استكمالا لحوار مع بشاشا الذي يروقني!!.

Quote: الحزام الاسود" (الله يرحم بروس لي) والاحزمة الثقافية دي جلكسة جديدة دايرين تاكلونا بيها مثاقفة ساي .. بلا "هد هد" بلا "دفع الله"(انت لو بتدلّع الهادي صديق بى هدهد وقصي عندك "كترابة" مع عمو لسة ما بدت ... انا بدلّع ود اخوي بى "دفع الله" ... هدهد ودفع الله معليش لاكين كلامكم كتير وفارغ) ... نحن - حسب الخرايط - محسوبين مع كينيا وتشاد ومصر في اللغات "الآفرواشيتيك" وفي الديموغرافية وفي انتشار الخفاض الفرعوني والزواج المبكر ورعاية البقر والزراعة البدائية وانتشار السل والبلهارسيا ... الحزام الأبستيمي البيفصل "اولاد البحر" من "اولاد الغرب" (حسب تحالفات أمراء دولة التعايشي) دا شنو دا هو؟ ... "الغرابة" ديل مشلعيبهم إلكتروني؟ ولاّ عنقريبهم فورويلدرايف؟ ولاّ يمكن قطيتهم بالطاقة الشمسية؟ (بعدين البيحس بانو كلمة "غرابة" فيها إيحاءات عنصرية يمشي لى دكتور نفسي يقول ليهو يا دكتور انا عندي مشكلة في الإحساس) ... فاتضح انو هذا البطل (بروس طرظان لي) يعتمد على ظلال جهالة "الإبستيمي" لتبرير مثاقفة جلكسة الحزام الأسود الإفريقي (هاكيم بتاع "عودة التنين" ... ههههههه) .... بالتالي ظلال جهالة التثاقف الإنجعاصي الإبستيمي (الله يكرم القراء) مركزي لتكريب إمساك مصارين الحزام الأسود الإفريقي (ولا حول ولا قوة إلاّ بالله) .... سليت روحنا ...