أنا غضبان من البلد دي من جرجيرا لبشيرا ناس تسرق وتبني القصور وجماعة يطشموا يجلدم قدقد الصول مفارقات عجيبه بالجد ما قادر أفهم زي فلم خيال علمي جاريه والمتناقضات كل يوم زياده مرة نقول دي بلد العجايب ومحن أخر الزمن
ماالفالح قاعد في الضل والعوير هو المدير الشريفه متخلفة والكاشفه متمدنه قتلونا بالعصر حتي التفل بقي هبوت ساي ودعمك يسرقك ....وداك يحلف كداب والخوة بقت مصالح والنخوة عملة من التركية السابقة والعلاقات بفلان الوزير والسلام بقي كتير علينا نحن المساكين
متين تبقوا ناسا تشدو الحيل وتقيف في المرضان وتكفنوا الفارق الحبان حقيقة ما فيكم عشا البياتات ماالوجاهة أصبحت عربيه توسان او عمامه مفلفه بالالوان بالجد دي بلد كان قاعد فيها الجن يجن والله أنا ما غضبان منك ياتراب البلد بس الحايمين فيها حسي أخير منهم طين البحر أقعدوا دغمسوا وجغمسوا أنشالله تصبح بيكم جمهوربة دغمستان الكبري أنا غضبان عليكم يا جرجيرا مصوفر وسفة سكران عقب الدغش شنو يعني ما خلاس انتهينــــا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
حسبو عكاشة
فيس بوك
تويتر
انستقرام
يوتيوب
بنتيريست