***زميل المنبر أستاذ علاء الدين صالح طريح مستشفى القلب بالدوحة***

Quote: وكعادته سألني من جميع بورداب الإمارات و طلب توصيل تحياه لهم.... ياخي بٌعــد الشــر عليك يا أستــاذ علاء و أستاذ(تمبس)....

Quote: يا سلالالالالالالالالالالام يا هيثم .. لا حول الله .. انا ما شفت البوست إلا الآن وعزة الله .. لي فترة بسال عن استاذ علاء صديقي واستاذي في المرحلة المتوسطـة .. وابني حينا الموردة .. لي فترة حتى التلفونات المعاي ما بترد .. يا اسفي الشديد اني ما شفت البوست دا .. ربنا يقويك يا صديقي علاء الدين صالح .. انا والله العظيم ما قريت الخبر دا إلا الآن .. لعدم دخولي البورد من فترة طويلة .. يا هيثم عليك الله تحياتي الشديدة جدا لي استاذ علاء .. وقوليهو والله ما عارف بي موضوع البوست دا . ولو كان لحدت الان متواجد بالدوحـة زودوني بالتلفونات .. انا بي صراحة ما قريت باقي البوست لكن ح اقراهو بي عناية وارجع لي ارقام التلفونات .. شكرا يا هيثم وربنا يقوي استاذ علاء ويديهو الصحة والعافية ويكتب ليهو السلامة ..

Quote: ألف حمدا لله على السلامة يا علاء إن شاء الله اجر و عافية

الله يسلمك من كل شر يا ود البشرى















...........
من يوم ما طلعتا من المستشفى والحمد لله،
"وجع القلب" ما رجع لي إلا بعد كورتنا يوم السبت،
أنا كان مالي ومال البلنتيات؟

Quote: ألف ألف سلامة الأخ علاء الدين .. اللهم يا شافي ويا معافي اشفه وعافه اللهم ياكريم ويالطيف ألطف عليه بالصحة والعافية اللهم يا حنان ويا منان من عليه بالشفاء التام إن شاء كفارة واجر وعافية وماتشوف شر يا رب ..

(عدل بواسطة علاء الدين صالح on 11-15-2012, 01:34 PM)

Quote: اللهم لك الحمد والشكر الذي انعم عليك بالعافيه.. شكرا للاخ هيثم عبدالعزيز الذي قيض للكثيرين متابعة مراحل شفاؤك عبر مداخلاته. نسال الله تعالى ان يمتعك بالصحه وعافيه لتكون حاضرا بين اهلك في المنتدى. فعودآ حميدآ.

Quote: الف الف حمدا لله على سلامتك يا علاء واجر وعافية وما تشوف شر يا رب

Quote: "ياقلب أنا كنتا قايلك تبتا من تعب السفر ومن مخاواة القماري ومن شراب موية المطر، تاريك كامن لي بى شيتا كُتُر" البورداب الأعزاء الأحباب.. تظل كلمات الشكر في غاية الصعوبة والإرتباك عند صياغتها، حيث يلازمها العجز وعدم القدرة على إيفاء الدين ورَد الجميل.. خاصة إذا كان الأمر يتعلق بينبوع لا ينضب من الحب والود الصادق، وفيض لا ينقطع من الدعوات القلبية الطيبة، ظلت تروي شرايين قلبي بحبكم المنساب من قلوبكم الكبيرة العامرة بالخير والأمل، والموسومة بخاتم محنّة وتوادد وتراحم السودانيين أينما ذهبوا وحلوا.. بأعمق مشاعر التقدير والعرفان والوفاء، وبكل ما تحتويه من معاني الحب والود الصادق: أشكركم من أعماق قلبي، فمن لا يشكر الناس لا يشكر الله.. شكرا لكل من تذكرني أو دعا لي في ظهر الغيب أو راسلني أو هاتفني أو زارني أو رافقني في المستشفى.. شكرا لكل من اتصل ولم أتمكن من حفظ رقمه بسبب كثرة الاتصالات وعدم مقدرتي على الحركة حينها.. شكرا لكل من سقط اسمه سهوا، فلقد أحاط المرض ببعض ذاكرتي، وأصبحت أقلب كفيَّ على ما أنفقت فيها.. شكرا للمهندس بكري، سيد الحوش، كبيرنا الذي علمنا سحر أن تتحول مجرد لمسات طائشة هنا وهناك نلقيها بثقل البنان على الكيبورد.. إلى علاقات إنسانية راقية كاملة الدسم والنمو تسعى بين الناس بالخير وتجعل الود والحب والتقدير والاحترام والعمل الطيب مشاعرا يطوف بها البورداب - من كل فج عميق - حول هذا البيت الإسفيري العتيق.. حفظ الله قلوبكم البيضاء المُحبّة العامرة بالخير والطيبة. عميق احترامي

Quote: ( الف الف حمدا لله على سلامتك يا علاء واجر وعافية وما تشوف شر يا رب)

Quote: ألف ألف حمدا لله على السلامة

Quote: يااااسلام الف الف حمدا لله على سلامتك استاذ علاء حقيقى لمن لقيتك ضمن الحضور بكيت من الفرح بدون ما اشعر ياخ حمد لله على سلامتك وماتشوف شر

Quote: الف لابأس عليك يادفعة ،طهور ان شاء الله ،وماتشوف شر .. ابوعكر كلمني بمرضك وان شاء الله على كلام اولاد حلتنا ح اجر ليك سلك ... بيني وبينك : خوفتنا .. عمرنا في خطر ههههههههه