حينما يُضَع المصحف بين جاهلين

Quote: تحياتي يا عماد انا ما متفقه في الدين زيك بس ما لاقتني ايه او حديث فيهو معنى (( لو قال احدكم كذا فكفروه او اخرجوه من جماعتكم )) كل الصيغ زي ما قلته عموم واجمال ,, عشان تنتبه من انك لو عملت كذا وكذا فقد كفرت او قد اشركت الايمان وضده الكفر هو من الغيبيات التى لا يطلع عليها الى علام الغيوب , ربنا هو وحده من يعلم بكفر المرء او ايمانيه وهو وحده برضو البحاسب عليه ولو في زول جاء قال ليك حاجه عن ايه او عن حديث وهو متشكك او حتى جاهل , في النهايه هو ما قال صرااااااحة انا كافر , كما هو حال الملحد ((ودا زول بره المله ما عندنا بيهو شغله )) ما من حقك انت تجي تقول ليه لا انت كافر انا اعلم بما انطوت عليه سريرتك ؟؟ لاحظ للنهى في قوله ((ولا تقولوا لمن القى اليكم السلام لست مؤمنا)) من اية : "يا ايها الذين امنوا اذا ضربتم في سبيل الله فتبينوا ولا تقولوا لمن القى اليكم السلام لست مؤمنا تبتغون عرض الحياه الدنيا فعند الله مغانم كثيره كذلك كنتم من قبل فمن الله عليكم فتبينوا ان الله كان بما تعملون خبيرا " صدق الحق