أيهما أفضل iphone 4s أم Samsung Galaxy S lll أفتونا لو تكرمتم

Quote: سلامات شرف الدين الزاكي. ا التلفونيين سمحات جداً و متحرمات جداً. و لو اخترنا اي واحد فيهم ما ح تندم. القلاكسي شكله جميل جداً لكن انا عندي معاه مشاكل معينة. اولا التطبيقات بتاعة اسكايب و الفيسبوك في جميع اجهزة الانترويد( منها القلاكسي) تعبانة جداً جداً. تعبانة لدرجة ان إدارة الفيسبوك شخصيا منعوا موظفيهم يشيلوا اي فون عشان يتغصبوا يستعملوا فيسبوك في اندرويد و بالتالي يشتغلوا في تطوير التطبيق بتاع الفيسبوك الاندرويد. الشي التاني، لو احتجتا ( و غالبا ح تحتاج) تجيب iPad ح تحتاج تشتري تطبيقات من جديد. لكن لو جبتا اي فون التطبيقات ذاتها بتشتغل في الجهازين. و ما في زول يقول ليك اشتري تابلت اندرويد. دي ما فيها غلاط، التابلت بتاعهم تعبان جداً. الحاجه التالته ان قوقل بتجدد المشغل كل فترة، لكن لانه في تلفوناتك كتيرة بتشتغل بيه ، ممكن عادي تلفونك ده بعد سنة او اتنين ما ينزل إيه تحديد للمشغل. لكن ابل حتي الان بتنزل تجديد لتلفونات نزلت قبل حوالي اكتر من 3 سنوات. نجي للناس اللي قالوا ليك قلاكسي( الكلام ليك يا ود البشرى)، أنتو ال اي فون الجديد iPhone 5 ما شفتوه بعينكم، عرفتوا من وين ان القلاكسي أحسن منه؟؟؟؟ و في النهاية التلفونيين جميلات جداً جداً Have fun