الصوفية... هل هي الطريقة المثلي للعبادة.. ما لها وما عليها!!!

Quote: شوف يا صلاح اخوي انا واحد من الناس باعترف بي حق كل واحد ان يكون حرا في فهمو، وعمري ما حاولت افرض راي علي زول، وبالمقابل برفض انو اي زول يفرض رايو علي.. الكلام الكتبتو انت هنا ده فهمك، قد يكون المباشر او بالتأثير، وده ما عيب... بس كمان لو عاوز تفند فهمي للأيات جيب لي نقيض هذا الفهم، حتي الحديث الانت جبتو بيتحدث عن الشفاعة، وهي جزء من المقام، وليست كل المام، والذي تنتهي عنده الشفاعة لا بد ان يكون قريبا من الله قربا لم يبلغه (ملك) و لا (رسول مرسل) وهاك الجزء ده من حديث للنبي..( إن لله عبادا ليسوا بأنبياء ولا شهداء يغبطهم النبيون والشهداء بقربهم ومقعدهم من الله يوم القيامة ) شوف النبيون دي، تفتكر انو سيدنا محمد وقتها من ضمن (النبيون) دي ولا فوق ليها؟ علي فكرة يا صلاح، حلفتك برب الكعبة انك ما تتجاهل اسئلتنا دي، عليك الله حاول تجاوب عليها علي قدر ما تقدر..كدي قول لي سميع بصير في الاية ديك بي تشير لي منو؟ تفتكر ان والنبي عشان يعرف ان الله (سميع بصير) لازم يشوف اية كبري؟ مودتي