تواصل خريجي مدرسة المؤتمر الثانوية - المدرسة الوطن

Quote: في حوالي شهر يناير 1986 و نحن طلبه في مدرسه المؤتمر زارناالمهندس ناصر بشري بانجلترا و الذي كان يدرس بالاهليه أم درمان أنذآك و كان ناصر داكي المدرسه (مزوغ من الحصص) و دكينا المدرسه أنا و المهندس محمد أحمد حسن (الجقر) بدبي و طارق زروق (جاكسون) و ناصر معانا مشينا نتسكع في حدائق مايو امام الهيلتون و هناك فارقنا طارق و قلنا نمشي قدام علي الخرطوم ووقف ناصر علي الشارع و بيأشر علي العربات بطريقه الاوتوستوب وانا كنت واقف وراء شجره خوفا من ان يصادف مرور الوالد او احد اقربائي في تلك الساعه و اتعرض لعقوبه المهم توقفت عربه بيضاء (لا انساها) كوروللا امام ناصر و جري ناصر و ركب فيها و لم نتحرك نحن فنادي ناصر علينا بعد ان ساله السائق ان ينادي علينا و تجمدنا أنا ومحمد فقد كان سائق السياره مرشد فصلنا و الاستاذ المرعب محمد الحسن (الناظر الحالي للمؤتمر) و كان ناصر لا يعرفه و سألنا جايين من وين و ماشين وين و قام ناصر قال ليهو و الله جايين من الهيلتون و ماشين علي سوق الخرطوم و أنا قلت ليهو بصراحه يا أستاذ ماشيين نشتري كتب قرامر أنجليزي عشان نجي نحضر الحصه الخامسه بتاعتك فقال لي بطريقه ساخره لا ياخي ووصلنا الخرطوم بدون ان نتكلم و عندما نزلنا قام أستاذ محمد الحسن قال لينا محمد و محمد بكره تجيبوا أولياء أموركم عشان يقابلوني الصباح فصبينا جام غضبنا علي ناصر و جبنا ابائنا تاني يوم