تسعيرة الكهرباء مناسبة 100%

Quote: يا عاطف يا حبيب شقة واحدة تستهلك 2000 متر دي ما سمعنا بيها ديل ناس هاي كلاس تلقى المطبخ كله هاي تك شي خلاطات وشي اسبريسو ماشين وشي مايكرويف وشي خلاطات ملتي فنكشن وشي تلاجات تلات ضلف البتطلع تلج براها ديك دا غير الغسالة الفول اوتوماتيك وكم تلفزيون بازما واحد في الصالون وواحد في الهول وواحد صغير في غرفة النوم والأولاد كل واحد عنده بلي استيشن صغيرون كدا والنجفة ام 250 لمبة ######ّان الموية الفي الحمام شغال اليوم كله زائد موتور الموية لو ما كدا .... غايتو للضمان كدي اتاكد بمكن في ورشة جنبكم جارا خط منكم 2000 متر في الشهر إلا كان مشغل ليك عشرة "حجر نار" وتلاتة مكنات لحام كلامي دا ما عنده علاقة بي الكهربا غالية ولا رخيصة لكن عن الاستهلاك الشهري لهذه الشقة الشقيقة رمضان كريم