|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: Kostawi)
|
الخردة كوستاوي
تحياتي
ده بيان سجمان جدا جدا وليسقط الحزب الشيوعي السوداني والي الجحيم الحزب الشيوعي السوداني والعار العار لكل من صاغ هذا البيان الرمدان لكن يا خردة (شيوعيين ايوا للديموقراطية والسلام ديل منقه بس عشان وطنيين بساهموا مع إخوانهم من بقية القوي بتفاني واخلاص في لم شمل النضال بين (ثوار كاودا وقوي الاجماع وحركات الشباب) من اجل اسقاط حكومة الكيزان وحمدا لله نجحوا في ذلك في ( دنفر) لانهم يقاتلون بمالهم وزمنهم ومشاعرهم مع اخوتهم من اجل قضية ومضامين مش من اجل اسماء وشعارات انتصارا للذات وخليك يا خردة مع ( ايوا الاصل)!
اها يا خردة قصرنا معاك!
| |
  
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: خضر حسين خليل)
|
العزيز خضر
كل العام وانتم بخير
أخونا( الخردة) عندما رمي بسؤاله اعلم جيدا ماذا كان يريد من اجابةولذلك باغتناه بالاجابة المفحمة والتي لن ترضيه ابدا وهي اجابة تتسق مع قناعتي بان الحزب الشيوعي السوداني مطالب بتجديد دمائه وخططه وبرامجه لمواكبة تحديات المرحلة وان مثل هذه البيانات الباهتة مهما حاولنا تبريرها ستصب في مصلحة الطغمة الحاكمة اي ستخلق بشكل غير مباشر حالة تعاطف معها وكأنها تمثل السيادة الوطنية وهو امر سيعسر من مهمة التغيير.... فكان ينبغي ان يركز مثل هذا البيان علي تخوين الطغمة الحاكمة باعتبارها هي من فرط في السيادة الوطنية وعرض البلاد لمثل هذه الانتهاكات الماسة بسيادتها ولذلك لا بد من ضرورة اسقاطها عبر الثورة الشعبية المحمية بالسلاح وخاصة بعدما التقي أخيرا ثوار كاودا مع قوي الاجماع الوطني في مؤتمر ايوا في دنفر والتي كان يرأس وفد الاجماع فيه مندوب الحزب الشيوعي السوداني الاستاذ صديق يوسف.
فالشيوعيون جزء اصيل من مبادرة ايوا قد ساهموا مساهمات ثرة في كل ملتقياتها بل ظلوا يتحركون فيها بسقف اعلي من سقف الحزب الام في الداخل ومن هنا جاءت اشادتي بهم وهم الذين في مؤتمر ايوا في واشنطون 2010نادوا مع القوي الوطنية في الملتقي بمنع المجرم البشير من الترشح في الانتخابات باعتباره فاقدا الاهلية القانونية التي تؤهله لذاك المنصب وهو سقف لم يستطع ان يتبناه الحزب الشيوعي في الداخل بل فقط مارسه شيوعيو الشتات ومن هنا يأتي التثمين بمواقفهم الوطنية.
تحياتي للاسرة
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
اخي العزيز كوستاوي
دعني اتواصل معك في هذا الخيط الذي افترعته باسمي للتعرف بشكل مباشر علي رأي الاخ كوستاوي( ذات نفسه) حول ( الشيوعيين) السودانيين ولماذا متحامل عليهم جدا الي درجة الحقد وخاصة نحن في مرحلة وطنية حساسة نحن احوج فيها للترفع عن مثل هذه المماحكات السلبية المخذلة لمواجهة عدونا المشترك المتمترس بكل وسائل الشر والاجرام والذي لا بد ان نواجهه متحدين وليس متشاحنين متباعدين وللاسف نقدك للاخوة الشيوعيين لم يخرج عن دائرة لغة الهمز واللمز والطعن وهو امر سلبي يقدح في وعيك حيث لا بد من الخروج برايك حولهم الي دائرة الضوء و الحوار المباشر حتي يتعرف الشيوعيون انفسهم وايضا الناس ان كان للاخ كوستاوي مشكلة فكرية سياسية مع الحزب الشيوعي السوداني ام مشكلة شخصية حول افراد.....ارجو الولوج الي هذا الحوار المطلوب لحسم هذا الامر حيث اعتقد ان هنالك عشرات من الشيوعيين يمتلكون الرد علي كل تساؤلاتك وتحفظاتك ان كنت تمتلك تحفظات علي مواقفهم وافكارهم لاننا في ملتقي ( ايوا) اتهمتنا جميعا بأننا مجرد تبع للحزب الشيوعي السوداني واننا ننفذ اجندته ولذلك اريد توضيحا لهذا الامر المسيء الينا جدا حتي نتعرف علي انفسنا ان كنا تبعا ام احرارا وايضا لنتعرف علي الاجندات الخفية للحزب الشيوعي داخل ملتقي ( ايوا) وهل يا تري المؤتمر الاخير بتوصياته يصب بالفعل في مصلحة اجندات الحزب الشيوعي ام في مصلحة الوطن!
مودتي واحترامي
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: حيدر حسن ميرغني)
|
اخونا كوستاوي
Quote: ملتقى أيوا كان شغال بشفافية و تجانس و نجاح عظيم
و لكن لمن حزب من الأحزاب يغيير ممثله الأصلي في الملتقى ويعيين زول يدعي بأنه مسؤول الإتصالات في حزبه ......
هذا المسؤول و بدعم عضوين من نفس الحزب و بعض البعثيين
و التابعة (في السكرتارية).....أصبح هو:
مقرر السكرتارية
رئيس الإجتماعات
هو الذي يدعو للإجتماعات
رئيس الدعوات
عضو الإتصالات في الداخل (مع السياسيين)
رئيس الإتصالات من نفس الحزب
رئيس المالية من نفس الحزب
و مشرع السكرتارية من نفس الحزب
و ذلك البعثي و التابع (شغالين شيالين لنفس الحزب)
|
اليس الحديث اعلاه اتهام صريح للحزب الشيوعي بسرقة مبادرة ( ايوا) واهانة لنا نحن اعضاء المبادرة وكأننا تنابلة في خدمة اجندات الحزب الشيوعي السوداني؟
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
العزيز كوستاوي
ولطالما منبر ( ايوا) حسب زعمك اعلاه مهيمن عليه ليخدم اجندات الحزب الشيوعي السوداني ارنا بالله عليك اين هي الاجندات الشيوعية التي تحققت في ملتقي ( ايوا) الاخير في (كلورادو) عبر البيان الختامي ادناه والذي صاغته كل القوي الوطنية المشاركة في هذا اللقاء التاريخي اي قوي الاجماع وثوار كاودا!؟
Quote: ملتقى ايوا للسلام و الديموقراطية
البيان الختامي
للمؤتمر الخامس لملتقى أيوا للسلام والديمقراطية
دنفر - (20،21) إكتوبر 2012
علي شرف الإحتفال بالذكري الثامنة والأربعين لثورة أكتوبر المجيدة إنعقد المؤتمر الدوري الخامس لملتقي أيوا للسلام والديمقراطية بجامعة كلورادو بمدينة دينفر - كلورادو بالولايات المتحدة الأمريكية تحت شعار: "نحو سودان ديمقراطي مدني موحد" حيث شارك فى المؤتمر حشد من الناشطين والناشطات والسياسيين السودانيين وأساتذة الجامعات يتقدمهم وفد يمثل قوى الإجماع الوطني برئاسة المهندس صديق يوسف و عضوية الدكتور أبو الحسن فرح و السيد هشام المفتي ووفد يمثل الجبهة الثورية برئاسة السيد التوم هجو، وعضوية السادة : معتصم أحمد صالح، مجدي يونس، والصادق الزين، كما شارك موفد التحالف الديمقراطي بالداخل الدكتور علي الكنين وممثلي حزب الأمة القومي، الحزب الإتحادي الديمقراطي، حركة العدل والمساواة، حركة تحرير السودان (مناوي)، التحالف الوطني السوداني، الحركة الاتحادية وعدد من ممثلي منظمات المجتمع المدني، إتحاد الصحفيين السودانيين، الشبكة السوانية لحقوق الإنسان ، والمنظمة الأمريكية الإفريقية لمناهضة التعذيب.
وقد خاطب المؤتمر السيد ناصر علي ممثلا للجنة المنظمة في مدينة دينفر والدكتور جمال الدين بلال ممثلا لسكرتارية ملتقى أيوا حيث أشارا للأهمية التاريخية لإنعقاد هذا المؤتمر ودوره في تقريب وجهات نظر القوى السياسية السودانية في شأن التدابير اللازمة لإزالة نظام الإنقاذ الشمولي والتوافق حول بديل ديمقراطي يحقق للوطن سلامه و إستقراره وما يتوق إليه من نهج ديمقراطي.
هذا وقد خاطب المؤتمر كل من:
المهندس/ صديق يوسف رئيس وفد قوى الإجماع الوطني.
السيد/ التوم هجو رئيس وفد الجبهة الثورية السودانية.
الدكتور/ على الكنين موفد التحالف الديمقراطي بالداخل.
العميد(م)/ مجدي يونس ممثل حركة تحرير السودان (مناوي).
العميد(م)/ محمد مجاهد حسن طه ممثل التحالف الوطني السوداني بالولايات المتحدة.
الدكتور/ أبو الحسن فرح ممثل الحركة الاتحادية.
السيد/ إبراهيم عباس ممثل الحزب الإتحادي الديموقراطي بالولايات المتحدة.
السيد/ الصادق الزين ممثل حزب الأمة القومي.
السيد/ معتصم أحمد صالح ممثل حركة العدل والمساواة السودانية.
كما خاطب المؤتمر عبر الهاتف كل من:
الأستاذ/ فاروق أبوعيسى رئيس هيئة قوى الإجماع الوطني
السيد/ ياسر عرمان الأمين العام للحركة الشعبية شمال
الدكتورة/ إحسان فقيري إحدى مؤسسات منظمة لا لقهر النساء
السيد/ محمد طاهر أبوبكر ممثل مؤتمر البجة
السيد/ مهدي داؤود الخليفة رئيس حزب الأمة القومي بالولايات المتحدة الأمريكية وعضو قيادة الجبهة الثورية
السيد/ مصطفى الحسين آدم مساعد الأمين العام لشئون المنظمات والعون الإنساني بحزب الأمة
وقد قدمت الأوراق التالية خلال جلسات المؤتمر:
مقاربة بين وثيقتي الجبهة الثورية (إعادة هيكلة الدولة السودانية) وقوى الإجماع الوطني (البديل الديمقراطي): الأستاذ/ فتحي الضو
آليات وقوانين العدالة الإنتقالية : السيد/ أيمن تابر، تعقيب السيد/ زين العابدين الطيب،السيدة/ أماني العجب
شكل أدوات التغييرمن إسقاط النظام وإلي تغييرالنظام وبالعكس : د.عبدالله جلاب، تعقيب السيد/ معتصم أحمد صالح
حماية وتأمين الفترة الإنتقالية والديموقراطية : عميد (م)/ هاشم الخير، عميد (م)/ محمد مجاهد حسن طه
مناطق التماس الماضي، الحاضر والمستقبل : المهندس/ صديق مريود، تعقيب السيد/ محمد جاد كريم، السيد/ عادل كركب
مآلات حركة التغيير في السودان : حركة شباب التغيير الآن (تمت قراءتها في المؤتمر)
الهوية التي هوت بنا وشكل الحكم : بروفيسورعبدالرحمن إبراهيم، تعقيب السيد/ هشام هباني
وقف المؤتمرون دقيقة حداداً على أرواح بعض رموزنا الوطنية الشهيد الدكتور/ خليل ابراهيم محمد ، الأستاذ/ محمد ابراهيم نقد، الأستاذ/ التيجاني الطيب بابكر، الدكتور/ بشير بكار، الموسيقار/ محمد وردي، الفنان/ زيدان إبراهيم، الشاعر/ محمد الحسن سالم حميد، وكل الذين إستشهدوا أو رحلوا في الفترة بعد إنعقاد المؤتمر الرابع، كما قدم عرضاً يمجد ذكراهم.
منح ملتقى أيوا شهادة التقدير والعرفان لهذا العام لشهدائنا الأبرار والمناضلين و المناضلات والمعتقلين والمعتقلات ممثلة في شباب إنتفاضة يونيو/ يوليو والمرابطين في كل ساحات النزال ضد نظام الإنقاذ الشمولي.
أشاد المشاركون بمبادرة ملتقى أيوا في ترتيب أول لقاء رسمي بين ممثلي قوى الإجماع الوطني والجبهة الثورية تم فيه تبادل الوثائق بينهما والتأكيد على مواصلة الحوار في القضايا المتباينة. كما أمن المشاركون على أن تتواصل جهود ملتقى أيوا من أجل تقريب وجهات النظر بين أطراف المعارضة ودعوا الملتقى لمواصلة الإتصالات بجميع القوى السياسية المعارضة في السودان والسعي لعقد مؤتمر للوصول لرؤية موحدة حول وسائل إسقاط النظام وترتيبات الفترة الإنتقالية.
قرر المؤتمر تشكيل لجنة مصغرة تمثل فيها كافة قوى المجتمع السوداني السياسي والمدني الاجتماعي من أجل توحيد كافة قوى المعارضة ومعالجة الوضع الإنساني في مناطق الحروب في السودان وتعزيز صوت المعارضة.
أشار المؤتمرون الى أهمية دور الملتقى في إبراز الجهود المبذولة من كل الأطراف للوصول الى حل سياسي شامل وتوصيل ذلك للإدارة الأمريكية والمجتمع الدولي والإقليمي ودول الجوار.
أمن المشاركون انه لا سبيل للخروج من أزمة السودان الراهنة إلا بإسقاط نظام الإنقاذ الشمولي والتأسيس لنظام حكم ديمقراطي يراعي التنوع ويحقق العدالة ويكفل حقوق الإنسان واضعين في الإعتبار تعدد وسائل التغيير التي تشمل الإنتفاضة السلمية ومختلف سيناريوهات التغيير مسترشدين بثورة اكتوبر وإنتفاضة أبريل وثورات الربيع العربي.
طالب المؤتمر بضرورة تنفيذ إتفاق الآلية الثلاثية الخاص بجنوب كردفان والنيل الأزرق وتوصيل الإغاثة إلى جميع المناطق المتأثرة بالحرب. كما طالب بإيقاف القصف الجوي على المدنيين ووقف الحرب وفتح ممرات الإغاثة للمتضررين فورا.
طالب المؤتمرون بإطلاق سراح جميع المعتقلين والمعتقلات من سجون النظام فوراً وإيقاف تنفيذ أحكام الإعدام الصادرة ضد الناشطين السياسيين والأسرى ومناشدة المجتمع الدولي للتدخل لإنقاذ المناضلة الأستاذة جليلة خميس كوكو وأمية عبد اللطيف حسن من الإعتقال والتهديد بتنفيذ حكم الإعدام.
سكرتارية ملتقى أيوا للسلام والديمقراطية
دنفر- كلورادو-الولايات المتحدة الأمريكية
21 أكتوبر2012
|
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: Kostawi)
|
العزيز الخردة كوستاوي
لماذا رميتني انا شخصيا بسؤالك هذا من دون خلق المنبر لانه لو كان هذا السؤال من طرف( الجقروتة وهبة) لاعتبرناه امرا طبيعيا
يشبه طبيعة مماحكات وهبة معي.....ولكن ان يأتي منك شخصيا وانت وانا والشيوعيون في خندق نضالي واحد فهو امر يثير الاستغراب
وليس الشكوك لانى ادرك وطنيتك ونظافتها.............وهو امر لا ولن يرقي الي مرتبة الشك!.
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
لماذا رميتني انا شخصيا بسؤالك هذا من دون خلق المنبر لانه لو كان هذا السؤال من طرف( الجقروتة وهبة) لاعتبرناه امرا طبيعيا
يشبه طبيعة مماحكات وهبة معي.....ولكن ان يأتي منك شخصيا وانت وانا والشيوعيون في خندق نضالي واحد فهو امر يثير الاستغراب
وليس الشكوك لانى ادرك وطنيتك ونظافتها.............وهو امر لا ولن يرقي الي مرتبة الشك!.
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
أخونا الناظر هباني
صاحب البوست كستاوي
ملتقي أيوا إضافة ثرة وخطوة نحو تمتين المعارضة والاساس الذي يجب ان ينبني عليه سودان مابعد المؤتمر.
بيان الحزب الشيوعي خطوة الي الوراء وردة وفضيحة للحزب العتيق هذا.
يجب علينا جميعا كمعارضة مطالبة الحزب الشيوعي باعادة النظر فيه بشكل موضوعي ونقدي بناء.
البيان كان صدمة لنا كجماهير معارضة خارج الحزب الشيوعي وربما يعكس إشكالات داخل الحزب
لم نكن ندري بها.
بيان الحزب الشيوعي يطالب حكومة المؤتمر بالتحقيق في اختراقات الجيش والاجهزة الامنية!!!!
كيف تطالب اللص بالتحقيق فيما سرق؟؟!!
كيف تيقن الحزب الشيوعي من دور اسرائيل في الحدث؟ هل حقق ام عول علي مصداقية المؤتمر؟؟!!
لماذا استلف الحزب الشيوعي ادبيات التطرف الاسلامي والعروبي في بيانه هذا؟؟ّ!!!
لماذا تحدث البيان السيادة الوطنية بهذه الطريقة الفجة وفشل في الاشارة الي من تجني عليها؟؟؟!!!
لماذا يبدي البيان تعاطفا وتأييد للصناعةالحربية ويطالب بحميتها ويغفل ماتسببه لسوداني الهامش؟؟؟!!
لماذا يغفل البيان حقيقة ان المؤتمر هو الذي اتاح لايران والجماعات الارهابية باستخدام ارض السودان؟؟!!
من ياتري داخل الحزب الشيوعي الذي كتب مثل هذا البيان وكيف تعمل آلية اصدار البيانات داخله؟؟؟
هل توافق وهل ستسكت جماهير الحزب علي هذه المهزلة؟؟
مــــــاذا يحدث داخل الحزب الشيوعي؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: GAAFER ALI)
|
العزيز جعفر علي
كل العام وانتم بالف خير
Quote: بيان الحزب الشيوعي خطوة الي الوراء وردة وفضيحة للحزب العتيق هذا.
يجب علينا جميعا كمعارضة مطالبة الحزب الشيوعي باعادة النظر فيه بشكل موضوعي ونقدي بناء.
البيان كان صدمة لنا كجماهير معارضة خارج الحزب الشيوعي وربما يعكس إشكالات داخل الحزب
لم نكن ندري بها.
بيان الحزب الشيوعي يطالب حكومة المؤتمر بالتحقيق في اختراقات الجيش والاجهزة الامنية!!!!
كيف تطالب اللص بالتحقيق فيما سرق؟؟!!
كيف تيقن الحزب الشيوعي من دور اسرائيل في الحدث؟ هل حقق ام عول علي مصداقية المؤتمر؟؟!!
لماذا استلف الحزب الشيوعي ادبيات التطرف الاسلامي والعروبي في بيانه هذا؟؟ّ!!!
لماذا تحدث البيان السيادة الوطنية بهذه الطريقة الفجة وفشل في الاشارة الي من تجني عليها؟؟؟!!!
لماذا يبدي البيان تعاطفا وتأييد للصناعةالحربية ويطالب بحميتها ويغفل ماتسببه لسوداني الهامش؟؟؟!!
لماذا يغفل البيان حقيقة ان المؤتمر هو الذي اتاح لايران والجماعات الارهابية باستخدام ارض السودان؟؟!!
من ياتري داخل الحزب الشيوعي الذي كتب مثل هذا البيان وكيف تعمل آلية اصدار البيانات داخله؟؟؟
هل توافق وهل ستسكت جماهير الحزب علي هذه المهزلة؟؟
مــــــاذا يحدث داخل الحزب الشيوعي؟؟؟؟؟؟؟؟؟؟؟؟؟؟؟ |
اتفق معك مائة بالمائة في كل حرف في الاقتباس اعلاه مما تفضلت به حول هذا البيان الهزيل والذي يعبر في اعتقادي عن خط قوي التخاذل والانهزام في هذا الحزب العريق ويبدو انها قد تمكنت من الامساك بتلافيف مؤسسة صنع القرار فيه وقد قبلت التدجين مثل بقية الاحزاب الداجنات وهي تلف في فلك الطغيان.
مودتي
مؤسسة القرار فيه
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: Kostawi)
|
حبيبنا الخردة كوستاوي
لقد جاوبت علي سؤالك حول البيان.....اما موضوع ( ايوا) يا صديقي لم يخرج عن سياق خيطك والشيء بالشيء يذكر لانه ايضا يتعلق بالحزب الشيوعي الذي بسببه اسأت الي كثيرين من اخوتك في سكرتارية ( ايوا) وانا منهم في خيط لازال موجودا بالمنبر ووصمتنا بصريح العبارة ( تبع) اي نحمل (قفف) الحزب الشيوعي السوداني ...فارجو ان تكون شجاعا وترد علي بذات الصراحة التي جاوبت فيها علي سؤالك موضوع الخيط حول هذه الجزئية اي حول رايك الواضح والذي اقتبسته انا في هذا الخيط وهو راي يوضح للقاريء ومرسلا رسالة مضللة مفادها بأن الشيوعيين قد التفوا علي ملتقي ( ايوا) اي بمعني انهم قد سرقوا المبادرة واما بقية الاعضاء مجرد ( قفف) وما احزنني انك اسأت الي الاخ العزيز وهو الاستاذ والكاتب الصحافي المناضل فتحي الضو وانت تحشره بسخرية في موضوعك ( المهبب) و قد ذكرت انه اكل ( اللكومة) ارجو ان تكون شجاعا وتوضح معني العبارة( اللكومة) او تعتذر للاخ العزيز فتحي الضو اعتذارا شجاعا وانت تعرف ان الاستاذ فتحي الضو ليس شيوعيا ولن يكون ( امعة) لاحد وهو الذي اجمع كل المؤتمرين بما فيهم (الشيوعيون) ان ورقته الدسمة هي ورقة المؤتمر باعتبارها كانت تجسد رؤية توفيقية لقوي الثورة السودانية للتوحد لاقتلاع الطغيان وخمدا لله قد نجح المؤتمر بكل المساهمات الثرة من كل الوان الطيف السوداني محققا اجندة الثورة الوطنية السودانية وليست اجندة الحزب الشيوعي السوداني!!!
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
كتب صديقنا هباني Quote: لماذا رميتني انا شخصيا بسؤالك هذا من دون خلق المنبر لانه لو كان هذا السؤال من طرف( الجقروتة وهبة) لاعتبرناه امرا طبيعيا
يشبه طبيعة مماحكات وهبة معي.....ولكن ان يأتي منك شخصيا وانت وانا والشيوعيون في خندق نضالي واحد فهو امر يثير الاستغراب
وليس الشكوك لانى ادرك وطنيتك ونظافتها.............وهو امر لا ولن يرقي الي مرتبة الشك!. |
الجقروتة وهبة دا تطير عيشتو !!
أنا كتبت مداخلة في هذا البوست وقلت ان هباني لن يستطيع ان يكتب اي شيئ يدين الشيوعيين .. لا أدري لماذا حذفت ؟
المهم يا هباني انت لا زلت مرعوب من الشيوعيين سواء بتاعين ايوا او بتاعين انجمينا وكلامك الفي مداخلتك (الكميكازية) الاولي بتوضح تماما انك مرعوب وقلبك مقطوع كمان ..
انت زول بتمتلك حساسية عالية في فتح البوستات واصطياد الم######## لها ..
البيان الشيوعي دا صدر ليهو زي 3 او 4 ايام وانت عملت ميت
وليس ذلك فحسب بل جيت فتحت بوست عن البلوم هههه
بلوم ؟! بلوم يا كبير؟! غايتو الواحد مقدر حالتك الصحية، لو ما كدا كنت معطتك شوية
___________
قال الراوي :
البلوم نزل في الساحة
البلوم قلع بالراحة
البلوم نزل يا اهلنا
البلوم طلع جننا
وهوبا هوب هوبا هوب
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
| Quote: ده بيان سجمان جدا جدا وليسقط الحزب الشيوعي السوداني والي الجحيم الحزب الشيوعي السوداني والعار العار لكل من صاغ هذا البيان الرمدان |
دي إجابتك عن البيان?
دي زي
Down Down USA
و لن يحكمنا البنك الدولي
أبقى عندك رأي و بطل الخفة
و ما تعمل فيها (مقرما)
قول رأيك عن البيان عشان في ناس بتقرأ و بضحكوا في كلامك الفارغ دا
قول رأيك بصراحة....و ما تخاف
الشيوعيين ديل ما (بعاعييت)
_______________________________________
و لو داير تتكلم عن أيوا أفتح بوست
عشان نشوف سرقات البوستات و المكتبات
فتك بخير
البوست بوستك....ختو في مكتبتك
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: عبدالوهاب علي الحاج)
|
| Quote: عشان نشوف سرقات البوستات و المكتبات |
تصدق يا ود هباني
أنا من ما لقيتك بتملّس للخردة دا وشابكو يا "العزيز" و " الحبيب" وهو يشيل ويبُخ فيك،
وتعامل معاك بتعالي غريب ... عرفتو ماسك عليك حاجة .. وقطعت الشك في ذلك، بس كنت منتظر اعرف الحاجة الماسكها عليك دي شنو ؟
لحدي ما أفصح عنها بلؤم وخبث بالغين في الإقتباس المجلوب أعلاه ..
وعليه يا ود هباني يا صديقي أهلنا العرب قالوا " مضارفة المومن على نفسو حسنة" فأنا شايف الزول دا لو نفذ تهديدو
وكشف السرقة التي لمح بها اعلاه للقاريء العزيز، الدنيا دي بتبقى ليك اضيق من سم الخياط،
عشان كدا يا حبة انا بقترح عليك، الخردة دا حقو تختا دربو نوهائي ..
لان الخردة كوستاوي معروف عنه أنو (الصندوق الاسود) لهذا البورد
المهم انا نصحتك والخيار في النهاية لك وحدك
وزي ما قال أبونا الشيخ فرح ود تكتوك (على لسان العيش) : كان داير تبيع نوم عينيك، أنا مالي بيك !!
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
| Quote: ايه حكاية سرقة البوستات والمكتبات دي واكان عندك حاجة ماسكه علي هباني الدرب فاتح يا حبيب وقشة ما تعتر ليك! |
احب الانبطاح ذاتو انا !!!
يا زول الكلام بتاع الخردة واااااااضح لو عندك حاجة لافحها في مكتبتك،
رسل لابو صلعة خليهو يشيلها .. زي ما شال ليك مداخلات بشاشا الشتحك فيها هنا،
وخلى اللي ما يشتري يتفرج ...
_______________
الموضوع دا حار عليك يا عمدة وما اظنك بتقدر تستحملو
خصوصا وانت كنت عامل فيها من حماة الملكية الفكرية والراعي الرسمي لحقوق الغير الادبية
وما تنسى انت دمك مطلوب لكثير من الجهات المعادية د. نزار واخونا بدرالدين ووليد الطيب
غايتو الخردة مع الويكند الجاي دا، لو مشى غبّش وطلعت في راسو يفتك وبهلها لينا هنا يا عمدة
انا احتمال كبير اجيك بالدرب عديل واعمل لي ندوة في (السيتي هول) مترجمة لجميع اللغات
والله يكضب الشينة ... خخخخخخخخخخخ
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: عبدالوهاب علي الحاج)
|
ود هباني يا صحبي
صدقني انا متضامن معاك للطيش ... والموضوع بتاع السرقة دا بيأذيك وقيل بنتهي منك - كمناضل - عديل كدا..
عشان كدا يا حبيب انا دايرك تدير الملف دا بالصبر ويجب عليك التحلى بالحكمة وضبط النفس ...
يعني زي كلامك بتاع قشة ما تعتر ليك وووو دا اسمو تحدي ... معقول داير تتحدى ليك زول ماسكك من خصاويك ؟
انت يا زول جنيت ؟ الموضوع ما بتعالج كدا كدي خليني اديك تكتيك تستخدمو عسى ولعل ينجح وهو كالآتي :
انا غايتو شايف الويكند الجاي دا تجي ميريلاند تعمل فيها عندك شغل، وجايبك الدرب والحركات الزي دي انت بتعرف ليها كويس
وتقوم تزور الكرناف دا في البيت تتغدى معاهو وبعد الغداء تعمل فيها جاتك حمى ما بتقدر تسافر وتبيت برضو
طبعا اكيد حيجي يتونس معاك ويجيب ليك بنادول في اللحظة دي انت لازم تستغل الموقف و تظهر ليهو اقصى درجات الخضوع والمسكنة لااامن تحننو ..
وتدردقو لحدي ما يوريك السرقة في ياتو بوست ... تقوم برضو تمشي اريزونا تتمحلس لي بكري لحدي ما يحذفها ليك من المكتبة ..
وبي كدا تريح اضانك لأنو كان كوستاوي عفاك وما فضحك، الكيزان ما بخلوك هسي تلقاهم سايطين مكتبتك سواطة خخخخ
اسأل الله انو ينجيك من الكارثة دي لأنك زول صاحب عيا ومرض وربنا يستر علينا جميعاً
..
المهم دا تكتيك اول كان نجح كان بها وكان ما نجح ارجع لي برقد ليك بالخيرة تاني ونشوف الفي الكتاب شنو ؟
وبيت الضبع ما يخلاش خخخخخخخخ بس انت ساعدنا بي يس
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: هشام هباني)
|
| Quote: انا افتكر بعد ده المهمة بتبقي ساهلة علي ناس دكتور نزار ووليد البشاقرة عشان ديل ناس تارات معاااااي |
سلامات يا عمدة
المهمة ساهلة بي وين يا فردة ؟
شكلك بديت الرحلة من اريزونا وبكري ما قصر معاك وقش ليك الواغش كلو
وكدا كوستاوي ذاتو ممكن تلفها مع حنان حنانو ذاتو ... يلا بلا كوستاوي بلا صلعات ، بلا وهم
والله احييك يا عمدة لحقت الموضوع بدري بدري ويا بخت من كان بكري صحبو
خخخخخخخخخخخخخخخخخ
| |
|
|
|
|
|
|
|
|
|
Re: يا هشام هباني....رأيك شنو في بيان قيادة الحزب الشيوعي و البلومة (Re: عبدالوهاب علي الحاج)
|
انت ذاتك يا ود هباني تستاهل اكتر من كدا !!
انت البوديك تصاحب زي ناس كوستاوي ونور الدين منان وبشاشا ديل شنو ؟
يومتها في واحد من بوستاتك شايف الكرناف دا جا خت ليك رابط البوست بتاعك القلت ستتوقف عن الكتابة،
انا افتكرتو بهظر تصدق ... اتاريهو زعلان وداير ينفع ... اريتو بزعل ام العروس
..
صحي انت مالك جيت راجع ؟ ياخ كان على الاقل تخلي الربع دا يخلص وانا بنفسي كنت بفتح ليك بوست اطلب منك الرجوع ..
وترجع معزز مكرم .. انا كنت عارف انو (يدك)* ح تاكلك لكن ما كنت قايلها (بتاكلك) بالسرعة دي ...معقولة ياخي تجي ناطي قبال (السبوع) ما يتم ؟
خليتنا سكبنا مشاعرنا في الهواء ساي وفكينا آخرنا ياخ ... انا غايتو ما عافي ليك
حايم هنا من 2003 ولسه بتعمل قياس لجماهيريتك بالطريقة الساذجة دي ؟
غايتو اقول ليك حاجة انا لو يوم لقيت المنبر دا اسود وقالوا ود هباني اتلحس (بعد خرف).. ما بخش أعزي الا في يوم التالتة
لأنك بقيت بالجد ما مضمون ... خخخخخخخخ
________________
* اليد المقصودة هنا هي اليد 
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: عبدالوهاب علي الحاج)
|
| Quote: انت البوديك تصاحب زي ناس كوستاوي ونور الدين منان وبشاشا ديل شنو ؟ |
تعرف يا ود هباني انت زول طيبان ونيتك بيضا .. قول لي ليه ؟
الناس ديل يا حبيب ما قاعدين يناضلوا مجاناً ديل بتربحوا من وراء الشيئ البعملوا فيهو دا ..
وأظنك انت تابعت زرزرتي للمدعو نورالدين منان في واحد من بوستاتك عندما اتهمتو بأنو بيتربح من وراء نضاله ومناهضته لقيام السدود وكان يتقاضى مبلغ 10000 دولار شهريا مقابل نضاله المزعوم ... زرزرتو لمن اعترف وقال انو ما كان بتقاضى 10000 دولار بل كانت 8000 دولار فقط .... وبرضو تقدر تقول لي تراجي مصطفى دي عايشة العيشة المرفهة دي من وين ؟ الاناقة المفرطة واللبس العالي والسفريات التي لا تنقطع والدهب المالية بيهو يدينها دا من وين ؟ شغالة شنو ؟ ولعلمك تراجي برضو من اللواتي لم يكملن تعليمهن ... دا كلو من النضال واستقطاب الدعم للجهات التي يناضلون من اجلها واقتصاص شيئ منه ..للعاملين عليها تمام مثلهم مثل الكيزان ..
وانت يا المسكين مفحِّـــط لي بتاكسيك دا وما جايب خبر ... وجايي هنا شابكنا عاجل وعاجل جداً الخ وهماتك الما بتنتهي دي ... شوف انا والله دايرك تستفيد مالو تناضل وتربح زيهم بالضبط .. هسي زعلة الناس الما شاركوا في مؤتمر أيوا الاخير دا ، انت قايلهم زعلانين عشان السودان هههههه يا زول السودان أريتو بالصاقعة التعدمو طافي النار ... العالمين دي زعلانة عشان دي سبوبة عيش ونقّاطة ... شفت يا قريبي انت غشيم كيف ؟
المهم يا معلم اذا لقيت محل الشطُر البرضعوا فيهو الناس ديل أرضع وبعد ما تملا بطنك ،عليك ما تنسى اخوك الجقروتة دا والله نفسي امتلك (آي فون) قبال ما اموت والوصية في الذمة .. اقعد عافية
| |
|
|
|
|
|
|
|
|
 Re: يا هشام هباني....رأيك شنو في بيان قيادة الحزب الشيوعي و البلومة (Re: عبدالوهاب علي الحاج)
|
________________________
| Quote: المهم يا معلم اذا لقيت محل (الشطُر) البرضعوا فيهو الناس ديل أرضع وبعد ما تملا بطنك ،عليك ما تنسى اخوك الجقروتة |
سلام يا عمدة ..
هي لاكين يا عمدة انت الشطر دا بتلم فيهو كيفن اذا انت قاعد لي في الكنبة الورا ؟
ياخ الكنبة الورا دي في المواصلات العامة عندنا هنا بقعدوا فيها الطلبة والناس البقولوا شكراً ..
وانت ماشاء الله وتبارك الله الزول الوحيد البفهم فيهم وخطيبهم المفوّه .. انت مكانك الصفوف الامامية ... وبعدين يا حبيب ما تدقس وتبقى زي الفنان البجي يغني مقابل العشاء والشربة ... انت لازم تكون في اللجنة التحضيرية وتسيطر على مفاتيح اللعب كلها وتعرف بالضبط حجم الدعومات ومصادر التمويل ولو لقيت طريقة بقيت أمين الخزينة يكون مية مية ..
وما تنسى الاناقة والوجاهة مهمة برضو ولازم تشوف ليك بدلتين حلوين كدا وكرفتات بالوان فرايحية .. لأنو بدلتك الرمادية والكرفتة بتاعتك السادة دي معطتنا بيهم معط السنين ... ولازم تحلق شعرك في صالون 5 استارز لأنو شعرك المنكوش دا بدي الناس احساس انك مستحمي بصابون بودرة ولو لقيت طريقة صبغت شعرك وشنبك زي الجريو بتاعك (سابقا) خضر الطيب يكون كدا تمام التمام ..
ساعود لمدك بالمزيد من التكتيكات والنصائح ارجو المتابعة ...
| |
|
|
|
|
|
|
| |
Kostawi
حيدر حسن ميرغني
saif massad ali
هشام هباني
خضر حسين خليل
عبدالوهاب علي الحاج
Mohammed Awad
فيس بوك
تويتر
انستقرام
يوتيوب
بنتيريست