نعم أحيانا اشعر بأننا مصابون بالشلل في كل حواسنا..
نتحرك منه قليلا جدا في نطاق خاص وصغير ونحن نتلفت.. ثم نرجع الي مقعدنا الخالد لنشاهد باقي المشلولين بإستغراب!
يا مني هناك دعاء صالح يقول فيه الانسان .. اللهم ادخلنا الجنه ونجنا من النار .. فاذا استجاب له ربه وادخله الجنه فانه يكون قد نجا تلقائيا من النار فلا تمسه ولا يقاربها ..
مشكلتنا نحن بالذات اننا قد ندخل الجنه ولكننا في ذات الوقت لا ننجو من النار التي لم تشبع منا بعد
(سؤال جانبي) هل رايت مشلولا يبكي ؟.. انا لم ار .. رغم انني عايشت مشلولين كثر .. لعل احساسهم بالمرارة شل ايضا .. مثلنا
Quote: سؤال لثقافة القاريئ فقط ارجو تكرم سعادتكم الرد عليه . هل كنتم تبتعثون لدراسات خارج السودان ؟ انا على علم تام انه و إبان فترة علاقتنا الخارجية المتوازنة ، او قل عندما كنا منحازين الى الغرب ، كانت ترد للسودان الكثير من المنح الدراسية في شتى التخصصات اما بتمويل من البنك الدولي او من الدول الصديقة.
يا خوي انتو كنتوا وين نعم .. كنا نبتعث الي كل انحاء الدنيا لنتعلم مجانا .. وناخد قروش هناك .. وماهيتنا ماشه هنا .. وكانت الدول خاصة بريطانيا ومصر وامريكا والهند وباكستان وفرنسا والمانيا وبعدها الدول الاوروبيه تتسابق علي تزويد السودان (المحبوب عالميا) ببعثات دراسيه منها المهني ومنها الاكاديمي .. وكانت سفارات السودان وملحقياته الثقافية وسفارات الدول الممثلة بالسودان تتحصل علي خطط التدريب والتطوير الحكومي لتأتي بجزء منها من منطقة تمثيلها .. وكان مكتب البعثات الحكوميه هو المنسق الذي يوزع هذه المنح علي الوزارات حسب احتياجاتها التدريبيه ووفقا لما يتوفر بها من المؤهلات العلميه لموظفيها .. بل واننا كنا احيانا نُرسل الي مكتب البعثات الخارجية لنبحث عما يناسبنا للارتقاء الاكاديمي ونقوم بتعبئة استمارات الترشيح ونعود بها لوزارتنا لاعتمادها وختمها ..
والمنحة الدراسية تشمل كل شيء من تذاكر السفر والرسوم الدراسيه والسكن والاعاشه والترحيل واللوازم الدراسيه بما في ذلك قلم الرصاص والحبر والنثريات .. وتمنح حكومة السودان المبعوث (بجانب ماتمنحه اياه الحكومه المستضيفه) اما اعانة شهريه في حالة البعثات الطويلة او بدل سفريه في حالة البعثات التي تقل عن ثلاثة اشهر .. مع احتفاظ الموظف براتبه كاملا ومخصصاته وامتيازاته .. ويصدّق لمبعوثي الدراسات العليا باصطحاب اسرهم علي نفقة المنحة وكذلك بعض الحالات الخاصه ..
ويمكنك ان تحصل علي منح دراسيه خارج تخصصك الوظيفي بشرط ان تكون قد تأهلت مهنيا .. وقد استفدت شخصيا من ذلك فدرست الادارة العامه وادارة الاعمال وعلم النفس والقانون الجنائي والدستوري وفنون التدريب .. وقضيت نحو ستة اعوام من خدمتي الحكوميه في طلب العلم .. كل ذلك بالمجان .. وبدون من او اذي .. ورأيت الدنيا شرقا وغربا وخالطت الناس والشعوب فعرفوا السودان واحب اكثرهم محمد احمد
هل عرفتم لماذا نحب السودان كل هذا الحب
وقد اعطيت من جانبي نظير كل هذا فدرّبت ودرّست وحاضرت وشاركت في ورش العمل والسمنارات وكنت كالنحلة اغطي اكثر من نشاط في اليوم الواحد بجانب عملي .. وارفض المقابل اذا وجد .. وارفض قبول عروض براتب مضاعف من القطاع الخاص لأن ذلك غدر وانكار جميل لمن اهلني كل هذا التاهيل بلا مقابل .. ولم نكن نوقع تعهدا بالاستمرار في خدمة الحكومه بل كنا طوع بنانها اذا دعتنا لمهمة تتناسب مع ما درسنا ..
وآخر بعثة دراسية ذهبت فيها كانت عام 1976 وهي التي قابلت فيها اللورد هاو بترتيب من مانحي البعثة ..
وفي اواخر الخمسينات استطاع الحزب الشيوعي السوداني ان يحصل علي عدد وافر من المنح الدراسيه لاعضائه للحصول علي درجات جامعيه في مختلف المجالات ونال الكثيرون من خارج عضوية الحزب فرصا للدراسة في دول المعسكر الشرقي وحصلوا علي درجات علمية اساسية وعليا .. والتحقوا بالعمل الحكومي وارسل الكثيرون منهم في بعثات حكومية اخري
شفت ازاي ... انتو انشا الله يبعثكم الجليل الرحيم .. عمر علي حسن
باقي لي اخوك شيقوق مهتم بالنص التاني من نشاط الفكي .. خليني النهبشو ليك هبشة تخلي ضقلو 7 و8 زي ما قال الحلاوي .. بالمناسبه الزول ده مالو غطس وخلانا نحاحي في خالي وود الكامل
اما البنزين فيعلم الله لولا الفاتحه الا كان تجيبوه من الاسكا .......... هييييييييييييييييع شيخي اللي رباعتو ما تبين
Quote: يا خوي انتو كنتوا وين نعم .. كنا نبتعث الي كل انحاء الدنيا لنتعلم مجانا .. وناخد قروش هناك .. وماهيتنا ماشه هنا .. وكانت الدول خاصة بريطانيا ومصر وامريكا والهند وباكستان وفرنسا والمانيا وبعدها الدول الاوروبيه تتسابق علي تزويد السودان (المحبوب عالميا) ببعثات دراسيه منها المهني ومنها الاكاديمي .. وكانت سفارات السودان وملحقياته الثقافية وسفارات الدول الممثلة بالسودان تتحصل علي خطط التدريب والتطوير الحكومي لتأتي بجزء منها من منطقة تمثيلها .. وكان مكتب البعثات الحكوميه هو المنسق الذي يوزع هذه المنح علي الوزارات حسب احتياجاتها التدريبيه ووفقا لما يتوفر بها من المؤهلات العلميه لموظفيها .. بل واننا كنا احيانا نُرسل الي مكتب البعثات الخارجية لنبحث عما يناسبنا للارتقاء الاكاديمي ونقوم بتعبئة استمارات الترشيح ونعود بها لوزارتنا لاعتمادها وختمها ..
والمنحة الدراسية تشمل كل شيء من تذاكر السفر والرسوم الدراسيه والسكن والاعاشه والترحيل واللوازم الدراسيه بما في ذلك قلم الرصاص والحبر والنثريات .. وتمنح حكومة السودان المبعوث (بجانب ماتمنحه اياه الحكومه المستضيفه) اما اعانة شهريه في حالة البعثات الطويلة او بدل سفريه في حالة البعثات التي تقل عن ثلاثة اشهر .. مع احتفاظ الموظف براتبه كاملا ومخصصاته وامتيازاته .. ويصدّق لمبعوثي الدراسات العليا باصطحاب اسرهم علي نفقة المنحة وكذلك بعض الحالات الخاصه ..
ويمكنك ان تحصل علي منح دراسيه خارج تخصصك الوظيفي بشرط ان تكون قد تأهلت مهنيا .. وقد استفدت شخصيا من ذلك فدرست الادارة العامه وادارة الاعمال وعلم النفس والقانون الجنائي والدستوري وفنون التدريب .. وقضيت نحو ستة اعوام من خدمتي الحكوميه في طلب العلم .. كل ذلك بالمجان .. وبدون من او اذي .. ورأيت الدنيا شرقا وغربا وخالطت الناس والشعوب فعرفوا السودان واحب اكثرهم محمد احمد
هل عرفتم لماذا نحب السودان كل هذا الحب
وقد اعطيت من جانبي نظير كل هذا فدرّبت ودرّست وحاضرت وشاركت في ورش العمل والسمنارات وكنت كالنحلة اغطي اكثر من نشاط في اليوم الواحد بجانب عملي .. وارفض المقابل اذا وجد .. وارفض قبول عروض براتب مضاعف من القطاع الخاص لأن ذلك غدر وانكار جميل لمن اهلني كل هذا التاهيل بلا مقابل .. ولم نكن نوقع تعهدا بالاستمرار في خدمة الحكومه بل كنا طوع بنانها اذا دعتنا لمهمة تتناسب مع ما درسنا ..
وآخر بعثة دراسية ذهبت فيها كانت عام 1976 وهي التي قابلت فيها اللورد هاو بترتيب من مانحي البعثة ..
وفي اواخر الخمسينات استطاع الحزب الشيوعي السوداني ان يحصل علي عدد وافر من المنح الدراسيه لاعضائه للحصول علي درجات جامعيه في مختلف المجالات ونال الكثيرون من خارج عضوية الحزب فرصا للدراسة في دول المعسكر الشرقي وحصلوا علي درجات علمية اساسية وعليا .. والتحقوا بالعمل الحكومي وارسل الكثيرون منهم في بعثات حكومية اخري
الله يخليك - يا خال- فتلك كانت الحلقة المفقودة للكثيرين الذين يتابعون مشاركاتك الطيبة في هذا المنتدى
Quote: (سؤال جانبي) هل رايت مشلولا يبكي ؟.. انا لم ار .. رغم انني عايشت مشلولين كثر .. لعل احساسهم بالمرارة شل ايضا .. مثلنا
لم أراه يبكي وإنما رأيت نظرة منكسرة في عيونه ابكت عيوني!
.......... .......... هل تمعنت النظر في عيونهم وهم في الشوارع او في اي مكان من الوطن؟؟ هناك شيء مفقود في نظراتهم وفي محل ذلك الشيء المفقود -إن تمعنت أكثر- تجد الإنكسار! عيون منطفيء بريقها وغبش لونها من إرهاق لا يغادرهم بل يتزايد..
...... .......
أما الجنة والنار.. فقد قيل في كتاب السودان..أننا أيضا بعض من حطب النار!
Quote: يا حليلك يا خال انت فاكر ديل من النوع الكان مدير الجامعة او المدرسة بخاطب اباءهم بهذا المنهج .. شوف واتماسك حتى لا تبكي على ماضيك يا خال :
يا خال هذا بيان للناس اذ يساورني الشك في ان بعضنا سيقرا الارقام الوارده في خطاب المستر جي سي سكوت مدير كلية غردون سنة 1939 كما يقرأ ارقام الفلوس الان .. بالجنيهات التي لا تسبب ارقامها رفة في العين ولا فرحة في صدر قابضها .. ولا تسبب ضخامه ارقامها ضيقا في صدر صارفها .... ارقام خطاب المستر سكوت بالمليم وهو عملة مبرئه للذمه وتجب كتابتها في المعاملات من صفر الي 999 فاذا زادت عن 999 فانها تتحول الي جنيهات وكسور منها ... والجنيه له الف جزء (يعني الف مليم) .. وكان يسمي (اضان الفيل) ولا توجد منه عمله معدنيه وانما يكون ورقيا .. يوجد منه جنيه ذهبي تلبسه النساء في شكل مجموعات تسمي (فرج الله) وتلبس في اليد واحيانا في الرقبه ...
وددت ان اعود لارقام المستر سكوت واذكر بها ثم اتحدث عن الاسعار بعد ربع قرن عندما طبق علينا نفس مضمون الخطاب ..
وقبل ان انسي اشير فقط الي ان (الطالب) بكية غردون وهي قمة الهرم التعليمي كان يسمي (تلميذا) :
تلميذ من البلاد الخارجية ======== تلميذ من امدرمان مليم/جنيه ================= مليم/جنيه غسيل 080 ================== 000 يغسل عند اهله شاي 100 ================== 100 نقليات 000 ================= 160 اذا ذهب اسبوعيا لاهله
بقلاوه وعزائم 050 ================== 050 حلاقه 020 ================== 020 سينما 050 ================== 050 يسمح للتلميذ بعض الاحيان اذا كان الفيلم مفيدا له
في هذا البيان صوره دقيقه لاقتصاد السودان في ذلك الزمان فمثلا نجد ان عشرين مليما (قرشين) تكفي للانتقال من كلية غردون قي وسط امدرمان (مدرسة التجاره الحاليه) الي ابعد حي في امدرمان (الفتيحاب او حي العمده)
وان كوب الشاي لا يجاوز ثلاثة مليمات .. وان العزومه تكلفك خمسين مليما (شلن) .. فاذا استبدلتها بالبقلاوة (الباسطه) فان هذا المبلغ سيكفيك عددا من المرات .. والحلاقه بقرشين .. والسينما بقرشين ونصف فاذا ذهبت مرتين في الشهر فيكفيك الشلن ...
وقد تشمل المصاريف المختلفه شراء جريده وكتب وفسحه في الخرطوم الخ ثم يتبقي في جيبك عشرة قروش (تكشكشها) في جيبك عندما تسافر في الاجازة
وعندما جاء دورنا كانت الخمسمائة مليم ثابته والاسعار تقريبا ثابته (بعد ربع قرن) .. فقارن مع الاسعار التي تتصاعد كل ساعه ..وكان الجنيه السوداني يساوي ثلاثة دولارات وشوية سنتات ويساوي جنيه استرليني و16 بنس .. وكانت مصاريف يدنا في المدرسه الابتدائيه (الكتاب) مليمين وتسمي بالبلدي (عشرة) واظنها تعني (عشره فضه) .. وفي المدرسة الوسطي (المتوسطه) كنا نحصل علي خمسة مليمات (تعريفه) اذا كان البيت قريبا من المدرسه واذا كان بعيدا فانك تضطر للافطار بتعريفه اخري فيعطوك قرشا كاملا وصحيحا .. اما في الثانوي فهي خمسين مستر سكوت .... هذه الفئات ثابته وساريه علي الكل .. لا فرق بين ولد الغني وولد الفقير ...
وين تلقو زي ده يا خال ؟
هل اقول لكم (احيّ يا عمي بطرس) .. والله عايزين تنوموا ؟
هل اقول لكم (احيّ يا عمي بطرس) .. والله عايزين تنوموا ؟
خال لقطة بس
والله يا خالي قصتك عن القوة الشرائية للعملة السودانية وقتذاك ذكرتني قصة لعمنا مبارك عبد القادر الخبير بالدندر ( بالمناسبة اسرة آل الخبير التى تسكن الان جواركم في قرية ود السيد وقرية ود الخبير والتي تشتهر بالكرم والورع وسعة الرزق اساسها هذا الرجل العظيم الذى رايت ان احكي لكم قصته عندما كلف من قبل ناظرنا منصور العجب ود اب جن ليكون قاض للمحكمة الشعبية بالدندر )
الموضوع يا خال فيهو قصة مطالبة إمرأة لطرادة امام هذا الرجل الذى لم يسمع في حياته كلمة نابية خادشة للحياء العام وكان القانون الجنائي المطبق وقتها هو قانون العقوبات السوداني لعام 1974 ( ما تسرح آي قانون 74) .
انسى - يا خال - حيثيات القضية لانني ادرك تماما انك قادر لاستنتاج ما اعني من حيثيات .
المهم في الامر لما استمع عمك الفكي مبارك للشاكية خت يدو في راسو ودنقر في الطاولة ولفلف اوراقو وطلع من المحكمة ومن ديك وعييييييييك
أرجو أن تكتب هذه المذكرات فى كتاب يكون ذخرا للاجيال
وفخرا للسودان السمح الذى نرجو أن يعود
خالتك اسماء يا دكتورة مهيرة ما بتخليهو يكتب لينا كل دقيقة تذكرو ليك بفلان عرس وفلات مريض وفلان مات ومرات فلان عيد ميلادو والمسكين لا عندو في عيد ميلاد ولا كمان فالنتاين شفت كيف ؟
Quote: لم أراه يبكي وإنما رأيت نظرة منكسرة في عيونه ابكت عيوني!
يا مني وقد اجبت سؤالي كما اعرف الاجابة .. فهم كذلك يجرون دموعهم من عيون الاخرين ..
Quote: هل تمعنت النظر في عيونهم وهم في الشوارع او في اي مكان من الوطن؟؟ هناك شيء مفقود في نظراتهم وفي محل ذلك الشيء المفقود -إن تمعنت أكثر- تجد الإنكسار! عيون منطفيء بريقها وغبش لونها من إرهاق لا يغادرهم بل يتزايد..
ووجدت نفس الفقد في عيون جيلي الذي ضاع منه الامل ولن يسعفه العمل .. وبانكسارنا صرنا كما ترين نهذي بالمقال العاجز .. ولا ننتظر ان يغيثنا احد .. الا الله
Quote: أما الجنة والنار.. فقد قيل في كتاب السودان..أننا أيضا بعض من حطب النار!
حتي الكتاب حرفوه .. وزيفوا اياته .. فابشري بالجنه بسم الله الرحمن الرحيم يابني اذهبوا فتحسسوا من يوسف واخيه ولا تياسوا من روح الله انه لا ييأس من روح الله الا القوم الكافرون. صدق الله العظيم
Quote: خالتك اسماء يا دكتورة مهيرة ما بتخليهو يكتب لينا كل دقيقة تذكرو ليك بفلان عرس وفلات مريض وفلان مات ومرات فلان عيد ميلادو والمسكين لا عندو في عيد ميلاد ولا كمان فالنتاين شفت كيف ؟
Quote: مهيرة دي هي الدكتورة نفيسة الجعلي - تقيم بالدمام بالمملكة العربية السعودية وهي بت ناس عزاز ولذاذ خصمتك بالنبي تديها كلمة كلمتين سمحات عشان ما تفوتنا.
الطيب يا سيد خالك ما توصي حريص .. الدكتوره نفيسه عثمان الجعلي بت راجلا مشيته وراها أمّة .. فارس راي وفارس حكمه ومسموع كلمه وامها اختي بت عمي لزم .. وجدها الطيب الريح واخوه شيخ البشير الريح اولاد خالة ابوي وعمي الطيب .. وبي ضهر بيتهم بيت حبوبتي ستنا ام ابوي وعمي وقدامه حوش جدي العيدابي ابو امي .. وجدها الطيب الريح وكيلي في العرس وماضي في قسيمة زواجي .. ونهر ليك ابوي في العقد زي ما ابوي نهرني لما ربطت الكرفته وقلت ماشي معاهم ....
الاجمل ياخال انها وزوجها الدكتور محمد البدوي عمر تموا لينا العيد وقضوا معانا ليله من امتع لياليه قبل عودتهم للدمام ولعلهم جعلوا ختام هذا العيد مسك .. الم اقل لك انه عيد بالف عيد ..
عشت يا خال عمر علي حسن
11-07-2012, 05:43 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الدكتوره نفيسه عثمان الجعلي بت راجلا مشيته وراها أمّة .. فارس راي وفارس حكمه ومسموع كلمه وامها اختي بت عمي لزم .. وجدها الطيب الريح واخوه شيخ البشير الريح اولاد خالة ابوي وعمي الطيب .. وبي ضهر بيتهم بيت حبوبتي ستنا ام ابوي وعمي وقدامه حوش جدي العيدابي ابو امي .. وجدها الطيب الريح وكيلي في العرس وماضي في قسيمة زواجي .. ونهر ليك ابوي في العقد زي ما ابوي نهرني لما ربطت الكرفته وقلت ماشي معاهم ....
الاجمل ياخال انها وزوجها الدكتور محمد البدوي عمر تموا لينا العيد وقضوا معانا ليله من امتع لياليه قبل عودتهم للدمام ولعلهم جعلوا ختام هذا العيد مسك .. الم اقل لك انه عيد بالف عيد ..
اطال الله عمرك يا خال على هذه التفاصيل عن اخت اسفيرية عزيزة تداخلت معها في كثير من البوستات ولم اكن اعرف عنها سوى كونها دكتورة مهيرة ( نفيسة بت الجعلي)
هل الشيخ بشير الريح هو صاحب المكتبة المشهورة في حي الهاشماب وسط امدرمان ؟
Quote: هل الشيخ بشير الريح هو صاحب المكتبة المشهورة في حي الهاشماب وسط امدرمان ؟
نعم ياخال .. هو صاحب مكتبة البشير
وهو خريج مدرسة القانون بكلية غردون التذكاريه (جامعة الخرطوم الان) .. التق بعد تخرجه بسلك القضاء واتجه الي القضاء الشرعي فتدرج به حتي صار مفتشا للمحاكم الشرعيه ونائبا لقاضي القضاة .. وانتدب اثناء عمله لتأسيس كلية الشريعه بجامعه كادونا بنيجيريا .. وتقاعد بالمعاش في عام 1957 وأنشأ مكتبة البشير بعد تقاعده مباشرة في موقعها المقابل لجامع فاروق غرب سوق الخرطوم وكانت المنافس الاكبر لمكتبة سودان بوكشوب الشهيره
بعد وفاته اسس ابنه الراحل عبد الرحمن البشير المركز الثقافي المعروف باسمه في مكان المركز الثقافي البريطاني British Council بحي الهاشمات فاسهم مساهمة مرموقة في نشر الثقافه .
تحياتي .. ومبروك زولك (ألنضام) فاز . اها بتجي راجع والله عندك عذر تاني .. عمر علي حسن
11-07-2012, 09:36 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وهو خريج مدرسة القانون بكلية غردون التذكاريه (جامعة الخرطوم الان) .. التق بعد تخرجه بسلك القضاء واتجه الي القضاء الشرعي فتدرج به حتي صار مفتشا للمحاكم الشرعيه ونائبا لقاضي القضاة .. وانتدب اثناء عمله لتأسيس كلية الشريعه بجامعه كادونا بنيجيريا .. وتقاعد بالمعاش في عام 1957 وأنشأ مكتبة البشير بعد تقاعده مباشرة في موقعها المقابل لجامع فاروق غرب سوق الخرطوم وكانت المنافس الاكبر لمكتبة سودان بوكشوب الشهيره
بعد وفاته اسس ابنه الراحل عبد الرحمن البشير المركز الثقافي المعروف باسمه في مكان المركز الثقافي البريطاني British Council بحي الهاشمات فاسهم مساهمة مرموقة في نشر الثقافه .
يطول عمرك يا خال - وتبارك الله يا دكتورة نفيسة امانة ما خالي جيهك لي جيهة سمحة بالحيل
Quote: تحياتي .. ومبروك زولك (ألنضام) فاز
الله يبارك فيك يا خال
انا الليلة بالجد فرحان بالحيل ليس لأنه أوباما المنحدر من اصول افريقية بل لعظمة هذا الشعب الامريكي الذى لا يرى قيمة الانسان في إنتمائه للقبيلة هذه او تلك وإنما بمقدار ما يقدمه للبشرية .
بالله عليك نحن آدميون؟
Quote: اها بتجي راجع والله عندك عذر تاني ..
منو القال ليك عندي بلاد غير دي ؟ أشيل ملودي عشان امشي أحش بلدات الرجال؟
شوف يا خال - أكان كررت السعال دا تاني ، الصقيعة دي علا تلعب فيها انت وقريبتك بت الجعلي براكم .
11-07-2012, 09:57 AM
مهيرة مهيرة
تاريخ التسجيل: 04-28-2002
مجموع المشاركات: 943
Quote: انا الليلة بالجد فرحان بالحيل ليس لأنه أوباما المنحدر من اصول افريقية بل لعظمة هذا الشعب الامريكي الذى لا يرى قيمة الانسان في إنتمائه للقبيلة هذه او تلك وإنما بمقدار ما يقدمه للبشرية
الطيب قد لايكون فاتك انني كتبت بعض مداخلاتي السابقة بين الساعة الثالثة والرابعه صباحا .. لم يكن ذلك لأرق حل بي ولا لانني في مهمة لعد النجوم (في سكون الليل) ....... ولكن لان (حضارة) الانتخابات الامريكية شدتني واجلستني علي (فد رجل) .. لأري كيف تدار الانتخابات بلا ادني شبهة (خج) او عبث .. ولاري كيف يمارس المواطن دوره في حكم وطنه والوصول بمن يراه اقدر علي تحقيق آماله في الحياة .. وصبرت حتي خاطب الخاسر الشعب الامريكي وختم حديثه الوطني بتهنئه منافسه وبالقول (عاشت اميركا)
هل نستطيع ان نفعل هذه الثلاثه : 1- أن نختار بحرية وموضوعية 2- ان ندير الانتخابات بشفافية وكفاءه وبدون ذرة شك في تلاعب بالارادة الشعبية 3- ان نقبل علي بعضنا بقلب يتسع لحب منافسينا من اجل رفعة بلدنا
وقد نام ياخالي اوباما ورومني مطمئنين الان .. اما انا فاواصل قلقي علي كل شيء .. ولا انام
Quote: بالله عليك نحن آدميون؟
ليه ياخال تحرجني كده ؟ .. انا لوبقدر اجاوب سؤال زي ده كنت قعدت معاكم هنا .. ما كنت مشيت امريكا ياخ
Quote: شوف يا خال - أكان كررت السعال دا تاني ، الصقيعة دي علا تلعب فيها انت وقريبتك بت الجعلي براكم .
لكين ما جننتنا ياخال يوم في النادي للصباح .. ويوم في المعايده الفندقيه الخمسه نجوم .. ويوم تمرقها في امريكا مع صاحبك ود حسين .. وكان نضمنا تقولوا ووب .
خلاص ياسيدي .. تعال ياكلام صاد ................ قال صقيعه قال ..
عمر علي حسن
11-07-2012, 11:40 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ولاري كيف يمارس المواطن دوره في حكم وطنه والوصول بمن يراه اقدر علي تحقيق آماله في الحياة
ههههها لقد عدت بالذاكرة الى انتخابات المجلس الوطنى في العام 1996 م حينما اصر اهلك ناس الدندر على ترشيح خالك في دائرة الدندر التي كانت مقفولة لدكتور منصور يوسف العجب الذي كان آنئذ في صفوف التجمع الوطنى بأسمرا.
انتظر - يا خال - فقد انتهي الدوام هنا . إنتظر لأروي لك حكايات خالك كانتربري الانتخابية
انتظر لأحكي لك كيف أدار مؤيدو خالك ظهورهم عنه عندما فتحت لهم المطامير ليباع الصوت بشوال عيش تفويمة(full ) في اللحظات الاخيرة التي كان خالك غاطس في نومة عميقة قرير العينين ضامن الفوز على خصمه السياسي .
طيب يا خال .. انا لم اترشح الا لانتخابات الهلال ونادي ضباط الشرطه .. ولانهم يعرفوني عن قرب ويظنون خطأ انني (بناع انتخابات) فانهم كانوا يستشيروني كمان في ترشيح الاخرين .. واخوك كان موفق اولا في تحييد المنافسين وثانيا في التحدث عن برامج ممكنة التنفيذ (تنفعني في الانتخابات الجايه) .. لذلك كان فوزي مضمونا .. ولما لم تكن تلك الانتخابات تحتاج (لعدة) مهمه وهي ضمان الكبار دائما فقد كنت موفقا في ذلك تلقائيا لانني كنت ابادل الكبار احتراما فطريا يستحقونه .. اضف الي ذلك عددية من لهم حق التصويت وهي عددية في كل الاحوال لاتجاوز المئات القليله فيكون اختيارها مبنيا علي معرفة صحيحة .. ولذلك تجد المرشح يحرز نفس عدد الاصوات تقريبا .. كلما ترشح ..
اما التصويت فانني قد حصرته ايضا في نفس الناديين ولم اصوت او اسجل اسمي في اي انتخابات عامه الا في الاستفتاء الذي اجري علي رئاسة النميري سنة 1971 (بتاع نقولها نعم) .. وقد عينت رئيسا لاحدي لجان المنطقة الصناعية الانتخابيه .. وعندما واجهت صندوق الاقتراع احسست ان المسالة شكلها مش ولا بد .. فماذا لو لم اقل نعم .. سيقولها غيري ويفوز الرجل .. اذن فالاستفتاء بهذه الطريقه مثل عقود الاذعان .. يا توقّع يا تّوقع .. فتوكلت علي الحي الدائم وقلت نعم .. ومن ديك وعييييييييييك
وعقدتي من الانتخابات العامة نشأت من صغري حيث فهمت ان الناخب اداة .. يحدد له السيدان من يصوت له فيفعل .. ويوم احتدم الصراع وانقسم الحزب الوطني الاتحادي الي حزبين ذهب ابي مع الشعب الديموقراطي وذهب عمي مع الوطني الاتحادي .. وكادت لعنة السياسه ان تهد بيتنا يوم اصر كل حزب علي ترشيح احدهما فرفض ابي الترشيح ضد اخيه الاكبر .... ويوم التصويت رفض ان يصوت الا له .
وعندما ذهبت لانجلترا وانا شاب صغير كانوا يعدون للانتخابات العامه .. وعشت نحو شهرين اتابع برناجا يوميا في التلفزيون اسمه Electorate Forum ياتي مقدمه روبن ديمبلبي بمرشحي الدائره ليناقشوا برامجهم الانتخابية علي الهواء امام الشعب .. ولمست ان الناس يكوّنون اراءهم وفقا لتميز البرنامج ..
وفي الهند شهدت نائب الدائرة التي كنت اسكنها يعاد اليها بعد عام قضاه في البرلمان ولم يحقق شيئا من برامجه وذلك ليبرئ ذمته امام الناخبين او يعدل برنامجه الانتخابي بما يمكن تحقيقه في الظروف القائمه .. فاذا قبلوا فانه يستمر في تمثيل ناخبيه واذا رفضوا فانه يتنحي وتقام انتخابات جديده بالدائرة ..
وشهدت قيل عقد ونصف كوندليزا رايس تخج الانتخابات الامريكية وتعطي الرئاسة لجورج بوش وتحرم الشعب الامريكي والعالم من رئيس لو فاز لغير وجه العالم .. ورغم انها كانت مفضوحة فان الشعب الامريكي قبل حكم المحكمه ودفع الثمن حروبا وسبتمبر وكوارث اخري .. ثم سعي لمنع الخج واكسب الانتخابات شفافية واحتراما بعد ذلك .
تري هل يمثل سلفاكير احدا .. ولا تسالني عن غيره فانا لا اسمع ولا اري ولا اتكلم ..
عمر علي حسن
11-07-2012, 05:49 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
Quote: تري هل يمثل سلفاكير احدا .. ولا تسالني عن غيره فانا لا اسمع ولا اري ولا اتكلم ..
والله كلام !! قال ما تسألني !!!! انت لسه فاكر نفسك حق نفسك وام امير ووليداتكم واحفادتكم عموري وحمودي وغيرهم - عييييييييك لقد عدت - يا خال - ملكا مشاع فلا يستطيع اي من كان الاسنئثار بك او بما لديك من معلومات واسرار في هذه الدنيا الفانية . قال ليلة اعتقال ود شيقوق !! ات فاكر ود شيقوق دا سهيتة وتكيسة ساااى ، وقبضو ساهل يا خالي - نوم قفا خالك الموساد ما بجيب خبرو .
جاييك آخر الليل باقي في زول عزيز اتصل فيني قال لي انه في طريقه إلىّ .
(عدل بواسطة الطيب شيقوق on 11-07-2012, 07:24 PM) (عدل بواسطة الطيب شيقوق on 11-07-2012, 07:32 PM)
ما تشفق يا خال خلي خالك يمثل ناظر ادارة اهلية او شيخ طريقة صوفية مرة واحدة في حياتو بس
ديل يا خال اكان جيت نزلت ضيف في دواوينهم بيكون عندهم ناس حابسين الدواوين دي او المسيد كيفما يكون الحال - الناس ديل بفطروك وبغسلوا ليك يديك بالابريق وانت تظل منتظر الناظر او الشيخ برضو كيفما يكون الحال لحدى يشحتف روحك عشان يجيك مارق متلفح بتوبو
ذكرني دي الصباح يا خال عشان اوريك كيف ياكل اغلب الشاميين عيشهم بهذه الطريقة في هذا الخليج
انت فاكر اكل العيش هنا شطارة و علم وبس؟ عييييييييك صدق شيخي ود تكتوك عندما قال كل يا كمي قبال فمي
هي واحدة من الامثال المتواترة في اوساطنا السودانية
يقال ان الشيخ فرح ود تكتوك - رحمه الله - اتى زائرا لجماعة في احدى قرى السودان وكان يرتدى ملابس قديمة مهترئة فلم يجد الاحترام والتقدير اللازمين من هذه الجماعة . المهم جابوا ليهو بقايا زاد في صحن قديم - شيخنا اكل ومسك الابريق غسل براهو وشد حمارو براهو وودع الجماعة وفات منهم . المرة الجاية شيخنا فرح لبس جلابية جناح ام جكو وعمة مظهرة تقول يا ليل واتلفح بتوب ساكوبيس ابيااااااااااض وركب حمارو وإتكامل الجماعة إياهم . يا زول الناس مجرد ما شافوا الراجل بالهندمة جروا البيوت تكوا الخروف وجوا راجعين اي واحد شايل ليهو جك شربات وبعد شوية كفاتير الشاي والقهاوي جاتو تتطاقش . زولك يشرب ساااااااااااى ومتمحن في عجائب الدنيا .
بعد شوية قال ليهم كتر خيركم انامستعجل عندي مشوار تاني -الجماعة شدوا ليهو حمارو سممممممممممح ومسكوا ليهو الحمار عشان يركب زولك ودعهم وفات . عندما طلع من القرية عاين لجلابيتو ومسك طرف كم الجلابية وباسو واطلق مقولته المشهورة ( أكل يا كمي قبّال فمي)
الحقيقة يا خال الزمن دا مافي زول بيحترمك او بقدرك ان لم تقابله مهندم واكثر الشعوب ابداعا فيها هم اهل الشام.
تقول لي سوداني جاي الدوام ببنطلون وبدلة ومركوب اصلة؟ عييييييييييييك
11-09-2012, 11:37 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: تقول لي سوداني جاي الدوام ببنطلون وبدلة ومركوب اصلة؟ عييييييييييييك
يا خال لا اظنك قرأت الجزء الخاص بالعمه والمركوب .. ومظهر السوداني علي ايامنا ..
لعلمك مركوب الاصله (الاصلي) اغلي من الاحذية الايطاليه الفاشن .. واغلي من الجزم الانجليزيه المصنوعه يدويا ماركة يوروب واوتوجراف .. والماركه الافخر كلاركس .. اما مركوب النمر والذي تجاوز سعره الان المليون فقد اهديت منه (جوز) لزميلي مايك هاسبروك بمناسبة زواجه فصنع له صندوقا زجاجيا ووضعه في صدر الصالون ليبهر برؤيته كل داخل .. واسكثر ان ينتعله ويمشي به فوق الارض .. وكنا يا خال (نتعايق) به في بلاد الغرب فتتسمر عليه عيون المارة ..
كان ابو الزهور (الزعيم الازهري) لايلبس الاحذيه المقفوله .. ويلبس مع البدله الشبط واحيانا المركوب .. خاصة لو كانت البدله من الدمور (الذي ينسج في شندي بلد ناس وضاحه) ...
لا والله ياخال ويا وضاحه .. نحن شعب انيق .. وكانت الاجيال التي سبقتنا مضربا للمثل في الاناقه والهيبه .. انظر الي المحجوب ومبارك زروق وابراهيم المفتي .. كانوا من (اقيف) وزراء الخارجيه في العالم .. وقد كنت البس وانا ضابط صغير من يد حسنين (ترزي الرئيس السادات) ومن يد ترزي المؤتمر ويد عابدين عوض وكان اكثر الشباب مثلي يلبسون مايبهر الناس ..
ولعل الموضه .. والظروف (البطالة) .. قد شغلت الشباب عن العناية التي كانت تعطي للمظهر سابقا ...
جاء ابني خارجا وهو يلبس قميصا اكبر منه .. فنهرته قائلا .. وصلت كمان تلبس قمصاني ؟ فرد ببرود ده مش قميصك (ياخ) .. ده قميصي انا .. .. نهرته ثانيه .. ليه تشتري قميص اكبر منك .. فقال لي بصبر نافذ .. انا اعمل معاك شنو ؟؟ دي الموضه يابابا !!!!
يا سعادة اللواء عمر على حسن تحياتى وسلامى يوميين(مساء الاربعاء ومساء الخميس ) وأنا بتصل دون أن أجد (ولا حتى عمورى ) يرفع السماعة !!!كنت أمنى النفس بإعتقال مثل إعتقال الطيب شيقوق وبالعدم حبس خميس وجمعة (كانت أكثر الجزاءات المتداوله عند السيد الملازم أول عوض وداعة الله فى أيامنا !!) الفريق شرطة حالياً ، وبرضو يختمها بحلاقة صلعه !! طبعاً ناس الطيب شيقوق ديل حدهم الاعتقال !!!الحلاقة صلعه دى ما بقدرو عليها . على العموم سوف أكرر محاولاتى وأعشم أن يكون الهاتف الثابت قد دخل الخدمة حتى لو بواسطة الدكتورة مع تحياتى للجميييع .
11-10-2012, 04:14 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: !!!كنت أمنى النفس بإعتقال مثل إعتقال الطيب شيقوق وبالعدم حبس خميس وجمعة
انت فاكر الاتصال ساى ؟ عييييييك اكان عايز الاعتقال ينبغي ان تراعي الاتي :
اولا :حساب الفارق الزمنى بينك وتوقيت الخال في ابو ظبي ثانيا : من الخامسة صباحا للثامنة ص عندو ورد بيكون ماسك لالوبتو وبصقع فيها بالواحد الاحد ثالثا : من 8 ص - 3 م بيكون مشغول في الدوام رابعا : من 3 م - 5 م نوم العصرية واللحظة دي بيكون مسكر كل الاجهزة - عندو بس صحية صلاة العصر لمدة ربع ساعة وبقبل لعنقريبو عشان يتم الغمضة .
خامسا : بقوم من النوم لصلاة المغرب يشرب شاي المغرب معاهو قمحات و بعد داك بمشي ينتكي في عنقريبو على ضهرو وماسك الريموت بقلب في القنوات واللحظة دي ناس عموري بجوا متلبين في صدرو اى منهم يبحث عن مساحة في طرف جدو والما بلقى ليهو مساحة بزعل وبخمش الطاقية من راس جدو وبجري - والخال طوالي ينفض ليك الوليدات الجاسمين على صدرو بجنبات العنقريب ويروح ساكي ليك الخمش الطاقية وهنا تسمع الوليدات كلهم يتصايحون ضحكا وبهجة - وبعد خالك يخمش الطاقية ما بجي مقبل قادل لا لا لا بجي مقبل على الجماعة شدت ( بفد كراع) وعاضي لسانو كمان وهنا تتزايد الصرخات . بعدين- يا جنابو ود السقاي - خلي بالك امهات الوليدات ديل مرات بعاينن بالطوالة عايزات يشوفن درجة حب الجد لابنائهن قبل الاخرين عشان كدا الخال اكيد حصيف في توزيع الادوار بين هولاء الحلوين .
سادسا : الساعة سبعة الوليدات بكونوا عايزين العشاء والنوم اها دى لحظة اعتقالك بس .
خالي لقيتني كيف ؟
11-10-2012, 07:19 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لا اظنك قرأت الجزء الخاص بالعمه والمركوب .. ومظهر السوداني علي ايامنا ..
يا خال - قرأته في السياق الذي قيلت فيه وكان كلاما جميلا حلوا منمقا ومتناغما ولكن لا يمكن الباسه لكل حالة .
لمة عرس سوداني نعم لمة عزاء سوداني نعم لمة سماية سودانية نعم - قدلة يا مولاي حافي حالق لصلاة الجمعة نعم . لكن عايزنا نلبس كدا ونحن في مؤتمرات تعقد في ارقى الفنادق ؟
Quote: لعلمك مركوب الاصله (الاصلي) اغلي من الاحذية الايطاليه الفاشن .. واغلي من الجزم الانجليزيه المصنوعه يدويا ماركة يوروب واوتوجراف .. والماركه الافخر كلاركس .. اما مركوب النمر والذي تجاوز سعره الان المليون فقد اهديت منه (جوز) لزميلي مايك هاسبروك بمناسبة زواجه فصنع له صندوقا زجاجيا ووضعه في صدر الصالون ليبهر برؤيته كل داخل .. واسكثر ان ينتعله ويمشي به فوق الارض .. وكنا يا خال (نتعايق) به في بلاد الغرب فتتسمر عليه عيون المارة ..
يا خال انا مرة قادل جوة محل تجاري مشهور ولابس مركوب نمر انما ايه (نون) . قابلني خواجة غالبا يكون الماني عاين في المركوب تحت ووشو اتغير كلو دليل عدم رضا وقد ادركت في النهاية انه من جماعة حماية البيئة .
Quote: كان ابو الزهور (الزعيم الازهري) لايلبس الاحذيه المقفوله .. ويلبس مع البدله الشبط واحيانا المركوب .. خاصة لو كانت البدله من الدمور (الذي ينسج في شندي بلد ناس وضاحه) ...
دحين ابو الزهور دا غير سماحتو السياسية فيهو حبة سماحة بلمعها دهان او بدلة؟
والله يا انت البدورو ............
ما تسرح
Quote: لا والله ياخال ويا وضاحه .. نحن شعب انيق .. وكانت الاجيال التي سبقتنا مضربا للمثل في الاناقه والهيبه .. انظر الي المحجوب ومبارك زروق وابراهيم المفتي .. كانوا من (اقيف) وزراء الخارجيه في العالم .. وقد كنت البس وانا ضابط صغير من يد حسنين (ترزي الرئيس السادات) ومن يد ترزي المؤتمر ويد عابدين عوض وكان اكثر الشباب مثلي يلبسون مايبهر الناس ..
ههههههههههههها ديل تلاتة او اربعة وين البقية يا خال ؟
Quote: جاء ابني خارجا وهو يلبس قميصا اكبر منه .. فنهرته قائلا .. وصلت كمان تلبس قمصاني ؟ فرد ببرود ده مش قميصك (ياخ) .. ده قميصي انا .. .. نهرته ثانيه .. ليه تشتري قميص اكبر منك .. فقال لي بصبر نافذ .. انا اعمل معاك شنو ؟؟ دي الموضه يابابا !!!!
هههههها انت بتهبش فيهو مالك ؟
تاني اكان جاك حالق وعامل قنبور ما تقول ليه مالك سمح؟
وكان شعري في الكليه يتساقط كلما يشوف ضابط او تعلمجي (براهو كده) .. وقبل التخرج باسبوع بدأ ينبت .. وكنت بقرب المكاتب فرآني الحكمدار وناداني .. وفد جريه .. يامعلم .. ما لقاني الا في حفلة التخريج في نادي الضباط .. قال لي انت مشيت وين انا كنت عاير ابارك ليك النتيجه الممتازه ..
Quote: يا خال انا مرة قادل جوة محل تجاري مشهور ولابس مركوب نمر انما ايه (نون) . قابلني خواجة غالبا يكون الماني عاين في المركوب تحت ووشو اتغير كلو دليل عدم رضا وقد ادركت في النهاية انه من جماعة حماية البيئة .
يغشوكم بي حماية البيئه والرفق بالحيوان .. وهم الذين استعبدوا البشر واكلوا حقوقهم وزردوا حلوقهم وضربوا هيروشيما ونجازاكي بالقنبله الذريه .. .. بقت علي النمر والاصله .. طيب الدب اللابساتنو حريمهم ده من كوكب تاني تعال شوفهم في سوق الملجه في امدرمان والحسين في كايرو والحميديه في دمشق كيف بيتهافتو علي المشغولات بتاعة البيئه اللي بيدعوا حمايتها ويحملوها لبلادهم واحبابهم
(قل من حرم زينة الله التي اخرج لعباده والطيبات من الرزق) (والخيل والبغال والحمير لتركبوها وزينه) .. صدق الله العظيم .. و"الخيل والبغال والحمير" ليس للحصر ..
Quote: يغشوكم بي حماية البيئه والرفق بالحيوان .. وهم الذين استعبدوا البشر واكلوا حقوقهم وزردوا حلوقهم وضربوا هيروشيما ونجازاكي بالقنبله الذريه .. .. بقت علي النمر والاصله .. طيب الدب اللابساتنو حريمهم ده من كوكب تاني تعال شوفهم في سوق الملجه في امدرمان والحسين في كايرو والحميديه في دمشق كيف بيتهافتو علي المشغولات بتاعة البيئه اللي بيدعوا حمايتها ويحملوها لبلادهم واحبابهم
هم قالوا لينا وقعوا على ميثاق روما للمحكمة الجنائية ونحن ما بنوقع - ات فاكر هم حاسبننا ناس؟
هولا اصلا نحن البلدنا كان مليون ميل مربع ومياه هبطرش وبنستورد البيض من الهند والطماطم من سوريا هو نحن اصلا ناس ؟
Quote: (قل من حرم زينة الله التي اخرج لعباده والطيبات من الرزق) (والخيل والبغال والحمير لتركبوها وزينه) .. صدق الله العظيم .. و"الخيل والبغال والحمير" ليس للحصر ..
وفوق البيعه كنت عايز انزل ليك قصيده صغيرة (طقطوقه) نشرت لي قبل اكثر من عشرة اعوام عن جزائرية ماتت من البرد والجوع في باريس .. ولم يحفل بها احد .. وفي ذات الوقت هاجوا وقادتهم بريجيت باردو في مواكب حزينه زساخطه لان قطة (فرنسية) نفقت لانها اكلت نفاية مسمومه من برميل القمامه .. وللاسف لم اجد القصيده ولا دفتر اشعاري كله ..
اما الفاقعني فقد فقع الناس كلهم .. لاحول ولا قوة الا بالله
عمر علي حسن
11-10-2012, 08:34 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وفوق البيعه كنت عايز انزل ليك قصيده صغيرة (طقطوقه) نشرت لي قبل اكثر من عشرة اعوام عن جزائرية ماتت من البرد والجوع في باريس .. ولم يحفل بها احد .. وفي ذات الوقت هاجوا وقادتهم بريجيت باردو في مواكب حزينه زساخطه لان قطة (فرنسية) نفقت لانها اكلت نفاية مسمومه من برميل القمامه .. وللاسف لم اجد القصيده ولا دفتر اشعاري كله ..
انت خالي ما ياكا خالي الزمان الزعلك منو ؟ الكلام دا كبار كبار واتوبيا لا شأن لنا بها
11-10-2012, 09:08 PM
Abd-Elrhman sorkati Abd-Elrhman sorkati
تاريخ التسجيل: 02-21-2003
مجموع المشاركات: 1576
سلام عليكم وزي ما بتقول حبوبتي الله يملأ جوفكم عافية ،،،،
أنا والله العظيم أطعم من البوست دة ما لاقاني إطلاقا ،،،، والشيء المؤسف اني وصلت لي نهايته بأستمتاع غريب ،،،،،، فـ عليكم الله واصلوا ،،،،،، أنا حا اغيب كم يوم كدة عشان أجي القي كمية من الردود الممتعة جدا ،،،،،،، تحياتي وحبي الاكيد ،،،،، ربنا يملأ جوفكم عافية
Quote: انت خالي ما ياكا خالي الزمان الزعلك منو ؟ الكلام دا كبار كبار واتوبيا لا شأن لنا بها
انا زعلني الخواجه الالماني البعاين في مركوبك .. الله عينه بالتقدها ..
ياخي نحن عجبنا في الحياة كلها لا يخرج من جلابية سكروته وطاقية حرير وعمه كرب ومركوب نمر او اصله وكباية شاي احمر فيها ثلاثه ملاعق سكر ... يحسدونا عليهن ليه ؟ .. ويقول ليك حماية البيئه والرفق بالحيوان .. وكمان يجي المصري يطلع السودان بي قون قاطعه من راسه .. وبعد ده كمان يضيع الشعر التعب فيه خالك يدسدس ويضاير فيه من زمن الثانوي
والله زي ما قال ابوي انا حسه زعلان زعل .. كان لقيت سجاره طوالي حاشربها
عمر علي حسن
11-11-2012, 06:29 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: أنا والله العظيم أطعم من البوست دة ما لاقاني إطلاقا ،،،، والشيء المؤسف اني وصلت لي نهايته بأستمتاع غريب ،،،،،، فـ عليكم الله واصلوا ،،،،،، أنا حا اغيب كم يوم كدة عشان أجي القي كمية من الردود الممتعة جدا ،،،،،،، تحياتي وحبي الاكيد ،،،،، ربنا يملأ جوفكم عافية
يا اخي متعك الله بالصحة والعافية
اصبر يا سوركتي خليني احتل ليك جووووووة قلب خالك عشان اطلع ليكم الدرر واللآلي منو بالبصارة والتحنيس .
11-11-2012, 06:36 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
وفوق البيعه كنت عايز انزل ليك قصيده صغيرة (طقطوقه) نشرت لي قبل اكثر من عشرة اعوام عن جزائرية ماتت من البرد والجوع في باريس .. ولم يحفل بها احد .. وفي ذات الوقت هاجوا وقادتهم بريجيت باردو في مواكب حزينه زساخطه لان قطة (فرنسية) نفقت لانها اكلت نفاية مسمومه من برميل القمامه .. وللاسف لم اجد القصيده ولا دفتر اشعاري كله ..
عليك الرسول تفتش لينا - شوف يمكن خالتي اسماء خاتها في مخلاية جوة السحارة
بالله عليك - يا خالي- اسعل الوليدات البلبسوا القمصان الواسعة دي من كلمة (تلب ، مخلاية وسحارة) اكان يجيبوا ليك خبرهن .
Quote: محمد سليمان سأل واحد من المتنافسين قال ليهو بتعرف الورتاب؟
الخال محمد سليمان جراب الحاوي ده مننا وما شاء الله عليه يعافر لي حسع .. ايام (جراب الحاوي) سأل واحده حنكوشه قال ليها بتعرفي المرس .. قالت ليه ايوه ده مش البشربوه الجنوبيين ويسكروا طين ؟ قال ليها كضبا كاضب .. واحد رفع ايده .. ايوه يا ابني .. قال ليه ابوي بياخده في الطاوله كل يوم من عمي حسين .. ضحك .. وقال ليه .. كل يوم ؟ .. ابوك ده بيشرب مرس قبل ما يلعب الطاوله مع عمك حسين ؟
Quote: سادسا : الساعة سبعة الوليدات بكونوا عايزين العشاء والنوم اها دى لحظة اعتقالك بس .
خالي لقيتني كيف ؟
ده مش البيسموه في ال TQM التسجيل الحركي
بالمناسه انا عملت لطاقيتي (دقّانه) زي ما بيقولوا العساكر .. بقي الواحد يجي من ورا ويخمش الطاقيه .. ويزردني بالدقانه .. دلوقت بنعمل في مسودة اتفاقيه او مذكرة تفاهم لتبادل الطاقيه بي اخوي واخوك ..
عمر علي حسن
11-11-2012, 08:17 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
بقينا مع الوصيف وحالنا شين ككييف لاجبناهو كأس ولا وصلنا وصلنا القييف جولييبا الخطيير سناهو حد السييف وهاجم هاجم ما وقف زى مطره الصييف جمهور الوصييف كمّل معاهو معاهو الكييف من جولييبا أنبسط أنبسط فكاهو من كتييف
**************************************** وقت مرق الوصيف كان العشم نتأهل نجييب محمول ونفرح ونمشى كيف نتمهّل خذلونا النجوم وجولييبا طب طب ما مهّل جاب هدفين عدييل ما اترخرخ أو استهبل لكن الحكم لى هلالنا طب ما سهّل صرف ضربة جزاء صحيحه جنبو اتجهّل ****************************************** ما وصل المريخ ولا الهلال لى كأس الجمهور حزيين وجمهورنا كيف حساس يشجع ما وقف عايز هدف بى مقاس لا هدف إتلقى بس حبس حبس أنفاس وفى الجايات قرييب بس غنى يا ترباس وفى الجايات قرييب بس غنى يا ترباس
Quote: والله يا خال انا الليلة ما قادر اكتب من شدة زعلي من الحكم الودرنا دا
ضربة جزاء ظاااااااااااااهرة طلعها شيح في ريح
خالي الحزين .. والبشري المبارك ..
ليس في الكون كله مكلوم مثلي .. ليس لان الكاس ضاع من بين يدينا .. ولكن لاننا ضيعناه بيدينا
انا ومنذ الامس علي يقين ان الهلال لن يتأهل .. طالما ان المريخ لم يتاهل .. فانا بين قلة تفهم انهما وجهان لعملة واحده .. وانا واحد من قلة تعرف السودان وتعرف انه بلد قصير النفس .. لا يبلغ (الميس) بقدراته المتاحه ..
وقدراته المتاحة ايها العزيزان طعن ولمز وغمز وخلاف وجدل .. وقلة عمل .. انظروا لهذا المنبر منذ ليلة الامس .. وقبلها .. هل تمني عضو واحد به خيرا للسودان .. لذلك فالله يمحقه .. ماذا يضير الهلال والمريخ اذا فاز احدهما بالكأس القاري .. وماذا يسعدهما اذا خرج احدهما او كلاهما من المنافسه
والناس تبلغ الميس بالتخطيط والصبر والعمل .. اروني اي هذه نملك ..
لذلك لن تقوم لنا قائمه حتي نكف عن وصف زعمائنا بالخيانه ونكف عن القاء القاذورات علي وجوه ابطالنا وانديتنا واتحاداتنا .. وحتي لا يكون بحثنا عن المعايب والقصور اكبر من تقديرنا للجهد ولو كان قليلا .. اي زعيم منا لم نصمه بشيء .. واي زعيم خلدنا ووقرنا .. فنحن شعب يعشق الخلاف والزراية ببعضه البعض ..
وقد سارت رياضتنا في ربع القرن الاخير علي هذا النهج ونأت عن المحبه التي هي روح الرياضه واصبح مجتمعها متناحرا يسابق بعضه البعض ليشتري الجريده فيري كيف تسيء لمنافسه .. وتحول المنافس الي عدو ..
الطيب والبشري الحكم بالامس اعطي واليوم ظلم .. وظل الحال متماثلا .. فالله يريد للسودان كله ان يعمه الالم .. عسي ان يرجع اهله عن غيهم
واعزيكما في الهلال والمريخ اللذين اظنهما مقبلان علي نكبه
عمر علي حسن
11-12-2012, 05:20 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وقدراته المتاحة ايها العزيزان طعن ولمز وغمز وخلاف وجدل .. وقلة عمل .. انظروا لهذا المنبر منذ ليلة الامس .. وقبلها .. هل تمني عضو واحد به خيرا للسودان .. لذلك فالله يمحقه .. ماذا يضير الهلال والمريخ اذا فاز احدهما بالكأس القاري .. وماذا يسعدهما اذا خرج احدهما او كلاهما من المنافسه
ما تزيد يا خال
11-12-2012, 05:16 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وقت مرق الوصيف كان العشم نتأهل نجييب محمول ونفرح ونمشى كيف نتمهّل خذلونا النجوم وجولييبا طب طب ما مهّل جاب هدفين عدييل ما اترخرخ أو استهبل لكن الحكم لى هلالنا طب ما سهّل صرف ضربة جزاء صحيحه جنبو اتجهّل
تسلم كمندان السقاي
11-12-2012, 09:17 AM
محمد فضل الله المكى محمد فضل الله المكى
تاريخ التسجيل: 03-29-2008
مجموع المشاركات: 4846
لا يا خال .. خليني النزيد حبه .. فقد رفض وجعي ان يتزحزح من مكانه .. او يفسح المجال لغيره .. ثم يتواري في صندوق الاتراح مع كثير مما فقدنا .. هذا الوجع برح بي واخرجني من خانة الصابرين الي خانة القانطين .. وعصاني الدمع وعصتني الاهة وهما دواء مسكن للوجع عند من لا حيلة له علي رده ..
تصور خالك كاضم ومقبل علي الحيطه .. لا زاد لا مويه لاكلام لا نوم ..
ستخرج البرازيل من كاس العالم .. وسيرقصون السامبا كما لو انهم فازا به .. وستخرج منه اسبانيا وسيرقصون الكالبسو ويقولوا فعلنا مايجب .. والكاس لنا ولغيرنا والا لما نافس عليه الجميع .. واذا فازت به الارجنتين سيفرحون بميسي .. وسنتفرج نحن .. لان موقعنا في الاستاد العالمي لا يزيد عن موقع متفرج ..
وكيف يفوز مثلنا بكأس قاري ونحن نعيش امية كروية طاحنة وليست لدينا مدرسة واحده نتعلم فيها صحيح الكرة ونعتمد علي مواهب فطريه لا يمكن تطويرها ولا تصحيحها بعد سن معين .. ونحب الهلال والمريخ .. غلط صاح .. ونطمع ان يصلوا بنا الي ما وصل اليه الغير بالعلم والتخطيط والصبر .. ثم نسخر من بعضنا .. وكاك وظوط وطاروا .. ونفرح كما لو سقطت قنبلة ذريه علي اسرائيل عندما ينهزم احدنا ..
ساعود لاخرج لكم كيف كانت وكيف احببنا الهلال والمريخ .. قبل ان يصبحا اصناما تعبد ..
كمندان السقاي ياخال محروق حشا وما بعرف الحكم لمن يسوي الدايره .. طيب لو شاف ابو العلا ضرب الكورنر هيد وصفر قون .. ولما اللاعبين احتجوا قال ليهم انا جزء من الملعب .. والله النعيم حسب الكورة قون واللاينمان قال ليه دخلت من تحت الشبكه .. سأل حموري الشاتها قال ليه دخلت من تحت الشبكه .. شال الكوره وداها السنتر وقال انا الحكم شفتها دخلت قون .. انتو شوفكم ما عنده قيمه ..
تقول لي ما حسب بلنتيين ؟ طيب والحسبها بلنتي ما كانت بره الخط ؟
الصبر يا كمندان زي شيل الدبر ..
عمر علي حسن
11-12-2012, 01:21 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
فقد رفض وجعي ان يتزحزح من مكانه .. او يفسح المجال لغيره .. ثم يتواري في صندوق الاتراح مع كثير مما فقدنا .. هذا الوجع برح بي واخرجني من خانة الصابرين الي خانة القانطين .. وعصاني الدمع وعصتني الاهة وهما دواء مسكن للوجع عند من لا حيلة له علي رده ..
Quote: تصور خالك كاضم ومقبل علي الحيطه .. لا زاد لا مويه لاكلام لا نوم ..
ستخرج البرازيل من كاس العالم .. وسيرقصون السامبا كما لو انهم فازا به .. وستخرج منه اسبانيا وسيرقصون الكالبسو ويقولوا فعلنا مايجب .. والكاس لنا ولغيرنا والا لما نافس عليه الجميع .. واذا فازت به الارجنتين سيفرحون بميسي .. وسنتفرج نحن .. لان موقعنا في الاستاد العالمي لا يزيد عن موقع متفرج ..
وكيف يفوز مثلنا بكأس قاري ونحن نعيش امية كروية طاحنة وليست لدينا مدرسة واحده نتعلم فيها صحيح الكرة ونعتمد علي مواهب فطريه لا يمكن تطويرها ولا تصحيحها بعد سن معين .. ونحب الهلال والمريخ .. غلط صاح .. ونطمع ان يصلوا بنا الي ما وصل اليه الغير بالعلم والتخطيط والصبر .. ثم نسخر من بعضنا .. وكاك وظوط وطاروا .. ونفرح كما لو سقطت قنبلة ذريه علي اسرائيل عندما ينهزم احدنا ..
نعم - يا خال - كما تفضلت وكيف يفوز مثلنا بكأس قاري ونحن نعيش امية كروية طاحنة وليست لدينا مدرسة واحده نتعلم فيها صحيح الكرة
Quote: ساعود لاخرج لكم كيف كانت وكيف احببنا الهلال والمريخ .. قبل ان يصبحا اصناما تعبد ..
ما تنوم فكل من يحمل ذرة من الوطنية في انتظارك يا خال
الوطنية في نفق مظلم
يا حليل المحجوب الذي كان زعيم للمعارضة في البرلمان وتحدث امام البرلمان عندما كانت اتفاقية سحب مياه النيل على بساط البحث ثم قال وهو معارضا:
Let`s forget our parties` differences so as to obtain any possible drop for our country
بالله تصور الوطنية هنا : قال دعنا نترك اختلافاتنا الحزبية ليتسنى لنا الحصول على اى قطرة ماء لبلادنا في هذه الاتفاقية
مش بتوضيحاتها ولا تشجيع فريق اجنبي مواجه حتى بفريق من البردانة ولا كلام فارغ .
معليش يا خال انا زعلت
11-12-2012, 08:35 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: خلي يجي خالي يتفرج في هذا النم السهل الممتنع
ياخال .. يبدو اننا عثرنا علي كنز .. كم فكرت ان اترك الغربه واذهب الي مناجم الذهب والمايكا في شمال السودان وحلايب .. او ابار النفط في البردانه .. واقعدني عدم توفر الموصلات .. فارسل الله اخانا محمد فضل الله بمناجم الماس والياقوت وبها مطارات وطرق مواصلات واليات تجذب كل صاحب حس لينتقي من الجواهر ما يشاء (ويخم) قدر ما يقدر
هذا (شغل) معلمين .. يحتاج ل processing خاص .. قد لا يتناسب معه (شغل القطعه) .. لذلك ساتعامل معه حسب المراحل ..
وابشر بشغل نضيف .. فالرجل يستحق
عمر علي حسن
11-13-2012, 09:34 AM
محمد فضل الله المكى محمد فضل الله المكى
تاريخ التسجيل: 03-29-2008
مجموع المشاركات: 4846
محمد فضل الله المكي .. الاستاذ المعلم المدرس .. وسم بروفائله بصورة الفيلسوف الذي ترك الدنيا وراء ظهره وطفق يتامل بعمق كنه الحياة مع شعراء جل همهم حساسيه ما في الحياة من حس وشعور فصاحب (حافيا) جماع والمتنبي ونازك الملائكه .. فخرج من القراءة والمشي معهم وبهم بمؤلفات عن هم انساني اصيل واصدر كتبه الثلاثة في القانون الدولي الانساني .. وينتظر صدور رابع له يحلل فيه عسكريا معارك خاضها (احد) ابطال المهديه ..
نشأ في الرهد المرمية علي تخوم جبل الدائر وقريبا من خور ابوحبل .. بقعه حسن وضيئة في كثبان كردفان الغرّا (ام خيرا بره) .. موشاة بالهشاب وطيب المنابت قريبا من سجاده (البرعي) بالزريبه
وولد في الزمان الجميل عند الاستقلال ووقت كان انسان السودان انسانا ..
وتكاملت الصورة الانسانيه الجميله في نفسه عند ملتقي النيلين في المقرن الثانويه.. ولا ادري ان كان عسكريا ام لا .. فانسانية الجند لا يعرفها المدنيون الذين يربطون الجنديه بالجفاف والخشونه .. والا فمن اين له الخوض في تحليل انساني عسكري لمعارك خاضها احد ابطال المهديه وهم جند غلاظ شداد
فاذا جاء شعره سلسا فانه لم يتجلي لنا بسوابق في الشعر .. ولكننا سنأخذه علي قدر مايبديه لنا هنا ..
وهو نشط في هذا المنبر ايضا .. جاوز الفا وسبعمائة مداخلة وبوست في ثلاثة اعوام .. اخشي ان يكون فيها من الشعر ما لم ندرك .. يا الطيب الحقنا إن كنت تكنز منه شيئا
عمر علي حسن
11-13-2012, 11:22 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: فانسانية الجند لا يعرفها المدنيون الذين يربطون الجنديه بالجفاف والخشونه
لا يا سيدي فالعسكرية قد ابرتنا بكم وبعوض احمد خليفة وبكنوز محبة وباب الريدة واتسدا وباليوزباشي يوسف مصطفى التني الذى تغني بالوطنية ، التي ضاعت ، في رائعته مالي مال تاريخ القبيلة نحن أمة وحيدة وأصيلة علمونا جديدها وقبيلها أمة واحدة في وطني العزيز.
تصور الشعر العربي كله .. من غير الجنود والفرسان .. وحتي (الهمباته) .. كان ممكن يكون كيف .. والله كان بقي زي كتابات المنابر تقرأ لتنسي .. يعني بالعربي كده hit and run ..
بالله عليك شفت اجمل والله ارجل من بيت عنتره (ولقد ذكرتك والرماح نواهل مني ** وبيض الهند تقطر من دمي) .. والله ارق من الصاغ محمود ابو بكر حين يقول .. (باهي كل ما قال له كلمه ** ختّ كلمه كالنبال ** .. لوتراه ** في سماه ** النور كساه ** الجمال ** .. كنت تعلم ** كيف جهنم ** تحرق الجنب الشمال )
Quote: ود شيقوق سـلام, لي حبسـتك بتمنّى السِجِن حق الرجال, والله بَدِّي الجنّه ساجناك ام سماح،بي مَهَله جات تِتنى أبشِر يا صـديق ليلك ضـريره وحِنّه
الفاروق سـلام ليكَ مني تحيَّه حباب ودالكِرام قَدَحُم صباح وعشِيَّه يا عمر الأصم بهديك صافي النيَّه ود شيقوق قِبِض ودُّوهو للظبطيَّه
شاحدك يا كريم,مِتْحوِّي في الصالحين بيت الأشباح يقع وحراستو تصبح طين زغرِتي ياام سماح سوِّي العديل والزين شيقا صِبِح سجين ما قنَّنولو سِنين
المشهد( شيقا والعسكري ذو الشلوخ الأُفقيَّة أمام الحراسة)
جاني العسكري شايلَ الحديد والقيد شُلوخومِتِل كديس الزبـاد في العيد قال لي جَنِيتَك حُـب البنات الصـيد قَيِّد يااب شنب والقيد دا زيدو حديد
مازال المشهد يتواصل أمام الحراسة. شيقا يوجِّه كلامه للعسكري ذو الشلوخ الأفقية بطريقة هجومية:
ما خايفَ السِجِن والإعتقال بالمَرَّه أقْفِل يا غفير بِتلقاني قاعِد بَرَّه أناودالصالِحين ناس المريسه المُرَّه نشرب حار ونكتب حار صَلاح و مَضَرَّه
هذا مشهد تنفيذ الاعتقال .. فيه بجانب الخيال الخصب وجزالة الكلمه نبره الفة وموده للمعتقل ونبرة ثبات وجساره .. فالشاعر لم يجنح لتبرئة المتهم ولا للدفع بانه (مظلوم يابيه) .. بل وشّي الاعتقال بانه (حق الرجال) وجعله عطية من العطايا التي لا تمنح جزافا ولا من عند كل من هب .. ثم زين ليل السجن بعروس تقدم اليه وهي مضمخة بالضريره والحنه ..
اي سجن هذا الذي يهابه معتقل موعود بكل هذا الوعد .. فيحدثنا الشاعر عما يجب ان نتوقع في المقاطع التاليه .. فيرسل مقطعا الي مُصدر امر القبض .. يذكره باصله الكريم ويطلب منه تسليم المعتقل (للظبطيه) .. ليس لبيوت الاشباح .. التي لن يتاح فيها لأم سماح ان تعرض فيها مفاتنها ..
Quote: شاحدك يا كريم,مِتْحوِّي في الصالحين بيت الأشباح يقع وحراستو تصبح طين زغرِتي ياام سماح سوِّي العديل والزين شيقا صِبِح سجين ما قنَّنولو سِنين
(2)
بيوت الاشباح .. وبحس الشاعر .. لاتشبه هذا الاعتقال (الانساني) والشاعر باحث انسانيات كما قلت لكم سابقا .. والنجاة منها تحتاج لضراعات الي الكريم و(حواية) في الصالحين ان تخر وتصبح كثيبا مهيلا .. فلا يدخلها معتقل .. وتسعد ام سماح بالعدل القانون ولو كان سجنا بلا تحديد مده ..
وبيوت الاشباح اختراع شيطاني (مستورد) .. حفل تاريخ القمع بقصصها واحداثها .. وارتبطت في السودان بمرحله حالكة الظلمه من مراحل القهر .. فلا مكان لها في القانون وممارساته .. ولا يستخدمها من يخاف الله او يعرف القانون .. ولا يقل عنها ابو غريب ولا قوانتنامو
كان سجناء الرأي في السودان يسمون السجن العمومي بكوبر (كوبر الرهيب) .. ولكنهم كانوا يجدون فيه كل ما يلزمهم من صحف وراديو وورق واقلام وووووو .. وكان الاعتقال التحفظي كما سمي انذاك عبارة عن حرمان من الحركة والاتصال الحر . لا ضرب ولاتعذيب ولا كلمة في غير موضعها .. وكذلك كانت حراسات الشرطه .. اذا اعتديت فيها علي متهم ذهبت الي السجن بعقوبة مشدده.
هل جاءتنا بيوت الاشباح من السافاك ................
Quote: جاني العسكري شايلَ الحديد والقيد شُلوخومِتِل كديس الزبـاد في العيد قال لي جَنِيتَك حُـب البنات الصـيد قَيِّد يااب شنب والقيد دا زيدو حديد
(3) مشاجرة استوقفتني بسوق امدرمان جندل فيها المتهم الرئيسي ثلاثة كانوا يلعبون معه القمار .. وعندما (خرتهم) استأسدو عليه ليستعيدوا فلوسهم .. فطرحهم ارضا ووقف علي رؤوسهم بسكين انتزعها من القهوه التي كانوا يلعبون بها .. نزلت اليه بعد ان افسح الناس الطريق لي .. واخذت منه السكين وطلبت منه الركوب في الكومر هو والثلاثه .. فركب بهدوء .. واودعتهم حراسه مركز امدرمان ... وجئت في مرور اخر الليل فعلمت من المناوب انه ضرب كل من في الحراسه وانهم اضطروا لوضع ك ل ب شات علي يديه وتقييده بباب الحراسه .. وعندما رآني صاح هائجا .. انت ياجنابو قايل قيدكم ده بيمسك ليه راجل ؟ ورجع خطوة للوراء وضرب القيد بباب الحراسة الحديدي .. فكسره ..
لم يكن من العقل ان اجدد (ك ل بشته) فطلبت منه ان يبقي هادئا حتي الصباح لنرسله للمحكمه .. فقال لي حاضر .. وعلمت انه سيحترم كلمته .. وقد فعل
الشاعر صدق ... الرجال مابيمسكوهم بالقيد .. فلا العسكري المشلخ اب شنب بيخوف الخال ولا القيد المطبّق بيمسكه
وهذا مقطع جميل يصور بأس السلطه بما في ذلك صرامة وجوه عمالها وشواربهم التي تستظل تحتها شفاه لا تعرف الابتسام .. ويصور جسارة المعتقل الذي لا يثنيه القيد ولا تهمه زيادة الحديد .. وبين صرامة السجان وجسارة الاسير يخرج لنا الشاعر لوحة (تشهّي) في السجن وال ك لا بيش ..
عمر علي حسن
11-13-2012, 02:53 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: مازال المشهد يتواصل أمام الحراسة. شيقا يوجِّه كلامه للعسكري ذو الشلوخ الأفقية بطريقة هجومية:
ما خايفَ السِجِن والإعتقال بالمَرَّه أقْفِل يا غفير بِتلقاني قاعِد بَرَّه أناودالصالِحين ناس المريسه المُرَّه نشرب حار ونكتب حار صَلاح و مَضَرَّه
وفي هذا المقطع يضيف الشاعر لصفات المعتقل قدرة علي اخافة السلطه بسلاح لا تملكه .. فهو (ود الصالحين) الذين يكتبون الحار صلاح ومضره .. يعني العسكري اب شنب والضابط حيلقوه في اولادهم ......... وستكون السلطه عاجزة اذا (ملص) القيد .. وخرج من الزنزانه وقعد بره
وقد فعلها معي (الفكي) الذي رويت في بوست سابق انه ملأ الحوش والصريف بالثعابين ليمنعنا من اعتقاله .. وقد ادخلته الحراسة بنفسي وعندما عدت لمكتبي وجدته جالسا به .. فسالته انت جيت هنا كيف ؟ .. فقال لي جيت بي ايات الله .....
تري هل اكتملت الصوره ام ان محمد فضل الله المكي سيزين هذا البوست بلوحات بهيجة اخري من مسيار الخال الي الحراسه ومناكفاته ومساجلاته بداخلها .. وهل سيمكّنه من لبس القيد عمامه والخروج به الي (السهلة)
يناديك الخال يا ود المكي
عمر علي حسن
11-13-2012, 07:39 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: لكن مافي اغرب من رجال في عمري وعمرك بيكتب بهذه السرعة على الكي بورد دحين وري خالك - براحة في اضانو - بتكتب براك ولا بتنتكي في الهباب وبتقعّد ليك وليد او بنية في اللابتوب تحكيها وتكتب ليك ؟
خالك اوسطي انا الشيء البتعلموه بقعد ليهو في واطاة الله وبتعلمه .. لكن جماعتك البتقولهم ديل .. الا بكترة التكرار البتعلم الاسمه شنو داك .. الواحد فيهم لبلب في الموبايل .. ولما يحي للابتوب يقرب يخرم الكيبورد ... مرات بساعدهم .
كمان انا بطبع بحوثي ومحاضراتي وما عندي هاند اوت بتكرر .. كله جديد .. وعربي وانجليزي .. الكمبيوتر ذاتو مشيت ليه المعهد مش اتعلمته كيري زي واحدين .. يعني لو عايزين سكرتيره محترمه و (حسنة المظهر) نحن جاهزين
عمر علي حسن
11-13-2012, 08:48 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: انا الشيء البتعلموه بقعد ليهو في واطاة الله وبتعلمه .. لكن جماعتك البتقولهم ديل .. الا بكترة التكرار البتعلم الاسمه شنو داك .. الواحد فيهم لبلب في الموبايل .. ولما يحي للابتوب يقرب يخرم الكيبورد ... مرات بساعدهم .
كمان انا بطبع بحوثي ومحاضراتي وما عندي هاند اوت بتكرر .. كله جديد .. وعربي وانجليزي .. الكمبيوتر ذاتو مشيت ليه المعهد مش اتعلمته كيري زي واحدين .. يعني لو عايزين سكرتيره محترمه و (حسنة المظهر) نحن جاهزين
والله ما شاء الله يا خال ربنا يديك طول العمر ويا ريت يكون اولادنا متابعين ليدركوا كيف يصنعون امجادهم
والما عاجبو الكلام دا - يا خال - خليهو يتشمشم ابد الدهر بين المطامير
راجع ليك بالمهلة - يا خال - لسوالف المتهمين الحكيت لينا عنهم فوق ديلاك .
انت فاكرني بنسى ؟
11-14-2012, 01:26 AM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
السلام من بيرمنجهام للمحامى شيقوق ولسعادة اللواء عمر على حسن أرفع تمام ويا شيقوق كل زمن ليهو ناسو وليهو ضباطو وليهو متهمينو والله البحكى عنهم سعادة اللواء ديل الليلة فى مقابر حمد الله ما تلقاهم !! (يا أخى اليوم الحراسات نصفها شيكات وإحتيال وتزوير وإختلاس للمال العام ومخالفات النظام العام !!!) . أى شىء بقى ######## حتى كباتن الهلال يهربو من تنفيذ ركلات الترجيح ويقول عايز نشيل كأس محمول !!! . كلامكم عن الشعر والشعراء جمييل لكن الليل هّود والشغل راجينا بكره أستودعكم الله الذى لاتضييع ودائعة وبوستكم إمتداد للزمن الجمييل والناس القيافة لذلك تجدونا وقد زدنا وزاد الناس كلهم لطافة !!فواصلو من أى باب سوف تكونوا الاروع وفقكم الله وسدد خُطاكم .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
Muna Khugali
مهيرة
Ahmed al Qurashi
وضاحة
بشرى مبارك ود السقاى
Abd-Elrhman sorkati
محمد فضل الله المكى
فيس بوك
تويتر
انستقرام
يوتيوب
بنتيريست