**** المحصلة النهائية المصيبة في من يصدقون الكذب ****

Quote: ود البشرى انت يا بتقرأ وما بتفهم او ماعايز تفهم وهما امران لاثالث لهما. كدى النرد فى نقاط انت قلت انا كذبت مرتين اوكى موضوع المذيعه وموضوع الجنازة صاح؟ واللا فى غيرهم؟ طيب انا قلت ليك والى الان انا مصر ان الشفيع رفض تعيين البنت لانها سوداء وقال دى البولصى بتاعت القناة، وقلت ليك بعد نزول البوست هو اتصل بالبنت و حاول ياخدها لاى جريدة ويتصور جنبها ويجى يكتب نفى على لسانها لكنها رفضت واتصلت بى وقالت لى ذلك وانها تتعرض لمضايقات وطلبت منى الكف عن الاخذ والرد فى البوست وانا قلت ليك احتراماً لمشاعرها وبناء على طلبها انا توقفت لكن هسه الشفيع قاعد انا مصر ان الكلام ده حاصل من الشفيع واتحداه يحرك الموضوع ويعملها قضية وانا اوعدك والله يطلبونى لما ترددت لحظة فى الذهاب وانت مصر تقول انا كذبت وعليك الله بعيداً عن هذا ، انا لم التقى الشفيع ولا حسن هولاء فى حياتى ولا مرة احده ولا بينا اراضى ولا منافسنى فى مهنة ولاهم بالشخصيات المهمة ، القدح فيها بسقط حكومه ، وهم ليس اكثر من موظفين يعملان فى قناة خاصه او شبه خاصه ولا انا عندى معاهم تصفية حسابات من اى نوع فى الدنيا دى يكون مصلحتى شنو لو قطعو رقابهم او لو عينوهم واحد مدير السى ان ان والتانى مدير البى بى سى؟