|
|
|
 Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
فى الحقيقة هذا الموضوع لا يخرج من فلسفة وجود المخلوقات على سطح الارض اوهذة الدنيا.
اية هى فلسفة وحقيقة وجود المخلوقات فى الدنيا؟
فى اعتقادى ان اللة خلق كل شىء يبدأ من اثنين
كيف؟
بمعنى انة خلق الشىء وضدة(عكسة) مثال لذلك الخير والشر ,الحب والكرة ,
الجمال والقبح ...الحياة والموت وهكذا دواليك....
هنا اللة حرم انسان من الانجاب وهناك اعطى انجاب...
فالمعادلة الحياتية لابد ان تحتفظ بديناميكية نمطها المعد لها مسبقا بميزان
منسق الطبيعة وهو الرب,مهما اتى العلماء بحيوانات منوية من اى مصدر فلابد ان تبقى وتظل
هذة المعادلة البيلوجية حاضرة فى هذا الكون.
عملية التكاثر وظيفتها الاساسية هى حفظ النوع من الانقراض , ليس بطريقة مباشرة
بعد المرور بمرحلة اولى .
ما هى المرحلة الاولى هذة؟
اشباع الشهوة الجنسية والاستمتاع بها(للطرفين)
متعة جنسية+ انجاب= ........
متعة جنسية+ x =.........
( هذة النقاط اكملها انت ايها القارى )
اعتقد ذلك.
| |
 
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Ali Alhalawi)
|
Quote: حسبو حبيب ألبي
قايلكـ أدليت بدلوكـ! |
سيدي محمّد ولد الصايم (الاسم موريتاني، و الحكي لبناني!)
يلبألي ألبك
في الحقيقة يا ولد الصايم أنا ما أدليت دلوي هنا عشان الفيلم دا ذاااتو كنت دخلتو في البي بي سي، حاكم يا ولد جدودو أنا (إذا ما عم دايءك بهيك خبريّات) بسمع كتير راديو البي بي سي دا لما أكون سايق، و الموضوع بتاع حديقة الحيوانات المنويّة دا جابوه فيه ضمن برنامج برضو فيه مشاركات و ناس بتضرب تلفونات و أنا سمعتو هناك، أها نونّسك شويّة إذا بتريد، لما سمعت الأسئلة و المشاركات بتاعت بورداب البي بي سي عرفت أنو أهم شروط البرنامج الفشنك متوفر، اللهو أنو سؤال البرنامج ما "ويل ستركشرد"، اللهو السؤال بتاع هل يؤدي هذا الاختراع إلى التخلّص من الرجال، بالله شفت غباء زي دا في التعامل مع إنجاز علمي بمثل هذا الحجم؟
سمعت يا ولد الصايم بي: يشير الأصبع إلى القمر بينما ينظر الأحمق إلى الأصبع؟ أها دا ياهو حالنا دا، حتى أكثر الإنجازات العلميّة أهميّة نحنا نقعد نلعب بيه و نجرجرو من قميصو و نغمز فيه، ما نحنا ناس النظر إلى الأصبع كمان، الناس ديل يفكروا يخلقوا إنسان في المعمل، نحنا نتجاذب أطراف الحديث.
البرنامج القلتو ليك بتاع البي (حبيب ألبي) بي سي، يا الصايم ولد حنّنو، طمّم بطني، المشاركات ياها أطراف الحديث البتجاذبوها
- أها تاني الرجال نسوي بيهم شنو؟
- و الله تاني نجيب حيوانات من البقالة و نلدي، خلي عاملين فيها زي الكَوَل في الوادي
- طيب و الأب يكون منو في الحالة دي و العياذُ بالله؟
الظريف يا محمد ولد سيدي، أنو في رجال دخلتهم خوفة بي جدّهم من الإبادة الجماعيّة، و الله الضحك شرطني من المسكنة النزلت عليهم و هم شايفين النسوان يأتين على دولتهم في فد عصريّة و ونسة رادي، تصدق حنكهم بقى شنو؟ لا لا يا جماعة الرجال شقائق النساء بالمعروف، يا جماعة الرجل دوره مهم في التربية، يا خواتنا أدننا فرصة نحنا ناس كويسين و ممكن نشارك في نظافة المنزل الخ ذلك الحناس، التقول أمس ما كانوا إنجوينق الامتيازات حقت الرجل سبع البرمبة أبو العيال..
يا صايم الموضوع بتاع المني دا ما حفل توديع للرجال ولا عندو علاقة، و لا لو بكرة أنتجوا بويضة يكونوا خلاص تخلصوا من النساء، بالله خلونا نبطل عقليّة الإثارة الفجّة دي، موضوع يستمر تلاتة صفحات لأنو ببساطة فيهو حيوانات منويّة، و رجال و نسوان، و دلوي و دلوك، بالموريتاني يعني محمد "دلو" الصايم، و الصايم "دلو" جدودو (جدودو دا اسم دلع عبد الماجد يكون) و كل زول ينادي التاني، يااااااا صايم جيب دلوك، الدلو مع حسبو، ممكن أجيب الأصبع؟
شاب يَمَني يا الصائم (الميم مفتوحة شايفا؟ ما هياش ساكنة آآ) شارك في البرنامج، تقدّم باقتراح لفض النزاع الوهمي "المُثار"، قال لو البنت حملت بي حيوانات منوية من الصيدليّة، يكون الأب هو الدكتور القام بزرع هذه الحيوانات. الدكتور مصيبتو مصيبة، شوف جنس مسح الواطة الاتعمل للإنجاز العلمي، بقينا دارعين لينا زريبة عيال في رقبة الدكتور المسكين نحنا اتحاد شعوب الفارغة. طيب أها و لو كانت زرعتها دكتورةـاااا؟ في الحالة دي الأب يكون يا إمّا العمل الحيوانات المنوية، يا إمّا الأخدوها من خلاياه، بالقرعة مثلا، أما لو كانوا الأتنين نسوان، هنا الأب يكون الأم ذاتها، إتنين في واحد شامبو و بلسم، و الدنيا ما شافت جديدو ولا الفرح دقالو باب.
أها أنا قرطاس التسالي بتاعي كمل و أدليت، أزح ليك تدلي دلوك يا الصائم؟
-
كاروشة ياخ إنت زول لطيف المعشر، و كلّك ذوق، أي و الله، لذلك ما عجبني منك أنّك تقول: أدليت "بـ"دلوك، من زول ما حساس كنت بشوفا كويسة و بتحصل، الباء القبال الدلو دي فصاحة كدا ما حلوة مع الدلو، ممكن تجي موزونة في "أدلى برأيه" أو "أدلى بتصريح" و أشياء أخرى ليس الإدلاء من جنس اسمها، الدلو دا كامن فيه الإدلاء مش؟ تلقاها في سورة يوسف "وَجَاءَتْ سَيَّارَةٌ فَأَرْسَلُواْ وَارِدَهُمْ فَأَدْلَى دَلْوَهُ قَالَ يَا بُشْرَى هَذَا غُلامٌ وَأَسَرُّوهُ بِضَاعَةً وَاللَّهُ عَلِيمٌ بِمَا يَعْمَلُونَ".
لاحظتها فنّانة كيفن؟ أدلى دلوه، مافيش باء يا ولد حننُّو..
.
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: omer osman)
|
Quote: حا أردد كلام قلتو في بوست قبل كم يوم
من حق داليا تكتب العاوزاهو حتى لو مابيجي على عومنا
ومن حق ناس يتداخلوا بالشايفنو مناسب لشخصياتهم ومكاناتهم في المجتمع وبريستيجاتهم
حتى لو إحنا إعتبرناهو ما مناسب ولا يجب ان يتكلموا كدا ويحولوا البوست لهرجلة ويثبتوا انهم ليسوا الا شوية ضحوكنجية
ومن حقي أقراهم كلهم وأستفيد من المعلومة والمادة العلمة المقدمة وأتحير ومرات أستغرب من بعض ردود ناس (من غير هارد فيليننقس ) وأعتبرها رد فعل طبيعي لاستفزاز |
وحاتكـ ده زي الغداء السوداني الفي صينية كبييييرة ووراهو كباية شاي وعشرة ونسة ...
ريحتيني لأني متبني الموضوع ده بالذات :الحنكشـــــــــة وشيطان الباسويرد .......!!!!!!!
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Al-Mansour Jaafar)
|
الأخ محمد حسبو ...
أوّل حاجة خليني أتكلم معاك بالدارجي (ما تقول لي إسمها دارجة) عشان ما تمسك علي غلطة.
Quote: كاروشة ياخ إنت زول لطيف المعشر، و كلّك ذوق، أي و الله، لذلك ما عجبني منك أنّك تقول: أدليت "بـ"دلوك، من زول ما حساس كنت بشوفا كويسة و بتحصل، الباء القبال الدلو دي فصاحة كدا ما حلوة مع الدلو، ممكن تجي موزونة في "أدلى برأيه" أو "أدلى بتصريح" و أشياء أخرى ليس الإدلاء من جنس اسمها، الدلو دا كامن فيه الإدلاء مش؟ تلقاها في سورة يوسف "وَجَاءَتْ سَيَّارَةٌ فَأَرْسَلُواْ وَارِدَهُمْ فَأَدْلَى دَلْوَهُ قَالَ يَا بُشْرَى هَذَا غُلامٌ وَأَسَرُّوهُ بِضَاعَةً وَاللَّهُ عَلِيمٌ بِمَا يَعْمَلُونَ".
لاحظتها فنّانة كيفن؟ أدلى دلوه، مافيش باء يا ولد حننُّو.. |
أحييك ياخ على الحصة الجميلة .. وأجمل ما فيها أسلوبها غير الإستعلائي الذي نعاني منه هنا في البورد، وصراحة أول مرة أعرف حكاية (كامن فيه الإدلاء) دي ... مريحة ياخ .. وزي معظم - إن لم يكن كل - أهلنا المستعربة كنت أضع هذه الباء زي الما حاصل حاجة.
لك جزيل الشكر .. وأتمنى من العالمين باللغة أن يحذو حذوك دون تصغير المخاطب.
تحياتي
______
مع إنو ود الصايم ده مطرطش ساكت .. ولو عارفها غلط حيقولها.
| |
|
|
|
|
|
|
| |
داليا حافظ
عمر عبد الخالق سعيد
محمد حسبو
محمد عبد الماجد الصايم
هيثم درار
omer osman
عمران حسن صالح
محمد على طه الملك
Kostawi
محمد أبوالعزائم أبوالريش
رأفت ميلاد
فيس بوك
تويتر
انستقرام
يوتيوب
بنتيريست