لو سألت علينا كنت عرفته نحن الليلة وين؟ كل سنة وأنت طيبة ياخ والعيد الجاي فارزة عيشتك ........ قولي آميييييييين عشان زي الوقت تكوني بتحضري في الغداء وما تلقي ليك زمن لدخول النت ... والله صحي
08-19-2012, 11:50 AM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: كل سنة وأنت طيبة ياخ والعيد الجاي فارزة عيشتك ........ قولي آميييييييين عشان زي الوقت تكوني بتحضري في الغداء وما تلقي ليك زمن لدخول النت ... والله صحي
ايمنوف
العيد مبارك عليك كل عام وانت بخير
والله يا حليل رمضان كان مريحنا من الاكل هسي من قمنا من النوم الخدامات يحوسوا فى المطبخ
الله يعين بث
08-19-2012, 01:16 PM
osman righeem
osman righeem
تاريخ التسجيل: 06-21-2007
مجموع المشاركات: 10872
قد سرت في روض الحروف فلم اجد للتهنئة حرف جديد.. فوقفت مابين الصفوف لأنتقي لك ماتحب وماتريد.. فتركت لك إختيار الأمنيات كما تريد.. اما انا فعجزت إلا اقول مهنئا"..
كل عام وانتم بخير
08-20-2012, 03:42 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: قد سرت في روض الحروف فلم اجد للتهنئة حرف جديد.. فوقفت مابين الصفوف لأنتقي لك ماتحب وماتريد.. فتركت لك إختيار الأمنيات كما تريد.. اما انا فعجزت إلا اقول مهنئا"..
كل عام وانتم بخير
دا من راسك ولا من كراسك ولا لطشتوا
كل سنة وانت طيب
والسنة الجاية ربنا راضى عنك ويديك سلم تقدر تطلع لى فوق
08-20-2012, 10:18 AM
وضاحة
وضاحة
تاريخ التسجيل: 01-16-2005
مجموع المشاركات: 9116
اها يا دكتوره ... الوصايا دي امانات وانا زول بخاف من الامانات عشان كدي كيتا علي هارون دياب وفايز ود القاضي وصلتها ليكي بي توما وشمارا وقلت ليهو في صندوق البريد الفاتح بي هناك عالم سوداني ينشئ مركزا لابحاث الامراض الدم المستعصية بابوظبي و بالحرف الواحد
Quote: هاك يا مازن الرساله دي من بت عمك دكتورة وضاحة .. كيتا علي هارون دياب وحساده كدي لفايز ود القاضي المتسلبط ده Quote: حباب البروف ابو مازن كل عام وانت بالف خير انتهز هذه الفرصة الطيبة واهدى ليك اغنية مصطفى سيد احمد طبعا انا اندهشت حين قلت لى ما بعرف مصطفى سيد احمد يا بروف وقلت بينى وبين نفسي معقول البروف ما بعرف مطصفى طيب كيف يكون حال مازن رسلها لى مازن يسمعها وياك http://www.sudaneseonline.com/db/attention/010_Smile.gif[/QUOTE]
08-20-2012, 04:06 PM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: اها يا دكتوره ... الوصايا دي امانات وانا زول بخاف من الامانات عشان كدي كيتا علي هارون دياب وفايز ود القاضي وصلتها ليكي بي توما وشمارا وقلت ليهو في صندوق البريد الفاتح بي هناك عالم سوداني ينشئ مركزا لابحاث الامراض الدم المستعصية بابوظبي و بالحرف الواحد
بت عمى طيب مالك مخبية فى قلبك كل الوقت ده؟ خلاص نتلاقى نتلاقى فى الرمله الدقاقة فايز عشان جدنا المك نمر جاء عندكم زيارة شايفك بقيت تطاول.. وضاحة شدى لى الصهال ده وادينى سيفى والقربين واملى لى السعن داك موية خلينى اغير على جده دى ما اخلى فيها زول يقلى بن زاتو هييييييييييييييييع... بالجنبه كده كل سنة وانت بحب،،،
08-20-2012, 10:56 PM
haroon diyab
haroon diyab
تاريخ التسجيل: 06-20-2007
مجموع المشاركات: 23215
كل عام وأنت أخف دم وألطف روح في حوش بكري الواسع ده ... وإن شاء الله السنه الجايه على أمانيك يا وضاحه ... وإن كانت أمنية صاحبي المهندس أمين بشاري هي الأقرب لقلبي ...
بالجد إن شاء الله السنه الجايه فارزه عيشتك .... وبعدين تعالي خدامات شنو يا بت البطانه إنتي دحين ما بتعرفي تعوسي وتعجني وتطبخي وتلخي العجين ... آفو يا بت عمي ... اتلومت تب ....
وعلى كل إليك أهدي آخر ما كتبت .... يا منداحه ... ولو قلبنا الميم واو لصارت ...
وإن شاء الله تعجبك بس ....
يا منداحه
يامنداحه بساحات عمري .... ريدك في أعماقي أتحكر ... لوّن روحي بطعم الفرحه ... جمّل دربي وهلّ وكبر ... نشوة ريدك ربضت فيني ... خلت قلبي يتيه يتبختر شايلك للأفراح تعويذه ... فال منداح زي صبحاً أخضر ... بيكي بغني بشابي وبرقص ... وفي أحداقك بهنا وبسكر ... لو شاروني زمان في اسمك ... كان سميتك قطعة سكر
*** يا تريانه براءه ورقه ... ويا مسقيه مياه الكوثر.... حسنك فاق الحسن وعدا ... أخجل ضي أقمارنا وأبهر ... تقسم عينيك إني حبيبك ... إلا لسانك أجحد وأنكر ... فيكي اتجلت عظمة ربي ... يا سبحان من أبدع وصوّر .... ما فضلتي جمال لي غيرك ... وطيبتك سحرت طيبة المعشر ... أصلك راضعه الطيبه محنّه .... وسارقه شذاك من روح العنبر ... ولو شاروني زمان يا فايزه ... كان سميتك قطعة سكر ...
إدريس محمد إبراهيم
مع خالص الود الذي تعرفين ؛؛؛؛
08-24-2012, 00:08 AM
وضاحة
وضاحة
تاريخ التسجيل: 01-16-2005
مجموع المشاركات: 9116
كل عام وأنت أخف دم وألطف روح في حوش بكري الواسع ده ... وإن شاء الله السنه الجايه على أمانيك يا وضاحه ... وإن كانت أمنية صاحبي المهندس أمين بشاري هي الأقرب لقلبي ...
بالجد إن شاء الله السنه الجايه فارزه عيشتك .... وبعدين تعالي خدامات شنو يا بت البطانه إنتي دحين ما بتعرفي تعوسي وتعجني وتطبخي وتلخي العجين ... آفو يا بت عمي ... اتلومت تب ....
إدريس
كل عام وانت بالف صحة وهناء وخير
استنا تانى سنة ههههه بالغت معاى قريب ان شاء الله
وبعدين عواسة شنو انت من زمن العواسة ياخى وداد زوجة البشير العربية خلت العواسة اجى انا اعوس
وضاحة من قامت لتيبة الشكرة كانت هيلة ممشوقة القوام الطرحة فوقة تقـــــــيلة ام ديسن نتل جيد الغـــــزال والـــــريلة قصبت التقنت الينة الطبيعة طــــــرية
Quote: وعلى كل إليك أهدي آخر ما كتبت .... يا منداحه ... ولو قلبنا الميم واو لصارت ...
وإن شاء الله تعجبك بس ....
الله يا ادريس ايوها المرهف المبدع الحنين
حينما ياتي حرفك المسكون بالروعة يجرى في اجسادنا كا الدماء النقية من الوريد الى الوريد وتغمر الغبطة المسكونة بالاعجاب قلوبنا وعيوننا ونسافر الى مدى قصيدك الممهور بعمق احاسيسك ودهشة ابداعك المستكين وشم على ذاكرة الدنيا فتتقمصنا حروفك
فحروفك بوصلة تهدينا الطريق وسراج ينير الدياجي واليوم حرفك يبعث في الامل ويزرع الفؤاد حديقة ازهار ورياحين
لك الشكر اجزله فانني اصحو بحرفك من حزن اليل طويل وبه تتعافى قلوبنا من رهق الجراحات فنعود كما كنا ونبعث من جديد ...... ...... لك التحية والود
لا عدمناك
08-23-2012, 11:45 PM
سيف الدولة كامل
سيف الدولة كامل
تاريخ التسجيل: 03-29-2009
مجموع المشاركات: 4349
بالمناسبه فايزه التي في آخر القصيده هي رفيقة دربي أم العيال ... لمن قرت كلامك المكتوب قالت حرم البت دي شاعره ....
Quote: الله يا ادريس ايوها المرهف المبدع الحنين
حينما ياتي حرفك المسكون بالروعة يجرى في اجسادنا كا الدماء النقية من الوريد الى الوريد وتغمر الغبطة المسكونة بالاعجاب قلوبنا وعيوننا ونسافر الى مدى قصيدك الممهور بعمق احاسيسك ودهشة ابداعك المستكين وشم على ذاكرة الدنيا فتتقمصنا حروفك
فحروفك بوصلة تهدينا الطريق وسراج ينير الدياجي واليوم حرفك يبعث في الامل ويزرع الفؤاد حديقة ازهار ورياحين
لك الشكر اجزله فانني اصحو بحرفك من حزن اليل طويل وبه تتعافى قلوبنا من رهق الجراحات فنعود كما كنا ونبعث من جديد ...... ...... لك التحية والود
لا عدمناك
بصراحه ده الشعر يمشيهلى قدمين .. والله أكاد أن أقسم أن الكلام الذي نثرتيه بي فوق هو أجمل تعليق سمعته في حياتي ....
وسلمت الأيادي يا وضاخه ...
08-24-2012, 00:33 AM
وضاحة
وضاحة
تاريخ التسجيل: 01-16-2005
مجموع المشاركات: 9116
Quote: وضاحة من قامت لتيبة الشكرة كانت هيلة ممشوقة القوام الطرحة فوقة تقـــــــيلة ام ديسن نتل جيد الغـــــزال والـــــريلة قصبت التقنت الينة الطبيعة طــــــرية
الشافك جزم إنك بنية حور أصبح بيك مولُه منبهر مسحور سوّاك الإله زي قطعة البللور حفاك العلم إشراق سماحه ونور
***
الحازك أكيد داعيالو أما وأب .... في ليلة القدر سأل الإله أسهب وضاحه وكفي .. يا ربي لي توهب ... زفوك الملايكه اتجمّل الكوكب .. وازدهت النجوم تحمل هدية الرب ....
****
لهجك يا أم سماح ...بالشينه ما اتكلم ... ليك العز وشاح .... والعفاف بلسم ... تهدي الكون براح ... والعلوم معلم ... يا زين الملاح إن شاء الله ليّ تسلم
08-24-2012, 09:41 AM
إدريس محمد إبراهيم
إدريس محمد إبراهيم
تاريخ التسجيل: 03-13-2006
مجموع المشاركات: 2762
طبعاً يا ود الفاروق إنت عارف إنو الميم مكسوره وشتان ما بين المعنيين ... عليك الله أوعك تورطني مع الزوله دي ... لأنو لو اتقلبت عليك يتوريك النجوم عز الضهر ...
بعدين تعال ياخ ... عيّب لي الفاصوليا ... ولا حقاره ساي منك يا عمر ... خسع الفاصوليا مش أحسن من الحمام الميت القابلنا يوم الوقفه داك ...
لسان الذين يلحدون إليه اعجمي وهذا لسان "جعلي" فظيع ...
(انا لو بكتب زي عزالدين الفحل كنت اشتهرت!)
... المهم ....
تبارك إن شاء الله تتبارك ياخ أينما حللت ....وتبراك السعادة التي لا تعرف للنهايات معنى ....أين أنت من زمان فاقدك هذا البوست خفيف الظل يا رجل ...رغم إنني حاولت أن أهبشك بي فوق ...ولكن بركه الجابتك (طبارك) دي ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة