|
|
 فيلم سودانى تقف وراءه سفارة النظام للإساءة الى السودانيين فى الخارج..
|
تحية واحتراما للقامات الكبيرة الممثلات الرائعات تحية زروق وتماضر شيخ الدين
ولكن!!!!!
ما هكذا يا سعد تورد الإبل..
فيلم خلا من أى ابداع ... وخلا من الإشارة الى المسائل الكبرى وأسباب هجرة السودانيين الى الخارج... لم ترد ولا إشارة الى سبب النزوح الجماعى وبالملايين الى الخارج ولكن الفيلم قفز الى نهايات متواضعة تلخصت فى ضرورة عودة هؤلاء المهاجرين وجلهم من طالبى اللجوء السياسي وكأن أسباب هجرتهم زالت وصار السودان جنة تجذب المنفيين وأبنائهم... هكذا وبضربة لازب أراد المخرج وكاتب السيناريو استغفال المتفرج السودانى الذكى واستدراجه عن طريق العواطف الى العودة الى الوطن الذى يوضح الفيلم أنه أصبح جاذبا ... هكذا وببساطة شديدة ينتقل المخرج والمصور عبر لقطات لا علاقة لها بموضوع الفيلم الذى امتلأ بمعلومات مضللة مثل منزل الجالية الذى يؤوى القادمين الجديد ويقدم اليهم الخدمات ورجل الأعمال الذى يتحرك بجلابيته وعمامته الصغيرة بين المكتب والمنزل ولقطات تشير الى تمرد الأبناء والبنات على الآباء بينما الحقائق تشير الى نجاح اعداد كبيرة من أبناء وبنات المنفيين فى حياتهم وإحرازهم لشهادات وخبرات لا تتوفر لرصفائهم فى السودان ولعلى اشير هنا الى الممثلة القديرة تماضر شيخ الدين التى أثبت ابناؤها فى المنفى والمستقبل امامهم مفتوح ولكنها ارتضت لنفسها ان تقوم بدور فى هذا الفيلم الذى أساء للسودانيين الذين خرجوا من بلادهم مكرهين بسبب نظام شوه الوطن ومزقه وعرضه للبيع لشذاذ الآفاق..
أردت أن افتح بابا للحوار لتشريح هذا الفيلم الهابط والذى تقف وراءه سفارة حكومة الإنقاذ فى واشنطن وقنصليته فى نيويورك وبعض محاسيب الإنقاذ الذين يحاولون تجميل وجه نظام الإنقاذ القبيح ويستمتعون بخيرات الغرب... ليت هؤلاء يعودون الى السودان ويريحوننا بدلا من دعوة أبنائنا للعودة الى سودان الإنقاذ الذى تمتلئ شوارعه وارصفته بمئات الآلاف من الشباب من خريجى الجامعات الذين يعانون من العطالة لسنوات طويلة وتصطادهم عصابة الإنقاذ لخوض حروبها الجادية بينما أبناؤها ينعمون بخيرا الغرب... عجبى
وتحية واحتراما
رابط الفيلم المشبوه:
http://www.youtube.com/watch?v=8FNcsDEToZg&fe...ure=player_embedded#!
نورالدين منان
|
|
  
|
|
|
|
|
|
|
 Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
الفيلم الهابط هو جزء من حملات سفارة نظام الإنقاذ لإختراق الجاليات السودانية:
Quote: بمشاركة 102 جالية سودانية بالخارج انعقاد مؤتمر المجلس الاعلى للجاليات السودانية بالخارج بالخرطوم مطلع يوليو 2013
01/11/2012 18:30:00
SudaneseOnline: سودانيزاونلاين
ادان جهاز تنظيم شئون السودانيين العاملين بالخارج والمجلس الاعلى للجاليات السودانية بالخارج الاعتداء الغاشم علي مجمع اليرموك الصناعي من قبل الطيران الاسرائيلي .
اشار د/ كرار التهامي الامين العام لجهاز تنظيم شئون السودانيين العاملين بالخارج الذي كان يتحدث في منبر سونا حول تأسيس المجلس الاعلى للجاليات والمشروعات الوطنية التي يتبناها الي ان عائدات استثمارات المغتربين لها دور كبير في اقتصادية الدول موضحاً دور المجلس الاعلى للجاليات السودانية بالخارج في معالجة التشوهات لصورة السودانيين في الخارج مشيراً الي زيادة الطلب علي العمالة السودانية من قبل البلدان الاخرى .
وأعلن د/ التهامي عن تنظيم مؤتمر المجلس الاعلى للجاليات السودانية بالخارج في يوليو من العام 2013 بمشاركة (102) جالية سودانية من مختلف دول العالم بالخرطوم.
من جانبه أكد د/إبراهيم أحمد البحاري رئيس المجلس الأعلى للجاليات السودانيه بالخارج عن اهتمام المجلس بهموم المغترب ومعالجة قضاياه مشيرا إلى سعيهم لتسجيل المجلس كمنظمة مجتمع مدني بالإضافة إلى تسجيله في الإتحاد الأفريقي وجامعة الدول العربية ودعا إلى تكوين جالية سودانية بدولة جنوب السودان لما يمكن أن تلعبه من دور في الاستقرار بين البلدين وكشف عن ترتيبات لإنشاء بنك المغترب في المستقبل القريب.
|
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
رضيت منظمة المرأة السودانية بدعم سفارة الإنقاذ لهذا الفيلم المشبوه؟
هل الصمت علامة الرضى من التعامل مع سفارة الإنقاذ ومحسوبى النظام؟
لا نرضى لممثلات كبيرات ورائات مسرحيات مثل هذا الهبوط فالمسرح والسينما أدوات هامة لنشر الوعى والثقافة والسلام ...
كنا نتمنى ان نرى جزءا من مآسى نظام الإنقاذ... مذبحة أطفال العيلفون... مذبحة ميدان مصطفى محمود... حروب الجهاد ضد الجنوب وفصل الجنوب ومحارق التطهير العرقى فى دارفور وجبال النوبة والنيل الأزرق ومذابح كجبار وبورتسودان وهروب الملايين من النازحين واللاجئين وهروب اللاجئين الى اسرائيل وعصابات بيع الأعضاء البشرية... وأثر كل ذلك على اللاجئين الهاربين من جحيم الإنقاذ... كنا سنبكى لتلك المشاهد او القصص والذكريات وليس مع الممثلة القديرة تحية زروق وهى تبكى من أجل العودة الى السودان... من من المنفيين لا يريد العودة الى السودان؟؟؟ ولكن ليس الى سودان الإنقاذ... الوطن الذى اصبح طاردا ومهددا لسلامة أبنائه...
منظمة المرأة السودانية وهى تحتفل بممثلات الفيلم الكارثة....
دردشة مع تحية زروق و تماضر شيخ الدين/ واشنطون(فيديو) 2012/30/9
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Zomrawi Alweli)
|
الأستاذ نور الدين منان.
ما يسمى بالنادي السوداني بنيويورك، هو نادي للأخوان المسلمين السودانين ولبعض العناصر الإنتهازية بمنطقة نيويورك وولاية نيوجرسي.
المدعو عبد الرحيم منصور. هو شخصية إنتهازية معروفة تعمل في خدمة نظام الإنقاذ. ولقد كان في السودان، موخرا وهو يعمل بتنسيق تام مع المدعو كرار التهامي، رئيس جهاز تنظيم شئون السودانيين العاملين بالخارج. ويعمل أيضا هذا المشبوه مع ما يسمى ب المجلس الأعلى للجاليات في الخارج.
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Deng)
|
تشكر يا أستاذ نور الدين منان على هذا الطرح والذي أوافق عليه تماما فالفيلم، أو ما يسمى كذلك، والذي صبرت صبرا على مشاهدته لا يصلح أن يكون حتى موضوع تخرّج لطالب في المرحلة الثانوية ... شاهدت مثلا فيلما تسجيليا أعدته ابنتنا اسراء (ابنة د. اسماعيل علم المهدي عضو هذا البورد) وقد أعدته مع زميل لها وبأمكانيات مادية جد شحيحة .. كانت المادة التسجيلية، وهي عبارة عن مشروع تخرّج من الثانوية للجامعة، عن ظاهرة الحركات الإسلامية في أمريكا وقد قاما فيه بعمل من حيث البحث، التحليل، التصوير والإخراج وما الى ذلك من هذه الفنيات، يفوق هذا العمل المتواضع الذي نحن بصدده، بمقدر قد لا يقاس
وبمناسبة نجاح الأبناء الذين ساهم هذا النظام الظالم في تشريد آبائهم فيمكنني أن أحصي العشرات من الذين أعرف وقد نجحوا نجاحات بزت حتى الأمريكيين أنفسهم وكذلك فعل أباؤهم
تشكر يا أستاذ منان مرة أخرى وندعو لهذا النظام الظالم الجائر بالزوال ان شاء الله
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Deng)
|
الاستاذ دينق
سلام
Quote: أستاذ نور الدين منان.
ما يسمى بالنادي السوداني بنيويورك، هو نادي للأخوان المسلمين السودانين ولبعض العناصر الإنتهازية بمنطقة نيويورك وولاية نيوجرسي.
المدعو عبد الرحيم منصور. هو شخصية إنتهازية معروفة تعمل في خدمة نظام الإنقاذ. ولقد كان في السودان، موخرا وهو يعمل بتنسيق تام مع المدعو كرار التهامي، رئيس جهاز تنظيم شئون السودانيين العاملين بالخارج. ويعمل أيضا هذا المشبوه مع ما يسمى ب المجلس الأعلى للجاليات في الخارج. |
نعم سفارات الإنقاذ تسعى يائسة لفك طوق العزلة عن نظام الإنقاذ المخنوق ولها عملاء ومن بينهم لاجئون سياسيون وآخرين يعملون فى الميديكير ويزورون الفواتيرويسرقون الأموال ووقع بعضهم فى ايدى السلطات الأمريكية فى اكثر من ولاية وكثيرون منهم يعيشون على الضمان الإجتماعى (ويلفير) يعنى ياكلو خير الغرب ويحمدو الإنقاذ ... الإنقاذ يحاول بأمثال هؤلاء ان يسيطر على الجاليات وهم واهمون...
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: أسامة خلف الله مصطفى)
|
مع الاعتذار للأخوة المشاركين و مع كامل التقدير للأداء الرائع لتماضر و تحية زروق و علي مهدي و لكن..
الفيلم "التمثيلية" يعاني من امراض الدراما السودانية المستعصية من ناحية الحوار الذي يأتي دائما مبتورا
و سطحيا و من ناحية الاخراج و حركة الكاميرا و التركيز على مشاهد لا علاقة لها بموضوع الفيلم بشكل
اساسي و فوق كل ذلك الكلفتة التي تسم الاعمال السودانية و التي تؤدي لنهايات غير مبررة لا منطقيا و لا دراميا.
ثم أن الظواهر التي يفترض العمل رصدها و نقاشها هل هي ظواهر حقيقية موجودة ام أنها موجودة فقط في خيال
كاتب العمل و مخرجه؟ هل يرى السودانيون في امريكا و غيرها من المهاجر أن هذا العمل يعبر فعلا عنهم
و عن مشاكلهم؟ يجب أن نسمع منهم لنرى ما هو رأيهم في معرض تقييم هذا العمل.
غايتو لو أن هناك تقييم لهذا العمل فنا اعطيه اتنين من خمسة.
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
| Quote: أردت أن افتح بابا للحوار لتشريح هذا الفيلم الهابط والذى تقف وراءه سفارة حكومة الإنقاذ فى واشنطن وقنصليته فى نيويورك وبعض محاسيب الإنقاذ الذين يحاولون تجميل وجه نظام الإنقاذ القبيح ويستمتعون بخيرات الغرب... ليت هؤلاء يعودون الى السودان ويريحوننا بدلا من دعوة أبنائنا للعودة الى سودان الإنقاذ |
كلام فطير وبائس وتلفيق يدعو للغثيان
وخلط مريع بين معارضة النظام ومعارضة اى شى وكل شى لا لشى الا لفش غبينة مستحكمة فى صدر من كتب الكلام اعلاه
انا من اكثر البورداب علماً بكيفية حضور هؤلاء الاخوة ومن يقف وراءهم وكيف تم تصوير الفيلم
والمجهود المقدر الذى قام به المنتج الفنان الرائع المثابر الجاد الأخ جمال عبدالرحمن له التحية والتجلة
ولكل من ساهم فى انجاح هذا العمل والذى يفترض ان نشجعه
ولا ضير من نقد الفيلم من ناحية فنية وما الى ذلك
ولكن الافتراء والكذب وترويج الاشاعات تنم عن مرض عضال وتحتاج لوقفة من المتتداخلين قبل النيل من اخوة واخوات ممثلين سودانيين
يحاولون على الرغم من الصعاب وضيق الموارد المتاحة واحجام تام من اى جهة لتمويل مثل هذه الاعمال
وبعدين يعنى لو الانقاذ دمرت وشردت دا معناهو الناس ما ترجع للسودان وهو يعنى السودان دا بقى خلاص ملك خاص للانقاذ
والمتشدق المفترى المتحشر دينق كعادته بدأ فى توزيع التهم يمنةً وشمالاً كأنما هو ملك الوطنية
ياخى والله حيرتونا وحيرتو المعارضة زاتا وفعلاً عقول خاوية وضمائر ميته وضغائن يصعب التعامل معها
وخلاص بقيتو بتاعين نقد فنى علماء سياسة واجتماع ومنتجين افلام وتعلمون خائنة الأعين وما تخفى الصدور
التحية للمثلة الرائعة تحية زروق وقد تكبدت المشاق فى الحضور لنيويورك والتحية لدموعها الصادقة وحنينها الجارف للعودة لأرض الوطن الحبيبب
والتقدير كله للممثلة القديرة والتى لا يشق لها غبار الأخت البوردابية القوية صاحبة العقل الراجح والمقدرات الفائقة اللماحة الأصيلة تماضر شيخ الدين
وهى مازالت ممسكة بمقدرات عالية جداً وأداء ينم عن مقدرات كبيرة وتمكن رائع ويبدو ان وجودها بالولايات الأمريكية اضاف اليها رصيد امبر لما كانت تملكه من مقدرات ومعرفة فنية ممتازة
التحية لها وهى تطل عبر هذه العمل البسيط فى حجمه الكبير فى معناه تطل على المشاهد السودانى
وتؤكد للجميع بأن حواء الوطن ما زالت قادرة على الانجاب وبأن هذا الوطن عامر وملئ بطاقات ومواهب حقيقية فى انتظار ان تفتح لها الابواب فترسم
اجمل لوحة لوطن ما زال بكر بابنائه رغم الاحن والابتلاءات
لن اوفى اى من شارك فى هذا الفيلم حقه ، فلست بناقد فنى ولكننى اعلم حجم المشاكل والصعاب التى واجهعت الاخوة فى حلهم وترحالهم فى الولايات المتحدة الأمريكية لانجاز هذا العمل
ولا يفوتنى ان اشكر اخى وصديقى ورفيق الدرب الرجال الهمام حسن عيسى التيجانى على تزليل كل الصعاب امام هؤلاء الاخوة ومساهمته الجبارة فى ايواء وترحيل واعاشة كل التيم المشارك
ووقوفه بكل مروءة وتفانى فى خدمة جالية نيويورك وما جاورها وهو بالحق خير مثال للكرم والشهامة السودانية وهو بالتأكيد من اهم هؤلاء الاخوة الذين وقفوا خلف نجاح هذا العمل
عذراً اخى حسن اعلم تماماً بأنك لا تسعى لشهرة ولا تريد الاضواء ولكن مساهمتك فى انجاح هذا العمل السودانى ما كان لها ان تمر دون ذكر وخاصة امام هذا السيل الجارف من الافتراءات عن وقوف سفارة النظام
خلف هذا العمل
وليتها فعلت فأن للسودانيين حق عليها واذا ردت منه القليل فهو ليس منحه مع العلم بأن السفارة لم تقدم اى دعم لهؤلاء الفنانين كما اراد ان يصور صاحب البوست بأن الأمر امر ترويج من السفارة للعودة للسودان ومحاولة لتجميل وجه النظاك
MAN GIVE A BREAK ARE U SERIOUS
ولكنكم فوق كل شئ افاقين تميلون للكذب والافتراء
لنا عودة لمأدبة اللئام هذه
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: SAMIR IBRAHIM)
|
Quote:
كلام فطير وبائس وتلفيق يدعو للغثيان
وخلط مريع بين معارضة النظام ومعارضة اى شى وكل شى لا لشى الا لفش غبينة مستحكمة فى صدر من كتب الكلام اعلاه
انا من اكثر البورداب علماً بكيفية حضور هؤلاء الاخوة ومن يقف وراءهم وكيف تم تصوير الفيلم
والمجهود المقدر الذى قام به المنتج الفنان الرائع المثابر الجاد الأخ جمال عبدالرحمن له التحية والتجلة
ولكل من ساهم فى انجاح هذا العمل والذى يفترض ان نشجعه
ولا ضير من نقد الفيلم من ناحية فنية وما الى ذلك
ولكن الافتراء والكذب وترويج الاشاعات تنم عن مرض عضال وتحتاج لوقفة من المتتداخلين قبل النيل من اخوة واخوات ممثلين سودانيين
يحاولون على الرغم من الصعاب وضيق الموارد المتاحة واحجام تام من اى جهة لتمويل مثل هذه الاعمال
وبعدين يعنى لو الانقاذ دمرت وشردت دا معناهو الناس ما ترجع للسودان وهو يعنى السودان دا بقى خلاص ملك خاص للانقاذ
والمتشدق المفترى المتحشر دينق كعادته بدأ فى توزيع التهم يمنةً وشمالاً كأنما هو ملك الوطنية
ياخى والله حيرتونا وحيرتو المعارضة زاتا وفعلاً عقول خاوية وضمائر ميته وضغائن يصعب التعامل معها
وخلاص بقيتو بتاعين نقد فنى علماء سياسة واجتماع ومنتجين افلام وتعلمون خائنة الأعين وما تخفى الصدور
التحية للمثلة الرائعة تحية زروق وقد تكبدت المشاق فى الحضور لنيويورك والتحية لدموعها الصادقة وحنينها الجارف للعودة لأرض الوطن الحبيبب
والتقدير كله للممثلة القديرة والتى لا يشق لها غبار الأخت البوردابية القوية صاحبة العقل الراجح والمقدرات الفائقة اللماحة الأصيلة تماضر شيخ الدين
وهى مازالت ممسكة بمقدرات عالية جداً وأداء ينم عن مقدرات كبيرة وتمكن رائع ويبدو ان وجودها بالولايات الأمريكية اضاف اليها رصيد امبر لما كانت تملكه من مقدرات ومعرفة فنية ممتازة
التحية لها وهى تطل عبر هذه العمل البسيط فى حجمه الكبير فى معناه تطل على المشاهد السودانى
وتؤكد للجميع بأن حواء الوطن ما زالت قادرة على الانجاب وبأن هذا الوطن عامر وملئ بطاقات ومواهب حقيقية فى انتظار ان تفتح لها الابواب فترسم
اجمل لوحة لوطن ما زال بكر بابنائه رغم الاحن والابتلاءات
لن اوفى اى من شارك فى هذا الفيلم حقه ، فلست بناقد فنى ولكننى اعلم حجم المشاكل والصعاب التى واجهعت الاخوة فى حلهم وترحالهم فى الولايات المتحدة الأمريكية لانجاز هذا العمل
ولا يفوتنى ان اشكر اخى وصديقى ورفيق الدرب الرجال الهمام حسن عيسى التيجانى على تزليل كل الصعاب امام هؤلاء الاخوة ومساهمته الجبارة فى ايواء وترحيل واعاشة كل التيم المشارك
ووقوفه بكل مروءة وتفانى فى خدمة جالية نيويورك وما جاورها وهو بالحق خير مثال للكرم والشهامة السودانية وهو بالتأكيد من اهم هؤلاء الاخوة الذين وقفوا خلف نجاح هذا العمل
عذراً اخى حسن اعلم تماماً بأنك لا تسعى لشهرة ولا تريد الاضواء ولكن مساهمتك فى انجاح هذا العمل السودانى ما كان لها ان تمر دون ذكر وخاصة امام هذا السيل الجارف من الافتراءات عن وقوف سفارة النظام
خلف هذا العمل
وليتها فعلت فأن للسودانيين حق عليها واذا ردت منه القليل فهو ليس منحه مع العلم بأن السفارة لم تقدم اى دعم لهؤلاء الفنانين كما اراد ان يصور صاحب البوست بأن الأمر امر ترويج من السفارة للعودة للسودان ومحاولة لتجميل وجه النظاك
MAN GIVE A BREAK ARE U SERIOUS
ولكنكم فوق كل شئ افاقين تميلون للكذب والافتراء
لنا عودة لمأدبة اللئام هذه
|
الكوز المتخفي حسن حماد محمد.
أنا كنت متوقع حضورك لهذا البوست ولكي تقوم بالدور الــــقــــذر المرسوم لك بواسطة سفارة النظام المجرم.
هل هي صدفة أنك في ردك لم تشير بقريب أو ببعيد على لب الموضوع الذي طرحه الأستاذ نور دالدين منان؟
أكيد لا. لأنك بتقوم بدور مرسوم لك بواسطة مجرمي الإنقاذ، وأنت طبعا عندما زكرنا النادي السوداني الكيزاني بنيويورك راس السوط هبشك في حتة حساسة جدا.
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Deng)
|
عزيزى نورى
سلامات من جبال الدخان
مع احترامى وتقديرى للاخوات تماضر, وتحية زروق الا إن الفلم الذى شاهدناه
فلم ضعيف لايعكس حقيقه التحديات التى تواجهنا نحن كسودانيين اميركان او كمهاجرين سودانيين.
مثل أخرين, اعيش فى الولايات المتحده منذ23 عام, وعشت فى ولايات
مختلفه, وكأب لشابين فى المرحلةالثانويه, مسألة حوار الاجيال وصراع الحضارات موضوع يومى يتم تناوله بشكل مختلف تماما عن ماعكسه الفلم.
من الوضوح بمكان انعدام معرفة كاتب القصه, المنتج, والمخرج بالقوانين الماليه, وطبيعة عمل سوق الاوراق الماليه فى الولايات المتحده لذلك جاءت
المعالجه سطحيه ومشوهه لافلاس التاجر على مهدى.
فى ذمتك يانورى , وفى اميركا الينعرفهادى, شفت ليك سودانى فاتح بيته زى
حيشان امدرمان فى الخمسينات والستنينات, وكمان عنده طاهى متفرغ ?
مع ودى وتقديرى
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Deng)
|
Quote: سمير إبراهيم.
من حقك أن تنتقد الفيلم ومن حقك أيضا أن تنتقد جميع الممثلين والمشرفين عليه، ولكني أعيب عليك مخاطبة الممثلة تحية زروق بمثل هذه الطريقة |
عداك العيب يا دينق ..
الفنانة تحية زورق من خيرة ممثلات السودان خاصة عندما كنا صغار في حي بانت وحي البوسته علمونا اهلنا ان ننادي اي امرأه اكبر منا سنا بالخالة او خالتو ... والخالة تحية زروق كان لها مكانه خاصة في قلوبنا كفنانه وكانسانه تتمتع بشخصية بشوشه وابتسامه عريضه ... ربنا يطراك بالخير يا مجدي زروق .
المهم .. عشان الفيلم يكون واقعي لا بد من وضع الممثل المناسب في الشخصية المناسبة والدور المناسب ...
الفيلم يعكس واقع مختلف عن واقع اطفالنا في امريكا ... وللعلم عندما سافر اطفالي للسودان قبل سبع سنوات ما زالوا يتمنون ان نرحل نهائيا للسودان لان في السودان وجدوا ما لم يجدوه هنا في امريكا ... وجدوا الاسرة الكبيرة والحيشان الواسعة والبرندات والجري هنا وهناك وبحرية... اما نحن الذين هاجرنا من السودان ولكل منا سبب هجرته ما زلنا نرفض ان نعود ونستقر في السودان .... والفيلم حاول ان ينشر عكس الواقع الذي نعيشه والذي نحسه .
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: SAMIR IBRAHIM)
|
قد يغضب بعض الزملاء والأصدقاء من تناولنا لهذا الفيلم الهابط مجاملة كما فعل الزملاء والزميلات بمنظمة المرأة السودانية وهم يحتفلون بميلاد فيلم يسيئ اليهم والى نضالهم فى المنافى وهو ما اضر بالإبداع والعمل الملتزم لقضايا الشعب وكما فرحنا ودعمنا ابداعات الاستاذة تماضر فى اعمالها الجميلة التى قدمتها امام المنفيين واللاجئين ومن بينها "هومليس" الجن بتداوى .. كعبة الإندراوة فإننا نحزن وبقدر اكبر من سقوط الأيقونات فمثل هذا الفيلم الذى فوجئنا به كان بمثابة لطمة فى وجوهنا واحتقارا لعقول وذكاء الملايين من المنفيين واللاجئين السياسيين الذين حقق الكثيرون منهم وابناؤهم نجاحات وبزوا فيها أقرانهم الأمريكيين والقادمين من مختلف شعوب الأرض... إن لم ننتقد أنفسنا وننتقد بعضنا كما نفعل الآن فإننا سنحمل داء المجاملات معنا وسنقضى على كل جميل ... لقد حزنت من موقف منظمة المرأة السودانية وقائداتها وهن يحتفلن ويفرحن بعمل خططت له سفارة الإنقاذ بدهاء ومكر شديدين ...
هذا عمل عام خرج الى الناس ومن حق الناس ان يتقبلوه او ينتقدوه ونحن عندما ننتقد منظماتنا ورفاقنا فانما نسعى لتقويم ما نراه مختلا وليس عن طريق المكالمات اوالإيميلات لأنها ستحجب الحقائق عن الآخرين طالما خرج العمل الى النور فمن الواجب ان يتم الترحيب به او انتقاده فى العلن لذلك فإننى ارجو من الممثلاث القديرات تحية زروق وتماضر شيخ الدين وبقية الممثلين المحترمين وناشطات منظمة المرأة السودانية والناشط الهميم الاستاذ كوستاوى ان ينورونا بآرائهم حول فهمهم لهذا الفيلم الذى اعتبره مسيئا بكل المقاييس لإسهامات وعطاءات اللاجئين والمنفيين الذين يحققون النجاحات فى ميادين كثيرة ويشرفون السودان وسط الشعوب..
وشكرا لكل من ساهم مؤيدا او معترضا بالتعليق على هذا البوست ومحتواه..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: د.خالد اصيل احمد محمد)
|
مخرج الفيلم يشكر سفارة نظام الإنقاذ بواشنطن وقنصليتها بنيويورك والممثلون والممثلات !!!
ونظام الإنقاذ يقتل الشعب السودانى... صورة لشهداء شاوة جنوب شرق الفاشر .. نفرح ام نحزن؟؟؟
هل مازالت الدعوة للعودة لهذا الوطن المذبوح من الوريد الى الوريد قائمة؟؟
لم لا تعود الى سودان الإنقاذ يا أخى حسن حماد تنفيذا لرعبات مخرجكم وممثليه؟؟؟
حكومة الانقاذ ردت عليكم بسرعة ولم تجف دماء شهداء شاوة بعد والممثلون يحنون للعودة الى وطن مشوه وممزق!!!! ليعودوا إن أرادوا فليس هناك ما يمنعهم طالما السفارة تشكر فيهم... عجـــــــــــــــبى!!!!
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
من بداية ( التمثيلية ) من ما شفت الزول
البهلوان المطبلاتى اللابس ( طاقيا خدرا ) و عامل ليو
( شنبات ! ) بتاع إعلام المؤتمر الوطنى اللسمو
( على مهدى ! ) ده بطنى طمت ...
( التمثيليه ) سازجة و سطحية المضمون
و إظهر عليا ممموله من جهه لها أجندتها
الإعلامية و السياسية الإستغفالاتية المبطنة و التى
لا تفوت على كل ذو فطنةٍ أو له ذرة خبرة فى أساليب
العصابة و بقايا جبهجيتها و التى تحكم الخرطوم هذه الأيام
بأسلوب (الإتجاه الإسلامى ! ) و ( مؤتمرهم الوطنى ) ...
إستغلت فى العمل ( الخبيث ) و يا لللأسف بعض الأسماء المسرحية السودانية
و التى ربما عانت نفسها من جحيم الهوس الدينى الكيزانى
الإسلاموى الإنقاذى فى فترات سابقة ..
رسالة التمثيلية واضحة أيها السودانيون ( مهما ذهبتم فجحيم الإنقاذ
أهون لكم من التغرب و التشرد , لكم و لأبنائكم ) !!!
و التمثيلية لا اشك قدر أنملة من أنها ممولة من قبل النظام
و أجهزته الإستخبارتية ممثلةً فى سفارته و بعثته الدبلوماسية
فى واشنطون و نيويورك على وجه التحديد ...
...............
كل من عهد طريقة الكيزان و توابعهم يعرف طريقتهم ...
.........
سلامات سفيرنا العظيم نور الدين منان ...
و أنتم فى كل مره تكشفون أساليب هذه العصابة
المتسلطة فى الخرطوم و تمحورها و خداعها ...
تحياتى ...
و الموت و الدمار لنظام التصفية العنصرية
و القتلة و المجرمين و أزلام أمنجيته
بالخارج أو داخل بالخرطوم ...
عبدالماجد
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: سيف الدين مصطفى كرار)
|
زي ما قلنا لمن ينتقدون نص الصديق طه (فوضي جنسية على ضفاف النيل
برضو بى نقول هنا:
الإنتاج الابداعى ينتقد من داخله ،غض النظر عمن أنتجه، وبأدوات نقد الإبداع (لا بالأدوات السياسة
ولا الأخلاقية، ولا الدينية...)
إذا الناس عندها رأي فى تمويل الفلم وفى علاقات من يرتبطون بالفلم بالنظام(ممكن يفضحو دا ويبشعو بيه)
لكن نقدهم السياسي (لا يعني بأي حال حكماً على جودة أو هزال الفلم).
أتركوا نقد الأفلام أيها السياسيين (إلا لو تناولتوها بمفاهيم النقد لا بمفاهيم السياسة)
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Ahmed musa)
|
اولا تحيه واحتراما
لكل المشاركين هنا....
انا ردي حايكون شهاده فقط لاغير علي كيفية انتاج الفيلم ومن اين بدأت الفكرة...
ملحوظه لصاحب البوست الاستاذ منان...(كل ما اعرفه عنك انك في يوما ما كنت سفيرا للسودان..فيهم من لجأ وفيهم من جاء للتعليم علي حساب الحكومه وقتها..وانت اصبحت سفيرا علي هؤلاء المهاجرين ام المغتربين وقتها او كما يسميها الناس...
عذرا..الاسلوب لايشبه سفيرا كان من المفترض ان يحل مشاكل السودانيين وتمثيلهم ايما تمثيل...ولكن هو ذا..انت تري ونحن لنا حق القبول او الاختلاف....
بالنسبه للشاب الذكر اسم تحيه زروق بهذه الفوضه وعدم الاحترام..يجب عليه الاعتذار فورا لما بدر منه
اكرر
واكرر
يجب عليك الاعتذار لما بدر منك..كونك تذكر اسم تحيه زروق بهذه الطريقه الغير محترمه في حقها كممثله لها تاريخ (بل كانت من النساء الحفرن في الصخر لتخرج الممثله السودانيه للحياةبدون ان ينظر لها (المتخلفين) ان الممثله في السودان ماهي الا (داعره او خراجه عن القانون الاجتماعي) او ماعندنا بت بتمثل....
فاليصبح البوست هادفا ان كان فاتحه او صاحبه يدعو فقط للفت نظر يخص الدراما وليس السياسه...
لي عوده لشرح قصه الفيلم الذي كنت سببا في كتابته ومتابعته.....
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: عليش)
|
..
بعد الفيديو ده تحديدا...قال الكاتب في رساله بالفيسبوك(والله كلام تحيه ده حرقني لمن بكيت).
انا حاكتب ليها فيلم عشان ترجع لينا بيهو للدراما...
وحصل...
بدا الكاتب في كتابه الفيلم علما بانو متواجد بالسودان وماعندو اي علاقه بامريكا...
طال الحوار بيني وبينه حتي يتمكن من شحن مخيلته بالمضاهد والصور عسي ولعل ان يبدأ في تصوره الخاص لرسم وكتابه القصه..ومن ثم الشخصيات....
-قطع-
مشهد اخر:
في الوقت الكان قصي السماني..(الكاتب) وهو لمن لايعرفه...هو من مؤسسي فرقة الوان الطيف السوداني التي كانت تغني للاطفال في ثمانينات القرن المضي...ومعه زميل البورد(احمد موسي المحامي) والشاعر امين صديق والعازف والملحن الشبلي)..والمخرج الشاب (لؤي حامد)...
في الوكقت الذي كان يكتب في النص..تصادف ان الفنان جمال عبدالرحمن(صاحب شركه خزف للانتاج) قد قرر الحضور لامريكا للمرة الثانيه لعمل مسرحي قد التزم به في المره السابقه بان يحضر بمسرحيه مره اخري في شهر اغسطس...ولعدم تمكن كل المجموعه للحضور لارتباطات شخصيه..اقترح الكاتب علي صاحب الشركه(جمال) ان لايضيعوا فرصه الفيزا..وان يسجلوا فيلما تلفزيونيا بدأ يكتبه فعلا...
اقتنع صاحب الشركه بالفكره وبدأ التنفيذ والتجهيز للمشروع:
-قطع-
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد علي البصير)
|
| Quote: أتركوا نقد الأفلام أيها السياسيين (إلا لو تناولتوها بمفاهيم النقد لا بمفاهيم السياسة) |
شكرا ياعيدروس للوجز...
السياسيون المقيمون في بلاد العم سام....الا يكفي ان مجملكم صافح ايادي النظام بل واكل من خيرات انجيرته؟
الا يكفي وان مطعم معزه اصبح بيت الاشباح الذي يتوفر فيه قزاز الخيبه والخطيئه...؟
الا يكفي ان يتكرر المشهد وان كان بالصدفه....؟
والله ماعرفنا منو البشيل هم الشعب زي ماقلتو بموت في دارفور.....
هو كان الساسه فضو من دعوات العشاءات الليليه واتحدوا للوقوف ضد النظام؟لكان النظام زمااان ولي غباره...
بعدين شكرا بكري ابوبكر....
كلما تجي اساءه للفن واهله؟ترفع البوست فوق...والغريبه البوستات المهمه ماتترفع...
ياربي الاستاذ منان ده شايفو جاب سيرة التلفونات التحت تحت والايميلات...يكون رسل ليك ايميل ولا ضرب ليك تلفون عشان يبهدل الناس كده...
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Ahmed musa)
|
الاخ حسن حامد كتبت:
Quote: وليتها فعلت فأن للسودانيين حق عليها واذا ردت منه القليل فهو ليس منحه مع العلم بأن السفارة لم تقدم اى دعم لهؤلاء الفنانين كما اراد ان يصور صاحب البوست بأن الأمر امر ترويج من السفارة للعودة للسودان ومحاولة لتجميل وجه النظاك
|
بس براحة كده اشرح لي ليه الشكر للسفارة السودانيةفى نهاية الفيلم ؟؟
تعرف شخصيا شاهدت العمل اولا اقدر جدا حالة اجترار الذاكرة والشوق خاصة عند
لقاء الفنانة تحية زروق بالفنان على مهدي و الفنانة تماضر حالة شوق لزمن كان
فيهو محاولة جادة لخلق دراما سودانية مستمرة. وفي تقديري سيطرة العاطفة والحالة
على فكرة العمل فى حد ذاته. ومن هنا بدأ الخطا وعليك ان تتصور الباقي ما محتاج
لتحليل وتفكيك. . قضايا الوطن لا تعلوها اي اعتبارات ولا حتى شوق سنين جواهو احلام انقضت واخرى تنتظر!!
السنجك
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
ما داير اقول كلام كتير وباختصار كانطباع اولى ومن زاويه فنّيه فقط
شخصياً اشجع اهل الفن والابداع طالما الاساس فى العمل الفنى موجه من اجل الانسان واتحافه بالابداعات
ولكن المواقف والمبادىء الاساسية لاخلاق الفنان يجب ان تكون مبنيه على حب الحرية وتساوى الحقوق على جميع البشر خصوصاً فى الوطن الواحد
كان يمكن ان اؤيد دعم السفارة للفن واهله اذا كانت تعمل بمبداء المساواة فى الحقوق للفنانيين والسودانيين عموماً كمواطنيين وليس كمنتمين او موالين لحزب المؤتمر الوطنى
ولكن هيهات النظام الكيزانى وبواسطه سفارته يلاحقون السودانيين الشرفاء حتى فى خارج الوطن ويسخر الاموال الطائلة ليركز لنفسه ارضية واضعاف المعارضة بين سودانيي المهجر للاسف
استراتيجية الكيزان الجديده هى الدفع باموال الشعب لمن يبيع فنه للتغنى والتغريد ولتنفيذ اجندته وسياساته الاقصائية والظالمة لان السودانى فنان ذواق بطبيعة فطرية ينساق وراء كل ماهو فن وابداع
يجتهد الفنان من اجل يقدم ابداعاته فيتم اصطياده دونما يدرى ليغرد فى سرب النظام ومن ثم يتم رميه عظماً فى نهاية العمر والمطاف بلا ماضى حافل بلا مواقف بلا مبادىء
فمتى يتعظ الفنانين ويراجع حسابات المبادىء والاخلاقيات الفنية
العمل هو برغم كل السلبيات حوله اعتيره سابقة جيده للانطلاق نحو تجويد اعمال فنية على مستوى جيد ووهو خير من صمة الخشم وتحية خاصة لكل الرواد المبدعين وكل الفنانيين المشاركين
المخرج ابوبكر الشيخ شاب مبدع وطموح ظهر بقوة وبسرعة ويستحق الاشاده به كفنان بعيداً عن ايديوليجياته وقناعاته السياسية فله منّة تحية خاصة
وان وجدنا الوقت سنقوم بالنقد الوافى
المخرج ابوبكر الشيخ والعملاقتان تحية زروق وتماضر شيخ الدين
بدون تعليق
الصور من صفحة المخرج ابوبكر الشيخ على الفيسبوك http://www.facebook.com/pages/%D8%A7%D9%84%D8...8%AE/314955271872360
ولكل مجتهد نصيب
===========
تحياتى للجميع
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
Quote: بعدين شكرا بكري ابوبكر....
كلما تجي اساءه للفن واهله؟ترفع البوست فوق... |
والله يا عليش ده المحيرني
شنو هسع في البوست ده يستحق الرفع ؟
هل هي الإساءة للمبدعين ؟؟
بعدين فترنا من فتح البوست عشان نشوف جديد
نلقى الناس كلها واقفة في قصة السفارة
اها يعني هسع لو قعد المونيتير وغير الكابشنس تبع الفيلم ببقى سمح ؟
بعدين مايجي زول يقول لي ليه ماكتب عن معكسر العيلفون او شهداء شاوة
ده كاتب داير يكتب عن قضية محددة نقول ليه لا انت مفروض كان ..؟!!!
النقد مفروض يناقش الفيلم المعروض موش الفيلم الفي خيال الناس
بعدين انا ككاتب ممكن اتناول تفصيلة صغيرة جدا في موضوع كبير واشتغل فيها
مافاي ناقد بقول لكاتب ليه انتي ما كتبت عن دي ولا عن ديك
السؤال الهام : هسع الناس البتناقش فوق دي كلها وبصراحة هل فيها متخصص نقد
ولا كلهم تخصص سياسة منابر ..؟!!!
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Tumadir)
|
Quote: لا شفت سفير لا اتفقت مع سفير لا في سفير دفع لي قروش لا أعرف صرفا ولا عدلا عن السفارة دي...بالمناسبة القوش: انا في التلاتة اسابيع الغبتها من شغلي دي بعمل تلاتة أو أربعة اضعاف القروش الاستلنتها من جمال عبد الرحمن ...فخيالكم ما يمشي لأابعد من كده ...جمال قال لينا أنا بدفع ليكم بقروش السودان، هههه يعني مصاريف جيب...يللا حكموا عقلكم ...الزول لمن (يسقط) ويرتمي في أحضان النظام..زي ما بتقولوا بكون داير يكسب حاجة صاح؟؟؟ ما في حاجة)
فأرجوك بالله يا منان تحل عني ...دي ما شيمي أنا شخصيا، لو السفير احتفل بالناس ديل ...دي حاجة كانت برة دائرة معرفتي وكل زول مخير في نفسو، ما يهمني هو الدراما والعمل الابداعي
المهم الناس ديل شالوا كاميراتهم ومشوا السودان: وطلعوا ليكم الشغل الشفتوه ده، أنا كممثلة راضية عن نفسي، وشاكرة المؤلف عشان أتاح لي فرصة التدخل في النص، ولو المخرج أصر على النص المكتوب أها الباقي ده أنا ما مسؤلة منه
الشكر موصول للجميع تاني. |
اوفيتى وكفيتى ايتها العملاقة تماضر بنت الشيخ جبريل
وابداً ماخاب الظن فيك
وزى ماقا ل لو اعيش زول ليهو قيمة واسعد الناس بى وجودى
تحية واحتراماً لكما فنانينا العمالقة اصحاب المواقف والمبادىء
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
Quote: اوفيتى وكفيتى ايتها العملاقة تماضر بنت الشيخ جبريل
وابداً ماخاب الظن فيك
وزى ماقا ل لو اعيش زول ليهو قيمة واسعد الناس بى وجودى
تحية واحتراماً لكما فنانينا العمالقة اصحاب المواقف والمبادى |
لافض فوك زميلنا محمد
وتحية خاصة من القلب للعملاقة تحية زروق
يعاني الانتاج الفني
في السودان من الشح وانعدام الامكانيات والتشجيع
قارن بين السودان وجيرانه
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Elmosley)
|
منان سلام
أشكرك جدا جدا ..فلولاك ما كان عرفت أبدا بالفيلم للأسف ماعندي قناة الشروق و..حاجات تانية ما خلتني مواكبة في أيام العيد ..
فيلم بدون أي مجاملة خطوة اولى وبداية جميلة لسينما سودانية والأخطاء تعالج بالتراكم ..والاحتفاء ببدايات زي واجب وطني عديييل ..
تحية زروق ياخ أنت معجونة بالابداع ..مدهشة جد جد ومثالة لمن بتخلي الزول اتحسر ويقول خساااارتك يا أحلى تحية ..
تماضر شيخ الدين قطعة سكر وتلقائية محببة لا تقل إن لم تتفوق على عبلة كامل ..، أسفة للمقارنة الفرضت نفسها لكنك ذكرتيني بيها ..
علي مهدي ..ما بتذكر أني شفت ليك عمل لفت انتباهي زي ده في لقطات حزن وحسرة كدة كانت مبالغة جد ..
ثلاثتكم مدرسة ماهينة نهاااائي ..
وعليش وباقي العقد الفريد والبنوتات الامورات ربنا يسدد خطاكم وما تقيفوا دي البداية ..
ما عايزة اتكلم عن السلبيات لانه الاحباط ما حببابو وجربوا أنتو يا الحلوين ونجيكم نحن بالأعذار ....يا ناس أنتو قاااادرين تظهروا نفسكم في الدنيا المفتوحة دي ..ما تتواضعوا ، وما تخلوا الامكانيات تهزكم ..، واهم ما في التجربة دي أنها بتقول أنو ما شرط الممثل السوداني لو أتحاصر داخل بلدو أو كانت البيئة طاردة وغير محفزة أنو يقيف ما في حد بقدر يمنع الابداع في أي مكان في الدنيا ..
عن نفسي فخورة بيكم شدييييد ..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: داليا حافظ)
|
الاستاذ منان :
بغض النظر عن موضوع السفارة والذي اوضحته الفنانة تماضر ، ليس في الفيلم ما يسيء لأحد كائنا من كان ، ليس مطلوبا من الفنون الابداعية بشكل عام ان تقتصر علي مشاكل الناس وهمومهم فمجالها واسع جدا ، نطاق عريض يبتدئ من العمل الواقعي ويمتد حتى يصل لفانتازيا لا صله لها بما يجري في العالم ، والفيلم تناول ظاهرة معينة في فضاء مكاني وثقافي معين بغض النظر عن نجاحه من عدمه ، ولذا لا يمكننا مطالبة الكاتب بأن يتوسع ويشمل اشياء اخرى في عمله الذي كتبه وفق فكرة معينة ، لا يمكن ان نملى على احد ماذا يكتب او على الفنان ماذا يمثل وإلا لما صار هناك كتاب ولا ممثلين . والذين تناولوا الموضوع بالنقد من هذه الزاوية الشبيهة جدا بالفهم الماركسي للادب والفن ارى انهم لم يحالفهم التوفيق .. كان يمكن تفهم موقفكم لو اساء الفيلم لفئة او شريحة ما ..
تحياتي جميعا
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Abdullah Idrees)
|
الاعزاء قراء البوست:
كتبت مساهمتي الفائتة في هذا الصباح قبل الخروج للعمل ..
وبعد الانتهاء من الاستعداد جئت لمتابعة الردود ..
فلاحظت ان القراء كانوا أكثر من ميتين قاريء وهذا ممتازأى أن القراء مهتمين بهذه المشاركة ولكن لاحظت أن بها عدة أخطاء املائية..فاعتذر عنها وأو عدكم بمراجعتها بعد عودتي من الشغل الليلة بعد الظهر فأرجو السماح ..
وشكرا لمن يحسن بي الظن
ملاحظة: كان هناك فريق دراما زائر ..وهم مسرح البقعة ..رئيسهم على مهدي، وكانت لهم جولات أخرى لم تكن ضمن دائرة عملي مع فريق الفيلم ...فأرجو تضمين هذه المعلومة للمساهمة المذكورة.
أجيكم بعدين
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: النذير حجازي)
|
الاستاذة والممثلة القديرة تماضر
تحية طيبة
لقد سبق وان كتبت رأيي في الفلم في البوست الآخر الذي كتبه الاستاذ عبد الرحيم منصور.ز
وهنا قرأت الانتقادات التي كتبها الاستاذ نور الدين منان وبعض الأخوة من اعضاء المنبر.. واخيرا قرأنا ما كتبتيه انتي.. فبحق وحقيقة اوفيتي وكفيتي ووضعتي النقاط فوق الحروف.. وجزاك الله خير
والله يديكي العافية والصحة..
تخريمة:
والله انا زيك : الولاية الإسمها ماسوشوتس.. لغاية هسع ما قادرة اكتبها ولا انطقها.. واذا كنت بتونس مع ناس وجات سيرة الولاية دي بحاول اتفادى نطقها وبقول الولاية العاصمتها بوسطن او الولاية الفيها جامعة هارفارد..( وجه ضاحك)
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: اميرة السيد)
|
| Quote: من حقك أن تنتقد الفيلم ومن حقك أيضا أن تنتقد جميع الممثلين والمشرفين عليه، ولكني أعيب عليك مخاطبة الممثلة تحية زروق بمثل هذه الطريقة. |
,,,,,,,,,,,,,,,,,,,
عزيزي دينق
يعجبني فيك يا استاذ دينق انك عندك اشراقات حتى في الانتقاد زي الكلام المنطقي الكتبته فوق .. وفعلا عيب، كما قلت، ان يُقال في الممثلة العظيمة والقديرة تحية زروق هذا الكلام الجارح ,, لأن من المفترض ان يكون الانتقاد منصب على الأداء فقط وليس على الشخصية ذاتها.. فالاستاذة القديرة تحية زروق والتي يعترف لها الجميع بمقدرتها الفذة في التمثيل كانت يمكن لها ان تدفع بمجال التمثيل في السودان إلى الأمام لولا هجرتها إلى الخارج .. وفعلا شعرنا ان دموعها صادقة من القلب وهي تذرف الدمع بانها راجعة راجعة .. فنسأل الله ان يرد غربتها وتكون الشعلة المضيئة في مسيرة التمثيل الفلمي والتمثيل المسرحي في السودان..
والله يديك العافية
(عدل بواسطة اميرة السيد on 11-05-2012, 04:49 PM)
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: النذير حجازي)
|
التحيه للجميع ..
كتبنا رائينا عن الفيلم ولم نكن نعرف ان للسفاره يد فيه .. العمل جيد ووصفنه بالرائع لاني اود ان اشجع الفن السوداني ..
موقفنا من الانقاذ واضح جدا ..
شكرا للفنانه تماضر علي التوضيح ..وانا اود ان اعرف ما كان دور السفاره في العمل الفني لو هنالك اجابه ..
بالمناسبه انا اصدق الفنانه تماضر في كل كلمه كتبتها هنا وهذا للمعلوميه ..
اود ان اري الامور علي خير ما تكون بين الاستاذ منان والفنانه تماضر لان في اتحادهم خير للسودان ولقضيته ..
شئ اخير ..
في موضوع الفن انا لا ناقي لي ولاجمل وقلت رائ من واقع حبي لكل ماهو سوداني ولا اظن ان عمل درامي واحد سوف يعكس
التجربه السودانيه الحياتيه في امريكا .....
محب ..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: النذير حجازي)
|
أولاً أنا ضد تقييم الفيلم من ناحية سياسية و لا أعتقد أن الفيلم أساء لأحد
نقدي للفيلم ( كمشاهد عشان ما يجي زول يقول لي أنت الفهمكـ شنو في النقد  ) إنو ما أختلف كتير عن الدراما القاعدين نشوفها في القنوات السودانية حالياً بل بالعكس الدراما في السودان أتطورت جداً من ناحية الإنتاج و التصوير و أداء الممثلين و دي حقيقة لا ينكرها إلا مكابر لكن الفيلم حقيقة كان أقل مما يقدم حالياً و على قناة الشروق نفسها.
أعتقد و الله أعلم من خلال سرد الأخ عليش و الأستاذة تماضر شيخ الدين أن المشكلة الرئيسية في الفيلم ده كانت ( الكلفتة) يعني أساساً الفلم أتكتب من أجل عودة الأستاذة تحية زروق لمعجبيها و ليس من أجل مناقشة قضية الهجرة حسب رواية الأخ عليش و تم التصوير في ايام معدودات و بكلفتة السودانيين المعهودة حسب كلام الأستاذة تماضر لذلك جاء الفيلم على هذا النحو الأقل من ما كان يتوقع المشاهد قياساً بمكان التصوير و أسماء النجوم المشاركين.
عموماً هي خطوة جيدة نحو دراما سودانية متطورة و مجرد المحاولة يجب أن نقوم بتقديرها خير تقدير
التحية لكل من شارك في هذا العمل
* كسرة للأستاذة تماضر شيخ الدين:
لما كنت في مدرسة الخرطوم الأميرية المتوسطة بذكر جيتينا زيارة في الفصل و مثلنا أسكتش قدامك و كنت لابسة توب أبيض و قاعدة في كرسي خيزران و بتضحكي , أنا بتذكر المشهد ده بتفاصيلو و كأنو حصل أمبارح .... بعد ما شاهدت الفيلم أكتشفت إنو ما أتغير فيكـ أي شئ أنت كما أنت بنفس الإبتسامة اللطيفة
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
| Quote: مخرج : يا خالتو تحية زروق كبرتي لمن شبعتي كبر !!! ودرو الام خيالي شويه .. لو كان مثلتي دور حبوبة امنيه كان الموضوع يكون مهضوم شويه!!!! |
أسخف تعليق فى العام 2013 بدون منازع
مع أحترامى الكبير لمجهودات وموهبة الثنائى تحية زروق وتماضر شيخ والشابتين الواعدتين .. الفلم يعانى من ضعف الدراما السودانية كما علق ب؛د الأخوان .. تحديداً الحبكة والسيناريو .. بالنسبة للتصور يتضح ضعف الإمكانيات المادية والأخراج
أما عن الخيانة السياسية .. أعتقد إنها فرقعة أعلامية غير مسئولة
وطلعتى خاينة يا تماضر آخر الزمن .. حاشاك والله
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: رأفت ميلاد)
|
لتماضر وتحية وعلى مهدى اجمل التحايا والتقدير
كمشاهد عادى رغم بعض الهنات فى الفلم الا انه خطوة تستحق التقدير والاحترام
المحيرنى فى الدنيا دى
لو المغتربين اتمنوا العودة للسودان وبكوا هل هذه جريمة تستحق الصلب؟؟
وهل السودان ملك حر لحكومة الانقاذ وتوابعها؟؟؟
هل وجود الانقاذ على سدة الحكم يمنع المغتربين من التفكير فى الرجوع للوطن؟؟
غايتو الفهم قسم وانا وحات ربى فهمى بقى تقيل قدر ما دورتها فى راسى المدوقس دا ابدا تتفهم
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: امينة عيسى)
|
الأستاذ والأخ الحبيب نور الدين ..
سلامات .. وكل عام وأنتم بخير ..
حقيقة .. قد شاهدت الفيلم .. بل وأعجبت به جداً ..
بل انه يعكس ويجسم شعورنا نحن المهاجرين ..
وطريقة تفكير أبنائنا .. وبناتنا ..
ولم أجد فيه البتة شيئاً مسيئاً لنا كمهاجرين سودانيين بالخارج ..
ومن هذا المنطلق ، أرجو ان أهنىء الفنانة والممثلة القديرة .. تحية زروق ..
ممثلة السودان الأولى .. أيام الزمن الجميل ..
وأيضاً الفنانة والأخت الغالية لقلوبنا الفنانة تماضر .. الرب يباركهما
على جهودهما .. ولنقول لهما الى الأمام .. فى أعمال جيدة أخرى ..
سلام مرة أخرى ..
أخوكم وعمكم العجوز ..
ارنست ارجانوس جبران
+++
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Tumadir)
|
Quote: فترانة ما بقدر أصحح ولا أرد
المهم بشكر الناس الفهموني ووقع ليهم كلامي
وبشكر التانيين كمان على اتهامهم اقصد اهتمامهم
انا ذاتي البقاني ممثلة سودانية شنو، حسة أمشي اتقلب ممثلة صومالية ولا ايرلندية
واخلص من الشقاوة دي
الزول يمثل ولا يرد؟
هههههههههه
تصبحوا على خير |
نومي نومك يا تماضر و املي جفنيك نوم ...
الكبير حيظل كبير ...
وبعدين انت القاليك انك ممثله سودانية منو ؟؟؟
بالله طلب لكل " المجاملين " ... لانو السودانيين مجاملين لحد الطيابه ...
الطلب هو فرز الكيمان ... ممكن تبعدو لي تحية و تماضر شوية علي جهة ... وتبعدو لي منهم علي مهدي ده ؟؟؟؟
يعني ما لازم عشان هو البطل ؟؟؟؟ ...
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: يحي قباني)
|
لم احضر الفلم بعد واسعد بأي انتاج سوداني لانه بيسهم في تراكم التجارب
واعتقد ان الفنانة الشاملة تماضر ممكن لو توفر لها التمويل تخرج فلم سوداني
رقم في تأريخ الفن السوداني مثل مسرحيتها حفل على الخاذوق التي اشهد انها من اروع ما اخرج في كل الدبلومات
وتماضر مخرجة عبقرية
منان لديه موت ضمير وهلاويس ولوثة عداء للسفارة وكذاب يشار اليه بالبنان ويجب ربطه في اقرب كراع عنقريب ان وجد
بوستك مخستك ذي معارضتك قرو اب ياخي واكت يور ايج فكونا من المراهقة الفكرية دي
فلم دا ولا حصة انشاء يحدد الناس سير أحداث فيها مشكلتكم يا سودانيين عويصة بالجد
التحية لتحيةزروق وتماضر شيخ الدين نساء باسقات وذكيات سطرن اسمهن بأحرف من نو ر في تأريخالفن السوداني
وعلىمنان ان يعتذر للجميع عن كذبه في هذا البوست
ومافي تاني كذبة تفوت ولا حد يموت حتى ينظف هذا المكان من الافاكين وتجار القضايا
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
Quote: و إظهر عليا ممموله من جهه لها أجندتها
الإعلامية و السياسية الإستغفالاتية المبطنة |
يبدو انو من كتب البوست برضو بانى كل كلامو على حكاية اظهر عليا دى زاتا
الحتة دى حلوة شديد ، يعنى خلاص المشنقة العملتوها للجماعة ديل مبنية على حتة اظهر عليها دى
ياخوى قبل ما تظلم ليك زول اتحرى الدقة وتأكد من المعلومة وما تبنى احكامك على افتراضات وتخمينات
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: حسن حماد محمد)
|
اعود للتعليق على الفيلم السودانى الذى تقف من ورائه سفارة الإنقاذ وهو موثق وبالصورة والفيديو
تقول الاستاذة تماضر شيخ الدين:
Quote: كممثلة أولا ( وقبل أن أكون بوردابية زيكم) أود أن أشكر المشاهدين الأفاضل الذين عبروا عن اعجابهم بطريقة أدائي وانتبهوا الى الطابع الذي انتهجته في هذا العمل، واشكر بالنيابة عن توحة وجميع المشاركين في العمل ملاحظاتهم المفيدة واطراةهم ..وابتهاجهم بظهورنا بعد غياب طويل.
والشكر لمن قدم نقدا موضوعيا وملاحظات مفيدة عن العمل فهذا هو منار الفنان الذي يمشى على هديه ابدااااااااااااا.
اعلاه هو الايميل الذي أرسلته للسيد منان ...حتى لا تسرح خيالات الناس وتتصور ما هو ليس في الحسبان )......حقيقة شاعرة بالذنب من عدم مواساتي لاصدقاء كثر هنا ..فقدوا اعزاء لهم... او عدم تهنئتي لاصدقاء كثر في أفراحهم . فلم أرد الدخول للبورد (هكذا) ..قلت أشرح لنور الدين منان قصتنا مع هذا الفيلم التي ليست من بعيد أو قريب ما صوره هنا ...واعطه الفرصة لتغيير مسار بوسته المؤسف.)
لكن شكرا لك كثيرا على هذا الاسلوب الذي هو أقرب (للمطاعنة) منه الى البحث عن الحقائق... |
اين المطاعنة؟ هذه المنظمة هللنا لقيامها ووقفنا معها منذ لحظة ميلادها ولكن عندما نرى انها اقتربت من نظام الإنقاذ وسفاراتها فسوف ننتقدها وإن لم تحترم من وقفوا معها فسوف نبتعد عنها وهذا حق طبيعى لا مطاعنة فيه ولكنك حاولت استعداء المنظمة وإثارتها ضد انتقادى لها... وهذا فهم ساذج فقد انتقدت ترحيب المنظمة بفيلم تقف وراءه سفارة الإنقاذ والمنظمة قامت اصلا لمناهضة نظام يسيئ اولا للمرأة السودانية...
وتضيف الاستاذة تماضر:
Quote:
النقطة الثانية والتي يمكن أن تكون هامشية ولكنها تعبر فعلا عن (سوء الفهم) ومحاولة تسميم الأجواء في موضوع (منظمة المرأة السودانية الأمريكية) ...كنت أنا من اتصل ببعض العضوات ليتم تكريم الاستاذة تحية زروق، قلت على الأقل شيء خير من لا شيء من اجل امرأة سودانية فنانة ..أسالت مشاعرها في الراديو والتلفزيون ...والمسرح لزمن طويل، وانتهى بها الأمر مكتئبة وبعيدة عن الانظار تشكو من الوحدة والاجحاف. كتر خيرهم ما قصروا في الاحتفال بيها وده واجبنا كنسوان نحو النسوان المعطاءات مثل تحية زروق...
|
وتقول الاستاذة تماضر:
Quote: مافي سفارة.
لا شفت سفير لا اتفقت مع سفير لا في سفير دفع لي قروش لا أعرف صرفا ولا عدلا عن السفارة دي...بالمناسبة القوش: انا في التلاتة اسابيع الغبتها من شغلي دي بعمل تلاتة أو أربعة اضعاف القروش الاستلنتها من جمال عبد الرحمن ...فخيالكم ما يمشي لأابعد من كده ...جمال قال لينا أنا بدفع ليكم بقروش السودان، هههه يعني مصاريف جيب...يللا حكموا عقلكم ...الزول لمن (يسقط) ويرتمي في أحضان النظام..زي ما بتقولوا بكون داير يكسب حاجة صاح؟؟؟ ما في حاجة)
فأرجوك بالله يا منان تحل عني ...دي ما شيمي أنا شخصيا، لو السفير احتفل بالناس ديل ...دي حاجة كانت برة دائرة معرفتي وكل زول مخير في نفسو، ما يهمني هو الدراما والعمل الابداعي |
تعليق: (فأرجوك يا منان تحل عنى!!!! معقولة هذه اللغة يا استاذة تماضر من فنانة فى حجمك؟؟ هل تؤكدين لنا بذلك سقوطك فى فخ سفارة الإنقاذ والكيزان ومحاسيب النظام العاملين فى الفيلم وفى الإخراج؟؟؟؟ هذه لغة لا نقبلها من فنانة تحترم نفسها وتحترم لغتها مع الآخرين...
إذا اعتبرنا شكر مخرج الفيلم لكل من ساعد فى الإخراج وعمل الفيلم كسفارة الإنقاذ وقنصلية الإنقاذ أمرا معيبا ومشينا فما هو رأيك فى ذلك وهل ترضين العمل مع سفارة الإنقاذ او تقبلين مساعدة منها ومن أعوان النظام الغاشم الذى هربت منه كلاجئة سياسية الى امريكا وهل انتهت أسباب المقاطعة وبدأت مرحلة التطبيع ام انك كنت مخدوعة؟؟؟؟
إننا يا استاذة تماضر لا نكرهك بل نحب فنك الراقى والملتزم جانب الجماهير والغبش والمهمشين الذين مثلت لهم أعظم وأحلى أدوارك (سودان أفنيو)... لا تركبى رأسك وتقولى : حل عنى فنحن نقف مع المبدعين والذين يحترمون الفن الراقى ونكره الإسفاف والمتاجرة بالفن من أجل الفن وسنحترمك أكثر وأكثر عندما تقومين بأدوار عظيمة كأدوارك السابقة ولكننا سننتقدك بصراحة ووضوح إذا لم يعجبنا عملك وهذا حق عام ومن حق الجمهور ان يمدح او ينتقد عملك او عمل أى فنان وهذه قاعدة ذهبية فى اى عمل عام يخرج الى الجمهور..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
صلنى ما يلى من الزميل وسام على ايميلى:
Quote:
السؤال المطروح ولم يجد اجابة حتي الان ماهي علاقة سفارة النظام بهذا الفلم؟ اشارة الاستاذ المناضل منان لهذا الامر نابعة من تجارب عديدة فهو ادري بكل اساليب الكيزان الخبيثة في محاولاتهم البائسة في كسر طوق العزلة من حولهم بعد ان لفظهم الجميع عدا بعض ضعاف النفوس من الانتهازيين والوصوليين..
فالشبهات حول هذا العمل واردة للاسباب الاتية;
١.الاشارة الواضحة بتقديم الشكرلسفارة النظام في واشنطون ولمن يمثلهم في نيويورك وهي اشارة غريبة تثير كثيرا من الشكوك والشبهات..ولم يجب علي هذا السؤال حتي الان لماذا تم تقديم الشكر لسفارة النظام وماذا قدموا لكم لكي تشكرونهم..
٢.ارتباط هذا العمل ببعض الشخصيات المعروفة بعمالتها للنظام وعلي راسهم المدعو عبدالرحيم منصور ,منتصر جنبلان,حسن حماد وعلي مهدي وغيرهم من يدافعون عن النظام ليلا ونهارا..
٣.قصة الفلم غير واقعية اطلاقا وتتجاهل عن قصد موضوع سبب الهجرة الاساسي الاوهو هذا النظام الذي قتل وعذب وشرد مئات الالاف من السودانيين فمن غير المنطقي ان تتحدث عن سودانيين في المهجر دون الاشارة بقريب او بعيد عن الاسباب الاساسية لهجرتهم لموطنهم الاصلي لعشرات السنين وخاصة قضية الفلم الاساسية تدور حول افرازات هذه الهجرة السلبية...
|
بدون تعليق...
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
الاستاذة تماضر احييك على دورك كممثلة جادة وخاصة في هذا الشريط ولكن كنت ساحبك اكتر لو لم تقولي ((( فأرجوك بالله يا منان تحل عني)))
الاستاذة تحية زروق النجمة اللامعة لم اشاهد لك عملا فنيا منذ عرس الزين والذي مثلتي فيه دور الشابة الجميلة ونظرة الحياء الذي اظهرتيه امام الزين (علي مهدي) حين اشار الى انه يحبك
لازالت عالقة في ذهني منذ ذلك التاريخ.
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: حسن حماد محمد)
|
الممثل القدير على مهدى وهو يدافع عن رئيسه البشير المطلوب كمجرم حرب دولى امام محكمة الجنايات الدولية فى يوتيوب
http://www.youtube.com/watch?v=aROJ489zBRk
إن فنه الذى لا يعبر عن عذابات الملايين ومحارق التطهير فى دارفور وجبال النوبة والنيل الأزرق وحروب الجهاد التى عصفت بأرواح اكثر من ثلاث مليون من أبناء الجنوب وأدت الى انفصال جزء عزيز من الوطن ليس فنا بل هو سم فى الدسم.. أليس من حق الشعب السودانى ان يحلم بفن راق يشبه تطلعاته وأمانيه فى عيش كريم ووطن آمن خال من المتسلقين باسم الفن والجمال وهم ابعد ما يكون عن الفن والجمال؟؟؟؟
ونحن من هذا المنطلق نربأ بممثلتنا القديرة الاستاذة تماضر شيخ الدين التى صفقنا لها طويلا ووقفنا منحنين لأدائها الرائع ان تنخدع من ممثلى دولة الإنقاذ الباطشة..
يا تماضر والله نقدرك ونحبك كممثلة رائعة وخوفنا هو الذى يجعلنا نضغط على صفارة الإنذار...عودى الى موقعك الذى يشبهك ولا تضيعى تاريخك الفنى ونفس الأمر ينطبق على الفنانة القامة تحية زروق ... ومن منا لم يحب خطوبة سهير؟؟؟؟
سيغضب منك كثيرون يا تماضر خاصة ابناء الهامش الذين يرون فيك ممثلة تمثل احلامهم فلا تدعى تلك الصورة الجميلة تتحطم أمامهم... اعتبرى هذا الفيلم المتواضع غلطة شاطر ولكل جواد كبوة...
| |
|
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: صبري طه)
|
Quote: قبل الوقوف موقفا حادا من أي فنان يجب تحري ألف دقة
جربت من قبل أن وقفنا في موقف ننظر للكابلي بعين سياسية
وما بدأت ريشته تنقرش على الأوتار حتى اهتزت معها دواخلنا
فمن يضطر للوقوف موقفا من فنان .. سيجد إجزاء كثيرة من وجدانه .. ترتبط بذلك الفنان
وخصوصا إذا كان الأمر بشأن نجمتين حبيبتين مثل تحية وتماضر
فستذوب أجزاء كثيرة من داخلك .. منحازة إليهم
...
وقبل أن نصل الفلم
طوال تاريخ الفنون كان الباترون .. الراعي سؤالا بلا إجابة شافية
فقد أنفق على الفنانين الكنيسة والأثرياء والرأسمالية والدولة والحزب
كل لخدمة أهدافه
وخلال كل موقف استطاع الفنانون أن يجدوا داخل أطار العمل الفني
مساحة للإبداع .. لا يدركها الباترون
..
ندلف للفلم
الفلم عمل فني .. أكبر من الموقف السياسي وأسأل إليوت
لو ثبت أن حكومة الأخوان المسلمين كانت وراء هذا الفلم
فهذا يعني أنها اضطرت إلى تحول موقفها من العداء للفن والسينما
إلى محاولة استخدامهم في معركتها.. ونرجو أن يكون ذلك بدلا
من السيخ والأنتونوف
ومرحبا بها في ذلك المعترك
(الذي في محض دخوله هزيمة لها)
...
نتكلم فنيا عن الفيلم
المونتاج .. إيقاع الفلم كان متقدما جدا على ما عهدنا في الدراما السودانية
التصوير كان جيدا فقط حركة الكاميرا تكررت فيها نقلات من اللونق شوت للكلوز أب مزعجة
الزوم إن مالو؟
الموسيقي أكثر جوانب الفلم تماسكا
فالتحية للموسيقي د. سراج
المحتوى الإجتماعي
لمس الفلم جوانب يحتاج مجتمع المهاجر للمسها
أهمها جوانب غربة وارتباط الأجيال الجديدة
العودة بين الوهم والحقيقة
ومن الإشراقات رسم صورة العصافير الناطقة
باللغة السودانية الإنجليزية وطريقة تفكيرهم وإحساسهم
وأيضا تصويرة شخصية الـ couch potato
الواهم بين قنوات التلفزيون وإنتظار اللوتري
من الجوانب غير المقنعة تماما مسألة التكية المفتوحة
لآكلي الكبدة النية وأم فتفت
لا أدري من أين أتى بها المؤلف
فكرت أنه ربما كان في الأمر رمزية ما
سأعود لها
دور تحية كان يمكن أن تكتب له عدة أفلام
دور الأم المهاجرة .. المشتاقة للعودة
والمحتارة أمام بنتها والزمان يعيد دورة هجرتها مبتعدة أكثر
لكنه الدور اختزل في لمحات ينقصها العمق
وذلك لا يقلل من قيمة عودة ممثلة مدرسة مثل تحية
مما يمكن أجيالا من الممثلين من التعلم من أسلوبها
السهل الممتنع .. الذي لا ينظم إيقاع عمل فني فحسب
بل هو قادر على دوزنة إيقاع مجتمع كامل
دور تماضر
كان تصويرا سلبيا للمرأة
فهي مبعدة من نقاش البيزنس رغم أنه متاح لولدها
طبعا ملأت تماضر الدور من إبداعها وفاضت
أما ثوريتها ..
فأشهد أنها ممن تعلمت منهم ولا أزال أتعلم
أن يكون الموقف والفعل الثوري إنسانيا شاملا
يمتد لصياغة العالم كاملا على نموذج الإنسان.. الجميل
...
الجانب السياسي
ربما أراد منتجو الفلم تكرار النداء الأجوف الساذج بالعودة للوطن
متجاهلين أن من خرجوا أخرجهم الشديد القوي
من فصل للصالح العام .. ومصادرة للحريات بما فيها حرية التعبير و و و
وحتى نهاية الفلم تظل مسألة العودة بلا إجابة
ويمكن أن يفسر ذلك كل من وجهة نظره
ثانيا
تراءى لي أن الشخصية التي جسدها على مهدي وتكيتها المفتوحة وتنابلتها
ربما كانت ترميزا إنقاذيا للحكومة .. وهي تشوه و تمتن على .. من ؟
هل على المعارضة .. أم على الشعب السوداني ..
(الذي كثيرا ما يعيرونه - جورا - بالكسل)
عموما أتمنى أن ينتج المزيد من الأفلام
من مختلف وجهات النظر
ويبقى منها ما ينفع الناس
وبالتأكيد لم تنتج كل الكنوز التي تملأ المتاحف والمكتبات
بتمويل رعاة لا شق فيهم ولا طق
وسيظل الشعب السوداني وقواه الديمقراطية
يمارسون انتاجهم الفني والأدبي
ويمارسون النقد الفني
والسياسي
لكل عمل ينتج
وكل ذلك كسب في صعود الوعي السوداني
مع تقديري
الباقر موسى
|
>>>>>>>>>>>>>>>>>>>>>>>>>>>>>>>>
عزيزي الباقر موسى
بصراحة اعجبني هذا النقد جدا جدا.. والنقد يا كده يا بلاش...فقد اخذت اطار هذا الفلم الذي نعتبره رائعا من جميع جوانبه وانصفت الممثلين الذين اجتهدوا ايما اجتهاد .. وأشرت إلى السلبيات والايجابيات بحياد تام... فقلت فكفيت وأوفيت..
والله يديك العافية والصحة
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: اميرة السيد)
|
Quote: في ناس كتيرين روحهم في الرجعة للسودان وده صراع داير وزي ما أنا أضفت في الفيلم من عندي وانا بشتغل في منظمة لا جئين، الصراع ده ما خاص بالسودانيين بس، كل الشعوب بتتوق للرجعة لبلادها وده حنين معروف ومشروع،البخليهو يكون سقوط شنو؟؟ يعني الناس الفي السودان ديل مجرمين ولا شنو؟؟ ونحن بس المناضلين عشان طلبنا لجوء...
>>>>>>>>>>>>>>
عزيزتي تماضر
الممثلة الرائعة.. والله الكلام القلتيه ده هو الكلام المنطقي .. وكلنا عاوزين نرجع السودان الليلة قبل بكره.. ومع كراهيتنا للنظام القائم في السودان بس ما ممكن الواحدة مننا تخلي السودان عشان خاطر نظام حكومي وإلا كان كل موظفين السودان تركوا العمل مع الحكومة وخرجو من السودان والماقدر يطلع يقعد عاطل في البيت .. يعني يعملوا عصيان مدني عام.. وطبعا دي الخطة النادى بها السيد الصادق المهدي, رئيس الوزراء الشرعي للبلاد عندما كان في الحكم وقال مفروض السودان يعلن العصيان المدني العام عند اذاعة البيان رقم واحد وعند سماع المارشات العسكرية في الاذاعة.. لكن زول جاب خبرو مافي..
وانا بفتكر وبعد الكلام المنطقي ده كله مفروض سعادة السفير منان يقدم ليكي اعتذار شخصي, وخاصة وهو يعترف بأنك ممثلة بارعة تعكسين وجه السودان الحسن.. والاعتذار دائما هو لغة الأقوياء.. فهى فعل السفير منان ذلك حتى تعود المياه إلى مجاريها..؟؟؟ وحتى لا تخرب السياسة العلاقات الأسرية وعلاقات الصداقة.. والله انا لمن اشوف اوباما ورومني المتنافسين على الرئاسة الأمريكية وهم يتبادلوا الضحكات والابتسامات والهظار اقول ديل اعز اصدقاء.. وياحليل تنافسنا السياسي...
واود الاشارة هنا إلى ان 99% من السودانيين في امريكا وكندا واوروبا من طالبي اللجوء السياسي ويكتبون في المنتديات الاجتماعية كلام ضد حكومة الانقاذ ما لم يقله الامام مالك في الخمر ولكنهم كلهم يذهبون للسودان كل سنة في الاجازات ويدفعون الضرائب للحكومة لتجديد جوازات سفرهم او يدفعون رسوم التاشيرة اذا كانوا امريكان او كنديين او فرنسيين.. يعني السودان ده معلق فينا مهما فعلنا ومهما كنا ضد النظام البيحكمه... لأننا ، زي ما قلتي يا تماضر، بنحب السودان وبنعشق السودان ..
ونقول في النهاية:" لقد اوحشنا السودان الحبيب الذي وان خشنت طبيعته فقد رق قلب أهله , صبح دمث يرضي الحواس الخمس ، لناظره ورد، ولذائقه شهد، وللامسه برد، ولسامعه غرد، ولشاممه ند. شعب سليم الفطرة، حسن النية، لا يستحق ما عاناه من شقاء اللهم إلا من باب المزايا في طي البلايا، واستحقاق كل ما لايقتلني يقويني ، فليكن البلاء مدرسة ولتكن الأزمة مفتاح الفرج" ( بتصرف من اقوال السيد الصادق المهدي)..
والله يديكي العافية والصحة يا تماضر لترجعي للسودان لتشرعي في نهضة مسرحية كبيرة وتكوني شعلة في هذا المضمار يليق بالشعب السوداني التواق والعاشق للمسرح..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: اميرة السيد)
|
كدى اولاً بالتبادى يا صبرة طه وبعد السلام انديد
كلامك ده موجه لمنو؟ لعنو قاصدنى انا!!
Quote:
طيّب عندك الحكومة ذات نفسها بشحمها ولحمها بتدعم القنوات الفضائية التي يتم فيها بث المسلسلات والبرامج السودانية .. وعندك برضو المغنين وشدوهم في أكثر البرامج مُشاهدة (أغاني وأغاني) ونجوم الغد وأعزّ الناس .. إلخ ... والتي من خلالها ينالون أجورهم ...
هل رسالتك هذه موجّهة أيضاً للعملاقين وردي وود الأمين الذين أتحفانا بالتغني لثورة اكتوبر .. حينما تمّت استضافتهما في برنامج أعزّ الناس على قناة الشروق (والتي يُقال أنها تتبع للمؤتمر الوطني) ؟
وحتى حتة الدعم دي بتلقاها في مجالات تانية أصلاً ما مرتبطة بالفن وأهلو ... بتلقاها في التعليم والصحة ... وأي حاجة في البلد طالما الحكومة دي قاعدة فوق راسنا ...
وعلى هذا من منطق دعم السفارة الذي أشرت له أنت .. يجب على المعلمين والأطباء وموظفي القطاع الحكومي عدم العمل وعدم أخذ أجور من الحكومة على ذلك ... إلخ ...
مثال: المُعلمين يقومون بتدريس مناهج وُضعت بواسطة جهة تابعة للحكومة وبتدريسهم لها يُساعدون في تمريرها على عقول أبنائنا يا حبيب* ...
ــــــ
* شُفت السماجة حقّتي دي حدّها وين !!!
|
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
Quote:
الكلام ده في آواخر الثمانينات بس ما متذكر السنة بالضبط
أنا غايتو دفعة كمال كشة و لو ما بتعرف كمال كشة معناها أنكـ ما درست في الخرطوم الأميرية اساساً |
يا راجل ما تقول سنة كم وما تتحسس من الاعمار فهى بيد الله هههههه
عموماً انا لامن دخلت سنة اولى كانت فصولنا متلاصقة مع المدرسة الابتدائية بتاعة البنات من ناحية الشمال ومن ناحية الجنوب كان عمارة الجمارك لسه ما بنوها ومن الغرب كانت البوابة الرئيسة وستات الفول والدندرمة
اما من الشرق فكان فى مكتبة ومطعم شعبى
وبى كده اكون اكيد ما بعرف كمال كشة لانه الوكت داك كان لسة مافى حاجة اسمها كشة والحاجة الوحيد البتذكرها هى بار كوبانى واللى اتجول بقدرة قادر الى قهوة كوبانى
المهم قرينا فى نفس المدرسة وانا والله ما عجوز
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: صبري طه)
|
Quote:
وعليكم السلام يا محمد زكريا ...
Quote: كدى اولاً بالتبادى يا صبرة طه وبعد السلام انديد
كلامك ده موجه لمنو؟ لعنو قاصدنى انا!!
وأنا اقتبست كلامك وكتبت داخله اسمك .. ثمّ الجملة أدناه واضح إنّها بتشير لجزء من كلامك المُقتبس ...
Quote: وعلى هذا من منطق دعم السفارة الذي أشرت له أنت
إذاً الرد موجّه بالنسبة لك ... |
كن كدى مااااااااا عصرت على شديد بالحليل, وانا كنت مستعجل ونضمى قلته باختصار شديد
واليومين ديل ما داير اكتر من النضمى يقوم يمسكنى وجع حلق ساى وما عندى حق مستشفى الرياض التخصصى....غايتو جنس محن
كويس يالاخو نبداء تانى الاول وجديد
بس اول فى التبادى تانى نعتذر عن كتابة اسمكم بخطاء حدث نسبة للعجلة الشيطانية
وايضاً نسبة لتجاور حرفى الياة والهمزة المربوطة فسقط الصباع الاوسط سهواً على مفتاح الهمزة المربوطة ليتغير الاسم من صبرى الى صبرة فوجب الاعتذار مننا لهذه الشيطنة العاجلة والسهوة الساقطة
اما بعد
اولاً بالتبادى نجيب كلامك كله ونشرحوه ونفصلوه حتة حتة وحبة حبة وحرف حرف (كرهتكم ب اولاً بالتبادى دى, مش؟)
والى الامام
Quote:
Quote: محمد زكريا كتب: شخصياً اشجع اهل الفن والابداع طالما الاساس فى العمل الفنى موجه من اجل الانسان واتحافه بالابداعات
ولكن المواقف والمبادىء الاساسية لاخلاق الفنان يجب ان تكون مبنيه على حب الحرية وتساوى الحقوق على جميع البشر خصوصاً فى الوطن الواحد
كان يمكن ان اؤيد دعم السفارة للفن واهله اذا كانت تعمل بمبداء المساواة فى الحقوق للفنانيين والسودانيين عموماً كمواطنيين وليس كمنتمين او موالين لحزب المؤتمر الوطنى
ولكن هيهات النظام الكيزانى وبواسطه سفارته يلاحقون السودانيين الشرفاء حتى فى خارج الوطن ويسخر الاموال الطائلة ليركز لنفسه ارضية واضعاف المعارضة بين سودانيي المهجر للاسف
استراتيجية الكيزان الجديده هى الدفع باموال الشعب لمن يبيع فنه للتغنى والتغريد ولتنفيذ اجندته وسياساته الاقصائية والظالمة لان السودانى فنان ذواق بطبيعة فطرية ينساق وراء كل ماهو فن وابداع
يجتهد الفنان من اجل يقدم ابداعاته فيتم اصطياده دونما يدرى ليغرد فى سرب النظام ومن ثم يتم رميه عظماً فى نهاية العمر والمطاف بلا ماضى حافل بلا مواقف بلا مبادىء
فمتى يتعظ الفنانين ويراجع حسابات المبادىء والاخلاقيات الفنية
طيّب عندك الحكومة ذات نفسها بشحمها ولحمها بتدعم القنوات الفضائية التي يتم فيها بث المسلسلات والبرامج السودانية .. وعندك برضو المغنين وشدوهم في أكثر البرامج مُشاهدة (أغاني وأغاني) ونجوم الغد وأعزّ الناس .. إلخ ... والتي من خلالها ينالون أجورهم ...
هل رسالتك هذه موجّهة أيضاً للعملاقين وردي وود الأمين الذين أتحفانا بالتغني لثورة اكتوبر .. حينما تمّت استضافتهما في برنامج أعزّ الناس على قناة الشروق (والتي يُقال أنها تتبع للمؤتمر الوطني) ؟
وحتى حتة الدعم دي بتلقاها في مجالات تانية أصلاً ما مرتبطة بالفن وأهلو ... بتلقاها في التعليم والصحة ... وأي حاجة في البلد طالما الحكومة دي قاعدة فوق راسنا ...
وعلى هذا من منطق دعم السفارة الذي أشرت له أنت .. يجب على المعلمين والأطباء وموظفي القطاع الحكومي عدم العمل وعدم أخذ أجور من الحكومة على ذلك ... إلخ ...
مثال: المُعلمين يقومون بتدريس مناهج وُضعت بواسطة جهة تابعة للحكومة وبتدريسهم لها يُساعدون في تمريرها على عقول أبنائنا يا حبيب* ...
ــــــ
* شُفت السماجة حقّتي دي حدّها وين !!!
ــــــ |
اها وح قد اتينا بحديثكم نبتدىء
طيب بسم الله نبداء
والله قدر ما فريت وعملت لنفسى اعد ثم اعد ما فهمت انت منتقدنى فى شنو
لكن للاحتياط كده لو فاهم من مداخلتى انه انا بؤيد دعم السفارة للشباب العملو الفلم تكون فهمتها غلط
انا قلت كنت اتفهم واؤيد دعم السفارة اذا كانت توفر هذا الدعم لجميع اهل الفن بدون ان يكون لهم انتماء وولاء للمؤتمر الوطنى
وده طبعاً بيطابق المثال الجبتو من عندكم عن المرحوم وردى وودالامين اطال الله عمره ولا وداه تانى لنخبة سودنيى البحرين
وغيرهم من الفنانيين الذين واضح عدم انتمائهم للمؤتمر الوطنى ولكن من حقهم ان يقدموا فنهم على قنوات التلفزيون القومى وغيرها لانه هذا من حقوقهم كمواطنين سودانيين
الفلم سيد الجدل الان واضح من وجود الزول اب شنبات ده انه فيهو ريحة وقفة كيزان من خلفة وما كان ليكون لو لا هنالك منتمين او موالين للمؤتمر الوطنى هم لعيبة اساسين فيه
تبقى المعادلة الفيثاقورثية لمداخلتى هى يعنى لامن قلت
كان يمكن ان اؤيد دعم السفارة اذا كانت تمنح دعمها للجميع = لا اؤيد دعم السفارة لهذا الفلم
ومع ذلك وبمعرفتى كوامن وجدان الفنان عندما تتاح له فرصة ان يقدم ابداعه يكون هنالك تنازع وجدانى رهيب بدواخله لانه جزوة نار التوهج بالابداع دائمة التوقد والاشتعال وفى انتظار فرصة للخروج والتألق فى العلالى
الفنان حالة خاصة وانسان مختلف طريقة تفكيره مختلفة وحاجاته مختلفة وعلينا نتفهم ان لا نقحم الفنان كثيراً فى السياسة ونفترض عليه كيف يقدم فنانه لنتركه يقدم ومن ثم ننتقده حتى يفيق
ياخ حاسى حلقى بداء يوجعنى, يا رب تستر.......... وكفانى عليك الله استمج لحدى هنا وخلاس ..ثمح!
اااااناس الحلة هوووووووووووى الزين مكتول فى حلة برونكس وصلاة جنازتو فى ميدان هارلم
مقتبس عن فلم (عرس الزين نيويورك 2012*) ولا توجد صور للتعليق
مع الاعتذار لصاحب البوست ورواده ومتاوقيه اذا ما خرجت عن النص, حقوا الواحد يمعط ليهو شنباتو
ولو فى اخطاء املائية ما ح اعدلها, كده بس والعجبو عجبو
=======
وتحية واحتراماً لك وللجميع بدون فرز
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: صبري طه)
|
Quote: ممثلين الجلابة ديل ما بيشركوا معاهم المهمشين من دارفور وجبال النوبة والنيل الأزرق والبجة والنوبةعشان شنو؟؟؟؟
|
مشترك الخارج تحفة لكن
هم الممثلين بى طقة طبقهم من المهمشين ومن المناطق المهمشة كدى عاين فى التلفذيون وخشبة المسرح كويس ,
ياخ تمثيل ولا اتحاد طلاب ؟
انتو قايلين الفرقة المسرحية دى بتتكون بى الجنس الولاية واللون والطول والعرض ؟
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
| Quote: راجل ما تقول سنة كم وما تتحسس من الاعمار فهى بيد الله هههههه |
أبداً والله لكن بس ما متذكر السنة بالضبط بس هي إما 88 أو 89 تقريباً
لكن كلامكـ ده بعيد و يبدو إنكـ كنت قدامنا لأنو نحن لما دخلنا المدرسة مبني الجماركـ كان مكتمل و ناس الجماركـ شغالين فيهو
عموماً لينا الشرف يا أبو حميد إنو درسنا معاكـ في مدرسة واحدة ياخ
بعدين ياخ إنت من زمن البارات .. تقول لي ما عجوز
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Tumadir)
|
الاستاذة تماضر
سلام
أنا قلت كلامى كناصح وصديق:
Quote: الممثل القدير على مهدى وهو يدافع عن رئيسه البشير المطلوب كمجرم حرب دولى امام محكمة الجنايات الدولية فى يوتيوب
http://www.youtube.com/watch?v=aROJ489zBRk
إن فنه الذى لا يعبر عن عذابات الملايين ومحارق التطهير فى دارفور وجبال النوبة والنيل الأزرق وحروب الجهاد التى عصفت بأرواح اكثر من ثلاث مليون من أبناء الجنوب وأدت الى انفصال جزء عزيز من الوطن ليس فنا بل هو سم فى الدسم.. أليس من حق الشعب السودانى ان يحلم بفن راق يشبه تطلعاته وأمانيه فى عيش كريم ووطن آمن خال من المتسلقين باسم الفن والجمال وهم ابعد ما يكون عن الفن والجمال؟؟؟؟
ونحن من هذا المنطلق نربأ بممثلتنا القديرة الاستاذة تماضر شيخ الدين التى صفقنا لها طويلا ووقفنا منحنين لأدائها الرائع ان تنخدع من ممثلى دولة الإنقاذ الباطشة..
يا تماضر والله نقدرك ونحبك كممثلة رائعة وخوفنا هو الذى يجعلنا نضغط على صفارة الإنذار...عودى الى موقعك الذى يشبهك ولا تضيعى تاريخك الفنى ونفس الأمر ينطبق على الفنانة القامة تحية زروق ... ومن منا لم يحب خطوبة سهير؟؟؟؟
سيغضب منك كثيرون يا تماضر خاصة ابناء الهامش الذين يرون فيك ممثلة تمثل احلامهم فلا تدعى تلك الصورة الجميلة تتحطم أمامهم... اعتبرى هذا الفيلم المتواضع غلطة شاطر ولكل جواد كبوة... |
أنا لم اساويك بالممثل على مهدى الذى سخر فنه لنظام باطش بشعبه بل انتقدت مستوى الفيلم ومحتواه ومن يقف وراءه وبعض الأبطال المشاركين فيه وكان انتقادى لك خوفا من سقوطك فى فخ الإنقاذ وانتى عاوزة تودينى المحكمة... ياتو محكمة؟؟؟ الجنايات الدولية!!!!! انا قلت الكلام العندى وخلاصتو فى كلامى الفوق.. ومازال خوفى على فنك من الإنقاذيين والإنتهازيين الذين اندفعوا للدفاع عنك قائما وانا اعتبر ان رسالتى وصلت وأدت غرضها واسمعى كلام الببكيكى اكتر من البيضحكك وما اكثرهم اولئك الذين يحرقون البخور ويجاملونك ولكنهم سيلحقون ابلغ الضرر بفنك والفنانون الكبار لم يصعدوا سلم النجومية بالمجاملات والنقد المزيف وحارقى البخور وشكرا....
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mannan)
|
أسعد تماما بأى عمل سودانى ..
أسعد به بطريقة عجيبة جدا فى الواقع ..
ولا أتفق مع طريقة الاستاذ السفير منان فى تناول هذا العمل الفنى ..
وأدين الكلام المسيء للفنانة الكبيرة تحية زروق ..
وكمان ما عندى مانع انو السفارة تمول عمل فنى .. حيمولوهو من جيبهم الخاص يعنى ؟!
اللهم الا فى اطار تمرير رسالة سياسية ..
الامر الذى لم الاحظه فى هذا الفيلم ..
تحياتى للجميع
محمد حيدر ..
مواطن سودانى مغترب ..
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد حيدر المشرف)
|
Quote: كن كدى مااااااااا عصرت على شديد بالحليل, وانا كنت مستعجل ونضمى قلته باختصار شديد
واليومين ديل ما داير اكتر من النضمى يقوم يمسكنى وجع حلق ساى وما عندى حق مستشفى الرياض التخصصى....غايتو جنس محن
كويس يالاخو نبداء تانى الاول وجديد
بس اول فى التبادى تانى نعتذر عن كتابة اسمكم بخطاء حدث نسبة للعجلة الشيطانية
وايضاً نسبة لتجاور حرفى الياة والهمزة المربوطة فسقط الصباع الاوسط سهواً على مفتاح الهمزة المربوطة ليتغير الاسم من صبرى الى صبرة فوجب الاعتذار مننا لهذه الشيطنة العاجلة والسهوة الساقطة
اما بعد
اولاً بالتبادى نجيب كلامك كله ونشرحوه ونفصلوه حتة حتة وحبة حبة وحرف حرف (كرهتكم ب اولاً بالتبادى دى, مش؟)
|
>>>>>>>>>>>>
عزيزي محمد زكريا
أولا آسفة لتعليقي الآن لأنه الكلام الفوق ده ما موجه لي ولكن موجه لصبري طه.. وانا بس عاوزة اعلق واقول بأنه يبدو من ردك الظريف ده انك رجل حبوب وأخلاقك عالية وعندك صبر سيدنا ايوب وبتتقبل النقد بصدر رحب.. وياريت نقدر نقرأ ردود ظريفة زي دي بين الناس البختلفوا سياسيا كان ام افكريا ام اجتماعيا... والله لا وراك وجع الحلق .. مع انه وجع الحلق ده ابسط الأمراض مقارنة بالأمراض الأخرى البتهدد حياة البشر.. وان ذاتي مستغربة من الناس البيفتكروا ان حياة عمر البشير في خطر من وجع حلق.. وفي رؤساء آخرين بيكونوا مرضانين بامراض في القلب والرئة وبيعيشوا ويحكموا لسنوات طويلة.. لكن نقول شنو الناس زهجت من الحكم الطويل لامن بقى مسيخ للمؤتمر الوطني..
ومرة أخر اسفي الشديد الطلعتكم من الموضوع الأساسي..
والله يديك العافية
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: اميرة السيد)
|
Quote: >>>>>>>>>>>>
عزيزي محمد زكريا
أولا آسفة لتعليقي الآن لأنه الكلام الفوق ده ما موجه لي ولكن موجه لصبري طه.. وانا بس عاوزة اعلق واقول بأنه يبدو من ردك الظريف ده انك رجل حبوب وأخلاقك عالية وعندك صبر سيدنا ايوب وبتتقبل النقد بصدر رحب.. وياريت نقدر نقرأ ردود ظريفة زي دي بين الناس البختلفوا سياسيا كان ام افكريا ام اجتماعيا... والله لا وراك وجع الحلق .. مع انه وجع الحلق ده ابسط الأمراض مقارنة بالأمراض الأخرى البتهدد حياة البشر.. وان ذاتي مستغربة من الناس البيفتكروا ان حياة عمر البشير في خطر من وجع حلق.. وفي رؤساء آخرين بيكونوا مرضانين بامراض في القلب والرئة وبيعيشوا ويحكموا لسنوات طويلة.. لكن نقول شنو الناس زهجت من الحكم الطويل لامن بقى مسيخ للمؤتمر الوطني..
ومرة أخر اسفي الشديد الطلعتكم من الموضوع الأساسي..
والله يديك العافية |
سلام يا اميرتنا بنت السيد
الليلة الخلانى اقعد فى البيت واكتب المنبر هو رجوعى من اجازة استجمام فى جزيرة فى المحيط الاطلنطى اول مره اعرف ان اسمها (مديرة) بالحرف وبتكلموا برتغالى وناس بس اه يازمن رجع شوية حيث الخضرة والمياه وهلمجرا (الاخيرة ما بقولها لانه العازة كانت معاى)
المهم جيت لاوسلو حيث البرد واالجليد والجاوسيس ولسه الاجازة ما انتهت وهسى الجليد نازل بعاين ليهو من شباك العماره فى الدور الخامس
بعد مداخلتك فكرت اقوم جارى بالسلالم وامش اتدردق فى الجليد لحدى ناس الحله يقولو امّممممك ابو الزيك سحلب
ياخ انتى تتاسفى عشان تعلقى على رد لى وبتفتكرى انه انا زول ظريف, طيب ليه كانو دايماً بيقولوا على يا ثقيل يا ما عندك دم ما تخليك ظريف شوية
ووحيات الخوة ده بس كلام العازة لامن تكون دايرانى اساعدها فى حاجة , اما باقى العالم لو شافونى ماشى ساى فى الشارع بيسبوه لى , لكن ولا همّانى
ووالله اول كلام جعل الابتسامة ترتسم على وجهى حتى بحلقت عيون من كانواحولى وهم ينظرون الى وجهى وانا انظر فى اللابتوب فى جملتك عن عدم مقدرة نطقك لاسم ولاية امريكيه ما اسمها ماسوتشى او ما شابه
اسفة قالت قال
لو ما خايف المساخيت يقعدو يغنوا لى (زهت ايامى وانا بتغزل) كان قلت كلام كتير خلاص
لكن يا اخت اميرة السيد ربنا يخليك لاعزائك بالجد كلامك يرد الروح ويرفع المعنويات وما بعرف ارد غير شكراً ليك كتير
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Elmosley)
|
تصحيح: منظمة المرأة بواشنطون لا علاقة لها ولا علم بفيلم قناة الشروق
الاخ الكريم منان و المهتمين بالامر: تحية طيبه
منظمة المرأة بواشنطون تنفي بشدة وجود أي علاقة لها أو سابق علم بفيلم قناة الشروق المزكور. بل تؤكد و تشيد بالعلاقه الابديه بين نساء و مجتمع واشنطون وبين تماضر الانسانة بغض النظر عن اللون السياسي الواضح أو المتغير!
كما عهدنا الحميمه تماضر شيخ الدين اتصلت لتعلن لكل الاحبة انها بزيارة لواشنطون. علي مر سنين الغربة الطويلة لم تغب تماضر عن أهل و أحداث واشنطون بل تطل علينا ونتشابا للقائها بكامل الحب والمرح والمودة.
في مسار الحديث تمنت الحميمه تماضر أن يتم لقاء من منظمة المرأة للاحتفاء بعملاقةالمسرح السودانى تحية زروق.
لضيق الوقت و عدم الاخطار المبكر بزيارة الا ستاذة تحية, لم يتم لقاء منظم من منظمة المرأة, بل تمكنت و بادرت نخبة من النساء علي المستوى الفردي والشخصي - لهن الشكر الجزيل - بدعوة عملاقتي المسرح السودانى لدقائق معدودات من الفرح المعهود. وقبل ان نفترق و الوعد ان نلتقي في وقت أبرح.
أجمع الحضور على اهمية توثيق الوقت الجميل...و ليس للنساء كاميرا
و من غير سابق اعلان او معرفة وجدت كاميرا الأستاذ كوستاوي طريقها علي عتبه المطم حين حضوره لتوصيل احدى النساء الحاضرات لهذا اللقاء و تم ذلك في ثلاث دقائق.
لقاء الأخت تماضر و الأخت تحية زروق و مجموعة من النساء لا علاقه له بالفيلم كما ذكرت في هذا البوست.
و ترحب منظمة المرأة السودانية بالعملاقتين المسرحيتين تماضر و تحية في كل زمان ومكان.
و هذا للمعلومية
والتحيه لكل نساء بلادي. .
و شكرا
نائلة محمد أحمد
السكرتير العام لمنظمة المرأة السودانية الأمريكية بواشنطون
6/11/2012
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: SAWO)
|
Quote: محمد زكريا كتب: بس اول فى التبادى تانى نعتذر عن كتابة اسمكم بخطاء حدث نسبة للعجلة الشيطانية
وايضاً نسبة لتجاور حرفى الياة والهمزة المربوطة فسقط الصباع الاوسط سهواً على مفتاح الهمزة المربوطة ليتغير الاسم من صبرى الى صبرة فوجب الاعتذار مننا لهذه الشيطنة العاجلة والسهوة الساقطة |
لا حولاااااااااا
تصدّق وتآمن ما لاحظت ليها ... وكويس إنّك ما كتبتها صبرا وشاتيلا
وحتى لو لاحظت ليها .. فأنا ما من النوع البلت ويعجن في الحتّة دي إلاّ من باب الهزار والمُمازحة ...
ــــــــ
بالنسبة لكلامك أدناه:-
| Quote: لكن للاحتياط كده لو فاهم من مداخلتى انه انا بؤيد دعم السفارة للشباب العملو الفلم تكون فهمتها غلط |
لا أنا لم أفهمه كما شرحت .. أنا فهمت منه أنّك ضد دعم السفارة للفيلم ... كدا إن شاء الله وقع ليك كلامي ...
وتسييس الفيلم ليخدم غرض مُعيّن وموافقة الممثل على المُشاركة فيه أعتقد إنّو المُشاركة دي بترجع للممثل ...
لكن من الصعب علي تفهّم إذا كان الفيلم يطبّل للنظام بشكل واضح وفيهو مثلاً عبارات سير سير يا بشير ...
لا أعتقد أنّ منهم إن كان مُعارضاً للنظام سيرضى بتأدية مثل هذه الأدوار
والدعم دا من مالنا وعلى كيفهم يدعموا ...
وبعد توضيحي لك بخصوص فهمي لك سأتوقف هُنا
ولك كل التحايا والتقدير ،،،
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: صبري طه)
|
Quote:
وبعد توضيحي لك بخصوص فهمي لك سأتوقف هُنا
ولك كل التحايا والتقدير ،،، |
thanx alot
بس فى السطر الاخير ده كان يا ريت لو كتبتها لك ( تحية ) واحده بدل التحايا (واحتراماً ) بدلاً عن والتقدير
وذلك تماشياً مع الفلم وكده وعشان ما نطلع من موضوع البوست
=====
غايتو جنث زرفنة الليلة ما صدقت لامن مسختها .........حلا وخفة دم, الزينة بس وجات تتبسم
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: محمد زكريا)
|
حسة يانور الدين منان والله لا حامشي محكمة ولا حصلت الدرجة دي بس زعلت شديد من التهمة اللقيتك راميني بيها ...وقدر ما حاولت اتخاطب معاك براحة وبيني وبينك انت تتشالق هههه وتزيد في (غروروك)
انا ما(برتمي في أحضان الانقاذ)
وانا أصلو لمن دايرة الاقي السفير ده بستنى لمن يجيبوني ناس جمال عبد الرحمن من السودان ؟؟؟ ما أمشي بس...صاح؟؟
منتج الفيلم هي شركة خزف المالكها جمال عبد الرحمن ...ودي الجهة الاصلية الانا ارتضيت الشغل معاها ..جمال عبد الرحمن صاحبي وزميلي وبثق فيه لو كضب على شكيتو على الله ..!!
اما انت فصديق وزوجتك صديقتي وبتك صديقة بتي واخت مرتك وراجلها أصحابي ...ما بناصفك على وجه الملأ ...
اوانت بادرت بالكعب وبالطيب ...انا جيتك بالطيب وبالكعب ...متساويين والبناتنا عامرة
يللا تصبحوا على خير ...الله يفوز لينا أوبامنا ده ...
| |
|
|
|
|
|
|
|
|
|
Re: فيلم سودانى تقف وراءه سفارة النظام للإساءة الى السودانيين فى الخار (Re: Mohamed Elgadi)
|
we need to have a less tense discussion on the role of the Embassy and its political appointees, i.e. the Ambasador
can we participate in events that the Ambassador be present?
Why not we consider the ambassador like other supporters of the regime among us?
At least the Ambassador would be more decent than those who granted permission to stay here on a false pretense
I believe we need to have this discussion now before later...
mohamed elgadi
| |
|
|
|
|
|
|
|
|
| |
Mannan
Zomrawi Alweli
Deng
عبدالله عثمان
M A Muhagir
أسامة خلف الله مصطفى
سيف النصر محي الدين
حسن حماد محمد
Elmoiz Abunura
عمر ادريس محمد
عبد الوهاب المحسى
aydaroos
Ahmed musa
عليش
علي الكرار هاشم
محمد علي البصير
alsngaq
محمد زكريا
Tumadir
Elmosley
داليا حافظ
Abdullah Idrees
النذير حجازي
Muhib
خالد عبد الله محمود
رأفت ميلاد
Elbagir Osman
Sudany Agouz
يحي قباني
محمد حيدر المشرف
SAWO
Kostawi
فيس بوك
تويتر
انستقرام
يوتيوب
بنتيريست