لى اكتر من كذا سنة عاوز اقول عاوز اكتب بس مش عارف ابداء من وين ولا وين وكل ما اسمع العمل ده احتار الليلة خلاص فاض بى واردد كالمجنون والله صحى الله يغفر ليك ياظالم ياخ معقول بس يا استاذ موصلى ياخوى معقولة بس ينعل ابو كده زاتو العمر ده هو قدر شنو وطولوا لمتين والغربة تسرقه وتطويه بعيداً ليه بس البلد دى فيها ناس ظالمة زى كده ؟ معقولة السنين دى كلها تمر والطيور المغردة و المليئة بكل هذا الاحساس وهذا الشجن الا تستطيع ان تغرد فى ديارها باندياح جياش واحساس متدفق؟
08-14-2012, 00:00 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
ح اقول ليك بكل صراحة واريحية الصديق والاخ والمهتم والحريص واكيد ح اكتب اكتر من الكلام ده ...... ثمح ياخوى
حاجة واحده هى انك تنسى كل هذا التوهان الدائر من عافيه حسن وحتى اسامة على(and co) والخ بالرغم من انه السالفى الذكر لا غبار عليهم وهما مبدعين حقيقين ولكن لا تحصر نفسك فى هذا الاطار الضيق وانت القادر على العطاء بافضل من ذلك فعليك الله ركّز لينا فى البتعرفو ده زى الكان مع ناس احمد باص والعاقب وميكايل وودالزين وود تاج السر والجن البتعرفو ده واتمم بالمبدعين الشباب يوخت فى بالك ياخ مافى شغل اوركسترالى غنائى سودانى اتنفذ حتى الان واترجم كلوحة فنية رائعة زى ما اتعمل فى الشغل ده وحتى لو داير تنتج اعمال لشباب موهوب بس اتذكر المستوى ده
08-14-2012, 08:21 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ح اقول ليك بكل صراحة واريحية الصديق والاخ والمهتم والحريص واكيد ح اكتب اكتر من الكلام ده ...... ثمح ياخوى
حاجة واحده هى انك تنسى كل هذا التوهان الدائر من عافيه حسن وحتى اسامة على(and co) والخ بالرغم من انه السالفى الذكر لا غبار عليهم وهما مبدعين حقيقين ولكن لا تحصر نفسك فى هذا الاطار الضيق وانت القادر على العطاء بافضل من ذلك فعليك الله ركّز لينا فى البتعرفو ده زى الكان مع ناس احمد باص والعاقب وميكايل وودالزين وود تاج السر والجن البتعرفو ده واتمم بالمبدعين الشباب يوخت فى بالك ياخ مافى شغل اوركسترالى غنائى سودانى اتنفذ حتى الان واترجم كلوحة فنية رائعة زى ما اتعمل فى الشغل ده وحتى لو داير تنتج اعمال لشباب موهوب بس اتذكر المستوى ده
زميلي الفنان محمد زكريا من الصدف الغريبه آن آسامه على طلب مني قبل انزال بوستك هذا باسبوعين آن آرسل له اسكور الاغنيه وارسلتها له قبل يوم من نزول بوستك آنا قلت محمد زكريا ده فكي كبير يخوف والله ----- اسامه يامحمد آحسن منفذ موسيقي سوداني على الاطلاق في رآيي فهو لا ينفذ فقط بل يضيف الكثير لتوزيعاتي ولكن المقارنه بين عمل ينفذ في البيت مع عمل تم تسجيله في استوديوهات عمار الشريعي بالقاهره ففي هذا ظلم بين لان الكلام القالو عنك شارك في تنفيذها طارق عاكف وبعدها انطلق طارق واصبح يوزع لكبار الموسيقيين المصريين وكان مهندس الصوت هو آمين عاكف الذي صار يجري خلفه من العرب آمثال محمد عبدو طلال مداح ونبيل شعيل وموسيقيا حشدت للآغنيه مجموعه موسيقية منتقاه السودانيين الاشاوس وغيرهم تكلفة التسجيل كلفنتا كثيرا محمد الشفيع الذي كان يعمل بسفارة السودان بالقاهره وكل الوراي والقدامي مماوفرته كمبعوث وكذلك الصديق كمال فضل لو انا لقيت المجموعه الاولى ومعاهم اسامه في التحضير الاساسي ونفس الآمكانات لآخرجت اليكم ما هو آجمل وعندي النيه باذن الله لآعمالي الجديده وبجيك راجع بعد الرد على باقي ضيوفك
------------- انظر ابداع حموده ساكس ووقتها كان صغيرا جدا حشرناه في ركن في الاستوديو فاخرج هذا الجمال في المقدمه ونفذها بسحر شاب متطلع
(عدل بواسطة Elmosley on 08-14-2012, 08:26 AM) (عدل بواسطة Elmosley on 08-14-2012, 08:26 AM)
08-14-2012, 00:04 AM
خدر خدر
تاريخ التسجيل: 02-07-2005
مجموع المشاركات: 13188
معليش يا مورتا .. نزلنا الاغنية شكلنا في وكت واحد :)
ـــــــــــــــ الاغنية فعلا من العلامات الفارقة في شغل موصلي - لو موصلي فعلا رجع ينفذ علي الاقل الحانو المركونه في الكرتونة الحايم بيها في كل رحول جديد .. قطعا الموسيقي السودانية حا تغني كتير جدا بدل الغثاء البنسمع فيهو كل يوم . الاغنية السودانية محتاجة لمن يقيل عثرتها من الوهدة الفيها دي ، ده بتم يا مورتا بي شغل موصلي و شغلنا كلنا ، بتم بي فتح ابواب الاجهزة الاعلامية للشغل ده ، بتم بعد اسقاط حكومة العولاق البفتحوا باب الاعلام لكل من هب و دب علي شاكلة اغاني الجبجبة " لالهاء الشباب" و يوصدوهو امام الجديد - صدقوني بلدنا دي ما حا تتقدم لو ما رفعت القيود عن فنونها و لو ما فتحت كل الابواب قدام الجديد المحترف و المنافس و ليس بالضرورة ان يقفل الباب امام الجبجابين و الجبجابات عشان المعادلة المقلوبة دي تستعدل و يعتلي المسارح الفنانون الحقيقيون و يرجع المجبجبين الي بارتيهاتهم و حفلاتهم الدكاكينية و كل ميسر لما خلق له.
08-14-2012, 00:15 AM
خدر خدر
تاريخ التسجيل: 02-07-2005
مجموع المشاركات: 13188
Quote: الله لا كسبك يا مورتا ، فتحت شهيتي للكتابة بعد ما كانت مقفولة سنين من الحوار الجاد في سودانيزاونلاين
ايو امرق الكلام الجوا الجوه زاتو وزى ما قلت لو ما انا وانت وغيرنا قال البغله فى الابريق منو الحايمرق بريق .........او حتى بصيص امل قول يا خدر قدر الليله وبكرة عشان مستقبل الفن فى بلادى يشرق ويشوف الطريق عشان الطيور الطال سفرا ترجع للعش وللضل فى النخيل والشدر فى الفريق
يا خدر الكلام الجاد والحار بيؤدى الى صحوة من غفوة توهان ونسيان و الى حين الظالم يغور بوحشيته الجاثم على الصدور فليبقى جمال الفن واهله منارة للتائهين
تحياتى لك يا رائع وحتماً الى اللقاء يا صديق
08-14-2012, 00:52 AM
Elmosley Elmosley
تاريخ التسجيل: 03-14-2002
مجموع المشاركات: 34683
حاولت والله يا محمد آقعد اعين روحي والجيل الجديد هسع لو قلت لي آقعد آقعد وين ياخي واطه ماعندي في السودان عشان آقعد فيها اشتغل واقوم انجم شويه ----------------- كدي التعود العافيه للبلد والله آسكن في قطيه ------ الحقيقه في رآيي ان الكلام القالو عنك من آخوات كان في التنفيذ الموسيقى وكان هي شوق الهوي واخواتها الكلام القالو عنك ومطر العشم وسفر العيون وطفل العالم الثالث كل الود ليك ولي آبو خدره ولي جمال --- ابداوا حواركم ومجلسكم وآنا جاهز
الموسيقيين زي ما عارف يا مورتا في المهاجر همومهم زيها و زي بقية المهاجرين - اكل العيش - تربية العيال في واقع مختلف - تطوير الذات " لغات جديدة + استيعاب واقع ثقافي جديد" - ده كلو بحصل في وكت كل معجبيهم و مريديهم بطالبوهم بي الجديد و ده مستحيل طبعا في ظل الهموم اعلاه. يعني البقدر يقتطع زمن يلحن فيهو عمل جديد ما قصر و البقدر يوفر قريشات من اكل اولادو عشان يستآجر استوديو لتنفيذ عمل جديد يكون ساحر و حاوي عديل . قدرما بكون الموسيقي المهاجر سعيد باعمال جديد لزملاء مبدعين داخل السودان قدرما بكون حاسي بي الم كبير انو بره السودان و للاسف العودة صعبة في وجود اسر و اطفال قيد التعليم و المدارس . نحن ما محتاجين لي تضامن قدرما محتاجين لزمن و فعاليات جادة " حتي ولو داخل السودان " لاتاحة الفرصة للمهاجرين لتقديم جديدهم او اعادة انتاج قديمهم . العلاقة بين المبرعين في الخارج و القنوات الفضائية السودانية علاقة منفعة متبادلة و الكاسب الاكبر هو المستمتع السوداني و الموسيقي السودانية اقال الله عثرتها . مثلا .. اذا نظم تلفزيوننا القومي او قنواتنا الفضائية البقت كتيرة مؤخرا مهرجان للموسيقيين المهاجرين في الخرطوم قطع شك حا يسمع الجمهور السوداني عصارة تجاربنا الخارجية و احتكاكنا بي موسيقات شعوب و ثقافات مختلفة من اقصي الشرق لاقصي الغرب .. التلفزيونات حا تضمن ساعات طوال من البث و ارتفاع نسبة مشاهدة ليها و الجمهور السوداني في البيوت حا يسمع موسيقي مختلفة من النشاز و التكرار المالي تلفزيوناتنا كل رمضان و كل عيد . احسب ليك نحن بره كم ولا تحسب انت ؟ شوف امريكا و اوربا و استراليا و الخليج بس فيها كم من فطاحلة موسيقيينا ، ناهيك عن بقية القارات .
الاخ الحبيب محمد زكريا سلامات ورمضان كريم شكرا لخروجك من ساس يسوس؟ فقد ادخلتنا فى نفق مظلم؟ ولو انا اهتمينا قليلا ببعدنا الثقافى لتجاوزنا كثيرا من المحن ولكن طرقت موضوعا جميلا يحمل فى جوهره فكره كبيره يجب ان نتداعى اليها جميعا عاملين ومهتمين فى احدى ضروب الثقافه والفنون ويوسف الموصلى هذا الفنان نموذجا وقس على ذلك المهاجر بيجنباتها البروف الماحى اسماعيل اول عميد لمعهد الموسيقى؟ 1969 تشهد له المانيا واذاعة كولون القسم العربى والافريقى بتاسيسه انجلترا والغرب الاوروبى عموما به شيوخ الشباب الفنانين؟امريكا والوطن العربى عدد مهول من الخريجين زبدة التجارب عندما نفذ يوسف اعمالة العظيمه تلك والتى لا نشك انه قادر على تجاوزها والتفوق عليها متى ما صلح المناخ لذلك هلى بيننا الان وحده (net werk) نتبادل بها الافكار؟ فعلها يوسف وحضر للسودان ولكن اسئله اى العقبات كانت فى طريقه؟ لابد لنا من طريقه جديده فى التفكير من التباكى على الماضى وانتاج القديم ولى عوده انور عبد الرحمن على
08-14-2012, 08:43 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الاخ الحبيب محمد زكريا سلامات ورمضان كريم شكرا لخروجك من ساس يسوس؟ فقد ادخلتنا فى نفق مظلم؟ ولو انا اهتمينا قليلا ببعدنا الثقافى لتجاوزنا كثيرا من المحن ولكن طرقت موضوعا جميلا يحمل فى جوهره فكره كبيره يجب ان نتداعى اليها جميعا عاملين ومهتمين فى احدى ضروب الثقافه والفنون ويوسف الموصلى هذا الفنان نموذجا وقس على ذلك المهاجر بيجنباتها البروف الماحى اسماعيل اول عميد لمعهد الموسيقى؟ 1969 تشهد له المانيا واذاعة كولون القسم العربى والافريقى بتاسيسه انجلترا والغرب الاوروبى عموما به شيوخ الشباب الفنانين؟امريكا والوطن العربى عدد مهول من الخريجين زبدة التجارب عندما نفذ يوسف اعمالة العظيمه تلك والتى لا نشك انه قادر على تجاوزها والتفوق عليها متى ما صلح المناخ لذلك هلى بيننا الان وحده (net werk) نتبادل بها الافكار؟ فعلها يوسف وحضر للسودان ولكن اسئله اى العقبات كانت فى طريقه؟ لابد لنا من طريقه جديده فى التفكير من التباكى على الماضى وانتاج القديم ولى عوده انور عبد الرحمن على
الحبيب آنور شكرا على هذه المساهمة الثمينة الا توافقني بانه قد ان لهذا الجمع الذي تفرق في بلاد الله ومن بينها السودان ان يتلم ويلتئم ويتحد اعتقد بآن تعدد المنافذ في السودان قد يتيح لنا فرصة العمر في السودان اذا اتحدنا في الهدف وتفرقنا في السبل الفنية الى متى تجتر قنواتنا وترمي بالناشئة الى ذلك النفق المظلم؟؟؟؟ تحياتي
Quote: الموسيقيين زي ما عارف يا مورتا في المهاجر همومهم زيها و زي بقية المهاجرين - اكل العيش - تربية العيال في واقع مختلف - تطوير الذات " لغات جديدة + استيعاب واقع ثقافي جديد" - ده كلو بحصل في وكت كل معجبيهم و مريديهم بطالبوهم بي الجديد و ده مستحيل طبعا في ظل الهموم اعلاه. يعني البقدر يقتطع زمن يلحن فيهو عمل جديد ما قصر و البقدر يوفر قريشات من اكل اولادو عشان يستآجر استوديو لتنفيذ عمل جديد يكون ساحر و حاوي عديل . قدرما بكون الموسيقي المهاجر سعيد باعمال جديد لزملاء مبدعين داخل السودان قدرما بكون حاسي بي الم كبير انو بره السودان و للاسف العودة صعبة في وجود اسر و اطفال قيد التعليم و المدارس . نحن ما محتاجين لي تضامن قدرما محتاجين لزمن و فعاليات جادة " حتي ولو داخل السودان " لاتاحة الفرصة للمهاجرين لتقديم جديدهم او اعادة انتاج قديمهم . العلاقة بين المبرعين في الخارج و القنوات الفضائية السودانية علاقة منفعة متبادلة و الكاسب الاكبر هو المستمتع السوداني و الموسيقي السودانية اقال الله عثرتها . مثلا .. اذا نظم تلفزيوننا القومي او قنواتنا الفضائية البقت كتيرة مؤخرا مهرجان للموسيقيين المهاجرين في الخرطوم قطع شك حا يسمع الجمهور السوداني عصارة تجاربنا الخارجية و احتكاكنا بي موسيقات شعوب و ثقافات مختلفة من اقصي الشرق لاقصي الغرب .. التلفزيونات حا تضمن ساعات طوال من البث و ارتفاع نسبة مشاهدة ليها و الجمهور السوداني في البيوت حا يسمع موسيقي مختلفة من النشاز و التكرار المالي تلفزيوناتنا كل رمضان و كل عيد . احسب ليك نحن بره كم ولا تحسب انت ؟ شوف امريكا و اوربا و استراليا و الخليج بس فيها كم من فطاحلة موسيقيينا ، ناهيك عن بقية القارات .
كلام في الصميم ياطارق كلام زول موجوع جد
08-18-2012, 04:23 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الموسيقيين زي ما عارف يا مورتا في المهاجر همومهم زيها و زي بقية المهاجرين - اكل العيش - تربية العيال في واقع مختلف - تطوير الذات " لغات جديدة + استيعاب واقع ثقافي جديد" - ده كلو بحصل في وكت كل معجبيهم و مريديهم بطالبوهم بي الجديد و ده مستحيل طبعا في ظل الهموم اعلاه. يعني البقدر يقتطع زمن يلحن فيهو عمل جديد ما قصر و البقدر يوفر قريشات من اكل اولادو عشان يستآجر استوديو لتنفيذ عمل جديد يكون ساحر و حاوي عديل . قدرما بكون الموسيقي المهاجر سعيد باعمال جديد لزملاء مبدعين داخل السودان قدرما بكون حاسي بي الم كبير انو بره السودان و للاسف العودة صعبة في وجود اسر و اطفال قيد التعليم و المدارس .
نعم ياخدر ولكن ان عادت اليمقراطية عدنا مهما كانت الظروف
Quote: الله لا كسبك يا مورتا ، فتحت شهيتي للكتابة بعد ما كانت مقفولة سنين من الحوار الجاد في سودانيزاونلاين ـــــــ ما ناسي وعدي والله - خلينا ننسق و انا علي وعدي
ياضنين الوعد
08-14-2012, 09:46 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: الاغنية فعلا من العلامات الفارقة في شغل موصلي - لو موصلي فعلا رجع ينفذ علي الاقل الحانو المركونه في الكرتونة الحايم بيها في كل رحول جديد .. قطعا الموسيقي السودانية حا تغني كتير جدا بدل الغثاء البنسمع فيهو كل يوم . الاغنية السودانية محتاجة لمن يقيل عثرتها من الوهدة الفيها دي ، ده بتم يا مورتا بي شغل موصلي و شغلنا كلنا ، بتم بي فتح ابواب الاجهزة الاعلامية للشغل ده ، بتم بعد اسقاط حكومة العولاق البفتحوا باب الاعلام لكل من هب و دب علي شاكلة اغاني الجبجبة " لالهاء الشباب" و يوصدوهو امام الجديد - صدقوني بلدنا دي ما حا تتقدم لو ما رفعت القيود عن فنونها و لو ما فتحت كل الابواب قدام الجديد المحترف و المنافس و ليس بالضرورة ان يقفل الباب امام الجبجابين و الجبجابات عشان المعادلة المقلوبة دي تستعدل و يعتلي المسارح الفنانون الحقيقيون و يرجع المجبجبين الي بارتيهاتهم و حفلاتهم الدكاكينية و كل ميسر لما خلق له.
شكرا سعادة القاضي خدر على ملاحظتك الذكيه لاحظ شوق الهوى تم انتاجه في زمن الديموقراطية ياخي نحن لو الزمن الديمقراطي موجود بنتسلف القروش ونمشي مصر ومعانا الوركسترا ونعمل آحسن التنفيذات وبعد داك الليسويها الله التبقى ان شاء الله نخش السجن ذاتو تحياتي
الحبيب محمد شنو ياخ ختيت الشرك ومشيت هذه رساله من آسامه علي يحييك فيها ثلاثه فيديوهات ومساهمه رآيي منه Ustazi al3aziz, Please do me a favor and post the following examples to the same post in response to Mohamed Zakaria. Please inform him that unlike wedding singers & musicians these have been produced with minus 100's of thousands of dollars and personal time to please the Sudanese listener with no rewards what so ever and zero investment from any one other than self and self "Co."!! and please ask him and the listener to just imagine how it would've been if we had access to resources, investment, musicians, studios, professional mixing and mastering production.. and thank him for me.
1-
2-
3-
08-14-2012, 09:31 PM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
احسب ليك نحن بره كم ولا تحسب انت ؟ شوف امريكا و اوربا و استراليا و الخليج بس فيها كم من فطاحلة موسيقيينا ، ناهيك عن بقية القارات .
شكرا محمد زكريا شكرا يوسف محمد عثمان بلال "الموصلى " شكرا خدر وقبل شوية كنت بتكلم مع موسيقى بحبه جدا زى ما قال اب سفة ما افضلو عليكم صديقى الملحن الجميل علاء الدين ابراهيم عافاه الله وشفاه شفاءا عاجلا وحكى لى عن تجربته وعن الغنا وعن المهرجانات التى شارك فيها وقبله كنت بتكلم مع ياسر بسطاوى احد فنانى بحرى "زمان " وغنى وتغنى الناس باغنياته وهكذا المهم انه تتلموا وان تعملوا حاجة كبيرة وتاكدوا ان المستمع الكريم سيكون منتظرا تلك الحاجة الكبيرة كل سنة وانتو طيبين وعيدكم مبارك
08-15-2012, 00:34 AM
bakri abdalla bakri abdalla
تاريخ التسجيل: 10-09-2003
مجموع المشاركات: 1956
Quote: ح اقول ليك بكل صراحة واريحية الصديق والاخ والمهتم والحريص واكيد ح اكتب اكتر من الكلام ده ...... ثمح ياخوى
حاجة واحده هى انك تنسى كل هذا التوهان الدائر من عافيه حسن وحتى اسامة على(and co) والخ بالرغم من انه السالفى الذكر لا غبار عليهم وهما مبدعين حقيقين ولكن لا تحصر نفسك فى هذا الاطار الضيق وانت القادر على العطاء بافضل من ذلك فعليك الله ركّز لينا فى البتعرفو ده زى الكان مع ناس احمد باص والعاقب وميكايل وودالزين وود تاج السر والجن البتعرفو ده واتمم بالمبدعين الشباب يوخت فى بالك ياخ مافى شغل اوركسترالى غنائى سودانى اتنفذ حتى الان واترجم كلوحة فنية رائعة زى ما اتعمل فى الشغل ده وحتى لو داير تنتج اعمال لشباب موهوب بس اتذكر المستوى ده
يديك العافية أخي محمد زكريا ودي نصيحة غالية أتمنى أن يتقبلها استاذنا الموصلي بصدر رحب أسامة علي لا غبار عليه من أميز الموسيقين في الساحة وكذلك أحمد باص و ميكايل وسعدالدين الطيب وسا طور(ترهاقا) و و و ..لكن أخي الموصلي ألا تلاحظ الفرق الشاسع ما بين تنفيذ أعمالك في البوم شوق الهوى ورسالة يا أمي أداء سمية حسن (توزيعك) وأعمال أخرى... وما أنتجته حديثا؟ أتمنى أن يتم تنفيذ أعمالك مستقبلا بأوركسترا متكاملة وأنت سيد العارفين بالمناسبة عندك أغنية جميلة جدا أختفت من كل ألبوماتك السابقة (الميعاد) ما هو السبب ؟
08-15-2012, 08:12 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يديك العافية أخي محمد زكريا ودي نصيحة غالية أتمنى أن يتقبلها استاذنا الموصلي بصدر رحب أسامة علي لا غبار عليه من أميز الموسيقين في الساحة وكذلك أحمد باص و ميكايل وسعدالدين الطيب وسا طور(ترهاقا) و و و ..لكن أخي الموصلي ألا تلاحظ الفرق الشاسع ما بين تنفيذ أعمالك في البوم شوق الهوى ورسالة يا أمي أداء سمية حسن (توزيعك) وأعمال أخرى... وما أنتجته حديثا؟ أتمنى أن يتم تنفيذ أعمالك مستقبلا بأوركسترا متكاملة وأنت سيد العارفين بالمناسبة عندك أغنية جميلة جدا أختفت من كل ألبوماتك السابقة (الميعاد) ما هو السبب ؟
الحبيب بكري لك التحيه والشكر ليس عندي آغنيات كثيره لم تنفذ باوركسترا كامله اما بالنسبه لاعمال عافيه فتم انتباع التكنيك الذي يستخدمه الكثيرين في العالم وكل العالم العربي وهو تجهيز العمل الهارموني والايقاعي وبعض الصولات غير الوتريه ثم الدخول للاستديو لتنفذ الات الكمان وقد سافرت خصيصا للقاهره من آجل هذا الآمر وشكرا لعافيه آن صرفت على عملها آما اسامه فهو ضحيه لنا جميعا فهو يتبرع بجهده وماله ووقته ووقت اسرته لذا فانا آضعه في مقدمة الموسيقيين السودانيين بلا شك وبلا جدال ذرايته بالهارمونيه والتوافقيه متفوقة تماما مع المحبة والتقدير على هذا الاهتمام المقدر والنقد الايجابي
08-15-2012, 00:35 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
الاعزاء الكرام كل عام وانتم بخير البوست تزين بوصول القامات السامقة والفطاحلة واصبح المكان منوراً بكم اعزائى والحديث ذو شجون وحتما سيطول مشاغل المت بى فى اخر ايام هذا الشهر المبارك فابعدتنى قليلاً عن المنبر ولكننى بلا شك اتاوق بين الحين والاخر حضرت الان والارهاق يقتلنى ولكن سعادتى بوجودكم هنا استردت بعض من النشاط والحيوية وانتابنى شعور جميل نعم سعدت بوجودكم جميعاً لانكم بلا شك مهتمين بامر الفن فى بلادنا ويؤرقكم مآلات حاله
بداية شكراً لك اخى الاكبر (ابو هديل) على رحابة الصدر وتفضلكم بالرد بكل تواضع وبساط احمدى وشكراً لكل من خط حرفاً هنا او مر عابراً متطلعاً شكر الى لاعزاء طارق ابوعبيده, جمال السنوسي ,طارق ميرغني , ناذر محمد الخليفة , انور الجلاد(ابوغيداء), سلمى الشيخ سلامة اوعدكم ان ارد على مداخلاتكم فرداً فردا فقط اسمحوا لى ان ارد رد خاص الى الاخ المبدع اسامة على
اولا احييك ايها الزميل الفنان واشكرك على ردك وانا من المتابعين لنشاطاتك باهتمام من خلال بروفايلك كصديق على الفيسبوك وفى هذه العجالة وددت ان ارد عليك رد خاص اولاً ان تتأكد فقط باننى حريص اشجع تجاربك الفنية وعلى ان تواصل مسيرتك الابداعية وما جاء ذكرى لاسمك فى هذا البوست الا لاننى اريد ان اقدم نقد بناء وايجابى لينصب ابداعك فى المسار الاصح وكما اسلفت انه لا غبار عليكما انتم الشباب الموهوب وحديثى يعنى استاذ الموصلى فى المقام الاول وما كنت لاذكرك ان لم اكن من المتابعين والمهتمين لما تقومان به من دور فنّى مقدر
عموماً ساتطرق على دورك واسهاماتك واعمالك الموسيقية كشخصية قائمة بذاتها هى الموسيقار اسامة على وبكل صراحة ايضاً اقول لك استمعت الى كل المقطوعات التى قمت انت بتوزيعها وتنفيذها وهى فعلاً لها تقييم عالى انتقادى هو تحديداً فى معضلة (الاوركستريشن) والالات المنفذة حيث ان كل الالات الموسيقيه فى الاوركسترا تعتبر vmc بمعنى اخر (كومبيترايزد) وبرغم المجهود الضخم الذى تبذله لتجعل الالات اقرب الى الحقيقية الا انه هناك الاذن المستمعة الجيده تفتقد روح الاوركسترا الحقيقى فى الالات التى تعزف من موسيقيين حقيقين ملموسين وهنا ياتى دور النقد الموجه الى استاذ الموصلى انه كيف يقبل ان تكون الاوركسترا المصاحبة فى تنفيذ اعماله مختصرة فى جهاز كيبورد؟ نعم يمكن ان يقتنع المستمع بجوده تنفيذ النوته الموسيقية وروعة التوزيع الموسيقى ولكن ليس كل مستمع متذوق وليس كل عمل ينفذ بصورة جيده فهو مقنع للجميع ومكتمل , اعنى يدهش المستمع بروعته وجمال ادائه هنالك (small details) قد لا ينتبه اليها الجميع ولكن الاغلبية يمكنها ان تلاحظ غياب الموسيقيين (العازف) الذى ينفذ العمل المحدد, ثم ان هنالك شىء اخر يزيد الامر سؤاً وهو انه بالاضافة الى عدم وجود روح الانسان (العازف*) ايضاً تجد تشابه احساس فى التنفيذ على كل الاعمال وهذا طبيعى اذا كان المنفذ شخص واحد وبطريقة كمبيوترية افتقد التنوع والروح الحية فى تنفيذ العمل من الالات الاصليه (كمانات وبراص وايقاعات حية حتى الدرامز ان كان حياً يعطى بعد اخر) انا ادرى انك تتفهم ما اعنيه وانا ادرى مقدار مجهوداتك العظيمة ومحاولاتك فى خلق وصنع الجمال بما هو متاح ولقد تميزت فى ذلك لانك ايضاً عازف كيبورد متميز لو لاحظت تجارب الصديق مؤمن عثمان برغم قلتها ونقصها للمنهجيه العلميه فى التوزيع الموسيقى ودراسات النوته والهارمونى الا انه قد حاول على الاقل ببساطى ان يخرج من روح الالة المبرمجه واجتهد فى تقريبها الى الالى الحية
لذا يأتى نقدى لاخى الموصلى طلباً فى ان يعود الى الخط الصحيح الذى ابتدعه فى البدء لنخطو الى الامام وليس لنعود الى الخلف ونتعذر بشح الامكانيات ونجد الاعذار لنقدم اعمالاً ليست على الاقل افضل من تلك البدايات العملاقة ونحن من المتابعين وهناك كثر ايضاً يا عزيزى اسامة لا تدرى كم اكن لك من الاحترام وارى فيك بصيص امل للاجيال المعاصرة ولكن هنالك سلبيات يجب ان نشير اليها وهى انك تقوم بتنفيذ رائع ولكن لا يصل الى مستوى ذلك الجمال والروعة التى يمكن ان تكون لو انك قمت بالتنفيذ مع اوركسترا حقيقيىة بكلنا يدرى تنوع الاحساس الذى يخرج من تنوع الموسيقيين المنفذين للعمل وبصماتهم ولونياتهم فى طريقة العزف والتنفيذ ولا شك ان نغمة الالة الاصليه لا يمكن مقارنتها باى نغمة تصنع صناعة فجمال النغم ياتى من الالة الاصل( سمح الغنا فى خشم سيدو) ولا تتعذروا بشماعة الامكانيات او العازفين الجيدين اتذكر صديقى الفنان على الزين الذى قام بتدريس طلاب موسيققين من الصفر ليكونوا فى النهاية عازفين متميزين ليتمكنوا من تنفيذ اعماله كما هنالك تجارب الفرق الموسيقية والتى كانت تؤدى بروفات قاسيه حتى تتمكن من تقديم اعمال متميزة فى التنفيذ واتمنى ان تواصل مجهوداتك فقط على امل ان يكون الطموح والهدف القادم التنفيذ للاعمال الموسيقية والتوزيع فى المستقبل القريب مع اوركسترا حية بقول انها لعنة الاورغ التى اصابت الموسيقى السودانية حيث اننى ليس ضد الاورغ او الكيبورد ولكن ضد ان نجعلها شىء اساسى فى موسيقانا ولن يقنعنى حتى الموصلى بانه يمكن الاستغناء عن الاوركسترا الحقيقية فى وجود عازف متمكن للاورغ وللحديث بقية
--============== ولا تنتبهو الى الاخطاء الاملائية ان وجدت وحتماً ستوجد
08-15-2012, 00:39 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: يديك العافية أخي محمد زكريا ودي نصيحة غالية أتمنى أن يتقبلها استاذنا الموصلي بصدر رحب أسامة علي لا غبار عليه من أميز الموسيقين في الساحة وكذلك أحمد باص و ميكايل وسعدالدين الطيب وسا طور(ترهاقا) و و و ..لكن
العزيز بكور نورت البلد ياخ كلامك ده هو خلاصة البوست زاتو وانا رديت قبل ما اشوف مداخلتك دى كل عام وانت بخير
08-15-2012, 11:01 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: , اعنى يدهش المستمع بروعته وجمال ادائه هنالك (small details) قد لا ينتبه اليها الجميع ولكن الاغلبية يمكنها ان تلاحظ غياب الموسيقيين (العازف) الذى ينفذ العمل المحدد, ثم ان هنالك شىء اخر يزيد الامر سؤاً وهو انه بالاضافة الى عدم وجود روح الانسان (العازف*) ايضاً تجد تشابه احساس فى التنفيذ على كل الاعمال وهذا طبيعى اذا كان المنفذ شخص واحد وبطريقة كمبيوترية
ابو الزمل ردك على اسامه سارد عليه بالقطاعي آولا لا آدري اذا آنك لاتفرق بين تسجيل التراكات المتعددة من خلا ل (السامبولينغ) وبين الاورغ فاسامه هنا عازف ينزل التراكات واحدا واحدا بعزفها يعني في زول بعزف وايقاعاته يلعبها بيده وكذلك البيز والجيتار ولكن الكي بورد هو وسيله لذلك لذا يجب آن نفرق بين الكي بورد المبرمج الايقاعات المعزوفة في حفلات السودانيين بالاورغ وما يفعله اسامه والا فسوف نظلمه ما يفعله اسامه يفعله الغالب الاعم من موزعي ومؤلفي ومنفذي الموسيقى في الاستوديوهات آظنك لاتقصد بان اسامه ينزل موسيقى مبرمجة ذون عزفها والا فان هذا الكلام سيكون غير صحيح ولكنني اظنك تقصد العزف على الالة نفسها واسامه لايستطيع آن يكون عازفا لكل هذه الالات< ولي عودات
Quote: لو لاحظت تجارب الصديق مؤمن عثمان برغم قلتها ونقصها للمنهجيه العلميه فى التوزيع الموسيقى ودراسات النوته والهارمونى الا انه قد حاول على الاقل ببساطى ان يخرج من روح الالة المبرمجه واجتهد فى تقريبها الى الالى الحية
دي مافهمتها يعني صديقي الفنان مؤمن بيعز الالات براه حيه ولا بيستخدم البروقرام كسامبل هل بيفعل حاجه غير التي يفعلها اسامه؟؟؟؟؟!!!!! مع تحياتي لمومن واسامه والود لك
08-16-2012, 10:57 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: لذا يأتى نقدى لاخى الموصلى طلباً فى ان يعود الى الخط الصحيح الذى ابتدعه فى البدء لنخطو الى الامام وليس لنعود الى الخلف ونتعذر بشح الامكانيات ونجد الاعذار لنقدم اعمالاً ليست على الاقل افضل من تلك البدايات العملاقة ونحن من المتابعين وهناك كثر ايضاً
دي بالغت فيها يا ابو حميد يعني كيف يتم التسجيل بلا امكانيات ماليه 1. كل عازف في الاوركسترا يستحق قروش عن جداره كمحترف. 2. كل ساعه من ساعات الاستديو يحتاج آن يدفع لها. 3.مهندس الاستديو يجب ان يدفع له< 4؛ مهندس الماسترينغ يحتاج آن يدفع له. 5- الاستوديوهات في السودان لا ستطيع اخراج العمل بتلك الصوره برغم جهود البعض مثل دكتور صلاح شريف (شرنوبي) آو عمر القصاص. اذا فالسفر واجب الى بلد ما. التسجيل بتلك الامكانيات ان قدر له آن يتم يواجه بسرقة الكاست في السودان منذ اليوم الاول القنوات الفضائيه في السودان تفضل الاجترار على الجديد لسهولة الآمر ماليا عليهم!!!!!!!!!!! وووووووووووو الخ -------------------------- شوفو لينا منتج ونحن جاهزين ليس لشخصي فقط بل من آجل الاخرين آيضا سآخذ اجازه بلا مرتب سنه كامله لمثل هذا المشروع. ----------------------------------- تخريمه اسآل طارق ابو عبيده خدر (لماذا لم يسجل آو ينتج شريطا حتى الان برغم آن صوته قد آصبح آجمل وآغنياته الجديده التي تملا دواليبه وهو ملحن يشار اليه بالبنان؟؟؟؟؟؟ كل الود وارجو الرد على كل ردودي ---------------------------------- وحتى تتحقق هذه الاماني السندسيه فانني سنعمل بما لدينا ونعتمد على اسامه وامثاله من الذين يضحون بجهدهم ومالهم ووقتهم بالتسجيل على نظام الملتي تراك (وليس الاورغن) الذي يقف على مقدمته بلا منازع آسامه علي ----------------- في النهاية آختيارك هو الافضل بحشد كل الاوركسترا بكل التآكيد ولكن!!!!!!!!! تسلم يافنان
(عدل بواسطة Elmosley on 08-16-2012, 11:03 AM) (عدل بواسطة Elmosley on 08-16-2012, 11:05 AM) (عدل بواسطة Elmosley on 08-16-2012, 11:05 AM)
08-15-2012, 07:50 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: احسب ليك نحن بره كم ولا تحسب انت ؟ شوف امريكا و اوربا و استراليا و الخليج بس فيها كم من فطاحلة موسيقيينا ، ناهيك عن بقية القارات .
شكرا محمد زكريا شكرا يوسف محمد عثمان بلال "الموصلى " شكرا خدر وقبل شوية كنت بتكلم مع موسيقى بحبه جدا زى ما قال اب سفة ما افضلو عليكم صديقى الملحن الجميل علاء الدين ابراهيم عافاه الله وشفاه شفاءا عاجلا وحكى لى عن تجربته وعن الغنا وعن المهرجانات التى شارك فيها وقبله كنت بتكلم مع ياسر بسطاوى احد فنانى بحرى "زمان " وغنى وتغنى الناس باغنياته وهكذا المهم انه تتلموا وان تعملوا حاجة كبيرة وتاكدوا ان المستمع الكريم سيكون منتظرا تلك الحاجة الكبيرة كل سنة وانتو طيبين وعيدكم مبارك
زميلتنا العزيزه سلمى الشيخ سلامه لعلك طيبه اتفق معك تماما وسلام ليك ولعزوزه وعقابا كل الود
08-15-2012, 11:11 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: بالله دي حاله !!!؟؟؟ زول زي الموصلي ما عندو في الكانت زمان مليون ميل مربع غير شبر القبر !!!
صدق ياطاهر كان عندي بيت في الدخينات حويش وأويضه كسروه وادوه ناس تانين ------------------- اها الفنانين ادوههم أنا ما ادوني اساتذة الجامعات ادوهم وانا لسه مطوطح كل الود
08-16-2012, 11:39 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
دي بالغت فيها يا ابو حميد يعني كيف يتم التسجيل بلا امكانيات ماليه 1. كل عازف في الاوركسترا يستحق قروش عن جداره كمحترف. 2. كل ساعه من ساعات الاستديو يحتاج آن يدفع لها. 3.مهندس الاستديو يجب ان يدفع له< 4؛ مهندس الماسترينغ يحتاج آن يدفع له. 5- الاستوديوهات في السودان لا ستطيع اخراج العمل بتلك الصوره برغم جهود البعض مثل دكتور صلاح شريف (شرنوبي) آو عمر القصاص. اذا فالسفر واجب الى بلد ما. التسجيل بتلك الامكانيات ان قدر له آن يتم يواجه بسرقة الكاست في السودان منذ اليوم الاول القنوات الفضائيه في السودان تفضل الاجترار على الجديد لسهولة الآمر ماليا عليهم!!!!!!!!!!! وووووووووووو الخ -------------------------- شوفو لينا منتج ونحن جاهزين ليس لشخصي فقط بل من آجل الاخرين آيضا سآخذ اجازه بلا مرتب سنه كامله لمثل هذا المشروع. ----------------------------------- تخريمه اسآل طارق ابو عبيده خدر (لماذا لم يسجل آو ينتج شريطا حتى الان برغم آن صوته قد آصبح آجمل وآغنياته الجديده التي تملا دواليبه وهو ملحن يشار اليه بالبنان؟؟؟؟؟؟ كل الود وارجو الرد على كل ردودي ---------------------------------- وحتى تتحقق هذه الاماني السندسيه فانني سنعمل بما لدينا ونعتمد على اسامه وامثاله من الذين يضحون بجهدهم ومالهم ووقتهم بالتسجيل على نظام الملتي تراك (وليس الاورغن) الذي يقف على مقدمته بلا منازع آسامه علي ----------------- في النهاية آختيارك هو الافضل بحشد كل الاوركسترا بكل التآكيد ولكن!!!!!!!!! تسلم يافنان
Quote: كل الود وارجو الرد على كل ردودي
استاذ ى الفاضل واخ يوسف الموصلى اود فعلاً ان ارد عليك ولكن ما انت البردو عليه فى عجالة وداير ارد باسهاب الا مشاغل الدنيا بقت مانعانى وقبايل العيد وشغل ليل ونهار وبرامج بالمساء وياحليل الزمن البجبر خواطر لكن اوعدك نقعد بى مهلة ونتفاكر اتصل وكتب لى بعض الاصدقاء وهم يشيدون بالبوست ويقولون كلام اولاً واخيراً يؤكد محبتهم لك وترقبهم وامالهم فى ان تستجيب للموصلى البتعرفوا الناس وياكا من القليل الفضل لينا من اساطيننا وعمالقتنا من اهل الفن ربنا يديك الصحة والعافية ويحفظك لينا ويديك طولة العمر
وانا لامن كتبت العنوان الله يغفر ليك ظالم قصدت فعلاً اقول ليك انك ظلمت الموصلى البنعرفو, ظلمت المستمع المتذوق والمعجبين والشباب المتطلع وما زعلانين الا انك ظالم لنفسك وما اقوله هنا نقد الا من محبة لنقول عندنا في امل لكن خلينا نفضى ونقعد للنضمى ونقعد الكلام الزين ده , والى حين يشاءالله لك ولذويك ولكل الاصدقاء والزملاء والقراء كل التحية والتهانى بعيد الفطر المبارك
الاحباب الكرام تعالوا الى كلمة سوا فليكن اختلافنا نبيلا وليكن تعددنا ثمرة فيهاالواننا الغير مطروقه وليكن هدفنا جمع مافى جعبة هؤلاء وليكن يوسف الموصلى قائد الركب ونمد بعضنا البعض بما نعرفه محمد زكريا فى النرويج الوافر ورشا شيخ الدين فى اسبانيا طارق ابوعبيده انور عبد الرحمن شهاب شرحبيل اسامه مليجى هيثم موسى عزيز خطاب هولندا واخرون الصادق شيخ الدين بلجيكا وليد يوسف وهناء عبيدى وطارق ابو شنب المانيا وما ادراك ما انجلترا؟ ازهرى عبد القادر احمد عبد الرحمن عبد الحفيظ عبد القادر عفيفى منصور نادر رمزى (القرد) بابو وليد محمود وعوووك؟ حمزه سليمان فيصل سيد امام احمد حمو مدثر بابكر المهدى الامارات عمنا محمد ادم المنصورى ووليد قطر عاصم الطيب استراليا هؤلاء الذين اعرف انهم على درجه من التاهيل والخبره ومرورا بامريكا كرش الفيل تكاد تكون سمندل مصغره ميرغنى الزين وصحبه ميكائيل واولاد العاقب وفائز مليجى وبلابلنا الحنان ويوسفنا الموصلى اما جدير بنا عمل اوبريت يهز ويلز؟ان اتفقنا على هدف والله يمكننا عمل ثورة التغيير فالننتظم مع كل الود والمحبه
08-17-2012, 07:18 AM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
Quote: وما اقوله هنا نقد الا من محبة لنقول عندنا في امل لكن خلينا نفضى ونقعد للنضمى ونقعد الكلام الزين ده , والى حين يشاءالله لك ولذويك ولكل الاصدقاء والزملاء والقراء كل التحية والتهانى بعيد الفطر المبارك
الزميل الفنان محمد زكريا هو بلا النقد شن طعم الفن عيد سعيد لك ولعقابك وتعال بربح ترانا قاعدين كل الود
08-17-2012, 03:07 PM
محمد مصطفي مجذوب محمد مصطفي مجذوب
تاريخ التسجيل: 09-22-2010
مجموع المشاركات: 1298
الان الساعة 0040 بتوقيت السودان وعلى القناة القوميه اشاهد واستمع الى الفنان يوسف الموصلى (انتى ليا) فى فقرة من برنامج مراسى الشوق يستضيف الشاعر د.عزالدين هلاوى الصدفه فى اننى كنت اتصفح هذا البوست فانتبهت الى الاغنيه فى الصالون , ترى ماهى الصدفه
الاخ انور عبدالرحمن فكرتك رائعة جداً فقط تحتاج الى شخص كالموتور المتحرك واتصالات وتخطيط مبكر كل شىء ممكن
08-18-2012, 12:27 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: آلان الساعة 0040 بتوقيت السودان وعلى القناة القوميه اشاهد واستمع الى الفنان يوسف الموصلى (انتى ليا) فى فقرة من برنامج مراسى الشوق يستضيف الشاعر د.عزالدين هلاوى الصدفه فى اننى كنت اتصفح هذا البوست فانتبهت الى الاغنيه فى الصالون , ترى ماهى الصدفه
والله انا مسكين يا ابو حميد ماعني شوف للقنوات دي كل سنه وانت طيب
08-17-2012, 11:41 PM
Elmosley Elmosley
تاريخ التسجيل: 03-14-2002
مجموع المشاركات: 34683
الاخ العزيز محمد زكريا هو الاخ العزيز عز الدين هلالى استاذى فى مادة النقد النظرى وكان مهاجرا فى الامارات وعاد الى السودان كتب العدبد من الاغنيات لعل من اشهره ا"طبع الزمن للمغنى الفائق التطريب صلاح ابن البادية " عز الدين هلالى كاتب مسرحى وناقد وشاعر ومؤلف مسلسلات اذاعية وتلفزيونية ربما لم تلتقيه لذلك لم ترسخ رسوم احرفه لدنك لكنه يبقى عزو او عز الدين هلالى رفيق الكلمة والزمن الجميل كل سنة والجميع بخير
08-21-2012, 02:07 AM
Elmosley Elmosley
تاريخ التسجيل: 03-14-2002
مجموع المشاركات: 34683
العزيزه سلمى الشيخ لعلك طيبه معد البرنامج هو عبد الوهاب هلاوي شاعر الكلام القالو عنك وده اللخبط الامر على محمد زكريا في اسم د عز الدين هلالي الذي غنيت له (انتي ليا في الحلقه) ،دي كانت من آغنياتك المفضله في برنامج الصباحي الرائع وحليل زمن الصبا كل الود
08-20-2012, 10:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
الأخوه محمد زكريا وابو هديل وخضر وأنور وكل المشاركين كل سنه وانتم طيبيين جلست وما زلت اجلس علي رصيف الحزن العميق والألم والحسرة عليه وعلي فقده لأنو ببساطة شديد جدا
/ما أظن الزمن من بعده تاني يرجع يجرح وأأسفاي وواأسفاي عليه
ولكن ماكتبتوه وظللت أتابعه بهدوء شديد وما أقترحه أنور أجبرني أن أخرج عن صمتي وحزني النبيل لأقول اغلب ظني هو الأن يبتسم في قبره ويردد مافاله لي في يوم من ألأيام الجميله التي قضيتها معه نتفاكر ( وفي رأسي ألكثير الذي أحتقظ وأحفظه له في قلبي وعقلي) ]ا متوكل مش قلت ليك ده المفروض نعمله وأتمني أن ثحققه لي بعد هذا التوثيق لعمري نعم تتلآقي الأرواح في البرزخ أخرج عن صمتي لأقول له أنا هنا مازلت علي العهد با أعز الناس واقول لكم هل بقي فينا ومازال معنا ما به يجعلنا نحقق له هذا الحلم حتي تكتمل ابتسسامته العريضة في قبره أنتم تعرفون جيدا كم هو فنان نعم وأيم الله قنان من سبيبة شعره الي أخمص قدميه .........كما صرح الفنان السعودي الشهير والمبدع محمد عبده حينما سؤل عنه له في رقبتي دين فني أخلاقي وليس مالي ما تنوء عنه الجبال وهمومي تهد جمال الشيل وتائه في العتامير ليل ومتوكل عليك يا الله ......دافر الليل بريق البسمه ان لاح لي بتتفتح مشاتل الريد واحس بالجوه جوه الجوه زغرد فوقه ........صوت النأي لقد لاح بريق بسمتكم وتفتحت مشاتل الريد ويقيني لقد أحس بصوت نائكم فهل تركتموه يغرد
ببساطه شديد جدا وانا( واعوذ بالله من قولة أنا) رجل قليل الحديث Can I help
لوبيدي كنت طوعت الليالي وكنت زللت المحال
لكن دي الأراده ونحن ما بنقدر نجابه المستحيل دي الأراده والمقدر ما بنجيب ليه بديل أستغفرك اللهم ربي وأتوب اليك
جيتو تبكو هسه وتبكونا معاكم ... أنا كنت عارف الاقلام ما ح تسكت وكنت عارف فى ناس لما يسمعوا الدوشة والهيلمانة هسه بيسألوا ويفتشوا عن الموصلى والسقيد وغيرهم ... بيسألوا عن التوزيع الموسيقى والالحان الخالدة والجميلة ... يا ناس الموصلى كتب على نفسه الغربة والابتعاد عن الوطن جسميا ... بالرغم من حضوره السودان عدة مرات ولكنه عاد بنفس المرات والسؤال هو فقط من يجيب عليه الموصلى ... هل سيحضر الى الوطن نهائى ؟؟؟ أنا شخصيا أقول الموصلى متردد وعودته مرتبطة بالواقع السياسى فى البلد ( الاستقرار السياسى والامنى ) زمان يا زكريا بكينا واكتشفنا الفراغ وكتبنا عن الموصلى بوست بعنوان ( الموسيقار يوسف الموصلى بصمة ورحيل وبكاء ) قبل سنين فى هذا المنبر وكان قد تداخل الناس وتدفقوا للتعليق بكل حب ... كل من يحب الموصلى عليه أن يدعو له بطول العمر والصحة والعافية وأن يرد غربته حتى يفيد شعبه بالصورة المطلوبة وربنا غالب
08-21-2012, 10:48 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
وانا فى حالة توهان وسرحان وبعض حيرة ويا لروعة الصدف اذ اجدنى افترعت (بوستاً) ولم اعد ادرى ماذا اقول لكل المتداخلين فيه؟ يا للجمال ويا للشجن ويا لروح الفن واحساس الانسان ورهافته ورقته المتداخلين الكرام دعونى افكر واتأمل فى مداخلتكم واتشبع باحساس عميق تشوبه غبطة او فرحة من نوع غريب فيها مهابة وتجلى دعونى ارتوى من رحيق الدهشة والانتعاش حتى الثمالة تتبلبل اوردة الحنين بالاحساس المتدفق نحو بؤرة الشعور
ومن صحو الواقع اعود مطلاً واقفز مباشرة الى مرحلة التفكير فى كيفية وضع الخطاوى الفعلية وحيز التنفيذ نخطط و نأتى باقتراحات عملية فى اجل قريب والى حين تكتمل الدوائر فلنترقب معاً كيف تكون
==== اطل لاقول انى متابع للبوست وما ناسى ارد عليكم ومعكم وبكم يطيب الكلام ويكون العمل
08-21-2012, 09:31 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: أنا شخصيا أقول الموصلى متردد وعودته مرتبطة بالواقع السياسى فى البلد ( الاستقرار السياسى والامنى ) زمان يا زكريا بكينا واكتشفنا الفراغ وكتبنا عن الموصلى بوست بعنوان ( الموسيقار يوسف الموصلى بصمة ورحيل وبكاء ) قبل سنين فى هذا المنبر وكان قد تداخل الناس وتدفقوا للتعليق بكل حب ... كل من يحب الموصلى عليه أن يدعو له بطول العمر والصحة والعافية وأن يرد غربته حتى يفيد شعبه بالصورة المطلوبة وربنا غالب
الحبيب بهاء الدين انت دوما (خالي بالك) ياخ دعواتك لينا بسودان معافى ووالله نحن مادايرن حاجه فيما تبقى لنا من عمر غير اعانة الجيل الجديد من المبدعين وتسليمهم راية نظيفة فهل يعيننا الوطن على ذلك؟؟؟
Quote: الحبيب بهاء الدين انت دوما (خالي بالك) ياخ دعواتك لينا بسودان معافى ووالله نحن مادايرن حاجه فيما تبقى لنا من عمر غير اعانة الجيل الجديد من المبدعين وتسليمهم راية نظيفة فهل يعيننا الوطن على ذلك؟؟؟
طبعا يا الحبيب أنا دوما خالى بالى عليك ( ده الحب كده وبالشكل ده ) بس عليك الله يا موصلى عايز اسالك من تاريخ الصورة ( انت ومصطفى ) كانت سنة كم ... أنا خمنتها فى العام 90 ... والصورة كانت بالنهار ولا بالليل ومنو البادر فيكم ... وهل الكاميرا كانت معاكم لهذا الغرض أم صدفة.... ومن الذى اختار هذه الجلسة ؟؟؟ وهل تذكر تفاصيل كل ما جرى فى هذا اليوم ؟؟؟ بالله عليك ارجو الاجابة على كل الاسئلة لأن فى ذلك راحة لى لأننى أستطيع أن أتصور المشهد حركيا باستدعاء الخيال فى ذلك الوقت .... رحم الله مصطفى ... ومتعكم الله بالصحة والعافية
08-21-2012, 11:50 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: ببساطه شديد جدا وانا( واعوذ بالله من قولة أنا) رجل قليل الحديث Can I help
لوبيدي كنت طوعت الليالي وكنت زللت المحال
الحبيب والصديق الودود د متوكل نعم تستطيع ولو برايك السديد ولو بخبرتك الرائعة في كتابه المشاريع الى الجهات المموله ليس بالضروره المال اذ نشهد لك باكبر المساهمات الماليه على الاطلاق في مشروع الراحل وردي وهذا يكفي الى الابد لك التحايا ورمضان كريم
وانت يا محمد وانا عندما تحدثنا فى مدينتكم الجميلة اوسلو عن هذا التسجيل الرائع لمحمد وردى بل ومشاركة المرحوم بكرى السمندلاوى فيه ثم للاسف كل حقوق الناس المالية الضاعت حتى ممول العمل وضياع حقوقه على ما اعلم - ارجو التصحيح لو كان كلامى خطاء. هذا التسجيل الان منتشر جدا وملك لمافيا التسجيلات والكوبى والم بى ثرى mp3 صاح؟
د ابراهيم تحياتي نعم الطير المهاجر ايضا من التسجيلات الرائعة بلا شك التي ابدعها المهندس جيف واعوانه واعتقد بان المهندسين المصريين لهم باع كبير في التسجيلات ومتفوقينجدا علميا و في الكلام القالو عنك كل الود
ارجو ان لا تفهم مداخلتى خطاء فانا لا اقصد التقليل من شغلك معاذ الله فالجمال يغطي اعمالك من كل الجوانب. بس حبيت اوضح فقط ان شغل الطير المهاجر -كمثال فقط - اللهو اوركسترالى -كما يقصد الشباب هنا- وجابو ليهو عازفين من كل بقاع الارض ووتذاكر سفر وووايجار استديوهات ....الخ -على حسب علمى مئات الالاف من الدولارات صرفت فيه.
ضاع هباء منثورا
فهذا التسجيل الان فى اليوتيوب ومنتشر فى الجامعات وعلى كل mp3 الخ. -- انا اقصد هنا فقط الحقوق المالية واسترجاع ما تم من استثماره من مال فى هذه الاعمال لدفع حقوق الناس وعرقهم وما بذلوه فى اخراج هذه الاعمال بصورة ممتازة.
التحية والتقدير لكل مبدع سوداني اين ماكان ولا افتكر المكان يحد من ابداع فنان الموصلي وغيره من المبدعين ( في كل المجالات الفنية ) في معيتهم وجرابهم مـــا يثري الساحة فالإبداع والفن يولد حيثما كان الاستقرار الذهني متوفرة كل دعائمه
فالتحية والتقدير لكل مبدع والتحية للاستاذ المبدع الموصلي
ولك التحية والمودة أخي كاتب البوست الجميل
08-21-2012, 07:19 PM
Kostawi Kostawi
تاريخ التسجيل: 02-04-2002
مجموع المشاركات: 39979
Quote: التحية والتقدير لكل مبدع سوداني اين ماكان ولا افتكر المكان يحد من ابداع فنان الموصلي وغيره من المبدعين ( في كل المجالات الفنية ) في معيتهم وجرابهم مـــا يثري الساحة فالإبداع والفن يولد حيثما كان الاستقرار الذهني متوفرة كل دعائمه
فالتحية والتقدير لكل مبدع والتحية للاستاذ المبدع الموصلي
ولك التحية والمودة أخي كاتب البوست الجميل
شكرا حبيبنا خالد على هذا التشجيع القيم والتحية لصديقي الفنان الكبير اسامه علي وللفنانة الواثقة عافيه حسن ولكل المشاركين هنا
Quote: ارجو ان لا تفهم مداخلتى خطاء فانا لا اقصد التقليل من شغلك معاذ الله فالجمال يغطي اعمالك من كل الجوانب. بس حبيت اوضح فقط ان شغل الطير المهاجر -كمثال فقط - اللهو اوركسترالى -كما يقصد الشباب هنا- وجابو ليهو عازفين من كل بقاع الارض ووتذاكر سفر وووايجار استديوهات ....الخ -على حسب علمى مئات الالاف من الدولارات صرفت فيه.
عفوا صديقي د ابراهيم قد فهمت انك تقارن من حيث الكوالتي وحتى ان كان ظني صحيحا فانك صديق حميم لا شك البتة في حسن ظنه ورآيك ايا كان فهو مفيد جدا لي تحياتي ومحبتي -------------- طبعا انا من الذين يشربون الطير المهاجر سماعا حتى الثمالة والتي تم لها حشدا كبيرا علما بان الكلام ايضا تم لها حشدا اوركستراليا كبيرا بمصر
طبعا يا الحبيب أنا دوما خالى بالى عليك ( ده الحب كده وبالشكل ده ) بس عليك الله يا موصلى عايز اسالك من تاريخ الصورة ( انت ومصطفى ) كانت سنة كم ... أنا خمنتها فى العام 90 ... والصورة كانت بالنهار ولا بالليل ومنو البادر فيكم ... وهل الكاميرا كانت معاكم لهذا الغرض أم صدفة.... ومن الذى اختار هذه الجلسة ؟؟؟ وهل تذكر تفاصيل كل ما جرى فى هذا اليوم ؟؟؟ بالله عليك ارجو الاجابة على كل الاسئلة لأن فى ذلك راحة لى لأننى أستطيع أن أتصور المشهد حركيا باستدعاء الخيال فى ذلك الوقت .... رحم الله مصطفى ... ومتعكم الله بالصحة والعافية
08-23-2012, 08:14 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: بهاء الدين سليمان طبعا يا الحبيب أنا دوما خالى بالى عليك ( ده الحب كده وبالشكل ده ) بس عليك الله يا موصلى عايز اسالك من تاريخ الصورة ( انت ومصطفى ) كانت سنة كم ... أنا خمنتها فى العام 90 ... والصورة كانت بالنهار ولا بالليل ومنو البادر فيكم ... وهل الكاميرا كانت معاكم لهذا الغرض أم صدفة.... ومن الذى اختار هذه الجلسة ؟؟؟ وهل تذكر تفاصيل كل ما جرى فى هذا اليوم ؟؟؟ بالله عليك ارجو الاجابة على كل الاسئلة لأن فى ذلك راحة لى لأننى أستطيع أن أتصور المشهد حركيا باستدعاء الخيال فى ذلك الوقت .... رحم الله مصطفى ... ومتعكم الله بالصحة والعافية
قلت عشان نوضح الصورة بس, اتفضلوا
08-23-2012, 08:45 AM
بهاء الدين سليمان بهاء الدين سليمان
تاريخ التسجيل: 11-28-2004
مجموع المشاركات: 1095
يا سلام عليك يا محمد زكريا .... أشكرك شكرا كثيرا وجميلا بخصوص تكبير الصورة .... يا سلام بالله معقول يكون ده الموصلى شوف كيف الوسامة والوجاهة لمصطفى والموصلى ... القعدة ... النظرات الابتسامة ... الصحة ... الشباب ... والزمن الجميل .... بس انا منتظروا يحكى لينا
08-23-2012, 10:01 AM
Elmosley Elmosley
تاريخ التسجيل: 03-14-2002
مجموع المشاركات: 34683
الاحبه بهاء الدين ومحمد كل الود هذه الصوره آخذت مع صور آخرى بعد تسجيل الحزن النبيل وآرحل وطفل العالم الثالث باستديو في القاهره 1992 بعد رحيل مصطفي واسرته من عين شمس الى عمارة الجيزه باقتراح مني لاننا كنا قد بدآنا التعاون والعمل المشترك فكان اما آن آذهب اليه آو ياتي هو ويضيع وقت طويل في الباصات والتكاسي والمواصلات وبعد السكن في عمارة النصر ميدان الجيزه التي كانت مسكن لمعظم مبعوثي معهد الموسيقى والمسرح سهل الامر علينا في التلاقي اليومي بل عدة مرات الصوره باقتراح من الاستاذ الصديق آحمد يوسف حمد مدير حصاد حينها حيث كنت مديرها الفني ياااااااااااااااااااااااااااه هذه صوره عزيزه جدا وغاليه جدا رحم الله مصطفى الانسان الفنان المثقف الواعي اللطيف الجميل المبدع بحق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد زكريا
Elmosley
خدر
جمال السنوسي
ناذر محمد الخليفة
سلمى الشيخ سلامة
bakri abdalla
طاهر بدر
إبراهيم عبد الحليم
محمد مصطفي مجذوب
شرف الزاكي
معتصم عيدروس
Mutwakil Mahmoud
بهاء الدين سليمان
خالد علي محجوب المنسي
Kostawi
فيس بوك
تويتر
انستقرام
يوتيوب
بنتيريست