|
Re: بورداب جده .. علينا جاااى .. لتحديد مكان وزمان إفطار رمضان (Re: سيف النصر محي الدين)
|
العزيز صابر الحواتي الزول الكلس تحياتي ,,,
اولاً لك التحية وان تبادر بالبوست وعليه فهذه بادرة مشجعة ومعك بالنسبة لمقترح د. سيف اعتقد هو جميل ويجمع الاسر ويغير الروتين ولو وجد موافقة عدد مقدر من البورداب من 20- 30 فهيا فيي الاتجاه للاستراحة وإلا فالفنادق وما ادراك ما الفنادق عموما كانت لنا سابقة في احضار الاسر وكان فطور في غاية المودة والانسنة فأرونا رأيكم يرحمكم الله والبركة احسب واحد بوردابي جداوي .
...................................................................................حجر.
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: الرفاعي عبدالعاطي حجر)
|
كلام طيب يا ريس حواتي بس اللجنه تشد حيلها معانا وتشوف لينا مكان لطيف وامكن فندق قصر المدينه هو الافضل لان ضراحه قصة الاكل في استراحه والناس تجيب اكل من البيت ياخي الحريم هنا بسالونا متين فطور ناس جده عشان يرتاحو شويه من شغل البيت تاني نقوم نكربهم فطور في استراحه غايتو كان عملتوه في استارحه بجيب ليكم الاكل من مطعم السوده السوداني باعتبار حقنا بالطريقة دي بكون ارضيت الطرفين ولا شنو يادكتور سيف . . تحياتي للجميع ويادكتور سيف والرفاعي تصومو وتفطر على خير
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: saber alhawatti)
|
العمدة
شحوتاي رئيس بورداب جدة ماذا دهاك وماذا تنتظر يارجل ؟؟؟
اكتب صديق رحمة النور اكتب آدم شحوتاي اكتب عاصم فقيري اكتب معاوية عبيد اكتب الرفاعي حجر اكتب وليد عبداللطيف اكتب مجدي عبدالرحيم اكتب صابر الحواتي اكتب جمال السنوسي اكتب جمال الباقر اكتب ........................................ كل البورداب .
........................................................................................حجر.
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: مجدي عبدالرحيم فضل)
|
Quote: اللجنة الخاصة بالافطار
أكتب الباشمهندس صلاح على رأسها اكتب وليد عبداللطيف ( الدعوات هو ومجدي ابوقصي)
.........................................
اكتب محمود مصطفى محمود اكتب اساسي الاساسي اكتب السماني عمارة
|
الاخ رفاعي حجر ده نموذج مكرر شوف لينا وجوه جديدة ونقله جديد مثلا الحواتي الذي بادر بالبوست واضف علية حجر وابوقصي كوتي وآخرين
،،،،أبوقصي،،،،
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: saber alhawatti)
|
Quote: العمدة
شحوتاي رئيس بورداب جدة ماذا دهاك وماذا تنتظر يارجل ؟؟؟
اكتب صديق رحمة النور اكتب آدم شحوتاي اكتب عاصم فقيري اكتب معاوية عبيد اكتب الرفاعي حجر اكتب وليد عبداللطيف اكتب مجدي عبدالرحيم اكتب صابر الحواتي اكتب جمال السنوسي اكتب جمال الباقر اكتب ........................................ كل البورداب .
........................................................................................حجر. |
يا حجر سلام وتحية
أنا أعتذر لظروف خاصة
ورمضان كريم للجميع
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: Asim Fageary)
|
ياحبايب طبعا افطار الاستراحه مكلف ومتعب ومرهق يعني ياريس حواتي ناس حجر ديل مفروض يشوفو لينا ناس قصر المدينه لان شايف الان سعرهم ستون ريال للفرد دا امكن يكون بعد المجاملات انا بشوف قصر المدينه هو الانسب ياحجر وحواتي لان الاستراحه تكلفتها تقريبا 1500 ريال دي ممكن نستفيد منها يعني الستون نفر نعادل 3600 ريال وامكن اقل كمان حسب راي قصر المدينه هو الافضل وبعدين قريب لكل الناس
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: البشير دفع الله)
|
الأخوة الزملاء رمضان مبارك للجميع
اعتقد ان القوائم التي تخصص ناس بأسمائها ربما هي السبب في ضعف المشاركة ، ان كان الهدف منها الحصر او لفت الانتباه ، انا شخصيا لم اجد اسمي في اي قائمة في افطار العام الماضي وهذا ما منعني من المشاركة والآن أيضاً يتكرر هذا الامر مع انني كنت من اوائل المتدخلين والمتحمسين للالتقاء والاجتماع مع الزملاء بورداب جدة مجرد رأي اما ان تضم قوائمكم الجميع او يترك البوست بدون تحديد اسماء وشكرا لكم
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: احمد التجانى احمد)
|
الاخ احمد التجاني كل سنة وانت بخير ومبروك الف للمدام التفوق والنجاح وكدا صارت عمتك بحق الشهادة (عندك اي مانع ) طيب في هذا الخصوص انا من بادر بكتابة الاسماء واكيد سقطت اسماء تخيل من بين من سقطوا الاخ الشفيع رمزي والاخ عبدالعزيز الكنزي ومعاوية عبيد ومنهم الشفيه يسكن معي في البيت !!! على كل حال هو غير مقصود ولا احسب ان ثمة حساسية في الامر او ابعاد لاحد او استقصاد احد يعني انا كتبت اسم اخونا وعدونا اللدود سياسياً السماني عمارة فهل يُعيني اسمك هي مجرد ذاكرة خربة او يُعيها حصر الجميع عليه فمدد من اعذاراتي اليك ايها الاخ الكريم والكبير عقلا طبعا والمحترم عندي بلا ادنى شك في ذلك عليه ارجو ان تكون احد قادة الدعوة للاقربين منك ولك العتبى يا هندسة
.......................................................
الاخ الكريم المبادر البشير دفع الله
نشكر تلبيتك دعوة التكليف وانجاز المهمة وبعد قليل التقي الاخ حيدر ونرتب للتاريخ فقط همتكم في دعوة كافة اعضاء بورداب سودانييز اون لاين وهو اللقاء الاوحد المتفق حوله وصار عادة حسنة نرجو لها الديمومة بحول الله تعالى شاكر والدعوة دون استثناء لكافة الطيف الجداوي من بورداب وكل عام وانتم بالف الف الف خير وليتها تكون اُسرية لنلتقي صحابنا الصغار بهجة اللقاء واكسيره مودتي .
يااساسي قول حاجة يااخي .
.......................................................................................................................................................حجر.
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: الرفاعي عبدالعاطي حجر)
|
ازهري محمد موسى صديق الاثير لم اكتب اسمه وهاهو يبادر بالحضور فذلك الذي نعنيه شديد التقدير للجميع وارجو ألا يحملن احداً علينا والدعوة للجميع وياريت واحد يقوم بدعوة منبر الزقازيق من الجداويين عيد وصحبه الكرام وليه ما نشوف اخونا عيد وننقل الدعوة للثاوث مول واهو كدا نكون وسعنا ضيق ولم نضيق واسع مودتي للجميع .
.....................................................................................................................................................حجر.
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: خالد حامد الجزولي)
|
Quote: الاخ احمد التجاني كل سنة وانت بخير ومبروك الف للمدام التفوق والنجاح وكدا صارت عمتك بحق الشهادة (عندك اي مانع ) طيب في هذا الخصوص انا من بادر بكتابة الاسماء واكيد سقطت اسماء تخيل من بين من سقطوا الاخ الشفيع رمزي والاخ عبدالعزيز الكنزي ومعاوية عبيد ومنهم الشفيه يسكن معي في البيت !!! على كل حال هو غير مقصود ولا احسب ان ثمة حساسية في الامر او ابعاد لاحد او استقصاد احد يعني انا كتبت اسم اخونا وعدونا اللدود سياسياً السماني عمارة فهل يُعيني اسمك هي مجرد ذاكرة خربة او يُعيها حصر الجميع عليه فمدد من اعذاراتي اليك ايها الاخ الكريم والكبير عقلا طبعا والمحترم عندي بلا ادنى شك في ذلك عليه ارجو ان تكون احد قادة الدعوة للاقربين منك ولك العتبى يا هندسة
|
الاخ الرفاعى عبد العاطى سلام وتحية وكل عام وانت بخير , ومشكور على المباركة الا (عمتك) دى ما بيفهموها ليك الا ناس السعودية وفى ناس السعودية من ابتلاهم الله بالكفيل الفرد
الحمد لله الذى هدانى للصواب وجعلنى ابوح بما فى الدواخل خلافا للعام الماضى الذى اثرت فيه الصمت واكتفيت بعدم المشاركة والذى اتضح لى لاحقا انه موقف سلبى قد تكون نتيجته ان افتقد التواصل مع هذه الكوكبة الرائعة والتى تشرفت بمعرفتها برعاية وطننا سودانيز اونلاين ولذلك كتبت ما كتبت حتى اشعر المعنيين بانهم وبدون قصد ربما قد تكون قوائمهم الغير مكتملة تسببت فى احجام البعض عن المشاركة , مع ايمانى التام بان هذا العمل طوعى وتشكرون كثيرا على مبادرتكم به ولكن يصبح المبادر هو صاحب الشان حينما يبدا بارسال الدعوات وكلكم على علم ان من عاداتنا ان تتاكد من انك من ضمن قائمة المدعويين حتى تشارك والا ستحسب من المتطفلين او الضهب انا متاكد تماما ان اعضاء اللجنة يسعون لاستقطاب اكبر عدد من الاعضاء ولكن صدقونى القوائم ستتسبب فى ضعف المشاركة
بالمناسبة يا حجر , معاوية عبيد موجووود فى لستتك والشفيع رمزى موجود فى لستة ابو قصى
وافطاركم لو صادف تاريخه قبل يوم الخميس القادم باذن الله معكم , اما بعد ذلك فاعذرونا لاننا سنكون فى الخرطوم ان شاء الله
| |
|
|
|
|
|
|
Re: بورداب جده .. علينا جاااى .. لتحديد مكان وزمان إفطار رمضان (Re: احمد التجانى احمد)
|
شكراً احمد التجاني يا هندسة
وللجميع الرسالة ان ذكر الاسماء من لدنا لايعني تحديد اسماء فقط هي الذاكرات الخربات وفق تقوم ام القرى والكفيل
الرجاء من كل الزملاء الذين يقرأون البوست تأكيد المشاركة على يوم الاربعاء القادم ليكون حضور الكافة خالد الجزولي
بكل تأكيد انت في الخاطر الطيب يا مودرة بس ابقى كارق وتعال معانا الاربعاء , كنا سنقول الثلاثاء لكن دي مراعاة للأجندة
عموما الزملاء الكرام ابوحريبة وبقية الرهط ما شايفهم حقين العام السابق ليت الجميع يكتب حضوره فبورداب سودانييز اون لاين
ليس ملك لاحد ولو تذكرون فانا اصلاً ليس عضو في مكتبها السابق ولكن اهو تدخل ربما يكون جيد او هو مساعدة في دفرة اللجنة
بهذه الروح نلتقي وبها نفترق ولم يتبقى للبورداب غير هذه اللمة ويااساسي العمة مانعتك واللا ايه الحكاية ( ياهندسة شايف مانعتك دي )
....................................................................................................................حجر.
| |
|
|
|
|
|
|
|