البورد دا رايح ليه عرس ؟ ( تحيول الموقع إلى ماتشينج أو تابلويد)

Quote: فقط لو عملوا لينا بوست كلمات متقاطعة !!

Quote: Re: البورد دا رايح ليه عرس ؟ ( تحيول الموقع إلى ماتشينج أو تابلويد) Author: محمد إبراهيم علي Quote: فقط لو عملوا لينا بوست كلمات متقاطعة !! انا افضل السودوكو ولو بالعدم ان شاء الكلمة التائهة او ايا كان اسمها :) سلام يا صاحب البوست

Quote: Re: البورد دا رايح ليه عرس ؟ ( تحيول الموقع إلى ماتشينج أو تابلويد) Author: محمد حيدر المشرف هانى سلام .. فقط لو عملوا لينا بوست كلمات متقاطعة !!

Quote: Author: طلحة عبدالله هاني السلام عليك يعني شنو ( تحيول )؟؟؟؟؟؟ الكلمة دي شايفك كاتبا في العنوان ومصر عليها جوة الموضوع . يا جماعة ترجموا لينا ما تخمونا ساي .

Quote: * من الواضح أن الكيزان يقرأون العقلية السودانية جيداً ويجيدون التعامل معها. حتى ولو بدا لنا الأمر رزق اليوم باليوم. إلا أنهم سيتمكنون من البقاء لتسعين سنة أخرى إذا واصلت الأمور مسارها الحالي.

Quote: هاكم أها عشان ما تقولوا حرمناكم من حاجة

Quote: Author: سيف النصر محي الدين اعيدوا لسودانيزاونلاين دوت كوم رونقه هنــــــــــــــا

Quote: : البورد دا رايح ليه عرس ؟ ( تحيول الموقع إلى ماتشينج أو تابلويد) Author: تيسير عووضة يا هاني إنت جادي؟ بتكون مفهومة لو الإعتراض والتأفف دا جا من زول ما شارك ولا بمداخلة في البوستات دي لكن مش إنت واحد من الناس الخاضوا في الموضوع دا بي كونترابوست؟ يبقى فرقك شنو من باقي الأعضاء النجحوا ((بجدارة في تحويل الموقع إلى مقدمة موقع ماتشينج أو إلى صحيفة تابلويد محترمة قادمة في الطريق)) ياقولك !!! الحاجة التانية الكيزان ما حيقعدوا تسعين سنة تاني عشان بوستات العشرات والعرس الكيزان حيقعدوا عشان يحكموا شعب كل يوم قاعد يبدع ويبتكر في إيجاد إجابات هلامية هلى سؤال (لماذا تهمد الثورات السودانية) كلهم قاعدين وخالفين رجل فوق رجل ويشيلوا ويتفلسفوا ويمسكوا في الحجج الميتة وعينهم للفيل ويطعنوا في ضل الشجرة الواقف جنبها .. محمد مشرف ومحمد إبراهيم هاكم أها عشان ما تقولوا حرمناكم من حاجة كلمات متقاطعة ..

Quote: Re: البورد دا رايح ليه عرس ؟ ( تحيول الموقع إلى ماتشينج أو تابلويد) Author: حسن الجيلى سعيد الأخ هانى كنت اتمنى ان يفتح احدهم بوست كهذا لنقاش هذة الظاهرة و التى بدأت بالسخرية و المزاح بين الطرفين و لكنى ارى انها باتت مزعجه و خيل الى بأننا فى زمن الهروب الكبير من واقع اجتماعى و ثقافى و سياسى هش اتى زمان تحطمه و انفجاره وهو واقع يمثل الحاله السودانية بصفة عامه و نحن نشاهد وطننا و بلدنا يتهدم و يتخبط و يتشزم و يتفتت و الجميع يحاول الهروب الحاله الاجتماعية السودانية هى تصغير للحاله التى يعيشها الوطن اليوم ربما نتحدث عن الزيجات التى تمت خلال فترة العشرين سنة الماضية وهى فترة عصيبة على المجتمع السودانى و حتى معظم الزيجات التى تمت حتى و ان كان الطرف الأخر اى الزوج او الزوجة فيها اجنبى الا وقد امتزجت بسياسة الهروب من واقعنا المر , الاولويات زوج او زوجة ميسورة الحال او مغترب او مغتربة حتى وصلنا الى مرحلة الاجنبية و الاجنبى كثيرا من نسائنا كان الاختيار على الاساس المادى و رضين بمن يمتلك المال او ميسور الحال للهروب من حالات الفقر الذى يعيشه الوطن و الواقع المذرى و البطاله و النتاج السيئ للأداء الحكومى و الحروب و لأن الرأسمالية السودانية الوطنية محدودة فاصبح الزواج الرائج هو زواج المغترب و الذى اصبح الأن عديم الجدوى و فقد بريقه , لم تكن هناك فترة كافيه حتى يتعارف الطرفان و يدرس كل منهما الأخر بل احتكوا فى الغربه و فى بيئة مختلفة عن بيئتنا الأصلية , هناك فى الغربة اكتشفت الزوجة بأن فارس احلامها ليس طموحها الذى كافحت من أجل الظفر به و اكتشف الزوج بأن الطرف الأخر لا يملك عصا موسى لتحيل حياته الى نعيم لتستمر و تيره الحياة قاسية على الطرفين و رغم صعوبه المهمه تستمر حياة اللطرفين رتيبة و كئيبه الا من رحم ربى. الحاله الثانية وهى معاشه بكثرة فى الدول الغربية زواج السودانى او السودانية من اجنبى وهو ايضا نتاج للهروب الكبير الذى يعيشه الوطن فيرى القادم الى بلا الغرب او القادمه الثقافة المفتوحه و الحريات و العيشه الكريمه فى تلك البلاد فيتعلق او تتعلق بتلك البلاد و اهلها و ثقافتها و لايرى حرجا فى الارتباط باحد ابناء تلك البلاد لان موضوع العودة الى السودان للاستقرار قد اغلق وهى او هو يعلم جيدا بأنه معلق فى قلبه الى يوم الدين انا فى اعتقادى بأن الموضوع له علاقة بالتربية و لكن الموضوع له علاقة اكبر بوضع السودان كدوله و مدى تأثير الفشل فى الأداء الحكومى و الاخفاقات على السلوك السودانى بصفه عامه , نحن ننتمى لوطن بدأ فى السقوط و الانهار لتنهار معه قيمنا و سلوكياتنا و وطنيتنا و لا استثنى نفسى ابدا شكرا لك على البوست و مودتى

Quote: e: البورد دا رايح ليه عرس ؟ ( تحيول الموقع إلى ماتشينج أو تابلويد) Author: محمد كابيلا هانى .. تحياتى Quote: * من الواضح أن الكيزان يقرأون العقلية السودانية جيداً ويجيدون التعامل معها. حتى ولو بدا لنا الأمر رزق اليوم باليوم. إلا أنهم سيتمكنون من البقاء لتسعين سنة أخرى إذا واصلت الأمور مسارها الحالي. ماذا نفعل مع نفسية الانسان السودانى او تحديدا الزول الانتلكشوال او المثقف الذى يعنيه ما يحدث داخل الدولة التى يعيش فيها ، تجده لا يسمع له رأى فى قضايا مصيرية !! يقال ان هناك صحافى سأل الجنرال الديكتاتور الاسبانى فرانكو : ما هى الديكتاتورية؟ فأجابه : ان تجعل المثقفين والمفكرين يصمتون !!