|
Re: شربات الفرح ..... مبروك.... وعقبال لجميع الزملاء والزميلات (Re: محمد الطيب حسن)
|
Quote: رسلي رقم الفيزا او الماستر بس |
.
الامريكان اكسبريس كيف وكمان غير محدود .بس تشخت ساااكت .كيف معاك.
Quote: واهم حاجه تكتبي في الطلب قيمة الموروثات ( بعد عمر طويل يارب |
.
لا انت كدا عملتها واضحه.ياخى ارمى ليك درابتين يرفعوا النفسيات
وبعدين اسال من الموروثات دى. نحنا غايتو ورثونا الضغط والسكرى.
ياهارون الزول دا داخل على طمع شوف غيرو.
كدا شوف شروم داك.
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
الأخ هرون .. صاحب الفلتات المتميزة .. بوست جميل وموفق ... بس وين باقي العزابة ..؟ المفروض يفتح الباب على مصراعيه ... وإن كان غلبك إستقطاب عزابة كفاية .. أنصحك بالإستعانة بأميرة الشيخ ... فهي خبيرة في مجال العزازيب ونفسياتهم ...!.!.!. أو أقول ليك حاجة أمشي على البوست بتاعة نادي العزابة الإسفيري داك وأخمش ليك منو خمشتين تلاتة ... لو لم يكن لهذا البوست أي تميز غير ( تحضير ) روح مبيوع لكفاه .. تحياتنا ليك يا مبيوع ... وأشواق بلا حدود ؟..
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: Sabah Hussein)
|
صباح حسين صباحك فرح وطرحة بيضاااااااااااااااااااء قولي آمييييييييييييييين
Quote: ياهارون ياخى ماتلكز لينا الزول ولا نشوف غيرو |
يابتي صبرا يبل الابري مافي....علي وزن رمضان قرب وكده. الزول يجي يقول طمعانين فوقي.... وبعدين .... مالازم اول حاجة نشوف ظروفه شنو ....؟ وانتي طبعا دائما عامله ( فلسطين ) وعشان مايجي واحد زلمة ناطي لي في رقيبتي ( يعني مفلسة ) حااشوف الحساب في البنك كم ووارث شنو ....ومنوا....؟ دي مهمة. بعد داك الحمام قالوا بجيبوه بي موية السكر . وحمادة سكر زيااااااادة . ودقسوك وقطعوا .......!
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: عثمان دغيس)
|
فنانا وحبيبنا / دغيس صباح الخيرات
Quote: الأخ هرون .. صاحب الفلتات المتميزة .. بوست جميل وموفق ... بس وين باقي العزابة ..؟ المفروض يفتح الباب على مصراعيه ... وإن كان غلبك إستقطاب عزابة كفاية .. أنصحك بالإستعانة بأميرة الشيخ ... فهي خبيرة في مجال العزازيب ونفسياتهم ...!.!.!. أو أقول ليك حاجة أمشي على البوست بتاعة نادي العزابة الإسفيري داك وأخمش ليك منو خمشتين تلاتة ... لو لم يكن لهذا البوست أي تميز غير ( تحضير ) روح مبيوع لكفاه .. تحياتنا ليك يا مبيوع ... وأشواق بلا حدود ؟.. |
طبعا عندنا اتنين في معيذر واحد فيهم الزايغ من صباح حسين ده والتاني عامل فيها مجنون.....! واميرة الشيخ مازالت في فترة النقاهة لكن وحاتك الا نتضامن معاها . بس قول ربنا يقومه بالسلامة... اما المايتسماش مبيوع ده.... الظاهر عليه باع القضية في حضرة بنات جون اوكما قال احدهم ( ال.... الابيض المتوسط ) لكن برضو بنجيبه . بس انت جهز الاكورديون وناس عبد المنعم الفكي ... وسيب الباقي علي اخوك واقعد عافية هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
يا هااااااارون يا أخوي ،،،
شروووووم ده منو ،،، ما تورينا ليهو ،،،
عايزين نشوف صباح دى أحسنت الإختيار ولا لاااااااااااااا ،،،
بعدين تعال صباح دى مالا ما مركزه كده ،،، مره الفوق بتاع الفيزا داك وفى حالة العدم شرووووم ،،،
والله دى حكايه لازم تروى للأجيال العزوبيه القادمه ،،،
منتظرين رأيك ورأيها فى الموضوع ده ،،، شنو فلسطين دي يا قريبي
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: محمد خليل ساني)
|
Quote: شروووووم ده منو ،،، ما تورينا ليهو ،،،
|
.
شروووم دا حمدو فى بطنو زى مابقولوا الوداعيات.
Quote: عايزين نشوف صباح دى أحسنت الإختيار ولا لاااااااااااااا ،،،
|
.
يازول دايرنىاقوم مظاهره هنا لرفض الوصايا.
احمد الله وقتا مرقتا بجلدك.
Quote: بعدين تعال صباح دى مالا ما مركزه كده ،،، مره الفوق بتاع الفيزا داك وفى حالة العدم شرووووم ،،،
|
.
ياخوى بتاع الفيزا دا داخل على طمع حتى الورثه عايز يعرفا دا زول خطرى جدا
عشان كدا الجهجه حصلت ودايرين نشوف شرووم.
اها شن قولك؟
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: الزوول)
|
الزول الوسيم بجلالة قدره عندنا مرحبتين
Quote: دياب كيفك انت ما تفكر تعملها عرس جماعي بالمرة خلينا مرة واحدة نستفيد من افكار الكيزان ديل عموماً تهانينا لجميع (القطراب) الحلوين |
انت عارف زكرتني واحد صاحبي كان بلفها بي كرتين.... من بداءت فكرة العرس الجماعي كل مااتصل بيه يقول لي انا في كوستي مره في سنجة ومرة في بورسودان يعني كل مرة في مدينة في النهائة اتضح انوا بوقت مع الاعراس الجماعية دي ....يقوم طابق لي واحدة معاهو وعييييييييك ياعرس جماعي جاك زول .... لغايت مابطل الشغلانة مافي زول عرفه ....انوا عرس جماعي 13 مره وعامل الحكاية نظام عرسة وزوغة . اها نقوم نطبق التجربة اخونا محمد الطيب يقوم يكرر الفليم ونبقي في يحلنا الحله بله . وبعدين افكار الكيزان ديل في البنوك مانفعت تنفع في العرس....؟ مودتي هاون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: عاطف عبدون)
|
حبيبنا / عاطف مساء الخير بتوقيتنا
Quote: هارون قريبي
بعد ما اتأكدت اني ما نازل الانتخابات دي
وانو ما عندي صور فيها
ممكن يا دوب اقول مليار مبروووووك مقدما للعرسان |
ياقريبك ماتفرح كتييييير الدور جاييك..... بس النخلص من الضهب العندنا ديل . وكمان البيرضي عاوز يدخل علي طمع جهز نفسك ياماااان ومن لم يمت بالسيف مات بغيره. مودتي هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: محمد خليل ساني)
|
الحبيب / ساني صباح الخير يااخوي منبر السجم ده كل دقيقة ترفع البوست تلقاه مشي الاخرة العرس قرب وصحافة زايغ ومحمد الطيب بفتش الاجاويد وشروم مالامي في عضم الباسوورد ومهند حيمورة الظاهر عليه بفتش الشنطة وعاطف عبدون جاري وراء الشمارات ومحمد خليل ساني عاوز يمشي بلاد البلقان وعمكم هارون دياب الظاهر عليه حيلم كراسيها الحقينا ياصباح حسين
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: Sabah Hussein)
|
صباح حسين اجمل صباح
Quote: ازيكم وكيفنكم.
الحاقد الجاب صورة شروم خلاس فضحتنا وارتحتا.
ياهارون ياخى نجض الشغل فاضل لينا 3اسابيع للاجازه.
لو الموضوع دا ما اتحسم فى خلال الاسبوعين الجايات ديل بحلف طلاق تانى مانزل انتخابات.
خصوصا ولعيبتك خرخارين.
بس عجبنى كسر التلج. ماقولتو نوبه. |
يابتي والله مافضل لينا الا نجيب جرس ونعمله دلالة عديييل وذي ماقلتي الحاقد الجاب صورة شروم ده قاعد مكسر جنب النجوم وعاوز يطير مننا الشروووووووم.... جنس محن يعني رضينا بالهم والهم ماراضي بينا .
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
محمد الطيب سلالالالالام اول حاجة انت اكان زيارة المكتب ماملتزم بيها حتجي تلتزم لينا هنا.....؟
Quote: والله ماخرخارين
بس الحكم ظالم
والتحكيم فاااااااااااااااااااااشل
وباقي دقيقه وساني بجيبه |
خرخارين ونص وخمسة والله يخلي لينا شرومنا وصحافتنا بس شايفك زغته من دي
Quote: بس عجبنى كسر التلج. ماقولتو نوبه. |
سمعت بالمثل البقول تاباها مملحة ....تاكله قروضه اعمل حسابك قائمة الانتظار طوييييييلة
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
الحبيب هارون ،،،
إنت يا زول مالك مطنش صباح دى ،،،
الزوله دى ما قالت ليك خلاص مدة السماح إنتهت ،،،
ولو ما بخاف الكضب باقى ليها 15 يوم بس وتكنسل الموضوع ،،،
أظنك فاهمني ،،، ولآ عايز توضيح أكثر ،،،
خلاص يا أخوى الزوله دى ما تجيب ليها شرووووووووووووم وتريحنا ،،،
أهاااااااااا رفعنا الموضوع لجنابكم العالى لزوم التصديق الآخير ،،،
منتظرك بالرد ،،، وأظن ما ح يتأخر مش كده ،،،
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
ساني صباحاتك بيضاء و انت بالذات مابنرفض ليك طلب واما بخصوص الشنطة وكده فماعندنا مانع لانوا المولد باقي ليه اتناشر يوم واذا استمارة العربية انتهت فالمبارة حتطلع درون خاصة انوا محمد الامين في الالبوم الاخير ماعنده اي غناء جديد عشان كده المشي في السخانة بحيب المرض للاطفال فلازم الواحد يذاكر قبل الامتحانات بفترة كافية ويصلح التلاجة عند الترزي ويجيب ليه كيس صعوط مدنكل من سلوي بوتيك او الورده البيضاء اها قصرنا ياولدنا.
..... وش باااااااااااسم والوجنة .....دخان وبرضو الحقوق محفوظة راجع ليكم اخر النهار
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
هاااااااارون ،،،
أقطع يدي من هنا ،،،، شايف كويس هنا ،،،،
لو فهمت كلمة واحده من كلامك ده ،،،
يا زول الموضوع ساهل بالحيل ،،،
عريس لما بعد فترة الإمتحانات ،،،
وما أظن دي دايره ليها فهامه ،،،
بعدين حبيبك بتاع البطاقات داك خليك منو ،،،
أبعد بعيييييييد عشان الزول ده شاف ليهو درب تاااااني ،،،
لا دربي ولا دربك بيلمّوا تاااااااني ،،،
وياريتك تستفسر منو براك يمكن يقول ليك ،،،
أنا حاولت وما فلحت يمكن إنت أشطر ،،،،،،
تحت تحت ــــــــــــــــــــــــــ
صباح وينك يا زوله ،،، المولد شغال وصاحبو غايب ،،،
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: محمد خليل ساني)
|
Quote: وياريتك تستفسر منو براك يمكن يقول ليك ،،، |
براك اوباما هييييييييييييييييييييييي يكااااااااااااااااااااااا وبرضو الموضوع قرب والكورة في الملعب وشوت ضفاري مامعانا كدارة ام شلاخات ماعاوزين كورة واااااااااطة وباصات قصيرة واقوان في التمنيات .... والله اكان ماافرتك فهمكم انا ماود ابوي وخلي صباح حسين ومياده كمال يجوا يبقوا ليكم واسطات .
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: essam&amal)
|
اجمل صباح ياام وضاح
Quote: هارون دياب اقصد الراجل الراقى هارون من جمع راسين فى الحلال دخل الجنة وكلنا جاهزين يا اخوى وعرسانك يملوا العين لمن تفضل ما شاء الله تبارك الله امات البنات تعالن جاى ما تنسن سيدنا عمر رضى الله عنه قال اخطب لبنتك تحياتى ليك ولزوارك الظريفين ديل كلهم ام وضاح |
كدي اول حاجة نمسك في اخطب لي بتك دي : اصلوا الواحد خائف البنيات ديل يموتوا لينا دش في يدنا قلنا كدي نكسر التلج للشباب ديل يمكن واحد يدقس....! ويلا ياامات البنات والابهات كمان دعوة جميلة من ام وضاح العرسان علي قفا من يشيل والفنانين سوقهم نائم اليومين ديل وانعام حيمورة عامله فيها فنانة كمان يعني حتي رقيص العروسة علينا بالله عليكم في عرس احلي من كده....؟ عارفه ياام وضاح انا خائف الجماعة ديل يقعدوا كده يعاينوا لينا ساكت وحاتك بعد شوية العرس الجماعي زاتو مايلموا فيه. التحايا لوضاح ولكل من يعز عليكي هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
ياهندسة صباحات ندية واخيرا جيت بي جاي....؟ نحنا قلنا بوستات الفرح دي للحلوين تخلينا ننتظرك طول المدة دي....؟ لكن مااتلومتا
Quote: يا هرون سلامات
طبعا فى احتمالين لبوستك دا ..
1- وراء الأكمة ما وراءها 2- انت داقس
وإلا لذكرت ( سيدى عذّاب أهل الدوحة ) .. الأنصاري وود العباسية ..
بعدين حسام دا شنو البلموا مع ناس ثاني
وبرضو وين البقية من آل ..هُنّ .. ولا خايف .. |
بالنسبة لداقس ماممكن لكن ممكن وراء الاكمة ماوراؤها ياسر حامد وود العباسية ديل دايرين ليهم منبر برااااااااااهم مش بوست ... وحسام وساني( بالسين ) عاملين تيمان برقوا اما ثالثة الاسافي فبقي تسفااااااي وبقية ال... هن ....فخلينا اول نضمن عريس لامنية بعداك نعزمهم. سيبك من النطيط وابقي قاعد بي جاي عشان نعرس للبنيات ديل. التحايا هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: Sabah Hussein)
|
صباح حسين مساء الخير
Quote: هارون ياخوى نحن بنلعب فى الزمن الضايع حسع. باقى 10دقائق اقصد 10يوم
ولا حرم تانى ما اعرس كيتا فى سانى دا
تحياتى لشرووم. |
لووووووووووووووووووووووول الحقنا ياصحافة الموضوع جاب ليه ....حرم ووينك ياشررررررررررررروم
ساني عمل مجنووووووووووون وصحافة قال مغبووووووووون
امانه ماوقع راجل باق عشرة يوم بس طيب.
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: james)
|
جيمس مساء جميل
Quote: هارون ... ما قلنا الملوحة مابياكلوها في الحر... اسع شوف الزول ده عرقان كيف في الصورة....
بس اوعك من رضانية يا عمك.. تقوم تتطلع بطانية وكده |
يااخي اول حاجة صوتك في التلفون اطربنا ودخولك لشربات الفرح اسعدنا تم الناقصة وخلينا نشوفك وشوف العين ماكتل الزراف وبدل الملوحة ليك علينا نضبح ليك بيتزا . ابقي اظهر والباقي سيبوا علي اخوك مودتي هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: محمد الطيب حسن)
|
قول بسم الله يا زول ،،،
مالك حاصل ليك أيه ،،، تتصور لى يومين بقول أتصل عليك ،،، ما عارف اللى بينسيني شنو ،،، كنت حابب أعرف أخبار الملوحه معاك ،،، بس أكيد عوضاى ما قصر ،،، تلفونات الليل شايفه شغلها معاكم ،،، والمؤامرات مولعه ،،، والله (جالس) بس أنتظر أشوف خطوتكم الجايه ،،، عشان نُخرج جميع الأجهزه المخبئه ،،،
مع محبتي وتقديري .
تحت تحت ـــــــ طمنا على صحتك يا ود الطيب ،،،
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: محمد الطيب حسن)
|
محمد الطيب ازيك
Quote: ياهارون ياخ ماممكن كده
عملت لينا تلوث ضوضــــائي
قول واحد والله حااتفلهم ليكم فلهمه واتفلفس ليكم جنس فلفسه
جاييك بروااااقه ويخرب بيت ابو الياكل معاكم ملوحه تاني |
دي مكنتك ياعمك شمارك وصل وقالوا عاوز تشتري الملوحة الفي الضهرية بي راتب شهر وكمان عندكم محاولة للمصاهرة مع احد الدناقلة او الحلفاويين وذلك لضمان مؤنة عمر من الملوحة. برضو ماعندك مشكلة ياعمك التموين وصل ونهارنا عسل كل الود هارون دياب
| |
|
|
|
|
|
|
Re: شربات الفرح ..... مبروك.... وعقبال لجميع الزملاء والزميلات (Re: haroon diyab)
|
ياساني سلام
Quote: قول بسم الله يا زول ،،،
مالك حاصل ليك أيه ،،، تتصور لى يومين بقول أتصل عليك ،،، ما عارف اللى بينسيني شنو ،،، كنت حابب أعرف أخبار الملوحه معاك ،،، بس أكيد عوضاى ما قصر ،،، تلفونات الليل شايفه شغلها معاكم ،،، والمؤامرات مولعه ،،، والله (جالس) بس أنتظر أشوف خطوتكم الجايه ،،، عشان نُخرج جميع الأجهزه المخبئه ،،،
مع محبتي وتقديري .
تحت تحت ـــــــ طمنا على صحتك يا ود الطيب ،،، |
يااخوي انت صدقت ولا عامل مجنون الراجل قال ليك لسع بيلحس في يده وماعاوز يغسله عشان الرائحة الذكية وبعدين مش اتفق معاك علي الفي الضهرية سيبك منوا دي حركات سااااااكت بكره لو مارسل ليك قال ليك عاوزين عشاء تاني انا ماابقي ود ابوي....!
| |
|
|
|
|
|
|
|