تجربتى فى تربية الابقار الحلوب - الجزء الثانى (توجد صور)

Quote: ساقوم بمحاولة مبدئية فى تصنيع الاجبـــان والزبادى والمش وبكميات محدودة ومستمرة ونشوف النتائج .

Quote: الاخ فرانكلى سلامات شكرا على التوجيه ، وبالفعل ذهبت الى حاضنة الانتاج الحيوانى بجامعة السودان وهى تقع فى حلة كوكو ضمن مبانى ومساحات كلية الطب اليطرى وكلية الانتاج الحيوانى، ولقد تفضلوا لى بالسماح بدخول الحاضنة ودخول معمل انتاج مشتقات الحليب ، وشاهدت ولحسن الخظ فى ذلك الوقت تصنيع الجبنة المضفرة ، منتهى الاهتمام بسلامة المنتج صحيا ، تصدق منتجاتهم تباع للعاملين بالجامعة ولاتكفى 5% من الطلب ، وعرفت منهم ان تحويل الحليب الى منتجات يحقق ارباح ممتازة لهم بعكس بيعه طازجا. والله توجد تجارب رائعة فى جامعة السودان ، حيث ان حاضنة الانتاج الحيوانى ( قسم الابقار الحلوب) تماثل ما املك بالمزرعة فى العدد والنوع ، ولكن انتاجيتهم افضل بكثير منى وشرحوا لى كيف يمكننى تخفيض التكلفة وزيادة الانتاج. ضرورى الاستعانة بهم هذا ما خرجت به من هذه الزيارة شكرا فرانكلى

Quote: عموما ساعود الى جامعة السودان واعرف اسماء المعدات واذا امكن صور منها وامدك بها والاخرين عبر هذا البوست. الخلاصة اعتقد ضرورة وجود المعدات وضرورة تدريب كادر فنى طرف حاضنة الانتاج الحيوانى مع العلم الكهرباء ضرورية لتشغيل المعدات .

Quote: الاخ الامين سلامات اليوم ما تمكنت من الذهاب الى الجامعة لكن ستجد المعلومات مع بداية الاسبوع القادم ان شاء الله مودتى

(عدل بواسطة ودقاسم on 11-02-2012, 08:27 AM)

Quote: الاخوة الاعزاء سلامات اشكركم على المداخلات ساحكى لكم رحاتى الى مدينة الدويم وقبلها سارد عاى مداخلاتكم ساعود

Quote: الاخ الامين سلامات والله ما فى طريقة الا يوم السبت لمشى الجامعة واجيب التفاصيل

Quote: سلامات حضرنا للتحية

Quote: انا زاتى ما عرفتها ( المنفحة) لكن قلت يمكن اخوانا المغتربين يكونوا على علم بها وخاصة كاتبة المقال خليجية. لكن انا نزلت صورة المعدة الاسطوانية وهى صناعة تركية لأنها بتشبه المعدات الموجودة فى معمل انتاج مشتقات الالبان فى جامعة السودان

شكلها زي الحبوب

Quote: الاخ الامين جبارة سلامات بشرى سارة امس مساء السبت اتصل بى احد الاخوة المهتمين بتربية الحيوان وهو مهندس يقيم الان فى باريس - فرنسا - وقد دار حوار ممتاز معه فى عدد من المحاور المتعلقة بتربية وتغذية الابقار منها على سبيل المثال ( البرسيم ، التلقيح بشكل عام وتعشير الندف وصناعة مشتقات الالبان). بشرنا بوجود معدات صناعة الجبنة فى السودان من شركة عالمية لديها اعتقد وكيل وتمتاز هذه المعدات بان لديها نوعين يدوى وآلى ، واسعارها كانت قبل عام فى حدود عشرة الف جنيه ( طبعا سيكون هنالك تغييرا فى الاسعار اعتقد 100%) ، نحن فى انتظار البريد الالكترونى لننقل افكاره وتجاربه حول موضوعنا وعنوان هذه الشركة التى تبيع معدات تصنيع الجبنة. فى الانتظار

Quote: بسم الله الرحمن الرحيم الاخ الفاضل صلاح لك وافر التحايا انت واعضاء البوست والمتابعين...واسأل الله العلي القدير ا ن يبارك لك في مشروعك وان ينعم عليك ويزيدك من فضله...من يحب الخير للناس يحبه الله..لقد قدمت خدمه طيبه وكبيره للجميع ..وانا شخصيا استفدت فائده كبيره من البوست ومن مداخلات الاخوه ...احييك علي الجهد العظيم وتابع في مشوارك وكلنا متابعين معاك ان شاء الله عندي تجربه طيبه في تربيه الضان واخري قصيره مع البقر وعده سنوات في انتاج البرسيم ...الاخوان تكلموا عن البرسيم ..وحبيت اضيف عليهم لانو شايف مربيي الابقار تركيزهم كله علي علف ابو سبعين البرسيم يعتبر غذاء كامل للبقر لانو مصدر هام جدا للبورتين والاحماض وعناصر الكالسيوم والفسوفور وكميه فيتامينات اهمها فيتامين أ ..واهم مركب للعليقه لزياده الادرار زي ما اتفق كل الناس هو البورتين..و نسبته في البرسيم حوالي 18 في المئه كمان البروتين مصدر مهم للطاقه..يعني لو عندك نقص في تركيب العليقه من مواد الطاقه البرسيم برضو بيسد ليك جزء كبير منها..يعني ياصلاح التكرييبه العملتها انت زدت فيها نسبه البروتين.بس لانو انت ماعندك قياس كامل لمكونات العليقه..يعني لو حصل زياده البروتين علي حساب مكونات الطاقه..البرسيم بكون عوض ليك جزء كبير وكمان البرسم فيه نسبه منالالياف..جوده البرسيم بحددها عمره..يعني وقت حش البرسيم..يعني كلما قطعنا البرسيم في عمر صغير بتكون الجوده اعلي والبروتين اعلي وكلما قطعنا في عمر متاخر وبتدي نسبه محدده في كل قطعه rhizome بتكون الجوده اقل..لانو نبته البرسيم بتكون في شكل رايزوم تحت الارض بشكل عام..الماده الغذاءئيه بتكون عاليه في كل النباتات لمن تكون في عمر مبكر واوراق غضه..يعني حتي الناس البفضلوا ابوسبعين علي البرسيم احسن ليهم يقطعوا في وقت مبكر بدل ياخروا القطع لحدي النباتات تبدا تنشف..لانو كده بكون فقد جزء كبير من الفائده الغذائيه بالنسبه للمربي البنتج برسيم بنفسه احسن عمر لمن يصل الازهار مرحله25% في الحقل..ده عن دراسات قام بيها اخرين وعن تجربه شخصيه .المشكله انك لمن تقول لمزارع البرسم او التاجر ما بيقبل الكلام ده لانو بقول كده انتاجه بطلع قليل..يعني هو داير البرسيم يملاء زياده عشان يكون انتاجه اكتر وبالتالي ربحه يزيد..لكن البنتج بنفسه بقدر بيتحكم اكتر في جوده العلف اذا برسيم او ابو سبعين.البرسيم الناشف افضل من الاخضر..ويكون احسن لو جففت في مخزن او بعيد من الشمس..وبعد تنقل البرسيم من مخزنه او مكانه حاول تحركه بحساب عشان اوراق البرسيم ما تحت منك ..لانو هي ناشفه..وكل الماده الغذائيه هي في الاوراق..السيقان فيها لكن بسيطه..اما الناس البصروا يدوا برسيم هو اخضر..ما يقدموه هو رطب شديد...كده بعمل عسر هضم للبقره او نفاخ... لازم نعرف ياجماعه انو البرسيم هو العلف الرئيسي في كل العالم..حتي بعده بتجي بقيه الاعلاف اتمني تكون الفكره وضحت ....وبتمني الناس البفضلوا القصب يداخلوا معانا ويشرحوا لينا ليه هو افضل..بعض من الناس بقولوا ليك جربناه وما نفع معانا..مشكلتنا دايما بنتسرع في حكمنا..لانو ماف تجربه ناجحه بتجي بسرعه..دايما دايره صبر ووقت ..وفي النهايه الهدف واحد..لو لقينا القصب احسن واقتنعنا بيه بنسعمل القصب. اتمني اكون افدت في شي.. والله من وراء القصد اخونا صلاح..بالنسبه لشركه المعدات..حقيقه انا ما متاكد هم مستوردين ام وكلاء..ده موقعهم في النت ..ياريت لو لقيت فرصه ومشيت اخدت معلومه كامله www.prosperity-sudan.com خالص شكري لك وللجميع اخوكم عوض

Quote: بالرغم من حالة عدم السيولة هذه الايام ( هذا تعبير جيد لكلمة الفلس) ورغبتى فى شراء ابقار مميزة من الهجين وذات انتاجية عالية ، قمت بجمع هواتف سماسرة الابقار وتعرفت على بعضهم واوثقت الصلة معهم ، واخبرتهم جميعا برغبتى فى سلالات هجين ذات انتاجية عالية وانا مستعد للدفع . بالامس رن هاتفى من احدهم يدعونى للحضور فورا لحضور حلبة الظهر فى حظيرة بكافورى تحتوى على 65 بقرة حلوب معروضة للبيع، لم اتوانى من الذهاب بالرغم من نقص السيولة النقدية ، حقيقة وجدان احد اصدقائى من اصحاب المزارع الكبيرة قد قام بشراء القطيع كاملا بغرض فرزه واعادة بيعه ، ثمن هذا القطيع تم فى حدود 11000 جنيه للبقرة ، طبعا هذه الابقار تتفاوت فى انتاجيتها وعمرها . المهم تم فرز البقر ، وقمت بالحضور لمشاهدة الابقار المميزة والتى ارغب فى شرائها. ما شاء الله تبارك الله ، ما شاء الله تبارك الله اعوذ بالله من شر عينى وعيون الحاسدين وغير الحاسدين اللهم احفظ وبارك البقرة الاولى انتجت اربعة ونصف تمنة يعنى 36 رطلا ومثلها فى الصباح الباكر يعنى 72 رطل يوميا. قمت باختيار خمسة بقرات بنفس الانتاجية ودخلنا فى معركة السعر وصلت الى 16000 جنيهوكانت كسعر نهائى للبقرة والسداد فى يناير حيث تتوفر السيولة من البدلات والسلفيات ، قابلها صديقى المالك الجديد بضحكة مجلجلة واعقبها بجملة ولا حتى كاش الان وامسك بتلابيبى وهو يضحك واخذنى الى الكوم الاخر حيث تنتج البقرة جردل حليب وقالى لى هذا هو مكانك وفق اسعارك مع ضرورة الكاش البقلل النقاش. عدت ادراجى ولم اشتر بقرة من هذه الابقار . كم تمنيت ان اتمكن من شراء حتى بقرة واحدة من النوع المميز ، لكن الجايات اكتر من الرايحات .

Quote: انا فى طريقى الى جامعة السودان بحلة كوكو لزيارة معمل مشتقات الالبان

Quote: سلام غيبة طويلة السبب نهاية العام 2012م وخطط العام 2013م كل سنة نحن فى الدوامة دى لكن بنرجع والله حتى الاشراف على الابقار اصبح بالهاتف سأعود

Quote: بذلك يمكننى الاستغناء عن وجود ثور فى الحظيرة خاصة وان هذا الخبير يمكنه وبالطرق العلمية ان يجعل الابقار تحيل فى شكل مجموعات ويقوم بتلقيحها.