|
Re: ولاد الربــاطة لقطر الهروب (صور) قطر للبترول (Re: معاوية عبيد الصائم)
|
يا معاية سلام ، معليش يا اخونا ، انا اعمل حيث
يعمل هذا الشاب ، الولد مهندس عديل ، و عنده خبره
فى شركات البترول ، و عمل بالخارج من قبل كمهندس ، وظيفتة عاديه وراتبه
عادى جدا، وهو الان معنا و صديق اولادى ، شاب شهد الله
حمامة مسجد ، و فى سكنه حلقة قرأن . اخود كلام ودعمك
ده على محمل الجد. اى زول يقولك غير كده كضــــــــــاب
وقطر للبترول لا تلم الفاشلين ، خريج بتفوق و عمل بشركات
عالميه ، ومتوقع له قريبا باذن ان يعدل وضعه الى مهندس
حيث يستحق هذه الوظيفة . لم يتوسط له والده وكان يعمل
فى بداية حياته مع احد الاخوان فى القطاع الخاص ، و الذى
كان يعمل معه زميل هنا فى البورد. هو اصلا مواليد خارج
البلد و لغته الانجليزيه و تخصصه فى مجال البترول اتاحت
له هذه الوظيفة العادية وهى اقل من طموحه.
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: هجو الأقرع)
|
Quote: عمل بالخارج من قبل كمهندس |
Quote: ومتوقع له قريبا باذن ان يعدل وضعه الى مهندس |
طيب نجيك واحدة واحدة .. بما انو الولد الحمامة ده مهندس وعمل مهندس وعندو خبرة كمهندس كيف تتوقع تعديل مهنتو لي مهندس حاجة تحير !! من الآخر كده : هو اصلا كان شنو عشان تتغير مهنتو لي مهندس
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: خالد العبيد)
|
يا خالد سلام
Quote: بما انو الولد الحمامة ده مهندس وعمل مهندس وعندو خبرة كمهندس كيف تتوقع تعديل مهنتو لي مهندس |
ما اي زول قاري حاجه وشغال فيها لازم يجي يشتغلها بالضبط
يعني ممكن مهندس يجي يشتغل اوبريتور او فني مختبر او مشرف وردية حسب حاجه الشركة وخبرته وهسع في مئات المهندسين السودانين شغالين في الخليج في الوظائف دي
يعني هسع معاوية عاوز يقول انه شركة قطر للبترول بتعيين اولاد المسؤوليين للهروب
مافي شركة بترول في الدنيا دي كلها بتعيين ليها زول فاشل واي زول عاوز يشتغل لازم يخضع لاختبارات ومعاينات شديده وحتى الزول الما بعرف بخضع لبرامج تدريب قبل ما يبدأ العمل كمتدرب العمل في البترول ما ساهل خطر والفاشل ممكن يسوي كارثة كبيرة اخطر من الحرب
يا معاوية ما من العقل تحارب ليك شاب ناجح عشان ابوه الاولاد ما عندهم ذنب في البعمله اباءهم أنت عندك اولاد وبتعمل حاجات كعبة مستحيل نحارب اولادك عشان البتعمل فيه دا خلي عندك شويه عقل
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: معاوية عبيد الصائم)
|
سلامات يا معاوية..Quote: طالب فاشل بن وزير فاشل .فى التاريخ اكان تاجر شنطة(الوزير) يتعين فى شركة قطر للبترول براتب (مدهش)؟؟؟؟ فى وظيفة (فنى) |
فقط من أجل المصداقية يا حبيب,,
يمكن أن تكون هنالك واسطة فى تعيين أي شخص لكن من غير الممكن أن تضعك فى مكانا أكبر من إمكانياتك براتب (مدهش) !!! وتحديدا فى هذا المجال فالقصة لا تتحمل وهيكلة الوظائف والرواتب لا يمكن العبث بها,,
يا معاوية,,,,وظيفة الفنى أو التقنى أو المهندس فى شركات البترول لا تتحمل أن يشغلها غير المؤهل وغير المدرب والفاشل فهو سيكون كارثة على نفسه وغيره زيادة على برامج محدد لزيادة القدرات والمهارات ولو زول تعبان لن يصمد طويلا,,
أخونا هجو قال المفيد فى الأمر ..
الواسطة قد تفيدك فى التوظيف لكن لن تحميك لما الحديد يسخن ولن يتحمل أحد عدم معرفتك أو خبرتك داخل بيئة عمل خطرة للغاية.
تحياتى,,
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: محمد طاهر تكنه)
|
من اهم الاسباب التى ادت الى اطالة عمر الحزب السياسيى الحاكم فى السودان ... هو جهل وفشل المتعاطين للسياسة السودانية. المعارضة, فردية طائشة وغير مدركة كانت ومن غير فائدة تجنى او حزبية متخبطة ومشلولة, لم تعرف كيف توظف فشل الدولة لتجييش الشارع معها والمناداة بارساء قواعد الديمقراطية. والحكم الرشيد. ........... خلاصة الكلام .. حزب الامة فاشل وكذلك الاتحادى والشيوعى والوطنى ومن ثم الصبية الاخرون
العقل السياسى الناضج يهاجم فشل الدولة فى مؤسساتها ,وتخبطها السياسى ,والاجتماعى ,والاقتصادى وفى عدم دمقراطيتها, وعدلها ,ومساوااتها بين شعبها ,وان يهاجمها فى عدم توفير الامن والطمائنينة للمواطنين , ودستورها , وقواعدها الاساسية وليس فى بن الوزير الذى حصل على وظيفة فى دولة قد لا يعرف مواطنيها حجم معاناة مواطنينا ....
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: Hisham Amin)
|
Quote: الكلام دا لا ينطبق على قطر للبترول و الشركات المتفرعة منها. |
Quote: يمكن أن تكون هنالك واسطة فى تعيين أي شخص لكن من غير الممكن أن تضعك فى مكانا أكبر من إمكانياتك براتب (مدهش) !!! وتحديدا فى هذا المجال فالقصة لا تتحمل وهيكلة الوظائف والرواتب لا يمكن العبث بها,,
يا معاوية,,,,وظيفة الفنى أو التقنى أو المهندس فى شركات البترول لا تتحمل أن يشغلها غير المؤهل وغير المدرب والفاشل فهو سيكون كارثة على نفسه وغيره زيادة على برامج محدد لزيادة القدرات والمهارات ولو زول تعبان لن يصمد طويلا,, |
يا شباب الكلام دا تقولوه هناك لكن هنا في سودانيز خلاص قضي الأمر الولد دا كوز وغير مؤهل ومعيّن بالواسطة و تعيينه دا زاتو تمهيد لهروب الرباطي ابوه - كيف ما عارف لكن دا منطق سودانيز
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: Hisham Amin)
|
يا معاوية تعال أسم الكلام دا وصحح غلطك الفي راسك مافي زول بتحاسب بي وزر زول ومافي ولد بتحمل وزر والده
Quote: عن عائشة رضي الله عنها: »أنها قالت للنبي صلى الله عليه وسلم هل أتى عليك يوم كان أشد من يوم أحد؟ قال: لقد لقيت من قومك، وكان أشد ما لقيته منهم يوم العقبة، إذ عرضت نفسي على ابن عبد ياليل بن عبد كلال فلم يجبني إلى ما أردت، فانطلقت وأنا مهموم على وجهي، فلم أستفق إلا وأنا بقرن الثعالب، فرفعت رأسي وإذا أنا بسحابة قد أظلتني، فنظرت فإذا فيها جبريل عليه السلام فناداني فقال: إن الله تعالى قد سمع قول قومك لك وما ردوا عليك، وقد بعث إليك ملك الجبال لتأمره بما شئت فيهم، فناداني ملك الجبال فسلم علي ثم قال: يا محمد إن الله قد سمع قول قومك لك وأنا ملك الجبال، وقد بعثني ربي إليك لتأمرني بأمرك فما شئت؟ إن شئت أطبقت عليهم الأخشبين، فقال النبي صلى الله عليه وسلم: بل أرجو أن يخرج الله من أصلابهم من يعبد الله وحده ولا يشرك به شيئًا« متفق عليه.. |
وصدق النبي صلى الله عليه وسلم وهو أصدق الصادقين
أنت فاهم غلط مفتكر أنك بتناضل ومفتكر أنك بتضرب في الحلقة الضعيفه في أعداءك ديل وهي انك تهاجمهم في أسرهم وبيوتهم ونسوانهم وأولادهم وإنك شفت ومقدده وبتضرب تحت الحزام وبتألف ومفتكر أنه دا حا يهز شخصوهم ويعجل في رحيلهم من السلطة وممكن بعد هم يمشوا ممكن حزبك البالي يجي يلقى ليه فرصه يكون يحكم او يكون جزء من الحكم وانت ساهمت في الشئ دا وبعد داك ممكن تجي البلد مطمن وتعيش في سبات ونبات
لا لا يا غبي البتسوي فيه دا ما بعمل اي شيئ وبضرك أنت أول حاجه بعدين بضر المعارضين المعاك وبضر حزبك البالي ويطول في حراق الروح الفي نفسك ويأزم وضعك المتأزم أصلاً زيادة مافي عاقل أو إنسان محترم بحارب بي أعراض الناس أو يهاجم الأسر والناس أعقل منك برضه ما بحاربه الزول في رزقه
واحد أنت بتكرهه وضريته شديد وأذيته حتى في أسرته سألته ياخ انت الزول دا ما تشتكيه وتربطه ويترحل بعد داك السودان تصدق قال لي شنو ؟ قال لي الزول دا عنده عيال ونخاف نبقى سبب في ضررهم وكتار قالوا الكلام دا ؟ ديل أعداءك يا معاويه أعقل منك أنت متين تسوي ليك عقل وتحارب زي الرجال
وعندك برضه مثال الأخ عصام دهب الأذيته في أسرته وشردته في حين انه كان بعرقل اجراء قانوني تجاهك عشان اسرتك وأولادك
أنت ما عاقل بس من حسن حظك بتحارب ناس عاقلين ومتأكد الفرص البلقوها الناس ديل عشان يأذوك لو لقيتها أنت ما بتتردد تسجنهم وتشردهم وما تهتم لأولادهم يا معاوية الدنيا مليانه بلاوي ونحنا عارفين كتير وشفت المناضلين ديل كل زول عارفين هو بسوي شنو لكن ما كل البتعرف بنكتب الزول براعي الصغار والاولاد وناس ابرياء ممكن يتضروا من ضرر شخص تاني أو من ذنب ما ارتكبوه
خليك راجل محترم حارب بأحترام
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: عبدالعزيز حسين عبدالرحيم)
|
يامعاوية المهندس ده ابن منو في المسئولين ؟!!
هجو محل ثقة عندي ورغم كوزنته - الله يهديه - فهو لايكذب ..
عزو ياذيل الكيزان استحي وابعد عن الآيات القرآنية ..
ياخالد العبيد هنا في الخليج بتجي بفيزا معلم مشويات - زي اساسي - بعد داك تعدلها لمهندس او محاسب حسب شهادتك .. هسه معاوية عبيد ده مهنته راعي غنم لكن عمره مارعى غنم ..
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: Fathi Ali Mohammed)
|
Quote: اعتقد ان المقصود هو ابن د. مصطفى عثمان اسماعيل |
غايتو كان قاصد ود مصطفى عثمان يكون بالغ الزول دا شايل جواز بريطاني
من حركات العواره حقت معاوية يخت الخبر مقطع ومبهم مفتكر دا مشوق للناس ماعارف انه من الناس تلقى الخبر بالصورة دي طوالي حا يعرفوه فشنك ومنجور لأنه معاويه فقد المصداقية من زمان والزول لو مالي يده بجي يكبها طوالي ومعاويه خايف يجي يكبها يقوم يقبضوه عشان كدا بفك كضبته حبه حبه هسع بقينا ما بنفتش ولا بنخليه يتم كضبته زاتو يبلعها قبل ما يفكها حاله بطاله
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ombadda)
|
Quote: طالب فاشل بن وزير فاشل .فى التاريخ اكان تاجر شنطة(الوزير) |
وتجارة الشنطه عيب ؟؟؟ تاجر شنطه أصبح طبيب عنده دكتوراة في جهاز المناعة من اكبر جامعات العالم
انا زاتي هسع عاوز اخلي العمل واشتغل تاجر شنطه ودي فرصة نستأذن بكري ونعلن عن تجارتنا الجديدة في بيع الأجهزة اللوحية البتعمل بنظام قوقل أندرويد 4 بأرخص الأسعار
وهي هدية مناسبة للتلاميذ والكبار ووسيلة تعلمية للصغار ومسلية للزهجانين وسهله وسريعة الدخول للأنترنيت من اي مكان وعندنا الاجهزة دي بمقاسات 7 و8 و9.7 بوصة مع ضمان وتوصيل لحدي البيت بأرخص الأسعار لاعضاء سودانيز اون لاين
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ombadda)
|
Quote: طيب نجيك واحدة واحدة .. بما انو الولد الحمامة ده مهندس وعمل مهندس وعندو خبرة كمهندس كيف تتوقع تعديل مهنتو لي مهندس حاجة تحير !! من الآخر كده : هو اصلا كان شنو عشان تتغير مهنتو لي مهندس |
معقولة يا خالد لقد خيبت ظنى فى فهمك للامور
يلا عشان يقع ليك الكلام ، شركات البترول العالميه
على مواقعها بتحدد الوظائف بل و المطلوب لشغل هذه
الوظائف ، ربما لصغر الشباب و عدم خبرتهم الكبيره
خاصة وان الرواتب معقولة يبدء بوظيفة اقل من مؤهله
العلمى ، حتى يجد مكان فى فى تلك الشركات ، ثــــــم
يتدرج توظيفا.
على فكرة يا معاويه، انت عايز تعرف الشخص ده منى انا
معقولة يا رجل ، بس ورب الكعبه هذا البوست كان فاتحت
خير على هذا الشاب ، بل و قبل لحظات كمان.
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: معاوية الأرباب)
|
غير موفق,,,,,,,,,,,,,وخصما على المعارضة........
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: خالد العبيد)
|
سلامات
ومازلت اصر وقلتها هنا كثيرا
معاوية عبيد اكبر عدو للمعارضة
ويوميا يتم خصم جزء من رصيدها بسب ب بوستاته الهايفة
التي تهتم بطلاق دي وعقد دي وطهورة ولد فلان ودق الريحة بتاع بت علان .
وناس قريعتي راحت اي واحد يجي شايل دلوكتو .... وهاك ياتم تم.....!!!!!
ابشر بطول سلامة يامعمر
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: haroon diyab)
|
Quote: انت يا معاوية الخوف قاتلك مالك ما قدر تجيب
اسمو ، اهه الزول ده بريطانى ممكن بكره ده يجيك
ناطى فى مكانك لا بحتاج تاشيرة و لا حاجة. بئس النضال
اهه ممكن يقاضيك بسبب اشانه السمعة ، و يلا يخلى سفارتو
تقوم باللازم. |
جيبت النجيضة ابا محمد دي هي المعارضة التي تريد ان تشعل ثورة في السودان بئس المعارضة وبئس المعارضين
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ABUHUSSEIN)
|
ديناااااااااااااااااك
ديجانقو جاكم يضرى عيشه
Quote: ياايها االساقط ناقص الرجولة اطلع منها الكلام دا موش لعب نحن سنقتل و سنسحل و سنحرق انتقاما
فلن نخاف احد لا في الارض و لا في السماء لن نخاف سنحرق ما ارتكب في حقنا كثير علي الاحتمال
سنقتل و نحرق فاضايروا احسن ليكم
|
أبوحسين اتضاير احسن ليك أنت ابو وليدات وحظك نحس ما تجيك طلقة تمعط شيباتك
الأديب بايته معاه لي هسع
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ABUHUSSEIN)
|
شوف الذكي دا بدأ كيف ...
Quote: نتابع ملفات الفساد |
يعني البوست دا عن الفساد
و شوف موضوع البوست ....
Quote: طالب فاشل بن وزير فاشل .فى التاريخ اكان تاجر شنطة(الوزير) يتعين فى شركة قطر للبترول براتب (مدهش)؟؟؟؟ فى وظيفة (فنى) |
خطير و الله ... و أخطر منو شلة الدلاليك.... و هناية إعتذارات كمان ....
.
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ABUHUSSEIN)
|
يا أبوحسين حرقتني حكاية تاجر شنطه دي والشيوعيين ديل كانو بنبذو مصطفى عثمان بأنه تاجر تياب ما عارف العيب شنو ؟
رسلت ليك رابط للبضاعة القاعد ابيع فيها الايام دي اتفرج وشوف الجهاز المناسب وما عندك مشكلة في الاسعار
بالمناسبة الهنايات دي بتنفع في تعليم الاولاد بصورة شديد وعندها برامج كتيرة
تصدق حتى الأن بعت أكتر من خمسين قطعة من ابوسبعة
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: معاوية عبيد الصائم)
|
Quote: ويلا السينما الغشاشه، غايتو صاحبنا إلا
|
شيخ هجو سلامات اريتك عافية ياخ انا ما برد على اى زول
بعدين قبال كده انا فتحت بوست عن ابن المرحوم ابراهيم شمس الدين قلت صاحب ولدك وهسى ود تاجر الشنطة مصطفى اسماعيل برضو طلع ...طلع صاحب ولدك !!!!!
مش قصة غريبة شوية ؟..
تحياتى يا ارباب....
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: معاوية عبيد الصائم)
|
يا معاوية يا اخوى عليك الله كدى جيب انا قلت محمد ابراهيم شمس الدين صاحب ولدى وين قلت الكلام ده، لكن للحقيقة قلت ان محمد هو ابننا عديل كده بحكم صلة الرحم و القرابه مع الشهيد ابراهيم شمس الدين هذه واحده، الثانية
الشاب الذى اتهمته زورا و بهاتنا فعلا هو صاحب بل صديق ابنائى بحكم العمر و السكن فى مجمع السكن الخاص بمكان العمل.
كما انه سوف يكون مجاور لابنى على ، فى سكن الشغل بحكم الزمالة كشباب عزابه .
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: هجو الأقرع)
|
حسبي الله ونعم الوكيل في من سرقوا قوت الشعب حسبي الله ونعم الوكيل في من اغتصبوا بناتنا حسبي الله ونعم الوكيل في قتلوا اولادنا حسبي الله ونعم الوكيل في كل من ايد هذا النظام ودعمه حسبي الله ونعم الوكيل في كل من ساهم في هذا الوضع المتردي واللهم اغفر لنا ان اخطانا
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: هجو الأقرع)
|
يا عزيزي حكومة الانقاذ هي اول من جر الاسر الي التهلكة والدمار انظر الي التردي الاخلاقياالذي وصل اليه الشعب السوداني اليوم من المسؤول عن ذلك اليسو طقمة الجبهة؟ والله السودان كان جميل بالجيران والصدقاء واولاد الحلة اصبح الان انك لا تثق حتي في اخاك علي العموم لا يصح الا الصحيح فالكاو
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: هجو الأقرع)
|
هجو الاقرع. ما عيب الواحد يكون بليد. ولد الرئيس المصرى محمد مرسى والذى جلس لامتحان الثانوية العامة هذا العام لم يتمكن من احراز مجموع يؤهله هذا العام للدخول لكلية مرموقة. الصحف المصرية اوردت تفاصيل درجأته بالتفصيل فى كل مادة. لا ضير فى ذلك ما دام هو ابن رئيس دولة او ابن وزير.
المذكور تعرض للفصل النهائى من الجامعة لاسباب اكاديمية، ورغم ذلك تم منحه فرصة ؟؟؟ وبالكاد تخرج فى الجامعة. وبعد الجامعة كورسات وفرص تدريب عدة حتى تمكن من الالتحاق بشركة عريقة فى قطر. فى نفس الوقت المميزين والمثابرين هائمين على وجوههم لا يجدون ولو فرصة تدريب فقط بلا اى عائد مادى داخل السودان. بئس الدولة.
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ombadda)
|
Quote: وبعد الجامعة كورسات وفرص تدريب عدة حتى تمكن من الالتحاق بشركة عريقة فى قطر. فى نفس الوقت المميزين والمثابرين هائمين على وجوههم لا يجدون ولو فرصة تدريب فقط بلا اى عائد مادى داخل السودان. بئس الدولة. |
يا اخى الكريم الامور بخواتيمها
لعلمك هذا الشاب غير عمله بالسودان
عمل بشركة عالميه اجنبيه فى دولة خليجيه ،
وعندما قدم الى هنا اجتاز كل المطلوب، بناء
على خبرته التى اكتسبها.
والموضوع الاساسى هو عدم جر الابناء و الاسر
فى امور لا ذنب لهم بها البته.
| |
|
|
|
|
|
|
Re: ولاد الربــاطة لقطر الهروب (صور) قطر للبترول (Re: ABUHUSSEIN)
|
الفليم دا لسه مدور
العمل في البترول زي العمل في المجال الطبي بل أخطر زول ما عنده خبره مستحيل بهبش ليه حاجه الطبيب الما بعرف أو مدعي الطب ممكن يكتل ليه زول واحد لكن في البترول المابعرف ممكن يسبب ليه كارثه يموتوا فيها آلاف وخسائرها بالمليارات
الان التوظيف في كل شركات البترول أصبح بالخبرة فقط لافي واسطة لا في جنسية عندك خبرة والشركات هسع بتفتش في الخبرات وتتداول الفنين العندهم خبره بعد أغراءهم بالمرتبات العالية وهسع حالياً في نقص في الناس العندهم خبره في مجال البترول دا شيئ
شركة محترمة زي شركة قطر للبترول مستحيل تعيين ليها زول فاشل محاباه لمسؤول او لأنه الشركات دي بتدار بواسطه ناس متخصصين وللشركة سياسة واضحة ومعروفة تجاة التوظيف وشؤون الموظفين دا شيئ تاني
معاوية زول كضاب اثبتنا كضبه كتير جدً واي حاجه قاعد يجيبها قاعدين نثبت كضبها وحتى الأن ما جاب ليه حاجه كان صادق فيها
معاوية بالاضافة للكضب زول مفتري ما بتردد يدمر ليه حياة إنسان دون سبب كمثال أفتراءه على الكابتن ياسر الصفي الكان ممكن يدمر مستقبل البطل دا لولا تدخل الاخوان هنا وشرح الحقائق معاويه افترئ عليه دون سبب سوى انه اشتبه في انه يكون كوز فقط بمنتهى الغباء من معاوية افتكر انه اي طيار في سودانير كوز وحتى الأن معاويه ما جاء اعتذر ووضح كضبه
الشبه والأفتراءات البرميها معاويه على الناس ممكن تؤثر علي أبرياء وتضرهم هسع كلمة فاشل دي ممكن تتسبب في أذي الشاب دا ويفقد عمله والأخوان الشغالين في مجال البترول عارفين حساسية الاشاعات دي
البخلي معاوية يفتريء ويأذي الشاب دا شنو ؟ سوى لي معاوية شنو ؟
فقط أنه ولد عثمان مصطفى إسماعيل ؟
أوكي أنا واحد من الناس المتضررين من معاوية هل يحق أذي أولاد معاوية ؟
الشاب دا أتضرر من معاوية هل من حق الشاب دا يأذي معاوية ؟
| |
|
|
|
|
|
|
|