|
Re: كان كدا اسرائيل تتحزم وتتلزم .... (Re: ود الباوقة)
|
الأخ ود الباوقة
لك التحية
الكلام النظرى حكاية تتحزم وتتلزم ومحتفظين بحق الرد ده كلام للإستهلاك المحلى
الكلام الجد إنكم تتحزموا وتتلزموا معشر الكيزان فى الداخل والخارج وتعملوا
تبرعات عشان تشتروا رادارات من العينة الفوق دى وتوزعوها على مناطق السودان
الحدودية عشان ترصدوا الطائرات والصواريخ التى تترصدكم وخلى جماعتكم الكانوا
بشتروا الحاجات دى فى السابق يدوها صنة شوية الناس ديل ما بيشبعوا يشيلوا القروش
بمئات الملايين من الدولارات بغرض شراء أجهزة جديدة يمشوا يتقسموا القروش بيناتن
ويشتروا ليهم أجهزة من زمن الحرب العالمية الثانية مستهلكة ومنتهية الصلاحية بعشرات
الآلاف من الدولارات فقط والنتيجة أها قدام عيونك طائرات تخش وتمرق لا من شاف ولا من درى
فهل يرضيك هذا الأمر ؟ إذا كانت إجابتك بلا فلتبدأ من الآن بالإتصال بجماعتكم عشان تجمعوا
القروش اللازمة لشراء الإجهزة التى تقى البلاد والعباد شر الهجمات وجماعتكم ما شاء الله
عينى باردة منقنقين ومرطبين ومجضمين ولو ختوا الرحمن فى قلبم عشرة رادارات ممكن يجيبوها
مرة واحدة .
| |
|
|
|
|
|
|
Re: كان كدا اسرائيل تتحزم وتتلزم .... (Re: ABUHUSSEIN)
|
Quote: إسرائيل متحزمة و متلزمة إنتو بتشدوا حيلكم متين ....؟؟؟؟
و الله لو في محلك أخجل و أغادر سودانيز من غير رجعة ...
البلد بقت ملطشة .... |
انتوا يا ود الباوقة ما بتتزكرو الشعب السودانى ابدا اللا فى وقت الحارة ::::
| |
|
|
|
|
|
|
Re: كان كدا اسرائيل تتحزم وتتلزم .... (Re: Abd Alla Elhabib)
|
Quote: الاشجار التي يتوارون خلفها بدات تنبت الان |
انت كان كده بقيت متأمل في يوم القيامة. و برضو كده تأكيد انو اسرائيل ما بتسلمكم فلسطين الا يوم القيامة
يا اخي ده اليوم الذي يفر فيه المرء من اخيه و امه و ابيه و انت قايل نفسك في اليوم ماشي تفتش تحت الشجر عشان اسرائيلي.
| |
|
|
|
|
|
|
Re: كان كدا اسرائيل تتحزم وتتلزم .... (Re: Mahjob Abdalla)
|
السيد ودالباوقة تحية طيبة - عنوان البوست يجب ان تختار له عبارات مقاتلة وليس كما أوردت حتي تتناسب مع حجم الحدث - عنوانك هذا يذكرني بفنانتك المفضلة والتي وضعتها في مصاف محمد الامين - صدقني القضية أصبحت أكبر من هو الموالي للحكومة ومن المعارض لها مع كامل الود
| |
|
|
|
|
|
|
Re: كان كدا اسرائيل تتحزم وتتلزم .... (Re: saif massad ali)
|
يا ودالباوقة
حقيقة الواحد حزين من ما يجري لبلدي ومواطنيه من قصف إسرائيلي متكرر لأراضينا ، وحقيقة الكلام لا يفيد ( سنرد الصاع شلوتين أو كفين ) أو بعبارات عاجزة كمقولة نحتفظ بحق الرد ، هذا الكلام وأي كلام غير مفيد ، ألا ترى أن إسرائيل تأخذ حقها أولا بأولا ولها القوة أن تتعتدي بضربات إستباقية لو حست بخطر ما .
إذن ما في داعي للكلام يا تضرب في نفس اللحظة أو لنصمت .
| |
|
|
|
|
|
|
Re: كان كدا اسرائيل تتحزم وتتلزم .... (Re: هشام كمال عبادي)
|
عمر يا صديق أسألكـ بالله أقرأ كلام دكين برواقة وعليكـ الله ما ترد عليهو ولا عليا بس إترحم على روح الفاتح ده وخلي إسرائيل حسي
Quote: شنو الفضل من حنك سيادة الدولة لهذه الدولة؟؟ شنو البخلي الناس دي تستوزر ناس وترميهم بالقاب زي وزير الدفاع وزير الداخلية ووزير الاقتصاد وماتعرف تعليم عالي.. والدولة لا فيها حربية لا فيها داخلية لافيها اقتصاد ولا تعليم عالي ولا واطي.. الله في سماهو ذاتو بكون هسي مستغرب من هذه المسميات مقارنة مع هذه الكمية من الانتهاكات.. آلهة الاشانتي نفسها بتكون مذهولة بصمود هذا الشعب الهجين غريب الاطوار طويل الصبر.. اما يخجل الصوارمي من منصبه..ام انهم لايقيمون اعتبارا للمتلقين من المواطنين الذين يخاطبونهم مدججين بدبابيرهم وتيجانهم على كتوفهم تملع؟ اما يملون تبريراتهم او يخجلون من تكرار الاسف واحتفاظهم بحقهم في الرد معلبا في مكان بارد زيهم؟ الناس دي صاحية ام على قلوبهم اقفالها؟ خليهو الصوارمي، اما نخجل انحنا من اضنينا ديل؟ هل انحنا صحي مخصيين في نظر الجماعة ديل ولا لي شنو بتعاملو معانا بهذه المرجلة؟! صواريخ وطيارات وناس تكابس الحدود وناس تكابس الخرطوم وناس تمرق من الخرطوم وناس تموت في المستشفيات وناس تعيش شفتنة وناس تركب من طرف، وناس تاكل مال النبي وناس تاكل نار، وماتعرف تسعين الف زول بدق تاشيرة هروب شهرياً؟؟ شنو يخوانا؟؟ انتو دكيتوها قرباوي وماوريتونا؟؟ القصة دي رفعتو يدكم منها وقاعدين مشاهرة؟؟ يعني اضعف الايمان لو ماقدرتو تلمو البلد دي القو مخارجة لي رقبتكم من الجاييكم ده، انتو فلاحتكم في الدبارات ماقادرين تدبروا مخارجات لي رقابكم؟؟ ماهي البلد خلاص نشفت وعدمت نفاخ النار.. اها تاني حتحلبو شنو؟؟ بعدين وكت ماعندكم البعديكم البحر المالح ده، مالكم مال اسرائيل وحماس ياخي السماء دي انتو طيران الاهالي ده ماقادرين ليهو، مالكم ومال الناس البتنيش بي الريموت وبدون طيار؟ ياخ بطلو الملاوتـــات الانتو موش ماقدرها وبس..بل ومابتشبهكم اصلا..مالكم انتو مال حماس وفلسطين وايــران وكـ.... ام؟ دي سماوات ماعندكم ليها رقبة ولا رادار ولا لون ولا عرق ولا كرموزوم واحد..
اهو ديل مابتفاهمو معاكم ولا بخشو في مفاوضات او بحذروكم عشان تتوبوا الى بارئكم .. ديل انتو عندهم لاتسووا جناح بعوضة.. يكون راس مالكم قرار من ملازم قاعد في معسكر في بيداء النقب.. اضرب يامعلم... يركب طيارتو كانو ماشي نزهة، واثق من انو السماوات مستباحة، والبلاد مستباحة ومافي زولا بقدر يفتح كنيستو..وماف زول بقول لا. ولامن وجيع.. بتعاملو معاكم وكانما انتو زريبة في صي..وبعـر في زريبة ما اكتر من جغرافية عليها شوية خمج وهرجلة وبقر وناس في بيوت وعربات وشوارع مخفجة وشفخانات واسم دولة اعتباطا جنوب خط 22 ش وبس.. بخمشوكم لا احم ولا دستور.. ياخ المستراح مابخشوهو زي مالناس ديل بخشونا! لا احد يخشى من عاقبة رقيص الرئيس وخطبه الفارغة او من جعجعات ود محمد حسين والوعيد الذي تنوء به خطب الصوارمي.. ماف زول عامل ليكم حساب لانكم مجرد زبالـــة ونكرات مشتتة في مساحات السافنا.. زيكم زي أي شيتا أو زيبرا أو أي مُـكوِن طبيعي انشاته الجغرافية.. بتتنطعوا ساي في مجالس الامم ومنتديات العالم بي جوازات حمراء وانتو مجرد مجاملة كبيرة من عالم لايقل عنكم دناوة.. اهلكتم النسل والاهل والبلاد بوجودكم في الارض فلا بارك الله هذا الوجود ولا الارض التي تسعون عليها..
افهم بس انا؟ البخليكم تلاوو في العالم دي شنو وانتو كهربا ساي متلتلين فيها؟؟ البخليكم تلاووهم شنو وانتو موية شرابنا ماقادرين عليها؟؟ انتو عندكم مترو؟ طيب ياخ مالك والناس العندهم؟؟ انتو بتعرفو ترقصوا دبكة وتقولوا تؤبرني؟ طيب ياخ مال اهلكم انتو ومال الناس البرقصوها او البقولوها.. صلي صلاتك واعبد ربك وموت في مكانك.. ما تطنقع بي عروبية ماعندك فيها سنغل ميتين جين وراثي واحد.. يعني لو القصة دي ساي مشت عشائريات كما قبل العهد التركي موش كان اسلم للبدن واحفظ للفروج واكرم للسامعين؟!
مات الفاتح ود سوسن بت دولة خالتي في الغارة حقت امس.. مات لا ايد لا كراع.. قاعد في امان ربو قدام البيت فاخرجته شظية من اليرموك من امان ربه الكريم الى جواره الكريم.. بقرت شظية من مصنعهم العامر في وسط المعمورة بطنه فانتهى الى خالقه صبياً يافعاً، نضر الوجه بسوم.. ذخيرتها التي ربما كانت في طريقها الى غزة او جنوب كردفان.. الفاتح دنقلاوي ابا عن ام لايعنيه العرب في تخوم الضفة او في القطاع في شي.. مهموم بالشارع وضل البيت .. ضحية هذا المشروع العروبي المشوه الذي لاعرق له فيه.. لولا ثكنات الجيش التركي الاول في دنقلا ربما ما ضمونا الى هذا المكون المتوتر يافاتح.. تنوح النسوة الان في حوش البيت في ابو ادم .. ينوحن مرجعين امر النفس لله من قبل ومن بعد.. وإنا لله وإنا اليه راجعون ينوحن كما اهل الضفة والقطاع.... فسبحان الله الذي جعلنا امه واحدةً وجعل الارض قطع متجاورات والالم واحدٌ منقسمٌ بين عرب 48 وعرب السودان.. وسبحان من جعل دم "فتوحي" تمناً لهذا الشأن الشائه.. وسبحان من جعل نواح الدنقلاويات في حوش في ابو ادم جزءاً من مشهد الضجيج والبكاء العربي العام..
(نحنا البلاد الشاكية جرحها للصديد .. جاتنا القوافل بالضجيج.. ساقتنا من حلقة رقيص .. ورتنا كيف كتلوا الحسين.. صلبوا المسيح ... وبكينا أكتر منها .. ساقتنا في الاخر عبيد)عاطف خيري
-------------------- سلام يافاتح لك وانت تحت ذاك التراب..
لقد بكيناك كثيرا في المٍ شديد .. ولاتزال خالاتك وحبوباتك يبكين في حوش البيت غير مصدقات .. ذكراك الان تتقلب في المخايل دون حدود على كل شكل كنته في دنيا الناس.. افزعني ماجرته عليك البلاد والاقدار فالتحقت بالموت صبياً مارايت من دنيا الله شيئا سوى مسغبة البلاد.. توها الحياة قد بداءتك يافاتح.. فعاجلتك اليرموك ببواكير انتاجها فالحقت بالشهداء عنوةً واقتدارا، صبيا تحت التراب والله ماشفناك كتير في هذه الدنيا يافاتح.. اختارتك شظايا الحديد الاعمى دون الناس جميعاً ودون الشجر والحوائط والمساحات الفارغة.. انتهت دورة الحياة عندك وصحيانك ونومك وسعيك وكل صباك.. من الليلة تاني ما حنشوفك قدام باب البيت تحت الشجرات ديك متونسا او ضاحكا او مرتقبا شيئاً..
----------------------- والله لانملك إلا ان نقول..
انعـــل ابو اليوم الولدوكم فيهو..البلد خليتوها سهلة ساي ودبارتكم فيما عندكم كتلت عيالنا..عسى الله يرد عليكم اوجاعنا في عيالنا دنيا واخرة بلا رحيم.. |
| |
|
|
|
|
|
|
Re: كان كدا اسرائيل تتحزم وتتلزم .... (Re: Deng)
|
أخونا عمر السلام عليكم ورحمة الله استنفذ هؤلاء النفر مالديهم وذهابهم خير لهم من بقاءهم كالدمى ...لا حي يرجى ولا ميت فينسى ....فشلوا فشلا ذريعا في ادارة قوة الدولة أرضا ومواردا وبشرا ...فالم المكابرة ؟؟ قدموا أسوأ نموذج عن الاسلام
| |
|
|
|
|
|
|
Re: كان كدا اسرائيل تتحزم وتتلزم .... (Re: عبدالرحمن الحلاوي)
|
سلام ود الباوقة وضيوفك
ما عارفة لي اتزكرت القصة الفي بوست الشعيرية حق اخونا المفتاح .. الجماعة قالوا لو لو كان ضربوا مصنع الشعيرية بدل مصنع الشفاء كانوا حمار وراء حمار للبيت الابيض .. اها يا ود الباوقة جهزوا حميركم ساااااااااااااااااي
| |
|
|
|
|
|
|
Re: كان كدا اسرائيل تتحزم وتتلزم .... (Re: ود الباوقة)
|
Quote: الاكثر ايلاما هو ابتهاج بعضكم لهذا الهجوم السافر
على ارضنا الطاهرة من قبل بني صهيون |
علي الاقل رد السلام يا ود الباوقة
مافي انسان مبتهج ولكن تاكلنا الحسرة علي حال البلد ان تصل طائرات اجنبية لعمق العاصمة وتضرب اهدافها وتغادر والحكومة في سبات عميق .. وبعد يصحوا علي راحتهم نسمع الويل والثبور لاسرائيل .. هذا هو المؤلم يا دو الباوقة .. والاشد ايلاما عندما يحتمي ابي الشيخ السبعيني "تحت السرير" وبعدها يضطر ان يغادر المنزل "انصاص الليالي" هربا من منزلة الذي كان يظن انه آمن .. وعندما يعود اليه يجده متصدعا.. فبالله يا ود الباوقة ما تقعد في مكانك البعيد وتحدثني عن المؤلم والاشد ايلاما وانت تعمي عيناك عن رؤية الحقيقة الساطعة كالشمس.
| |
|
|
|
|
|
|
Re: كان كدا اسرائيل تتحزم وتتلزم .... (Re: كمال سالم)
|
Quote: كان كدا اسرائيل تتحزم وتتلزم .... |
بق بق يا وهم انتا الموساد الاسرائيلى يتعامل مع التهديدات سواء كانت ضد الافراد او المجتمع او الكيان الصهيونى بجدية قد لا تتخيلها ولانك وهم وضعت نفسك فى (خانة اليك ) وغايتو بعد كدا الا تتلفت زى الرادار الحربى مش تقول لى فى السعودية ولا فى ام طرقا عراض يعنى يا تبلع تهديدم دا يا واطاتك اصبحت وقلبى معك يا بق بق ،،، عامل فيها شغال سياسة وما فاهم يعنى شنو الموساد الاسرائيلى يا وهم تانى قلبى معك !!!
قاسم المهداوى خارج النص : وزير دفاعك قال حق الرد محفوظ عارف ليه ؟؟؟؟ تقوم انتا يا وهم تصدر تهديد عديييييييل كدا
| |
|
|
|
|
|
|
Re: كان كدا اسرائيل تتحزم وتتلزم .... (Re: قاسم المهداوى)
|
Quote: اين الجيفة شارون الآن ؟؟ |
نائم فى قصرو فى كافورى ....... أين وزير دفاعكم بتاع شوف العين داك؟ دا المفروض يكون سؤالك !! خير وسيلة للدفاع الهجوم ..... سلام يا ود الباوقة...... بعدين الرد ح يكون بالعكاز ولا الحجارة سلاحكم ما رقد هبود ياوزير.
| |
|
|
|
|
|
|
Re: كان كدا اسرائيل تتحزم وتتلزم .... (Re: مها عبد الله)
|
سلام ياباوقة ماقاعد اتداخل في بوستاتك لكن دي ذكرتني زيارة عمر البشير لزيارته لمنطقة الهدى في الجزيرة وخرجت كل القرى المجاورة تحمل لافتات كبيرة ممهورة باسمها وكان من اللافت للنظر الكفتة تهدد امريكا وللمرة الاخيرة والكفتة هذه من اصغر قرى المنطقة المهضوم حقوقها ولاتتجاوز بيوتها اصابع اليدين ولاتسال عن امكانياتها التي هي اصلا معدومة لتقوم نفسها ناهيك عن تهديدها لاكبر دولة في العالم كن منطقيا تحترم
| |
|
|
|
|
|
|
Re: كان كدا اسرائيل تتحزم وتتلزم .... (Re: عادل خياري)
|
Quote: الكفتة تهدد امريكا وللمرة الاخيرة |
ياخي انت ما بتشوف كويس
"الكفتة تهدد ام ريكا وللمرة الاخيرة وهي قرية في الجزيرة"
الا قول لي ياود الباوقة" " سوداني ضربة جو بي 4 طيارات بس"؟ والله دا ضرب جنن العالم! تررررم ترم
| |
|
|
|
|
|
|
Re: كان كدا اسرائيل تتحزم وتتلزم .... (Re: ناصر المحسى)
|
Quote: بالمناسبة (هرمة) يعني شنو؟؟ |
قبل (الدلوف) للمراد بالكلمة دي عايز اقول حاجة ... انا لما سمعتا البشير يخاطب الجلسة الطارئة لمجلس الوزراء تيقنت تماما انو البشير عندو مشكلة حقيقية في الحبال الصوتية ، صوتوا مختلف تماما، كدي صحوا لينا ناس الدوحة فالتقصي قد يفضي الى الكشف عن عملية زرع حنجرة عديل
ليس لي ان افتي في معنى الهرمة لكن ما بوسعي ان اجزم به ان هناك اجيال واجيال هرمت وهم يسمعون النظام السوري وهو يردد ومنذ عقود ان سوريا تحتفظ لنفسها بحق الرد على الانتهاكات الاسرائيلية في الزمان والمكان المناسبين والظاهر النظام السوري وهو في اخر ايامه سلم الراية للخلف
| |
|
|
|
|
|
|
Re: كان كدا اسرائيل تتحزم وتتلزم .... (Re: مهدي صلاح)
|
لولا دول الطوق لما كانت إسرائيل فمن يحمي إسرائيل قبل أمريكا هي:
الأردن سوريا لبنان مصر ....
هذه الكماشة بدلا من سحق إسرائيل صارت الجدار الفولاذي الذي يمنع كل ضحاياها من الفتك بها ... إسرائيل دولة خائفة ومرتعشة على الدوام ورغم ذلك هي قوية بضعفنا ومتغطرسة بخوفنا وجريئة بخنوعنا ...
| |
|
|
|
|
|
|
Re: كان كدا اسرائيل تتحزم وتتلزم .... (Re: تبارك شيخ الدين جبريل)
|
الاخ عمر ود الباوقـة، سلام
امريكا (التى نحن اقوى منها على قول عمر البشير)، تعرف نوايا وخطط من يريد ضربها قبل ان يحرك طياراته، فتضربها فى قواعدها..
الطيارات دى قامت من اسرائيل (التخطيط والنوايا خله).. لا أصدقاؤكم الاردنيون ادوكم خبر.. ولا (الامـة المصرية) ادتكم خبر، وهم عالمون عارفون مشاهدون بالرادارات.. ثم.. الطائرات دخلت المجال الجوى الســودانى قاطعـة الف كيلومتر.. حتى وصلت العاصمـة (الما معصومة ولا محمية)، والأنكى والامر، وحسب شهود العيان، طارت فى سماء العاصمـة حوالى عشـرة دقائق.. تخيل، عشـرة دقائق تعتبر دهرا دهيرا فى هـذه الحالة الامنية العسكرية البالغة الخطورة.. ثم عادت.. قاطعـة جملة الفين كيلومتر داخل حدود السودان (ماشى رايح)!! فماذا يعنى هـذا ؟ لو أحسنـا الظن فإنه يعنى لا دولة فى الســودان. لا حكومة لا جيش لا امن لا استخبارات.. ولو اسئنا الظن فإنكم عملاء اسرائيل ضـد شعبكم.
الرئيس يرقص على جثث الســـودانيين، وحين يكون عدوان خارجى تطالبون من نفس هؤلاء السودانيين ان يذهبوا وربهم فيقاتلوا اما انتم فههنا قاعدون..
| |
|
|
|
|
|
|
Re: كان كدا اسرائيل تتحزم وتتلزم .... (Re: Abureesh)
|
Quote: الطيارات دى قامت من اسرائيل (التخطيط والنوايا خله).. لا أصدقاؤكم الاردنيون ادوكم خبر.. ولا (الامـة المصرية) ادتكم خبر، وهم عالمون عارفون مشاهدون بالرادارات.. ثم.. الطائرات دخلت المجال الجوى الســودانى قاطعـة الف كيلومتر.. حتى وصلت العاصمـة (الما معصومة ولا محمية)، والأنكى والامر، وحسب شهود العيان، طارت فى سماء العاصمـة حوالى عشـرة دقائق.. تخيل، عشـرة دقائق تعتبر دهرا دهيرا فى هـذه الحالة الامنية العسكرية البالغة الخطورة.. ثم عادت.. قاطعـة جملة الفين كيلومتر داخل حدود السودان (ماشى رايح)!! فماذا يعنى هـذا ؟ لو أحسنـا الظن فإنه يعنى لا دولة فى الســودان. لا حكومة لا جيش لا امن لا استخبارات.. ولو اسئنا الظن فإنكم عملاء اسرائيل ضـد شعبكم.
الرئيس يرقص على جثث الســـودانيين، وحين يكون عدوان خارجى تطالبون من نفس هؤلاء السودانيين ان يذهبوا وربهم فيقاتلوا اما انتم فههنا قاعدون.. |
| |
|
|
|
|
|
|
Re: كان كدا اسرائيل تتحزم وتتلزم .... (Re: Adil Ali)
|
اتحزموا و اتلزموا انتول ديل يا الكيزان. و تدونا العمم و نديكم الرحاطه كان ما جبتوا تار البلد.
تهابشوا و تكابسوا و تتدرعوا الهوايش شي حماس و شي فتور و قت الضرب عازين الشعب معاكم. مسعول من الخير سيدك الرئيس وين الايامدي لا هذة لا عرضه لا تطه لا رقصه. معقوله يفوته المولد ده.
| |
|
|
|
|
|
|
Re: كان كدا اسرائيل تتحزم وتتلزم .... (Re: Adil Ali)
|
اتحزموا و اتلزموا انتول ديل يا الكيزان. و تدونا العمم و نديكم الرحاطه كان ما جبتوا تار البلد.
تهابشوا و تكابسوا و تتدرعوا الهوايش شي حماس و شي فتور و قت الضرب عازين الشعب معاكم. مسعول من الخير سيدك الرئيس وين الايامدي لا هذة لا عرضه لا تطه لا رقصه. معقوله يفوته المولد ده.
| |
|
|
|
|
|
|
Re: كان كدا اسرائيل تتحزم وتتلزم .... (Re: عادل عبدالعزيز عبد الرحيم)
|
فيروس «بني جانتس» يشل حواسب الأمن الإسرائيلي.. ولا أحد يعرف من مرسله وكيف يعمل
حالة شلل، هكذا وصفت صحيفة «معاريف» العبرية في تقرير لها أمس ما أصاب الحواسب الآلية للشرطة الإسرائيلية، بعد تحذيرات من أجهزة الأمن بظهور الفيروس، وقالت الصحيفة العبرية إن هذا سبب حالة من الذعر وتوقعات أمنية بهجوم إلكتروني أخر. الصحيفة ذكرت أنه بعد تحذيرات نقلها جهاز الامن الداخلي «الشاباك» مساء أول من أمس، عن فيروس إلكتروني جديد، قررت الشرطة الإسرائيلية ووزارة الأمن الداخلي إيقاف شبكة الانترنت، مشيرة إلى أن الوزارة قامت بتعطيل شبكة الانترنت أمام حركة المتصفحين، ولفتت «معاريف» إلى أنه حتى الآن من غير المعروف هل أوقفت الوزارة الإسرائيلية الشبكة بسبب هجوم إلكتروني فيروسي أم أن الحديث يدور عن عطل فنى. وختمت «معاريف» تقريرها بالقول إن الفيروس يحمل اسم «بني جانتس» – وهو اسم رئيس هيئة أركان الجيش الإسرائيلي- لافتة إلى أنه من غير الواضح ما هو نوع الفيروس وكيف يعمل.
---
بركاتك يا شيخ عمر
.
| |
|
|
|
|
|
|
Re: كان كدا اسرائيل تتحزم وتتلزم .... (Re: محمد علي عثمان)
|
Quote: الاخت جميلة
حمدلله على سلامة اهلك وما يشوفو شر انشاء الله |
سلام اخ عادل ... تسلم من كل شر يارب .. اهلي يا حليلهم اتعلموا يحتسبوا أي وكل اذي ويسعون من اجل ابسط مقومات الحياة حالهم كحال معظم الشعب السوداني .. لهم الله فقد عجزنا نحن عن نصرتهم.
| |
|
|
|
|
|
|
|