|
|
|
 Re: المهندس صلاح غريبة مديرلادارة دراسة الهجرة الف مبروك (Re: محمد المسلمي)
|
Quote: الاخ محمد المسلمي
سلام عليكم
المؤهلات شنو لوظيفة مدير ادارة الهجرة؟
هل اعلن لهذه الوظيفة في الصحف؟
كم هم الذين تنافسوا عليه؟
ماهي اسهامات المهندس صلاح غريبة في الهجرة التي اهلته ليتم تعينه في هذه الوظيفة؟ |
الاخ عبد الرحيم رمضان مبارك أنا برة البلد وماعارف التعين تم كيف وهل تم الاعلان عنه ام لا ولكن عرفته الخبر وقلت ابارك
| |
 
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: محمد المسلمي)
|
المسلمى
سلاامات ياخ
| Quote: المهندس صلاح غريبة مديرلادارة دراسة الهجرة الف مبروك |
بلااااااااااااى ـ
البصاصين عملو ليهم ادارة للبص والتجسس
| Quote: ووعد سيادته بافتتاح عدة مكاتب لإدارته في دول المهجر لدراسة أحوال المواطن السوداني ومساعدته |
اووو هنا علشان الشغل بتاع التجسس يتم على موية بيضاء او صفراء كما يقال
يا عمك لعبة مكشوفة خليهو يلعب غيرا ،، ما بتاكل فينا نهائى
اصلا المؤتمر الوطنى عايز يعرف اخبار المعارضين واماكن سكنهم وتجمعاتهم الخاصة فقام قال يعمل ادارة يمكن من خلالها ان يتمكن من !!!
ويييييييييين يا عمك قدييييييييييييييييييييييييييمة شديد
ورق ولا كـــــــــــــــــــيف ؟؟؟؟
ورق يعنى كمبلت يعنى انتهت اللعبة
قاسم المهداوى
| |
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: أسامة خلف الله مصطفى)
|
| Quote: غايتو أيام النظام بقت معدودة ودي فرحة ما أظنها قد تتم. |
يا غريبة ، Too late.
كلام أخوك دينق ده مااااا بيقع واطـة أبداً والله..
إقسم بالله دي قوة عين غريبة فعلاً (يا غريبة) الناس دي ما بتخجل !!
مدير إدارة وخبير عدييل كده!! وبي قروشنا كمان!!
اللهم لا نسألك رد القضاء..
غايتو الكويسة إنو قرّبنا نغير جوازاتنا بواحدة محترمة..
يا ود الباوقة، والله الليلة دينق ده بيقول في حِكم ، أسمع كلامو أحسن ليك
نصيحتو دي بالقروش ما بتتلقي..
أشِّكل كلمة رايوة العباسي ( بِس ) بالكسرة وكده !!
-
----
لكن حبوبتك ( سرها باتع ) يا غريبة الدنيا..
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: محمد المسلمي)
|
Quote: يا غريبة ، Too late.
كلام أخوك دينق ده مااااا بيقع واطـة أبداً والله..
إقسم بالله دي قوة عين غريبة فعلاً (يا غريبة) الناس دي ما بتخجل !!
مدير إدارة وخبير عدييل كده!! وبي قروشنا كمان!!
اللهم لا نسألك رد القضاء..
غايتو الكويسة إنو قرّبنا نغير جوازاتنا بواحدة محترمة..
|
الاخ صلاح تصوم وتفطر بخير وربنا يوفقك في وطنك الثاني وترجع بي السلامة
| |
|
|
|
|
|
|
|
|
 Re: المهندس صلاح غريبة مديرلادارة دراسة الهجرة الف مبروك (Re: محمد المسلمي)
|
يا ما أنت كريم يا رب
أنا دعيت ربي في ساعة إستجابة وطلبت منو حاجة واحدة بس
إنو يصرف لينا المدعو صلاح غريبة من القاهرة عاجلاً غير آجل، وأهو زي ما شايفين ربنا أستجاب لدعوة المغبون
الله ده ما كريم واخد بالك حضرتك ؟
ما ممكن أمير المؤمنين مرسي وسيد المطبلين ومن تابعهم بدق طار إلي يوم الدين، في مدينةٍ واحدة !!
ثم رفع حبيب نورد يديه إلي السماء حتي وصل التي شيرت السُّرّة وقال :
شكرن يا الله
والله تستاهلوه يا مغتربين يغلبكم بالمال وتغلبوه بالعيال
غايتو الدخلت فيكم البحر ما يغسلا
ومن هذا المنبر أحب أهنئ بورداب الخرطوم بالعمدة الجديد وإنشاء الله يضوي ليكم 
عموديتك يا العوض المسلمي أصبحت في خطر
Damn Damn Damn
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: Deng)
|
التقيت مع مدير مركز دراسات الهجرة البروف الهادي عبد الصمد أكثر من 40 مرة أو يزيد !!!
وبدأت لقاءاتي معه حينما كان بالكلية الكندية
وهو رجل مرح جداً ويستقبلك ببشاشة لامثيل لها
لكن ممكن ينساك في المكتب ويقفلوا عليك ويمشي يحضر مؤتمر
مشغول جدا وبينسى كتير
وسبب لقائي به أنه كان المشرف على رسالة الدكتوراة لمديري في العمل
ورغم نسيانه الشديد الا أنه اكاديمياً صعب جداً
فكل سطر في الدكتوراة كانت لديه ملاحظة فيه
لدرجة ان مديري قد يأس منها وتركها ثم عاوده الحنين مرة أخرى ونالها في النهاية وبصعوبة بالغة
لدرجة أنه بدأ ينصح في زملائه المقبلين على نفس الخطوة وقال لهم
الدكتوراة في السودان مغامرة محفوفة بالمخاطر !!!
وأتيت في احدى المرات وحينما اتصلت عليه ذكر لي انه مديرا لمركز دراسات الهجرة
وذهبت اليه هناك
ووجدته محاطاً بعشرات الفتيات الجميلات لدرجة الدهشة
ولكن ماشغال بيهن شغلة
هن في وادي وهو في واد آخر
بل واد غير ذي زرع !!!
وتحدث مع واحدة أكثر من اربع مرات لنها أخطأت في خطاب باللغة الانجليزية
طبعته خطأ عدة مرات وهو يعدل لها في الأخطاء
ومن ثم تخطأ مرة اخرى !!!!
وحينها عرضت عليه خدماتي بان اكون مديراً لمكتبه
خاصة وان لي خبرة بحمد الله في الادارة
وقدمت سيرتي الذاتية له ومازحته قائلاً بانني في الجانب الآخر أحفظ ثلاثة أجزاء من القرآن الكريم
فضحك حتى كاد يسقط من كرسيه
وقال لي ليش ما تتمهن لينا خمسة أجزاء !!!!
غايتو لو كان صلاح غريبة أخذ هذه الوظيفة معناها أدانا شاكوش زي شواكيش تماضر الحايمة دي
ان شاء الله يوم السبت سوف اتصل على البروف لأتأكد من المعلومة
رغم انني حفظت المطلوب
وكذلك اردد يومياً مع ابنائي هي لله هي لله
أما { الله أكبر الجديدة } فإننا نقولها في اليوم 300 مرة
اها تاني الناقص شنو
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: Hadia Mohamed)
|
اتصلت باخونا صلاح غريبة لتهنئته بالمنصب الرفيع وبعد التباريك والمجاملة سألته عن أولى مشاريعه فقال لي أن اول ما سيبدأ به كمدير ادارة لدراسات الهجرة ان يبدأ في دراسة هجرة الأخوان دينق وحبيب نورة وصديق الموج ووضع القرارات التي سيخرج بشأنهم موضع التنفيذ الفوري ..!!
غايتو نقول مبروك لصلاح غريبة وفعلا (إختيار صادف حبوبته) ..!!
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: ناذر محمد الخليفة)
|
| Quote: دراسة هجرة الأخوان دينق وحبيب نورة وصديق الموج ووضع القرارات التي سيخرج بشأنهم موضع التنفيذ الفوري ..!! |
ناذر ...........رمضان كريم
يا اخوى انا انشاء الله الجوع يكتلنى شوف حبيب نورة ودينق ديل....
ناذر ينيبك ثواب كلم الزول البوم ده لابس بدلته فى النهار الحار ده فى بلد
ببيعوا فيه التلج فى الشوارع ،ما يضربو سحائى يريحكم ...
الله يقرفه ياخى ،،،،
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: صديق الموج)
|
Quote: ناذر ...........رمضان كريم
يا اخوى انا انشاء الله الجوع يكتلنى شوف حبيب نورة ودينق ديل....
ناذر ينيبك ثواب كلم الزول البوم ده لابس بدلته فى النهار الحار ده فى بلد
ببيعوا فيه التلج فى الشوارع ،ما يضربو سحائى يريحكم ...
الله يقرفه ياخى ،،،، |
ود الموج انت الوحيدالبثق فيك المعلومة صحيحة
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: Hadia Mohamed)
|
لو سمحتوا ياجماعة الخير عرفونا بالاستاذ صلاح غريبه ده أولاً....اصلو إحنا لينا زمن طويل من البورد ده؟والباسورد حقنا ده كان طاشى زمن طويل !!!
بعدين مسألة الهجرة والمغتربين دى يدرسو ليها شنو ؟؟؟
الأسباب معروفه !
والعلاج معروف ؟
بعدين سؤال تانى لو تكرمتو قبلما يكون للهجرة دراسه وإدارة ومدير.....!!!!
الشئ المسمى ده ظاطو....ب (جهاز)..(تنظيم)...(شئون)...(السودانيين العاملين بالخارج)....
مره دخلتو مع واحد مغترب ماشفت أى علاقه بين إسم الجهاز وما يحدث بالداخل ...مافى شئ غير دفع قروش من شباك لشباك شئ بالدولار وشئ بالمحلى وشئ بالريال وشئ بيقضوه ليك نسوان الشاى بدون دفع جنيه واحد....
بعدين هى الحكومة الما عرفت تنظم شئونهم فى (الداخل) كيف حتفلح فى تنظيم شئونهم فى (الخارج) ....
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: sourketti)
|
Quote: تصلت باخونا صلاح غريبة لتهنئته بالمنصب الرفيع وبعد التباريك والمجاملة سألته عن أولى مشاريعه فقال لي أن اول ما سيبدأ به كمدير ادارة لدراسات الهجرة ان يبدأ في دراسة هجرة الأخوان دينق وحبيب نورة وصديق الموج ووضع القرارات التي سيخرج بشأنهم موضع التنفيذ الفوري ..!!
|
هي يا يابه حليلو هو
نحن أوضاعنا وفقناها لكن ممكن السيد المدير يتفرغ لملف الزميل دينق ويعمل ليه دراسة مستفيضة .
وفقه الله لما فيه خير الزميل دينق
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: جمال خضر)
|
| Quote: اتصلت باخونا صلاح غريبة لتهنئته بالمنصب الرفيع وبعد التباريك والمجاملة سألته عن أولى مشاريعه فقال لي أن اول ما سيبدأ به كمدير ادارة لدراسات الهجرة ان يبدأ في دراسة هجرة الأخوان دينق وحبيب نورة وصديق الموج ووضع القرارات التي سيخرج بشأنهم موضع التنفيذ الفوري ..!! |
نازر.
غايتو أنا خارج نطاق وأختصاص المدير الجديد السيد/صلاح غريبة. عندي خيارات أخرى، ولكن البقت في حبيب نورة وود الموج تاني ما بتخرج. كامل تضامني معهم. الماشافهم راجعيين السودان كضاب. بركاتك يا سعادة المدير بركاتك. هسع يا ود الموج وحبيب نورة لو كنتو عاملتو سعادة المدير ده معاملة كويسة وأحتفلتو بيهو وأقمتم له الندوات والأحتفالات في الرياض والقاهرة، هسع كان دربكم مرق.
ويا بورداب الرياض، بلو راسكم.
بعد أن رفضتم أقامة حفلة وداع كبيرة تليق بسعادة المدير وتأمرتو عليهو حتى سافر الى قاهرة المعز وهو زعلان. حقك علينا يا سعادة المدير، وأرجوا أن لا تأخذهم بأي رأفة.
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: ناصر احمد الامين)
|
Quote: منصب زي دا بسموهو خليهو يترزع و keep him busy
شكلها الحكومة زاااااتها دايرة تتخلص من غريبة ... لوووووووووووول
بالله يا غريبة ابدأ لينا من فترة هجرة اليهود من مصر مع سيدنا موسي عليه السلام |
ناصر اللمين بالله لو سمحت أتأدب في كلامك
إنت بتخاطب المسؤول عنك
حنك زميل البورد ده ما بقسّم مع السيد صلاح غريبة قدس الله سره
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: بشرى محمد حامد الفكي)
|
Quote: قاسم مهداوي بالمناسبة عندو عند صلاح غريبة مش دراسة وبس ..!! ابحاث عدييل كدة ..!!
قول ليهو تاوق كويس .. بصلتك كشنوها ليك ..خليك قريب ..!! |
يا نازر انا قررت الهجرة تهريب عبر الابيض المتوسط بى مركب 0 انشاء الله اكون فى بطن الحوت اهون )
| Quote: دراسة هجرة الأخوان دينق وحبيب نورة وصديق الموج ووضع القرارات التي سيخرج بشأنهم موضع التنفيذ الفوري ..!! |
شوية خالص خالص لاكين
فى زول لو كتبو اسمو كان قد ليكم المنبر دا وولع ليكم فى ادارة الهجرة العشوائية ذاتو
بدون زكر اسماء اسمو صاحبنا ( المحساوى )
قاسم المهداوى
| |
|
|
|
|
|
|
|
|
|
Re: المهندس صلاح غريبة مديرلادارة دراسة الهجرة الف مبروك (Re: Saadan Ibrahim)
|
ندعو السيد المدير ليوم واحد لعمل جولات تفقدية لدراسة أحوال المهجرين القسريين في مختلف بقاع العالم.. شرط أن يتم تصميم شبكة عازلة تحميه من شباشب وسفنجات وبراطيش الناغمين عليه وعلى نظامه. كما وننصحه بعدم تجاوز خط السير المسموح به لرئيسه المطارد دولياً.
ونطالب السادة مهجري الخليج بتمويل هذة السفرية لخلو الخرينة العامة من الهللات.. والجميع يعلم بالظروف التي تم فيها تعيين هذا السيد المدير ليوم واحد، والتي تأتي متناسقة مع الأزمة الإقتصادية الخانقة.
والله يرحمك يا علي مهدي.. ويحسن إليك!
| |
|
|
|
|
|
|
| |
محمد المسلمي
وليد محمد المبارك
abdelrahim abayazid
Deng
احمد الامين احمد
Rawia
Nasr
قاسم المهداوى
ماضي ابو العزائم
أمين محمد سليمان
osama fadlalla
mohmed khalail
Hassan Makkawi
Farahat Sayed
أسامة خلف الله مصطفى
صديق الموج
Yassir Tayfour
حبيب نورة
الامين موسى البشاري
عبدالكريم الامين احمد
معتصم مصطفي الجبلابي
ابوحراز
Nazik Eltayeb
Mohamed Yassin Khalifa
ابوعبيدة النعمان
Kostawi
Abdelrahim Elamin
mohamed hussein
ناذر محمد الخليفة
sourketti
حمد عبد الغفار عمر
عمار عبدالله عبدالرحمن
جمال خضر
الزبير صالح الزبير
ناصر احمد الامين
محمد البشرى الخضر
بشرى محمد حامد الفكي
قيقراوي
خالد العبيد
معاوية المدير
فيس بوك
تويتر
انستقرام
يوتيوب
بنتيريست