|
|
 واحد فول مصلح وسيجارة واحدة بواحد جنيه
|
أولا آسف على العنوان ان كان مضللا ... عشمنا في الله يتغير الحال
ونشتري الفول المصلح بالجبنة وزيت السمسم ومعاهو السيجارة والببسي باقل من جنيه واحد سوداني
يا رب يا كريم ترخص البرسيم الكليقة بقرشين والدفيس بقرش واحد
.
.
من اكثر الدروس المملة في قواعد اللغة العربية هو درس العدد والمعدود
حتى المدرسين كانوا بزهجوا منو ويكلفتوهو ساهي
نتونس شوية بالدرس دا من الذاكرة بعيدا عن القوقلة والكلام الكتير داك
نحن دائما نقول واحد فول مصلح وواحد جنيه وحتى على مستوى البنك المركزي
كاتبين واحد جنيه على وزن واحد فول ( راجع العملات العربية الاخرى )
والغريبة في نفس الوكت البنقول فيهو ادينا واحد فول مصلح
نقول لبتاع الدكان وادينا سيجارة واحدة ولم نقل واحدة سيجارة !!
والصحيح
رجل واحد وإمرأة واحدة
رجلان او رجلين حسب موقعها من الاعراب
إمرأتنان او إمرأتين ،،،،،،،،،،،،،،،،،،،،،،
وفي الحتة دي اتذكرت حكاية طريفة عشان اكسر بيها ملل البوست الممل دا
قالوا هارون الرشيد ولا واحد تاني ما عارف ( ما متأكد ) عين مدرس فارسي يحفظ ولده
ذو الاربع سنوات سور من القرآن الكريم
وبدأ الفارسي بتحفيظ الولد السور القصيرة
وفي يوم من الايام بدأ يقرأ عليه سورة المسد ويقول للولد ردد معي
المدرس الفارسي : تبت يدا
الشافع : تبت يدان
المدرس الفارسي تبت يدا
الشافع : تبت يدان
المدرس الفارسي زهج من الشافع ومشى لابوهو قاليهو اعفيني من تدريس هذا الولد
فانه ما زال صغيرا على الحفظ
فسأله هارون الرشيد أو أئ كان اسمه ... اخبرني ماذا حصل
فقال له المدرس اقول له قل تبت يدا فيقول تبت يدان
فقال للمدرس انت غلطان فانه بدوي قح يعرف اللغة على سجيتها فلابد ان يقول يدان ما دام انت توقفت
ولو اتيت بالمضاف لقال يدا ابي لهب وتب ------ عشان ما لقى حاجة امسك فيها ( دي من عندي انا )
وخرج المدرس وواصل مع التلميذ الدرس ومشى معاهو زي العجب
ثلاثة رجال وثلاث نساء ( لاحظ /ي حاجتين هنا )
الملاحظة الاولى الاعداد من ثلاثة الى عشرة تختلف من واحد واثنين
الملاحظة الثانية تأنيث العدد في حالة المعدود مذكر وتذكير العدد في حالة المعدود مؤنث
.
.
ملاحظة اخرى عادة نحن نقول خمسة ألف جنيه وحتى على مستوى البنوك
يكتبون في الشيكات خمسة ألف جنيه
ولو قلت خمسة او تلاتة دقيقة اقولوا ليك انت عميكة
والصحيح خمسة آلاف
وملاحظة اخيرة انا لست نحويا ولا أئ حاجة لكن دي مجرد ملاحظات قد تفيد وقد تطلع بندق في بحر
|
|
 
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: عبدالله ود البوش)
|
واللولة الشديدة في الاعداد المركبة ناس تلاطاشر وتسعطاشر
والعجب العجيب السنين سنة اثنين وستين وتسعمائة وألف
ناس تلفزيوناتنا اقرشوها واقوموا بيها سداري
الف وتسعمائة واتنين وستين
في الثانوي العالي زمان كان عندنا استاذ ساخر خلاس اسمو استاذ الجيلي له الرحمة والمغفرة
وكان الدرس نسب الاسم المركب زي خور ابو عنجة
وحسب القاعدة ابو عنجي
ولكن في بعض الاسماء قد يحدث لبس اذا نسبت للاسم الاخير مثل بورسودان فنقول بوري
لانو لو قلنا سوداني فالسودانيين كتار وهنا يحصل اللبس
اها قام واحد شالق قاليهو يا استاذ مفروض ما نقول بوري ممكن واحد اقول دي بورسعيد
فلم يجد استاذ الجيلي بدا من ان يسخر منه
فقال له في السودان دا كلو غير بورسودان وغيرك انت في كم بوري ؟
.
.
فالنسب والعدد كانت من اكثر دروس القواعد تعقيدا
وايضا كذلك مسألة السلك في سنة رابعة
| |
|
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: عبدالله ود البوش)
|
اشترى فريد ولدي كليو واحد طماطم بخمس وثلاثين جنيها
فارغيت وازبدت وقلت له لماذا ناكل طماطم بهذا المبلغ الخرافي اصلو نحن اولاد الفقس ؟
فقال لي هذا الولد الشقي عشان لمن تمشي وترسل مليون جنيه ونقول ليك انتهت في اسبوع
ما تقعد تورك فوقي واس اس اس ( مرات بتمتم ) اسع الكيلو دا ذاتو ما حقنا رسلتني ليهو
خالتو سعاد جاينهم ضيوف افطروا معاهم عشان اقشروا ليهم بالطماطم
قال واحد فول مصلح بجنيه ... الجن الكلكي
| |
|
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: عبدالله ود البوش)
|
نرجع لموضوع الجبنة او كما قال اومو الازرق
countable noun
and
uncoutable noun
and
man and a ban
.
.
معليش يا شباب عمكم جاي من السودان راسو ضارب وجيت ما فاهم أئ حاجة
غايتو للضمان كدا تاني ما راجع كلو كلو
ولمن جيت راجع قلت ليهم الفاااااااتحة لروحي ربنا ارحمني واغفر لي
الفااااااااتحة
قول هو الله احد الله الصمد لم يلد ولم يولد ولم يكن له كفوا احد
الفاتحة
| |
|
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: نادر)
|
Quote: بوست ممتع بحق، بالله واصل أنا متابع بشغف.
|
متعك الله بالصحة والعافية يا نادر
كان كدي ما وقعت معاي بشبعك سف وقرش ( فتح القاف وكسر الراء) عشان ما تطالبني بقروش
لكن كان جاتني غاغة خلي كيبورضك المضبب جنبك
.
.
هيثم ود اختي كنت بعلم فيهو في الحساب
قلت ليهو كان انا اديتك بلحتين وخالك احمد دا اداك تلاتة بلحات قالن كم ؟
الشافع قالي جيبن اسع
اجيب شنو يا جنا ؟
جيب البلحتين وخالي احمد اجيب التلاتة بلحات
قلت ليهو والله انا غلطان كان مفروض اقوليك لو اديتك جلدتين وخالك تلاتة جلدات قالن كم ؟
ومنذ ذلك اليوم صارت مقولة لائ واحد اندرع في حاجة خارج نطاق الموضوع فيقال له
بقت عليك حكاية هيثم ود العبد .......
.
.
تعرف انا كنت ناوي اعنون هذا البوست بـ
الرجال العشرة البلهاء لكن خفت من تصنيف العشرات الحايم دائما
نادر اخوي شكرا جزيلا وتابع معي هذه السلما المتجولة
وغدا الفلم العربجي الكبير ... ونهر حصانه هب
والجبة وقعت في البير وصاحبا واحد خنزير
والهول ضرب التلفون والعسكر واقف طابور
والحكومة الله لا كسبا ولا غزا فيها البركة خلتنا نهترش زي المجانين
لكن الرك على الشباب
| |
|
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: عبدالله ود البوش)
|
Quote: اشترى فريد ولدي كليو واحد طماطم بخمس وثلاثين جنيها
فارغيت وازبدت وقلت له لماذا ناكل طماطم بهذا المبلغ الخرافي اصلو نحن اولاد الفقس ؟
فقال لي هذا الولد الشقي عشان لمن تمشي وترسل مليون جنيه ونقول ليك انتهت في اسبوع
ما تقعد تورك فوقي واس اس اس ( مرات بتمتم ) اسع الكيلو دا ذاتو ما حقنا رسلتني ليهو
خالتو سعاد جاينهم ضيوف افطروا معاهم عشان اقشروا ليهم بالطماطم
قال واحد فول مصلح بجنيه ... الجن الكلكي |
قاعد براي ،ضحكت لما قحيت//
كل سنه وانت طيب ياخي وبوستك جد رائع ،والموضوع الطارحوا دا مهم وممشكل ..
حا نتابع حتى نستعيد لياقتنا النحويه التي فقدناها بفعل عوامل التعريه
| |
|
|
|
|
|
|
|
|
|
Re: واحد فول مصلح وسيجارة واحدة بواحد جنيه (Re: عبدالله ود البوش)
|
التحية لك ياود البوش ، دائما بوستاتك ممتعة وسهلة الهضم
وبمناسبة واحد فول وواحد سيجارة ، تذكرت استاذنا بتاع الرياضيات ونحن في المتوسطة ، وهو يسأل احد الطلاب بأن يوضح اي من هذه القيم يعتبر (زوج مرتب) (لوكنت بتتذكر الزوج المرتب )، فقال الطالب
يا استاذ ده مازوج مرتب
فقال الاستاذ : ولماذا؟
قال الطالب : لانه ما موضوع بين قوسين
الاستاذ قال ليهو : ومال موضوع في خُرُج ، اقعد ياحيوان بس بتعرفو للاكل ، واحد فول وواحد شية واحد كبدة !!! بس ده الفي راسكم
وضحك الجميع على كلام الاستاذ والذي كان دوما يردد ( يا اولاد : والله من لايجيد الانجليزية والرياضيات ، لن يخرج من هذه القرية الا حاجاً أو معتمرا)
| |
|
|
|
|
|
|
|
|
 Re: واحد فول مصلح وسيجارة واحدة بواحد جنيه (Re: عبدالمطلب محمد عبدالرسول)
|
اوووووووووووووو حبيبنا عبدالمطلب
قاليهو ما عرفتني ولا شنو ؟
قاليهو عرفتك ياخ
قاليهو طيب ما قلت اوووووووووو
ياسلاااااام يا عبدالمطلب ياخي مبروك العضوية
وليك علي من دربي افتح ليك بوست ترحيب لناس الرياض
لكن ما تخذلني أئ لمة تتلب فيها سمح ؟
| Quote: (لوكنت بتتذكر الزوج المرتب )، |
زوج مرتب شنو يا عبدالمطلب نحن ناس ثمن الرغيف 2 قرش وثمن الكبريت تعريفة
نحن ناس حمد سلخ الخروف والخروف سلخ حمد وكمان بالصورة عينك لصورة حمد اسلخ
فيهو الخروف ولا تقول بغم اسع لو شفع الزمن دا كان قال للاستاذ ان لوجيك
.
.
مرحبا بك مرة اخرى في هذا الاسفير الذي زي الترعة والوست تتفرج كويس لكن تكتب كتير تعب مدير
شكرا جزيلا ياخي مع تحياتي
ونتوقع حكايات ناس الدوحة الجميلة ناس حلوين وبتاعين وناسة
| |
|
|
|
|
|
|
| |
عبدالله ود البوش
الامين محمد علي
فيس بوك
تويتر
انستقرام
يوتيوب
بنتيريست