|
Re: طلبــة د. عبـدالله أحـمد النـعـيـم ... (Re: Kabar)
|
سلام يا كبر أه يا ابن الذين آمنوا قبضتَّك.. وقلت يمكن يقوم عليك جنَّك وتمسح الكتابة. أها.. تاني ما بتقدر تمسحا. شوفتا كيف؟؟
Quote: صديقي ياسر..حبابك كل سنة و انت طيب,.. اخير انت بتعرف.. ان شاء الله اول مرة ذاتو..ياخي نحن الضحك شرطنا عدييييل.. او كما قال..! رمانة.. الدنيا قبايل عيد..ياخي من العصر الحجري ولا الذي منو.. ماداير معاك عدييل..!!! ياخي ده نظام خيانة اسكتي ساكت خليهو..!!! كل سنة و انتي طيبة يا صديقة..و امنياتنا الطيبة..للمعاك كلهم دون فرز..!
عبد الله النعيم (ساكت كده من غير دكتور أو صديق)..شفناهو لمن كان بيزور الكلية.. لابس مركوب عنقرة التيس. الجاي من مدينة الفاشر...و مواطن اكثر من عادي..ياخي زول جميل و يكفي..!!!!
قبل سنتين الجمهوريات و الجمهوريين ن يا رمانة ، ( يازولة هوي ، انا الخواجة البقاري في ذات نفسو..و الكاين يكون ياخي..!!)..عملوا ليهم مناسبة عن الأستاذ هنا في مدينتنا...و الشلاقة ما خلتني.. طاخ طراخ كتبت لي ورقة..و شاركت بيها في المناسبة ..عارفة الحصل شنو؟.. لغاية السنة دي..اخونا الجميل الجمهوري خالد المهدي.. بيقول لي ادينا نسخة من الورقة عشان عبد الله النعيم داير يقراها..!!!!و انا في نفسي اقول : خالد المهدي ده شوطن ولاشنو؟..هو لو شايف عبد الله النعيم ده صاحبو و جمهوري زيو.. في ناس تانيين عبد الله..النعيم ده عندهم حاجة اسكت ساكت خليها..!!!
غايتو عندو مقالات قديمة في مجلة فورن افيير..Foreign Affairs..و جابوها الأصدقاء.. الناقد الفاتح مبارك..والشاعر عبد الليطف على الفكي.. و القاص محمد عثمان دريج.. في مجلة الكترونية.. غير محظوظة كلو كلو.. اسمها نقدي..و فيها صديقنا عبد الله هذا ، اتجلى تجلي لمن حير العالم كلو..!
من الآخر يا رمانة بالنسبة لي : الله و رسولو و عبدالله النعيم و الهلال..!!!
يكفي ، انو لمن كنا في اخر سنة بنقرا المجلات الغميسة اياها ، و الرجل يكتب عن نظريته الخاصة عن القانون و التنمية..و بكل وضوح ح اجوعر باعلا صوت ، ده طبعا لو حق لي،و أنول أي قيم ديموقراطية حايمة في افريقيا في اليوم ده ، مارقة من دقنوس عبد الله النعيم ده..و ممكن اثبت الإدعاء ده..!!!!!!
شوفتي كيف يا صديقة..!!!
لو العالم كانت فيهو نظريتين بس: ماركسية اشتراكية و امبريالية راسمالية.. اها عبد الله النعيم ده من ناس قالوا لينا و للعالم كضبا كاضب.. هناك خيار ثالث..و من دييك و عييك.. نحن دايما لو قالوا لو لينا الأمر يحتمل خيارين..ياخي حتى في تصليح العريية ساكت.. بنقول ليهم في ناس قالوا ، دايما هناك خيار ثالث..و ديل منهم عبدالله النعيم..ده..!!!!
مرة يا رمانة.. زعلت من نفسي..و انا بقرأ في واحدة من تجليات عبد الله النعيم..و طاخ طراخ .. بديت اترجم في كلامو..و متلي و متل أ ي سوداني كسلان ساكت.. صرفت النظر عن الفكرة..!!
هو مفكر لم ننصفه بعد..!!.. يتخيل لي منتظرين بعد ما يلحق الأصتاذ و بعد داك نقعد نجوعر لمن ربنا ذاتو ما يغفر لينا..!!!
الحاصل شنو بالضبط يا رمانة’؟..ياخي امسكي ليك في اي جمهوري تاني.. دكتور النور حمد.. دكتور احمد الحسين.. دكتور ياسر الشريف..مريم بت الحسين.. بثينة تروس.. عثمان عبد الله.. جمال منصوري’..أو امثالهم من جمهوريات و جمهوريين..و ما ح نغالطك.. لكن عبد الله النعيم..يازولة هوي انتي بصحك؟..
اقول قولي هذا ، و انا لست بجمهوري و لن اكون ..و الله صحي ( علي قول قريبي السلفي الجاب كلامو صديقنا امين البشاري يوما ما..!!!)..اما عبد الله النعيم..!!!
تعالي ، نغالطوا.. فلسفة قانون.. أو جورسبرودنس..كما قال اشياخي االطيب شيقوق ..يحي اسماعيل..و الفاتح ميرغني..نقلا عن شيخهم الهندي كريشنا باسديف (تصدقي يا رمانة.. نحن كانوا بيدرسونا كتاب باسديف هذا في قانون الإثبات..و كنا حاقرين بيهو جنس حقارة اسكتي ساكت خليها ، وهو في سوداني ما قاعد يحقر بالهنود في السودان؟ ياخي قريبي جعفر النميري في ذات نفسو حكوا عنه ما يستحقر بالهنود..و ما تنسي يا رمانة الجالية الهندية في السودان ، ياها المرق منها غنا سوداني جميل متل غنا: لي في المسالمة غزال ..نافر بغني عليه..!!!!..و تاني و الله صحي...!)..
رمانة.. عليكي الله اقعدي ساكت ياخ..و ماتهظري.. انا لمن قريت سنة اولى قانون.. في جامعة الخرتوم.. استاذنا دكتور محمد نور الدين الطاهر.. كان بيدرسنا كتاب اسمو ( اسس المسئولية الجنائية في السودان لصاحبه عبد الله النعيم..!!!)..!!! اها يارمانة.. عبد الله النعيم ده.. لو دايرة تتكلمي عنو الدم للركب و الكاين يكون (اعتبريهو كبر مركب ليهو مكنة بقاري من هناك ياخي..!!!؟).. و من تاني الحصل شنو بالضبط..؟!!!
و احتياطي كده يا رمانة.. (مش طلعتي من عندنا؟)..اسجل حضورا دفاعا عن عبد الله النعيم..! و لكل اهلنا في المنبر ده: رايكم شنو نقوم نقرا و نترجم دراسةات عبد الله النعيم؟.. ليس احتفاءا به ، انما ما باب معرفة تنفعنا لدينيتنا و دينا و ديموقراطتينا ذات..!!! و من تاني سلام يا رمانة..و ارفعي رجلك من الجاز شوية ياخ..!!!!
طبعا الزول الوحيد الح..يضحك من النقة دي ياهو دكتور عبد الله احمد النعيم.. و بنقول ليهو زح غادي يا قريبي عشان الدم ما يرشك..و الكائن يكون..!!!! و من تاني يا رمانة : ياخي شوفي ليك امام... متل صاد ق المهدي..لا شيخ متل دكتور حسن الترابي..ولا مولانا متل.. سيد محمد عتمان الميرغني..ولا نايب جمهورية متل شيخ على عثمان محمد طه (صدقيني يا رمانة ، شيخ على ، لو قرا الكلام ده ح يضحك لمن تبين نواجذه..!!!)..لكن عبد الله النعيم ..ده مافي طريقة كلو كلو..!!!! و دمتم جميعا ( انا الجابني هنا شنو ياااااااااخ ..؟)..
كبر
|
|
|
|
|
|
|
|
العنوان |
الكاتب |
Date |
طلبــة د. عبـدالله أحـمد النـعـيـم ... | rummana | 10-17-12, 05:55 PM |
Re: طلبــة د. عبـدالله أحـمد النـعـيـم ... | Yasir Elsharif | 10-17-12, 08:15 PM |
Re: طلبــة د. عبـدالله أحـمد النـعـيـم ... | الطيب شيقوق | 10-17-12, 08:53 PM |
Re: طلبــة د. عبـدالله أحـمد النـعـيـم ... | فيصل عثمان الحسن | 10-17-12, 09:35 PM |
Re: طلبــة د. عبـدالله أحـمد النـعـيـم ... | سيف النصر محي الدين | 10-17-12, 09:48 PM |
Re: طلبــة د. عبـدالله أحـمد النـعـيـم ... | rummana | 10-18-12, 07:17 AM |
Re: طلبــة د. عبـدالله أحـمد النـعـيـم ... | rummana | 10-18-12, 07:33 AM |
Re: طلبــة د. عبـدالله أحـمد النـعـيـم ... | rummana | 10-18-12, 07:43 AM |
Re: طلبــة د. عبـدالله أحـمد النـعـيـم ... | عبدالله عثمان | 10-18-12, 08:25 AM |
Re: طلبــة د. عبـدالله أحـمد النـعـيـم ... | عبدالله عثمان | 10-18-12, 08:42 AM |
Re: طلبــة د. عبـدالله أحـمد النـعـيـم ... | عبدالله عثمان | 10-18-12, 08:46 AM |
Re: طلبــة د. عبـدالله أحـمد النـعـيـم ... | Kabar | 10-18-12, 10:14 AM |
Re: طلبــة د. عبـدالله أحـمد النـعـيـم ... | Yasir Elsharif | 10-18-12, 10:50 AM |
Re: طلبــة د. عبـدالله أحـمد النـعـيـم ... | الطيب شيقوق | 10-18-12, 08:58 AM |
Re: طلبــة د. عبـدالله أحـمد النـعـيـم ... | الطيب شيقوق | 10-18-12, 11:08 AM |
Re: طلبــة د. عبـدالله أحـمد النـعـيـم ... | rummana | 10-18-12, 11:58 AM |
Re: طلبــة د. عبـدالله أحـمد النـعـيـم ... | Asma Abdel Halim | 10-18-12, 12:25 PM |
Re: طلبــة د. عبـدالله أحـمد النـعـيـم ... | د.نجاة محمود | 10-18-12, 02:34 PM |
Re: طلبــة د. عبـدالله أحـمد النـعـيـم ... | Sabri Elshareef | 10-18-12, 02:58 PM |
Re: طلبــة د. عبـدالله أحـمد النـعـيـم ... | Elmoiz Abunura | 10-18-12, 03:53 PM |
Re: طلبــة د. عبـدالله أحـمد النـعـيـم ... | rummana | 10-19-12, 07:54 AM |
Re: طلبــة د. عبـدالله أحـمد النـعـيـم ... | عبدالله عثمان | 10-19-12, 08:21 AM |
Re: طلبــة د. عبـدالله أحـمد النـعـيـم ... | عبدالله عثمان | 10-19-12, 08:26 AM |
Re: طلبــة د. عبـدالله أحـمد النـعـيـم ... | عبدالله عثمان | 10-19-12, 08:32 AM |
Re: طلبــة د. عبـدالله أحـمد النـعـيـم ... | عبدالله عثمان | 10-19-12, 08:39 AM |
Re: طلبــة د. عبـدالله أحـمد النـعـيـم ... | rummana | 10-19-12, 04:29 PM |
Re: طلبــة د. عبـدالله أحـمد النـعـيـم ... | rummana | 10-19-12, 05:25 PM |
|
|
|