تواصل خريجي مدرسة المؤتمر الثانوية - المدرسة الوطن

Quote: الله على البوست الجميل ده الواحد سرح في ذكريات جميلة قضينها في تلك المدرسة العريقة انا على ابوالقاسم علي خريج مدرسة المؤتمر 1989 اولي علي عبداللطيف تانية متنبئ ثالثة بن حيان زقاق حسن زمراوي يادفعة والله مشتاقين ما عارف بتذكرني ولا لا

Quote: الدفعة حسن زمراوي لازلت في انتظارك بذكرك بناس من الدفعة سامي هاشم - ياسين احمدعواض - محمد مصطفى الامين - منير زمراوي - حسام عبدالوهاب في انتظارك صديقي الشوق قاتلني

الأخ العزيز والفردة اللذيذ / علي عبد القادر:

السلام عليكم ورحمة الله وبركاته ...


إنت منو يازول ؟؟؟

لو قلت لي إنك علي عبد القادر مابتزكرك، ولكن لو قلت إنك "علي ميع" الكل حيتزكرك

كيفن مابتزكرك، وبمناسبة الزكرى دي خليني أشيل حسك هنا إسفيريا:

تتزكر يوم عزمتنا إفطار رمضان في بيتكم في الموردة وجينا البيت ومالقيناك ؟؟؟

أنا عايز أشيل حسك هنا لأنك شلت حسي في البوست القديم عن مدرسة المؤتمر بتاع "النصري أمين" قبل كم سنة وزكرت الناس بشجرة البنقو وقلت:
"أكيد حسن زمراوي حيكون متزكرها"

ياشين ،،، وينك يافردة، والله ليك وحشة ياوحش.

ودعني أرسل لك صورة حديثة لي كانت بمسقط رأسي بشمال السودان في كرمة البلد بتاريخ 30/3/2007م عند زيارتي الأخيرة للسودان في يوم إفتتاح أحد المساجد هنالك وأنا ألقي قصيدة الفرزدق المشهورة في حب آل بيت رسول الله صلى الله عليه وسلم.





ونتمنى أن تزورنا في هذا البوست فأنا موجود فيه بكثرة:

رابطة خريجي مدرسة أبي كدوك النموذجية - جيل الوفاء لأهل ...ء ( يوجد فيديو وصور)

المرجو منك مراسلتي على بريدي اللكتروني:

[email protected]

أو مسكن لي يامسكين من أي مكان إنت فيه وأنا حأرجع ليك طوالي إن شاء الله ،،، بس راعي فرق التوقيت وراعي حرماني وأخشى عامل السن ياميع

والسلام عليكم ورحمة الله وبركاته ...


حسن زمراوي محمد عثمان - دفعة 1989
[email protected]
جوال: 0017732167733
شيكاغو - ولاية إلينوي - أمريكا