|
زواج الفلبينيات ... أحلي زواج !!!
|
.
حسب ما سمعته ......... وجابوا لي *المواصفات أنظر في الكتلوج المرفق مع العرض. ما لقيت العرض والكتلوج .........ختها من خيالك
البوست تماشيا مع حملة ( تزوجوا تصحوا ) الماشة في البورد اليومين ديل واطلبوا الزواج ولو في الصين
وفي رواية أخري ... ولو في قبل الله الاربعة ...
مالقينا صور للعروس لكين دي صورة عاصمتهم
------------------------------------- أها في زول ناوي يسافر منيلا Manila !!!!!!!!!!!!!!!!
|
|
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
عبدالناصر السلام عليكم كنت في الفلبين في بداية التسعينيات بالذات في دافاو سيتي..وأخذت معي أهلي وأولادي وإلا فالشاب وحده لو ذهب ربما تفتنه النساء الاتي لايتورعن أن يتعرضن للرجل في طريقه الفبين صراحة..من أجمل بلاد الدنيا.. ومسلموها طيبون..والنصارى فيها-من الشعب-مسالمون أما أهل السياسة والعسكر فهم شرّهم!! عرض عليّ بعض أهل دافاو من المسلمين الزواج منهم فاعتذرت لهم-شاكرا..وأكثر شئ فكرت فيه: هسّع بت الناس دي لو أخذتها..كم ساعة عشان أوديها السودان وأرجعها لألها في الإجازات؟؟!!-سالفة طويلة!! حوالي 24 ساعة إلا شوية! بعدين إنطباع الناس يا عبدالناصر عن الفلبينية وخدمتها في البيوت كخادمة في الخليج..إلخ هذه كلها رؤى سالبة تجاهها تجعل الرجل يتردد .. مع أن الفلبينية إمرأة طيبة وهادئة وطيعة وست بيت ممتازة من أراد الزواج فليركز على الجنوب/مندناوا وبالذات مراوي سيتي ومن أراد أن يلعب ويعصي ربه من أولئك فسيجد بعضهن في أي ملف وهاهي المواقع مليئة بهؤلاء الضائعات-الله نسألك العافية تاريخيا...مانيلا..كانا إسمها"أمان الله"..وكانت عاصمة السلطنة المسلمة فجاء المنصّر"ماجلان" فنصّر المسلمين هناك بالقوة والآن هناك حركة رجوع للإسلام عجيبة تشكر
| |
|
|
|
|
|
|
Re: زواج الفلبينيات ... أحلي زواج !!! (Re: عماد موسى محمد)
|
.
عماد موسى محمد
تحية وتقدير ,,,
Quote: من أراد الزواج فليركز على الجنوب/مندناوا وبالذات مراوي سيتي |
مع أنو البوست عبارة عن بوست ساخر من بوستات هنا ...
لكين بشكرك على حضورك ومعلوماتك عن الفلبيين الفعليا ما بعرف عنها الكتير منديناو في الخاطر عرفتها كبلد وقصة وثورة عن طريق فلبيني معرفة عبد الله ..... أسم أبوهوا صعب شوية الواحد يحفظوا
-------------------- ليك أكيد التحية والتقدير ,,
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
Quote: أها في زول ناوي يسافر منيلا Manila !!!!!!!!!!!!!!!! |
أنا ماشي الأسبوع الجاي ، والله كنت عاوز أسأل لو في بورداب هناك
لكن بعد بوستك دا يا(خطيب) ، منك زوغة،،
صديقي العزيز الأستاذ/ عماد الدين موسى : مفيد أينما حللت والله
أول مرة أعرف هذا الإسم (أمان الله ) وفعلا قريب شديد ،،
زرت مانيلا عدة مرات ، وهي دولة ذات طبيعة ساحرة وشعب بسيط طيب
الفلبين هي الدولة الوحيدة التي تم بيعها من دولة لدولة حيث أشترتها أمريكا من أسبانيا بمبلغ 200 مليون دولار (not sure) وكان البيع إجباري إذ كان الخيار الآخر هو الحرب !!
======= بالجد في زول في مانيلا ؟؟هههههه
| |
|
|
|
|
|
|
Re: زواج الفلبينيات ... أحلي زواج !!! (Re: عبد اللطيف بكري أحمد)
|
ود البشاري التحية وكتير السلام
Quote: ازيك يا عبد الناصر ياخ بس برضو البوست مستنسخ |
الإستنساخ هنا فوق رأى واكيد تابعته سلسلة من البوستات جهجهت أمة لاالله إلا الله وودتهم في كم إتجاه في موضوع الزواج خطر ببالي بوست (( زواج الحبشيات ... أحلى زواج )) لقيت روحي حاكتب بوست ناقص محفزات فكرته شوية لقيت احسن محفّز أكتب عن الناس البيوض ديل عارف ناسنا رايح ليهم (( بشره بيضاء))
الصورة من منديناو الماء والخضرة .......................... الوجه الحسن تابع الكتلوج
------------------------ تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: هويدا شرف الدين)
|
Quote: الأمين البشاري ، مريخابي وفوتناها ليك لكن دي قويه ما بتتفوت بجيك بي رواقه انت نهائي ما نصيح |
هدهد يا ستهم ازيك
تسلمي على التفويته ونحن تعبنا من الفري سايز دا ياخ عايزين حاجات اسمول راجيك وعامل ساتر كبيييييييييييير ... والله صحي عارفه كنت متوقع رمانه تجي ترشني رشة الذين آمنوا شايفها اليومين ديل مجندرة جندره شديدة بس ربك ستر
كوني بخير
| |
|
|
|
|
|
|
Re: زواج الفلبينيات ... أحلي زواج !!! (Re: Asim Fageary)
|
[QUQuote: ÔæíÉ ßÏÇ æÊÌíß äÚãÇÊ ÍãæÏ
ÊÞæá áíß ÌåÒ ãÚÇß ÎÑØæÔ ßã ÈæÕÉ
ÇáãÑÉ íãßä íßæä ÇáÎÑØæÔ ÑÈÚ ÈæÕÉ Ãæ ÃÞá
ÈÇáÑÛã ãä Åäí ãÇ ÚÇÑÝ ÞÕÉ ÇáÎÑØæÔ Ïí Ôäæ
áßä ÞáÊ ÃäÈåß
|
الاخ الخطيب ....مرحب بيك وانت تجول ولو بخيالك بين بلاد بلال ابن رباح و فلبينو .....الخ الاخ فقيري ....بالتاكيد مريت لكن اديك حاجة جديدة المرأة السودانية ملولة جدا وخاصة الرباطابية (لا اسأل عن الدليل او المصدر ) بالمناسبة الفلبينية امرأة لا استطيع الا ان اقول عنها منظمة ومريحة وطيبة وذكية وغير مكلفة ووفية جدا و يا عاصم دي بالذات لا تحتاج لاي خرطوش او قطرة موية لانها نظيفة جدا ..... اها اتوجهوا الى الفلبين ونحن من خلفكم ....
ومني تبقى محبتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
أستاذنا / عبد اللطيف بكري
تحية وتقدير ,,,
كل الامنيات برحلة جميلة ومفيدة لبلد _ حسب البسمعوا وبشوفوا في الصور _ أنو بلد مميز بطبيعة ساحرة .... أكيد المحبة والاحترام للشعب الفلبيني البتذكر انو زاملنا في ثورتوا على الجنرال ماركوس 1985 وكنا وقته في ثورة على الجنرال جعفر نميري
وفي الخاطر زوجتوا أميلدا ماركوس الطلع عندها كمية ما عادية من الاحذية ما في بالي عن البلد ده الكتير وما شفنا زملاء بورداب منو إحتمال يكون في
تاني منديناو ...................... ولو النفوس أطيبت الركشة بتشيل خمسين ------------------------------------------------- أكيد التقدير والود ,,
| |
|
|
|
|
|
|
Re: زواج الفلبينيات ... أحلي زواج !!! (Re: Hani Arabi Mohamed)
|
عصام فقيري تحية طيبة ,,,
Quote: شوية كدا وتجيك نعمات حمود
تقول ليك جهز معاك خرطوش كم بوصة
المرة يمكن يكون الخرطوش ربع بوصة أو أقل
بالرغم من إني ما عارف قصة الخرطوش دي شنو
لكن قلت أنبهك |
لاقتني حكاية الخراطيش في بوست المورتانيات في كل الاحوال مرحبا باختنا نعمات في بوست الفلبيينيات ولو ما جاءت مافي مشكلة منتظرنها في البوست الجاي من السلسلة (( زواج الصينيات ..... أحلى زواج ))
------------------------------------ وليك أجمل تحية
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
أحمد محمد بشير
بعد التحية ,,,
Quote: لكين ديل بياكلن الحشرات |
ياخي ما تعمل لينا إشاعات في البوست عن الناس ديل
ما متاكد من معلومتك بس البعرفوا الحكاية دي معروفة في الصين وتيلاند وكوريا الشمالية وصلت الفلبيين ولا ...........لا الله أعلم
*الصورة مقوقلة من الماكولات التيلاندية الصراحة في الفلبينية ما لقيت صورة حشرات صريحة
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
هاني عربي
تحية وتقدير ,,
Quote: يبدو أن حكاية الزواجات أصبحت عشرات البوست الجديدة |
دكتور صلاح إقتبس بوست صابر فضل المولي وأنت اقتبسته بوست دكتور صلاح وأنا اقتبسته بوستك ......... وأخ كريم قال لا هذا ولا ذاك بدون زواج احلي وزهير عثمان حمد عندو ألف بوست بنزل هنا بغني ظلموني الناس وجارو عليّ
الزوج حكاية تستحق الكم ده من البوستات والحكايات وإن شكلة بقت هلال مريخ مابين مشجعين الزواج الوطني وما بين المقتنعين انو الزواج في حد ذاته وطن ........... في الاخر الزواج حته مهمه وهاجس ..... لحدي ما الواحد يتزوج بعد داك هو البتحير من إهتمام غيروا المبالغ بالزواج
--------------------------------- ويمكن لانوا طرازي قديم شوية الزواج أصلا ما هاجس ولو الواحد أتزوج بتزوج الزولة البتقنعوا يربط حياتوا بيها وفي الوكت داك أصلوا ما بفكر كتير لما يجي النصيب (( نصيبك بيصيبك )) , وغض النظر جنسة شنو ولا من وين
ترشيح بلد محدد او جنسية محددة كلام ما واقعي ....
بس ده القصد
*متابع بوستك عن زواج السودانيات ولو بقوا لي زي الشهر الماعندي فيهوا نفقة ...................
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
صاحب البوست وضيوف البوست والجميع سلامات وصباح الخير عارف يا الأمين انا ما عارفه ثقافة أنو الوزن التقيل والسمنه في السودان علي أساس انها شئ جميل ومفضل نابعه من وين وبشوف انو اغلبية الناس بفضلو المراه السمينه ما عارفه ليه ومع المجتمع القاعدين فيهو تلقي الناس اغلبيتهم رجال ونساء يقولو ليك شنو المراه الناشفه دي عموما وعلي نطاق شخصي في بداية هذا العام قررت اني اعمل ريجيم وارجع للوزن المثالي وبديت برنامج ومشي كويس خالص وقدرت جدعت التوب وبقيت امشي موضه تاني بس اي زول بلاقيني بقول ليك مالك يا زوله الحاصل عليك شنو انتهيتي كدا؟ بعدين ياالأمين وبرضو عن تجربه كان سفر كان في الخرطوم هنا السودانيات نظيفات وجميلات وراقيات وبنات اصول وبعدين لو عرست واحده تقدر تشيلها في صفحتك وجبتها هنا قطع شك اهلك بطردوك من البيت ويقولو ليك الجعانه دي جبتها من وين
| |
|
|
|
|
|
|
Re: زواج الفلبينيات ... أحلي زواج !!! (Re: Asim Fageary)
|
يا جماعة .. نواصل في ميزات الفلبينو ....
كم تي شيرت وبنطلون جينز من اقرب بوتيك او مول (ابوخمسة دراهم )..مع بساطة الالوان ابيض او رمادي ولو بالغو بكون احمر ... البساطة في الاكل ... ارز او اندومي ...وكان بالغو ساندوتش كانتاكي في المناسبات او سمك مملح ....
واهم المميزات ...البوي فريند ...فريد واحد الواحد الله ..الا يموت او يختار البعاد .... وجنهم وجن اللخبته في العلاقات الخاصة مش زي ناس كدا (يحفظو التعابير ويكرروها (حبيبي حبيبي لكمين بشر ويوماتي على الله يا الخطيب )
فلبينو يااخ احبكم لوفائكم ...
| |
|
|
|
|
|
|
Re: زواج الفلبينيات ... أحلي زواج !!! (Re: نعمات حمود)
|
.
حفتًي / أختي نعمات حمود
منورة بوست الفلبينيات وسعيد أسمع ليك رأى إيجابي في ناس بعيد عن نظرية (( الخراطيش )) مع أنو الله ما كتر إلا الموية و الصابون والشامبو وكل أنوع المنظفات البتخلي الناس تهتم بنظافته الشخصية
بعد ده ملاحظ انو نظريتك شائفة نسوان الدنيا ديل كلهم محتاجات ((( حمام ))) إلا السودانيات طبعا .........
-------
Quote: وجنهم وجن اللخبته في العلاقات الخاصة مش زي ناس كدا (يحفظو التعابير ويكرروها (حبيبي حبيبي لكمين بشر ويوماتي على الله يا الخطيب ) |
عرفته تلميحك بس الناس القاصداهم نادرا يلخبطوا في ((علاقاتهم الشخصية )) الهم العلاقة تكون من أساسه ملخبطة , لو هنا بنتكلم عن علاقات صريحة زي الزواج تأكدي انو عند غالبيتهم تقدير ما عادي للحته دي تقدري تقولي (( تقديس عديل ))
Quote: واهم المميزات ...البوي فريند ...فريد واحد الواحد الله ..الا يموت او يختار البعاد .... |
كويس عندهم ((نظرية الحمام )) لهم التحية والتقدير إينما كانو ..........
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
هيثم إبراهيم كتير التحايا
Quote: دي شفتها بي عيني دي كلام صحيح ميه الميه ...
والامريكان واقعنهم والتايلانديات .........
واحد صاحبنا قال الماكينه جايه بالعرض ... يعني شنو ؟ |
شوف العين ما كتلوا غزال
وبالإشارة لعبارتك الاخيرة لو قاصد الكلام في أول البوست ما فيهوا ماكينات إطلاقاً في عرض وكتلوجات بتكون مرفقة بيهوا *نوع من السخرية في مسألة الترويج للزواج من جنسية معينة ليس إلا
------------------ *على أي حال بشجع الـ 4WD ( لو المسالة مكينة معارضة ومكينة دفع رباعي ) والمسالة هنا في ( الصفات والخصائص ) لا في الشكل ولا الحجم .........
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
Quote: . .
حفتًي / أختي نعمات حمود
منورة بوست الفلبينيات وسعيد أسمع ليك رأى إيجابي في ناس بعيد عن نظرية (( الخراطيش )) مع أنو الله ما كتر إلا الموية و الصابون والشامبو وكل أنوع المنظفات البتخلي الناس تهتم بنظافته الشخصية
بعد ده ملاحظ انو نظريتك شائفة نسوان الدنيا ديل كلهم محتاجات ((( حمام ))) إلا السودانيات طبعا .........
-------
Quote: وجنهم وجن اللخبته في العلاقات الخاصة مش زي ناس كدا (يحفظو التعابير ويكرروها (حبيبي حبيبي لكمين بشر ويوماتي على الله يا الخطيب )
عرفته تلميحك بس الناس القاصداهم نادرا يلخبطوا في ((علاقاتهم الشخصية )) الهم العلاقة تكون من أساسه ملخبطة , لو هنا بنتكلم عن علاقات صريحة زي الزواج تأكدي انو عند غالبيتهم تقدير ما عادي للحته دي تقدري تقولي (( تقديس عديل ))
Quote: واهم المميزات ...البوي فريند ...فريد واحد الواحد الله ..الا يموت او يختار البعاد ....
كويس عندهم ((نظرية الحمام )) لهم التحية والتقدير إينما كانو ..... يا اخوي الخطيب ..انا الاسعد باطلالتك اينما تكون واياي ... اولا اكيد نظرية الخراطيش لا تعني عدم او وجود المياة لانو الفلبينو ديل دليل قاطع على عدم صحتها طبعا معروفين بشح المياه ...بس النظيف نظيف من يوموا ما عشان عاز يلاقي حبيبو (هههههه) وبعدين انا عارفة ناس حفتي ديل لو اتزوجوا بتبقى مسألة عبادة وانا لا انكر التقديس والتضحيات بس كوولوا ليه ؟؟لانها الواحدة بتكون فازت برجل سوداني زي ما في بعض السودانيات والبنات بقولوا ليك (دي اتزوجت مواطن ...اماراتي )بحسسوك بالانجاز العظيم او التمييز واكيد (لا اسئل عن الدليل )ولكن مشاهدات يوميه ومخزون من نافوخي دا ... نرجع للفلبينو ... من المميزات .. اللون الجميل والشعر الجميل بالاضافة للرشاقة ..والغريب ماشفت فلبيني مشيب او مكسر سنونوا او جاري كرعينو او مادي كرشو او عندو كيمان من (النخل في وجهو ) بس لو ما اعتقاداتهم واعرافهم دي كان الواحد اتزوج فلبينو .....
الخطيب لك محبتي واخد لي الاذن من الحكومة .....
|
| |
|
|
|
|
|
|
Re: زواج الفلبينيات ... أحلي زواج !!! (Re: نعمات حمود)
|
عندنا خدامتين فلبينيات تعال اعزل واحدة منهم بنديك ليها بلاش
قال فلبينيات يلبك ال###### قول امين هههههههههههههههه
انت فى دا ولا فى عندنا اخصائي سوداني
متزوج سودانية عندهم عيال عيانين قامت زوجتوا جابت ليها خدامة فلبينية علشان تخدمها وتساعدها فى العيال
قام راجلها اتزوج الخدامة الفلبينية
شوفت الراجل الما بختشى وهو راجل هكرة رجلوا والقبر
| |
|
|
|
|
|
|
Re: زواج الفلبينيات ... أحلي زواج !!! (Re: وضاحة)
|
Quote: شوفت الراجل الما بختشى وهو راجل هكرة رجلوا والقبر |
ياوضاحه سلام يغشاك .. إنتي ما قريتى رواية الطيب صالح ( رحمة الله عليه ) عرس الزين ، وشخصية ود الريس .. كدى أقرى فاصل ود الريس ، يمكن يكون عندك إعادة نظر
تحية لكبار السن ..
| |
|
|
|
|
|
|
Re: زواج الفلبينيات ... أحلي زواج !!! (Re: وضاحة)
|
Quote: عندنا خدامتين فلبينيات تعال اعزل واحدة منهم بنديك ليها بلاش |
اشتريتوهم بكم يا دكتورة ؟ انت قايلة روحك عايشة في زمن هارون الرشيد ولا شنو الخدامات الشغالات عندكم ديل شغالات بموجب عقد عمل لا يحوي في بنوده تغيير غرض الاستعمال
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
وضــــــــــاحة ترحيب بإشقائنا القطريين بالمنبر العام
Quote: عندنا خدامتين فلبينيات تعال اعزل واحدة منهم بنديك ليها بلاش
قال فلبينيات يلبك ال###### قول امين هههههههههههههههه
انت فى دا ولا فى عندنا اخصائي سوداني
متزوج سودانية عندهم عيال عيانين قامت زوجتوا جابت ليها خدامة فلبينية علشان تخدمها وتساعدها فى العيال
قام راجلها اتزوج الخدامة الفلبينية
شوفت الراجل الما بختشى وهو راجل هكرة رجلوا والقبر |
تصدقي نحنه ولا وأحدة ما عندنا ........... ست البيت بتخدم بيه برها شكرا لعرض الرائع , بس في الحته دي ما عندي محل شاغر زوجة واحدة لا تستبدل ولا بجيبوا ليها شريكة
الاخصائي ده يا وضاحة بمثل فئة مقدرة بكون للواحد القابلية حتي وهو متزوج يعين لغير زوجتوا وممكن كمان يتزوج عليها فبتخيل لي لو الزوجة ما قدرت تقنع زوجها أنها نهاية المطاف وخلاص حتي ببالوا ما تخطر واحدة غيره مفروض هنا الزوج يبتدي يراجع نفسوا وخياروا من الاساس
ده اتزوج والتاني الفي البوست داك بقابض في مكتبوا إتخيل لى ناسك ديل كلهم محتاجين يعيدوا نظر في حاجات كتيرة في حياتهم مخلياهم كده
سعيد بالمرور وبالعرض السخي والله يزيد خداماتكم ثلاثه أربعة
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
الاخت هويدا شرف الدين
تحية طيبة
Quote: صاحب البوست وضيوف البوست والجميع سلامات وصباح الخير عارف يا الأمين انا ما عارفه ثقافة أنو الوزن التقيل والسمنه في السودان علي أساس انها شئ جميل ومفضل نابعه من وين وبشوف انو اغلبية الناس بفضلو المراه السمينه ما عارفه ليه ومع المجتمع القاعدين فيهو تلقي الناس اغلبيتهم رجال ونساء يقولو ليك شنو المراه الناشفه دي عموما وعلي نطاق شخصي في بداية هذا العام قررت اني اعمل ريجيم وارجع للوزن المثالي وبديت برنامج ومشي كويس خالص وقدرت جدعت التوب وبقيت امشي موضه تاني بس اي زول بلاقيني بقول ليك مالك يا زوله الحاصل عليك شنو انتهيتي كدا؟ بعدين ياالأمين وبرضو عن تجربه كان سفر كان في الخرطوم هنا السودانيات نظيفات وجميلات وراقيات وبنات اصول وبعدين لو عرست واحده تقدر تشيلها في صفحتك وجبتها هنا قطع شك اهلك بطردوك من البيت ويقولو ليك الجعانه دي جبتها من وين |
عندنا ثقافة من النوع ده كانت بتربط الصحة والعافية بالتخن أو زيادة الوزن أكيد مفروض تكون اتغيرت , أو على الأقل في طريقة تتغير نمط الحياة واسلوب التغذية في الموضوع ده عامل حاسم زيادة الوزن اسهل بكتير من التخلص من الوزن الزائد ....
تحياتي ,,,
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
الأخ/ عبد الناصر الطيب صباح الخيرات
اامن علي كلامك انو الوزن ممكن يجي سريع بس اكتر حاجه متعبه خسران الوزن عينك تطلع عشان تخسر كم كيلوجرامات وتكون نفسك مشحتفه وبتعاين في الحاجات وترحم روحك منها لكن بس احلي حاجه لما الزول يبقي رشيق
| |
|
|
|
|
|
|
Re: زواج الفلبينيات ... أحلي زواج !!! (Re: هويدا شرف الدين)
|
Quote: بعدين ياالأمين وبرضو عن تجربه كان سفر كان في الخرطوم هنا السودانيات نظيفات وجميلات وراقيات وبنات اصول |
وأنا أشــهد وابصم على ذلك يا هويدا والجمال موجود في كل مكان لكن الجمال الأصلي في السودان والله صحي
Quote: وبعدين لو عرست واحده تقدر تشيلها في صفحتك وجبتها هنا قطع شك اهلك بطردوك من البيت ويقولو ليك الجعانه دي جبتها من وين |
لأنهم تعودوا على الفري سايز يا هويدا ودي ثقافة مجتمع عامة ومن الصعب تغييرها بسهولة
| |
|
|
|
|
|
|
Re: زواج الفلبينيات ... أحلي زواج !!! (Re: الامين موسى البشاري)
|
.
أستاذة / هويدا شرف الدين صباحك زين ,,
Quote: اامن علي كلامك انو الوزن ممكن يجي سريع بس اكتر حاجه متعبه خسران الوزن |
تجربتي مع الوزن الزائد _ بزيد بسرعة وبخسر الوزن بسرعة _ أنو مرات الرياضة والرجيم القاسي والتصميم علي الخروج من الفيل ما بكون كفاية لتحقيق الوزن المثالي
*انا غايتو جات معاي من غير قصد زمان مريت بمشكلة عويصة فمن غير ما أبذل أى مجهود أو أكون قاصد لقيت نفسي في الوزن العاوزوا بحاول أحافظ عليهوا مرات بزيد مرات بنقص لكين من الوقت داك طلعته من الفيل للأبد
* نصيحة تانية المشي لمسافات طويلة إن توفرت الفرصة مفيد جدا في خسران الوزن
----------------
حياتي ,,,
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
عزيز عيسي
تحية وتقدير ..
Quote: الاخ ناصر سلام
اها في تزاوج طبية واوجه شبه يعني ممكن تكون في جينات متشابهة..
الفلبينية قمة الرقي والنظافة وخامة تتشكل في اي ثقافة أخرى..
تحياتي |
** في البال غنية خليل إسماعيل لو شفته مره جبل مرة ما كنت محظوظ أشوف جبل مرة وطبيعتوا الساحرة طبعا برضوا ما شفته شلالات الفلبين _ إلا في الصور _
*خامة تشكلة في أي ثقافة أخري دي مشكلة !!! لانوا بحب الناس الأصلوا ما تقدر تذوب ثقافتهم او تشكلهم من خلال أي ثقافة غير ثقافتهم , بحب الناس البكونوا طوالي محتفظين بحاجاتهم وملامحهم الثقافية وببرزوها لغيرهم بغض النظر أتوافقوا معاها ولا ...........لا
------------------------
تحياتي ,,,
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
عصام فقيري التحية وكتير السلام
Quote: يا عصام ياخي مانيلا ما فيها خيران
فيها جداول صغيرة
يا دوبك تشيل ربع بوصة خرطوش |
العيال ديل ما بسبحوا في حوض سباحة بسبحوا في الشارع ..............في فصل الامطار الموسمية منيلا ذاته بتبقي خور كبير يبقي الثابت أنو عندهم خيران وزيادة الخير كمان في موسم المطر عندهم في بعض المناطق إنزلاقات طينية
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
أستاذنا / محمد السني دفع الله
كتير الترحيب والسلام
Quote: الخطيب الغالي وعزيز ايامك اعياد يا اخوي اللساتك مافيها لستك واحد نايم الناس ديل وزن الريشة ؟؟؟ مودتي ومحبتي |
مرحب بيك في بوست الفلبينو خفاف الاوزان وركشاتهم الملانه ونهدي ليك صاحبي ده منتظر الرزق وركشتوا فاضية
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: صابر فضل المولي)
|
.
Quote: لدي تجربة فلبينية تزوجت سوداني ما اروعها |
والله يا صابر معرفتي بالفلبيين وناسه زي معرفتي بنظرية النسبية بتاعت انيشتاين ... أتشبكته في البوست ده على سبيل المزاح ... ما بقوليك مافي سودانيين ما متزوجين أسيويات عندي جار سوداني ما بينا غير السلام عليكم وعليكم السلام في نفس شارعي زوجتو اسيوية ما حاقوليك فلبينية ممكن تكون فعلا فلبينية أو اندونيسية , أو صينية ....... المهم أسيوية حسب المشاهدة عن بعد .....
طبعا البوست ده إستنساخ غير مباشر من بوستك زواج المغربيات بعد ما شفته د. صلاح البندر وهاني عربي إستنسخوا بوساتاتهم منوا *** قناعتي الأصيلة في الموضوع ده إننا بنتزوج حسب الشخصية القدامنا بدون أي شغلة جنسيته شنو .... أكيد في تجارب ثرية قي موضوع ما عندي أى خلفية عنو فيسعدني تكتب عن التجربة دي هنا
مع التأكيد أنو الحالة المثالية تكون متزوج من جنسيتك .... بس لو القسمة والنصيب وداك محل تاني ولقيت السعادة والإستقرار ماظن حته إنها من جنسية تانية دي فيها مشكلة
تحياتي
| |
|
|
|
|
|
|
Re: زواج الفلبينيات ... أحلي زواج !!! (Re: عبد الناصر الخطيب)
|
.
ماقاندا اوماقا جميعا
----------------------------------------- الرسالة الوحيدة واليتيمة الاتناولت الموضوع خلص صاحبه المكرم أني ما عندي موضوع ترجمه حرفية لعبارتوا (( ما عندك سالفة )) .............. طيب البوست نفسوا من عدم موضوع الظاهر فاتتك تشوف الإيقونه .......
ما حاقتبس رسالتوا المحتاجة مراجعة كتيرة وتنقيح لكين بطلب منو رسالة جديدة يوقع لى فيها وجهة نظروا
سلامت ( بالفلبيني ) = شكراً
| |
|
|
|
|
|
|
|