الصوفية... هل هي الطريقة المثلي للعبادة.. ما لها وما عليها!!!

Quote: طبعا زي ما انت عارف انو الحوار ده بين الله سبحانه وتعالي والمؤمنين ديل حدث يوم القيامة... لكن الناس ديل قالوا لربنا سبحانه وتعالي.. اذا اتانا ربنا عرفناه.. قام ربنا جاهم علي الصورة التي يعرفون . عليك الله يا عمده ما تعمل لي فيها غمران،، عاين كويس لي (يعرفون) دي، انا لونتها ليك بالاحمر عشان تشوفها كويس... اها يا جماعة عايزين يدينكم معانا، اذا العمدة ما شاف الكلمة دي، عليكم الله تصحوا الاتية اسمائهم (الاستاذ /صلاح عباس فقير الدكتور/ عارف الركبي، الدكتور / العريفي.. الدكتور/ اي واحد من حملة الدكتوراه) عشان يساعدوه يقراها ويساعدوه في الاجابة علي هذا السؤال: الناس ديل عرفوا صورة الله الجاهم بيها يوم القيامة دي وين قبل كده ؟ وحتي احصل علي اجابة علي هذا السؤال، اختم مداخلاتي في هذا البوست بتوجيه الشكر لصاحبة البوست والسادة الضيوف جميعا، وانتهز هذه السانحة لأقول لصاحبة البوست، ان الصوفية هي الوعاء الذي حفظ الدين من لدن النبي عليه واله افضل الصلاة واتم التسليم حتي هذا الزمان، وان اسلم طريقة للعبادة من وجهة نظري هي (طريق محمد) كما دعا له الاستاذ/ محمود محمد طه...مع وافر الشكر.