|
|
|
 Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
نواصل مسلسل زين ثانية فانية:
الساعة السابعة إلا ثلث مساء أمس قمت بإعادة شحن رصيد ولم أستخدمه بتاتاً إلا عند الساعة الثانية عشر إلا ثلث
حيث قمت بتنشيط خدمة البرود باند فقط ولم أقم بإجراء أي مكالمة حتى الساعة التاسعة والربع من صباح اليوم وقد فوجئت بالصوت الذي أعرفه تماماً (عفواً ليس لديك رصيد كاف لإجراء هذه المكالمة يرجى إعادة التعبئة) إعادة تعبئة تااااااااني ؟ والله دي حكاية كمان
يتبع لأنه مع زين ثانية بتبقى المكالمة فانية
| |
 
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
الاخ ابوعبيدة رمضان كريم وتقبل الله منا ومنكم صالح الاعمل
شركة موبيتل شركة سودانية ناجحة وربحانة مائة المائة لماذا
تم بيعها لشركة زين وهي شركة اجنبية ده واحد الثاني كيف تسمح
الحكومة لهولاء التجار اخراج اموالهم دولار والبلد في حالة موت سريري
من العملة الاجنبية ماهو العائد للمواطن والحكومة من وجود هذه الشركة
من غير اصول ثابتة عدا سيارات غير مدفوعة الجمارك وياخي كلام كتير اللهم اني صائم
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: فايزودالقاضي)
|
حبيبنا ودالقاضي
رمضان كريم وربنا يحقق الأماني
| Quote: ياخي ريح نفسك وقولها بلا لولوة معاك ههههههه |
اخوك ختاها ليها بصورة غير مباشرة بس بنات زين ديل عندهن ظرافة مافي محلها لأنه اللطف وكسب رضاء العميل العزيز يتم بحل مشكلته وليس بإسماعه عبارات فارغة المحتوى لاتزيده إلا غيظاً - صباحك زين - زين ياتا؟ أوعى تكون بتاعة الثانية الفانية؟
خليك متابع وربما نستعين بك في إجازة العيد لقيادة الثورة في الشرق حتى يتم تطهير كل شبر وإعادة أي مليم نهبته زين ثانية فانية سواء بالخطأ أو مع سبق الإصرار والترصد
تحياتي أخي الثائر ودالقاضي ولبقية الرهط بجدة
وخليك بعييييييييييييد من زين ثانية فانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
الأخ الحبيب محمد المسلمي
رمضان كريم وربنا يعين على الصيام والقيام
Quote: شركة موبيتل شركة سودانية ناجحة وربحانة مائة المائة لماذا
تم بيعها لشركة زين وهي شركة اجنبية ده واحد الثاني كيف تسمح
الحكومة لهولاء التجار اخراج اموالهم دولار والبلد في حالة موت سريري
من العملة الاجنبية ماهو العائد للمواطن والحكومة من وجود هذه الشركة
من غير اصول ثابتة عدا سيارات غير مدفوعة الجمارك وياخي كلام كتير اللهم اني صائم |
إنا لله وإنا إليه راجعون
بالله هم عاملين العمائل دي كلها فينا ونحن ماعارفين؟
في هذه الحالة يحق لي أن أطالب بتأميم شركة زين وإرجاعها لولاية الدولة أسوة بما تم في سودانير - سبحان الله الإتنين كوايتة-
يامسلمي تصدق أنا لما فتحت البوست ده ماكان في خاطري إنه يمكن أن يتطور لقضية يمكن أن تشعل ثورة تبحث عمن ينزع فتيلها وها أنت وبكلك واحد تشعلها
نواصل مع زين الثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
بعد المفاجئة الصاعقة من قبل زين ثانية فانية بعدم وجود الرصيد بادرت بالإتصال بخدمات المشتركين:
ردت علي - س - بصوة حضارية - النصيحة لله - شرحت لها مشكلتي بدءاً من إعادة الشحن عند الساعبة الثانية عشرة إلا ثلث مساء
فطالبتني بالرقم السري المكون من أربعة أرقام فنفحتها به فوراً ثم طالبتني برقم من العائلة والأصدقاء فنفحتها فطالبتني بأخر فقلت لها مامتذكر
المهم - ياتبارك حقك محفوظ - قالت لي إنت صباح أمس دخلت رصيد بقيمة كذا قلت ليها أيوه ده انا ماقلتو ليك لأني قد أكون غلطت واستخدمت النت بدون تنشيط
ثم سألتني عن إعادة الشحن وتنشيط البرود باند وكده ا.
لحظة وأنتظر ثم لطعة ليها ضل إستغرقت مدة تقارب العشرة دقائق -مع إنه الحساب بالثانية الفانية في زين-
رجعت - س - بعد اللطعة إياها لكن الخط إنقطع بيننا ربما أكون أنا من تسبب في قطع الخط عن طريق الخطأ - النصيحة لله -
خليك مع زين ثانية فانية لأنك مش حتقدر تكمل محادثتك
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
...
عاودت الإتصال بخدمات المشتركين وسبحان الله الخط فتح معاي طوالي مع إنه الواحد كان بنتظر لما روحو تنسل عشان يقدر يصل ليهم - والله مرة انتظرت حوالي نص ساعة -
ردت على شابة غير - س - عرفت نفسها - م - طلبت منها أن تحولني للأخت - س - لأنها على إلمام بتفاصيل المشكلة التي أنا بصددها فقالت أن ذلك غير ممكن وطالبتني بشرحها من جديد وأنا مصر على أن أتحدث ل -س - خوفاً من اللطعة التي في خاطري - في النهاية إنتصرت - م - وبدينا التفاصيل المملة إياها وانتظار لحظة ثم حديث ثم لحظة ثم حديث ثم لطعة كتلك التي لطعتني إياها - س - وجاءتني - م - بالآتي:
كلام كتير كده آخره أن هنالك تم بالخطأ لرصيدي وأنها ستحيل الأمر للدائرة المختصة لإرجاعه ولكنها لاتعلم متى سيتم ذلك
وخليك بعيد من زين الثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
Quote: إنا لله وإنا إليه راجعون
بالله هم عاملين العمائل دي كلها فينا ونحن ماعارفين؟
في هذه الحالة يحق لي أن أطالب بتأميم شركة زين وإرجاعها لولاية الدولة أسوة بما تم في سودانير - سبحان الله الإتنين كوايتة-
يامسلمي تصدق أنا لما فتحت البوست ده ماكان في خاطري إنه يمكن أن يتطور لقضية يمكن أن تشعل ثورة تبحث عمن ينزع فتيلها وها أنت وبكلك واحد تشعلها
نواصل مع زين الثانية الفانية |
حقواتطالب بالتاميم ده المفروض يحصل والبراك اتخارج برة يسرعة لانه الناس مالاقية دولار للدواء يشيلوا هو الكويت طوالي
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد عبد الماجد الصايم)
|
حبيب الكل صائميه
رمضان كريم وربنا يتقبل ويفكك من زنقة المعسل
| Quote: يا زول! النقة دي كلها في رصيد بخمسة جنيه!!! |
جابت ليها شتائم كمان ياحبيب؟ منو القال ليك أنا بشحن بخمسه جنيه؟؟؟؟؟ ههههه
بعدين حتى لوفرضنا جدلاً إنه أنا مسكين وبشحن بخمسة جنيه، منو اللي أدى زين حق إنها تنهبها مني أو من غيري من المساكين لأنه وبنظرية المنفعة الحدية قيمة الخمسة جنيه كبيرة جداً.
| Quote: وبعدين إنت ربطوكـ مع الجماعة ولّ شنو؟ شايف ماف أييي أكتيفتي في رمضان!! |
رمضان شهر الأوبة والتوبة وأهو ربنا أدانا سانحة نكفر عن كثير ذنوب بمنازلة زين ثانية فانية وإعادة كثير من الحقوق المنهوبة والمسلوبة العهدة على المسلمي والأخت - م - التي أقرت بذلك.
خليك بعييييييييييييد من زين ثانية فانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
سألت - م - عن الرصيد الذي راح في حق زين ثانية فانية بالنهار داك؟ ماجابت ليهو سيرة تب
وأنا أصلاً قنعان منو لأني النصيحة لله ربما أكون استخدمت النت
وأعدت سؤالي عن متى يرجع الرصيد؟ أجابت بأنها ستحيل المشكلة للجهة المختصة فقط ولاتعلم متى سيتم معالجة الخطأ
قلت لها بالله راجعوا سودانيز أونلاين لأنني أنزلت بوست في هذه اللحظة
وأنتهت المحادثة ببساطة كده
وبقيت أنا مشرور ومالي مأكول سحتاً من زين الثانية الفانية
خليك بعييييييييييييييد من زين الثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
بعد مضي زمن ليس بالقليل جاءتني رسالة من زين: عزيزنا العميل رقم معاينة الطلب الخاص بك هو ....... شكراً لإتصالك بزين.
(عزيزنا - أنا كان عزيزكم كان أكتلو حقي؟ بالله فكونا من الحنك البيش بتاعكم ده العميل (كمان جابت ليها منابيز؟ عمالة شنو؟ فعلاً عميل وأستحق الضرب كمان)
وللحظة دي رصيدي مارجع ياناس ثانية فانية وأجلت محادثات كثيرة وهامة جدا ًوالله العظيم لحين أن أستبين الموقف - دي براها عاوزة تعويض - وعاوز محامي شاطر - مش من بتوع زين في البورض - يتولى قضية التعويض هذه
مع زول عزيز وعميل عارف حقو شنو بتبقى الفانية في ثانية
لن تقف هذه الثورة ضدكم ياناس ثانية فانية
نعم لتأميم شركة زين وإعادة أموال الشعب السوداني - ملكية فكرية لمحمد المسلمي بمشاركة العميل العزيز أبوعبيدة
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
| Quote: نعم لتأميم شركة زين وإعادة أموال الشعب السوداني - ملكية فكرية لمحمد المسلمي بمشاركة العميل العزيز أبوعبيدة |
السيد عمر حسن احمد البشير السيد علي عثمان محمد طه السيد الحاج ادم السيد النافع علي نافع ارجو ايقاف زين حتي نستطيع علاج مرضانا الدولار فوق وزين شغالة تحويل عملة عن طريقكم وخلافكم
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
الأخ/محمد المسلمي
رمضان كريم
| Quote: لسيد عمر حسن احمد البشير السيد علي عثمان محمد طه السيد الحاج ادم السيد النافع علي نافع ارجو ايقاف زين حتي نستطيع علاج مرضانا الدولار فوق وزين شغالة تحويل عملة عن طريقكم وخلافكم |
هذه القضية بدات عرضاً عبر هذا البوست ولكن أظن أنها تستحق أن يفرد لها بوست منفصل يتم رفده بالمعلومات والوثائق والشواهد والأدلة التي تعضد هذا الرأي وننبرى لها جميعاً عبر هذا المنبر وغيره من وسائل الإعلام فإن كان ماتقول به صحيحاً فهذه قضية حياة أو موت بالنسبة لوطن بأكمله تقتضي وتوجب تدخل الدولة لوضع حد لهذه الجريمة في حق الوطن وأهله. الا هل بلغت اللهم فأشهد
والنار من مستصغر الشرر
وزين بالثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
مضت أكثر من خمسة ساعات تعطلت فيها مصالحي بعدم تمكني من إجراء محادثات هاتفية هامة جداً
وزين لم تحرك ساكناً لإرجاع رصيدي الذي تم خصمه - باعتراف موظفة خدمات المشتركين - م - المحادثة مسجلة
أطلب عون أخوة قانونيين لرفع دعوى ضد شركة زين:
1. إستيلائهم على رصيدي دون إذن مني ودون إخطاري بعد أن تم ذلك.
2. عدم إعادتهم للرصيد المسحوب حتى بعد أن إعترفت موظفتهم - م - بأن سحب الرصيد تم عن طريق الخطأ.
3. تعطل مصالحي لعدم قدرتي على إستخدام الهاتف خاصتي.
4. يمكن إفادتي بأي حيثيات إضافية تتعلق بهذه القضية على البريد الإلكتروني [email protected]
ولن تتوقف هذه القضية بإذن الله حتى تصل لغاياتها.
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
Quote: هذه القضية بدات عرضاً عبر هذا البوست ولكن أظن أنها تستحق أن يفرد لها بوست منفصل يتم رفده بالمعلومات والوثائق والشواهد والأدلة التي تعضد هذا الرأي وننبرى لها جميعاً عبر هذا المنبر وغيره من وسائل الإعلام فإن كان ماتقول به صحيحاً فهذه قضية حياة أو موت بالنسبة لوطن بأكمله تقتضي وتوجب تدخل الدولة لوضع حد لهذه الجريمة في حق الوطن وأهله. الا هل بلغت اللهم فأشهد
|
الاخ ابوعبيدة زين دي شغالة في السودان وهي شركة اجنبية وقاعدة تحول القروش كيف ياالدولة بتديها من بنك السودان ومعناها دي خسارة كبيرة ومرضي السودان وناس الكلي اولي بهذا التحويل يابتشتري من السوق الاسود ودي مصيبة اكبر وسمعت كلام تحت تحت قالوا بيشيلوا قروشهم دهب وللعلم القروش ميات المليارات من الجنيه وبعتبر ذلك تدمير لما هو اصلا مدمر
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
الأخ محمد المسلمي
ربنا يعين لما فيه الخير والصلاح والإصلاح
Quote: لأيتم منح شركات الدواء الدولار لعلاج المواطن وتمنح
شركة زين التسهيلات في التحويل فعلاً زين عالم غامض وغريب |
ده كلام كبير أوي يامسلمي وأعيد قولي: | Quote: هذه القضية بدأت عرضاً عبر هذا البوست ولكن أظن أنها تستحق أن يفرد لها بوست منفصل يتم رفده بالمعلومات والوثائق والشواهد والأدلة التي تعضد هذا الرأي وننبرى لها جميعاً عبر هذا المنبر وغيره من وسائل الإعلام فإن كان ماتقول به صحيحاً فهذه قضية حياة أو موت بالنسبة لوطن بأكمله تقتضي وتوجب تدخل الدولة لوضع حد لهذه الجريمة في حق الوطن وأهله. الا هل بلغت اللهم فأشهد |
إتحزم ياخوي وأبقى مارق معاي جاي
اتصلت قبل ثلث ساعة بخدمات المشتركين أجابتني - هـ - أن طلبي قيد المعالجة - هذه الـ هــ - ومن طريقة كلامها المتعجرفة فشلت في تجميل وجه زين الثانية الفانية وقالت لي أفتح قضية طوالي،
أها ياجماعة أكان ماجيتكم راجع تاني الحقوني بكون لحقت الرصيد بتاعي زاتو
وخليك بعييييييد من زين الثانية الفانية لأنك مش حتقدر تستفيد من رصيدك الذي يتم سحبه في ثانية وتنتظر أكثر من 24 ساعة ولا أمل في عودته
اللهم عليك بشركة زين ببركة هذا المطر الذي ينزل علينا الآن في شهرك المبارك هذا
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
الأخ الحبيب محمد المسلمي
ربنا يعين على الصيام والقيام وقول الحق والوقوف إلى جانبه
| Quote: الاخ ابوعبيدة زين دي شغالة في السودان وهي شركة اجنبية وقاعدة تحول القروش كيف ياالدولة بتديها من بنك السودان ومعناها دي خسارة كبيرة ومرضي السودان وناس الكلي اولي بهذا التحويل يابتشتري من السوق الاسود ودي مصيبة اكبر وسمعت كلام تحت تحت قالوا بيشيلوا قروشهم دهب وللعلم القروش ميات المليارات من الجنيه وبعتبر ذلك تدمير لما هو اصلا مدمر |
كثر الهمس والحديث أخي محمد عن شركة زين الثانية الفانية في هذه الجزئية التي ذكرتها ولا أجد إلا أن أعيد ماقلته أمس وهو:| Quote: هذه القضية بدأت عرضاً عبر هذا البوست ولكن أظن أنها تستحق أن يفرد لها بوست منفصل يتم رفده بالمعلومات والوثائق والشواهد والأدلة التي تعضد هذا الرأي وننبرى لها جميعاً عبر هذا المنبر وغيره من وسائل الإعلام فإن كان ماتقول به صحيحاً فهذه قضية حياة أو موت بالنسبة لوطن بأكمله تقتضي وتوجب تدخل الدولة لوضع حد لهذه الجريمة في حق الوطن وأهله. الا هل بلغت اللهم فأشهد |
أما مشكلتي الأساسية التي أفردت من أجلها هذا البوست فما تزال قائمة حيث أجريت محادثة مساء البارحة مع خدمات المشتركين كان رد الموظف - م ع - أن طلبي أحيل للجهة المختصة - نفس الرد بتاع - م - وأن هنالك أولويات في معالجة المشاكل بمعنى أن علي الإنتظار أفدته أنني متضرر فقال أنه سيبلغ الجهة المختصة بأنني متضرر ولكنه لايعلم متى ستتم معالجة مشكلتي فقلت له أنني سارفع دعوى ضد شركة زين لرفع هذا الضرر فقال لي بكل ظرف وتحفظ شدييييييييييد أن هذه مسألة تقديرية متروكة لشخصي. وسأتوجه بعد لحظات لرفع قضية ضد شركة زين. دعواتكم معانا وعونكم القانوني ياشباب.
خليك بعيد من زين الثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
الاخ الكريم ابوعبيدة , كل عام وانت بخير ورمضان كريم
يا عزيزى ح تشتكى مين لمين , و ح تشتكى ايه وتخلى ايه , يعنى الصحة تمام والتعليم تمام والمحليات تمام والتجارة تمام والخارجية تمام والرياضة تمام , وبعدين يا ابوعبيدة ياخ معقول لسة شغال اسكراتش وما عندك خط وثانيا يا اخى ناس الكويت وشركاتهم ديل لو دايرين يضبحونا مفروض نسن ليهم السكين تخفيفا لقبحنا معهم ايام حرب الخليج , اكثر دولة عربية دعمت الخدمات الانسانية فى السودان عن طريق بيت التمويل الكويتى ولا زالت , وبعدين يا اخى نلوم الناس الفرطوا فى ممتلكات المواطنين وليس المشترين الذين لا ذنب لهم سوى حظهم العاثر الذى اوقعهم بالاستثمار فى دولة كالسودان يتحول فيها المستثمر لبائع مواشى ومحاصيل وسمسار اراضى حتى يستطيع تحويل ما جناه من اموال كسبها بالقانون وهذا حقه ولكن ماذا تقول فى المسئولين المؤتمنين على المال العام الذى استباحوه لانفسهم واصبحوا بين عشية وضحاها من معدمين لايملكون قوت يومهم الى اصحاب ملايين من الدولارات قاموا بترصيدها فى البنوك الخارجية وذلك لان الحرامى دائما يعيش فى قلق وخوف من المستقبل
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: احمد التجانى احمد)
|
الأخ الحبيب الباشمهندس/أحمد التجاني
رمضان كريم وربنا يتقبل صالح الأعمال
وأهنئكم بالنجاح الباهر لحرمكم المصون وإن شاء الله دائماً من نجاح لنجاح
| Quote: يا عزيزى ح تشتكى مين لمين , و ح تشتكى ايه وتخلى ايه , يعنى الصحة تمام والتعليم تمام والمحليات تمام والتجارة تمام والخارجية تمام والرياضة تمام , وبعدين يا ابوعبيدة ياخ معقول لسة شغال اسكراتش وما عندك خط وثانيا يا اخى ناس الكويت وشركاتهم ديل لو دايرين يضبحونا مفروض نسن ليهم السكين تخفيفا لقبحنا معهم ايام حرب الخليج , اكثر دولة عربية دعمت الخدمات الانسانية فى السودان عن طريق بيت التمويل الكويتى ولا زالت , وبعدين يا اخى نلوم الناس الفرطوا فى ممتلكات المواطنين وليس المشترين الذين لا ذنب لهم سوى حظهم العاثر الذى اوقعهم بالاستثمار فى دولة كالسودان يتحول فيها المستثمر لبائع مواشى ومحاصيل وسمسار اراضى حتى يستطيع تحويل ما جناه من اموال كسبها بالقانون وهذا حقه ولكن ماذا تقول فى المسئولين المؤتمنين على المال العام الذى استباحوه لانفسهم واصبحوا بين عشية وضحاها من معدمين لايملكون قوت يومهم الى اصحاب ملايين من الدولارات قاموا بترصيدها فى البنوك الخارجية وذلك لان الحرامى دائما يعيش فى قلق وخوف من المستقبل |
إن كان حديث المسلمي كبير فحديثك أكبر أخي أحمد، وزين ثانية فانية هذه ربما تكون قطرة في المحيط الذي تفضلتم بإيراده - أما أنا إنما أرمز للمواطن السوداني الغلبان الذي رمته الظروف التي سقتها ليتعامل مع شركة زين فانية - لكن عن نفسي فالحمد لله عندي بدائل أخرى لزين فانية هذه - فبالله عليك تخيل معي مواطن يقوم بتحويل مصاريف أولاده عن طريق ارسال رصيد - ربما يحدث له ماحدث لي ، فكيف يكون حاله وحال أسرته وإلى من يلجأون؟؟؟؟ ثانياً حتى الخطوط والفواتير لاتخلو من مثل هذه التجاوزات في حق العميل من قبل الشركة ولدي فواتير تم فيها تضمين مبالغ إضافية غير مستخدمة لكنها ظهرت في الحساب وببساطة تقر زين فانية أن ذلك خطأ وسيتم معالجته وعليك مراجعتنا بموجب الرقم ........
المجتمع عمادة الفرد ثم الأسرة والإصلاح يبدأ بالفرد ثم الأسرة ثم المجتمع أنا هنا أحاول الإصلاح فيما يليني
راجعت المحامي وأفاد أن اليوم الخميس ولايمكن رفع عريضة وسنقم برفعها يوم الأحد إن شاء الله
وبرضو خليك بعيييييييييييد من زين الثانية الفانية
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
Quote: أما مشكلتي الأساسية التي أفردت من أجلها هذا البوست فما تزال قائمة حيث أجريت محادثة مساء البارحة مع خدمات المشتركين كان رد الموظف - م ع - أن طلبي أحيل للجهة المختصة - نفس الرد بتاع - م - وأن هنالك أولويات في معالجة المشاكل بمعنى أن علي الإنتظار أفدته أنني متضرر فقال أنه سيبلغ الجهة المختصة بأنني متضرر ولكنه لايعلم متى ستتم معالجة مشكلتي فقلت له أنني سارفع دعوى ضد شركة زين لرفع هذا الضرر فقال لي بكل ظرف وتحفظ شدييييييييييد أن هذه مسألة تقديرية متروكة لشخصي. وسأتوجه بعد لحظات لرفع قضية ضد شركة زين. دعواتكم معانا وعونكم القانوني ياشباب.
خليك بعيد من زين الثانية الفانية |
الاخ ابوعبيدة توكل علي الله وربنا ينصرك
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
| Quote: وسأتوجه بعد لحظات لرفع قضية ضد شركة زين |
الأخ ابوعبيدة
ربنا يوفقـك , الناس ديل حراميـة بخشــم البيت ومنذ دخول شـركتهم للسـودان بدأت النهـب والسـرقة
في عام 2002م ( على ما اذكر) لم اسـتخدم شـريحة زين لفترة 5 أشــهر , اول ما شــحنت بـ 25000 جنية
و جيت اتصـل لقيت مافي رصيد , طيب انا شتحنت الآن بـ 25000 جنيه
ضحك صـديقي وقال لي ( زين بتشــيل 25000 جنية مقدما عن كل ثلاث شـهور للشـرائج مســبقة الدفع )
من اليوم داك تاني ما قبلت عليهم و قاطعنهم بالتلاتة وو قعـت ســـوداني وبس
حسـبنا الله و نعم الوكيل عليهم
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: عبدالله احيمر)
|
الأخ عبدالله أحيمر
رمضان كريم وربنا يعين الجميع على الصيام والقيام
Quote: الأخ ابوعبيدة
ربنا يوفقـك , الناس ديل حراميـة بخشــم البيت ومنذ دخول شـركتهم للسـودان بدأت النهـب والسـرقة
في عام 2002م ( على ما اذكر) لم اسـتخدم شـريحة زين لفترة 5 أشــهر , اول ما شــحنت بـ 25000 جنية
و جيت اتصـل لقيت مافي رصيد , طيب انا شتحنت الآن بـ 25000 جنيه
ضحك صـديقي وقال لي ( زين بتشــيل 25000 جنية مقدما عن كل ثلاث شـهور للشـرائج مســبقة الدفع )
من اليوم داك تاني ما قبلت عليهم و قاطعنهم بالتلاتة وو قعـت ســـوداني وبس
حسـبنا الله و نعم الوكيل عليهم |
حسبنا الله ونعم الوكيل
اللهم عليك بهم
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: محمد المسلمي)
|
الأخ محمد المسلمي
ربنا يبلغنا ليلة القدر ويجعلنا من المحظيين بفضلها
| Quote: الاخ ابوعبيدة توكل علي الله وربنا ينصرك |
اللهم آمييين
اللهم أنصرنا على من ظلمنا
عصر الخميس وجدت نفسي في وضع حرج جداً حيث ظللت أتصل من رقم آخر بديل بلاطائل حيث أن الكثيرون لايستجيبون إلا لأرقام محفوظة طرفهم فأضطررت للإتصال بخدمات مشتركي زين مبلغاً إياهم أن مصالحي تضررت وأن الشركة لم تحرك ساكناً لحل مشكلتي وأنني مضطر لإعادة الشحن لإجراء بعض الإتصالات وقد كان فقمت بإعادة الشحن وتنشيط البرودباند الأسبوعي - وإجراء مكالمات لم تتجاوز قيمتها الجنيه الواحد. وانتهى اليوم على ذلك.
صباح الجمعة هممت بإجراء مكالمة وكانت المفاجأة الصاعقة أن (عفواً ليس لديك رصيد كاف ......) والله صحي
جاتني حالة نفسية طبعاً من لحظتها وحتى حينها
نهار السبت عاودت الإتصال بخدمات المشتركين:
ياجماعة أنا حاصل علي كيت وكيت
فكان الرد أن مشكلتك تم حلها لكن الجهة المختصة لم تتصل بك وستتصل بك
ياخي انا هسي عاوز اشتكي من جديد.
تشكتكي من شنو؟
نفس المشكلة الأولى إنه تم سحب رصيدي دون إخطاري ودون إعتذار
خلاص أنا حا أعمل ليك بلاغ جديد، أي خدمة تانية؟
لا والله شكراً
تن تن جاءتني رسالة تفيد بتدوين بلاغ
آخر اليوم كده راجعت الرصيد لقيت جاءني رصيد
لكن لي هسي ماعارف ده رصيدي ياتو؟
شفتو المحنة اللي أنا فيها ؟
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
مازال المسلسل زين الثانية الفانية مستمراً:
عصر أمس رن هاتفي لافاجأ برقم مميز :
السلام عليكم: معاك منو كده ماعارف منو والله من شركة زين
أهلا وسهلا
إنت مشكلتك شنو؟
ياخي مشكلتي موضحة عندكم بموجب بلاغ مرفوع عندكم
لا أحكي لي مشكلتك شنو؟
ياخي مش في بلاغ وفي تسجيل للمكالمات الدارت بيني وبينكم؟ بتلفوا تفاصيل المشكلة
لا أن مامخولة أشوف تفاصيل المكالمات وما عاوزة اشرح ليك تفاصيل البروسيس بتاع الشغل حقنا وكده أشرح لي مشكلتك
مشكلتي إنه سحبتوا مني رصيد بدون وجه حق وبعد ماسحبتوا ما اعتذرتوا لي وانا متضرر من ذلك الأمر عملت بلاغ لديكم لم تحل المشكلة ثم حاولت أسير أعمالي المتعطلة بسببكم واضطررت لإعادة شحن الرصيد عصر الخميس لأفاجأ بأنكم سحبتم رصيدي ثانية ودونت بلاغ ثان لديكم تم ارجاع رصيد لكن لا أعلم هل هو الأول أم الثاني؟
من غضبي لا أذكر إلى أي شيئ خلصت هذه المحادثة
خلاصة الموضوع: زين عبارة عن جزر منعزلة: كل زول شغال براهو وأي زول فيهم عاوز تبدأ ليهو من الأول حكاية إنه في خدمات مشتركين وفي خدمة ده كلام ساكت
حقيقي ده عالم شيييييييييييييييييييين
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
سلام يا أبو عبيدة ورمضان كريم
ياخ أنا بتحصل لي حاجة ثانية غريبة (ما صلاح)
بتصل من السعودية للسودان (ما عارف الشبكة زين أو غيرها )
المكالمة تكون ماشة لمدة دقيقتين كويسة فجأة ألقى نفسي بسمع في نفس الكلام الإتقال قبل دقيقتين
يعني كأنو مسجل وبدأ اتعاد وطبعا أصلا بكون فقدت الإتصال ودا مجرد تكرار لمكالمتي الأولي
أقوم أتصل تاني بعد شوية تحصل نفس الحكاية
الحركة دي شنو؟
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: حمد عبد الغفار عمر)
|
الأخ/حمد عبدالغفار عمر
رمضان كريم
تعرف بقصتك دي اتذكرت حكاية الزول اللي سألوهوا هل الثعلب بيلد ولاببيض ههههه
فأنا مابتسغرب إنه ده يحصل وبالذات من شركة زين ديل ياخ شالوا قروشي عدييييل كده وفي رمضان بدل مرة مرتين
فإنت تحمد ربك إنه صوتك بجيك راجع بدل مايبلغوهوا ليك زي رصيدي وقروشي الراحت في بطن زين المنتفخة بأموال البسطاء الذين لايعلمون لمن يشتكون وإن إشتكوا هل من يسمع؟
| |
|
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: أبوعبيدة محمد الأمين)
|
الاخ الحبيب أبومحمد
شوق ماعادي ورمضان كريك تصوموا وتفطروا علي خير يارب
ياخي زين دي لمن بدأت هنا في السعودية وارقام مميزة
الواحد جفل منها حتي خدماتهم لا ترقي لمستوي شركة الاتصالات
ولا حتي موبايلي عشان كده ادفنت هنا واليومين دي اعلانات وعروض
لا تلقي أذن لها.
خليك سوداني ياولدنا
،،،،أبوقصي،،،،
الله يعينك مع الفانية دي أخوي بوعبيدة
| |
|
|
|
|
|
|
|
|
Re: ده شنو ده يا شركة زين؟ وفي رمضان كمان؟ (Re: مجدي عبدالرحيم فضل)
|
حبيبنا مجدي أبوقصي
ربنا يتقبل صالح الأعمال
كل سنة وإنت طيب ياحبيب وشوقنا بحر والله وكان الأمل أن نكن بينكم هذه الأيام لكن قدر الله غير ذلك
Quote: ياخي زين دي لمن بدأت هنا في السعودية وارقام مميزة
الواحد جفل منها حتي خدماتهم لا ترقي لمستوي شركة الاتصالات
ولا حتي موبايلي عشان كده ادفنت هنا واليومين دي اعلانات وعروض
لا تلقي أذن لها.
خليك سوداني ياولدنا
،،،،أبوقصي،،،،
الله يعينك مع الفانية دي أخوي بوعبيدة |
ربنا يعين الجميع يامجدي ، وسنظل نكتب عن هذا القبح حتى يزول بإذن الله
| |
|
|
|
|
|
|
| |
أبوعبيدة محمد الأمين
محمد المسلمي
فايزودالقاضي
محمد عبد الماجد الصايم
احمد التجانى احمد
حمد عبد الغفار عمر
مجدي عبدالرحيم فضل
فيس بوك
تويتر
انستقرام
يوتيوب
بنتيريست