|
Re: شوفوا المريخابي ده قال لي شنو عن بكرة !! (Re: Magdi Algorashi)
|
يا مجدي، انت كلام جمال الفوق دا شكلك ما قريتو ؟ ولا عميت من العربي؟ جمال دا راجل واصل وكلامو ما بقع واطة. السمبك دا اداكم ليهو بشة قريب دا ، والمره دي سمبك مافي، احسب من اتنين وانت طالع، قال الشغيل قال، ياخي تيم زعامتو الشغيل دحين راجين منو حاجة !!!
| |
|
|
|
|
|
|
Re: شوفوا المريخابي ده قال لي شنو عن بكرة !! (Re: Abdulrahman Gorashi)
|
الاستاذ الموصلي كل عام وانت بخير،
كلام مجدي دا شغل بورد ساكت، وحاتك قبل خمسة دقائق عملت لي مرتو تلفون وقالت لي تعال حصل اخوك دا وقربنا نعمل تلفون للإسعاف، شي قالو النوم غالبو ورجفة وعرق حدو الركب.
كلمتو قلت ليهو يا ولد هي اعتني بصحتك و مباراتك للمريخ دي بتوديك الآخرة ، لكن الفهم كمان قسم،
| |
|
|
|
|
|
|
Re: شوفوا المريخابي ده قال لي شنو عن بكرة !! (Re: جمال السنوسي)
|
جيمي وربعه كل سنة وانتو طيبين وينعاد عليكم بالخير واليمن والبركات..
ألذ تعليق عن ما قبل المباراة كتبو محمد عبدالماجد في عمودو أمس:
قال:قالوا ليك عبداللطيف بويا ومعاوية فداسي شغالين زي سرور وكرومة الايامات دي بحفظوا وببرفوا في (يلوحن لي حمامات). قالوا عاوزين ينفذوا العمل دا في مباراة الغد. يا ريكاردو لم (حمامكم) دا عليك ...نحن عندنا (كدايس) ناوين نية كعبة على حمامكم دا.
وقال ليما (المحترف البرازيلي) عنبة ورامية فوق بيتنا (حنين) والله محترفكم دا يا مريخاب مفروض تجيبوا ليه (اسحاق الحلنقي) عشان يدربو. دا محترف (حنين) خالص
موسي الزومة سأل سؤال. قال ليهم هجوم الهلال فيه منو؟. قالوا ليه : سادومبا... بلع ريقو!!. قال ليهم : وتاني ؟. قالوا ليه : كاريكا!!. وضع ايدو في رأسو. قال ليهم تاني. قالوا ليه : وسانيه. قام جاري !!. قبضوه في (القلابات)..وقالوا ليه طيب لو عرفت ان ريكاردو مع الجماعة ديل لاعب بي (بكري المدينة) تعمل شنو؟. قال ليهم : اقع من الجبل. هسع الجبل ذنبو شنو؟....
أنا غايتو البارح أقرأ وأضحك اللهم أجعله خير
| |
|
|
|
|
|
|
Re: شوفوا المريخابي ده قال لي شنو عن بكرة !! (Re: nazar hussien)
|
أكثر ما أخشاه على الهلال هذه الثقة الزائدة عن الحد من مناصريه و اعلامه وأخشى ان تنتقل للاعبيه و مدربه هجومنا قوي وسريع و ساني صلاة النبي فوقه ما قلنا شي لكن هذا لا يجب ان يعمينا عن حقيقة أن دفاعنا راقد رز و الأطراف مقصوصة و من رأى سهولة أهداف حمودة و صالح عبدالله وكيفية تواجدهم وسط الدفاع بلا رقابة عليه ان يتخيل نفس السيناريو مع كلتشي و سكواها الذي انقذناالقائم من كرتين له في القمة الأخيرة!!
| |
|
|
|
|
|
|
Re: شوفوا المريخابي ده قال لي شنو عن بكرة !! (Re: Abdulrahman Gorashi)
|
Quote: لاستاذ الموصلي كل عام وانت بخير،
كلام مجدي دا شغل بورد ساكت، وحاتك قبل خمسة دقائق عملت لي مرتو تلفون وقالت لي تعال حصل اخوك دا وقربنا نعمل تلفون للإسعاف، شي قالو النوم غالبو ورجفة وعرق حدو الركب.
كلمتو قلت ليهو يا ولد هي اعتني بصحتك و مباراتك للمريخ دي بتوديك الآخرة ، لكن الفهم كمان قسم، |
وانت طيب ياعبد الرحمن غايتو في الوست كنت بجهجهو لكن ما عارف الحيجهجه التاني منو فيكم في هلال مريخ تحياتي
| |
|
|
|
|
|
|
|