدرون شيئا عن تخصصهم الذي هم بصدد الانخراط فيه خلال سنواتهم القادمة، ودي أفتكر تسمية في مكانا ولو إنو التسمية فيها شيء من الاحتقار... هذا فيما يخص أصل الكلمة والكل يعرف ذلك.... لكن هنا في سودانيز أونلاين، لا معيار يحتم تأهيل العضو (القديم) لأن من قبع سنين طوال ، ربما يكون تلميذا لشخص دخل تواً في البورد،، وما يبدر من بعض الأعضاء بتجاهل الجدد في الردود كما أشار صاحب البوست، نابع من شخصيات معينة، منهم من يرى أن الفهلوة والكتابة في البورد، لابد أن تكون من قراءات سابقة لتاريخ (المناكفات) الشخصية أولاً وبعدين السياسية ومدى تأثيرها على تكوين الشلليات. وهذه الأخيرة هي من أكبر المشاكل التي تجر بوستات تحمل مواضيع جادة إلى الكوشة، بسبب ضعف المتداخلين. ......................... ودي

Quote: الأخ/ الشيخ سيد أحمد وجميع المتداخلين سترون البروفايل بتاعي (إنضممت للمنبر العام قبل شهرين) فهل انا بوردابي جديد؟؟؟ (أقول ليكم أنا من قراء هذا المنبر منذ إنشائه وأعرف أي عضو فيه وقرأت كثيراً حتى أصابني وجع عيون) أها حتعتبروني شنو وأنا ذكرت في أحد البوستات (هل البوستات وقصدت المكتبات بالكم أم بالكيف)

Quote: سلامات يالشيخ مجرد مطالعة اسماء الاعضاء في بروفايلاتهم والاطلاع على مايكتبون لاتكفي ابدا للخروج بإنطباع سالب اوموجب عن شخصياتهم حقيقة كلامك في محله المنبر اوجد مساحة للنوعية التي اشرت لها انت وماكانوا يحلموا بها ابدا عشان يمارسوا نرجسيتهم على معلهم في اعتقادي هذا مرده للحالة التي تعتري شخصياتهم في الحقيقة (متعقدين ، معزولين ، حب ظهور وفشخرة ، شوفوني انا بقيت كيف بالذات الذين يهوون الصور) الحمد لله إختلطت بعدد كبير من البورداب في اكثر من مكان وحكمي هذا نابع من التجربة دي فيهم ناس تمنيت ما إتعرفت عليهم في المنبر ده وكذلك فيهم بشر تتمنى على الدوام تكون ملازمهم من شدة صدقهم وتصالحهم مع ذاتهم شكرا ليك

Quote: الأخ الشيخ تحيه واحترام شكرًا علي هذا الطرح فانه يدق في نقطه مهمه انا من ( المستجدين ) وقد صدقت في قولك هذا ما لاحظته أيضاً البعض جاء للشهرة وطريقها سهل جداً منها أن تختار احد قدماء المنبر وتقدحه أو تقلل من شخصيته والي ذلك أما قصه التجاهل دى فهي حقيقه ماعدا قله المهم انا معك أن فكره المنبر ممكن الاستفادة منها كثيرا إذا جعلنا منه مصدر للمعلومات وموقع اجتماعي للتعارف وبسط ( السودانيه السمحة) فلو حرص الجميع لإبراز أجمل ما عندهم لأصبح المكان أرحب 0000000000000000000000000راجع اول موضوع لي وهو بعنوان ( ضربه البدايه) لا ادري كيف انزل الرابط له هنا ولكن كان في نهاية شهر أغسطس شكرًا

Quote: و الله ما تستاهلي .... بي قرود و ل بدون ........

Quote: سلام أخي الشيخ.. Quote: بعض الأعضاء بتجاهل الجدد في الردود كما أشار صاحب البوست، نابع من شخصيات معينة، منهم من يرى أن الفهلوة والكتابة في البورد، لابد أن تكون ... بالمناسبة حركة التجاهل دي ما بيعملوها دايما للناس الجديدة بس.. في منهم برضه بيعملوها للعضوية القديمة..وانا حصلت لي كتير .. وفي نفس الوقت في مجموعة من الناس الجديدة برضو ما واخدة وقتها في التعرف علي الحركة من داخل البورد وكيفية التعامل معها.. وطبعا معرفتك بالاعضاء خارج البورد مازي لما تبقي عضو.. لكن المهم في النهاية مافي زول عنده هنا حق أكتر من التاني..الا بالطبع صاحب البورد.. وأنا سياسيتي اراقب..المابيرد لي المرة دي بجرب مرة تانية وإذا إتكررت يبقي خلاص.. وده علي اساسا إنه أحيانا بيكون في سهو من جانب صاحب البوست وخاصة لو المداخلات كثيرة.. علي كل حال مرات بيكون أحساس صاحب البوست بنفسه عالي وفاكر نفسه سنة سوده.. وفي الحالة دي الزول يصهين من النوعية دي! ....... ....... تحياتي..

Quote: ما مشكلة إنو الزول يشتهر، المشكلة إنو يشتهر بالشيء الكعب ودي أسهل حاجة في الدنيا لكن كونك تشتهر بالحق وتصبر عليهو ده هو المحك ممكن تكبر الخط وتلونو وتخت الكلمات الهاشية (من الهاش أب تكة الذي يلبس للكلمات في المنبر فيخفي عوراتها) وتقول توجد صور وتخت أسماء أشخاص في العنوان أو كلمات مثل عاجل وما إلى ذلك من التكتيكات الإسفيرية وأهم حاجة تجيب مواضيع انصرافية وهايفة لما يكون في حدث حارق الناس وما قادرين يكتبوا كلمة من شدة طمام البطن في ناس هنا في المنبر ده من شدة كعوبيتهم بذكروني ببيوت الأشباح يعني الواحد فيهم شايل معاهو بيت أشباحو وحايم يعذب في عباد الله ياخي الدنيا دي ما بتستاهل النجر ده كلو والحقيقة أنصع من ضوء الشمس ولو الواحد ضامن العمر والتوبة كان اشتهر في 24 ساعة لكن ربنا يدينا حسن الخاتمة ويلهمنا حسن القول ويجنبنا الصمت على المظالم.

Quote: اها انا حصل " ابيوز " عديل هنا ده .... لكن اصلو ما فارق معاي .... تشق طريقك بايدك وبي شديدك ... والغريبة مجرد انو تاريخ انتماءك قريب ... في مجموعات بيفترضو انك جاهل ... وانك ما كتبت حرف قبل كده ... ومش كده وبس كمان لازم تقيف و انت بتخاطبهم ... والله انحنا لما لعبنا حريق مع ود الموج في ابروف ... وفي " الحاير " طرف الرياض واكلنا كسرة حاجة فتحية ام كمال و جلال " يا موج " ... كان بعض منهم لسه ابوهو و امه ما فكرو يجيبوهو ... لكن نسوي شنو ... الله غالب ... والله يا الشيخ بوست محترم ... وكل المتداخلين محترمين و اتشرف بمعرفتهم .... جيت عدلت شي و اتذكرت حاجه ... ليه بعض الناس بتبرر تعديلاتها ؟؟؟ هو الخطأ عيب ... ولا خايفين من منو ؟؟؟ ولا كلهم معصومين من الخطأ ؟؟؟

(عدل بواسطة الشيخ سيد أحمد on 11-09-2012, 03:04 PM)

Quote: لاحظو إنو في وجوه معينة مطنشة البوست ليست لأي سبب سوى إنو بوست فيهو نوع من الجدية بعيداً عن المهاترات والإساءات

Quote: والله انحنا لما لعبنا حريق مع ود الموج في ابروف ... وفي " الحاير " طرف الرياض واكلنا كسرة حاجة فتحية ام كمال و جلال " يا موج "

Quote: عن اذنك يا سيد البيت ياخي الزول دة جاب اسمي ناس عزيزين علي معليش ما نكون احتلينا ليك بوستيك

Quote: اتكيفت من البوست دا جنس كيف ؟ اتذكرت خالى الفاضل رحمة الله عليه كان زول نكتة بمناسبة الكيف دى يوم جا شايل ليهو نكتة حاقصة ليهو قال واحد مسطول مشى لست الشاى قال ليها ادينى شاى قالت ليهو ماعندى شاى اديك جبنة ؟ قال ليها لا قالت ليهو ليه ؟ قال ليها لانه الجداد ما جاب الطوب هسى بوستك دا جاب الطوب لكن ما الجداد ياخ متكيفة من فكرة الموضوع,,, اديك جبنة ؟

Quote: الاخ الشيخ سيد احمد شكراً ليك على هذا البوست انا من المنتسبيين الجدد في هذا المنبر ولكنى متابعة منتظمة ومن زمان لحدي ما رضى عني الاخ بكري وشرفني بالعضوية فالمنبر واحد من المصادرالمهمة لمعرفة ما يدور خلف المسرح في السودان وما يحدث حول العالم بطريقة سهلة ومريحة ومرات كمان لماحة، اما البحث عن الشهرة من خلال المنبر ؟! فهذا ما لم يخطر على بالي

Quote: تحية... شكرا اخانا الشيخ للاضاءة عن احد انواع الممارسات المنبرية يا تري ام ان الامر قد يتعدي المشاركات ليقترن بالسلوك حمانا الله من ذلك وما يقترن به.. في هذا السياق ومع احتمال وجود الغث والسمين في اي مجال وان ما ينفع الناس هو الذي يبقي لعلي اراك تدعو ان نتراضي علي سلوك حضاري يسهل التناول للقضايا بروح سمحة ويغذي التواصل ويؤدي الي نشوء علاقات انسانية وفكريةعبر تلاقح الافكار وتبادل التجارب. الخ.. السلوك الحضاري المطلوب يكمن في الاتي علي سبيل المثال : احترام الراي المخالف اشعار الطرف الاخر بذلك.. استخدام لغة غير خادشة او غير جارحة وتفادي تسفيه اراء الاخرين الخ اما من تري انهم يتداخلون لا لسبب غير ما اشرت اليه فنقول لهم ونذكرهم بالحسني ان الزبد يذهب جفاءا ..ولك وللمتداخلين الاحترام..

Quote: نصيحه من اخ ..اكرر من اخ...ليس هناك من شهره...خلاصة الامر انك تكتب

Quote: مداخله اخيره.. ست الكسره دي من وين...عندها ملاح لايوق ...يا قباني مشتهيه لي زمن ههههههههههه. ودي وتقديري واحترامي.

Quote: يا سلام ياخي ناس خالتي فتخية عبد الباسط ووداد وجلال وكمال وجموتي وطارق واخواتهم ما دايرة اكتب اسماءهن اييك ايام وسنين لكن لعبت حريق مع صديق الموج اييك معناتو قديم قدم الكسرة المهم انت مش ياكا بتاع بوست الرومانسية اصبر لي عاد انا ما ناوية ليك بجيك صادة ان بقى في العمر بقية

Quote: في بيت ناس حمزه نايل ووداد دى اللاقينا فيها الموج العجيب ... و اولاد نفيسة الدكاتره الحلوين ... محمد و حسن ...

Quote: الاخ الشيخ نصيحه غاليه لكن عليك ارجع لموضوعي الأول . الاخ أبو حسين خت الرابض ليه في صفحه موضوعك الأولي يمكن يوضح ليك شكرًا أقين يا حبيب وماشاء الله صور برفايلك .....ربنا يخليهم ويرعاهم

Quote: الشيخ سيد أحمد .. لك التحية البوست طرح قضية حقيقية .. وأضيف.......... هناك من ينصبون أنفسهم شيوخاً على البورد ، يلاحقون الجدد (خاصة إن كانوا من غير ملتهم) باستفزازاتهم وإضطهادهم بغرض عزلهم وإبعادهم من المشاركة ، ويمكن أن يصل بهم الحال الى إطلاق الالقاب المستفزة عليهم.. قد يستفذ ذلك العضو الجديد فينعزل أو العكس ، حسب العضو نفسه..

Quote: وحسب ملاحظاتى كعضو جديد هناك مجموعة جاءت الى هذا البورد فقط لاجل ذلك وقد يكون هذا نوع من توزيع الادوار فى إطار الجو العام المفروض علينا كسودانيين .. مثلاً.. إنضممت لهذا البورد قبل فترة لم تتجاوز الستة أشهر ، (ولكبح جماحى ) كما قال أحدهم أطلقوا علىّ (برلومة) مع إصطحاب اللقب بمصطلحات أخرى لا تليق وما زالوا يطاردوننى فى كل المشاركات بهذا الاسلوب العاجز.. ولكننى إعتبرت ما يحدث معركة أخرى من المعارك التى نخوضها كسودانيين بأشكال وألوان مختلفة بحثاً عن الحرية ..

Quote: تجاوزت الهتر والسخافات والخروج عن النص بقدر المستطاع .. عموماً يذهب الزبد جفاء ويبقى فى الارض ما ينفع الناس .. أنظر.. (عندما يتطاول القصار.. يكون الرد هكذا) على هذا الرابط: عندما يتطاول القصار .. يكون الرد هكذا كامل الاحترام

Quote: الاخ الشيخ وضيوفك سلام الموضوع ما موضوع عضو برلوم وعضو قديم الناس هنا علي حسب قرأتي أصناف ، صنف شلليات ناس شيلني وأشيلك و صنف تاني أصلوا مابيردوا لي راجل لكن لوجأت طرحة وختت نقطة ساي بتلقي مائة وخمسين شنب سجدوا سجود السهو عديل كده لمن فكرت مره أكتب لبكري أقول ليهوا غير لي أسمي دا بأسم واحدة من أخوات نسيبه ( وجه أخضر بيفرفر من الضحك) وفي صنف من هوياته كره القدم فلا يتداخل الا في بوستات الكره وصنف بتاع سياسة وصنف بتاع الادب وغيرها وغيرها ، لكن البيفتش ليهوا في شهره هنا يشوف ليهوا أقرب طبيب نفسي . التعديل بسبب الوجه الضاحك مازبط معاي

Quote: الشيخ سلامات يا رجل يا راقي ... اها تعرف يا الشيخ خالتك فتحية عبدالباسط دى عندها كسرة و ملاح شرموط اتحدي لو في سودانية بتصاقعها... بتشهد ليك صفية دي وود الموج ... وحياتك لي منهم ومن السودان كلو 24 سنة ... ولو ختيت رجلي هناك تاني اول مشية بتكون بيت عمك صالح حاج احمد ابروف البحر ...

Quote: لا فض فوك يا الحبيب

Quote: سلامات الشيخ وكيف حالك فكرة الشهرة أو البحث عنها في البورد فكرة غريبة بل وجهلولة كمان و ارى من يعتقد بها مشكلته انو مدي البورد اكبر من حجمه وعايش فيه اكتر من حياتو الواقعية لأنو شهرة البورد دي ح توديك وين يعني؟ خليك من ملايين الناس الما عندهنا هلاقة بالنت أصلا حتى مستخدمي النت و المعتادين عليها كم في المية منهن سمعوا اصلا بسودانيزاونلاين؟

Quote: الشيخ سلامات موضوع كارب تمام التمام غايتو انا جديد في المنبر لكن العبرة بالمضمون مع مراعاة انه ما في مانع ان يستفاد من خبرة السابقين بس الناس حقو تحترم بعضها وتبتعد عن المهاترات زكرتني نكتة الاخت سلمى الشيخ (اديك جبنة بواحدة هاك ياها في واحد مسطول لامن مو عارف نفسه مسطول صاحبه فاتح (لحفة) داير يسف عاينلو قالوا(اديك سفة) في نفس اللحظة جا (ديك) فايت بي عندهن المسطول جاوب صاحبه بسرعة متناهية(والله ماب اعرفو)