|
|
 ما تقولو لي تســـابيح خاطر بي جاي .. كدة عازركم !!
|
في سهرة النيل الأزرق غبل غليل -كما تنطقها المذيعات- كان هذا المشهد :
الفنان يغني للرصاص صائحاً : "وإتشتت الرصاص" .. وقام عليه القوم بعصاهم يهزونها ذات اليمين وذات الشمال ويتراقصون بشتارة بائنة ..
كيف يرقص البني ادم لتشتت الرصاص إذا لم يكن مريضاً ذو سقمِ !
هذه شتارة اخلاقية ..
ثم اني قمين بالقول ان اكثر الرجال تظاهرا بالشجاعة والعنتريات هم الاكثر جبناً والاقرب للفرار حين يحمى ا########س ..
ما تراقصهم سوى إسقاط نفسي وتعويض !!
|
|
 
|
|
|
|
|
|
|
|
Re: ما تقولو لي تســـابيح خاطر بي جاي .. كدة عازركم !! (Re: محمد امين مبروك)
|
حاولت ولكن - بركات السادة- منعت الصورة من النزول هنا !!
Quote: Internal Server Error
The server encountered an internal error or misconfiguration and was unable to complete your request.
Please contact the server administrator to inform of the time the error occurred and of anything you might have done that may have caused the error.
More information about this error may be available in the server error log.
Web Server at sudaneseonline.com |
| |
|
|
|
|
|
|
|
|
|
Re: ما تقولو لي تســـابيح خاطر بي جاي .. كدة عازركم !! (Re: محمد امين مبروك)
|
الابن محمد
المقصود بالرصاص الخشب المرصوص جنبا الي جنب في السقوف ايامنا الزمان
وتستند الي مرق في نصف السقف يقوم مقام الكمر حاليا
فحين ينكسر المرق يتشتت الرصاص والقصد مات الرجل الذي كان كالمرق يجمع الناس
وبعد وفاته او سقوطه كالمرق تشتت الرصاص
وليست المقصود الرصاص الذي يستخدم في الاسلحة كما يبدو انك اخطات في الادراك
والله اعلم
| |
|
|
|
|
|
|
|
|
Re: ما تقولو لي تســـابيح خاطر بي جاي .. كدة عازركم !! (Re: طارق ميرغني)
|
الاستاذ طارق ميرغني
الابن محمد
السلام عليكما ورحمة الله
يا سبحان الله اخ طارق
خليهو ابننا محمد .. صدق وامن بالله انا علي كبر سني ومن زمن الجالوص والدانقات والاقرب لفهم (المرق) و (الرصاص) قضيت عمري كله وانا اعتقد ان (المرق) بمعني الزول (الاتخارج) .. وكنت اري (الانكسار) بمعني الهزيمة وبناءا علي ذلك رسخ عندي إن المعني المراد من (تشتت الرصاص ) هو (تطايره) كما قال استاذ محمد
ولا يمكن ان تتخيلا والساعة الان الرابعة صباحا الا سته دقائق كمية الضحك التي ضحكتها عندما تكشف لي انني لم يخطر في بالي ان اربط (انكسر ) بالمعني الحرفي لها. وفعلا عندها يستقيم المعني الذي اشرت اليه استاذ ميرغني و هو الاصح. ففعلا الرصاص هو المراين البلديه
فمنكم نستفيد اخ طارق
وقدةاعجبتني طريقة عرضك للموضوع يا استاذ محمد ففيها ممتعه ######رية لها طعم خاص
تحياتي لكما
| |
|
|
|
|
|
|
|
|
|
Re: ما تقولو لي تســـابيح خاطر بي جاي .. كدة عازركم !! (Re: طارق ميرغني)
|
Quote:
الابن محمد
المقصود بالرصاص الخشب المرصوص جنبا الي جنب في السقوف ايامنا الزمان
وتستند الي مرق في نصف السقف يقوم مقام الكمر حاليا
فحين ينكسر المرق يتشتت الرصاص والقصد مات الرجل الذي كان كالمرق يجمع الناس
وبعد وفاته او سقوطه كالمرق تشتت الرصاص
وليست المقصود الرصاص الذي يستخدم في الاسلحة كما يبدو انك اخطات في الادراك
|
أتوقع (عدم) عودة (الإبن) محمد إلى هذا الخيط
بعد أن (أدرك) حاجة...
(عمنا) طارق ميرغني... معلم أجيال..
لا ضير البتة في أن يوصل المعلم المفاهيم الصحيحة
حتى ولو كان ذلك بطريقة (مؤلمة)...
ولا ما كدي؟؟؟
..
.
| |
|
|
|
|
|
|
|
|
|
Re: ما تقولو لي تســـابيح خاطر بي جاي .. كدة عازركم !! (Re: محمد امين مبروك)
|
محمد طه القدال
خمســـــين سنة (لأرض الجزيرة أم دوح عندما ضربتها السيول والأمطار)
خمسين سنة
وآيدنا في طول مدّهن
لا فترنا من مد اليدين
لا صبنة جاتك يا رحم
يا يمه عرسك
كان دلاليك الهنا
ويا يمه عرسك
كان قبل كمين سنه
وأمس القريب
قتيلي جاييني الوحم
ربيتي كم ؟
اسبيتي كم ؟
عمرتي في ها الأرض كم ؟
رحطك قطيع
يا يمة من مجدة جناك
في الأرض
في الزمن الزمان
والليلة يا دوبك بكر
شلخة نصيبك يا أم عرض
مكتوب تصيبك
لابدق فوقك نحاسي
لا دمع برميهو شانك
ما بقوقيلك شكر
ومترجيك
إجيلي فداك في دمي
ومترجيك
غنايا على الأرض والفاس وبت أمي
إذا ما البيت لبخ جالوص
ومزبل للخريف عِمة
وكان جواهو محبوبين
وهبابين
وخمسة عيال وسحارة
وكان في البيت
عقاب معزاية للشفع
وكان الدنيا يا الضلمه
وكان القبله جهاره
وكانت الغيمه دراره
سبلوقاتنا ما صبّن
سباليق جارنا سوّن جو
ودميع السحاب نوّح
ويا معز اللبن دغّن
ويا البقر الطلق بوّح
جفل في الزيفة ديك روّح
ويا الكلاب يسوّن هو
وقام حتى الجداد كيّك
ويا مرق السنط سيّك
وتسمع وردلوب حيطة
ويا ابو مروه يا ابو مروه
بيت حاجة أم خريف دركان
تجيك من الفريق عيطة
وتقرأ أم احمد البسم الله
في الأولاد
وتقرأ أم أحمد البسم الله
في الأولاد
قت لك أمرقي آبنيه
هي طينتاً في التراب
نية
قت لك أمرقي
فرشاً أطير
هو شن هباب
وشن كراب
وتسمع وردولب
يا المعزة وقعت ناشفة
بين الشعبتين والباب
وقام أحمد يحاوط البيت
أسرع يابا
شقوق أمسيسي والفاره
يا الحوش الصبح ميضه
وبدور مركب
دحين إبقى البلد خرّف
دحين إبقى السرف نعمة
أقيدي اللمبة
يم أحمد
بدور أضهب
وكسر الحوش
عشان الساس
وسيلي علي الحدب
مصرف
وكان اب أحمد المهجوم
بقرأ الفاتحة في سرو
بقرأ الفاتحة في سرو
بقول الجات علي مالك
مليحا جات
علي مالك
تعال آجني
وكنكش فوق كتف خيك
عاد لا حولة ولا قوة
جانا غضب
ومويه ركب
وداك الحسرة
كان الحلّة شربت تب
وكان اتشتت الرصاص
وكان الساس
حتل وانماص
حتل وانماص
| |
|
|
|
|
|
|
| |
محمد امين مبروك
محمد مصطفي مجذوب
Mahmoud Mustafa Mahmoud
آدم صيام
Adrob wad Elkhatib
فيس بوك
تويتر
انستقرام
يوتيوب
بنتيريست