|
|
|
 Re: هل تسبب شيوعيو عطبرة في تدمير سكك حديد السودان؟ (Re: Mohamed Abdelmotalib Hassan)
|
نعم
فمنذ أن استلم الشيوعيون حكم السودان بإنقلابهم في صبيحة الثلاثين من يونيو العام 1989 ولم تقم للسكة حديد قائمة حتى الآن.
والغريب أن البلاد تحت الحكم الشيوعي قد كان لها دخل بملاييين الدولارات ولكن بدلاً من صرفها في تطوير قطاع مهم مثل السكة حديد فعلت العكس تماماً، وابتدأت تدمير منهجي للسكة حديد.
سنتعرض كيف دمر الشيوعين السكة حديد خلال حكمهم الذي امتد منذ الثلاثين من يونيو 89 وحتى اليوم اي حوالي 23 سنة.
| |
 
|
|
|
|
|
|
|
|
Re: هل تسبب شيوعيو عطبرة في تدمير سكك حديد السودان؟ (Re: الصادق اسماعيل)
|
كانت نقابةعمال السكك الحديد من المعاقل العتيدة للقوى التقدمية, وكانت هتافاتهم تهز الأرض تحت اقدام ساكن القصر الجمهوري
لذلك عمل الكيزان وبدأب شديد منذ تحالفهم مع النميري في أخريات أيامه على تفكيك السكك الحديد فلنكة فلنكة بمنطق (عجبني للمرقوت ).
قارن المنهج المختلف الذي اتبعته مارغريت تاتشر في بريطانيا مع نقابة عمال المناجم وزعيمهم أرثر اسكارغل .
هؤلاء الكيزان يتعاملون مع مقدرات البلاد تعامل الحطابين الحهلاء الذين لا يرون ابعد من أنوفهم .
دعك من عطبرة وماساتها , هل تعلم ان سكة حديد مشروع الجزيرة ( الترماي ) قد تم إقتلاع قضبانها وصهرها في جياد ؟ كان الكوز الواصل يتحصل على إذن من نافع
علي نافع ويعطى تصديقا بكذا كيلومتر منها ليبني عمارته على أنقاض الوطن .
يا محمد عبد المطلب تعال بالله اتحسس رؤوسنا شوف فيها قنابير ؟
| |
|
|
|
|
|
|
|
|
|
Re: هل تسبب شيوعيو عطبرة في تدمير سكك حديد السودان؟ (Re: james)
|
شوف يا محمد اخوى انا من سكان عطبره واهلى كلهم كانوا شغالين بالسكه حديد
ويا محمد انت ما طالبنى حليف لكن والله العملوا الشيوعيين فى ناس عطبره ما عملوا نجار فى حطب
دمروا المدينه وشردوا اهلها بسبب تصرفاتهم الغبيه
ياخى ديل اسفت من الكيزان بمراحل
غايتوا اتنين تسببوا فى تجويع وتشريد عمال السكه حديد
الحزب الشيوعى
محمد الحسن الامين (والى الولايه)
برجع ليك بالتفاصيل
| |
|
|
|
|
|
|
|
|
|
Re: هل تسبب شيوعيو عطبرة في تدمير سكك حديد السودان؟ (Re: امير عبدالدائم)
|
Quote: شوف يا محمد اخوى انا من سكان عطبره واهلى كلهم كانوا شغالين بالسكه حديد
ويا محمد انت ما طالبنى حليف لكن والله العملوا الشيوعيين فى ناس عطبره ما عملوا نجار فى حطب |
ونحن عاد نسوى شنو مع زول من عطبرة ، غير نصدقو والمؤمن صديق .......طالما انت من عطبرة اكيد بتنقل لينا الشمارات كويس يا امير .......بس بالله ما تنسي تقول لينا حاجة انو في حالة ماثبت انو من دمر السكة حديد هم الشيوعيون ، بكونو مش دمرو عطبرة فحسب بل هم دمرو كل اقتصاد السودان وكمان مشروع الجزيرة وكل المصانع الكانت بتنتج قبل الانقاذ .....
بعد شوية حيجي واحد يقول ليك انا من الجزيرة ويشهد الله ماطالبني حليفة الشيوعين دمرو مشروع الجزيرة ........وهكذا واحد تاني من بابنوسة يتكلم عن دمار الشيوعين لمصنع البان بابنوسة وهكذا غايبتو نحن ننتظر ونشوف
| |
|
|
|
|
|
|
|
|
 Re: هل تسبب شيوعيو عطبرة في تدمير سكك حديد السودان؟ (Re: هجو الأقرع)
|
Quote:
يا محمد عبد المطلب تعال بالله اتحسس رؤوسنا شوف فيها قنابير ؟ |
يا معاوية الأرباب :
هو بالله حزب زعيمه كان متدسي تحت الواطة تلاتين سنة , وبعد جا طالع قعد مع
النظام ده وإتفاوض معاه حول مشاركة الحزب الشيوعي في الحيييكومة , ومش كده
وبس , بل تفاوض معها في أمر علاجه بالخارج.
هو القنبور ده كيفنهو عاد؟؟؟
نحن ديل العندنا قنابير , عليك الله تعال إتحسس لينا ديل معاك برضو!!!
(أنبور) إيه يا عم؟ آل (أنبور) آل!!
الكلام ده قولو لي زول لابس قميص فراشات , إنت قايلني جاي من قوز الناقة
ولا شنو؟؟
| |
|
|
|
|
|
|
|
|
|
Re: هل تسبب شيوعيو عطبرة في تدمير سكك حديد السودان؟ (Re: Mohamed Abdelmotalib Hassan)
|
Quote: وبعد جا طالع قعد مع
النظام ده وإتفاوض معاه حول مشاركة الحزب الشيوعي في الحيييكومة , ومش كده
وبس , بل تفاوض معها في أمر علاجه بالخارج. |
كنت جاي اجاوبك بـ نعـــــــممممممممممممممم دمروها و خربوها خراب السـنين
ولكن وجدتك أتيت لهم بماهـو أفدح و كشـفتهم , فقــد شـاركوا في الحكومة بكوادر ســرية و ضربوا
قروش النهضة والنفـرة , و العقـود الخاصة و باعـو خـط هيثروا و الخطوط البحرية
و النقل النهـري و موبيتل , تصدق ديل حتى الفلل الرئاســية باعوها و اخدوا حقهـم بالدولار
ايشي دولارات و ايشـي أراضي و ايشـي عمولات و ما تنسـى المشـاركات
يا زول السـكة حديد هينة وبســيطة مع العملو الناس ديل , ياخي ديل سـفسـفو دهب الخزاين
أما البترول فقد شــربو جب ( ما شـيف البلد عطشـانة جعانة كيف )
ياخي كوادرهم السـرية أخطـر من دابة الأرض
ياخي حتى التعليم دا خـربوه ســيبك من الصـحة و اصحـاح البيئة و التمكين
دا كلو بكوادرهم الســرية
ياخي الناس ديل بحبـوا الخراب حـب , إنا لله
بس في حكاية العـلاج دي أديتهـا برميل خــل , مش كـوز موية,
يعني خليت الكذبة لا لون لها و لكن طعهما ورائحتها فقـد أجدت ( اللهم إني صايـم )
اللهم ارحم عبدك محمد ابراهيم نقـد و ادخله الجنة بغير حســاب
اللهم اعتق رقبته من النار في هـذا الشـهر الكريم يا كريم يا غفار
اللهـم ادخله الجنة مع الأبرار
| |
|
|
|
|
|
|
|
|
 Re: هل تسبب شيوعيو عطبرة في تدمير سكك حديد السودان؟ (Re: Mohamed Abdelmotalib Hassan)
|
Quote: شوف يا محمد اخوى انا من سكان عطبره واهلى كلهم كانوا شغالين بالسكه حديد
ويا محمد انت ما طالبنى حليف لكن والله العملوا الشيوعيين فى ناس عطبره ما عملوا نجار فى حطب
دمروا المدينه وشردوا اهلها بسبب تصرفاتهم الغبيه
ياخى ديل اسفت من الكيزان بمراحل
غايتوا اتنين تسببوا فى تجويع وتشريد عمال السكه حديد
الحزب الشيوعى
محمد الحسن الامين (والى الولايه)
برجع ليك بالتفاصيل |
أمير عبد الدائم ,,,
رمضان كريم.
طالما من سكان عطبره , فحاجز ليك مقعد أمامي
في البوست ده تتفضل فيهو متى ما شئت وكيفما أردت.
في إنتظار معلوماتك الهامة حول الأمر.
سلام.
| |
|
|
|
|
|
|
|
|
|
Re: هل تسبب شيوعيو عطبرة في تدمير سكك حديد السودان؟ (Re: Mohamed Abdelmotalib Hassan)
|
بما اننى من ابناء مدينة عطبرة الباسلة منذ ان تفتحت عيناى على الدنيا فاننى ادعى معرفة تفاصيل ليست بالقليلة عنها وعن اسراراها التى هى كاسرار كل المدن وخصوصيتها النابعة من جغرافيتها وتشكيلتها التى لعبت فيها السكة حديد الدور الاكبر ثم جاء الحزب الشيوعى وقبل ان يظهر باسمه الحالى ليلعب دوراً كبيراً بخصوص العمال والحركة العمالية وحقوق العمال وتنظيم العمال مروراً باقامة النقابات الفرعية ومن ثم النقابة العامة لعمال السكة حديد او نقابة عمال هيئة سكك حديد السودان او نقابة عمال السكة حديد ( كما هو شائع بالبلدى ).
وتلك ايام من نواضر الزمن السودانى ونحن جيل ولد فى النصف الاول من سبعينات القرن المنصرم عشنا فى المدنية وسط الضجيج النهارى لورش المرمة وورش النجارين والخراطين والبرادين وورشة الديزل والعًمرة وغيرها وتابعنا حركة الوابر الصغير الذى يمشط الخطوط الداخلية ويصل الى محطات دارمالى شمال عطبرة وحديقة باتجاه الشرق والدامر جنوب عطبرة وهو نوع من راس القطار صغير فى الحجم ويكمل عمله بتمشيط الخطوط التى تقف عليها القطارات فى الانتظار سواء قطارات ركاب او بضاعة وكان لهذا الرأس الصغير المزعج دوياً مختلفاً وكنا نطلق عليه صعلوك المحطة لتكراره اصدار الصوت المزعج
( الصفير) ثم راينا منظر العمال وهم يخرجون بعجلاتهم الرالى والفونكس العادى والدبل والهيرو وهم يرتدون الاوبرولات الزقاء وعلى وجوهم السمحة بعضاً من الشقاء والتعب ثم يذهبون الى سوق الخضار فيشترون اكياس الجيلانى الشهيرة لشهراء بعضاً من الخضار واللحمة وقليل من الفاكهة وصحيفة تلك كانت حالة عايشناها يوما بيوم ، كانو يخرجون من منازلهم فى السادسة والنصف ليصلوا فى السابعة لدخول الورش ويخرجوا فى التاسعة وربع للفطورليرجعوا فى العاشرة والربع كاقصى حد للدخول مرة اخرى ثم يخرجوا من الورش فى الثانية بعد منتصف النهار.
كانوا اناساً من كل بقاع السودان اعرفهم اعرفهم ولا يزالون فى ذاكرتى من نهر عطبرة ينتمون الى الكمالاب والفادنية والكيملاب ( بجا) والى الآتمن ( بجا) جهة محطة مسمار والى رباطاب نهر عطبرة كانوا ينتمون الى الميرفاب والكنوز جهة بربر والى الخواوير جهة السعدابية والى الباوقة من الانقرياب (عبدلاب) وجعليين الى الشريك وندى وابو هشيم من مناطق الرباطاب والى الكاب وكحيلة جهة المناصير والى نورى والقرير وكريمة جهة الشايقية والى امبكول ومنصور كتى من بلاد البديرية ومن شندى والمتمة جهة الجعليين كانو ينتمون الى المسيرية جهة بابنوسة والى الحسانية بالنيل الابيض والى سنار الكبرى والى جبال النوبة كان الموظفين منهم اغلبهم ينتمون الى الاقباط السودانيين والى الحلفاويين بدأوا ينحدرون من جميع جهات الدنيا ويستوطنون فى احياء عطبرة التى نمت واذدهرت بتوافد العمال من انحاء دنقلا ومن العائدين من مصر ومن القادمين من شرق السودان ومن كل المناطق التى دخلت فيها السكة حديد فى غرب السودان الكبير من بابنوسة الى نيالا والضعين ومن الجنوب الذى رحل كانت هناك اعدادا مقدر اذكر ان احدهم كان عضواً بالنقابة على ايام حياة الشفيع احمد الشيخ حين سكريراً لاتحاد نقابات عمال السودان وللاسف لم تجود الذاكرة باسمه.
كل اولئك المذكورين وبكل اثقال انتماءتهم السابقة والعاتية صاروا بقدرة السكة حديد عطبراويين 100% بل لا يشرفهم ولا يشرفنى شخصياً شى مهما كان مقداره مثل الى انتمائى وانتماؤهم الى هذه المدنية العريقة والجميلة والنقية.
لعب الحزب الشيوعى دورا تنويراً كبيراً بخصوص تنظيم العمال ولا شك ان اعداد الشيوعيين كافراد كانت قليلة ولكنهم اهدوا العمال الى الطريق طريق الحقوق الاقتصادية والاجتماعية اليس من واجبنا الاخلاقى ان نحفظ للحزب الشيوعى حقه ودوره فى المساهمة بتوعية اهلنا بحقوقهم؟!
ثم ساهم الحزب الشيوعى فى انشاء النشرة الدورية ( البولتين ) وهذا هو اسمها وكانت توزع مجانا للعمال ولسكان المدنية وهى عبارة عن صحيفة ملفوفة بورق A4 صغير الحجم وعن طريق ماكينة الرونيو وبمعجونها ذو الرائحة النفاذة الذى فتح الدورب للصغار والكبار على ادمان المعرفة والتهام الكتب القديمة والجديدة منها مما جعل المدنية اكبر متلقى للمنشورات الورقية فى عموم السودان وجعل مقر وكيل المطبوعات المصرية فى مدينتنا (عبدالله عوض الله دبورة) صاحب مكتبة دبورة الشهيرة وكنا نقرأ مجلات المصور واكتوبر واخر ساعة وصباح الخير وروز اليوسف وصحافة مصر الاهرام واخبار اليوم والجمهورية والكواكب ومطبوعات دار الهلال من الكتب مثل طبيبك الخاص وحتى كتب الاطفال ميكى وميكى جيب وسمير والمغامرون الخمس والشياطين ال13 تلك كانت مدينة السكة الحديد وعى جديد غير مسبوف فى تاريخ الجمهورية السودانية ما بعد الاستقلال وانفتاح اجتماعى بلا حدود فالمدينة كانت تستقبل زائر يومى ليقيم فيها لا يهم من اين اصله وهى تحتضنه وتخلص اليه ويتشرب ثقافتها حتى ينسى جغرافية لحظة قدومة الى الدنيا فينتمى الى هذه المدنية ويصبح جزءاً من كيانها تلاحقه اينما ذهب لا يزال الاقباط العطبروايين فى استراليا وكندا هم هم عطبروايين لدينا خصائص واحد ان كان اصولنا العرقية من مصر او نيالا او من الرباطاب او محس فالمدنية طبعتنا بثقافة جديدة قوامها المساواة والعدالة واحترام الاخر والتواضع كما علمتنا ان نثور على كرامتنا وان لا نتهيب من احد مهما كان وفى هذا يستوى جميع العطبراويين وهذا بفضل السكة حديد ومن فضائل الحزب الشيوعى ايضاً
اوليس من الاخلاق ان نحفظ الجميل له وان لم نكن شيوعيين؟
ما فعله الحزب الشيوعى بجد كبير وما تركه من تاثير يتجاوز الشيوعيين انفسهم هى ثقافة عامة فى القيم والمفاهيم حرضوا الناس على النضال من اجل حقوقهم وهذا لعمرى عمل الخير الذى لا يقوم به الا عباد الله الصالحين رفضوا الخنوع وقالوا للناس لديكم حق فى الاجر المساوى للعمل ولديكم حق البدلات للسكن والترحيل والعلاج وحق السهرة ومرتب الاجازة وحق المرآة فى العمل وحقها فى اجازة الولادة والحق فى المعاش.. الخ وهذا تثقيف جيد للشغيلة ودور كبير قام به افراد من قيادات الشيوعيين فى عطبرة وسائر مدن السودان وقراه اليس من الاخلاق ان نحفظ لهم اى الشيوعيين وحزبهم حقهم ودورهم العظيم.
ثم ان الحركة الجماهيرية دائما تتجاوز الاحزاب لتصبح مساهمة الاحزاب التوعوية للجماهير بمثابة تحطيم لقيود المعرفة التى كبلت بها الجماهيرفى ازمنة سابقة (الاستعمار، الديكتاتورية ، دول الاستبداد الديني ..الخ ) – فى اى مكان كانت هذه الجماهير فى السودان اوغيره ويصبح الوعى العام هو المسير واللجام الذى به تشكم الجماهير النزعات والتطلعات والانحرافات الفردية للقادة الحزبيين ، ففى عطبرة حركة جماهيرية تجاوزت الحزب الشيوعى وكل الاحزاب مجتمعة اساسها الوعى وقد ساهم الحزب الشيوعى بالنصيب الاكبر. اليس من الاخلاق ان حفظنا للحزب الشيوعى حقه ودوره فى توعية الجماهير؟
هذا ما ساهم به شيوعى عطبرة فكيف حطموا السكة حديد؟
ولماذا تحطمت السكة حديد وهل للشيوعيين مصلحة فى تحطيم السكة حديد ام فى وجود سكة حديد قوية وحديثة ومتطورة؟
الاخلاق والامانة تقتضى ان نفصح عن الحقيقة وهذا واجب صاحب البوست وهو من طرح السؤال واجبنا عن دور شيوعيوعطبرة كما قال وعن ما فعلوه لاننا شهود عليه لفترة من الزمن قبل تحطيم السكة حديد وعلى صاحب البوست الاجابة على
مبررات سؤاله لانه قال بوجود تلك المبررات وان يوضح سنده من تلك الوقائع لاقرارة بوجود سند لتلك الوقائع.
فليس لنا مصلحة مع اى شيوعى فى هذه الدنيا ولم ننتمى يوماً الى فرع او اى تنظيم فئوى للحزب الشيوعى انما نورد الحقائق لان لنا ضمير واخلاق.
و لنا انتقادات لقيادة الحزب الشيوعى لبعض مواقفها نراعى حساسة المشهد السياسى الراهن فى توجيه الانتقاد علنا ولا نتوانى عن توجيه النقد علناً امام الشيوعيين قادة واعضاء بالحزب لان هدفنا اصلاح احزابنا لانها جزء من ثروة بلادنا البشرية.
| |
|
|
|
|
|
|
|
|
|
لا (Re: عبد الواحد أبراهيم)
|
Re: هل تسبب شيوعيو عطبرة في تدمير سكك حديد السودان؟
لا ،
افتكر دي اجابه واضحة
وحقو تقرض على كده قبل ان تضطر للبلع
| |
|
|
|
|
|
|
|
|
 Re: لا (Re: Mohamed Abdelmotalib Hassan)
|
| Quote: فليس لنا مصلحة مع اى شيوعى فى هذه الدنيا ولم ننتمى يوماً الى فرع او اى تنظيم فئوى للحزب الشيوعى |
هو بالله في شيوعي في المنبر ده بيقول أنا شيوعي؟ مش كده وبس الشيوعي المعرووووف شيوعي بينكرها حطب خشية إملاق , خاصة لو مجدوع في السعودية زي ما حصل مع رهوة أم الطيور الملفق الكضاب المدعو مين كده عبيد حاجة كده بعملوها في رمضان , لما نزل بوست عديييل يجعر ويفنجط بعلو حسو : أنا ما شييووووعي , يا أبو مروووووووواااااا!!!
على كل حال باقي النقاط مردود عليها.
| |
|
|
|
|
|
|
|
|
 Re: لا (Re: Mohamed Abdelmotalib Hassan)
|
Quote: رمضان كريم صاحب البوست و ضيوفه الكرام
درست بعطبرة الثانويه فى السبعينات قمة
مجد و مشاكل بنى شيوع . لى عودة باذن الله . |
رمضان كريم وكل عام وأنت بخير,,,
في إنتظار حكاوي بني شيوع!!!
| |
|
|
|
|
|
|
| |
Mohamed Abdelmotalib Hassan
الصادق اسماعيل
معاوية الأرباب
james
مازن الجمّال
ibrahim alnimma
هجو الأقرع
عبد الواحد أبراهيم
محمد طاهر تكنه
فيس بوك
تويتر
انستقرام
يوتيوب
بنتيريست