جيش سلفاكير; يقتل... يعذب... و يغتصب... في جونقلي.(انقاذ 2)!

Quote: كويس يا دينق نبذت صبري و تاني لو دخل غلط في بوستاتي بنبذو شنو ليك! بعدين انا ما توقفت من البوست عشان صبري لو كنت بتتذكر, البوست تداخل فيه شخص اخر و الحكاية جرت لمنابذة بيني و بينو طويلة و عريضة و قررت اني اتوقف لفترة من المنبر عشان القراء مش لأني خايف من صبري! من لاموني ودا, عن طريق رسائل خاصة في الفيسبوك, كان موقفهم احترام لاسرة صبري و ليس لصبري و وعدتهم اني اتوقف عن الرد عليه و منها و الي الان لا ارد على اي محاولة للنقاش مع صبري. ارد عليه فقط للمجاملة مثل تهاني العيد و خلافه لكن نقاش ببح! يا دينق, مافي عيب انه موقفي يتطابق مع موقف الكيزان لانه الحقيقة لا تتجزأ فانت ترى الشمس كما يراها الكوز, و كما يراها كل الناس, لانها الحقيقة. و الحقيقة هنا ان الحركة الشعبية و حكومة الجنوب و الرئيس سلفاكير متورطون في اغتيال و تعذيب و اغتصاب مواطني منطقة جنقلي, و اي انسان عاقل سيدين هذا الانتهاك الصريح لحقوق مواطني المنطقة. و لا يهم ان بعض الناس سيحاولون استخدام تلك الحقيقة لاجندتهم الخاصة, فانت تستخدم انصاف الحقائق لاجندتك المفضوحة! بعدين يا دينق, مافيش حد في هذا المنبر اساء و شتم الناس مثلك, و لو عايز تشوف نفسك امشي اقرا مداخلاتك منذ انضمامك للمنبر. فما تعمل لي نبي بالله رأيك شنو يا دينق? قتل المواطنين و تعذيبهم و اغتصابهم خطأ ام لا? ام ان معايير الخطأ لا تستعمل مع حكومة الجنوب?