|
Re: كان كدا اسرائيل تتحزم وتتلزم .... (Re: هشام كمال عبادي)
|
عمر يا صديق أسألكـ بالله أقرأ كلام دكين برواقة وعليكـ الله ما ترد عليهو ولا عليا بس إترحم على روح الفاتح ده وخلي إسرائيل حسي
Quote: شنو الفضل من حنك سيادة الدولة لهذه الدولة؟؟ شنو البخلي الناس دي تستوزر ناس وترميهم بالقاب زي وزير الدفاع وزير الداخلية ووزير الاقتصاد وماتعرف تعليم عالي.. والدولة لا فيها حربية لا فيها داخلية لافيها اقتصاد ولا تعليم عالي ولا واطي.. الله في سماهو ذاتو بكون هسي مستغرب من هذه المسميات مقارنة مع هذه الكمية من الانتهاكات.. آلهة الاشانتي نفسها بتكون مذهولة بصمود هذا الشعب الهجين غريب الاطوار طويل الصبر.. اما يخجل الصوارمي من منصبه..ام انهم لايقيمون اعتبارا للمتلقين من المواطنين الذين يخاطبونهم مدججين بدبابيرهم وتيجانهم على كتوفهم تملع؟ اما يملون تبريراتهم او يخجلون من تكرار الاسف واحتفاظهم بحقهم في الرد معلبا في مكان بارد زيهم؟ الناس دي صاحية ام على قلوبهم اقفالها؟ خليهو الصوارمي، اما نخجل انحنا من اضنينا ديل؟ هل انحنا صحي مخصيين في نظر الجماعة ديل ولا لي شنو بتعاملو معانا بهذه المرجلة؟! صواريخ وطيارات وناس تكابس الحدود وناس تكابس الخرطوم وناس تمرق من الخرطوم وناس تموت في المستشفيات وناس تعيش شفتنة وناس تركب من طرف، وناس تاكل مال النبي وناس تاكل نار، وماتعرف تسعين الف زول بدق تاشيرة هروب شهرياً؟؟ شنو يخوانا؟؟ انتو دكيتوها قرباوي وماوريتونا؟؟ القصة دي رفعتو يدكم منها وقاعدين مشاهرة؟؟ يعني اضعف الايمان لو ماقدرتو تلمو البلد دي القو مخارجة لي رقبتكم من الجاييكم ده، انتو فلاحتكم في الدبارات ماقادرين تدبروا مخارجات لي رقابكم؟؟ ماهي البلد خلاص نشفت وعدمت نفاخ النار.. اها تاني حتحلبو شنو؟؟ بعدين وكت ماعندكم البعديكم البحر المالح ده، مالكم مال اسرائيل وحماس ياخي السماء دي انتو طيران الاهالي ده ماقادرين ليهو، مالكم ومال الناس البتنيش بي الريموت وبدون طيار؟ ياخ بطلو الملاوتـــات الانتو موش ماقدرها وبس..بل ومابتشبهكم اصلا..مالكم انتو مال حماس وفلسطين وايــران وكـ.... ام؟ دي سماوات ماعندكم ليها رقبة ولا رادار ولا لون ولا عرق ولا كرموزوم واحد..
اهو ديل مابتفاهمو معاكم ولا بخشو في مفاوضات او بحذروكم عشان تتوبوا الى بارئكم .. ديل انتو عندهم لاتسووا جناح بعوضة.. يكون راس مالكم قرار من ملازم قاعد في معسكر في بيداء النقب.. اضرب يامعلم... يركب طيارتو كانو ماشي نزهة، واثق من انو السماوات مستباحة، والبلاد مستباحة ومافي زولا بقدر يفتح كنيستو..وماف زول بقول لا. ولامن وجيع.. بتعاملو معاكم وكانما انتو زريبة في صي..وبعـر في زريبة ما اكتر من جغرافية عليها شوية خمج وهرجلة وبقر وناس في بيوت وعربات وشوارع مخفجة وشفخانات واسم دولة اعتباطا جنوب خط 22 ش وبس.. بخمشوكم لا احم ولا دستور.. ياخ المستراح مابخشوهو زي مالناس ديل بخشونا! لا احد يخشى من عاقبة رقيص الرئيس وخطبه الفارغة او من جعجعات ود محمد حسين والوعيد الذي تنوء به خطب الصوارمي.. ماف زول عامل ليكم حساب لانكم مجرد زبالـــة ونكرات مشتتة في مساحات السافنا.. زيكم زي أي شيتا أو زيبرا أو أي مُـكوِن طبيعي انشاته الجغرافية.. بتتنطعوا ساي في مجالس الامم ومنتديات العالم بي جوازات حمراء وانتو مجرد مجاملة كبيرة من عالم لايقل عنكم دناوة.. اهلكتم النسل والاهل والبلاد بوجودكم في الارض فلا بارك الله هذا الوجود ولا الارض التي تسعون عليها..
افهم بس انا؟ البخليكم تلاوو في العالم دي شنو وانتو كهربا ساي متلتلين فيها؟؟ البخليكم تلاووهم شنو وانتو موية شرابنا ماقادرين عليها؟؟ انتو عندكم مترو؟ طيب ياخ مالك والناس العندهم؟؟ انتو بتعرفو ترقصوا دبكة وتقولوا تؤبرني؟ طيب ياخ مال اهلكم انتو ومال الناس البرقصوها او البقولوها.. صلي صلاتك واعبد ربك وموت في مكانك.. ما تطنقع بي عروبية ماعندك فيها سنغل ميتين جين وراثي واحد.. يعني لو القصة دي ساي مشت عشائريات كما قبل العهد التركي موش كان اسلم للبدن واحفظ للفروج واكرم للسامعين؟!
مات الفاتح ود سوسن بت دولة خالتي في الغارة حقت امس.. مات لا ايد لا كراع.. قاعد في امان ربو قدام البيت فاخرجته شظية من اليرموك من امان ربه الكريم الى جواره الكريم.. بقرت شظية من مصنعهم العامر في وسط المعمورة بطنه فانتهى الى خالقه صبياً يافعاً، نضر الوجه بسوم.. ذخيرتها التي ربما كانت في طريقها الى غزة او جنوب كردفان.. الفاتح دنقلاوي ابا عن ام لايعنيه العرب في تخوم الضفة او في القطاع في شي.. مهموم بالشارع وضل البيت .. ضحية هذا المشروع العروبي المشوه الذي لاعرق له فيه.. لولا ثكنات الجيش التركي الاول في دنقلا ربما ما ضمونا الى هذا المكون المتوتر يافاتح.. تنوح النسوة الان في حوش البيت في ابو ادم .. ينوحن مرجعين امر النفس لله من قبل ومن بعد.. وإنا لله وإنا اليه راجعون ينوحن كما اهل الضفة والقطاع.... فسبحان الله الذي جعلنا امه واحدةً وجعل الارض قطع متجاورات والالم واحدٌ منقسمٌ بين عرب 48 وعرب السودان.. وسبحان من جعل دم "فتوحي" تمناً لهذا الشأن الشائه.. وسبحان من جعل نواح الدنقلاويات في حوش في ابو ادم جزءاً من مشهد الضجيج والبكاء العربي العام..
(نحنا البلاد الشاكية جرحها للصديد .. جاتنا القوافل بالضجيج.. ساقتنا من حلقة رقيص .. ورتنا كيف كتلوا الحسين.. صلبوا المسيح ... وبكينا أكتر منها .. ساقتنا في الاخر عبيد)عاطف خيري
-------------------- سلام يافاتح لك وانت تحت ذاك التراب..
لقد بكيناك كثيرا في المٍ شديد .. ولاتزال خالاتك وحبوباتك يبكين في حوش البيت غير مصدقات .. ذكراك الان تتقلب في المخايل دون حدود على كل شكل كنته في دنيا الناس.. افزعني ماجرته عليك البلاد والاقدار فالتحقت بالموت صبياً مارايت من دنيا الله شيئا سوى مسغبة البلاد.. توها الحياة قد بداءتك يافاتح.. فعاجلتك اليرموك ببواكير انتاجها فالحقت بالشهداء عنوةً واقتدارا، صبيا تحت التراب والله ماشفناك كتير في هذه الدنيا يافاتح.. اختارتك شظايا الحديد الاعمى دون الناس جميعاً ودون الشجر والحوائط والمساحات الفارغة.. انتهت دورة الحياة عندك وصحيانك ونومك وسعيك وكل صباك.. من الليلة تاني ما حنشوفك قدام باب البيت تحت الشجرات ديك متونسا او ضاحكا او مرتقبا شيئاً..
----------------------- والله لانملك إلا ان نقول..
انعـــل ابو اليوم الولدوكم فيهو..البلد خليتوها سهلة ساي ودبارتكم فيما عندكم كتلت عيالنا..عسى الله يرد عليكم اوجاعنا في عيالنا دنيا واخرة بلا رحيم.. |
|
|
|
|
|
|
|
العنوان |
الكاتب |
Date |
كان كدا اسرائيل تتحزم وتتلزم .... | ود الباوقة | 10-24-12, 04:38 PM |
Re: كان كدا اسرائيل تتحزم وتتلزم .... | المر | 10-24-12, 04:42 PM |
Re: كان كدا اسرائيل تتحزم وتتلزم .... | ود الباوقة | 10-24-12, 04:43 PM |
Re: كان كدا اسرائيل تتحزم وتتلزم .... | المر | 10-24-12, 04:43 PM |
Re: كان كدا اسرائيل تتحزم وتتلزم .... | amir jabir | 10-24-12, 04:42 PM |
Re: كان كدا اسرائيل تتحزم وتتلزم .... | MOHAMMED ELSHEIKH | 10-24-12, 04:43 PM |
Re: كان كدا اسرائيل تتحزم وتتلزم .... | ود الباوقة | 10-24-12, 04:48 PM |
Re: كان كدا اسرائيل تتحزم وتتلزم .... | ود الباوقة | 10-24-12, 04:50 PM |
Re: كان كدا اسرائيل تتحزم وتتلزم .... | جمال خضر | 10-24-12, 05:48 PM |
Re: كان كدا اسرائيل تتحزم وتتلزم .... | ABUHUSSEIN | 10-24-12, 04:50 PM |
Re: كان كدا اسرائيل تتحزم وتتلزم .... | amir jabir | 10-24-12, 04:53 PM |
Re: كان كدا اسرائيل تتحزم وتتلزم .... | MOHAMMED ELSHEIKH | 10-24-12, 04:55 PM |
Re: كان كدا اسرائيل تتحزم وتتلزم .... | Salah Abdulla | 10-24-12, 04:57 PM |
Re: كان كدا اسرائيل تتحزم وتتلزم .... | Amani Al Ajab | 10-24-12, 04:52 PM |
Re: كان كدا اسرائيل تتحزم وتتلزم .... | amir jabir | 10-24-12, 04:58 PM |
Re: كان كدا اسرائيل تتحزم وتتلزم .... | نجلاء سيد أحمد | 10-24-12, 05:02 PM |
Re: كان كدا اسرائيل تتحزم وتتلزم .... | Abd Alla Elhabib | 10-24-12, 04:59 PM |
Re: كان كدا اسرائيل تتحزم وتتلزم .... | ABUHUSSEIN | 10-24-12, 05:04 PM |
Re: كان كدا اسرائيل تتحزم وتتلزم .... | خضر الطيب | 10-24-12, 05:06 PM |
Re: كان كدا اسرائيل تتحزم وتتلزم .... | Mahjob Abdalla | 10-24-12, 05:07 PM |
Re: كان كدا اسرائيل تتحزم وتتلزم .... | isam elzein | 10-24-12, 05:23 PM |
Re: كان كدا اسرائيل تتحزم وتتلزم .... | عمار عبدالله عبدالرحمن | 10-24-12, 05:29 PM |
Re: كان كدا اسرائيل تتحزم وتتلزم .... | صلاح جادات | 10-24-12, 05:37 PM |
Re: كان كدا اسرائيل تتحزم وتتلزم .... | ابراهيم حسين | 10-24-12, 05:32 PM |
Re: كان كدا اسرائيل تتحزم وتتلزم .... | هشام كمال عبادي | 10-24-12, 05:36 PM |
Re: كان كدا اسرائيل تتحزم وتتلزم .... | saif massad ali | 10-24-12, 06:00 PM |
Re: كان كدا اسرائيل تتحزم وتتلزم .... | ولياب | 10-24-12, 06:14 PM |
Re: كان كدا اسرائيل تتحزم وتتلزم .... | عمران حسن صالح | 10-24-12, 06:09 PM |
Re: كان كدا اسرائيل تتحزم وتتلزم .... | جمال خضر | 10-24-12, 06:27 PM |
Re: كان كدا اسرائيل تتحزم وتتلزم .... | جمال خضر | 10-24-12, 06:41 PM |
Re: كان كدا اسرائيل تتحزم وتتلزم .... | Deng | 10-24-12, 07:07 PM |
Re: كان كدا اسرائيل تتحزم وتتلزم .... | ود الباوقة | 10-24-12, 08:47 PM |
Re: كان كدا اسرائيل تتحزم وتتلزم .... | محمد أبوالعزائم أبوالريش | 10-24-12, 08:58 PM |
Re: كان كدا اسرائيل تتحزم وتتلزم .... | عبدالرحمن الحلاوي | 10-24-12, 09:02 PM |
Re: كان كدا اسرائيل تتحزم وتتلزم .... | جميلة ابراهيم السيد | 10-24-12, 09:22 PM |
Re: كان كدا اسرائيل تتحزم وتتلزم .... | ود الباوقة | 10-24-12, 09:36 PM |
Re: كان كدا اسرائيل تتحزم وتتلزم .... | Magdi Algorashi | 10-24-12, 10:12 PM |
Re: كان كدا اسرائيل تتحزم وتتلزم .... | جميلة ابراهيم السيد | 10-24-12, 10:18 PM |
Re: كان كدا اسرائيل تتحزم وتتلزم .... | تبارك شيخ الدين جبريل | 10-24-12, 10:43 PM |
Re: كان كدا اسرائيل تتحزم وتتلزم .... | كمال سالم | 10-24-12, 10:57 PM |
Re: كان كدا اسرائيل تتحزم وتتلزم .... | قاسم المهداوى | 10-24-12, 11:44 PM |
Re: كان كدا اسرائيل تتحزم وتتلزم .... | Nagat Sid Ahmed Elshiekh | 10-25-12, 04:47 AM |
Re: كان كدا اسرائيل تتحزم وتتلزم .... | جمال خضر | 10-25-12, 07:00 AM |
Re: كان كدا اسرائيل تتحزم وتتلزم .... | مها عبد الله | 10-25-12, 07:15 AM |
Re: كان كدا اسرائيل تتحزم وتتلزم .... | عادل خياري | 10-25-12, 07:51 AM |
Re: كان كدا اسرائيل تتحزم وتتلزم .... | MOHAMMED ELSHEIKH | 10-25-12, 10:12 AM |
Re: كان كدا اسرائيل تتحزم وتتلزم .... | ناصر المحسى | 10-25-12, 10:41 AM |
Re: كان كدا اسرائيل تتحزم وتتلزم .... | مهدي صلاح | 10-25-12, 02:28 PM |
Re: كان كدا اسرائيل تتحزم وتتلزم .... | منتصرمحمد زكى | 10-25-12, 03:47 PM |
Re: كان كدا اسرائيل تتحزم وتتلزم .... | Abureesh | 10-25-12, 03:37 PM |
Re: كان كدا اسرائيل تتحزم وتتلزم .... | AWAD MAHMOUD OSMAN | 10-25-12, 04:04 PM |
Re: كان كدا اسرائيل تتحزم وتتلزم .... | ود الباوقة | 10-25-12, 10:40 PM |
Re: كان كدا اسرائيل تتحزم وتتلزم .... | ود الباوقة | 10-25-12, 10:48 PM |
Re: كان كدا اسرائيل تتحزم وتتلزم .... | Adil Ali | 10-25-12, 11:23 PM |
Re: كان كدا اسرائيل تتحزم وتتلزم .... | ود الباوقة | 10-26-12, 06:03 AM |
Re: كان كدا اسرائيل تتحزم وتتلزم .... | Dania Elmaki | 10-26-12, 06:04 AM |
Re: كان كدا اسرائيل تتحزم وتتلزم .... | Dania Elmaki | 10-26-12, 06:04 AM |
Re: كان كدا اسرائيل تتحزم وتتلزم .... | ادريس خليفة علم الهدي | 10-26-12, 06:10 AM |
Re: كان كدا اسرائيل تتحزم وتتلزم .... | ادريس خليفة علم الهدي | 10-26-12, 07:44 AM |
Re: كان كدا اسرائيل تتحزم وتتلزم .... | محمد طاهر تكنه | 10-26-12, 08:29 AM |
Re: كان كدا اسرائيل تتحزم وتتلزم .... | عادل عبدالعزيز عبد الرحيم | 10-26-12, 08:55 AM |
Re: كان كدا اسرائيل تتحزم وتتلزم .... | عامر باضاوي | 10-27-12, 04:08 AM |
Re: كان كدا اسرائيل تتحزم وتتلزم .... | محمد علي عثمان | 10-27-12, 04:56 AM |
Re: كان كدا اسرائيل تتحزم وتتلزم .... | جميلة ابراهيم السيد | 11-01-12, 05:00 AM |
|
|
|