|
|
 Re: زواج المغربيات وعنوسة السودانيات العلة والسبب (Re: مريم بنت الحسين)
|
تحياتي لسيد البوست والبقية...
يا جماعة، كل واحد بحكي عن تجربته... لكن اعتقد هدف البوست (وصححني يا اخ صابر) هو دراسة المسببات، موش النتائج... لانه بعد ما تحصل القسمة ما اعتقد في حد عاقل يأيد انفصال الزوجين او اضافة طرف ثالث (زوجة جديدة سودانية)... بعدين انتو مختصرين الزواج ده في نقاط محدودة جداً! وناسيين انه احيانا الزواج ده بتم نتيجة توافق شخصيتين بلقوا أنفسهم مع بعض، وبختاروا بعض في وجود خيارات سودانية حولهم... الزواج من حيث هو، محتاج جُهد عشان يكون ناجح... السودانية البتتكلموا عنها دي زاتها بعد شويه السوداني ممكن يتضايق منها وتكون حياتهم مع بعض دائره حول الاولاد، وممكن حتى يعاين لغيرها، او يشعر بإنها عبء عليه ومضايقاه... الزواج بغض النظر محتاج جهد من الطرفين، وسواءاً كان الجهد في ده في التعرّف على ثقافة الآخر أو كان في سبيل انعاش العلاقة وضمان استمراريتها او كان الرغبة في فهم شخصية الآخر واحتياجاته وهواياته واحلامه في الحياة... بمعنى آخر هو محتاج جهد عشان يستمر ويكون مليان سعادة...
الكلام عن انه السودانية بتحترم الاهل او ما بتحترمهم ما صحيح، وببساطة ده شي بتحدده التربية... في اجنبية ممكن تهتم بالاهل اكتر من السودانية التعمل معاهم مشاكل وتضاديهم، والعكس صحيح... كله بعتمد على شخصية الواحده... وعلى احترامها لمشاعر زوجها.. الزواج حوار مستمر وتفاهم عشان الناس تصل لأرضية مشتركة تريّح الاتنين، وده بكون حاصل سواء مع سودانية او غيرها... في سودانيات كتير عوانس عشان اسباب واهية زي ما كتب اخونا حاتم.... كتيرات قاعدات منتظرات مهندس ولا دكتور! وكتيرات اتزوجهم بي شريط فيديو... بعض منهم اتوفق في زواجه وانسجم واتواءم، وكتيرين زواجهم بقى مجرد شكل اجتماعي... انا بعرف انه السوداني عايز السودانية، لكن عُقدكم كتيره ياخ! يعني الواحد عشان يتزوج روحه تمرق... بعد تصله بيته يكون كرهها وكره الشعب السوداني كله...
أحسنت يا مريم هذا هو بيت القصيدأحسنت
| |
 
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: مريم بنت الحسين)
|
يا جماعة، كل واحد بحكي عن تجربته... لكن اعتقد هدف البوست (وصححني يا اخ صابر) هو دراسة المسببات، موش النتائج... لانه بعد ما تحصل القسمة ما اعتقد في حد عاقل يأيد انفصال الزوجين او اضافة طرف ثالث (زوجة جديدة سودانية)... بعدين انتو مختصرين الزواج ده في نقاط محدودة جداً! وناسيين انه احيانا الزواج ده بتم نتيجة توافق شخصيتين بلقوا أنفسهم مع بعض، وبختاروا بعض في وجود خيارات سودانية حولهم... الزواج من حيث هو، محتاج جُهد عشان يكون ناجح... السودانية البتتكلموا عنها دي زاتها بعد شويه السوداني ممكن يتضايق منها وتكون حياتهم مع بعض دائره حول الاولاد، وممكن حتى يعاين لغيرها، او يشعر بإنها عبء عليه ومضايقاه... الزواج بغض النظر محتاج جهد من الطرفين، وسواءاً كان الجهد في ده في التعرّف على ثقافة الآخر أو كان في سبيل انعاش العلاقة وضمان استمراريتها او كان الرغبة في فهم شخصية الآخر واحتياجاته وهواياته واحلامه في الحياة... بمعنى آخر هو محتاج جهد عشان يستمر ويكون مليان سعادة...
الاخوه والاخوات كل عام وانتم بخير
مريم بت الحسين
كلامك يدل علي مدي تفهمك للواقع السوداني واحترم وجهه نظرك وتحليلك بسعه افق ومفهوم راقي وبرقم نقدك لوجه نظري الا انني احترم لباقتك في طرح المشكله بابعادها المختلفه وانا فخور بان هنالك اخوات سودانيات بمثل ثقافتك اقف احترام لكِ
عمده بلادلفيا الرجل الشهم واخو الاخوان شكرا كثير لك انت اعزل لاخوك سودانيه وانا بجيك في محلك ويسمعن بانت جعل كان انا نطيت
صابر فضل المولي
شكرا كثير لا ياتي الكرم الا من بيت الكرام وانت كرمك وصلنا هنا في اروبا والله نسابتك ديل عندهم اكل يخليك سمين ماتعرف نفسك ماشي ولا جاي تحيه ليك والي الاسره الكريمه
الاخت نعمات حمود
والله ماعرفنا وجه نظرك من السودانيات المتزوجات من اروبين وامريكان وكمان من اولاد خالاتنا والعجب كمان هنود وبكستان وبنقلاديش
نسمع قولك وتحيه ليك وربنا يسهلها لجميع السودانيات امين
| |
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
| Quote: شكرا كثير لا ياتي الكرم الا من بيت الكرام وانت كرمك وصلنا هنا في اروبا والله نسابتك ديل عندهم اكل يخليك سمين ماتعرف نفسك ماشي ولا جاي |
منتظرين زيارتك للامارات ونحقق ليك كل اصناف الاكل البسمن
الدعوة للزواج من المغربيات دون سواهم بتدخلني في دوامة صعب الخروج منها
ولكن كي ادعو للزواج من بنات جنسنا دون سواهم
يجب ان يكون هناك دافع غير الجنس
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
..الاخ صابر تحيه ليك وكل عام وانت بخير
تشكر كثيرعلي الدعوه وهو عشمي في اهلنا واولاد بلدنا كل مره عندما نسافر الي السودان بلدكم نجيها عبور وحدنا الترانسيت المره القادمه ننزل فيها ونسجل ليك زياره وانت كمان كان جيت اروبا وجابك الطريق الي بروكسل وبلجيكا ماتحرمنا من الزياره والفسحه والخروف علينا وال١٠٠٠٠٠٠ مليون مرحب وكل السودانين في بلجيكا بعرفهم وكمان كل السودانين في السفاره السودانيه انت بس خت النيه ونحن تلقنا في الانتظار
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: مازن فيصل هلال)
|
دا حنك بيش - مع الاعتذار لصاحب البوست( حبيب الكل صابر **) ... لانو و ببساطة كدة النسوان ديل كللللهم وااااحد لو سودانية او اوروبية او عربية او اسيوية او .... الخ . تتعدّد اللغات و النقّة وااحدة !.... اسالو مجرّب (: ,,, فما تكبرو اللفة فيهم!.... غايتو بعد كلامك دا يا صابر في ناس بعد رمضان و يا كازابلانكا جاكي زووول (:!
يا مازن تحيات
اها نعمل لينا ما ون خاص ولا كيف؟
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
الاخت نعمات حمود
والله ماعرفنا وجه نظرك من السودانيات المتزوجات من اروبين وامريكان وكمان من اولاد خالاتنا والعجب كمان هنود وبكستان وبنقلاديش
نسمع قولك وتحيه ليك وربنا يسهلها لجميع السودانيات امين
الاخ الفاضل حاتم والمارين ...
انا حددت لاسباب اعرفها في فهم المراة السودانية (المغربي والاثيوبي تحديدا )
ولكن كما اسلفت انت فكثيرات تزوجن من مختلف الجنسيات شأنهم شان الرجال وهذا لا ينفي وجهه نظري في ان معاناستدوم مع كثيرين من الذين كانوا قد سعوا للاستقرار بالمفهوم الكبير العميق ....وربما يتجاوزها او يرمش عنها اخرين
وبصراحة قبل ايام معدودة تزوجت طبيبة سودانية بباكستاني سيكيورتي بنفس المستشفى ورغم ما نطلقة من حكاية القسمة والنصيب و...والحب ولكن تقدم العمر والغربة تفعل الكثير في الانسان ....وبالنسبة لحكاية الامريكان والاوربيون فكثير من عائلتي تزوجن وعندي بنات خالتي تزوجن بامريكان وكن لم اقابلهن اكثر من 15سنة لذلك لا احكم على نجاح العلاقة (واستمرار الزواج والخلفة لاتعني نجاح الزيجة )هذا في مفهومي الخاص ....
الظاهرة موجودة في كل البلدان والاجناس سوداني او سودانية والعكس ويستمر الزواج الى الابد ويكون ثمرته الاولاد والبنات وتتعلم الزوجات (الثوب والدخان وغيرو من الاشياء السودانية ....ولكن (ااؤكد لك ما يكون بداخلهم هناك عميقا عميقا ....الرغبة والحنين الى السودانية بكل معطياتها )وقد يستطيع البعض استدراك هذا والرجوع الى المربع الاول وقد تمنع اخرين ظروفهم ويموتوا بحسرتهم (ههههههه)
كسرة :
انا لو لقيت امريكان ساذهب بلا تردد
تحياتي لصاحب البوست دوما ولكل المتداخلين
مني محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
لا أدري كيف لم تخطر على بالي قصّتها منذ بداية هذا البوست.
حاولت الوصول إليها ، فشلت ، وعسى أن تكون بخير.
أعود بكم إلى سنين مضت وقصة بطعم الحلومر.
بدأت حين تفاجأت بوجود أشياء في دولاب زوجها لا يستعملها معها ، وعددها ينقص كل يوم، علمت أن شريكة لها هناك.
حصل الطلاق ،
قررت أن تكون تجربتها الجديدة بعيدة عن السودان
تزوجت بشاب أفريقي يشاركها الإسلام.
عاشت حياة سعيدة
تقول: وجدت في زوجي الاهتمام والاحترام والإخلاص وتعلمت حياة جديدة مليئة بالحيوية بعيدة عن الرتابة وعرفت معاني جديدة لطيبة القلب وللحب
الزواج تم بغير رضا الأهل
رغم أن الدين يمنحها الحق أن تزوج نفسها وهي ثيب
كان قرار من حولها هو المقاطعة
قاطعها أهلها
لسببين
أنها زوجت نفسها
وأنه أفريقي غير سوداني.
أصبحت تقاسي النيران
بين حب زوجها وإخلاصه
وحرب أهلها التي استخدموا فيها كل الأسلحة النفسية والشعوذية ولم يتركوا باباً لتشويه سمعتها أمام جيرانها ومعارفها وزملاء عملها
في حرب غريبة ، نسوا تماماً أنها ابنتهم.
----
لا أدري ما هو حالها الآن
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
.الاخت نعمات
كل عام وانت بخير وربنا يحقق امنيتك وانشاء الله يسهل ليك امريكي سوداني ولا امريكي ود حلال ياكريم
شكرا كثير علي الشرح والطرح الثلث الذي يدل علي مدي تفهمك للواقع المعاش بين مجتمعاتنا السودانيه وكانت اجبتك تنضج بالوعي والادراك
ولك مني كل التقدير والاحترام
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hatim Elmaki)
|
Quote: يا صابر
انت ود جبريل نام مع رمضان ولا خائف يجينا هنا يقول رائ عن السودانيه تقوم الوليه تطير عيشته ولا يتكلم عن المغاربه قيامته تقوم مع اصحابه المغاربه تحيه بطعم الشاي الاخضر والنعناع له والي اسرته |
والله من بداية البوست دعيناه فهو الخبير المغربي في المنبر
وربما المانع خير ولكن يقيني لديها من المداخلات التي ربماتشرح لنا
الكثير من المخفي لهذه الظاهرة
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: صابر فضل المولي)
|
الأخ صابر فضل المولى وضيوفه الكرام
كل عام وانتم بخير
مع انى ليس من مدمنى التحدث عن الذات ولكن لدى تجربه احببت أن اشارككم بها تزوجت ولأكثر من تسع سنوات اجنبية بعد نهاية السنة الثانية
أدركت فداحه الخطأ ولاكنى صممت على أن اصلحها و أصلح نفسى فغطست و غرقت بالرغم من تعليمها و ثقافتها و حبها الذى لا يوصف لبوب مارلى و الأفريقانية .
بعد فترة نقاهه وتفكر و مراقبة لحال من تورط مثلى وانا اعلم ما يدور بخاطرهم الأن و أعلم حالهم فهم فى حاله سعادة زوجية اجبارية ,اللهم فك أسرهم.
أقترنت بسودانية رغم الخوف الذى كان ينتابنى من تكرار الخطأ تزوجت فأرتدت الى الروح الأن فى حياتى شخص يخاطبنى من منطلق ثقافتى
شخص يستقبلنى عند الباب و يودعنى عنده يسأل يفكر يحسب و يحاسب و يحاسب اذا حكيت له نكات فهما و ضحك لأنها من صميم مجتمعنا نتعارك فى السياسة و فى مريخ هلال و فى ملاحى طاعم و لا مسيخ
يخاصمنى ان قصرت فى حق الأهل و أخصامه فلان تزوج وفلانه بنتها نجحت و فلان مريض فلنصلهم و نطمئن ونبارك, تلك هى النكهة التى تفتقدها ان تزوجت اجنبى او اجنبية , أصبحت أعشق السودان و أبحث عن طرق العودة بعد أن تقطعت صلاتى به لسنوات عجاف .
بعد هذه التجربه المريره اصبح كلام زوجتى السودانية عن الذهب غناء يطرب أذنى و حديثها و ثرثرتها قيثاره تعزف لحن الخلود فى اذنى و صرفها البذخى بلسم يشفى عليلى فهى الأصل و غيرها الفرع اتفنن فى اسعادها لانى منحت قبلها هذا الحق لغيرها وهم لايستحقونه وهى من تستحقه فأرى فيها طيبة أمى و دلال أختى و حكمة خالتى و حنكه عمتى
لا تظلموا السودانية عاملوها كما تعاملوا الأجنبيات تدخلوا معهن للمطبخ لتثبتوا لهن كم انتم متحضرون اما للسودانية لا فلماذا تزوجتك ,نحترم الأجنبية بقوة الشرطة فى الغرب لأن قوانين بلادها تحميها ضد العنف اللفظى و الجسدى اما السودانية فتسمع كل كلام الدنيا الفارغ و مطلوب منها ان تصمت و تسكت و الا تكون قليلة ادب و عديمة تربية ,خذوهم لدور السينما كما تأخذوا الأجنبيات لتثبتوا لهن ثقافتكم اما للسودانية المرا ليها بيتها
وفعلا زى السودانية مافى , ربنا اسعد الجميع سواء مع اجنبية او اجنبى اما انا فالحمد لله الذى هدانى الى صراط مستقيم
لك كل الود
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حسن الجيلى سعيد)
|
كتب/ حسن الجيلي سعيد:
لا تظلموا السودانية عاملوها كما تعاملوا الأجنبيات تدخلوا معهن للمطبخ لتثبتوا لهن كم انتم متحضرون اما للسودانية لا فلماذا تزوجتك ,نحترم الأجنبية بقوة الشرطة فى الغرب لأن قوانين بلادها تحميها ضد العنف اللفظى و الجسدى اما السودانية فتسمع كل كلام الدنيا الفارغ و مطلوب منها ان تصمت و تسكت و الا تكون قليلة ادب و عديمة تربية ,خذوهم لدور السينما كما تأخذوا الأجنبيات لتثبتوا لهن ثقافتكم اما للسودانية المرا ليها بيتها
وأقول لك شكراً جزيلأً على الكلمات المفيدة.
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: حسن الجيلى سعيد)
|
| Quote: لا تظلموا السودانية عاملوها كما تعاملوا الأجنبيات |
الاخ حسن تحيات وكل عام وانت بخير
لا احد بجرؤ علي ظلم السودانية والا ظلم نفسه.. المسألة ان الزواج
من السودانية ربما فيه بعض التعقيد الذي يجعل الشباب يذهب ويتزوج
من اجنبية ولا شرط في الاجنبية ان تكون اوربية التي تتباين ثقافتها تماما
معك ...
وربما الظروف ساعدتك لتستطيع ان توفر الذهب والغالي والنفيس من الثياب
والعطور .. ولكن غيرك يصعب عليه حتي (فتح الخشم) الذي اصبح هذه الايام
رمز تفاخر وتباهي وتزركش الفلوس فيه كما العروس
ولك تقديري
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
كتب صابر:
وربما الظروف ساعدتك لتستطيع ان توفر الذهب والغالي والنفيس من الثياب
والعطور .. ولكن غيرك يصعب عليه حتي (فتح الخشم) الذي اصبح هذه الايام
رمز تفاخر وتباهي وتزركش الفلوس فيه كما العروس
ولك تقديري
وهذا ذنب مجتمع كامل ولا تتحمله الفتاة لوحدها. ذنب مشترك يبدأ من والدها ووالدتها وأهلها ومن تقدم وأهل من تقدم وكامل المجتمع الذي يصر على الاستمرار في هذه الطقوس الغبية غير المتوافقة مع الواقع ولا مع متوسط الأجور ولا مع أي معادلة اقتصادية أو اجتماعية.
تحياتي صابر وضيوفه الكرام وعيدكم مبارك.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
اخ صابر لك التحية
Quote: وربما الظروف ساعدتك لتستطيع ان توفر الذهب والغالي والنفيس من الثياب
والعطور .. ولكن غيرك يصعب عليه حتي (فتح الخشم) الذي اصبح هذه الايام
رمز تفاخر وتباهي وتزركش الفلوس فيه كما العروس
|
لذلك ذكرت لك انى لا احب التحدث عن الذات انا لم اوفر لها الذهب و الغالى كما اورت الحمدلله مستورة و لكنى كأى مكافح مثلكم اقتات خارج الوطن لسترة الحال
لكن اردت ان اوصل فكرة فقط عندما نتهم السودانية بأنها كثيرة المنصرفات و متطلبات زواجها كثيرة فذلك لا يعنى التخلى عنها و علينا بالنظر الى الجزء المليان
من الكوب و عن ايجابيتها التى تفوق كثير سلبياتها و اريد ان اوضح ايضا اننى مازلت مصر على موقفى بالرغم من السلبيات ان وجدت طبعا تظل السودانية سيدة
الموقف و كلامى عن تجربة شخصية ليست للتباهى و لكن للفائدة
لك كل الود
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حسن الجيلى سعيد)
|
الاخ هاني مل عام وكل البورداب بخير
| Quote: وهذا ذنب مجتمع كامل ولا تتحمله الفتاة لوحدها. ذنب مشترك يبدأ من والدها ووالدتها وأهلها ومن تقدم وأهل من تقدم وكامل المجتمع الذي يصر على الاستمرار في هذه الطقوس الغبية غير المتوافقة مع الواقع ولا مع متوسط الأجور ولا مع أي معادلة اقتصادية أو اجتماعية. |
اذا المعالجة يجب ان تتم من الاسرة قبل البنت
نحتاج توعية اجتماعية شاملة لنضمن استقرارا اكبر في الزيجات السودانية سودانية
العزيز هاني
Quote: السودانية بأنها كثيرة المنصرفات و متطلبات زواجها كثيرة فذلك لا يعنى التخلى عنها و علينا بالنظر الى الجزء المليان
من الكوب و عن ايجابيتها التى تفوق كثير سلبياتها
|
كثير من المتداخلين ربما يصحح قولك
ويقول ان الاجنبية ايضا فيها الكثير من الايجابيات
وان لا ننظر للجزء الفارغ من الكوب
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
الاخ صابر وضيوفه
تحية واحترام العيد سعيد عليكم جميعا
الموضوع دا موضوع كبير لكن لابد من نقاشه
قبل شهرين او تلاتة كنت في زيارة سريعة للصديق عبدالباقي الظافر في صحيفة
اخر لحظة .. وجدت معه رئيس حزب الوسط الاسلامي الدكتور يوسف الكودة
وعرضا خلال الانس سالني الظافر عن الزواج والتفير به ,, قلت له النية موجودة
ولكن كيف ؟؟ في ظل الظروف الاقتصادية التي نمر بها الان ..
قاطعني العريس د. الكودة قائلاً ( والجابرك على العرس الغالي شنو؟ انا هسة عريس)
قت ليه انت دستوري سابق ورئيس حزب وزول قديم يمكن عندك موارد ما زينا نحنا
شباب اليومين دي ...
قال يا ابني والله انا سافرت من السودان وما كان عندي غير 2500 دولار وما كنت
خاتي في راسي الزواج اصلاً .. وصلت المغرب وربنا قسم واتزوجت من نفس المبلغ
وجبت العروس معاي وسكنت العروس في جزء من بيتي .. والامور ماشة والاولاد
بكونوا معاها في بيتا اكتر من قعادهم مع امهم .. وقال باللفظ ( المغربيات نعم النساء)
وانا بنصحك يا ولدي انت واولادي القدرك تعرسوا مغربيات .. بسيطات وجميلات
وبقدرن الراجل وبحترمنو وفوق دا كلو عرسن ما مكلف ّّّ!!!
والله يا جماعة جنس كلام الكودة دا طوالي خلاني فكر في الموضوع
المهم طارق جبرين قريب وبنسجل ليخ زيارة
اضافة لدا كلو اديكم نموذج تاني
عندي ود خالي شقيق امي فرنسي الجنسية بعد غربة 10 سنوات او اكتر
جاء اتزوج واحدة من بنات الاهل .. سنة ما تموها فركشو الموضوع وراحت
الضحية طفلة طلعت لقت ابوها وامها منفصلين .......
صاحبنا بعد فتترة اتصل بينا وقال انو ح يتزوج من مغربية والحمد لله تم الزواج
ومستورين ومورهم تمام .
بعد عرسا جاء ورجع وهسة معيد معانا في الخرطوم ومبسوط .. ومع ذلك هو
رجل متدين جداً وحافظ القران الكريم باربعة روايات
وتاني برضو احكي ليكم دي قبل الموضوع يتم
عندي دفعتي وصاحبي جداً ديامي (شفت) مقيم في الامارات اليومين دي
جاء العيد ووكتنا كلو مع بعض .. قال لي بلاش سودانيات بلاش بتيخ
جابي ليه مغربية ماشاء الله جمال واخلاق وزوق وغايز يعرسا لانها
بتقدروا وصادقة معاه ...
هسة جنس ديل يا نعمات حمود
مسخو لينا بنات النيل ... والله صحي
غايتو يا جماعة انا داير لي مغربية سريييييييييييييع
وعليكم الله واحدة كمان لاخونا زهير عثمان
مع دا كلو والله بنات النيل سمحات الا عرسن غااااااااااالي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
واستأذنكم أيضاً في مناقشة قضيّة أخرى متعلقة بالموضوع ومترتبةعليه.
حكى مأذون في عقد زواج حضرته العام الماضي. عن أنّه يكمل خمسة دفاتر من قسائم الطلاق مقابل كل دفتر قسائم زواج ينتهي منه.
سألته إن كان الأمر متعلقاً به هو فقط أو أنه أخصائي طلاق.
أجاب بالنفي وقال ستجد النسبة متقاربة لدى باقي المآذين.
هنا أستفسركم زملائي في المنبر. هل كلام هذا المأذون صحيح من خلال مشاهداتكم ومعارفكم اليومية؟
شكراً جزيلاً ، أرى أن موضوع البوست - بتشعباته وتفرعاته- يمثل مدخلاً لنقاشات اجتماعية كثيرة تفيد المجتمع.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
Quote: وقال باللفظ ( المغربيات نعم النساء)
وانا بنصحك يا ولدي انت واولادي القدرك تعرسوا مغربيات .. بسيطات وجميلات
وبقدرن الراجل وبحترمنو وفوق دا كلو عرسن ما مكلف ّّّ!!! |
الاخ حافظ كل سنه وانت طيب
هذا الرأي يصب في مصلحة الزواج التاني
وانت كده شيل شيلتك مع نعمات ومناصري الخمره
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عزالدين عباس الفحل)
|
اليوم أتابع مراسم زواج سوداني كامل الدسم يتم في الخرطوم.
ورغم كل مظاهر البذخ الحاصل إلا أن كلاً من والد العروس ، والسيد العريس يشكيان لطوب الأرض مما يسميانه بـ "حركات نسوان" ، كأنه لا دور لهما في ضبط الأمور.
دفع السيد العريس حتى الآن (حسب روايته) : مائة وتسعة وثلاثين مليون جنيه وكسور.
ودفع السيد والد العروس حتى الآن (حسب تسريباته): ستة وثلاثين مليون جنيه.
وما زال الأمبير في زيادة
كم ستكون التكلفة الكلية لهذا الزواج؟
وفي النهاية هو حيجمع "ولد وبنت" ولا شيء تاني ؟
- ربنا ييسر لهما -
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
Quote:
Re: زواج المغربيات وعنوسة السودانيات العلة والسبب
Author: صابر فضل المولي
كتب هاني مستغربا
Quote: دفع السيد العريس حتى الآن (حسب روايته) : مائة وتسعة وثلاثين مليون جنيه وكسور.
ودفع السيد والد العروس حتى الآن (حسب تسريباته): ستة وثلاثين مليون جنيه.
وما زال الأمبير في زيادة
هذه الارقام ياهاني يوجد الأعلي منها تنافس غريب..وسبب في الهجرة
|
تحياتي صابر .
إذا قرأت المعلومات أعلاه مقرونة بالحقائق التالية:
- لا يمتلك العريس منزلا وسيعيش في منزل مؤجر.
- لا يمتلك مصدر دخل إضافي أي سيعيش عيشة ضنكاً.
- كل المبالغ أعلاه (والمبالغ الإضافية التي صرفت بعد كتابتي للمداخلة) هي فقط لطقوس استمرت أياماً قليلة ولن يبقى منها إلا ذكريات.
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
هاني يتحسر علي المبالغ المدفوعة
| Quote: كل المبالغ أعلاه (والمبالغ الإضافية التي صرفت بعد كتابتي للمداخلة) هي فقط لطقوس استمرت أياماً قليلة ولن يبقى منها إلا ذكريات. |
هاني هل تعلم بان كثير من الشباب يستدين من البنوك في الخليج ليكمل زواجة
وبعد الزواج يحصل التعثر والتدهور المالي والاقتصادي الدي ادي في بعض الحالات الي الطلاق .......
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
وتاني برضو احكي ليكم دي قبل الموضوع يتم
عندي دفعتي وصاحبي جداً ديامي (شفت) مقيم في الامارات اليومين دي
جاء العيد ووكتنا كلو مع بعض .. قال لي بلاش سودانيات بلاش بتيخ
جابي ليه مغربية ماشاء الله جمال واخلاق وزوق وغايز يعرسا لانها
بتقدروا وصادقة معاه ...
هسة جنس ديل يا نعمات حمود
مسخو لينا بنات النيل ... والله صحي
يا انقابو ...عيدك مبارك ....
والله طعم السودانية لا يقاوم ابدا لا بمغربية ولا مصرية وممكن تسأل المجربين هنا وهناك ..وليس كل ما يلمع ذهبا
وبعدين صديقك جابها من وين (وكلمة جابها دي تعني لي الكثير من المعاني التي تؤكد عظمة السودانية ....
يا صابر ....
جيتك تاني ..لحكاية الدهب دي ...شايفاك مركز عليها شديد ...
اولا كثير من السودانيات اول زنقة لازواجهن بكل رضا وفرحة بيصرفو دهبهم كووولو ويجروا جري يفكو ازمة ازواجهم ....
والحاجة التانية الان بقوا كوولهم لابسين فالصو يعني ببساطة انتهت حكاية الدهب ولبس الدهب ولون الدهب ..
ويا حليل زمان الدهب البهدوهو الاخ والخال والاب للزوجة قبل زوجها ....
ولعلمك يا استاذ صابر
انا ما معاك في حكاية العنوسة دي وانها ظاهرة ويرجع سببها من اساسو لمغربية او غيرها ....السودان في زمن ازدهار الزواج وكل ما اسافر وارجع بلقى صديقاتي كولهم اتزوجوا نحن بس الضايعين في الغربة ...
والبنات بقوا بتساهلوا لدرجة مزعجة من التزامات الازواج والاهل اي زول بيجيهم لبنتهم بتموهو بكل قدرتهم ...
ومن اساسوا انا شخصيا لا اضع
سودانية في موازنة مع مغربية مع كل الاحترام للذين ساقتهم ظروفهم او سميها قسمتهم للزواج بغير السودانية او السوداني
ومصيرهم لو لقوا فرصة يرجعوا والا يموتوا بحسرتهم ....هههههه معليش
وللذين يتساءلوا عن زواج البنت بغير السوداني
فصدقوني دي الصدمة الحقيقية في الحياة وانا عن نفسي لا استطيع معاشرة غير السوداني بصورة مطلقة حتى في العلاقات العادية ولا اشعر بطعم الكلام والونسة الا مع السودانيين رغم ان من حولي ولا سوداني ما فيهم ...
انصحكم بالسودانية ولا غير السودانية ومن فاتتهم فعليهم الرجوع ان امكن والا الله في عونكم
ومني محبتي
كسرة :
بزعل شديد في اي واحد يعاين لحبشية مجرد عين وانسوا زعلي في الارتباطات المقدسة .....
مني محبتي
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: نعمات حمود)
|
.
Quote: كسرة :
بزعل شديد في اي واحد يعاين لحبشية مجرد عين وانسوا زعلي في الارتباطات المقدسة ..... |
كسرة :
بزعل شديد و لي هسه كل ما اتخيل نفسي أنوا مره على زمن وزوجتى ماكانت ((( حبشية )))
--------
*أتمني أن يتم التناول هنا بعيد عن التعالى الاجوف والنظرة السطحية للامور .
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عبد الناصر الخطيب)
|
Quote: كسرة :
بزعل شديد في اي واحد يعاين لحبشية مجرد عين وانسوا زعلي في الارتباطات المقدسة .....
كسرة :
بزعل شديد و لي هسه كل ما اتخيل نفسي أنوا مره على زمن وزوجتى ماكانت ((( حبشية )))
--------
*أتمني أن يتم التناول هنا بعيد عن التعالى الاجوف والنظرة السطحية للاموما فات شي الزعل في شنو اسي انت فيها ....
وبس كمان حابه اقول ليك حاجة لا تعالي ولا جوفاء
بكل تواضع وموضوعية جد كدا بحسسوني بالدونية وهم نفسهم كثير منهم لا يحترمو انسانيتهم وخاصة الاتي رايتهم هنا بالامارات
لان الله كرم الانسان بالعقل
كونك تفكر بالطريقة دي تكون ظلمت نفسك (اقصد الحبشيات )وكيفية تفكيرهم في الرجل السوداني بوجه الخصوص والذي منه
والمشاهد محفوظة ومعاشة للكثيرين ....
وانا لا اتعالى ولكنها الحقيقة مع احترامي لبعضهن ولكن السائد والمشاع وربنا يوفقك مع زوجتك الحبشية وترجع بعد تعرف قيمة السودانية
وفي النهاية العوج والعديل راي كما يقول زميلنا
ومني محبتي للرجل السوداني المتميزين وغير المتميزين
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
.
Quote: بكل تواضع وموضوعية جد كدا بحسسوني بالدونية وهم نفسهم كثير منهم لا يحترمو انسانيتهم وخاصة الاتي رايتهم هنا بالامارات
لان الله كرم الانسان بالعقل
كونك تفكر بالطريقة دي تكون ظلمت نفسك (اقصد الحبشيات )وكيفية تفكيرهم في الرجل السوداني بوجه الخصوص والذي منه
والمشاهد محفوظة ومعاشة للكثيرين ....
وانا لا اتعالى ولكنها الحقيقة مع احترامي لبعضهن ولكن السائد والمشاع وربنا يوفقك مع زوجتك الحبشية وترجع بعد تعرف قيمة السودانية
وفي النهاية العوج والعديل راي كما يقول زميلنا |
الله لا جاب زعل
مجرد ملاحظة لما تقراء للبفتوا بدون علم أو تجربه حقيقية لمجرد إنطباعاتهم عن غيرهم
الدونية هنا بتكون (( إسقاط )) للبعض لانوا ده بيكون إحساسهم خصوصا في مغترباتهم
لما يحتكوا بمجتمعات توحي ليهم بكدة ... فبسقطوا نظرتهم دي على غيرهم حتى لو غيرهم
ديل ما عندهم أي نوع من الاحساس الزي ده بالعكس عندهم فخر وانتماء حقيقي لبلادهم وملامحهم
الثقافية وأشياهم ........ كلامي ببنيهوا على ثقافتي السودانية البحته ومعرفتي ببلاد الجيران واهله
في بلادهم ومحيطهم الطبيعي ... باطلاع كامل على ثقافتهم وتاريخهم ومحددات مجتمعاتهم الفيها الزين والشين
وده شي مختلف عن الاحكام المبنية على مجرد إنطباع ....عشان كده جبنا سيرة التعالي الاجوف
أكيد ما بعرف الامارات ولا الحبش الفيها بس النماذج دي ما حصريا علي الحبش وبس
عشان كدة ما حتكون صالحة انها تكون حكم على مجتمع كامل , تفكيرهم في الرجل السوداني
الجزء الكبير من اللوم بقع على الرجل السوداني نفسوا .... ما محتاج أقول أي مجتمع فيهوا الصالح والطالح
والاحكام المعممه ما بتصلح يتحكم بيها على مجتمع كامل من غير معرفه بيهوا !!!!!!!!
ما محتاج أعرف قيمة السودانيات لانوا ده شي مفروغ منوا والدتي أختى جدتي خالتي عمتي كلهم سودنيات
غير كده كزوجة او شريكة حياة للاسف ما بنفع ما عشان رأى سلبي ........... لقناعة ونصيب
------------------
* ولو الله شاء النصيب ده ينقطع , و فكرته أتزوج تاني برضوا حاتزوج (( حبشية ))
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
فسرت الاستاذه نعمات
Quote: اولا كثير من السودانيات اول زنقة لازواجهن بكل رضا وفرحة بيصرفو دهبهم كووولو ويجروا جري يفكو ازمة ازواجهم ....
والحاجة التانية الان بقوا كوولهم لابسين فالصو يعني ببساطة انتهت حكاية الدهب ولبس الدهب ولون الدهب ..
ويا حليل زمان الدهب البهدوهو الاخ والخال والاب للزوجة قبل زوجها .... |
طيب لو ما كان عند الشاب حق الذهب دا ...ينتظر لحد مايجمعو ..... عشان تصرفو المرة وقت الزنقة
صادفتني من ترفض ان تبيع قيراطا واحدا لحل ضائقة زوجها .. وفي من تبيع ملابسها لتشتري عدة لمطبخها
وجاييك
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: فخرالدين عوض حسن)
|
التحية والتقدير لصاحب البوست وجميع المتداخلين
عايز اكون صريح وواضح ان المشكلة تكمن فى : العلاقة الجنسية
ومعظم المشاكل تبدأ وتنتهي هناك
مع مراعاة فارق التوقيت
مع الاحترام والتقدير للجميع
الاخ فخري ....لك جزيل المحبة
ولكن تبقى عندي التساؤلات الملحة
هل يخجل الرجل السوداني من زوجته والعكس في احتياجاته ؟وهل كان هذا بفعل النشأة الاولى لنا ؟
في الوقت الذي يكون فيه مع الاخرين صريحا وواضحا في كل ما يحتاجه ويحبه ويرغب في فعله ؟وكذا النساء .!!!!!
هل تنقصنا الجرأة في الطرح لحاجياتنا وهل هذه الموروثات حجمت من حقوقنا وعقدت حياتنا ؟
تساؤلات كثيرة المسها كثيرا في العلاقات العادية واحيانا امارسها كغيري في حرية التعبير عن اشيائي ..
المهم
نرجع لموضوعنا وموضوع الاستاذ صابر فضل المولى والزواج من المغربيات والعنوسة السودانية
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
المحترمة نعمات حمود ،
حياك الله
قبل اسبوع تقريباً أنا كنت ،
في السعودية ،
رحلة عمل ،
فجاءة فتحت المنبر هناك ،
وجدت موضوع المغربيات ،
البوست شدني بصراحة ،
وهو من أميز البوستات الرائعة ،
يتميز بنضج المتداخلين ،
وجودت الاراء ،
لكن لم يكن هناك من الوقت للمداخلة ،
الوقت كان أضيق للغاية ،
أتمني أن أجد من الثواني ،
ما يسـد الرمــق ،
Quote:
يا ساتاذ عز الدين مرحبتين بيك في بوست المغربيات ...
ومشغول بشنو ....ننتظر قدومك بيننا وهنا بالمداخلات والافتاء كونك احد الذين يراقبون الموقف والظاهرة ....
ننتظر عودتك
مع محبتي
نعمات حمود
|
عزالدين عباس الفحل
ابوظبي ،،
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
Quote: الاخ فخري ....لك جزيل المحبة
ولكن تبقى عندي التساؤلات الملحة
هل يخجل الرجل السوداني من زوجته والعكس في احتياجاته ؟وهل كان هذا بفعل النشأة الاولى لنا ؟
في الوقت الذي يكون فيه مع الاخرين صريحا وواضحا في كل ما يحتاجه ويحبه ويرغب في فعله ؟وكذا النساء .!!!!!
هل تنقصنا الجرأة في الطرح لحاجياتنا وهل هذه الموروثات حجمت من حقوقنا وعقدت حياتنا ؟
تساؤلات كثيرة المسها كثيرا في العلاقات العادية واحيانا امارسها كغيري في حرية التعبير عن اشيائي ..
|
الاخت الفاضلة نعمات لك مودتى وتقديرى واحترامى وكل عام وانتم والاسرة الكريمة بخير
حقيقة لم اغمس يراعى فى المداد حتى ينساب طبيعيا ولعله شئ من التربية
تزوج احد اصدقائي من مغربية وقد زرته هناك وعشت واقعا ما سرده لسانه
كان صديقى على قدر حاله هاربا من جحيم اغتراب ليبيا
لا يحمل فى جيبه شيئا يذكر
تزوج ابنة اسرة متوسطة الحال
وكان الحضور لا يتعدى اصابع اليد الواحدة
كان فرحهم عظيما بصديقى
لم يسألوه عن شئ
سمعة السودانيين تقدمتهم الى هنالك
كثير من بنات الحى تزوجوا من خليجين فعادوا من هنالك بعلقة وفقر وحزن والم وطفل
ومن تزوجت بسودانى احترمها ولم يضربها ولم يشتمها وسكن معها فى غرفه صغيرة رغم برودتها ولكن حرارة حب المغربية وصراحتها فى حاجياتها كانت تطفئ البرد والالم والجوع وكل الغرائز
لايجد السودانى صعوبة فى التعايش ويضرب الكسكسى بدون شكوى
السودانى حنون ومرتبط بالبيت ويحترم المرأة
الرجال المغاربة صعبين جدا ويضربون نساؤهم خصوصا الشباب منهم
المغربية - خصوصا الامازيغيات - تفضل السودانى لانه فى الاغلب شهم كريم جواد ..خصوصا ان اشبعته حبا فى كل المقامات ( اصلوا فاقد حنان ورقة كمان)
المغربية صريحة جدااا فى التعبير عن حاجاتها الجسدية والتمتع بحلالها
المغربية تبحث عن السترة
خصوصا وان عدد النساء فى المغرب يفوق الرجال اضافة الى هجرة الشباب والوضع الاقتصادى
المرأة المغربية تحلم ليلها ونهارها بزوج تفعل له كل ما يريد دون تكبر او كبرياء
عجبت اخت صديقى عندما رات زوجته المغربية الحامل تحمل طشت ماء دافئ بالملح وبشكير تدلك به ارجله امام الجميع عندما يعود من عمله مرهقا
رحل صديقى الى السودان
سكن اطراف امبدة
فى منزل ليس به الاساسيات حسب تعبير اخته
وتعجبت امه لقوة تحمل المغربية
وللحديث بقية
مع اطنان من المودة والتقدير لك اختى نعمات وللجميع وكل عام وانتم بخير
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: عزالدين عباس الفحل)
|
يا جماعة الخير ....
نحن شعب مختلف في طريقة تعاطية للاشياء وعندنا قيم تختلف عن الغير ....
للمراة السودانية لصدقها طرقها ومعاييرها للتعبير عن دواخلها وكذلك الرجل السوداني فعلى سبيل المثال
عندما يحب احدنا احداهن لا يكثر من ترداد كلمة بحبك كغيرة من الشعوب لذلك
:حكاية غسيل (الكرعين دي )لا تعني عمق الاحترام والتبجيل فلكل شعب خصوصيته ونحن لنا خصوصياتنا الاسرية
حتى ان المراة الام كانت لا تستطيع الاكل مع زوج ابنتها ..ناهيك ان تجلس زوجه امام ابوها او اخوها او اهلها او اهل زوجها لتمارس اي نوع من ممارسات الحياة الزوجية ...هكذا هي حياتنا وكل من يفعل غير ذلك يعتبر متمرد
وحتى صدقوني لو واحدة شالت (الموية وجابت الطشت وحبت تغسل رجول زوجها (ما بقعد ليها هو زاتو قدام اهلوا )
غيتو دي الشي الشفتو في السودان الا كان اتغير في فترة غيابي دي وانا ما اقدر اقول حاجة ...
يا جماعة انتو بتكابرو في شنو
السودانيين ديل حالة خاصة خاصة في العلاقات واشكالها وتعبيراتها ودلالاتها ومعطياتها
انا في شغلي الان كلما ياتي علينا زول سوداني ع طول بفتكروا انا بعرفوا لانو بطبيعة الحال نحن بنسلم وبنتعارف بلا حواجز وبلا قيود الا الوطن الواحد ....
ونصيحة ليكم في حكاية العنوسة دي شوفوا ليكم اسباب تانية دا ما سبب ولا حيكون يوم سبب
كل الحكاية صابر دا بروج لتوريط الباقيين معاهو ....
وهو لوفي طريق رجعة ليهو لاتانا صاغرا ولكن ويين بعد هناية وهنوية ...الله يحفظهم ليه ويكبروا ويعرفوا اهلهم وين وما يكرروا غلط ابوهم يرجعوا سيدا .......لحبوبتهم وابناء عمومتهم هههههههه
يا صابر كن بخير ومني محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
العزيزة نعمات
كتبت تستنكرين وتبرري
| Quote: السودانيين ديل حالة خاصة خاصة في العلاقات واشكالها وتعبيراتها ودلالاتها ومعطياتها |
العواطف لغة واحدة مثل لغة الجسد التي تكاد ان تكون واحدة .. الحب والتقدير يصلح في اي مكان وزمان
وعهد الحبوبات انقضي بدخول الستلايت الحياة والانفتاح علي الاخر بالقنوات الفضائية ووسائل الاتصال الاخري
وقلت | Quote: كل الحكاية صابر دا بروج لتوريط الباقيين معاهو .... |
لا اعرف سوي حالتي طلاق فقط من سودانيين تزوجوا مغربيات .. ودي ورطه حبابها...
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حمزه بابكر الكوبي)
|
كتب حمزة وله وجهة نظر قنبلة
Quote: ياسيد صابر بعد التحية والاحترام لك ولكل من يوافقك الرأي
كلامكم بعيد كل البعد عن المنطقية وكلام انطباعي وعاطفي فقط
وبجيك راجع برواقة بكلام بالارقام |
استاذي انا حتي الان لم اتبني اي وجهة نظر مع او ضد ولكني اعكس واقع اعايشه
فانا مرجعه ومصدره ،، وانا وانت وهو وهي نبحث عن الدوافع والاسباب
ومنتظرنك
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: فخرالدين عوض حسن)
|
تحيات اخ فخري
العلاقات الجنسية سبب من اسباب عزوف بعض الشباب عن الزواج من السودانية
وربما تقصد مشكلة الختان الفرعوني والتي بدأت في الزوال...
لكن فخري يجعل العلاقة الجنسية السبب الاول والاخير حين كتب
Quote: عايز اكون صريح وواضح ان المشكلة تكمن فى : العلاقة الجنسية
ومعظم المشاكل تبدأ وتنتهي هناك
|
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
الاخ صابر ...محبتي دوما واحترامي ....
بالنسبة لماقلته عن العلاقات والعواطف فانا اعي تماما ان الانسان هو الانسان وتكويناته واحتاجاته هي نفسها اينما يكون
ولكن ما اؤكده لك اختلاف طرق التعبير وبالشرح البسيط ....
هناك عدم صراحة من (البعض )مع زوجاتهم في ما يحتاجونه وقد تختفي هذه (الحياء )او الاحراج والتحرج مع غيرها وهذا الشي حتى من بعض النساء فهناك تحرج في العلاقات الخاصة واشباع الرغبات مما قد يتسبب في الكثير من المشاكل التي قد تودي الى اقامة احدهم علاقة اخرى لاحتياجاته ....ودا من خلال مخزون شخصي روايي من البعض ....
يا صابر لان الانسان هو الانسان ....يجب ان يتحرر الانسان السوداني من موروثاته المغلوطة حتى يعيش انسانا سليما كريما ..
يتحرر من قيوده في تعبيراته عن ما يريده وفي احتايجاته الغرائزية وطرق اشباعها كيفما يريد ...حتى لا يضطر الى ان يسلك طرق غير شرعية او شائكة تقوده الى المهالك (ههههه)....
يا صابر .....
احب ان اؤكد لك اسباب عنوسة السودانية ليست بسبب زواج المغربيات ابدا لا علة ولا سبب فيها ....
وهم كم واحد كدا تزوجوا من مغربيات وحنعملليهم حملة تحت شعار (الرجعة للبيت القديم )
مني مودتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
العودة للبيت القديم ... شعار اطلقته نعمات حمود
| Quote: وهم كم واحد كدا تزوجوا من مغربيات وحنعملليهم حملة تحت شعار (الرجعة للبيت القديم ) |
طيب هل تظني ان هذا الشعار قادر علي ارجاع الالاف المتزوجين من اجنبيات بخلاف المغربيات ؟
لا اعتقد غيري الشعار يانعناعه
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
الاخ صابر ...مني عهدي دوما ....
وكما اسلفت في مكان اخر القول بان هناك من تورط (ورطة كبيرة )يصعب الرجعة منها والخلاص سواء كانت مغربية او اروبية او اثيوبيا (ودي غالبا ما تكون الرجعة منها ساهلة جدا )...
اها شعاري بعدلوا (من استطاع منكم......)
تعرف عندي خالي متزوج من المانييا واصبح بحلم حلم بان يرجع ولكن للاسف فقد توغل كثيرا في بلاد الالمان ولم يسنطع الا بقلبه وهو اضعف الايمان ...
اها انت وين لخالي دا ؟؟
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: احمد العمار)
|
Quote: واجرى مقارنة بينها والسودانية فقال لي بان السودانية تهتم بالمظهر للخارجين اكثر من زوجها فقد تشتري تمانين توب وفستان سهرة وللبيت (ملابس النوم اتنين تلاته )وسوري للصراحة طبعا ولكن لا حياء في الدفاع عن النفس وويواصل بان المصرية تشتري ملابس نوم خمسين وكمين بدله للسهرات والخروج برا البيت فقلت له (كم فرشة اسنان وكم مزيل عرق )وضحكت كم مرة بتاخذ حمام في اليوم انسونا ياخي الدنيا رمضان ما تذكرونا ريحة النحاس والذي منو الواحد يرجع ويفطر ونشكر فضل الاغتراب الذي التقانا بالشعوب وتعرفنا على اصنافهم وعاداتهم وصححنا كثير من مفاهيمنا التي توهمناها زمنا
|
غايتو مبالغة يا نعمات حمود .. الدايرة تمسخى بتمسخى !!
هسة ناس سمية الخشاب مناظر من بعيد لى بعيد؟
طيب النقة كيف .. الزوجة السودانية متهمة بالنقة البتقصر العمر
مقارنتها كيف بى نقة الجنسيات الأخرى ؟
فى رأيى كهدف عام للزواج فالأفضل السودانية، ولكن لو الظروف وضعت الشخص أمام
إمرأة من جنسية أخرى مال لها قلباً وعقلاً وتوافقاً فهى قسمته وخيار مناسب.
الأقرب للثقافة والعادات واللغة والعقيدة أفضل من غيرها السودانية لإعتبارات
كثيره لها الأولوية، بعدها العربية، بعدها دول الجوار الأفريقى حسب الإختلاط
الجغرافى (الأثيوبية مثلاً) ، المسلمة الغير ناطقة بالعربية، ثم الأجنبية من
كلو بما فيهاإختلاف العقيدة. التحفظ فى نشأة الأطفال وتشكيلهم ثقافياً ودينياً
وسودانياً . فى الزمن الماضى الزواج من أجنبية ليس مقلقاً حيث فى الغالب تأتى
وتعيش فى السودان وتتطبع بحاجاته (يتم سودنتها). اليوم الإقامة خارج السودان
ما بين مجتمع عربى مسلم، أومجتمع غربى أو أقاصى الشرق (مشكلة الأطفال).
والغربة وإن طالت فعند معظم السودانيين مؤقتة، والرجوع للوطن فى البال،
فالزوجة غير السودانية بعد عشرة طويلة فى الخارج هل تقبل العيش فى السودان؟
وسودان اليوم يتحمله السودانين بمشقة، فكيف غيرهم ...السودانية هى الأنسب!
سيرة الأطفال تقود لمشكلة أكبر تطبع وثقافه وتشكيل وجدانهم فى بلاد الغربة
يصعب من رجوعهم وإقامتهم بالسودان، يفضلون وطن النشأة فى الغربة !
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نادر الفضلى)
|
الاخ نادر ....والله بلا مجاملة وبالتاكيد عشان اكون صادقة جدا وصريحة جدا ما حاعمم ليك
لكن صدقني ليس كل ما يلمع ذهبا وقد تفاجات كثيرا في بعض الشعوب كااااملة
واصابني ما اصابني
ناس كالنحاس ...وناس محاربا الفرشاه (المسواك )وناس محاربه الصابون بصحو من الصباح بلا حمام مجرد مزيل عرق وغسيل وجه ومكياج وهاك يا جينز وع طول العمل ....ودي حاجات اساسية في تحديد العلاقات وخاصة العلاقات الخاصة
وحتى البعض عندما يمارس النظافة بتكون لهدف وقتي بمعنى (يوم تكون مثلا واحده على موعد مع حبيبا بتمشي الصالون وهاك يا حمام مغربي وساونا عشان يطلعوا الكدوب (ال###### )وتاني للمواعيد الجديدة نفس التكرار وبالمناسبة كثير من الصادقين تفاجاوا واتصدموا بواقع بعد الزواج ومنهم من صبر واتعود ومنهم من تقبل الامر لانو كان بمارس نفس الفعل ....
المهم باختصار شديد ....السودانية وليس فخر يوم بالغلط ما بتشوف ريحة الا السمح
ارحمونا يا جماعة مافي وجوه مقارنات ولن تستطيعوا مجارات الاخرين والتخلي على عاداتكم الا القليل منكم او المكابرين
ويظل الشعار مرفوع تباعا (الرجعة للجذور )
او نقل (ويبقى الاصل )
محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
الاخ نادر ....بالنسبة لنصف السؤال الاخر ...اي حكاية النقة ...
هو وصف خرج من بعض العاجزين عن اداء واجباتهم لان المراة السودانية صبورة فهي تصبر عن الحوجه وتباصر كثير من الامور بمعنى تتنازل
عن حاجاتها واحيانا تظل تلح على المهم ولان الرجل السوداني لا يتحرج من زوجته السودانية وكثيرا ما يكثر من نغمة (ما عندي )ولانه يوفر للغريبة كل احتاجاتها بعنترية ومستحيل يقول ليها ماعندي رغم الطلبات الكبيرة والاستنزاف البمارسوه ولكن لطلبات متواضعة لا تتعدى الاحياجات اليومية تلقاهو يقول ليها ماف وماعندي وبعدين وعندما تلجا للحوار والالحاح يسميه نقه ...وربما لا نجدي لغة (اديني وجيب لي )كما البعض ..وحركات (الجمجرة )التي تمارسها الاجناس الاخرى عند الطلبات .....
مصرة المراة السودانية حتى نقتها جميلة ولكن (انها تعمى القلوب التي في الصدور ).....وكما في اذانهم وقر ......
معليش يا جماعة بس كل الحكاية لمن تكون بتحب زول بتخاف عليهو وما على الرسول الا البلاغ ...وانا يا رجال بلدي كلمتكم .....
مني محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
العزيزة نعمات حمود تتدعو الي العزوبية المقنعة .... ذكرتني بوش في حربه علي العراق ...
مهددا الدول (معنا او ضدنا) وتحذر نعمات
Quote: مصرة المراة السودانية حتى نقتها جميلة ولكن (انها تعمى القلوب التي في الصدور ).....وكما في اذانهم وقر ......
معليش يا جماعة بس كل الحكاية لمن تكون بتحب زول بتخاف عليهو وما على الرسول الا البلاغ ...وانا يا رجال بلدي كلمتكم ..... |
اها قعدوا عزابة شوفي ليهم عروسات معقولات... ونبدأ معك شعار تزوج من سودانية هل تستطيعي ان تقنعي بنات جلدك
بتنانزلات مغربية وتقشف واضح....؟
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نادر الفضلى)
|
الاخ نادر سلامات ... كتب مفسرا Quote: الزواج من أجنبية ليس مقلقاً حيث فى الغالب تأتى
وتعيش فى السودان وتتطبع بحاجاته (يتم سودنتها) |
سؤالنا ما هي الدواعي التي دعت الي الزواج من الاجنبية
كما ان هناك الكثيرات العائشات في السودان ردا علي سؤالك
| Quote: فالزوجة غير السودانية بعد عشرة طويلة فى الخارج هل تقبل العيش فى السودان؟ |
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
اها قعدوا عزابة شوفي ليهم عروسات معقولات... ونبدأ معك شعار تزوج من سودانية هل تستطيعي ان تقنعي بنات جلدك
بتنانزلات مغربية وتقشف واضح....؟
الاخ صابر ....وهل كانت هناك ازمة في اختيار الزوجة ...؟فانا اعرف اللاتي فرشن (بيت بكاء )يوم ان تزوجت انت مثلا
ومن كتمن الحسرة وكابرن وحضرن ليلة زواجك وهن دواخلهن تئن حزنا عليك (ههههه)
المراة السودانية اصبحت
واعية في امورها الحياتية اكثر من اللازم وتواضعها في متطلبات الزوجية احيانا يعتبر تنازل قد يسئ فهمه كثير من الرجال
لكن اتاكد المراة السودانية مسكينة من زمااان اتقشفت واتنازلت بمحض ظروفها ووعيها ....ودي ع ضماناتي ابقى راجع هههههههه
وباقل تكلفه .....
مني محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
الاخت نعنان تربطني بها علاقات صداقة ممتازة وطبعا تمزح حين تقول
Quote: الاخ صابر ....وهل كانت هناك ازمة في اختيار الزوجة ...؟فانا اعرف اللاتي فرشن (بيت بكاء )يوم ان تزوجت انت مثلا
ومن كتمن الحسرة وكابرن وحضرن ليلة زواجك وهن دواخلهن تئن حزنا عليك (ههههه) |
وقت الجد بتكثر المطالب .... وجربت ذلك بنفسي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
تحياتى لكم جميعا
واعتذار عن انقطاعى للمشغولية
اري عندما نتحدث عن المغربية ان لا يشمل الحديث كل اهل المغرب فهنالك قوميات وثقافات مختلفة بالمغرب
وبعضها لا يقبل الاخر
وبعضها شبيه بالثقافة السودانية
انا اقصد تحيدا: الامازيغ
امازيغ المغرب لهم ثقافة معروف عنها احترام الزوج وارضاء حاجاته
زائدا امتزاج تلك الثقافة المترسخة مع العصر الحديث خصوصا الثقافة الفرنسية الناتجة عن الاستعمار
كما ان دول مثل المغرب ومصر والحبشة تعانى اختلال سكانى واضح من حيث عدد الاناث للرجال
ونواصل
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: فخرالدين عوض حسن)
|
.
هاني عربي
بعد التحية ,,,
| Quote: ما هو تأثير الزواج بأجنبية على علاقة الشاب بوالدته وأبيه وإخوته ودوائر القرابة الأبعد ؟ |
عمليا الشي البحصل حيكون في ألف علامه استفهام على خيارك أكيد ما حتكون مطالب تقدم مبررات لكل
زول , الناس البهمهم أمرك شكل علاقتك بيهم هو البحدد , لما يكون عندك خيار لازم خيارك ده يستمد احتراموا
من أحترام الناس البهمهم أمرك ليك وثقتهم فيك , بعد كده البتكون خيارك دي برضها لازم تمد جسور الود والصلات الطيبة
بتعامله وتبرهن ليهم إنها في حسن ظنهم وده بيجي بالعشرة والعلاقة الطيبة .
لكين في الاخر برضوا الامر راجع لشخصيتك هل أنت الانسان الممكن يتدخل غيروا في حياتو ويقعد يقول
ليهوا تختار كده ولا ما تختار كده , حياتك زينة شينة ليك وماظن تأخد من الناس غير التنظير , حياتك الشخصية خط أحمر
كل ماكنت قافل باب زي ده يبقي البحاول يتدخل ببقي عارف سلفا أنو صعب يلقي اذن صاغية وحيخت نفسوا معاك
في حته ضيقة لانوا أبسط شي حتسألوا شائف عليك ولا على زوجتك شنو !!!
للضمان اكتر من بره دائرتك الضيقة أتعامل في حدود وما تسمح إطلاقا باي تنظير يتناول حياتك الشخصية
-------
الشي الأكيد تكون زول وأضح وحاسم في امورك ويكون اختيارك من الاساس كويس وفيهوا كل المعايير غير حته أنها من جنسية تانية
وقادرة تعامل الناس البهمهم أمرك معاملة جيدة مافي شي حيعمل مشاكل بينك وبين أسرتك وأخوانك , من غيرهم دائرة اصحابك ومعارفك
ماظن تتأثر بحاجة لانهم أكيد معرفتهم بيك تخليهم يثقوا في خياراتك .. في النهاية حياتك إدارته الكاملة عندك وقادر تردع أي بادرة تدخل أى كان
وحتكون عارف كويس النتائج ( + / - ) على رأسك ,عارف مسئولياتك ومتحمله كاملة
في حياتك الشخصية هاجس الناس ده ما تختوا كتير , لما تمارس خياراتك لحياتك
مدام أنك قادر تخت عينك في عين أتخن تخين وعندك كبير الجمل
تقديري
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
والسبب (Re: صابر فضل المولي)
إعلان ..
مطلوب تلاتة عروسات سودانيات
الاولى لي هاني عربي
التانية لي زهير عثمان
والتالتة لي حافظ انقابو
في انتظار العروسات
الاخ انقابو ....
احترت مين اختار ؟
لازم اعرف معطيات كل واحد عشان اختار كويس واللا كيف
ومافي مشكلة بختار واحد وعندي للباقين صديقاتي
وبنفس المواصفات المغربية والاثيوبية والاروبية ان شاءوا بالاضافة (للجودة السودانية )ههههههههه
ومني محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
حافظ يعلن التحدي الصريح
| Quote: مطلوب تلاتة عروسات سودانيات |
أرجو ان تكون الاجابات شافية وبالفعل يتم الترشيح السهل المرن
ويا حافظ ما هي شروطكم للزوجة ... ومواصفاتها
خضراء (خداري البي حالي ماهو داري) ام صفراء فاقع لونها تسر الناظرين
من ميز السودان انك تجد كل الاشكال والالوان وربما في نفس الاسرة الواحدة...
منتظين ردود
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
ربما يخلص البوست بزواج جماعي سوداني سوداني
وقد تقدم حافظ ونعمات بتقاربات لا ينقصها سوي الموافقة
ونحن الحضور بمشيئة الله ... ولكن حدث الصمت الرهيب ..... اين انتم ياعرسان
وبالمناسبة املك مجموعة من احتياجات الشيلة السودانية تكفي لعشرين شخص مستعد للتبرع بها
سمعونا صوتكم ان كنتم جادين ... او نبشر الناس بتولي وجوههم صوب المغرب .. بدون شيلات
وكبرتات...
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
Quote: ¿ وبالمناسبة املك مجموعة من احتياجات الشيلة السودانية تكفي لعشرين شخص مستعد للتبرع بها
سمعونا صوتكم ان كنتم جادين ... او نبشر الناس بتولي وجوههم صوب المغرب .. بدون شيلات
وكبرتات... |
يا خونا صابر ماشاء الله عليك مقتدر لزواج السودانيات يعني بكدا نفيت
حكاية عدم الاستطاعة والقدرة على المنصرفات وكون انك لك قدرة زيجات عشرين دا انت طلعت (أسد )
صوب المغرب ما بننصح بيهو حبيب الا من اراد فنقول على نفسها جنيت براقش ....
بالمناسبة قبل يومين زميل لنا متزوج من جزائرية وفنشوه راجع السودان طلقته زوجته وهي للجزائر سيدا وهو يحمل خيباته وطفلين الى السودان عدل .....اها نقعد للمساوي دي ...على فكرة قال لي تتزوجيني وترجعي معاي (كمان )
قلت ليهو الله يوفقك مشكلتي مابفكر ارجع اها
نرجع للطلبات القديمة فيهم شي بالسودان ؟
محبتي ونواصل
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
سلام وتحية
لصاحب البوست ولكل من أدلى/أدلت بدلو في هذا البوست
يا أخوانا في رأيي الشخصي الزواج ما بيخططوا ليهو
بمعنى إنه الواحد ما بيخطط يتزوج ياتو جنسية
دي علاقة بتحكمها ظروف كتيرة
ومتى ما توفرت الظروف الموضوعية والعاطفية لعلاقة تؤدي للزواج فسيتم الزواج
وليس كما قال شاعرنا أبو آمنة حامد فيما تغنى له وردي (بنحب من بلدنا ما برة البلد)
حيث أن الحب وإنتوا كلكم أسياد العرفين
وعلى رأسكم صاحبة بوست الشواكيش
الحب عندما يقع في محله
لا يتأثر بالجنسية فالحب علماني ديمقراطي لا يفرق بين اللون والدين والقبيلة واللغة
فاليتزوج من أراد الزواج من الرجال من اي جنسية دون وضع شروط ولتتزوج ما أرادت الزواج من أي جنسية
المهم يكون زواج سعيد
والتحية للعرسان والعروسات
______________________
الزواج مشكلته الوحيدة إنه علاقة بين إتنين بس الواحد ما بيقدر يتني ويتلت ويربع خاصة إذا كان عامل فيها مثقفاتي
لو ما كدا كان الزواج يكون من القبل الأربعة من السودان وحتى الصين
| |
|
|
|
|
|
|
|
|
 Re: زواج المغربيات وعنوسة السودانيات العلة والسبب (Re: نعمات حمود)
|
.
نعمات حمود
صباحك زين ,,,
| Quote: ماشاء الله عليك مقتدر لزواج السودانيات |
يا بت الناس الما متزوجين سودانيات ما عدم مقدرة ((( مادية ))) يتزوجوا سودانيات
في سودانيين بزوجوا بالفاتحة وما بحملوا الزول فوق طاقتوا ده عشان ما تتخيلي
أنو السودانيين كلهم بتاعين فارغة ومظاهر بعدين النقطة الاهم الزواج ببتدي بين الزوج والزوجة في بيتهم
المناسبة والهيصة والحاجات دي كلها حسب الواحد وظروفوا
وحتى لو ظروفوا مساعدة شوية ممكن يكون عندوا نظرية في الحته دي أنو يختصر مناسبتوا ده بتم مع الزوجة
بالاتفاق التام بينهم ... يعني شوية القريشات البكونوا مدخرنها تنفعهم لي قدام
لما تتزوج سودانية بينهم دي مافي حتى لو ظهرت زولة شخصيته قوية ومتفقه معاك على كل حاجة لما تجوا لخطوات الزواج
الكلام ببقي للأم والخالات والعمات والجارات ووووووووووووووووو
تحياتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Asim Fageary)
|
يا اخوي الخطيب Quote: [يا بت الناس الما متزوجين سودانيات ما عدم مقدرة ((( مادية ))) يتزوجوا سودانيات
|
انا بخاطب الاخ صابر تحديدا بالحتة دي لانو اورد ان السودانية مكلفة جدا واوضح انو دا سبب اساسي في ابتعاد البعض
وكون انه امن بهذا السبب لينفذ مخططه هاربا الى اقاصي المغرب العربي مننا كسودانيات وعندو قدرة لتزويج عشرين
على اسوأ الفروض لو كل واحدة ثوب ...ببقوا عشرين ...الخ يبقى انا صديقة شيخ عديل ونائمة جنب كنز وما عارفاهو ......
عبد الناصر انت زاتك حنرجعك وانا في لجنة العودة الطوعية ليك .......
مني محبتي
يور حفتي (نعمات حمود )
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
يا فقيري .....
جيت ضمن الاجاويد في التصالح بينهم وكنت شاهدا ساعة الطلاق ومتابعة وبعديها قال لي انو بحكم التفنيش لازم يرجع ولذلك تضامني معه جعله يعرض علي كتر خيرو ولو متاخر الطلب بس برضو حسيت بفرحة رجعته عند الشدة لبت بلدو ....وكان بودي اساعدو بس سبق السيف العزل ...
وطمنتو بانو الف واحدة جميلة من بنات السودان سيجدها ولكن عليه التخلص من تبعيات تجربته ..
وبرضو نقول اهو واحد جميل رجع ....عقبال ناس ناصر الخطيب والود الفقر صابر (فقر ونقر كمان )
مع محبتي
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: نعمات حمود)
|
نعمات ما هكذا تورد العروسات
Quote: يا خونا صابر ماشاء الله عليك مقتدر لزواج السودانيات يعني بكدا نفيت
حكاية عدم الاستطاعة والقدرة على المنصرفات وكون انك لك قدرة زيجات عشرين دا انت طلعت (أسد )
|
المشكلة يا نعناعه البنات ما كلهم راضين بالزواج الجماعي يعني ما كل الخبارات تصلح لهكذا نوع
وتبقي كفة المغربية مرجحة .. الاختيار وقلة التكاليف ..
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حافظ انقابو)
|
المحترم حافظ أنقابو ....
جهنم محفوفة بالنيات الحسنة ....
حيث أن الزواج من الأمور التي لا تحتمل الهظار البايخ أو غير البايخ. وهو أحد ثلاثة أمور هزلهن جد وجدهن جد.
وبما أنني لم أطلب منك أو أحدثك بأي شكل مباشر أو غير مباشر عن طلب زوجة لي.
أرجو منك التكرم بسحب اسمي من مداخلتك أعلاه.
وعدم استخدام اسمي مستقبلاً في أي موضوع دون الرجوع لي.
شكراً واحتراماً.
أخوك هاني
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: Hani Arabi Mohamed)
|
.
حفّتي / أختى / نعمات حمود
صباحك زين
Quote: انا بخاطب الاخ صابر تحديدا بالحتة دي لانو اورد ان السودانية مكلفة جدا واوضح انو دا سبب اساسي في ابتعاد البعض
وكون انه امن بهذا السبب لينفذ مخططه هاربا الى اقاصي المغرب العربي مننا كسودانيات وعندو قدرة لتزويج عشرين
على اسوأ الفروض لو كل واحدة ثوب ...ببقوا عشرين ...الخ يبقى انا صديقة شيخ عديل ونائمة جنب كنز وما عارفاهو ......
عبد الناصر انت زاتك حنرجعك وانا في لجنة العودة الطوعية ليك .......
|
عند السودانيين مقوله شهيرة في الحته دي (( بنعمل زي ما الناس بعملوا )) أكيد في البتفهموا
وبتقبلوا وفي البنسبة ليهم مظاهر الزواج ومناسبتوا وطقوسوا أهم من الزواج نفسوا .. لكين في
الاخر البتزوج حسب المظاهر الاجتماعية والبتزوج حسب مقدرتوا ... الزواج ياهو الزواج
ومهما عمل الواحد وصرف كلها يومين والناس تنسي وما يفضل ليهوا غير الحسرة على الصرفوا
في المظاهر الفارغة لما تغيب السّكرة وتجي الفكرة .......ويكون الرماد كال حماد
مع ملاحظتي أنو الزواج السوداني بتجي معظم تعقيداتوا من أنو الناس بتدخل في خصوصيات بعض بصورة مبالغ فيها
وبالتالي بكون في كمية من النقًة والأراء ما بتخلي الناس تعمل زواجه حسب الشي البناسبهم بعملوا بالشي البناسب الناس ومن هنا
بيجي الخلل الكبير في الانفاق الزائد والتكلفة الكبيرة .
*مع أنو ما عندي أى إعتراض على التكلفة الكبيرة بس بتوفر شرط الاستطاعة يعني ما يكون خصم على أشياء أهم .
مع كامل تحفظي على كلامك الاخير .... ما بنفع عودة لا إجبارية ولا طوعية
عارفة زوجتي (( بت أبوبكر )) ما ينفع يكون في حتته دي إلا هي …..
هسه بجتهد أخش الجنة عشان برضوا تكون زوجتى في الأخره …….
تحياتي ,,,
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: صابر فضل المولي)
|
Quote: استاذي انا حتي الان لم اتبني اي وجهة نظر مع او ضد ولكني اعكس واقع اعايشه
فانا مرجعه ومصدره ،، وانا وانت وهو وهي نبحث عن الدوافع والاسباب
ومنتظرنك |
صابر اسف للعودة المتأخرة
كيف لم تكن مع او ضد وانت عنوانك فحواه ان المغربيات هن سبب عنوسة السودانيات ؟؟؟
او هكذا فهمت انا
| |
|
|
|
|
|
|
|
|
|
Re: زواج المغربيات وعنوسة السودانيات العلة والسبب (Re: حمزه بابكر الكوبي)
|
تحية مجددا اخي صابر
خلينا نقسم الرجال السودانيين (متزوجو المغربيات او الذين ينون الزواج) الي
مناطق جغرافية من حيث تواجدهم واحتكاكهم بالمغربيات
1- داخل السودان
2- امريكا وكندا
3- الخليج
4- مناطق اخرى
5- اوربا
اولا قبل ان نعرج على الشباب المستقر في داخل السودان ننظر للسودان نفسه
كبلد هل اصبح هو بلد جاذب للعمالة ؟؟؟
الاجابة واضحة لا رغم ظهور عمالة مصرية وبعض دول اسيا اضافة الى
العمالة القديمة من دولتي اثيوبيا وارتريا والقليل من بعض الدول الافريقية
ما اريد ان اخلص اليه في هذه الجزئية اننا لم نصبح بعد دولة غنية جاذبة
للجميع ومن ضمنهم العمالة المغربية لكي تكون موجودة الاسر المغربية بيننا
ويحتك الشباب الموجود داخل بهن ويتم الزواج .
الشباب الموجود داخل السودان ايضا لم نسمع وسطهم بأنهم ينون السفر
الى المغرب للزواج بالمغربيات والشباب من الفقراء بالتأكيد لايستطيع
ذلك اما الاثرياء وابناء فطاحلة الكيزان اضافة الى نجوم المجتمع لم نسمع
ايضا بتفشي ظاهرة زواج المغربيات وسطهم وانت تعرف ان كان هذا
الامر تفشي لظهرت الكثير من (الشمارات) فيه !!!
اذا النتيجة ان شباب الداخل بنسبة قد تفوق ال90% غير متزوجين مغربيات
ثانيا السودانيين المتواجدين بالولايات المتحدة وكندا ايضا خلال متابعاتي
وعلاقاتي ببعضهم ومن مختلف المدن لم التمس منهم ان النسبة اصبحت
ظاهرة مخيفة كل الافادات تقول ان كل فينة والاخرى حتي يسمعوا بأن
سوداني تزوج مغربية !!!
النتيجة كذلك بنسبة كبيرة جدا غير متزوجين مغربيات
ثالثا السعودية ودول الخليج (انت احد المقيمين بها) واكيد احتكيت بكثير
من السودانيين من الاسر فهل حينما تذهب لمناسبة اجتماعية او محفل جامع
تلحظ كمية المغربيات اكثر من السودانيات في هذا التجمع ؟؟؟
النتيجة كذلك نسبة كبيرة جدا غير متزوجين مغربيات
رابعا نذهب الى دول (عربيا) مثل مصر سوريا لبنان ليبيا الاردن
(اسيويا) ماليزيا (افريقيا) اثيوبيا ارتريا اضافة لتفرقات في دول كثيرة
من الشتات السوداني وفيها ايضا لم نلحظ ظاهرة الزواج من المغربيات
بكثرة !!!
النتيجة كذلك نسبة كبيرة جدا غير متزوجين بمغربيات
خامسا واخيرا نعرج الى اوربا (حيث اقيم ) واقيم في بلجيكا حيث اكبر
تواجد للمغاربة في دولة اوربية والمعلوم ان اكبر نسبة للمغاربة خارج
دولتهم المغرب يوجد في اوربا وبلجيكا تأتي في المرتبة الاولى من حيث
تواجدهم ويليها فرنسا وهولندا والمانيا واسبانيا وايطاليا ثم باقي الدول
واقيم في مدينة انتويرب (ثاني اكبر المدن البلجيكية بعد العاصمة بروكسل)
ومن خلال عملي في اللجنة التنفيذية للجالية السودانية بالمدينة والاقليم بصفة
عامة قمنا بعملية حصر للسودانيين وكان من خلال هذا الحصر ان عدد
الاسر هو 67 اسرة منها 13 اسرة نصف سودانية ومن هذه ال13 هنالك
اربعة فقط فيها الحالات الزوجة مغربية يعني 4 من 67 وايضا 4 من 13
ضربها من ناحية نسبة مئوية حا تجدها ضئيلة جدا !!!
كذلك لدينا تواجد كبير في مدينة بروكسل وكذلك في مدينة اسمها قنت
اما باقي المناطق والمدن البلجيكية فلا توجد بها نسبة كبيرة مثل هذه المدن
الثلاثة ومن خلال مشاركاتي للكثير من المناسبات الاجتماعية والعامة
في تلك المدن والمناطق لم الحظ كثير من الزيجات المغاربية برغم عدم
علمي بالارقام بتلك المناطق الا انهن لايتعدين اصابع اليد الواحدة
كذلك من خلال مشاركاتي لبعض المناسبات العامة في كل من هولندا
والمانيا وفرنسا لم الحظ نسبة كبيرة من الزوجات المغربيات !!!؟؟؟
| |
|
|
|
|
|
|
| |
صابر فضل المولي
Hatim Elmaki
نعمات حمود
Hani Arabi Mohamed
حسن الجيلى سعيد
حافظ انقابو
عزالدين عباس الفحل
ابوعبيدة حسن محمد
فخرالدين عوض حسن
حمزه بابكر الكوبي
نادر الفضلى
Asim Fageary
وضاحة
Dr Salah Al Bander
فيس بوك
تويتر
انستقرام
يوتيوب
بنتيريست