|
عدت الى السودان بعد هجره اربعه عشر سنه فى الولايات المتحده الامريكيه
|
وصلت قادما من امريكا بعد هجره منذ نهايه التسعينات مرورا بالقاهره مرورا باسمرا وصلت الى السودان ركبت تاكسى المطار لمحليه كررى ما عرفت البيت الا بعد جهد وزعت تلاته الف ومتين و خمسين دولار وصايا ومصاريف لى خرفان الضحيه جبت بندول امريكى و كريمات وشامبو ولاب توب و موبايل اى فون و ساعات وريحه من المحل بتاع الون دلار و سبعه كروت بتاع الكريدت كارت و كرت بتاع الضمان الاجتماعى و ديون خلفى تسعه الف دولار واشتريت بيت فى بوسطن بتنتهى اقساطه سنه الفين خمسه وعشرين و جبت معاى كميه من الصوره والذكريات فى امريكا و صور للباربكيو و الول مارت و صور جوار عربات التاكسى و شيب و حزن و قليل من الكلام رفعت الفاتحه فى تسعه و عشرين بيت ولقيت عم احمد اتوفى و ناس بيتنا رحلو الجرافه و الناس بقت جافيه و كل زول اضرب ليه بقول لى برجع ليك مايرجع لى حولت رصيد كتير و فكيت دولار كتير و بكيت كتير سافرت نهر النيل و كوستى وجيت الخرطوم فى تلاته ايام حصلت لى مشكله فى معدتى من شراب المويه و جانى التهاب من السخانه قررت الرجوع قبل انتهاء اجازتى بعد هجره قدرها اربعتاشر سنه و شهرين وسته ايام ركبت المصريه مرورا بالقاهره ساعتين فى ميناء القاهر ه الجوى قاطع الاطلنطى الى دهايز الضياع تواجهنى ديونى و برد الشتاء و السرعه والعجله والهاى هاى والوت ساب دعواتكم يا شباب ...
|
|
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: فرح)
|
بعد أربعتاشر سنة؟؟ يعني جيت راجع بي الفلوبي ديسك القديم وشاحنو معلومات قديمة ... دا تشغلوا وين يا جبيب...ستات التسالي عندهن لابتوبات دا لو ما كان آي باد...
الموية كان صبرت ليها شوية هي زاتا بتعالجك من السخانة..
إن شاء الله يكون بس طعم البامية لقيتو ياهو...لأنو اللسان بعد عشرة سنين في الغربة بفقد حاسية ذوق الاكلات السودانية..
حمدالله الف علي السلامة...وبركة الرجعت لي معاقلك سالم.. وما لمّ فيك شويفعا كرهك العالم التالت نوهائيا... حاكم شفع الزمن دا أغلبهم مولودين بي سلطات أمنية
| |
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: راشد يحى مدلل)
|
فرح سلامات وربنا يوفقك
غايتو بفهمنا الكملان دا فهمنا من البوست دا ورفيقو البى غادى ملخصات لاحوال السودانيين اليومين ديل لانو بجد القصتين مكررات وبكثرة مكتب توثيق الخارجية مدفق لحدت النجيلة برا احتفالات وداع المسافرين لم تتوقف طيلة الفترة السابقة تجارة التاشيرات راجت وبكثرة ..المجالس لا حديث فيها الا عن الضائقة احلام الشباب اليومين دى لا تتجاوز الفوز بتأشيرة سفر لاى من دول الخليج ويا حبذا قطر
عليه نتوقع البوست الجايى انك بعت شوية الدهيبات الفى البيت وبتفتش على طريقة مخارجة من البلد
ايا كان نسأل الله لك التوفيق ولكل السودانيين
| |
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: احمد الأمين على إدريس)
|
Quote: فرح سلامات وربنا يوفقك
غايتو بفهمنا الكملان دا فهمنا من البوست دا ورفيقو البى غادى ملخصات لاحوال السودانيين اليومين ديل لانو بجد القصتين مكررات وبكثرة مكتب توثيق الخارجية مدفق لحدت النجيلة برا احتفالات وداع المسافرين لم تتوقف طيلة الفترة السابقة تجارة التاشيرات راجت وبكثرة ..المجالس لا حديث فيها الا عن الضائقة احلام الشباب اليومين دى لا تتجاوز الفوز بتأشيرة سفر لاى من دول الخليج ويا حبذا قطر
عليه نتوقع البوست الجايى انك بعت شوية الدهيبات الفى البيت وبتفتش على طريقة مخارجة من البلد
ايا كان نسأل الله لك التوفيق ولكل السودانيين |
تسلم يا ابوحميد هذا ما قصدته ربنا لا يطول سفرنا
| |
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: محمد حيدر المشرف)
|
Quote: فرح ده قطع شك تراوده الآن أحلام مزعجة بالاغتراب .. سيصحو منها باكرا للذهاب لمكتبه الكائن وسط الخرطوم .. يطلب لكل زواره شايا أو جبنة من ست الشاى الكائنة فى مدخل العمارة .. وقد يلتقى بحاتم الياس او محمد ابراهيم حميمة فى غده .. وسيكون فى أهبة الاستعداد لذلك !!! |
يا دكتور والله مشتاقين و طولت ما مريت علينا شكلو انا خايف قصتى دى تنطبق عليك عشان كدا كتر من الجيه للسودان
| |
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: فرح)
|
Quote: فرح ده قطع شك تراوده الآن أحلام مزعجة بالاغتراب .. سيصحو منها باكرا للذهاب لمكتبه الكائن وسط الخرطوم .. يطلب لكل زواره شايا أو جبنة من ست الشاى الكائنة فى مدخل العمارة .. وقد يلتقى بحاتم الياس او محمد ابراهيم حميمة فى غده .. وسيكون فى أهبة الاستعداد لذلك !!! |
يا دكتور مشتاقين والله وكل سنه وانت طيب
| |
|
|
|
|
|
|
Re: عدت الى السودان بعد هجره اربعه عشر سنه فى الولايات المتحده الامري (Re: فرح)
|
Quote: رفعت الفاتحه فى تسعه و عشرين بيت ولقيت عم احمد اتوفى و ناس بيتنا رحلو الجرافه و الناس بقت جافيه و كل زول اضرب ليه بقول لى برجع ليك مايرجع لى حولت رصيد كتير و فكيت دولار كتير و بكيت كتير سافرت نهر النيل و كوستى وجيت الخرطوم فى تلاته ايام حصلت لى مشكله فى معدتى من شراب المويه و جانى التهاب من السخانه قررت الرجوع قبل انتهاء اجازتى بعد هجره قدرها اربعتاشر سنه و شهرين وسته ايام ركبت المصريه مرورا بالقاهره ساعتين فى ميناء القاهر ه الجوى قاطع الاطلنطى الى دهايز الضياع تواجهنى ديونى و برد الشتاء و السرعه والعجله والهاى هاى والوت ساب دعواتكم يا شباب ... |
سلامات يافرح الله يعفاك من الغربة انت عارف اسواء انواع الغربة في الوطن وسط الصحااااااب تحياتي لكن وكلنا في الهم واحد الخوف الواحد يبقي زي مصطفي سعيد لاعاش في الغربة ولا الوطن ينازعنا الحنين في كل لحظات الصفاء قليلة الحضوررر تحياتي لك
| |
|
|
|
|
|
|
|