د.القرشى، محمدالمرتضى، طراوة، اللندى، يحى القبانى، عثمان موسى، مطلوبون

مرحبا Guest
اخر زيارك لك: 03-29-2024, 08:53 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2012م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-25-2012, 05:38 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
د.القرشى، محمدالمرتضى، طراوة، اللندى، يحى القبانى، عثمان موسى، مطلوبون

    http://www.facebook.com/groups/14877954859389...otif_t=group_comment

    السلام يغشاكم
    كلكم ومعكم بقية الاخوة المهتمين الرجاء تسجيل حضور فى صفحة ابوصلاح على الفيس بوك
    توثيقاً للشاعر الضخم الفخم الفحل صالح عبد السيد ابوصلاح، نتمنى ان نراكم هنالك قريباً
    معكم وبكم سوف تكون الصفحه احد المراجع القيمة فى التوثيق لغناء الحقيبة الذى شكل وجدان
    الشعب السودانى ..
    فهلا استجبتم،،،
                  

08-25-2012, 05:51 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    ارحم يا سمير قلبى المانساكا ... اسمح لى بنظره لو فى الطيف عساكا

    قدمنا الطلب يا موج و في انتظار القبول ...
                  

08-25-2012, 06:00 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    Quote: ارحم يا سمير قلبى المانساكا ... اسمح لى بنظره لو فى الطيف عساكا

    قدمنا الطلب يا موج و في انتظار القبول ...



    يحى يا ود القبائل ...عيدك مبارك

    على وزن ارحم يا سميرى دى بقول ليك:

    انت مقبول خلقة وكل الناس المعاكا
    ومرحب يا صديقى وجيب معاك نداداكا ووييييييييييين،،،
                  

08-25-2012, 06:07 AM

حذيفة الحسن

تاريخ التسجيل: 08-22-2012
مجموع المشاركات: 29

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    الاخ صديق الموج

    دائماً حريص على اثبات حقوق الاخرين فقد شهدت تأبين الراحل المقيم الشاعر حميد واخراجكم لتلك الاحتفالية والتي كانت اجمل ما حضرت مؤخراً فلك التحية والتقدير بقدر حجم انجازاتكم القيمة
                  

08-25-2012, 06:19 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: حذيفة الحسن)

    Quote: الاخ صديق الموج

    دائماً حريص على اثبات حقوق الاخرين فقد شهدت تأبين الراحل المقيم الشاعر حميد واخراجكم لتلك الاحتفالية
    والتي كانت اجمل ما حضرت مؤخراً فلك التحية والتقدير بقدر حجم انجازاتكم القيمة


    حذيفة ......كل سنه وانت طيب
    شكراً للاطراء والله يشهد حضوركم كان اهم اسباب نجاح الليلة و دين حميد على السودان
    لا اظن سوف توفيه ليلة نتمنى ان نحتفى بحميد كلما كان ذلك ممكناً..
    نأمل ان نراك فى صفحة الشاعر الفخم الضخم ابو صلاح،،،
                  

08-25-2012, 06:26 AM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: حذيفة الحسن)

    أسمع
    انتا زاتك طلب الصداقة بتاعي الليهو 6 شهور وصل وين؟؟
    انتا قايل نفسك دينا خالد؟؟
                  

08-25-2012, 06:52 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: حذيفة الحسن)

    ... و قال ضمن ما قال،
    غضون تلك (الورديات) الطويلة لأشغال العُشق و الغرام و شعر النسيب،

    mariaDeBarros1.jpg Hosting at Sudaneseonline.com


    حبك يمزج أعضاءي إجمالي .. لو كنت يمين يهواك شمالي
    أظهر لا تبالي يا غزال الروض

    شكرا يا موج لهذا النداء الوطني الصادق،
    و لو والنا الزمان بسعة الوقت و هدؤ البال، فسوف اسجل بعض رواصد (السينتاكس)، أي ذلك النحو و التصريف الفذ عند هذا الصالح بن عبد السيد،
    و اقول : إنه حتى الحين فإن مفردات على شاكلة : اُحيلاهو ، عسالي، عينانِك، إخضرا، إتحكرا، تظل تمثل إسهاما" خاصا" جليلا" حفظ لأهل السودان خروجهم المشروع
    و تفردهم البائن وهم يقاربون المدرسة ( العربية ) لل خليل بن احمد الفراهيدي .. قصدي تلك المدرسة المضطلعة بأمر العروض و الاوزان و القوافي

    يحي قباني : لك سلامي و تقديري . . و إن جاز ان اضيف ما تيسر، فقد لاحظت أن السينتاكس عند ابو صلاح هو من ضمير الشعر نفسه، من لحمه
    و دمه، و ليس صنعة تابعة كما كان الامر عند قدامي ( النحويين) العرب من جماعة سيبوية و ابو الأسود الدوؤلي :

    متى ( ليا ) يفيق عقلي و يصحالى : لا ادري موقع ( ليا ) هذه من الإعراب .. لكنها و بعد كل حال هي مفتاح الامر برمته، وهي سر
    تلك المدرسة السودانية ذات النكهة الخاصة
                  

08-25-2012, 07:06 AM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    ماعايزين كورس؟؟

    جاهزين!!
                  

08-25-2012, 09:59 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: عبد اللطيف بكري أحمد)

    Quote: أسمع
    انتا زاتك طلب الصداقة بتاعي الليهو 6 شهور وصل وين؟؟
    انتا قايل نفسك دينا خالد؟؟

    القرضابى عيدك مبارك

    هو انا لاقيك وين وحاتك طرش الطوب وعمى الخرصانه الجاهزة
    بفتشك هسه دى، حبابك الف هنا وهناك،،،
                  

08-25-2012, 11:09 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    Quote: حبك يمزج أعضاءي إجمالي .. لو كنت يمين يهواك شمالي
    أظهر لا تبالي يا غزال الروض


    اخخخخخخخخخخخخخخخ يا طراوة العيد يتبارك عليك
    وبعد اذنك سوف انقل هذا الى هناك وكلنا شوق للجيه والانضمام الى اخيانك
    ولا اظنك تستكثر على ابو صلاح دقائق يومية تتعطر وتعطر الساحه،،،
                  

08-25-2012, 11:16 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 22291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)


    البديع هواك سباني - كلمات ابو صلاح

    يا البديع الهواك سباني يا أخا البدر يا مكمل

    كل من طرفه فيك تأمل قلبو من الغرام تحمل
    كم عقل في هواك مهمل مزوى بين خصرك المزمل
    المضمر فريعه باني علاه بدر الصفا المجمل

    يا جميل هجري طال تسلسل بين اياديك حبي ليك تمثل
    يا رشيق عن قتيل هواك سل برقك المن سناك يرسل
    نور عقيد درك الجمانى الضاوى بين فاطرك المعسل

    لي سواك قلبي لا يرى محل ومستحيل عن فؤادي ترحل
    وما بجد عن شروط هواك حل والسهم منه جسمي ينحل
    كم سحب لحظه سيف ازانى من طرفه السقيم وأكحل

    دول ايدك أم حرير مجدل والوريد ولا القامه اعدل؟
    هل صباح بالمحى تبدل ودا الاسيس ولا ليل مسدل
    والكتيف لي ضميره تاكى في أرائك الدروع مهدل

    ركني ليه من هواك تزلزل والنفوس في رضاك تبذل
    ياالرشيق الحشاك مهدل يا ملاك من علاك منزل
    المريض في الهلاك يعانى يحي لو طرفه فيك تغزل

    ياقمر في سماك مدلل شوقي زاد منامي قلل
    الملك لي الغرام تذلل لي قلب برضاك تعلل
    يا الهواك أضحى لي تهاني لابسه تاج بالدر مكلل

    كيف هواك عن فؤادي ينقل دا المحال ما أظنه يعقل
    يا رقيق الحشا المفقل يضوى سيف طرفك المصقل
    لو سحب لحظه هندوانى للجبال الرواسي قلقل

    قلبي بى ذكركم تأهل وشوقي كاد منه عقلي يذهل
    والدموع من عيوني تبهل ما أظن بالعلي تجهل
    في الخيال أحيا لو تراني والنجوم من وصالك أسهل
                  

08-25-2012, 11:50 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Abdlaziz Eisa)

    Quote: ماعايزين كورس؟؟

    جاهزين!!


    عبد اللطيف بكرى العيد يتبارك عليك
    تعال بى هناك وسترى عجبا..
    كرسيك قدام يا حبيب،،،
                  

08-25-2012, 11:52 AM

Ahmed al Qurashi
<aAhmed al Qurashi
تاريخ التسجيل: 08-28-2006
مجموع المشاركات: 4263

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Abdlaziz Eisa)

    لك التحية عزيزي ود الموج وكل سنة وانت طيب

    ليلى طال

    ليلى طال زى ديسك الهضلم نزل.....لضميرك يا فريهيدا انسبل
    والجبين النورو يتلاصف لمع......ضوه لينا الحله بالاربع قبل
    **************
    فيكى حاجب زى هلال اسود غزر......والرمش من طوله فى طرفه انشبل
    شابه النشاب والقوس والوتر..............قلبي من جوز غمضه برمشه اتنبل
    *********
    والعيون الواسعات بلحظهن..........قصرن لعاشقن طول الأجل
    ناعسات أطراف عيونك يظهرن.....في خديداتك علامات الخجل
    ***********
    يا أم سنونا من درر يتلاصفن.......زى بريق العينه فاطرك في المثل
    حبكم يترب حبوب وسط الحشا........منها زرع الريده في قلبي انشتل
    **********
    ما بريق المبسم الفرّ وحفظ........لجواهر سنو ما نقا ونجل
    المنيل ديمه فايح بالمسك.......لو يمر نسامه بسكر بعجل
    ************
    يا أم رقيبتا شمعدان باهى اتنصب.....لرقاب عشاقه كم أحيا وقتل
    والايدين الناعمات يتجدعن......يشبهن خيط الحرير الانفتل
    ********
    والصدر البى النهد برز قلع........تقلو رجح بالضمير الانتحل
    والكفل في المشيه يقلع ويتنتل....زى مشية المهره في الطين الوحل
    *********
    صادفتني وزودت ناري انضرام........أم لهيجا احلي من صافى النحل
    فارقتني وفارقت عيني المنام.........قلبي من بين الضلوع فر ورحل
    **********




                  

08-25-2012, 12:18 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Ahmed al Qurashi)
                  

08-25-2012, 12:32 PM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    اخي صديق

    طبعا لازم انضم وبدون دعوه

    بحكم الاهتمام بالمجال

    ثانيا بحكم علاقتي المتجذره مع تلك الاسرة الكريمة

    وبالذات اسرة كامل صالح عبد السيد

    وبعد ان زودني اخي وصديقي دكتور وجدي كامل ابو صلاح بمعلومات ثره عن ابوصلاح

    وكان من المفترض ان افتح بوست بهذا الموضوع لكن الانضمام للجمع

    ربما يكون افيد وخاصة ان به فطاحلة المهتمين بالتوثيق للحقيبة علي وجه العموم

    وابو صلاح علي الاخص
                  

08-25-2012, 01:02 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: طارق ميرغني)

    Quote: اخي صديق

    طبعا لازم انضم وبدون دعوه

    بحكم الاهتمام بالمجال


    طارق ميرغنى .... كل سنه وانت طيب يا حبيب

    ياخى نحن الموقع ده ما عملناهو للسمحين الزيك ديل
    تشرف والله الموقع كتير بيك سعيد بيك
    ضرورى اى شى قالو ليك تجى تكبو هناك،،،
                  

08-25-2012, 04:11 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    صديق ياموج
    كل سنة وانت طيب
    قعدت يوم اكتب عن اغنية الحقيبة
    وما كملت الكتابة ربما انشغلت ربما انشدهت
    وارجح هذه الاخيرة
    لكنى مغرمة بهذا الفن الاسمو حقيبة الفن
    وازعم انه كالنهر
    كلما تدخله تخرج غير الكائن الذى دخل النهر
    ومن بين هؤلاء الذين احبهم هذا الابو صلاح
    اليس هو القائل
    الشجراقلام جميع والنيل مداد
    لو كتب اشواقى ليك ما عددا
    ام انى مخطئة ؟
    بفتش ليك الدراسة هسى ماشة الشغل الله يكرمك
    اقعد عافية
                  

08-26-2012, 05:17 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: سلمى الشيخ سلامة)

    سلمى عيدك سعيد
    حبابك الف فى القروب وفعلا انت اضافه حقيقية للقروب منتظرنك،،،
                  

08-31-2012, 01:04 PM

جميلة ابراهيم السيد
<aجميلة ابراهيم السيد
تاريخ التسجيل: 08-21-2012
مجموع المشاركات: 304

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    سلامات ود الموج وضيوفك الاكارم

    وكت ما لقيت اسمي مع المدعوين فوق قلت الحالة واحدة وانا صاحبة بيت وجيت داخلة لكن لمن تابعت الرابط لقيت اني محتلة موقع مميز في نص المكان .. تسلم كتير

    ومرحبا بي وصديقي قباني في سودانيز اونلاين هههههههه
                  

08-31-2012, 02:15 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: جميلة ابراهيم السيد)

    جميلة ويحى قبانى ؟عديل كدا ؟
    دى صدفة سمحة
    كل سنة وانتو طيبين
                  

08-31-2012, 05:15 PM

جميلة ابراهيم السيد
<aجميلة ابراهيم السيد
تاريخ التسجيل: 08-21-2012
مجموع المشاركات: 304

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: سلمى الشيخ سلامة)

    Quote: جميلة ويحى قبانى ؟عديل كدا ؟
    دى صدفة سمحة
    كل سنة وانتو طيبين



    سلمي يا حبيبة سمحة عيونك ... عامك سعيد وينعاد عليك بكل الخير
                  

08-31-2012, 08:30 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: جميلة ابراهيم السيد)

    جميبه ابراهيم الشيد سخصياً
    موباااااااااااااااالغة
    ايويويوووووووووووووووووووووووووووى
    ازعرد حتى تعجز الزغاريد عن زغردتى
    حباك الف هنا ومليار هناك،،،،
                  

08-31-2012, 10:46 PM

الليندي
<aالليندي
تاريخ التسجيل: 05-27-2002
مجموع المشاركات: 1188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    العزيز صديق الموج - يا بلوم حركت أشجاني

    قدمنا الطلب ومبروك السمبكين ياباشا

    مرحب بالاستاذة جميلة في سودانيز اون لاين وهي قطع شك إضافة كبيرة

    ،،،،،
                  

09-01-2012, 00:13 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: سلمى الشيخ سلامة)

    السلام يا سلمي سلامة

    كيفنك يا حبيبة ... و شكرا ليك للترحيب ...

    و كل سنة و انتي و بنيتك و الحفيدة بي خير انشالله ...
                  

09-01-2012, 02:57 AM

جميلة ابراهيم السيد
<aجميلة ابراهيم السيد
تاريخ التسجيل: 08-21-2012
مجموع المشاركات: 304

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    ود الموج صديقي اللدود

    شاكرة ترحيبك الجميل وسعيدة بردة فعلك .. وطالبني شكر كتير يا موج لكن اظنك ما منتظروا مني "علي قولة حبوباتنا ما مشحود علي"


    ناصر الليندي

    تسلم علي ترحيبك
                  

09-01-2012, 05:47 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: جميلة ابراهيم السيد)

    مرحب ب (جميلة)

    و ليبقى بوست ابوصلاح عاليا" في خرطوم حُجب فيها منبر سودانيزاون لاين.. خرطوم بادوبات المطر الحبست الدرب، خرطوم البعوض الفانتوم ،
    البعوض صناعة و حليف الحكومة : الشال منام عين اهل السودان وادمى أجسادهم

    كان ابوصلاح طليعيا" جسورا" و هو يعلن خروجه الشرعي من وسط جماعة الرميات الاوائل و معه امير تلك المدرسة الجديدة (ابراهيم احمد بابكر العبادى)
    .. كان صالح عبد السيد شاعرا" ضخما" واسع الإدراك الادبي و ذو ( جراب من المفردات ) لو نثرها عفوا" او إقتدارا"
    لغطت صحراء العتمور خضرة و جمال و نظم أنيق

    خذ مثلا" (فريع البانة المن نسمة يتمايل حاكى المُنقسمة)

    http://www.youtube.com/watch?v=8rQLK3tKuOA

    زُبرجد لونِك و إخضرا !

    على المك حتى لحظة موته كان في عجب : من اين اتي اهل السودان بفكرة اللون الأخدر المنسوب لجينات البشر في ذلك التحشيد الإثني - الجمالي

    قليبي فدايتك و ما (ضرا) .. لو كان يدقق و (يِضرا) ، و الثانية في عجز البيت هي من تضرية العيوش قبل أخذها للمحراكة القديمة
    بديع ابوصلاح ( جناس و طباق) هو امر سوداني أصيل ( ما بعد همزاني) .. هي معارك و إشتباكات لمفردات مُنتجة للجمال

    .. و بعض من حديث لاحق عن حسناء ابوصلاح : الفاقت أعرابا و أعجاما



                  

09-01-2012, 11:03 PM

جميلة ابراهيم السيد
<aجميلة ابراهيم السيد
تاريخ التسجيل: 08-21-2012
مجموع المشاركات: 304

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    حبابك د.طرواه تسلم كتير

    يا جميل لي سهري واجد وأراك نايم وهاجد
    مين لي عيني ناجد بي دموعي الفرقوني


    التحية لابوصلاح
                  

09-02-2012, 05:54 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: جميلة ابراهيم السيد)


    .. هو صاحب الإزميل ذو النكهة السودانية .. هو بالضبط ( فدياس ) النصف الاول من القرن العشرين السوداني

    http://www.youtube.com/watch?v=_7OvCkEOpYE

    ( جمرو حرقني .. أفارق الروح لو يفارقني .. حبيبي هواك ) : سينتاكس Syntax امدرمان القديمة : تحولات المبتدأ و الخبر بطريقة اولاد الموردة

    ( هاهنا ينتصب القوس الموشّى لأهل السودان .. حيث الجملة الخبرية تسبق المبتدأ حفاظا على اوزان اهل البلد )

    sudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudansudan14.jpg Hosting at Sudaneseonline.com

    .. وهو راصد لكل عناصر الجمال الأصيل في تلك الحسناء السودانية التي فاقت ( أعرابا و أعجاما )

    وقائلا" بل ( مستبسلا" ) في وصف خِضاب (حناء) نساء السودان :
    محنن ب (دمي) كيف تجني .. دا ايه الفي إيديكا فرجني .. ? ! حبيبي هواك جمرو حرقني ..

    ومع ذلك لم يكن أبوصلاح في ( حِسية ) عمر بن ابي ربيعة .. The non - Sensual Abu Sala'h
    .. وهذا حديث آخر في فصل الخطاب الأدبي .. و سجال مُتكلمة السودان !


                  

09-03-2012, 02:50 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    يا الموج دا شعرا ما عندنا ليهو رقبه

    لكن سنجلس جلوس الحيران على عرائك الشيوخ وسنقطع النفس
    حتى يكرمنا الله بذرة من ذاك البحر الهلامى الصعيب ومن خلال
    متابعات ضعيفه رصدت دكتور مهدى والد لنا مهدى من أهل
    الإهتمام وكذلك الدكتور جعفر ميرغنى إلى جانب ضلوع على المك
    عل الأستاذ كمال الجزولى يقول عنه حتى ولو سمسم القضارف أو
    حجر الظلط. فيا موج شعراء الحقيبه أصلهم من وادى عبقر
    بالربع الخالى وخالهم عمرو إبن يربوع ياخ سدد الله خطاكم
    فأصنعوا لنا معرفة فى ذلك المضمار

    والسلام والإحترام لكم أجمعين



    منصور
                  

09-05-2012, 00:39 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: munswor almophtah)

    UP

    فلتظل رواية صالح عبد السيد ( فوق للقوس و السِمّاك الاعزل )

    - إستجابة لمناشدة و إهتمام مطبوع و مؤصل من أخي العزيز/صداح الحسن
    - وفي تذكر و سيرة الراحل صلاح عثمان شمت (الزين كلس) حارس البوابة الشرقية لهذا النوع من الغناء السوداني

    .. تلك المظان العظيمة ال Magnificent التى فرخت قولا" بديعا" على شاكلة :

    - حِن يا قمر اوفي لي معادا ! (ابوصلاح)
    - يا خُلاصة حُسن الغانيات في امدر .. ملكني هواك يا نفيسة الدر (البنا)
    - و قلبي الما بعرف الوجل .. هابِك و خاف سيف النُجل .. يا موفورة النفل ( العبادي)
    - اشكي ليك اياما" عدن .. الامان يا جنة عدن .. يا غُصين النقا يا لدن (ود الرضى)
                  

09-06-2012, 01:39 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    كيف تحول دوباى البوادي إلى تلك الرميات الآثرة لأهل زمانها .. و الماسكة بتلابيب (محمد ود الفكي)
    1905 : غزوة محمد ود الفكي لامدرمان .. في يمين النيل حيثُ سالِك

    إنقلاب ثوري كبير تم على يد العبادي و ابوصلاح
    تحول حتمي و إرتقاء تراكمي و إكتمال بدر الجديد الطالع زي لون الشفق عند المغارب .. علي نهج (تم دورو و إدور)
    .. يوم إنتقال الدوباي و الرميات إلى نهج الأغنية الجديدة الكاملة
    يوم ان تملكت الحيرة : محمد على بدري، و باسعيد، و ود الخياط الكبير

    mariaDeBarros031.jpg Hosting at Sudaneseonline.com


    ولا زالت البوادي ( و تلك البطانة القشها بلاقي ) .. لا زالت ترمي الخرطوم بحِمم من جميل النظم :

    فطايم الدورِن برق الهجوع الشال
    جلست مقابلن ما بين جدار و رجال
    فوق دغس العيون الفمهن عسال ..
    الشوف كان بيقتل كان قتلو غزال

    (عدل بواسطة أحمد طراوه on 09-06-2012, 01:59 AM)

                  

09-08-2012, 01:19 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    كانت شأنا" سودانيا" جديدا" تلك المُدن المعروفة ب ( مدائن ابوصلاح )!
    هي ترميزات البديع، و ميتافور المد الإنساني - الفني لأهل البلاد .. وهي ليست كتلك المدن الدارجة :

    مدن الساحل : مثل سواكن القديمة
    مدن تجارة المسافات الطويلة : خذ بربر (ود الفراش) كمثال
    مدن الإنتقال و التبدل : مثل مدني التي حلت مكان سنار القديمة .. سنارالمُبجلة عند محمد عبد الحي
    مدن الإنقسام الإجتماعي السوداني الثالث الكبير للعمل : خذ عطبرة و الخرطوم ذات الورش و الفبارك، و هناقر قطاع الخدمات،
    و مناطق صناعية كاملة حوت ما هو صغير و متوسط في ضروب الإنتاج القائم على فكرة إنتزاع فائض القيمة

    مداين الجوف و الضرا : هي إختراق داوي منذ عهد مجموعة الشهيناب ، و قروسطية ماقبل حكم العبدلاب و الفونج، ثم سودان خورشيد، و إبتداءت ونجت و نهضة هاو

    هالكا (صالح) كل ما ينظُرا ....
    وفي مدينة الجوف ساكنا الضرا .. يا بدور القلعة و جوهرا !

    ومن هي حسناء قلعة توفيق صالح جبريل التي أسكرت (وهبة محمد سعيد) صاحب الأكورديون ابوزراير ؟
    تلك الحسناء التي جعلت ( ابو الحاج ) يسوق الغناء واحدة ورا واحدة .. سواقة عبد الله كابو للغناء في حلة عباس عهد يفاعة بادي محمد الطيب
                  

09-08-2012, 02:45 AM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    جموعيه على السكين يا أحمد طراوه وسكين أهلها لا تجف أبدا ولا يرف لهم رمش حين يمتحنون
    إنهم آل دكتور كردش أما سيده وجمالها فريد فقد زاملتنا بنتها وأحسبها كانت زوجه
    للطاهر بكر والد الرشيد الطاهر أما ظبى المسالمه
    فسرها عند ود مرتضى.





    منصور
                  

09-08-2012, 10:52 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: munswor almophtah)

    حكمة صالح ( إبن ابي سلمي بتاع مدرسة الإتجاه الجديد) في ذلك السودان عهد ونجت ..

    حبيبي طبع الطير ينزل على أشكالو ! ( كم نظرنا هلال ما شاقنا غير هلالو)
    سمحة بطريقة بنية سمهرية إسمها : شذى عبدالله

    او في رواية الفرنجة : All Birds on Feather come together

    (عدل بواسطة أحمد طراوه on 09-09-2012, 10:11 AM)

                  

09-09-2012, 03:41 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    حكمة (صالح) .. إن من الشعر لحكمة !

    لو أدار لحظو على جبل دكالو .. ولو بسم أنزل دمع السحاب أجرالو

    http://www.youtube.com/watch?v=9rQwqReGN1g&feature=related

    هذا (الالطو) الخاص المعروف بشذى عبد الله، صادف كلام ابوصلاح، فزارتنا السعاده

    لحظُ يهد الجبال و بسمة تُنزل المطر .. ولو لكل مقامِ مقال

                  

09-09-2012, 08:47 PM

عبد المنعم عمر عثمان

تاريخ التسجيل: 12-06-2005
مجموع المشاركات: 786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    *
    *


    أحبابي الأفاضل سلام عريض ليكم ،،،،،

    الا يوجد وزير تربية وتعليم رشيد
    فيقرر مادة ( حقيبة الفن) في المدارس
    الثانوية أو حتي في الجامعة !!!!


    لكم ودي ،،،،،،،،،
                  

09-09-2012, 10:27 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: عبد المنعم عمر عثمان)

    Quote:
    أحبابي الأفاضل سلام عريض ليكم ،،،،،

    الا يوجد وزير تربية وتعليم رشيد
    فيقرر مادة ( حقيبة الفن) في المدارس
    الثانوية أو حتي في الجامعة !!!!


    لكم ودي ،،،،،،،،،


    عبد المنعم عمر سلا يا هندسة
    الامم الراشدة هى التى تحتفى بادبها ومبدعيها
    اضم صوتى لصوتك
    وان لم يقبلوا الامر هكذا فلتاتى الامثلة والنمازج فى البلاغة منها
    لا زلت اذكر كيف اننا فى محمد حسين الثانوية وكان
    استاذ جعفر سعد بججمه الصغير وعقله الكبير وهو بدرسنا
    الاسماء الخمسه كيف انه باعد بين ساقيها وفتح ذراعيه
    وقال:
    بربك هل ضممت اليك ليلى قبيل الصبح او قبلت فاها
    و قال: الشاهد هنا كلمة فاها
    فبدل انت تأتى الامثلة من شعر شوقى فى المجنون فلماذا لاتأتى من مجانين السودان
    الذين جننونا وذهبوا دون الاحتفاء بهم؟
    عبد المنعم اتمنى ان اشوفك على صفحة ابو صلاح فى الفيسبوك والرابط تجده بعاليه..

    بالجنبة:
    د. طراوة لا اظننى محتاج ان استأذن منك كل مرة لانقل حلو بديعك للصفحة فانا افعل ذلك دائماً
    ولا اظننى انسى ان احفظ لك حقك الادبى حتى تأتى الى هناك ويبقى الود،،،،
                  

09-10-2012, 06:26 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    .. لكل المتداخلين و المتابعين تقديري .. بيننا مواثيق ابو صلاح الممهورة بعطر تلك المواجد السودانية
    ذات الأثر الرفيع الباقي :

    - إشتياقي وهجرِك حرام : عودة محمود عبد الكريم و عطا كوكو .. ذلك الضياع الجميل عند أعتاب (ساكن الموردة)
    - لوتجازي لو تسمحي .. حنانة ريدك ما بتمحي : بشير الرباطابي نازلا" من حلال البجراوية و كبوشية في ربى امدر القديمة

    .. يا موج عرج بي و ميل .. و ( افعل ما بدأ لك ) : هِن تلاتة عزن و قِسن .. ماء و خضرة، و وجها" حسن
                  

09-11-2012, 09:49 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    .. واقعة (الخوجلاب) ! : حيث السيوف تتجرد من عيون واسعين

    ورطة صالح عبد السيد : الكان رايق و ساكن في صفا و تأمين ... !

    .. وجاء في محضر و مدونة ذلك الزمن الجميل : أنه تم رصد 15 قتيل، و 20 مطعونا" بسهام ريشها الهُدب تشق القلوب قبل الجلودِ،
    فضلا" عن محنة وهبة محمد سعيد :

    صاح وهبة فاقد عقلو ما بين جريح و طعين .. الناس جروحم تسعة و انا لي جروح (تسعين)



                  

09-11-2012, 10:01 AM

Mahmoud Mustafa Mahmoud
<aMahmoud Mustafa Mahmoud
تاريخ التسجيل: 11-26-2004
مجموع المشاركات: 4325

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    موج الصفوة وبقية الأمواج الجميلة..

    أبشركم بعضوية تعتبر من العيار الثقيل...

    وصيد ثمين وسمين إذا بتريدوا..

    التشكيلي الحائز على جائزة سوق عكاظ

    في فرعية "لوحة وقصيدة"

    الحاضر في كل تفاصيل المشهد التشكيلي بالوطن العربي

    الأستاذ:

























    عوض صالح عبد السيد أبو صلاح...

    صديقي وجاري هنا في جدة دي...























    أها قصرنا معاكم؟؟


    أنا عضويتي بقلعها قلِع..

    ..


    ..
                  

09-22-2012, 00:51 AM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Mahmoud Mustafa Mahmoud)
                  

09-25-2012, 01:40 PM

Asim Fageary
<aAsim Fageary
تاريخ التسجيل: 04-25-2010
مجموع المشاركات: 7810

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Mahmoud Mustafa Mahmoud)

    Quote: او في رواية الفرنجة : All Birds on Feather come together


    You mean: Birds of feather flock together
                  

09-11-2012, 10:03 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 35312

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    يا سلام ياخ! متّعكم الله بما تشتهون!








    _
    أفتح الباب يا موج!!
                  

09-11-2012, 06:42 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: محمد عبد الماجد الصايم)

    .. مرجبا بود الصايم
    المنبر نور و إزدهي بجينات ابوصلاح المحمولة بأجنحة أبنائه
    او كما قال البنا : زهر الروضة نور في فصل الربيع .. و النسام يقسم في الأرياح يبيع

    وقال صالح في زواج صفيهو (ربيع) بحي السيد المكي الأمدرماني :

    برخيم الصوت الجهور .. و إحتفال غاليات المهور
    نجم سعدك بدأ في الظهور .. ساعة بينين توزن دهور ..
    دام عليك الهنا و السرور .. يا ربيع في روض الزهور عيش مُنعم طول الدهور

    تقديري للجميع و كذلك مواثيق و مُرسلات ابوصلاح ..
                  

09-11-2012, 11:14 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    صديق الطيب الموج وضيوفه
    رغم العشرة القديمة وما حا اقول ترجع لي سنة كم , لكن يا صديق كان تكشكر لي ساكت ووقت ابيت اها جيت براي , اها يا ود العم الدقشه شاهد علي العصر وقيل احيانا كان بيصلح صحن الفول في نواحي حي العرب والمظاهر ايام
    الثانوي . دحين الزمن داك يا صديق ما كان عندك رق؟؟ غايتو التلب الله يطراهو بالخير كان مغني وصوته جميل وسمعت منه جافي المنام لاسعني حي وهي كلمات ابوصلاح والحان كرومة ,ومن الزمن داك ماسمعتها الا مؤخرا ورسلها لي ودالقرشي كتر خيروا بصوت اولاد الموردة , ويروي الرواة ان مجموعة من الفنانين السودانين ذهبوا الي مصر لتسجيل اسطوانات ومن ضمنهم كرومة وصادف أن كان أمير الشعراء احمد شوقي موجودا, وسمع الأغنية وسألهم من شاعر الأغنية ؟ أجابوا ابوصلاح . فا أتاهم بسخة من دايونه وكتب أهداء من أمير الشعراء الي أمير شعراء السودان وطلب منهم توصيل النسخة الي أبوصلاح , وعبقرية ابوصلاح في القافية العجيبة كلمة وفي البيت الذي يليها تصغير
    وهاكذا حتي نهاية القصيدة والبرتكان ليك ولا لي ولا لمولانا

    جافي المنام لاسعني حي
    ام زاد غرام ضاوي المحي
    قالب الدرع يقدل ضحي
    طال جيدو فاق ظبي السحي
    قال لي تطوف بي كل حي
    كيف تبقي عاشق وانت حي
    لو يا نسيم مريت عشي
    قبل فويطرات الرشي
    قوليه قط ما بي شي
    الا الغرام شاويني شي
    خليك حنين رايق بني
    لاتتني قامة الدابو ني
    املد خصر خاتي التني
    حق صدرو يلعبو التني
    عينيك متل عين الجدى
    السارحة بي شويدن الربي
    كم بالدعج هلكن صبي
    جاهلابو زي ماجاهلة بي
    يا الفى الردف خصرك تكي
    انا من هواك دايماً شكي
    فاطرك وقد بالبسمة كي
    يشويني لا يكويني كي
    نورتي يالخد الجلي
    تخفي الجواهر و الحلي
    خبرني يا اب صدراً عُلي
    البرتكان ليك والا لي
    قالت دا لا اتباع لا شُري
    احسبلو فوق نجم التري
    لسع رخيص ناعم طري
    خمر الدلال باقيلو ري
    سائل حميمات الودي
    بالزمة يغشن للجدي
    يردن ذلال فاهو الندي
    عن نيلو قصرن ساعدي
                  

09-13-2012, 03:06 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    .. داءي (الغي) و دواي مُحالا !

    وفي رواية أخرى : الامرضني و ما طباني .. في خديدو يلوح نور رباني

    ياموج : جاك صلاح النصري .. سِيرة و إنفتحت كما يقول الشوام
                  

09-13-2012, 06:31 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    عزيزي طراوة
    وقت الموج عامل نايم وساكن الفيس بوك , النسكن ليهو في البوست , لحدي مالله يرد غربتو , الخرتوم بحري كان اسمها الحلفايا وسوق بحري كان اسمه الحلفايا السوق , محل الاملاك والسوق الحالي لكن الاماكن القديمة زي الصبابي وحلة حمد وحلة خوجلي وشمبات وحلفاية الملوك تحمل نفس الاسماء من زمن السلطنة الزرقاء , والعريس موضوع القصيدة هاجر جده من جهات بلاد الشام في ذلك الزمن ولم يكن اسمه عبدالحافظ ولكن لانه حفظ القرأن في فترة وجيزة سمي حفيظة بكسر الحاء , سكن ابوصلاح بحري فترة من حياته وكان عبدالحافظ {الحفيد} صديقه وقال هذه القصيدة عندما تزوج عبدالحافظ من احد سيدات الدواليب بحلفاية الملوك .والقمري المظلل طبعا من كلمات ابوصلاح والحان علي الشايقي ولمن التوم عبد الجليل سجلها اسطوانة شال معه شيخ عمر البنا وعلي الشايقي ومحمد الامين بادي.

    القمري المظلل
    القمري المظلل بى ورق الأراك
    روح لي حبيبي وقولو متين أراك
    يا الفى قوس حواجبك ناصب لي شراك
    بيعك في المحاسن والأرواح شراك
    يا الفارم فؤادي يا الضارب ضراك
    شيل النوم ورجع قلبي الطاش وراك
    الــدر المنظم عقــدك ولا فـــاك
    والعناب مكنتل أم خضرة شفاك
    عيد النظره داوى الجرح الما خفاك
    الصد والتدلل والهجران كفاك
    الظبي المروقل جـــافــل بى وداك
    يسكر سمعي صوتك من راحة نداك
    يا الكاتل عشوقك بهدل بى عداك
    عندك جوز قنابل في صديرك هداك
    الفرع المفرهد في روضة نداك
    شعرك ليل وخدك ولع نور هداك
    كيف ما تشيل قلوبنا روحي تروح فداك
    والردف المرجرج يلعب بى فداك
    الصدر المقبقب يا الضامر حشاك
    من ميلة ضميرك فرع البانه شاك
    بى سهم الرشارش جوّ ضلوعي شاك
    أصلك لي ودار أعمارنا الله نشاك
    تايه فكرى عايم في النور الملاك
    من بهجة محاسنك كيف اتاملك
    عبدالحـــافظ ابشر حــظك تملاك
    هل تدرى أب عوارض إنسان أم ملاك
    يا المن در مخلق كيف انظم صفاك
    وين نومي المعلق يا أب طرفا غفاك
    عبدالحافظ أصلك نجم الحظ لفاك
    عيش بين سرور أتمتع في صفاك
    يا جدي التمائم ظل الغيم رعاك
    راتع في الخمائل قانص ما سعاك
    كيف تصطاد قلوبنا وما الشئ الدعاك
    ارجع من هزارك جيب قلبي المعاك
                  

09-13-2012, 06:43 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)
                  

09-13-2012, 07:04 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    عزيزي احمد
    سلام علي ابوصلاح مع الخالدين وشوف جنس الطباق والجناس ده , والاغنية من الاغاني الجملية والصعبة وعابدة ما قصرت في الاداء , لكن سألك بي الله أسمعها بصوت عمنا رحمة الله الشيخ.
    وفي القصيدة دي جاري ابوصلاح نفسه في ياجوهر صدر المحافل واللحن لكرومة . ولكن كرومة كرائد تجديد لم يسجل اغنيتين بلحن واحد.
    شوف العين قالت ده لا لا
    صدت من تيها ودلالا
    ريدتك ساكنة الجوف خلالا
    و الاعضاء امتزجت خلالا
    براق سنك شق لالا
    وسهمك صاب احشاي قلالا
    اسباب الغي و العلالا
    ضمرتها والخصر العلالا
    نور في نور ياذا الجلالا
    وخدانا بالمعه انجلال
    في الترنيع ماليك مثالا
    علمتي الغصن الرتالا
    شوفتك كم عاشق اتالا
    يانسام اوصف جمالا
    والقامة السيرك امالا
    اوصف لي اسباب كمالا
    وقول لي ام خد هجراني مالا
    النسام شال الرسالة
    وفي التوضيح روق رسالا
    ذكرني الرطب العسالا
    وهاج الشوق والدمعة سالا

    (عدل بواسطة صلاح النصري on 09-13-2012, 10:07 PM)

                  

09-14-2012, 03:06 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    .. مالي ومال سهام العين

    نوابل تلك اللحاظ .. رواجم الهدب المُكحل .. منذ عهد احمد بن الحسين الكوفي (المُتنبي) ، حتى عهد صالح عبد السيد ابوصلاح

    http://www.youtube.com/watch?v=OGqb5hTmqLU

    تهت بين تمعين .. ماء، و نار، وخدار في خدودو مُجتمعبن ...

    او كما قال عندليب توتي : يا زول مالي ؟ !
                  

09-14-2012, 05:12 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    طراوة و النصري ياولاد امدر

    كلامكم سمح زي وطنكم امدرمان ...

    كيف الامه تهوى وكيف تعشق بلاكا يامراهيم جروحا و يا ملكا و ملاكا

    او كما قال ذلك الفارس

    http://www.youtube.com/watch?v=A5YN5f7IlsQ

    اسمعو الساحر الفاضل احمد
                  

09-14-2012, 10:22 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    Quote: يا الفى قوس حواجبك ناصب لي شراك
    بيعك في المحاسن والأرواح شراك


    اولاد قلبنا اتلميتو هنا الله يجزيكم خير لكن والله مغرودين فيكم فى الفيس بوك
    صلاح النصرى شوف عمك ابو صلاح ما قال يا الفى جوز عيونك قال
    يا الفى جوز حواجبك ناصب لى شراك مش فى واحدات كدى حواجبهم
    زى القلوبيه نص دايرة عديل ، غايتو عمك ده قجاج قج ,,
    انى امنت بابى صلاح من شاعر..
    خسمتكم بالذى انشأكم كان ما جيتونا فى صفحة ابو صلاح فى الفيس بوك
    والرابط موجود فوق عشان هنا البوست بتارشف ويضيع مجهودنا وعمرنا سدى
    سوف انقل ماتكتبون الى هناك الى ان تأتونا ،،،
                  

09-14-2012, 11:47 AM

باسط المكي
<aباسط المكي
تاريخ التسجيل: 01-14-2009
مجموع المشاركات: 5471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    بوست رهيب
    ياود الموج شغلتنا الحياة
    روعة المداخلات والمشاركين
    وهاو انا من الحاضرين المتابعين
    وعبر التحية ل احمد طراوة والعقد الفريد

    وواصلو
                  

09-14-2012, 02:43 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: باسط المكي)

    سلام يا عشاق ابوصلاح
    ابوصلاح قال في القمري المظلل
    الظبي المروقل سارح بي وداكا
    وقال الفراش بتخازز تروقل في جريك
    ابوصلاح شبه البنية بالظبي السارح في ودايه يجري ويلعب, شوف ياصديق الصورة العجيبة ومحمود عبدالكريم { اولاد الموردة} لمن سجلوا ارحم ياسمير / القمري المظلل بحسه الفني العالي خلط القصدتين وطلع منهم قصيدة واحدة والبيت بتاع الظبي المروقل اول بيت بدأ بيهو,وأضافه الي ارحم ياسمير ولما سئل محمود لماذا فعل ذلك؟ قال حوض ابوصلاح من أي جهة ترده يطفئ عطشك..
                  

09-16-2012, 02:02 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    على درب الإمتاع و المؤانسة .. وعلى نهج الليلة الخامسة
    و العشرون، إذ يقول الشيخ / ابوحيان التوحيدي : ... أحسن الكلام ما قامت صورته بين نظم كأنه
    نثر، و نثرِ كأنه نظم ..

    http://www.youtube.com/watch?v=H7qYi9-w1lg

    سبائك من مزيج (برنت السوداني) .. منظوم و منثور ابوصلاح الوارد في : جوهر صدر المحافل .. او تلك الكواكب التى نصبت
    سرداق الفرح إحتفالا" بالقمر

    بوركت يا ابو النصري أنت و صحبك كمال عبد الكريم : تدري بالعليكم نجمة ابوصلاح المرصودة على مدي
    النصف الاول من القرن الماضي ( تدري بالعلى نجمة السحر) ..

    (عدل بواسطة أحمد طراوه on 09-16-2012, 02:23 AM)

                  

09-16-2012, 04:46 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    .. لقاءات شواهد العصر .. لقاءات القمم الواصلة طيات السُحاب

    مثل لقاء الطيب صالح مع العبادي في تلك الحلقات التلفزبونية ( بلاك آند وايت )
    او قل، مثل لقاء المبارك ابراهيم مع ابوصلاح عند إذاعة امدرمان في ذلك العام 1962

    http://www.youtube.com/watch?v=i7aEEsrZmU8&feature=relmfu

    ( تسجيل قديم جدير بالإستماع : ابوصلاح يؤكد بأن سهام العين هي الأقرب لوجدانه )

    ابوصلاح : Towards a peculiar Sudanese Rhyme
    مهندس المدرسة السودانية لربط القافية
    .. قصة صراع طويل من اجل إنتزاع و ترسيخ قوافي سودانية خاصة و فريدة ( مُلتزما" لزوم ما لا يلزم ! )

    أبو النصري : حيث أنه صار ليك مُعاهد .. الطرف الفي منامو ساهد .. نرجو تفضلكم بكتابة بروسودولوجي ( لو تجازى لو تسمحي)
    كاملا" كما هو بصوت بشير الرباطابي . . و كما جاء في لقاء المبارك مع صالح

    .. عيون فرّ منها ابوصلاح تائبا" ! و قائلا" بوكالة اولاد الموردة : يا زول مالي .. و مال سهام العين



                  

09-16-2012, 06:15 PM

محجوب نمر

تاريخ التسجيل: 08-21-2012
مجموع المشاركات: 74

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)
                  

09-16-2012, 06:18 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    طراوة
    طلباتك اوامر ياصديق , والجناس ولزوم مالايلزم وربط القوافي كماقال ابوصلاح من لدن اب شريعة الي حاج الماحي الكبير, والقي السمع وأنت شهيد لي قصة الفريع في قلبي هام مالو وكما قال المبارك ذكر ابوصلاح اسمها بطريقة ظريفة يا فريع ياسمين متكي في رمالو ,ونرجع الي لوتجازي وابوصلاح بعد فتر من ضبح قلبو طلب من المحبوبة ان تكف عن ذبح قلبه وتأخذ نوم عينه قربانا
    خــلى القـلب.البتضبحي...... وهاك نوم العين اضبحى
    لو تجازى ولو تسمحي
    لو تجازى لو تسمحي .............. منى ريدك ما تمحى
    بى خيول الشوق ارمحي ............ واردي دمعي البطمحى
    بس عشوقك لا تــقمــحى ............ بى طريف العين المحي
    تمسى بهجة ونور تصبحي ........... وفى قلوب الناس تربحي
    خــلى القـلب البتضبحي....... وهاك نوم العين اضبحى
    مــن عيوني بتروحــى .............وفى قلبي بتســــوحــى
    برضي فاهم سر الوحي .............الفى حـــواجبك يتلــوحى
    من سهــامك تتراشحى............... وزاحمي كشحك اكشحي
    خلقه عرقك مسك ارشحى..........والنســيم بالطيــب كشحي
    كيف خصيمك بتمدحى.............. وكالحــمــائم بتصدحــى
    كيف عزولك لا تردحى.............. وأنت جنة ونار تقدحي
    بالمـــــبنة البترزحى .....فكـــرى مالك بتزحزحي
    عن عزولك لا تفصحي...........وبى سهام الدغس الفحى
    خلى دمعه يسيل طفحى ............وبالغرام غطى ولفحي
    يازهيرة الروض فتحي ............والنسيم بالطيب كتحى
    العزول المــا بســـتحى ..........بى سيوف العين نتحى
    يا الحمامة البتصـيحى ........... وبى فروعك بتميحى
    لا تحرقي الجوف ريحى ...........وشوفي دمعي البتسيحى
    من غصونك ما بتبرحى ..........يوم تبـكى ويوم تفرحي
    في المطيرق بترجحى ............وبالنســـائم تتمرجـــحى
    لا تفرى ولا تسرحى ............هاك قليبي البتجـــــرحى
    تابعي فن الحب تنجحي ...........كان صدقت وكان تبجحى
    المـــــبكم بتنصحــى........وبى نغيــمتك بتفصحـــى
    جيبى عقلى الطاش انصحى ...........كــان مغيب والان صحى
                  

09-16-2012, 07:08 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    صلاح النصرى السلام عليك وليك رساله فى المسنجر أفتح يا سمسم



    منصور
                  

09-17-2012, 05:34 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: munswor almophtah)

    قاموس ( صالح )

    مُعجم تلك المفردات الخاصة بلحظة تلاقح الحضر و البوادي
    خذ مثالا" و ليس حصرا" : الوضيب ، رويحتي، النفل، الديس، الأسيس ، الضمير، الكفل، الردف، الروّبة، الرشيم، التنور، العلايل، المضايق

    خذ مآلات (الخصر الواهي) عند احمد شوقي :

    حببتٌك ذات الخال و الحبُّ حالة .. إذا عرضت للمرء لم يدرِ ماهيا .......
    و بين المُنى و اليأس للصبر هزّةُ .. ك(خصرك) بين النهدِ و الردفِ واهيا

    و أنظر حال ( الخصر المبري حد التلاشي ) عند ابوصلاح يوم ان ظفر بحسناء القلعة في ليلة ليلاء امها سرور و وهبة :

    http://www.youtube.com/watch?v=NG53F8aHW7c

    ( جُملة كرومة اللحنية .. تلك المشتعلة بخماسي السودان عبر المِحن و الأزمان .. جاءت منسربة و وقعت في يد محمد الأمين الإزيرق )

    عالي صدرك ل (خصرك) برا ..... فيهو جوز رمان جلّ البرى ...
    الخطيبة و (ردفك) منبرا .. الشعور البسطل عنبرا .. يا بدور القلعة و جوهرا


    (عدل بواسطة أحمد طراوه on 09-17-2012, 08:03 PM)

                  

09-17-2012, 09:06 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    عالي صدرك ل (خصرك) برى ..... فيهو جوز رمان جلّ البرا ...
    الخطيبة و (ردفك) منبرا .. الشعور البسطل عنبرا .. يا بدور القلعة و جوهرا




    ياخ هذا الرجل أعشق من جميل وقيس وإبن الملوح ومفوه يمتلك أدوات التعبير
    الساحره ويمتلك خيال إزميل الخيال النحات للصور المزهله ياخ دافنشى what
    وموناليزا إيه دا مجنون وموحد أنظر لذلك الصدر الجامح وطامح فاير فوران
    من ثمارو الفيه وفعل فى الخصر ذلك النحول وأنظر لبرى تلك برايه يا بعيد لا بل
    أنظر لتأكيد الروعة لمافيه رومان يا طراوه!! وبعد ذلك وحد الخالق البارع
    الخلاق على براءة ذلك الخلق الفريد ويقولون لك براءة إختراع!! ثم أنظر للخطيبه
    ولذلك المنبر الذى تقف عليه يا (والعصر إن الإنسان لفى خسر) لا بل (لئلاف قريش)
    وأنظر لتلك الشعور طالقة بخور العنبر السطال ياخ لغه وبلاغه وحسن تعليل
    وكنايات كاويات فيا بدور القلعه ذلك الرجل رسمك بما لا يستطع الأولين والآخرين
    أن يفعلو فيا طراوه والموج والنصرى إنتو مجانين وإهتمامكم مجنون وشعراء الحقيبه
    عفاريت من الجن وتقولى (تربرابو تربرابو ومعناها بلغه الإنس نحن الجن أنجابو)ياخ
    ديل أنجب من كدا يا واحد يا أحد.


    ولكم السلام


    منصور
                  

09-20-2012, 01:12 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: munswor almophtah)

    الأحباب والأصدقاء
    سبعة وسبعة حسب المتوالية الرقمية {ابجد هوز} هي زينب ويقال انها زوجة ابوصلاح ,وكتب فيها هذه القصيدة , والناس جروحهم تسعة وأنت جروحك تسعين يا أحمد, وأظنك من جرحي معركة روموش وأهداب واقعة الخوجلاب والتي تركت وهبة محمد سعيد شهيدا حيا يسعي كالناسك المتعبد, لما وقفت تلك الحسناء في السباتة وسوت القودة الخفيفة والتقيلة وما أجمل الخوجلاب بربابة بشير الرباطي ولاحقا بصوت عطا كوكو وأحمد يوسف, والكسرة الليلة وين ياسروري الله هوي ياليل وكرواني الله هوي ياليل وبرهاني . والأمين ود برهان ما كان بيرقص كان فنان سمع والعهدة علي اسماعيل عبدالمعين {برنامج كتاب الفن الجزء الثالث}.وسروري الحاج محمد احمد سرور وكرواني كرومة الصورتو في فتيل ريحة بت السودان , أسوة بالسيد علي والأمام عبد الرحمن ولاخير في أمة لا تحترم مبدعيها . أين نحن من ذلك الزمن الجميل.........
    سبعة من صدر علا
    ماله سبعه أم صدر علا **في قلبي النار تشعلا
    يا نسيم الروض قابلا ***بالتحيه ان كان تقبلا
    أوعي حاسب لا تقبلا **تبقي عاشق والقي بلا
    شوف لحاظه البتتكلا ***والتر هف والجنتلا......
    والتمايل و الحلا ***** و الترهف والجنتلا
    والصدير المال فاتلا ***** والرداف بناتلا
    صد عيونه وفي ترتلا ***لا آراك لا بانه متلا
    فايقه بدر النم انجلا ****يا نديم الفي ابتلا
    شوفه هالك الناس قاتلا **هي الدلال والتيه شائلا
    بعقولنا المترجلا ******في غرامك متوحلا
    بالعيون المتكحلا******والشلوخ الزادن حلا
    بالخديد الضو انجلا *****والبدور بالنور خجلا
    سبعه ام لونا غامق الخضار ****فايقه السندس لمعه و نضار
    حسنك ندر *******حاجبك ذي قوس لسهامه دار
    ويامنصور ودالشيخ مفتاح الله يديك ويدينا عمر عشان نفتح سيرة ابوصلاح ببركة جاه النبي وجدودك الصالحين وابو صلاح ليهو الكثير من المديح ومن تلحين كرومة ومسجل بصوت ابراهيم وعوض شبمات كل علي حدة وان شاء الله نرجع ليهو قدام,

    (عدل بواسطة صلاح النصري on 09-20-2012, 01:25 PM)

                  

09-20-2012, 07:54 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    واصل يا ابو النصري،

    فلازال نسيم ابو صلاح يتردد ( ما بين بحري و أمدرمان) عامل إستمحان .. و الإستمحان هو إشتقاق ( المحنة)
    قليب قاسي Vs قليب حان .. و القلوب بأضدادها تُعرف كما يقول أهل علم الباطن ناس السهروردي و أخيه الجنيد

    ثم ذلك الموت الباسل .. الموت الحلال : ما بين الرميش فوق ل ( الطريف) الكحيل
    او ذلك الضرغام ( اسد بيشا المُكرمت) ال ما ليهو كاتل : غير مكحول ظبي النتيلة

    http://www.youtube.com/watch?v=-mN2CwhIy2E

    البت نانسي الآسرة / الإكسلانس : قالت روحي معاك إتلطفيلا و لم تقل ( إتلطفيبا) .. فنالت ثواب البقاء في
    زمرة جماعة (صالح) .. صالح الذى كان غريبا" في ثمود
                  

09-20-2012, 09:29 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    ابوجميد
    جوهر صدر المحافل وأهلنا ناس الحقيبة القدام قالوا الاغنية دي بالذات ظهرت فيها تيمة كرومة في المطلع ياجوهر صدر المحافل وأي اغنية لحنها كرومة تجد التيمة دي في مطلعها وطبعا مافي موسيقي الزمن داك وكرومة ترك بصمته الصوتية في كل الحانه واسمع أي اغنية لكرومة تجد التيمة وعمنا مبارك المغربي في حلفة تكريم ذكري كرومة عام ١٩٧٦ بالمسرح القومي طلب بكل حياء وذوق وحس فني عالي ان يؤدي الفنانين هذه الاغنية بالذات بروايتها الاصلية وقال لو أراد ابوصلاح ان يجعل الفافية باء لفعل.

    جوهر صدر المحافل
    يا جوهر صدر المحافل ..........روحي معاك اتلطفيله
    ما النور الفى حليه رافل.........في حق نهده قلوبنا قافل
    كالظبي الفى مقيله غافل......تاره يميل والتانيه جافل
    وجهه ينور والبدر آفل ......فوق للبدر يزيد نفيله
    بالنور خدك لاح مقابل..........للشعر الطال ليله سابل
    سهم ألحاظك لي نابل.........بى كل شئ دون هجري قابل
    ينسب نوحي على البلابل.......وانتى القمره بتنسبيله
    ليك جوز عينين نعسان وكاحل.......وخصرا يميل وصدر راحل
    ولى وجدي اللي جسمي ناحل.......بحر الشوق ما ليه ساحل
    بيني وبين النوم مراحـل.........وين للطيف أنا القى حيله
    الفرع البتنى راتــل...........طيره ينوح في غصونه حاتل
    بهوى نسيم لي فكرى شاتل.........والأسد الفى القيد يناتل
    يتأكد ما ليهو قاتل ............غير مكحول ظبي النتيلا
    ضاوى سناك لي بريقه راسل........لاح بين عنابتين عواسل
    صدرا يرجح وكتفو خاتل...........رنا طرفك للسيف يماثل
    ليه ما يجندل كل باسل ..........وساحبه دغس وخدود اسيله
    المرنوع لي كتفو هادل.........في دروعه ولى معاصمه جادل
    أنا ساهر والليل سادل ..........شرط الحاكم يبقى عادل
    لا اقبل بهواك مبادل...........كيف اعشق وارضى البديلا
    تمنع طيفك لي يغازل.........داخل قلبي أنا ليك منازل
    يا لايم لا تبقى هازل..........أنا في الحب لروحي باذل
    هل عاشق يسمح لعازل.........خلى نصيحتك عنى زيلا
    يوقد جمري ودمعي باهل .............كيف نار تشعل في مناهل
    ضاق بى الكون مع انه ماهل........نومي تصعب ووجدي ساهل
    لو بى حالة سهري جاهل ..........دى الأنجم أسال سهيلا
    لى طيفك ما لقيت وسائل................غير بسط النسمات رسائل
    اغرب شئ وأعجب مسائل................حلم الصاحي ودمعه سائل
    لو شكيت في امرى سائل................البدرين كونك مثيلا
    زايد شوقي ودمعي هامل..........جمر الحب لي جسمي شامل
    حتى الطيف لي لا يجامل............مع كلا ما كنت آمل
    دمى تحنن بى الأنامل............وهل يرضيك كده ياجميله
                  

09-20-2012, 11:37 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    أحمد معليش كان الاول تجي من قليبها الجافي وقليبها حسب رواية الشيخ عمر البنا وشيخ عمر رواية مجيد لابوصلاح وسجل شيخ عمر
    عشرة اسطوانات ووصلتنا منها اربعة من ضمنها من قليبها الجافي .

    من قليبها الجافي ولى قليبي الحان....النسيم يتردد عامل استمحان
    الغضون تتناول منه خمر الحان ....والطيور تتناشد رايق الألحان
    والفروع تتمايل ميلة الفرحان......والزهور بتصفق ويرقص الريحان
    يا نسيم ما بالك تتنى قامة البان ....انت رايق تلعب والعشوق تعبان
    اكتشف ما دائي وما الدواء الصعبان...هل دا جرحا بالغ أم دا سم ثعبان
    قال لي لازم جرحك مدة الأزمان.......لا روايحى تطبك لا ولا لقمان
    البداوى جروحك إن شفتو يا سقمان....في عصير الند البنضحو الرمان
    يا الغرامك حلّ ورحل السكان..........من مدائن جوفي تملك الأركان
    ما ألذ النار السارجه بى لو كان....يبقى قلبي وقلبك في الغرام شركان
    قلبي لا يسلاك ولا يطيق نكران.....بين شاهد جفني البى الدموع وكران
    درعك البتقمز بالوضيب عكران............والضمير الميل صاحي أم سكران
    صاحي سياف لحظك والطريف نعسان.....ليك رشرش قاطع جندل الفرسان
    انت بدرا ساطع في قوام إنسان.........ليك حسن الدنيا ولى شعر حسان
    الدوش افكارى وربّ لي جنان.........خمرة تمزج تينه وتسقى در أسنان
    رق يسطل سمعي لهيجك الرنان.....انتو ناس في دنيا ولا حور في جنان
    انت حسنك كامل والعشوق كملان........طش عقلو الهامل فارق الزملان
    في المنام يتقدل طيفك العطلان..............والحجارة اتنت لو قليبك لان

    واكتر بيت عجبني هذا البيت :- اكتشف ما دائي وما الدواء الصعبان...هل دا جرحا بالغ أم دا سم ثعبان ويبدو ان ابوصلاح فشل اطبائه في علاجه
    وفي اشتياقي وهجرك حرم
    الطبيب الكشف الألم
    قالي مرضك عندي إتعلم
    أماعمرك ضاع يا سلام
    أنت عاشق ما فيش كلام
    صار علاجك بين استلام
    الفويطر الكشف الظلام
    واللجينة المازجه الكلام
    والنهيد الما شاف غـلام
    وفي حن ياقمر
    ليك لحاظ ماسكه في القيادا ...... ولى جروح ماشه في الزياده
    أرجو من صاحب السياده ...... قليـــل مـــراهم من العــــياده
    وياطروة انت من أهل الطب والطبابة فأكشف لنا الألم .وسلاما علي بقعة الامال من الموردة مسقط رأس ابوصلاح الي حي العرب سيد والعبيد ومكي ودعروسة موطن كرومة وودارو موطن الحاج
    سرور وعرج وميل علي حوش البنا .
                  

09-21-2012, 11:08 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    فلسفة و منطوق ( صالح )

    .. كترابة الموت النبيل .. ذاك الموت الجميل،
    هو الموت غرقا" في ماء ( الخد الزاهر)

    http://www.youtube.com/watch?v=6lTeHYmH5SA

    البيض الرِقاق ماركة ابوصلاح Vs راجمات و طوربيد وقاذفات هتلر

    أحذر ميجالو يا ابو النصري : سِباع تنتر .. و سهم طافر .. وقلوب ودعت و سافرت
                  

09-22-2012, 01:03 AM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    اخونا أحمد
    وجه القمر سافر نسبت هذه القصيدة لابوصلاح وكتب كلام كثير حولها ولكن الثابت وبالتسجيل الرسمي في مكتبة الأذاعة أن هذه القصيدة لعمنا مسعد حنفي
    وتلحين كرومة.

    وجه القمر سافر يضوي شعاعو نور وافر
    يا بدر ساءلك جاوب ليش أخوك نافر
    من حيه السباع تنتر ومن رمشه السهم طافر
    ريم يسحب لسيف لحظو وآخر بالسلاح غافر
    يادمع أدفق ودع يا قلب سافر
    شوقي لي ضافر
    هل بي نظرتك أظفر يا من بالقلوب ظافر
    كاحل طرفك الناعس والجيد بي الأثيث غامر
    مجدولات إيديك ، صدرك رجح طبّق الضامر
    زيدني في تهيك .. طايع ليك يا آمر
    زهرة السامر ..
    رفقاً بمجنونك يا ليلى بني عامر
    إعلم لولا ما طرفك لي البيض الرقاق شاهر
    إنسان عيني كاد يغرق في ماء خدك الزاهر
    ونورك يتوقد ، لعيون الخلوق جاهر
    ظلمي شي ظاهر
    اشراق الفجر يشهد بي طرفي العليك ساهر
    في دولة صباك تايه يا البي عشقي ماك فاكر
    اصبح مسكنك قلبي الفي كل ثانية ليك ذاكر
    لو رأيت محيك ، يا البي نظرتك ماكر
    ليك أكون شاكر
    وأم الأفق بيك تقنع ، لا تولد شمس باكر
    ننظر بانه يتمايل ، قامة البنفدع خاتر
    وننظر كيف صدير ، يقلع تفاحة وردف ناتر
    وبين ناعساته يضوي الصارم الباتر
    اللحاظ فاتر
    لامعة سيوفه تتبارق من كسراته يا ساتر
    عاشق محيك الضاوي وعاشق حسنك النادر
    تقبل لحظك يمرضني وانت على شفاي قادر
    في هواك قابل تنفيذ أمرك الصادر
    ليّ ليه غادر
    حلمك جود وانصف سارع بي لقاي بادر
    وحياة طرفك الناعس وحياة حاجبك الداير
    وحياة خدك المجلي ومنظوم ثغرك الناير
    لي لقاك تسمح لو كان في المنام زاير
    فكري فيك حاير
    كل ساعة جيش حبك بهجوم في الصدير غاير
                  

09-23-2012, 11:33 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    يقول سيد في أمر ( الوهيبة ) : هل أتاك حديث الكوكب النضاح ؟ !
    فيرد صالح في كتابه الواحد بعد المأئة ( كتاب الشراح ) : نعم، جئنا في شارع نجيب كباشي فوجدنا ذاك الذى قال عنه العبادي:
    اللونو تِبر في صفاو ما غِبر .. يا الما بِتبر أنا جِني كِبر

    http://www.youtube.com/watch?v=s0BdIE-Z4Ug

    رفع صالح السلام و التحية : و إستشهد على نهج من خضبت دماءهم سفوح كررري
    يا عيني يوم تشاهدي .. أغري السلام و إستشهدي
    ولو عُمري شيئا" في يدي .. لوهبتو ليك يا سيدي ..
    او كما قال سيد : ما أحلاك يا الجيدِك شدن .. يا العمري فيك ضايع سُدن

    ناسك يا ود النصري : ميرغني المأمون .. واحمد حسن جمعة .. تذكر دائما ان ميرغني هو شقيق عبد العزيز المأمون
    عبد العزيز المأمون الذى أسس لنهج النقرزان الجديد ماركة الشيخ التريبرادور ( مرجان سيد النقرزان) : عبد العزيز، و برهان ،
    و علي الشايقي، و سرور، و أم الحسن الشايقية، تلك الماجِدة التي حياها الغمام
                  

09-24-2012, 00:16 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    الشاعر المريخي " ابو صلاح " قال عقب فوز المريخ بكاس البلدية عام 1949 بعد هزيمته لسلاطين 2/3 بأهداف قرعم و حامد الغوث :

    في غرة التاريخ ولمدي الأيام
    تيم كوكب المريخ فائز علي الأتيام
    يوم لعبتك مشهود زي عيداً عقبلو صيام
    ويمثل الجمهور مولد تحيطبو خيام

    ولا استغراب ان يكون ابو صلاح مريخي الدماء ...
                  

09-25-2012, 11:13 AM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    اخونا احمد
    شعراء الحقيبة زي سبحة البقس في يد الدرويش الصوفي وأنت درويش حقيبة, لدرجة العشق الصوفي وظنيتك جردت السبحة بسرعة وفات منك عدد وهو نجوم الليل, وهي كلمات عبدالرحمن الريح وليس ابوصلاح ,وفي لحن ليها قديم بصوت الفاضل احمد وهو مختلف عن لحن عمنا ميرغني المامون وعمنا ميرغني ملحن لا تصعب عليه قافيه والعجيب كما ذكر الشاعر الامي ان العم ميرغني يغني منذ الثلاثينات ولم يسجل اسطوانات وكان يغني ثنائي مع الونق ولقبه جاء من كرة القدم,ولاحقا مع ابن الحي ود حي العرب احمد حسن جمعة , وفي ناس بتقول اللحن لميرغني المامون ولكن في المقابل عبدالرحمن الريح كان يلحن معظم اعماله هل اللحن القديم بصوت الفاضل احمد لعبدالرحمن الريح ام هذا اللحن؟ اسئلة من الصعب الأجابة عليها ولكن تركوا لنا تراث عظيم لو نعلم .ومن دون شك عبدالرحمن الريح بيكون تأثر في فترة ما من كتابته للشعر بابوصلاح والعبادي ودالرضي وباقي العقد الفريد

    نجوم الليل اشهدي لعبدالرحمن الريح

    يانجوم الليل اشهدي
    علي لوعتي وتسهدي
    علي بكاي وتنهدي
    من ليه حسن الكون هدي
    النافر الجافي الهدي
    ياعيني يوم تشاهدي
    اقري السلام واستشهدي
    ياعيني دمعك بندي
    وقول العوازل فندي
    انا لي غرام يامعاندي
    زي زهرة الخد الندي
    ياعيني ابقي ترصدي
    عسي توجدي ماتقصدي
    مهم جرح قلبي الصدي
    هو برضو غاية مقصدي
    قمرآ حماني تهجدي
    وتركني فاقد منجدي
    آه من صفارو العسجدي
    وعينه المتل عين الجدي
    يامن خرقت عوايدي
    ونظمت فيك قصايدي
    لو عمري شيئآ في يدي
    لوهبتو ليك يا سيدي

    (عدل بواسطة صلاح النصري on 09-25-2012, 11:18 AM)

                  

09-25-2012, 11:29 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    صلاح النصرى وطراوة والقبانى وبقية الدراويش ..............سلام
    طلبتكم بالمصطفى كان ما نقلتو البوست عشان الارشفه واللا الشحتفه
    حقت بكرى جاية، وحرام بوست زى ده ينسرب الى القاع ويبقى الزبد
    جايكم بالمهلة بس زول ينقل لينا البوست للفترة المقبلة باقى انا
    طلبت لى بوست قبل افتح البوست ده علماً سوف افعل مع انه بكرى
    قال المسموح به بوست واحد،،،
                  

09-25-2012, 11:50 AM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    اخونا قباني
    بعدين يا قباني ماتنسي كروان السودان عبد الكريم عبدالله مختار لعب في الهلال وسجل اهداف في المريخ وسجل اسطوانة عن فريق الهلال يعني كرومة والهلال كفر ووتر ورق كمان

    هل الهلال والايام صفتلوا
    ووضع تاريخ في السودان بفنو

    والاغنية دي مسجلة عندنا في الموقع مكتبة الاغنية السودانية
    WWW.Sudanesesongs.net
                  

09-25-2012, 12:09 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    اخونا بكري
    ارجو شاكرا نقل هذا البوست للربع الجديد ولك الشكر ويا اخونا صديق انا ماعارف الطريقة البتم بيها نقل البوست كيف لكن قدمنا العرضحال والدمغة عليك
    احمد طراوة
    يحي قباني
    صديق الموج
    احمد القرشي
    مرتضي حامد
    صلاح النصري
    وكل محبي الحقيبة الذين لم نتمكن من ذكر اسماءاهم.
                  

09-25-2012, 01:25 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    Quote: اخونا بكري
    ارجو شاكرا نقل هذا البوست للربع الجديد ولك الشكر ويا اخونا صديق انا ماعارف الطريقة البتم بيها نقل البوست كيف لكن قدمنا العرضحال والدمغة عليك
    احمد طراوة
    يحي قباني
    صديق الموج
    احمد القرشي
    مرتضي حامد
    صلاح النصري
    وكل محبي الحقيبة الذين لم نتمكن من ذكر اسماءاهم.


    صلاح النصرى ......سلام

    افتح صفحة البوست ده واطلع فوق اعمل للدومن (DOMAIN)كوبى
    وامشى افتح بوست اعلان الارشفه واعمل بست لابو صلعه بس،،،
                  

09-25-2012, 01:42 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    صديق سلام
    عملنا اللازم وكتر خيرك علي المعلومة , دحين الطلب ما دايرلو واسطه تلزوا , ساعدنا و لو بي فاتحة ساكت الله ينجي البوست من الارشفة, وأن شاء الله لو ربنا مد في الايام نجيب سيرة سيد عبدالعزيز
    وبطران وعبيد وودالرضي والعبادي وعبدالرحمن الريح من الشعراء وكرومة والحاج محمد سرور ولك شكري.
                  

09-26-2012, 01:42 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)


    ابو النصري : شمّ الدم و قال حرم .. الدم المسفوح في (سباته) بيت اللعبة آناء تلك العشرينات و الثلاثينات و الخمسينات من القرن الماضى،
    دماء ابوصلاح، و سيد، و عبد الرحمن الريح تلميذ عبد الرزاق حيكومة

    http://www.youtube.com/watch?v=8BQ_EzI5FLg&feature=related

    و لكم العفو أحبتي محبي ابوصلاح و عبد الرحمن الريح من جّم
    فقد أشتبه عندي ليل ابوصلاح ( الليل الشاهد على نار الشوق و الجنون)
    مع شهادة نجوم الليل التى أرخت ل ( لوعة و تسهد) عبد الرحمن ود الريح الأنصاري

    .. رحل البوست يا بكري : هاك شرحي و هاك فيراماني

                  

09-28-2012, 00:17 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    .. ابوصلاح : شيخ الحنفاء الأربعة
    التيار الحنفي في غنائية السودان

    http://www.youtube.com/watch?v=H7qYi9-w1lg

    العُشق نصيب و الغرام قدر

    ابو النصري : عشت في نعيم مدة الدهر

                  

09-28-2012, 10:54 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    Quote: أرجو من صاحب السياده ...... قليـــل مـــراهم من العــــياده
    وياطروة انت من أهل الطب والطبابة فأكشف لنا الألم .وسلاما علي بقعة الامال من الموردة مسقط رأس ابوصلاح الي حي العرب سيد والعبيد ومكي ودعروسة موطن كرومة


    النصرى وطراوة و اخرون .....الله يشفيكم

    ثبت لى بما لايدع مجال للشك ان الذين يقولون ان ابوصلاح وقفت دراسته عند خلوة حسن حسين
    مخطئون ..اذ ان الرجل امتدت دراسته الى احد كليات الطب ويعرف فى علومه كما يعرف فى الصيدلة
    كما ورد فى المراهم المشار اليها بعاليه ولذا قال هذا الفحل:
    من المنام ما معاى ولا ستة من ستين وعندى التلت من عقلى وعندك التلتين..
    يحدثنا اهل الذكر فى الطب ان العقل ينقسم الى ثلاثة اجزاء رئيسة ( عا########ى رئيسة دى الحمد لله لقيت
    ليها موضع) او رئيسية ، كما يقول الراسخون فى العلم من اهل البصريات ان اقل درجات الابصار
    هى 6 من ستين واعلى درجاته هى ستة من ستة ، او ستة على سته كما يقول اهلنا بالعامية..
    كان يمكن لابوصلاح لو لا تبحره فى الطب ان يقول تمانية من تمانين او تسعه من تسعين ويستقيم المعنى
    والوزن ولكن لتأكده من المعلومة جاءت افادته كما اورد ..
    انا بالجد بزعل ممن يصف هولاء بالاميين الا اذا ارادوا بها امية تشبه امية رسولنا الكريم صلى الله
    عليه وسلم ، اى هى التى لم ينتظم فيها الناس فى المدارس النظامية .
    صلاح وطراوة اوغلو فيها برفق والله الحقيبة تحتاج لمليون دارس ودارس وفيها من كيمياء الطرب
    الكثير الخرافى،،،
                  

09-30-2012, 03:23 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صديق الموج)

    UP

    .. يا ابو النصري : أمسك العدد ( أمسك العدد مع شيخنا صالح عبد السيد)

    عد الشوادي الغنت بالغرام صايحين ..... ...عد القماري القوقت بالغصون مايحين
    عد النسايم المرت بالمسك فايحين ... .. تغشاك يا (المحجوب) نعمة و سرور كل حين

    ناس العمدة المحجوب ( عمدة الخوجلاب خط بحري الضواحي و ما تلاها )
    حدث يا موج، فإن حديثا" منك يشجيني
                  

09-30-2012, 03:47 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    عزيزنا الموج
    سلامات
    والتحية للجميع والعيد مبارك لعموم الناس والبركة فيكم وفينا في الراحلو من الاحباب والحبيبات .
    يا أحمد طراوه مشيت بيتكم ياخ في رمضان وشربنا الحلو مع الوالدة في الساعة ديك عمك السر قدور كان علي وشك يلملم عدتو .
    وبجيكم لقصة عمكم قدور
    الوالدة بخير .
    لكم التحية
                  

10-01-2012, 06:07 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Osman Musa)

    حدثتني الوالدة يا عثمان بزيارتكم الكريمة لحوش جدنا عبد الرحمن طراوه
    بفريق (الياس) الأمدرماني القديم .. لك الشكر الجزيل أيها الرجل الأصيل

    .. كلما جال بخاطري فريق الياس، جاءتني كلمات أبوصلاح :

    http://www.youtube.com/watch?v=d6NxTFfi6SE

    محمد بدوي أبوصلاح : داخل الخدري مع جده صالح عبد السيد أبوصلاح



    فرض يا دموعي تندثري .. إذا منو النسيم يسري
    صحيح يا جروحي لا تبري .. هواك برضاي ما جبري
                  

10-02-2012, 00:19 AM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    بعد السلامات .
    يا طراوه زيارة الوالدة واجبنا ياخ .
    كيف ياخ .؟
    نعم .
    ياهو الحوش الطلعت منو دي ( صحيح يا جروحي لا تبري ... هواك برضاي ما جبري )
    البيت ده يا طراوه عمك المرحوم وردي بتقطع فيه . هو عليك الله وردي الاتقطع فيه شوية ؟
    وبرضو سمعتو من المرحوم أحمد ربشة الفنان في لندن . ربشة الفنان العالمي المظلوم من الأعلام السوداني .
                  

10-03-2012, 02:56 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: Osman Musa)

    هات يا (زميل) !

    .. يا زميل دقق .. الجمال و الذوق فيها مُتحقق
    .. الصدير عالي .. و الحشا مُرقق .. ............
    .. و القِديم في الحوش .. كان مشى يبقق .......

    فوقِك عهود .. هوي يالجاهلة فوقِك عهود .. بُر، و طه، و يس، و هود

    .. او تلك يا ابو النصري التي يقول فيها : بلغ الأشواق يا هلال .. شبيهك جسمي إنغلا
                  

10-05-2012, 02:14 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)


    الغرام الحلّ .. و رحل السكان
    في مداين جوفي .. تملك الأركان

    http://www.youtube.com/watch?v=tDUDap-dN9g&feature=related

    ابوصلاح : صياغة الأخيلة شعرا" .. نحو المشروع الثاني ل (جنة الله في الأرض)
    الزهور بتصفق و يرقص الريحان .. يا نسيم ما بالك تثني قامة البان

    رواية المتنبي الاولى تلك، يوم شُعبِ بوان : ابوكم آدم سنّ المعاصي .. و علمكم مفارقة الجنان
                  

10-05-2012, 03:58 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)


    لحظك الجرّاح
    أذاي فيهو ، وفيه الطرب والراح
    مناي يا زهرة الأفراح
    للقلوب شرّاح
    مبتهج شيء عجيب ، مزيون وعندو سَرَاح
    بيّ ضاق الكون ، لا أجدلو بَرَاح
    منّي فارق ، وشال نوم عيوني ورَاح


    وقيلت مبتعد شي عجيب و مسجون و عندو سرح

    (عدل بواسطة يحي قباني on 10-05-2012, 04:01 AM)
    (عدل بواسطة يحي قباني on 10-05-2012, 04:05 AM)
    (عدل بواسطة يحي قباني on 10-05-2012, 04:10 AM)

                  

10-06-2012, 02:45 AM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    اخونا احمد
    شوف وانت كلك شوف العيون البتقلقل الجبال ووين اخونا صديق سيد
    البوست , ياربي يكون قلقلتو عين , وفي ظني أن هذا البيت أجمل بيت قيل في وصف العيون في الشعر السوداني
    لـو يـصادم شُـمّ الجبال بـاللِّـحاظ في الحـال قـلقلا

    ولك يا احمد تبليغ الهلال لي اقوال ابوصلاح

    بـلّـغ الاقـوال يـاهـلال شـبيـهك جـسمـي انـقلا
    انت شـايف البها والجلال والـترف والـتـيه والـدلال
    وبيّ لاحـظ الشوق والمِلال وطـبي صار ممزوج في خلال
    العنـب والـدر والــزلال طِـبي يحـرم والمـوت حلال
    ومـين يـمـيز دي ويـعـقـلا
    طـرفي ساهر بين انسبال السـهـاد والـنوح والـوبال
    وطـرفو سيف يتلامع قُبال الـوتـر و القـوس والنِّبـال
    لـو يـصادم شُـمّ الجبال بـاللِّـحاظ في الحـال قـلقلا
    يالنفورك زادني انتحال وانت ساكن في قلبي حال
    اروي وصفك علي كل حال العيون واللما في اكتحال
    مروي رسمك واسمك محال في قصايدي المتنقلا
    الكتوف نازلات بي انهدال والقوام والجيد في اعتدال
    الشعر كالليل في انسدال محيو ناير في الظلمة دال
    في خدو تنظر صورتك بدال المراية المتصقلا
    طرفي زايد في الانهمال اتفكر يمنا وشمال
    مارأيت في الكون اجتمال من خلافك ياذو الجمال
    غصنا اثمر بدر الكمال منو برق السحب انجلا
    قول لي طيـفك عرِّج تعال شوف هواك اللـي جسمي عال
    داوي نـاري الزايدة اشتعال ولـوتسـرَّك تـلك الفـعـال
    كـل شـي يرضيك هو عال منِّـي هـاك الـروح سـجلا
                  

10-06-2012, 02:36 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    طِـبي يحـرم والمـوت حلال
    ومـين يـمـيز دي ويـعـقـلا : يا ابو النصري، هو نفس الشخص القال عنو صالح

    - الامرضني و ما طباني .. في خديدو يلوح نور رباني
    - وفي رواية تانية : كيف الامة تهوي .. كيف تعشق بلاكا .. يا مراهم جروحو يا ملكا و ملاكا ( قاصدا" أمة السودان)

    شوف صالح (مُتنقلا") و عابر للأجيال : مروي رسمك واسمك محال .. في قصايدي المتنقلا

    صالح عبد السيد : The Timeless Abu' Salah : ابوصلاح .. بروسودولوجي صالحا" لكل زمان و مكان
                  

10-06-2012, 02:54 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    بوست العماليق..

    يا موج .. لامن يتلمّوا زي ديل في أي منافسات بيقولو على الحدث إنو (نهائي مبكر)..
    عموما بقول للناس الهنا جميعهم : سألتكم بالذي سمك السماء بلاعمد شويه شويه..
    مشتاق وعندي لوعة ولكن مثلي لو اشبعتوهو مره واحده بعد مجاعة سنة سته فحتما
    سيقضي على غير قصد ، طراوه والقرشي بيعرفوا الكلام دا طبيا بيعني شنو..

    يا موج ، في الفترة المنصرمة كنت في حالة زي منديل في مغسلة ملابس وعندي التلت من عقلي وربما أقل،
    مؤقتا أقول: جمر الأشواق هب قلاني ..
                  

10-07-2012, 03:42 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: محمد المرتضى حامد)

    .. عودة ود حامد المرتضى،
    مرضان باكي فاقد من بعد 20 حجة

    http://www.youtube.com/watch?v=LR44dGmW2aw&feature=relmfu

    لسان ابوصلاح نصفُ .. و نصفُ فؤاده
    وهو من قال : النوم مني فرّ .. و عقلي ناوي الرحيل


                  

10-07-2012, 01:16 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    يا أحمد
    حباب مرتضي زولنا والمن ناسنا وويتكم يا ناسنا
    ابوصلاح بعد الطب والطبابة ودورسه القيمة فيها لعلاج القلوب العاشقة
    ذهب في خلي العيش حرام الي تأريخ السودان, ومعركة كرري
    بنقابل المدافع بالثبات والعقل
    وفي معركة كرري كان الانصار يعقلون
    ارجلهم حتي يواجهون جيش المستعمر ومدافع المكسيم, يا كاتل او مكتول.

    خلي العيش حرام مادام اري الموت يحل ** ما بين الرميش والطريف الكحيل
    هزاز صدره ميل فادع الخصر النحيل ** بالرجاج يقلع شبه المهر الوحيل
    النوم مني فر وقلبي ناوي الرحيل ** من غير المنام طيف الخيال مستحيل
    من فوق للحسود لو كان غضب او قيل ** ما بنخاف رصاص من عينه نخشي النيل
    بالحب كم قتيل فينا وجريح منسيل ** راجين الهلاك بجرعة من سلسبيل
    بنخوض الرماح لو كان تزيد او تقل ** ونهاب من ضمير الاهيف المنفقل
    بنقابل المدافع بالثبات والعقل ** ونخاف سيف عيونه اللمعة يبرق صقيل
    والاني اشتياق وقلبي اصبح وجيل ** واتمنت محاسنك روحي جيل بعد جيل
    والاكي الجمال يرفع لقدرك يجل ** واتمني الهلاك ينصاع لي قديمك حجل
    يا المنك معار تكحيل شويدن الخميل ** علمتي الغصون مع النسيم كيف تميل
    مختارك يحاكي الشولة دمعه الهميل ** والتختاره لي لا شك جميل يا جميل

    (عدل بواسطة صلاح النصري on 10-07-2012, 01:19 PM)

                  

10-08-2012, 01:02 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    .. صالح عبد السيد ابراهيم نوار ( المعروف جماهيريا بأبوصلاح)
    المولود في امدرمان نحو العام 1890

    مولود بعد ان قطع احمد ود بعشوم و الشيخ العدار خط الإستواء ، و أتوا بذلك النظم الذى يستحق التأمل :

    الموز روى .. قايم سوى .. فاطرِك ضوى .. بالنار يا ناس قلبي إنشوى
                  

10-08-2012, 02:53 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    يا دكنور ... بالله تستفيض فى الغوص في هذه الدره ...


    الموز روى .. قايم سوى ..
    فاطرِك ضوى ..
    بالنار يا ناس قلبي إنشوى

    لسع دقاق وما استوى
    حراسه مرتينن عوى
    قطعوا له خط الإستواء
    كيف بصري انا قلبي انشوى
    ياستي أمرك لي مطاع
    من غيري كل العاصي طاع
    اعلانها باقي على انقطاع
    نرجوك عدم الانقطاع
    زينة الزناتي مع هلال
    رسمولها فوق تاجها الهلال
    أقدامها ماشالن علال
    مودوعه عند سيد بلال
    لوتاني عاد الإنفصام
    بشكيه عند قاضي الغرام
    اوريهو ناره الفي العضام
    سراجه حامياني المنام


    الكابلي في الموز روي ...ابداع لا يضاهي ...
                  

10-08-2012, 02:58 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    زينة الزناتي مع هلال
    رسمولها فوق تاجها الهلال

    يا دكتور ...من فرط جمالها ... لم يجد لها زوجا غير ابو زيد الهلالي او الزناتي خليفة ...

    لك ان تتخيل الثقافة والإضطلاع في زمن كانت الروايات تتناقل باللسان فقط ...
                  

10-08-2012, 02:10 PM

صلاح النصري
<aصلاح النصري
تاريخ التسجيل: 04-06-2010
مجموع المشاركات: 38

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    اعزائي احمد ويحي
    في دردشة مرة مع الأستاذ الكابلي , سألته عن قطعوله خط الأستوا واذكر أنه أجاب المقصود هنا ليس خط الأ ستواء الجغرافي , بل هو ثوب وسمته السيدات خط الاستوا. والأغنية من زمن التركية السابقة , والسيدات السودانيات يطلقن اسماء علي الثياب والعطور مثل الدلع وابوقجيجة ورسالة لند ن وبوليس النجدة وللعطور قديما بت القسيس , وارجح رواية الأستاذ الكابلي وهناك شواهد كثيرة من القصيدة تدل علي القصيدة مكتوبة لفتاة معينة وجاءات التورية بمخاطبتها احيانا بصيغة الجمع حسب العادات والتقاليد السائدة في ذلك الزمن بعدم ذكر المحبوبة صراحه لانو المسألة فيها رصارصة من البند قية المرتيل ولو مافي بندقية قطع رقبة بسكين ضراع ..
                  

10-08-2012, 04:42 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: صلاح النصري)

    سِيرة صالح : سِيرة حاملي مشاعل الغي .. عن تاريخ نشأة (الغي) في السودان !

    منذ عهد إسمعيل الدقلاشي .. الدقلاشي صريع (تُهجة) جميلة العهد السناري
    مرورا" بمحطة على ود محلق صريع فويطر العنجك الملح الرشيدي .. تاجوج الما إتلقت يا خميلة زيدي .. تاجوج فتنة قبيلة الحِمران
    مرورا" بمحطة الحردلو ... الحردلو المن نشوهو للبنات هوايّ .. عاشق قصبة مدالق السيل .. و تلك الجميلة ( شتن ) : أقنع بيك و اتوب من البنات يا شتن

    http://www.youtube.com/watch?v=vfOoN0SYeTk

    وقِف تأمل : عند محطة الأحفاد الشرعيين لتاريخ الغي، النازلين على حكم العُلا ابدا"، من زينوا غنائية السودان خير تزيينِ
    ناس العباسي الكبير عاشق بنت عشرين .. العباسي (مُلهم عتيق) .. و صالح عبد السيد ابوصلاح
    .. رهط القائلين : الغي فِطرة .. الغي قِسمة و قلبي نشأبو .. غرز نشابو .. شايلا قليبي وين ماشابو

    يحي قباني لك مودتي : نعود لغناء التركية و أثروا في دوباي ابوصلاح الاول ... سيِرة احمد ود بعشوم، و كمان ود المضوي القال : شن أسوّ .. حي انا الجنيت وقت هووّ ..
    صلاح النصري : غرز نشابو .. أكتبا ايها الوراق الكبير .. مع حقيقة أنها لم ترد في ديوان ابوصلاح


                  

10-13-2012, 02:14 AM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    ابوصلاح : ذلك السُهاد المُنتج !

    http://www.youtube.com/watch?v=6V_aZvTx6m4&feature=related


    - أما نومي الفرّ ما منظور يُعاد
    - عيني ساهرة و قلّ إصطباره
    - عيني و المنام في مُعاندة
    - فداك نوم عيني
    - يا ليل ابقالي شاهد

    (عدل بواسطة أحمد طراوه on 10-13-2012, 03:32 AM)

                  

10-27-2012, 05:27 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    حلقة خاصة مع ابوصلاح - من برنامج حقيبة الفن تقديم المبارك ابراهيم 1962

                  

10-27-2012, 05:29 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    بادي محمد الطيب - ورائعة ابوصلاح و كرومة

    الكواكب احتفلوا باقمر ...

                  

10-28-2012, 06:47 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: يحي قباني)

    UP

    .. صالح عبد السيد : في توصيف و أوصاف الأهيف (الضمر)
    وقيل أن الضمير هو الخصر الضامر ..

    ديسا للقدم وصل الخبر !

    كان العبادي قد ارسل برقية (خبرية) من جوبا لعناية ابوصلاح تقول:
    توجهنا ( بِل)

    (عدل بواسطة أحمد طراوه on 10-29-2012, 01:02 AM)

                  

10-28-2012, 08:31 PM

Osman Musa
<aOsman Musa
تاريخ التسجيل: 11-28-2006
مجموع المشاركات: 23082

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: د.القرشى، محمدالمرتضى، طراوة، اللندى، يحى القبانى، عثمان موسى، مطل (Re: أحمد طراوه)

    قال :
    الصدير أعطافك فترا
    الصدير أعطافك فترا
    النهيد باع فينا واشتري
    يا بدور القلعة و...........
    ..
    هسع عليك النبي يا طراوه أهو قاعد تتابع في منافسات الغناء الأمريكي و في الدعم وفي الاموال المدفقة والهيصة القايمة دي كلها . ياخ في معاني كلام بشدك
    وببحر بيك في بحار عجيبة من المتعة زي كلام عمك أبوصلاح ده .؟
    عليك الله يا طراوه حاول جيب لينا شهادة عمك البنا عنو . هههههههها . جيب لينا كلام صاحبو البنا عنو . وعن شطارتو وجنو عشان الناس تعرف .
    هسع يا طراوه ناس ناس عمك ديل أتعلموا في الخلاوي ؟
    ولا يمكن زمان كان ناس جامعة جورج ميسون عندهم جورج ميسون كلية للغة العربية فرع المسالمة ؟
    الكلام ده يا طراوة ما كلام ساكت
    الكلام ده كلام مدروس وخلاف اللغة العربية السالمة والجميلة برضو فيه علوم وفنون ومتعة .
    ..
    يا شباب عيدكم مبارك
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de