|
|
|
 Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
فريق *(جلاس) احد فرق الدرجة الثالثة/الثانية الخرطوم
قدم لاندية القمة الهلال والمريخ ثلاثة لعيبة مميزين
اثنان للهلال احدهم حارس مرمي وواحد للمريخ من هم ؟
1- ...................
2- .......................
3- ......................
____________________________________
* فريق جلاس يحمل اسم منطقتنا في الشمالية
ووالدي هو صاحب فكرة قيام هذا النادي
| |
  
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote: ليه يو داوت يادكتورة مافي اشعب ههههههههه من كورة القدم اصلو
|
يا سعادتك انت قلتها براك
غير اميرة الشيخ واخريات
النساء ما عندهم شغلة بالكورة في الغالب الاعم
اها وبما انه نصف عدد السكان هم نساء
والنصف الثاني يحتوي
اكيد اشخاص غير معنيين بها
اذا عدد المهتمين اقل من نصف عدد السكان
وعليه انا كتبت ا داوت انها تطون رياضة شعبية
بيني بيك هي كرة القدم دي مش اصلها انجليزي يعني ما سودانية (بالله خت وش ضاحك هنا)
المهم
طبعا قبل كم سنة كدي وقبال ما يعملو مسابقات كرة القدم للنساء
قامت حملة في هولدنا
ضد
معرجانات كرة القدم
قادتها الحركة النسوية
ودفاعاتهم انه
بالارقام طبعا انا ما متكذراها
لو سخر
نصف ما يدفع في مباريات كرة القدم
لحل قضايا الفقر في العالم
من مرتبات
ومهرجانات
ونفقات
وغيره
المهم الغريبة انا من محبي مشاهدة كرة القدم "النضيفة"
خاصة المسابقات الدولية
اذكر كنت بشجع المانيا
وطبعا سيد البلد
الا المشاغل كترت
وبعدنا شوية
ما علينا برضو الطيش
حضرت مباراة كرة قدم مرة واحدة في حياتي قصدي في الملعب
قام الثعلب دخل قون في فريقه "فريقي" من حينها خاصمت حضور كرة القدم في الملعب
تحياتي
صفية
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: Emad Mohamed)
|
Quote: جنابو سلام
فى كأس العالم 78 اللاعب الونسو كان يحمل الرقم 1 اما ارديلس قام بارتداء الرقم 1 فيما بعد.
first things first. |
هلا ياعمدة ..............
ارديليس برضو لعب في كأس العالم 78 فهل كان يحمل رقم اخر
غايتو صراحة انا متاكد تماماً من ارتدائه رقم 1 في كأس 82 وما متاكد
منانو في زول في كاس 78 كان لابس نمرة 1
ياريت ياعمدة نحاول نوثق اكثر بالصور او خلافه وانت فتش وانا بفتش برضو
الف شكر ..........
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
وهنا سر ارتدائه للرقم 1 في كأس 82 لكن ماذا عن كأس 78 هل هو من ارتدي الرقم 1 ام لاعب اخر
| Quote: 1982 World Cup squad. At that tournament he wore the number 1 shirt, as Argentina's policy at the time was to number their players alphabetically by surname, with an exception made so Diego Maradona could wear his preferred number 10. |
| Quote: Argentina defied convention by numbering their squads for the 1974, 1978, and 1982 World Cups alphabetically, resulting in outfield players (not goalkeepers) wearing the number 1 shirt (although Diego Maradona was given an out-of-sequence number 10 in 1982 |
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: Emad Mohamed)
|
Quote:
الاخ عمر ..
في الصورة النادرة مطلوب ..
1- اسم النادي ........
2- المناسبة ............
3- اللاعبين السودانيين ....... |
اخونا انس دا سؤال تعسفى .. قال ليك الجبهجية دايرين يعملوا ديموقارطيين
رئيس مكتب العمل سأل احد الجبهجية المقديمن قال ليهو كم عدد الشهداء فى حرب
تحرير الجزائر قال مليون.. شكرا .. جاء التانى غير منظم فسأله المدير ادينا اسماء
شهداء الجزائر المليون
| |
|
|
|
|
|
|
|
|
 Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote:
فريق *(جلاس) احد فرق الدرجة الثالثة/الثانية الخرطوم
قدم لاندية القمة الهلال والمريخ ثلاثة لعيبة مميزين
اثنان للهلال احدهم حارس مرمي وواحد للمريخ من هم ؟
1- ...................
2- .......................
3- ......................
____________________________________
* فريق جلاس يحمل اسم منطقتنا في الشمالية
ووالدي هو صاحب فكرة قيام هذا النادي
|
جنابو
سلامات
1- حارس الـهلال هو سليـمان
2- لاعب الـهلال هو صابـر جلاس
3- ولاعب الـهلال كذلك هو وهبة
3- لاعب الـمرّيخ هو كـمال عبد الغنـي
تـحاياي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: لؤى)
|
جنابو
سلامات
1- حارس الـهلال هو سليـمان
2- لاعب الـهلال هو صابـر جلاس
3- ولاعب الـهلال كذلك هو وهبة
3- لاعب الـمرّيخ هو كـمال عبد الغنـي
<<<<<<<<<<<<<<<<<<<<<<<<<<<<<<<<<<<<<<<<<<<<<<<
لؤي يافنان سلام ........
اجابة صحيحة 100% وفوق البيعة كمان معاها معلومة (وهبة)
دي صراحة انا ما كنت عارفه ....
سليمان حارس الهلال هو سليمان بمبي وان لم تخني الذاكرة لعب نهائي
ابطال افريقيا ضد الوداد المغربي ، اما صابر جلاس فتم تسجيله بطلب
من مدرب الهلال وقتها ميرسلاف الذي كان يحضر الى الليق مخصوصاً لمشاهدة
هذا اللاعب ... لا ادري لماذا لم يعمر في الهلال هذا اللاعب
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote:
لؤي يافنان سلام ........
اجابة صحيحة 100% وفوق البيعة كمان معاها معلومة (وهبة)
دي صراحة انا ما كنت عارفه ....
سليمان حارس الهلال هو سليمان بمبي وان لم تخني الذاكرة لعب نهائي
ابطال افريقيا ضد الوداد المغربي ، اما صابر جلاس فتم تسجيله بطلب
من مدرب الهلال وقتها ميرسلاف الذي كان يحضر الى الليق مخصوصاً لمشاهدة
هذا اللاعب ... لا ادري لماذا لم يعمر في الهلال هذا اللاعب
|
يا جنابو
طبعاً صابـر جلاس ( صابـر عبد الرّحيـم بابكر )
عنده أخوه شقيقه لعب فـي الـمرّيخ ( رضوان عبد الرّحيـم بابكر ) ( رضوان الصّحافة )
ما عارف لو بتتذكّره
تـحاياي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: لؤى)
|
يا جنابو
طبعاً صابـر جلاس ( صابـر عبد الرّحيـم بابكر )
عنده أخوه شقيقه لعب فـي الـمرّيخ ( رضوان عبد الرّحيـم بابكر ) ( رضوان الصّحافة )
ما عارف لو بتتذكّره
<<<<<<<<<<<<<<<<<<<<<<<<<<
والله يالؤي ماشاء الله معلومات مفصلة وذاكرة ممتازة ......
رضوان الصحافة بتذكرو لعاب لكن برضو ما لعب كتير
لكن الليلة اول يوم اعرف انو اخو صابر ........
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote: خمسة أشقاء (ماشاء الله) لعبوا في اندية الدرجة الأولي عدا واحد
واثنان منهم لعبوا في المريخ من هم هولاء الخمسة ؟ |
يا جنابو لو نقصته واحد من اللعبو المريخ بتزبط
طارق عبد الكبير ما متذكر لعب وين .. محتز عبد الكبير العباسية .. الياس عبد الكبير .. اشبال الهلال، الهلال، هلال بورتسودان .. امجد عبد الكبير المريخ .. محمد عبد الكبير الخرطوم تلاته، أمبدة
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: مرتضى احمد عبد القادر)
|
يا جنابو لو نقصته واحد من اللعبو المريخ بتزبط
طارق عبد الكبير ما متذكر لعب وين .. محتز عبد الكبير العباسية .. الياس عبد الكبير .. اشبال الهلال، الهلال، هلال بورتسودان .. امجد عبد الكبير المريخ .. محمد عبد الكبير الخرطوم تلاته، أمبدة
>>>>>>>>>>>>>>>>>>>>>>>>>>
هلا يامورتا .......
آل عبدالكبير ديل برضو ماشاء الله عليهم
لكن ما هم المقصودين ..
حاول مرة اخري هههههه
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
ياجنابو عمر،
الواحد لما يفتح بوست وزول يساهم فيهو الناس بتعبرو
برضوا، ولا أنته فاتحو لأولاد الدفعة بس؟
وبعدين الخرطوم دي ضيقة وأنا قابلتك مرتين،
الأولي في الشركة لأني صديق الباشمهندس ياسر،
والتانية في وفاة صديقنا وقريبك الشيخ منور عليه الف رحمة
وأديتك الفاتحة وكنت مع ود العجيمي
ودمت - المادارك مالامك !!!
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote:
سؤال :
خمسة أشقاء (ماشاء الله) لعبوا في اندية الدرجة الأولي عدا واحد
واثنان منهم لعبوا في المريخ من هم هولاء الخمسة ؟ |
يا جنابو
يومـك سعيـد
خـمسة ولاّ أكتـر عاوز ؟ ( ما شاء الله )
كاريكا أخوان أولاد عـمّك مصطفـى حسن لاعب الـمرّيخ السّابق
وهـم كذلك أبناء أُخت اللاعب الفذ حسن عطيّة ( كَسرة يا أبو علـي )
حـمد النّيل ، الرّيـح ، حسن ، أميـر ، أسعد ، أُسامة ومصعب
الرّيّح لعب للعبّاسيّة ولـحـيّ العرب بورتسودان وللـهلال وللـمرّيـخ
أميـر لعب للـمرّيخ
حـمد النّيل لعب للزّهرة
وأسعد كذلك لعب للزّهرة
حسن لعب للعبّاسيّة قبل هجرته للولايات الـمتّحدة الأمريكيّة
مودّتـي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
Quote:
والله يالؤي منكم نستفيد .... صراحة انا ما كنت قاصد ديل
وهي اجابة صحيحة باعتبار ان الريح وأمير الاتنين لعبوا في المريخ .....
لكن يظل برضو السؤال قائم من هم الخمسة اخوان الاخرين الفيهم اتنين لعبوا في المريخ ؟
|
يا جنابو
سلام تانـي
ما مشكلة نـحاول تانـي
قاقريـن أخوان
عبد العظيـم قاقريـن لعب للـمرّيخ
عبد الوهاب إبـراهيـم وهبة لعب للـمرّيخ
عبد الـحليـم سيكو لعب فـي الزّهرة
قدّورة لعب فـي أُم دوم
عبد العزيز القطر لعب للنّيل
وُدّي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: عمر الفاروق)
|
لؤي جاوب إجابة 100% قام عمر عشان ما يديهو الجائرة قال:
Quote: والله يالؤي منكم نستفيد .... صراحة انا ما كنت قاصد ديل
وهي اجابة صحيحة باعتبار ان الريح وأمير الاتنين لعبوا في المريخ .....
لكن يظل برضو السؤال قائم من هم الخمسة اخوان الاخرين الفيهم اتنين لعبوا في المريخ ؟ |
لؤي قال ليهو:
| Quote: ما مشكلة نحاول تاني |
ورص ليو خمسة تانيين :)
لقيتك صعب وتجيد المان 2 مان يا لؤي!
آخر خبر: أبو اللول (ولدنا) أفضل مساك في الربع الحالي 
| |
|
|
|
|
|
|
|
|
 Re: مسابقة أسئلة في كرة القدم المحلية والعالمية (تعال وشارك) (Re: Ashraf el-Halabi)
|
Quote:
لؤي جاوب إجابة 100% قام عمر عشان ما يديهو الجائرة قال:
Quote: والله يالؤي منكم نستفيد .... صراحة انا ما كنت قاصد ديل
وهي اجابة صحيحة باعتبار ان الريح وأمير الاتنين لعبوا في المريخ .....
لكن يظل برضو السؤال قائم من هم الخمسة اخوان الاخرين الفيهم اتنين لعبوا في المريخ ؟ |
لؤي قال ليهو:
| Quote: ما مشكلة نحاول تاني |
ورص ليو خمسة تانيين :)
لقيتك صعب وتجيد المان 2 مان يا لؤي!
آخر خبر: أبو اللول (ولدنا) أفضل مساك في الربع الحالي
|
يا أشرف
مساء الـخيـر
جنابو عرفها لكن 
أنا قُلت ألفّ بيهو علـى بيت ناس أبو الـجّاز
وبيت ناس عبد الـخيـر 
تـحاياي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: عمر الفاروق)
|
Quote:
يا أبو اللول..
الغريبة أيمن شترا مررررة واحدة وبقا عازف بتاع أورغن وكان بيشتغل مع ندى القلعة ..
بس كان لاعب كرة طائرة عجيييب ..
|
يا عـمر الفاروق
مشتاقيـن ياخـي
زمان يا عـمر كانت عندنا دورة رمضانيّة سنويّة ثابتة
فـي الـحارة الإتناشر
دورة أسطوانة
كان بيشاركوا فيها أولاد عـمّك حسن مصطفـى سرجلّـي
عارف يا عـمر
الكورة الكان بيدقّها حـمـد النّيل
الرّيّح وأميـر كاريكا ديل ما دقّوها فـي القـمّة
خلّينا ليهـم الكورة
جاء أيـمن مطاردنا فـي الأورقن
زمن جـميل ياخـي
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: لؤى)
|
ما مشكلة نـحاول تانـي
قاقريـن أخوان
عبد العظيـم قاقريـن لعب للـمرّيخ
عبد الوهاب إبـراهيـم وهبة لعب للـمرّيخ
عبد الـحليـم سيكو لعب فـي الزّهرة
قدّورة لعب فـي أُم دوم
عبد العزيز القطر لعب للنّيل
<<<<<<<<<<<<<<<<<<<<<<<
الزول ده فنان بالجد ..
مبروك يالؤي شغلك نضيف والله ....
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: omer osman)
|
غايتو يا عاطف يا اخوي
نحن لينا الله وعيشة السوق
باقي لي كدي نحن حرفنا مجر البوست قام الطناش كتر
يا سعادتك في انتظار الصورة
حقت البوست البهناك
شمار تقيل
خايفين نرد بهناك تقوم تطنش برضو فقوم شنو عملنا جمع تقديم ولا تاخير ما بعرفو
يا لؤي بالغت لكن ادي معاك الناس فرصة تجاوب وامشي اعزف ليك شوية
تحياتي
صفية
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: لؤى)
|
Quote:
طيب هاك دى ياجنابو
اللاعب الوحيد الذى شارك فى المباراة النهائية لكأس العالم ثلاث مرات من هو؟ |
هو باين لتبارسكي الالماني وشارك في :
كاس العالم 1982 في المباراة النهائية ضد ايطاليا
كاس العالم 1986 في المباراة النهائية ضد الارجنتين
كاس العالم 1990 في المباراة النهائية ضد الارجنتين
وخسرت المانيا في 82 و86 وفازت في 90
اكون جاوبت على سؤالين يعني ياجنابو جائزتين
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: حمزه بابكر الكوبي)
|
اها هاكم دي
في كاس العالم 82 تقابل العملاقين البرازيل والارجنتين وفازت البرازيل
بثلاثة اهداف لهدف للارجنتين وطرد مارادونا من هذه المباراة وفي كاس
العالم 90 تقابلا مرة اخرى وفازت الارجنتين بهدف وحيد جاء في اخر دقيقة
منتخب الارجنتين 82 لم يتبقي منه الا مارادونا في منتخب 90
نفس الشئ انطبق على البرازيل فمن هو اللاعب البرازيلي الوحيد الذي
تبقى من 82 الى 90؟؟؟
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: حمزه بابكر الكوبي)
|
يا لؤي سلامات ياخ ووينك يا حبوب..
رحم الله أسطوانة يا ابو اللول ياخ..
حمد النيل ده كان لاعب فريد بيجضم الكورة دي زييي ما هي بس ما سكاها زيهم..
بالمناسبة انا ما كنت مقتنع بي أمير كاريكا أصصصلو..وكذلك أسعد الكان تاميها ربطة فاول في ركبتو وشبيح :)..
بالله يا ابو اللول إنت كنت من رواد دورة أسطوانة؟؟
الغريبة بتشبه لي إبراهيم قرض بتاع الحارة التاسعة داك :) :)..تقريبا أسة في هولندا ..
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: وليد عبد اللطيف)
|
طبعا انا برضو قلت نفس اجابة لوي
وهم كاريكا اخوان
طبعا حسن ياجنابو كان خطير وسريع سرعه مبالغه
حتى لعب معنا في منتخب الشاب ولعب للعباسية وقتها رغب الهلال والمريخ في تسجيله ولكنه فضل الهجره
مع ابن خالتهم هشام خلف الله
ومن هنا تحياتنا للريح كاريكا اخونا وقضى معنا هنا ايام جميله
ليتها تعود
حمد النيل احرفهم وامير شطبه من المريخ كان خسارة كبيرة
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: وليد عبد اللطيف)
|
| Quote: مع ابن خالتهم هشام خلف الله |
دي نجرتها من وييين المعلومة دي يا وليد ياخ؟؟؟
هشام خلف الله الشايقي الواااحد ده ود الحارة الأولى تطلعوا ود خالة حسن مصطفى ؟؟؟
كدي أنحت راسك تاني وراجع المعلومة دي يا وليد..
غايتو البعرفو إنهم كانوا في العباسية مع بعض وواحد مفروض يمشي الهلال وواحد المريخ وكل الحصل إنو طلعوا ليهم إسكولرشيب للعب في جامعة امريكية ..
هشام درس الكمبيوتر وهو حالياً مقيم في الأمارات العربية وصاحب شركة بتاعت كمبيوتر ماشاء الله ..
حسن مصطفى لسة بهناك..
لكن ما أولاد خالات
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: عمر الفاروق)
|
| Quote: ده فريق وال عصابة ههههههههههههههههه |
عييك، الديتكتف سنس اشتغل!
يا كمندان قال ليك الببقى بوليس ليوم واحد بس تاني ليوم الدين العسكرية ما تفارقه
عمنا خلى العسكرية زمن نميري ولحد الآن يتصرف كعسكري
بيصحي أولاده لصلاة الصبح كل يوم
واحد من أولاده مسمي أذان الصبح (صفارة تمام خمسة) قال لأخوانو: الحاج دا بيصحينا ما عشان الصلاة، عشان يشوف البايت برة منو والبايتة معاهو منو
ــــــــــــــــــــــــــــــــ
يا بو اللول لما قلت "نحاول تاني" بالي مشى في أولاد عمك عطا (عاطف عرق، عادل وعاكف)
يا مان جنابو دا ما ياكلك حنك، عندك جايزة على الإجابة
أدوات مدرسية من مكتبة ميم ووجبة فول لمدة شهرين من فول اوتوماتيك
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: Emad Mohamed)
|
Quote: هو باين لتبارسكي الالماني وشارك في :
كاس العالم 1982 في المباراة النهائية ضد ايطاليا
كاس العالم 1986 في المباراة النهائية ضد الارجنتين
كاس العالم 1990 في المباراة النهائية ضد الارجنتين
وخسرت المانيا في 82 و86 وفازت في 90
|
خطا برضو ياحمزة
ليتبارسكى لم يشارك فى نهائى 86 وانما شارك فى نهائى 82 و90
اللاعب المقصود هو كافو البرازيلى الذى شارك فى نهائى 94 98 و 2002
كافو اللاعب الوحيد فى تاريخ اللعبة الذى حظى بهذا الشرف.
| |
|
|
|
|
|
|
|
|
|
Re: مسابقة أسئلة في كرة القدم المحلية والعالمية (تعال وشارك) (Re: haroon diyab)
|
Quote: يا لؤي سلامات ياخ ووينك يا حبوب..
رحم الله أسطوانة يا ابو اللول ياخ.. |
لاحول الله ربنا يتقبله قبولا حسنا
بالله توفى اسطوانه كان ملك الخرخره يا عمر الفاروق في الحارة ال 12
طبعا ديل مشينا ليهم من بحري بفريق الكتيبة وشاركنا معهم دورة رمضانية
فريق الكتيبة بضم نجوم من بحري فطاحله المهم ضربنا كل الفرق وفي المباراه الاخيره هزمناهم قلنا ليهم ادونا الكاس قالوا
المباراة تعاد قلنا ليهم خلاص اهديناكم الكاس
ربنا يرحم اسطوانه ويسكنه فسيح جناته
.
.
Quote:
دي نجرتها من وييين المعلومة دي يا وليد ياخ؟؟؟
هشام خلف الله الشايقي الواااحد ده ود الحارة الأولى تطلعوا ود خالة حسن مصطفى ؟؟؟
كدي أنحت راسك تاني وراجع المعلومة دي يا وليد..
غايتو البعرفو إنهم كانوا في العباسية مع بعض وواحد مفروض يمشي الهلال وواحد المريخ وكل الحصل إنو طلعوا ليهم إسكولرشيب للعب في جامعة امريكية ..
هشام درس الكمبيوتر وهو حالياً مقيم في الأمارات العربية وصاحب شركة بتاعت كمبيوتر ماشاء الله ..
حسن مصطفى لسة بهناك..
لكن ما أولاد خالات |
دي مامنجورة ياعمر الفاروق ممكن تقول منحوته اها ديل طبعا كانوا اصحاب وهشام كان بدرس قانون في جامعة القاهره
الناس كان بتقول اولاد خالات الغريبة اصلا ما سألت في يوم حسن مصطفى عن هشام خلف الله
ياخي انت حيرتنا ذاتك بتعرف اي زول ياخي نحنا حمنا العاصمة المثلثه دي ومرقناها للاقاليم
مابنعرف الناس زيك دا شنو دا
يقولو منتصر حبه تقول لا اسعد حبه ههههههههههه ماشاء الله يا عمر الفاروق
| |
|
|
|
|
|
|
| |
omer osman
شمس الدين ساتى
Emad Mohamed
خالد عبد الله محمود
عاطف عمر
لؤى
مرتضى احمد عبد القادر
وليد عبد اللطيف
عمر الفاروق
حمزه بابكر الكوبي
haroon diyab
فيس بوك
تويتر
انستقرام
يوتيوب
بنتيريست