|
|
|
 Re: السودانيون و زواج الخواجيه والخواجه الافريقيه والافريقي فيهم عيب (Re: Abdlaziz Eisa)
|
تحياتى هجو،،
ازيدك مما ذكرت شوية ... عشان الكلام يكون اوسع واوضح ونبعد من حساسية الالوان وعنصرية الانسان..
المتابع لهذا المنبر يلاحظ انه ليس هناك ادنى اى اهتمام بافريقيا!! مقارنة مع المواضيع التى تثار عن العالم الشمالى العربى او الاوروبى او الاسيوى ..
وافريقيا هذه بكل ما فيها من خلائق لايتم تناول امرها ولايذكر عنها شى الا شذرا... فما بالك والزواج من نسائها ... الطرح اكبر واوسع مما تتخيل...
الا انت هبشت الحتة الهاربين منها كل الناس ...
لماذا لا يتم الزواج من الافريقية ؟ وماهى مزايا وسلبيات الزواج منها ؟
| |
 
|
|
|
|
|
|
|
 Re: السودانيون و زواج الخواجيه والخواجه الافريقيه والافريقي فيهم عيب (Re: صالح عبده)
|
.
هجو ومتداخلية الأكارم
تحية وتقدير
طيب انا من الخائضين في الموجه الاتكلمتوا عنها من البوستات
وراهنته بشّدة على الحته دي
Quote: لإستنساخ هنا فوق رأى
واكيد تابعته سلسلة من البوستات جهجهت أمة لاالله إلا الله
وودتهم في كم إتجاه في موضوع الزواج
خطر ببالي بوست (( زواج الحبشيات ... أحلى زواج ))
لقيت روحي حاكتب بوست ناقص محفزات
فكرته شوية لقيت احسن محفّز أكتب عن الناس البيوض ديل
عارف ناسنا رايح ليهم (( بشره بيضاء)) |
المصدر :
زواج الفلبينيات ... أحلي زواج !!!
-----------------------------
في عقدة لون للأسف في وده شي ما بنقدر ننكروا
ونظرة وأحدة لبناتنا في المناسبات او في القنوات السودانية
بتديكم المؤشر الواضح للحته دي
زمان كان عندي زميلة سمراء وهو لون عادي في السودان وليهوا جمالياتوا
بعد زمن من تخرجنا لاقيته وبصراحة ما عرفتها بقت (( حلبية )) صفاره فاقع
ومدام العّقدة دي مستمرة بتصور موضوع الافارقة ده حيكون بعيد عن الأذهان
حاليا على الأقل لحدي ما الناس تصل لحالة تفهم فيها أنو مافي حاجة تجبرهم
يقدموا نفسهم بخلاف ماهم عليه
-------
ما بقوليك عندي معرفة كبيرة بافريقيا جنوب الصحراء
عندي شوية معرفة بشرق إفريقيا ( الهضبة الإثيوبية )
ضرر المعرفة دي لينا كسودانيين إنها مورطة جدا وحتوضح لكتيرين حاجات كتيرة متعلقة بينا
حنعرف أصوله الحقيقية من وين جاينا .... عشان كده ما حتكون معرفة مرحب بيها
على مدي اجيال إجتهد كم مقدر من السودانيين يسدو السودان من كل إتجاهاتوا ويخلوا مفتوح علي إتجاه
واحد فقط (( شمالا )) .... ده على سبيل المرحب بيه في المعرفة والعلاقة
أما في حته الاصل والجذور مابين يقطعوا البحر للجزيرة العربية أو يمشوا أقاصي شمال أفريقيا المغرب
ودي الاصول المرحب بها ..... غير كدة بتبقي حاجات صعبة التصور
وبتخلي البتكلم فيها كلاموا غريب على السمع وأحسن لو يسكت عنوا
لحدي الفهم ده ما يتعّدل ويتصحح بتصور زواج الإفريقية والإفريقي من جنوب الصحراء
أو شرق أفريقيا او غربها ما حيلقي أي ترحيب ((( سوداني )))
--------------
تحياتي
| |
|
|
|
|
|
|
|
|
 Re: السودانيون و زواج الخواجيه والخواجه الافريقيه والافريقي فيهم عيب (Re: على محمد الخير)
|
Quote: ازيدك مما ذكرت شوية ... عشان الكلام يكون اوسع واوضح ونبعد من حساسية الالوان وعنصرية الانسان..
المتابع لهذا المنبر يلاحظ انه ليس هناك ادنى اى اهتمام بافريقيا!! مقارنة مع المواضيع التى تثار عن العالم الشمالى العربى او الاوروبى او الاسيوى ..
وافريقيا هذه بكل ما فيها من خلائق لايتم تناول امرها ولايذكر عنها شى الا شذرا... فما بالك والزواج من نسائها ... الطرح اكبر واوسع مما تتخيل...
الا انت هبشت الحتة الهاربين منها كل الناس ...
لماذا لا يتم الزواج من الافريقية ؟ وماهى مزايا وسلبيات الزواج منها ؟ |
علي محمد خير سلاملت
اصبت كلامك ميه الميه
انت عارف الجهل بافريقيا هو الخلا السودان يكون اخر العرب بدل اول الافارقه
الان افريقيا هي متقدمه علي السودان كثيرا في حين اننا كنا الرياده في كل شئ
الان هنالك ظاهره في افريقيا هي وفود الخواجات بكميات كبيره وتصاهروا مع الافريقيات بشكل كبير
خصوصا في وسط افريقيا ويبدوا ان الخواجات اكتشفوا سر المراة الافريقيه
| |
|
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: على محمد الخير)
|
الاخ على محمد الخير ، تحياتى والتحية موصولة لصاحب البوست وضيوفه الكرام ، فى الربع المنصرم نزلت بوست عالجت فيه قصة عاطفية شخصية مع حسناء تشادية ، أعجبت بها ورغبت بالزواج منها، الموضوع أثار لغطا ومداخلات مختلفة فى اكثر من منتدى ومواقع تواصل اجتماعية متنوعة ،وأفتكر ان البوستات المتنوعة فى هذا الربع والتى تدور حول الزواج من أجنبيات وردود الفعل نتيجة لهذا البوست، ولقد جوبهت ببعض الردود التى تحمل نظرة ضيقة وفوقية نحو بعض الجنسيات الافريقية المجاورة ،بسبب السحنة والجنس والأصل ، يمكن لعدم معرفة هذه الشعوب وثقافاتها، للظروف السياسية المضطربة التى أثرت عليها وعلينا أيضا فى السودان ، فمثلا تشاد من أقرب الدول المجاورة الافريقية للسودان فهناك تداخل ديموقرافى وقبلى لانظير له ، أضافة الى أنهم بحبون السودان ويعتزون بالفن السودانى والثقافة السودانية بصورة مبالغة فيها ولايعرفها الا من عاشاها بنفسه ، فى نفس الوقت الذى يتبارون فى التقرب الى العؤب واصحاب السحنات البيضاء ، بالرغم من احتقارهم وإذلالهم للسودانيين فى مغترباتهم والمعاملات اللا انسانية للسودانيين فى لبنان ومصر وليبيا خير برهان ، التشادية التى أعنيها (زغاوية ) والزغاوة قبيلة كبيرة لها أمتداد كبير فى دار فور ، فهل معنى ذلك أن لا أرتبط بحسناء من دار فور ، ووالله ياجماعة دارفور فيها جمال وبياض أكثر من السودان الشمالي، وأقول هذا الحديث وانا (بديري دهمشى) لى قبيلة متعصبة ، ولكن هذا لايهم فمادام الانسانة التى أختارها القلب أفريقية حسناء مثقفة فهذا المهم ، البوست جميل ومهم ياليت ياستاذ هجو يتعرض لهذه الجوانب الهامة فى علاقاتنا مع دول الجوار ، مودتى .
| |
|
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: Haju Muktar)
|
| Quote: الافريقيه والافريقي فيهم عيب |
اللون طبعا يا عمك ما دى مشكلة السودان من زمان :- مسئول سودنى قال انا ما يربط السودانين الشمالين المسلمين مع الاثيوبين والارتريين المسيحين اكبر
مما يربطهم مع المسلمين فى جنوب السودان ! يعنى حتى الاسلام لا يجمع بين الشمالين وباقى السودانين من اصول افريقية !
تغير التركيبة السكانية السودانية خطة منذ العام 1956
يعنى الموضوع موضوع لون يا عمك خالص الود والتقدير
| |
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: amir jabir)
|
Quote:
اللون طبعا يا عمك ما دى مشكلة السودان من زمان :- مسئول سودنى قال انا ما يربط السودانين الشمالين المسلمين مع الاثيوبين والارتريين المسيحين اكبر
مما يربطهم مع المسلمين فى جنوب السودان ! يعنى حتى الاسلام لا يجمع بين الشمالين وباقى السودانين من اصول افريقية !
تغير التركيبة السكانية السودانية خطة منذ العام 1956
يعنى الموضوع موضوع لون يا عمك خالص الود والتقدير |
الاخ امير سلامات
العقده لون اذن هي نوع من قصور النظر باعتبار ان الانسان يري لون واحد وهو طاغي علي الالوان الاخري
اذن بالمعرفة والعلم تتغير الاشياء والمفاهيم
اما في حالة المسئول السوداني فهي حالة مرضيه
لك ودي واحترامي
| |
|
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: Haju Muktar)
|
Quote:
الاخ امير سلامات
العقده لون اذن هي نوع من قصور النظر باعتبار ان الانسان يري لون واحد وهو طاغي علي الالوان الاخري
اذن بالمعرفة والعلم تتغير الاشياء والمفاهيم
اما في حالة المسئول السوداني فهي حالة مرضيه
|
حالة مرضية وعنصرية بحته يعنى A hopeless case الموضوع دا علاج ليهم مافى لانو الاصل فى دخول الاسلام الى السودان انو اى شخص يدخل الاسلام يكون رفيع الشرف ومن اسرة الرسول دا طبعا يا ابو الشباب بعد الهزيمة المزلة للجيش العربى الاسلامى الذى حاول فتح السودان ,
اها من اليوم داك اى زول مسلم قمحى اللون من نسب الرسول وهو شريف من الاشراف يعنى الاسلام دخل السودان بى كضبة , تصحيح المسار صعب
اديك القصة دى فى شرق النيل من ام ضوبان لى العسيلات ديل كلهم اشراف سالتهم كيف قالوا جدهم الرسول كيف الله اعلم :
يعنى سؤال غريب شوية طيب اعتبر انا جدى الرسول اكون من الاشراف كيف يعنى ! ابو لهب دى مش عم الرسول يعنى مش من الاشراف كمان والبخلى زول لانو جدو الرسول شريف شنوا ؟!
الموضوع المهم نحنا كا افارقة الاسلام دا ما جى بى اى جديد فى حياتنا اليومية ولا فى القوانين الافريقية القديمة ولا الحديثة قانون العدل والمساواة الافريقى ودليل ذلك انو الرسول قال للصحابة اذهبوا الى الحبشة فان بها ملك لا يظلم عندة احد يعنى افريقية عرفة العدل والمساواة قبل الاسلام فى العلم ( صهر الحديد صناعة الترس طرق الى الحديثة التحنيط وغيرها )
لو على اساس اللغة لا اعتقد ان اللغة العربية لغة افريقية اصلا لتكون معجزة ؟
اخيرا الموضوع يا ابو الشباب متعلق بالعقلية ال########ة التى تعتبر ان هناك شخص نقى العرق او شريف فى العالم بمجرد انتسابة الى دين معين او قومية معينه لم تقدم للعالم الكثير .
| |
|
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: amir jabir)
|
مقال مفيد لموضوع البوست
مسجد العبيد ومسجد الأسياد في السودان !!
أبكر يوسف آدم
هذا تلخيصٌ لمقال يكشف التربية العنصرية التي تلقاه الطيب مصطفى، والعقلية التي أصبحت الآن سائدة بين حكام السودان حي كوبركان حي كوبر فى الأربعينيات من القرن الماضي عبارة عن منطقة خلوية عسكرية تضم بعض المؤسسات والمساكن الحكومية، ثم شُيد الى جواره سجن كوبر العمومى مع ال
قشلاق الخاص، وذلك بغرض الاستفادة من الأيدي العاملة السجينة فى أعمال مشروع كافوري الزراعي.
وفيما بعد جذب المشروع اعداداً مقدرة من السودانيين. وضمن من أتوا الى هذا الحي النامي (والذى ستكون لتفاعلاته أكبر الأثر على السودان في عهد الإنقاذ) كانوا من الموسيقيين والعاملين فى المهن الترفيهية.
ومن بين هؤلاء كانت أسرة الشيخ مصطفى (والد الطيب مصطفى).
أما نحن فقد هاجرنا من غرب السودان ومررنا بعدة مدن الى أن انتهى بنا المطاف فى ذلك الحي الذي شهدنا فيه سنوات من الصبا والشباب. وكغيرنا لم ندرك أننا نسكن تحت سفح بركان ناشئ سينفجر لاحقاً ليقضي على الأخضر واليابس فى ديارنا الأصلية التى أتينا منها، بل وتلحق بنا حتى فى أمريكا لتشكل لنا شغلاً شاغلاً ومصدراً للأرق الدائم. الشيخ مصطفىومن ضمن من تعرفنا عليهم في ذلك الحي أيضاً كان الشيخ حسن أحمد البشير رحمه الله (والد عمر البشير). وللحقيقة فقد كان رجلاً مهذباً دمث الأخلاق قليل الكلام مواظباً على الصلاة متواضع ومحب لعمله فى مزرعة كافوري.
ومن الناحية الأخرى كان الشيخ مصطفى معروفاً فى الأوساط الفنية والترفيهية لحي كوبر، فقد عرفناهم كفرقة فنية للغناء الشعبي والحديث مكونة من عازفين وكورال ومغنيين وبعض الراقصين مستخدمين آلات الرق والطبول والعود وأدوات موسيقية أخرى، كما كان الشيخ مصطفى معروفاً بالغرور الزائد ويتسلى بالنعرات العنصرية تجاه كل السودانيين تقريباً. وربما كان لونه القمحى محفزاً له ، أو لديه خلفية ساعدت على بناء شخصيته على هذا النحو.
فقد لاحظنا أنه كان يزدري ويتعالى حتى على الشماليين الذين حوله. ولا أعتقد أنه مر عليه يومٌ لم ينطق فيه متباهياً بنفسه ومظهره ومستمتعاً بالسباب الاحتقاري الاستعلائي للآخرين، كما لم نلاحظ أي شكل من أشكال التعامل بينه وبين الغرابة والجنوبيين.
واذا صادف أن تحدثت إليه يبادلك بنظرة تنطوي على الازدراء ولسان حاله يقول " لقد ارتكبت خطأ فادحاً، ما كان عليك أن تتحدث اليّ، أو أنك لست في المقام الذي يؤهلك أن تتحدث معي". وفي شهر رمضان يتوجه عادة معظم رجال حلة كوبر ومعهم الصبيان إلى النيل الأزرق للسباحة والاستمتاع بالشاطيء لحين حلول موعد الإفطار. وكان الشيخ مصطفى يحرص على حضور ذلك الحفل الاجتماعي الذي يمثل له سانحة لنسمع منه الكثير وربما نضحك (ببراءة )على تحقيره للآخرين. فقد كنا نظن أن هذه الألفاظ غريبة فقط علينا ولكنها طبيعية فى حياة الشماليين، فنحن أصلاً مهاجرون من الغرب ولم نتمكن من الاندماج الكامل فى ذلك المجتمع الجديد.
فتارة يشتم هذا بأنه عبد، وذاك عبد محسّن اللون، وآخر أنفه أفطس كالعبيد.
وفي ذات مرة انبرى له رجل من خاصته، ودافع عن نفسه بقوله: "أنا جعلي".ودافع عنه آخر قائلاً : "الراجل ده ما عب، انت ما شايف شعره ده؟ فى ذمتك ده شعر عبيد؟"
لقد كانت هذه ثقافة عامة وظلت هكذا الى اليوم، ومجتمع كوبر يكثر من نقاش مثل هذه المواضيع، وكلمة "عبيد كوبر" معروفة وعادية فى الأوساط الاجتماعية، ومن المؤكد أن هذه المفاهيم شكلت بواسطة المهاجرين اليها من أمثال الشيخ مصطفى، والد عراب العنصرية الأكبر الطيب مصطفى. مسجد الأسياد... ومسجد العبيدوفي مرحلة لاحقة من حياة الشيخ مصطفى، وفي ظروف لا ندركها، استولى الشيخ مصطفى على مسجد كوبر العتيق ناصباً نفسه إماماً عليه فى السبعينات والثمانينات. وبالطبع نقل نزعاته العنصرية الى بيت الله والبسها لبوساً جديداً.
وبحكم أننا كنا نعمل فى السوق المجاور فقد كان ذلك المسجد بمثابة بيتنا أو نادياً اجتماعياً ودار للعبادة نتردد عليه عدة مرات فى اليوم واحياناً نستريح فيه أوقات الظهيرة . وكل رواد المسجد، باستثناء القلة القليلة، يشتكون من غلظة وسلوك أمام المسجد الذى شذ بالأدعية المنبرية ضد الكل تقريباً من يهود ونصارى ومسيحيين وانصار المهدي والختمية، والتطاول الشخصي حتى على قياداتها فى المنابر، فقد كان يفتح النار باندفاع على كل الاتجاهات،
وفى خضم ذلك لا يخفي احتقاره للمسجد المجاور ناعتاً إياه بـ"مسجد العبيد"، وخطيبه الشيخ فضل النبي، بـ"إمام العبيد".
والشيخ فضل النبى كان ممن جذبهم مجتمع كوبر ذو الخلفيات العسكرية، فهو عسكري قديم من قوة دفاع السودان، وسلك الطريقة التجانية وتدرج فيها الى مركز مرموق، وانشأ مسجد بين السوق الكبير والسينما وشرق قشلاق سجن كوبر، وقد ظل يعمل به الى أن توفاه الله.
أما الشيخ مصطفى فقد لاحظنا أن حلقة التلاوة التى يديرها قليلة العدد بينما يتوزع الآخرون للتلاوة على انفراد. فى أحد الأيام حاولت تجربة التلاوة ضمن حلقته لكننى لاحظت أنه يقاطعني كثيراً دون مبرر، بالرغم من أننى لا ارتكب تلك الأخطاء التى يرتكبها الآخرون، بل أن أدائي أفضل من اداء الشيخ مصطفى نفسه، وأعرف جيدا ما اقول. فقد كنت أرى الضيق بادياً عليه،
كما شهدت موقفاً آخر أهان فيه أحد المصلين من أبناء دارفور، وعند استواء المصلين قبل تكبيرة الاحرام قال له مغتاظاً وبأعلى صوته: " اقيف كويس، وكان ما عاجبك أمشى لجامع العبيد".
وموقف آخر أشد إيلاماً عند إعلان نميرى قوانين سبتمبر 1983، قاد المدعو مصطفى حملة لإخراج وطرد أسر الجنوبيين والغرابة من بيوتهم بتهمة أنهم صانعي خمور وممارسي دعارة، مما دعا العقلاء وكبار السن الى التدخل لإعادة هؤلاء المساكين الى بيوتهم انتقال الفكر العنصري من حي كوبر إلى القصر الجمهوري هذان المشهدان ربما كانا مؤشرين مبكرين لما سيؤول اليه حال السودان عندما تقوى شوكة التيار العنصرى بقيادة ابن الشيخ مصطفى إمام المسجد الكبير بكوبر.
وبفضل رسوخ هذه المفاهيم لدى حكام السودان، فقد رأيتم كيف كان يتم تحريض القبائل الجنوبية للاقتتال فيما بينها، واليوم ترون كيف يتم الاستثمار فى العنصرية والجهوية.
والسؤال عن القبيلة اصبح في كل مكان، اللجان الشعبية فى الاحياء ، فتح البلاغات ، القضاء ، المحاصصات الدستورية ، بل حتى اعادة تقسيم ولايات دارفور لتنسجم مع إسلوب التفكير الجديد.
وبفضل تعشعش هذه المفاهيم لدى حكام السودان فقد تشكلت الكثير من المؤسسات الحكومية على أسس قبلية من الإدارة.
وللمزيد من تأصيل وتسهيل الفرز بين المكونات العرقية السودانية فقد صُمم الرقم الوطني ليشير أول رقمين الى القبيلة. (هل هذا معقول ؟! - عابدين)
فمن كان يظن أن سلوكيات مدرسة كوبر سترمي بكل هذه الظلال السالبة على السودان والسودانيين؟
فقد تحولت مدرسة كوبر العنصرية الى جامعة نازية بقيادة الطيب مصطفى ابن أحد شيوخ العنصرية وأمام لمسجد عتيق، فعملت تدميراً وفساداً فى جسد المجتمع السوداني، وأشعلته حروباً وتحطيماً.
لقد أنشئ حديثاً مسجد سمى بمجمع النور الإسلامى على أرض مشروع عزيز كفوري الزراعي، وهو أكبر وأكثر فخامة من مسجدي (الأسياد والعبيد فى كوبر) ويتضمن سوقاً فاخراً. كما عرفنا أن القائمين عليه هم من تلاميذ منبر النازي الطيب مصطفى، فوضعوا حاجزاً معدنياً يفصل الصف الأول عن الصفوف الأخرى.
(فالدخول والصلاة فى الصف الأول يتم ببطاقة ممغنطة).
ويذكر أيضاً أن هذا المسجد يطابق مسجداً أثرياً في تركيا، بلد العنصرية الأول،
والتى حتى يومنا هذا تفرغ أي حوض سباحة من مائه اذا دخل فيه سودانى
(بمن فيهم قيادات مسجد منبر السلام)
ثم يتم غسله وتطهيره قبل اعادة ملئه بالماء.
| |
|
|
|
|
|
|
|
|
|
Re: السودانيون و زواج الخواجيه والخواجه الافريقيه والافريقي فيهم عيب (Re: elhilayla)
|
Quote: وان شاء الله
أنا في رحلة طويلة لهم
قريبا ، اتمني ان التقي
بعض البورداب هناك
وحتما سنرجع بفكرة عنهم عن قرب
وبالمناسبة لي مع كثير من
الأخوة الأفارقة علاقات
جيدة
ومنتظرين برضو الجماعة
|
الحليله مساء ك خير
البورداب في لما تبقي علي الرحله
رسل لي ايميلك في الخاص ونبقي علي اتصال
افريقيا جمالها بيبدا معاك من فكتوريا البحيره وينتشر
شرقا وغربا وجنوبا وشمالا ووسطا حيث الروانديز سلالة
ترهاقا ومرورا بعيزانا والرفت فالي الي الجانكولي والاكمبا
و و و و و و و جمال الدنيا يبدا من المنبع
| |
|
|
|
|
|
|
| |
Haju Muktar
Abdlaziz Eisa
بدر الدين احمد موسى
Al-Shaygi
صالح عبده
فايزودالقاضي
هاشم محمد الحسن عبدالله
amir jabir
elhilayla
فيس بوك
تويتر
انستقرام
يوتيوب
بنتيريست