|
Re: عندما يتطاول القصار .. يكون الرد هكذا (Re: عبدالوهاب علي الحاج)
|
منو القال ليك ما بمشى .. ماشى برجلين أتنين .. غيرت الصورة ! .. أحسن عشان ما تجيب لصاحب الصورة الجلا ، مسكين صغير وجاهل .. أصله البرالمة الزينا كدة بفتكروا دى صورتك إنت .. وبخاطبوا شخصك فى الصورة باعتبارك وليد صغير .. و بينى وبينك كدة ( خيال المأته ) ده لايق عليك أكتر تحياتى
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
دا شنو يا كمرودة ؟ شوف بالله انا بقول ليها "ستهن" وهي بتقول لي في شنو ؟ ليه الغلط ياخ ؟ وبعدين ما اسمو خيال المأتة اسمو خيال المآتة، عشان بتفرق يا خالتو !! وثم ثانياً منو القال ليك دا خيال مآتة ؟ انت يا كافي البلا المدردم كلو عندكم ليمون ؟ قال مأتة قال خخخخخخ
| |
|
|
|
|
|
|
Re: عندما يتطاول القصار .. يكون الرد هكذا (Re: عبدالوهاب علي الحاج)
|
ولانه لايصح الا الصحيح ولان العمل الجماهيري الذي
يرتبط بالقواعد والجماهير هو الذي سيبقي ..... وان اصلاح
ذات البين واصحاح البئية صنوان يمشيان علي قدم واحدة
وبما ان كثير من دروب الحياة تودي الي مالايحمد عقباه
وانه كلما زاد سعر الشي .... زاد العشق اليه .... وانا دخلنا في
لجة ليس لها قرار .... فانني ومن هذا المنطلق اعود واكرر
كما قلت سابقا.... علما بانه لازالت هناك ترسبات لحديث سيادته
والذي اكد فيه كل ذلك .... واستميحكم عذرا لكل ماسبق من ملاحظات
كادت ان تودي بنا الي الدرك الاسفل من منظومة التنسيق الايحائي .
الذي يجعلنا نطلق ساقينا للريح ..... هرولة من هذا العبث الفكري الذي
طالما حاربناه بكل صنوف الدفاع عن النفس وفي النفس قرار للرجوع .
قال ماعارف الكلمة دي تعني شنو.....؟
ماياهو نفس الكلام الفوق ده
بالله بالحتة الفوقة الحديدة ياكوموروده
اقول قولي هذا واستغفر الله العظيم لي ولكم .... انه كان غفارا يرسل السماء عليكم مدرارا .
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
بسم الله الرحمن الرحيم بيان مشترك بين حزب الأمة القومي والمؤتمر الشعبي والحركة الشعبية
عقد السيد الإمام الصادق المهدي رئيس حزب الأمة القومي والدكتور علي الحاج محمد مساعد الامين العام للمؤتمر الشعبي والسيد ياسر سعيد عرمان الأمين العام للحركة الشعبية، مباحثات تناولت القضايا القومية الملحة في السودان، وعلى رأسها قضايا الإنتقال السياسي وترتيبات النظام الجديد المنشود، وتم الإتفاق على عدد من هذه القضايا: الوضع السياسي: ثمن المتحاورون عاليا دعوة السيد الإمام الصادق المهدي إلى الإعتصام السياسي في الميادين العامة، في حالة استمرار النظام في العناد والانفراد، واتفقوا على تصعيد وتيرة العمل السياسي السلمي من أجل تهيئة البلاد لإستقبال التغيير الوشيك من خلال إستكمال الحوار حول قضايا التحول والفترة الإنتقالية والوثائق التي تقدمت بها قوى المعارضة بجميع أطيافها. توحيد القوى الوطنية المعارضة: أمن الجميع على أن الوضع السوداني الراهن يتطلب تسريع خطوات توحيد القوى السياسية الوطنية ممثلة في قوى الاجماع الوطني والجبهة الثورية وحركات الشباب والنساء والطلاب والنقابات وكافة القوى السياسية وقوى المجتمع المدني الراغبة في التغيير وصولا إلى مؤتمر دستوري قومي جامع. المجتمع الدولي: تعهد المتحاورون بتطوير خطاب كثيف إلى أعضاء الأسرة الدولية بصفة عامة ودول الجوار الإقليمي بصفة خاصة بغرض إجلاء الرؤى الوطنية حول القضايا التي تواجه السودان والمخاطر التي تجرها إليه سياسات نظام الحكم الحالي.
عن حزب الأمة القومي عن المؤتمر الشعبي عن الحركة الشعبية السودان
السيد نصرالدين الهادي المهدي د. علي الحاج محمد ياسر سعيد عرمان نائب رئيس الحزب مساعد الأمين العام الأمين العام لندن 14 نوفمبر 2012م أها يا ناس المداخلات السابقة .. رأيكم شنو فى!!! رجل فى قامة الامام ذهب الى حيث يوجد الرفيق عرمان ليضع يده على يده لأجل وطن حر ديمقراطى.. وطن يسع الجميع
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
Quote: وأنتم تعبدون الارض وتفرشونها رملاً |
تعبيد الطريق : هو تذليل الطريق وجعله صالحاً للسير ، ومن أهم عمليات التذليل المعروفة، إزالة الرمال، فالرمال أكبر عائق للسير، فكيف قادة السودان الجديد ديل بيعبدوا الأرض ويجوا تاني يملوها رملة ؟ .. .. شكلك يا كمرودة يتستمدي ثقافتك من المسلسلات المصرية ، وخصوصا لمن البطل فجأة يجي خاشي بعد أن قضى عقوبة سجن طويلة في اللومان، ويدور الحوار التالي : - يا مرحبا يا مرحبا احنا النهارد دا زارنا النبي .. - الله يكرم أصلك يا بيه .. - نورت الحارة والشارع كلو والسجن للرجّالة . - الحارة منورة باهلها - مش كنت تدينا خبر ... كنا فرشنا الحارة (رمل) ... (الأهوة)* يا بت !!
_______ * = القهوة
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
تتذكري الصورة دي يا احسان؟ والحوار ده: الضابط: الزول قبضتو ليه؟ منو الاداكم الاوامر؟ العسكري: سعادتك نحنا ما قبضناهو الضابط: كيف ما قبضتوهو؟ وجاء هنا كيف؟ وقاعد يسوي شنو؟ العسكري: سعادتك نحنا قبضنا (باقان) عشان اعتدى على الضابط قدام البرلمان، ولامن رفعناهو في العربية الزول ده اصر يركب معانا
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
والله يا احسان ما عندي معاهو اي علاقة او شيء شخصي
بكرهو لوجه الله تعالى
هو و الترابي سبب بلاوي السودان ولو لم يوجدوا لكان السودان في مطاف الدول العظمى
وانا ما بهاتر ولكن لكل مقام مقال
Quote: عندما يتطاول القصار .. يكون الرد هكذا |
ولو جينا للمقامات، هو بالتأكيد (الأقصر)
| |
|
|
|
|
|
|
Re: عندما يتطاول القصار .. يكون الرد هكذا (Re: الشفيع وراق عبد الرحمن)
|
الزول البكره الناس بدون سبب ما بكون (لوجه الله تعالى).. لانه لايرفع لوجه الله تعالى إلا الخير عله يتقبل الخير منا.. أما الترابى ما ياهو الجاب ناسك ديل للسلطة وعلمهم الحديث ولبس القميص وكان ولى نعمتكم حتى انقلب السحر على الساحر .. إيه التناقضات دى الشفيع...
وانا ما بهاتر ولكن لكل مقام مقال
يا أخوى هو الغريب غريبة ده كان عزيز وغالى عليكم قدر دة مالكم ما مشيتوا دافعتوا عنه فى الحارة هناك فى البوستات البتتعلق بالشرف والاخلاق ( وفى حمونى وقالوا لى ما ترد عليها) .. ولاً فلاحتكم بتسوها مع البرالمة .. يا زول فتك بعافية
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
منو القال ليك بدون سبب انا قلت بدون "سبب شخصي"
Quote: قال المصطفى: (أوثق عرى الإيمان:"الموالاة في الله، والمعاداة في الله، والحب في الله، والبغض في الله عز وجل") |
ده رأيي في الترابي سابقاً وحديثاً لم يتغير بتاتاً
الناس الدخلوا هنا، لا اظن دفاعاً عن غريبة، وانما "استنكارا" من وجود عاقل يدافع عن "عرمان" وزي ما قلت ليك، ديل ما ناسنا، ديل "ناسكم"
| |
|
|
|
|
|
|
Re: عندما يتطاول القصار .. يكون الرد هكذا (Re: الشفيع وراق عبد الرحمن)
|
قال المصطفى: (أوثق عرى الإيمان:"الموالاة في الله، والمعاداة في الله، والحب في الله، والبغض في الله عز وجل") صدق رسول الله صلى الله عليه وسلم يعنى قلت باعتبار إنكم (خلفاء الله فى الارض).. وهمة الكيزان الكبرى.. بانهم خلفاء الله فى الارض.. خلفاء الله فى الارض يزرعون الخير ويأمرون بالمعروف وينهون عن المنكر .. أنتم خلفاء السلطان تسبون وتلعنون لاجله ، تتلفظون بفاحش القول لاجله .. قال اللّه تعالى: {وما يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ} .. خلفاء الله فى الارض يتعففون عن قول الفواحش وكشف عورات المسلمين.. وكان رسول الله صلى الله عليه وسلم يقول أكثر خطايا بن آدم في لسانه.... و عن أبي هريرة رضي اللّه عنه عن النبي صلى اللّه عليه وسلم قال: "من كان يؤمن بالله واليوم الاخر فليقل خيراً أو ليصمت وقال عليه الصلاة والسلام "من وقاه اللّه تعالى شر ما بين لَحْيَيْهِ، وشر ما بين رِجليه دخل الجنة وأنتم خلفاء الشيطان(أقصد السلطان) تأتمرون بأمره وتجعلون من ولاته ملائكة وتحكمون عليهم بأنهم من أهل الجنة ، ومن خصومه كفار وسفهاء وممارسىين للرزيلة وتحكمون عليهم [انهم من أهل النار .. وخير دليل على ما أقول رابطك أعلاه (دعوها تحكى .. ) يعنى ترويج .. إتقوا الله فى خلقه ودعوا تجارة الدين فانها تضره ولا تنفعه ، وأعملوا على نشر الفضيلة وأزيلوا الرزيلة التى تفوح رائحتها فى عاصمة البلاد وتدار على مرأى ومسمع النظام الذى تدافعون عنه .. إن عدت الى الخرطوم نظرة واحدة تكفيك للمقاهى التى تديرها (أجنبيات) ونتتشر فى أحياء فى قلب العاصمة ويعلم القاصى والدانى ما يدور خلفها.. وأستغفر الله لى ولكم.. جمعة مباركة
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
سلام وجمعة مباركة البيقرأ المداخلة دي بيفتكر انو كاتبها احد (العمادين)*، موش زول بتاع حركة شعبية
هل افهم انك مع منع الرزيلة ونشر الفضيلة بالقانون؟ وما رأيك في من ينادي بفتح البارات وبيوت الدعارة؟ ما رايك في من يطالب بايقاف الدعم عن المساجد واعتبارها جمعيات خيرية؟ ما رايك في من ينادي بايقاف تدريس التربية الاسلامية في المدارس واعتبارها مادة ثقافية؟
* عماد موسى وعماد حسين
| |
|
|
|
|
|
|
Re: عندما يتطاول القصار .. يكون الرد هكذا (Re: الشفيع وراق عبد الرحمن)
|
فتح البارات وفتح ... و... الخ ما ذكرت واحدة من أقبح أساليب الدعاية الانتخابية التى مارسها المؤتمر الوطنى فى حملاته الانتخابية لعام 2010م.. دعايته القبيحة التى ترددها الان كالببغاء لا يعقلها (طفل) ناهيك عن ناخب، وإن كانت هناك إنتخابات حرة لكانت هذه الدعاية وبالاً على المؤتمر الوطنى لانها تظهر بجلاء خوائه وكذبه ولعبه على عقول الشعب السودانى الذى وعىّ تماماً أساليب تجار الدين والأخلاق.. كيف يعقل مجنون ناهيك عن عاقل أن يدعو سودانى يطمع فى أصوات الناخبين ويطمح لرئاسة دولة معظمها من المسلمين وعماد أمتها الاخلاق الى فتح البارات وبيوت الدعارة .. ولماذا الدعوة لفتحها ما هى أصلاً مفتوحة (وعلى أفى من يشيل) خليها مستورة .. أنا لو منك بطلب من صاحب البورد سحب هذه المداخلة ( مجرد نصيحة)...
البيقرأ المداخلة دي بيفتكر انو كاتبها احد (العمادين)*، موش زول بتاع حركة شعبية أحمد الله على ما حبانى به من دين وخلق يشهد به هو الاعلى قبل خلقه.. حسبنا الله ونعمّ الوكيل
| |
|
|
|
|
|
|
Re: عندما يتطاول القصار .. يكون الرد هكذا (Re: الشفيع وراق عبد الرحمن)
|
والحمد لله الذى جعلنى من المسلمين .. وأحمد الله إننى حركة شعبية و لم يجعلنى من تجار الدين .. والحمد لله أن قياداتى السياسية مالك عقار، عبد العزيز الحلو وياسر عرمان اتقوا الله فى خلقه .. غفر الله لنا ولكم فى هذا اليوم المبارك.. الجمعة ثانى أيام هجرة الرسول صلى الله عليه وسلم من مكة الى المدينة
| |
|
|
|
|
|
|
Re: عندما يتطاول القصار .. يكون الرد هكذا (Re: إحسان عبد العزيز)
|
Quote: كيف يضحك ملء شدقيه ونقول مبتسماً .. يا أخوانا إنتوا علموكم اللغة العربية وين؟؟؟؟؟؟؟؟ |
والله صحي اللغة العربية مشكلة انت (ثم) دي ما قروكم ليها في العربي بتعمل شنو ؟
نوريك انا ثم بتفصل بين ماقبلها وبعدها يعني ماقبل (ثم) شي .. وما بعدها شيتا تاني
فلقصة في الفارغة
| |
|
|
|
|
|
|
Re: عندما يتطاول القصار .. يكون الرد هكذا (Re: وليد محمد المبارك)
|
طيب يا احسان ممكن تكلمينا شوية عن رؤية الحركة الشعبية للعلمانية كنظام حكم هل تمنع تناول وتداول المسكرات وتعاقب من يقوم به؟ هل تمنع ممارسة الزنا والرزيلة وتعاقب من يقوم به؟ هل تنوي ايقاف الدعم عن المساجد ومراكز تحفيظ القران؟ هل ستقلص تدريس مادة التربية الاسلامية في المدارس؟
ولي عودة
| |
|
|
|
|
|
|
|