سرقة وضياع الموبايلات ـــ مواقف وطرائف

Quote: سلام اعتقد ان هذه القصه جديره بالنشر في البوست حكت لي صديقه سعودية الجنسيه ان اخوها يعمل سائق تكسي في مدينة الرياض و في يوم من الايام و هو بيوصل الزبائن ركبوا معاهو ثلاثه بنات سعوديات راجعين من السوق للبيت و محملين بالاكياس و لمى و صلو لي باب بيتهم و جو ينزلوا قال ليهم الحساب ياجماعه قامت واحده من البنات ردت عليه قلت ليه و هي بتضحك " الحساب يوم الحساب" قال ليه ما بينفع الكلام ده انا وصلتكم و لازم تدوني اجري فردوا عليه وقالوا ليه اسمع يا تمشي من هنا بي ادبك او نحنا نكلم ليك اهلنا الفي البيت نقوليهم عاكسنا و تبقى ليلتك سوداااااء طبعا خوفا من المشاكل حرك العربيه مغلوب على امره و بعد خمسه دقايق سمع رنة موبايل غريبه في التكسي ما حقته وقف التكسي و نزل فتشه كويس و لقى موبايل جديد اخر موديل و رد على الاتصال قام لقاها واحده من البنات قالت ليه الله يخليك رجع الموبايل و بديك قروشك .... لانه فيه حاجات خاصه والله انه وقع مننا بالغلط و معليش و بي هنا وبي هناك و حاولو يتسامحوا منه و هو بي برود قال ليها حساب شنو الي ارجع اشيله الحساب يوم الحساب و قفل التلفون .... قعد يومين يفكرو هم يتصلوا يحنسوا فيه و هو ابدا ما قفله بس قاعد يفكر يعمل شنو و ما كن منه الا انه مشى باع التلفون و ركب الشريحه في رقم تاني و اتصل عليها و قل ليها بعت التلفون و شلته حق المشوار بس و الباقي اتبرعته بيه لي جمعيه خيريه و الشريحه اسي بعد المكالمه حأكسرها بس لي المعلوميه و تاني ما تعملي كده مع الناس لانه ربنا سريع الانتقم .......... و ده العمله فعلا سلام