|
Re: نجوم المنبر ( بورداب الدوحة ) يحتفلون بعرسانهم ....( صور بس...) (Re: حبيب نورة)
|
الف مبروك وربنا يديم ايام السعادة والفرح للكل ويقلل من العزابة فى البورد وخارج البورد بعد رحيل كبيرهم العم تمبس
تهانى خاصة للثلاثة ابناء الدوحة والوارفة بافراحهم وان شاء بيت مال وعيال على قول اهلنا الطيبين
بارك الله فى زواجهم ورزقهم الزرية الصالحة
ومن جد شغل نظيف يا ناس الدوحة
وعقبال ما نرسل ليكم صور كيــــــــــتة الرياض لمة بالكوم ان شاء الله بقيادة الجد ود الموج طول الله عمرة .
| |
|
|
|
|
|
|
Re: نجوم المنبر ( بورداب الدوحة ) يحتفلون بعرسانهم ....( صور بس...) (Re: haroon diyab)
|
الكلام عجبني شديد وأتمنى يكون قدر ما عملتوه لينا عشان كده قلت لازم يكون كمان فى الصفحة الثانية
Quote: ما عارف أقول شنو !! ولآ أكتب شنو !! ولآ أعبّر بـ شنو !!
بس الأكيد اللى عارفوا إنكم كفيتو ووفيتو كرمتونا وشرفتونا خجلتونا بكرمكم وأسعدتونا بـ لمتكم حسستونا بروحكم الحلوه ونسيتونا إننا فى غربه
تحيه خاصة جدا لـ كل من حضر كل من شارك كل من تمنى أن يحضر كل من تمنى أن يشارك كل من دعا بدعوة خير للجميع كل من سعد وفرح للجميع كل من مرّ بهذا البوست ولم يمر
وأيضا
كل من رقص رقصة خفيفة وهظّر كل من هجج وسَكْسَك ونقز كل من جامل بإبتسامة وبشّر كل من حمل كاميرا وجمّل المكان بالصور كل من غنّى وصدح بالدرر
يعني بالفصيح كده ،،، كل هؤلاء وأولئك لكم التحية على ما طوقتمونا به من فرح لكم التحية على كل ما شرفتمونا به من حضور لن أذكر اسما حتى لا أقع فى فخ النسيان دعوا الأسماء كل فى وقته ومناسبته
شكرا لكم جميعا منى ومن نصفىّ الأخر (مها) سعادة كبيرة غمرتها وهى تهمس فى أذني كأنما اليوم ،،، يوم زفافنا فى الأول من مايو الماضي يوم أن طوقنا الأهل والأحباب بفرح غامر كيف لا يكون كذلك ونحن نرى الوجه الطيبة تحتفل بنا ومعنا
شكرا لكم جميعا ،،، ساااااني |
| |
|
|
|
|
|
|
Re: نجوم المنبر ( بورداب الدوحة ) يحتفلون بعرسانهم ....( صور بس...) (Re: منتصر الامين)
|
منتصر العريس
Quote: بورداب الدوحه شكرا لتلك الحفاوة التى احطتمونا بها وشكرا لانكم منحتونا هذا الفرح وكنتم كعادتكم دوما كرماء فى مشاركتكم للاخرين
المدام بتقول ليكم انتو الكنتو نجوم فى تلك الليله وبتقول ليكم انها لسه فرحانه بتلك الليله وتدعوا انشاء الله يوم شكركم ما يجى
وشكرا منى ومنها مرة اخرى للجميع |
هذا اقل واجب تجاهكم
وربنا يهنيكم ببعض ويديم عليكم السعادة
| |
|
|
|
|
|
|
Re: نجوم المنبر ( بورداب الدوحة ) يحتفلون بعرسانهم ....( صور بس...) (Re: بكري عباس علي)
|
حقيقة فى مثل هذه المواقف تكون الكلمات أقل قامة من ا لحدث .. وفى مرات يكون الصمت ابلغ للتعبير عن الشكر …لكن لابد من قول شكرا وشكرا لاينتهى لكل من شارك فى اخراج هذه الليله البهية .. شكرا لمن ساهم بماله وجهده ووقته ..وشكرا لمن حضر وشكرا لمن اتصل ….. شكرا اخوتى بورداب الدوحة … ***
دكتورة نجاة شاكر جدا .. وعقبال البنيات بعد النجاح الجامعى المتوقع بأذن الله …..
رجاء العباسى …الف كتير خيرك على رقيق كلماتك وعقبالك ان شاء الله ..
عبدالمنعم سيد احمد ..الفرح كان فى اربجى ..وقضيت الاجازة متنقلا مابين اربجى والحصاحيصا ..كانت ايام جميلة ..والحصاحيصا مازالت كما هى على الرغم من التدهور الذى اصاب سوقها نتيجة لما آل اليه مشروع الجزيرة …
معتصم دفع الله ..تحياتى وشاكر جدا مرورك ..غايتو مرقت من اللوم بشوييييه كدا …
| |
|
|
|
|
|
|
|