بالصوراحتفال ابناء السودان بمنطقة مكة المكرمة باليوم الوطنى للمملكة و

Quote: يا سلاااااااااام ياخي تصدق افتكرت ابو الحرية والديمقراطية ذاتا الكلام دا يقولو اي زول غيرك انت يا السماني انتو غير كنكشتكم الضيعت البلد وقسمتو وفرطت في تراب حلائب والفشقة وخلتنا مرمطة قدام اسرائيل الجالية السودانية في جدة رافضين فيها اي حق للاخر ليكم عشرة سنين مابين تفكوها مكنكشين فيها انت وقرشوم والسودانين غير شوفتكم في المناسبات ما شايفين ليكم اي شي كل احتفالات الالية مجيرة لصالح النظام دا الوزير استقبلنا في فندق شنو ودا الوزير الدفعنا ليهو من قروش الجالية - بتاع الاستثمار الزراعي - ودا القنصل كبيرون وصل والقنصل صغيرون رجع وهكذا عشرة سنين ما عاوزين تعملو جالية حرة مشيت كونت ليك اجسام طفيلية جمعية شنو للقران ومافي اي جمعية وجمعية شنو للقبيلة والقبيلة قسمتوها لبيوتات كلو عشان تكبر كومك والاشخاص هم نفس الاشخاص وعامل فيها ذكي وبتلعب سياسة وما عارف انو السياسة اخلاق وقيم وموش لعب يا السماني انت حتى ناسك في المؤتمر الوطني ما قادر تتعايش معاهم ناس حاتم وجماعتو حتى البشير دفع الله قعد معاكم فترة قال فيكم ما لم يقله اي معارض اخر ليكم كرهت الناس حفلاتا وكرهت الناس الجالية وكرهت الناس جدة ومكة والسعودية ياخ انت شنو لا بتحس ولا بتشعر ولا عندك دم ولا وطنية انت اتخلقت من وين يا السماني ؟!! بعدين شايفك زقت من موضوع نشر الصور واستغلال اسم الجالية في فعاليات المؤتمر الوطني بتاعك موش عيب بالله تغشو ناس البلد المضيف بصورة لخادم الحرمين وتمارسو كل ما ينتهك قوانين البلد المضيف ؟