|
|
|
 Re: صور افطار بورداب الدوحة ( نجوم المنبر ) (Re: Siddig A. Omer)
|
يعني ما عزمتونا
لكن العتب ما عليكم
على أخوي عماد الشبلي صاح ماكنت عضو في المنبر في الوقت داك لكن كان يعزمني باعتبار ما سيكون
بحس مرات إنه ما بحب أكون معاه في نفس الحتة عشان ما يظهر إنه عجوز
عموماً الجايات أكتر من الرايحات وتتلموا دايماً في الخير
وكل سنة وإنتوا طيبين
عبدالحي الشبلي
| |
 
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: أيمن الطيب)
|
أبو يمن ...
يا دكتور ما معانا زعل
| Quote: هسة دا كل الطلعت بيهو من بوست النجوم دا؟؟؟؟ |
هههههههه
تخيل
صديق همزة ... ما شاء الله بقيت تكتب سطرين كاملات بدون ما تخوزق لينا همزاتك البدون مناسبة في النص
كدا الواحد بقوة قلب يقدر يقول انو قدم حاجة مفيدة في البورد
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: ضحيه ابراهيم)
|
Quote: وان كان من كلمة حق تقال
فلنقل شكرا للاحباب الاعزاء
عبد الجليل نادوس
وفيصل الزبير علي التفكير
الجاد وعقد الاجتماع قبل فترة طويلة
من رمضان والمتابعة والتنسيق والحرص
علي قيام الافطار رغم التأجيل لاكثر من مرة .
شكر خاص جدا ومستحق للاخت الفاضلة/ اميرة الشيخ
لكل ماقامت به وقدمته للجنة التنسيق من مساعدات
كانت لها الاثر في انجاح الافطار .
شكرا لكل من ساهم ودعم وايد
شكرا لكل من حضر
ودايما تامين ولامين
كل الود |
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: عماد الشبلي)
|
والله يا جماعه كانت لمه حلوه بس انا عندي عتاب على الناس المنظمين يعني مفروض الزينا الجداد ديل يعرفوهم بالناس .
ووالله يا عماد كان بيكون لي الشرف لو اشرفت على توزيع الديوان للشاعر المتفرد الكتيابي لكن ضحيه ماشاءالله عليه ما قصر من كل النواحي والحقيقه ان في اللحظه ديك بيقول لي ادفعي وشلت القروش دين من أمين وهو معترض
بس يا جماعه في ناس كتار ما جوا ليه كدا ؟
| |
|
|
|
|
|
|
|
|
 Re: صور افطار بورداب الدوحة ( نجوم المنبر ) (Re: علا عابدين)
|
| Quote: والله يا جماعه كانت لمه حلوه بس انا عندي عتاب على الناس المنظمين يعني مفروض الزينا الجداد ديل يعرفوهم بالناس . |
الاخت الاستاذة علا....و الله بالعكس كنت شعلة نشاط وشاركتى فى كل الانشطة و تعرفتى على الجميع و خلقتى الآلفة و التاخى حتى ظننا انك من اقدم بورداب الدوحة و احد منظمى الحفل.
ثم الولد الذكى دها كان شعلة من النشاط و ذهب الى الميكروفون و صاح باعلى صوته:
هووووووووووى يا هوووووووى....انا هنا وكان يقلد الاستاذ لقمان...ليس بغريب....Keep the nice and good work up.
صديق القاعد بعيد
| |
|
|
|
|
|
|
|
|
 Re: صور افطار بورداب الدوحة ( نجوم المنبر ) (Re: النصرى أمين)
|
Quote: لا حولالالالالالالالا
يازول كبرت كده مالك ؟
ماقلنا ليكم العرس اختوه |
سلامات يا حاج النصرى,,,
الكبر حصل يا صاحب الله يكبر عقولنا,,
مشتاقين والله,,
الرشيد قريش بيسأل عنك كتير السؤال والله ,,
تلفونو لو ما عندك
ممكن أرسلو ليك,,
سلامى لسهير والأولاد...
| |
|
|
|
|
|
|
|
|
 Re: صور افطار بورداب الدوحة ( نجوم المنبر ) (Re: haroon diyab)
|
*** نـجـوم المـنبر بلا منـازع ***
تقديري لكل الحضور من البورداب والضيوف
أنا في قمة السعادة أني كنت - ولأول مرة - بين هذه الكوكبة الرائعة ،،،
الكل يستحق التحية والشكر ولكن لا بد من كلمة شكر خاص في حق عادل التجاني ، ضحية ، هارون
نادر ، صلاح ليون ، وآخرون (فليعذروني لعدم معرفة أسمائهم) بدأوا التحضيرات منذ الليلة
السابقة للإفطار بعد الأمسية الشعرية الإستثنائية لشاعرنا وضيفنا الكريم الأستاذ عبد القادر الكتيابي ،
وأزجي التحية أيضاً لهؤلاء النفر الكريم الذين تداعوا للإجتماع والنقاش ومنذ وقت مبكر ليخرج إفطارنا وتلك الأمسية الرمضانية ( بمشاركة حادي الركب العزيز بكري أبو بكر ، الكتيابي ، معتصم ، ود المشرف ، أميرة الشيخ وبقية اللآلي ) بهكذا رونق حكت عنه كاميرات صديق ، الشبلي ، ساني وهارون وغيرهم من المبدعين .
شكراً فيصل الزبير ، نادوس ولقمان ، شكراً لكل البورداب من 2002 وحتى 2009 .
كانت لي فرصة طيبة أني إلتقيتكم : محمد خليل ساني ، صديق ال دايماً قريب ، بدر الدين الأمير ، نصر الدين الجعلي ، عبد الباقي الجزولي وكثيرون من الأحبة ،،،
معاً لأن نظل دوما نجوما للمنبر ،،،
*** كـم أنـتم رائعـون يا بورداب الدوحـة ***
لكم جميعاً تقديري وعظيم إمتناني
*
*
*
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: كمبورة)
|
ان شاء الله دايما تامين ومتلمين
دعوة كنت أسمعها على لسان والدتي عليها رحمة الله، وهي تبتهل إلى الله أن يؤلف بين قلوب أبناءها وبناتها، كنت أحس في كل مرة ترددها، أنها تلف رباط سري فيحيط بيننا جميعاً، أكاد أتحسسه، يلفنا جميعاً،
وينشر بيننا السعادة والفرح،والإلفة.
وببركة هذه الأيام الكريمة أكرر دعوتي بالمحافظة على هذه الروح الجميلة.
ودمتم..
كلمة شكر وتقدير، مرفوعة لكل من أسهم في انجاح هذه اللقاء الجميل، ولابد من إشادة بشكل خاص بالأخوان ضحية وهارون دياب،
والذين في حقيقة الأمر أنهم قد كان أصحاب المبادرة، ومن ثم بذلوا كل الجهد لانجاحها....فشكراًُ لهما.
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: طارق جبريل)
|
والله يا طارق دا حقد منك ساكت اسي عليك الله خليت الجمعه الظريفه دي وفكرت في صحانة الغرف معذور لكن شكلك كدا كان نفسك تكون معانا
ويا صديق والله في ناس الزول بيعرفهم بالإسم بس ما شفناهم قبل كدا غايتو الجايات أكتر
ومتلمين في ساعة خير
لكن عليك الله يا هارون ما أبدتوا المشابك المريخيه بتاعتكم
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: علا عابدين)
|
نص كلمة الزميل :عبد الجليل عبد الحليم ( نادوس )
بسم الله الرحمن الرحيم
ضيوفنا الكرام : الكتيابي وانعام وخالد
الزميلات الاماجد والزملاء الاعزاء واسرهم
السلام عليكم ورحمة الله تعالى وبركاته والترحيب الحار بالاخوة والاخوات ضيوفنا
في البدء اسمحوا لي نيابة عنكم جميعا، بان اشد على يد الاخ والصديق عادل التجاني وكل اسرة مركز اصدقاء البيئة وعلى راسهم الدكتور سيف الحجري، الذين ظلوا لايكتفون فقط باتاحة منبرهم ويستضيفوا كل افراحنا واتراحنا ، وانما تتسع صدورهم لبداوتنا والتي كثيرا ما تقودنا الى القفز على الاسوار والقيود ، وشكرا جميلا اخي عادل.
وكذلك الشكر موصول لكل من اسهم في ان يكون هذا اللقاء ممكنا، واعتقد انه لابد من ان نجزل الشكر لاولئك الكرام الاجاويد الذين سعوا لتقريب الهوة بين بعضنا البعض،ولجهدهم القدح المعلى في ان يكون"بورداب الدوحة" كيان حقيقي يسعى بين الناس،ويجمع لا يفرق، ومن هذا المنبر اخوتي واخواتي ادعوكم ان نستغل ما تبقى من ايام هذا الشهر الفضيلفي مد جسور المودة ورتق ما تمزق من ثياب الصلات الطيبة بين بعضنا البعض، تعالوا لنطابق تلك الصورة الذهنية الزاهية في عيون الكثيرين من قراء وكتاب سودانيز اونلاين worldwide )) .
الاخوات والاخوان الاعزاء
ارجو ان تسمحوا لي ان انتهز فرصة وجودنا هنا وادعوكم لجلسة عصف ذهني (Brainstorm) لنستجمع افكار بعضنا البعض وصولا للاهداف النبيلة التي حتما تقف وراء تجمعنا هذا . ساحاول ان اطرح الفكرة بشكل موجز جدا ، حتى لا نحيل ترفيهكم الى اجتماع رسمي اخر، فقد تميز بورداب الدوحة بالهمة العالية خاصة في كل الاعمال الخيرية ومد يد العون ، وباه المحرية فيكم /ن ، وانطلاقا من هذا الوعي النبيل اقترح انشاء صندوق خيري:
العضوية : كل- واشدد على كل هذه- الاخوة والاخوات اعضاء سودانيزاونلاين ، مع فتح باب العضوية لكل الخيرين من افراد الجالية.
الاشتراك : مبلغ شهري متفق عليه
مصارف هذا الصندوق : يتم الاتفاق على تحديدها والتقيد بها بشكل صارم
آليات الصرف: تخضع للنقاش ويتفق حول تنظيمها وضبطها.
لجنة الصندوق : يدير هذا الصندوق لجنة من 3 اشخاص يتم اختيارهم من بين المساهمين.
اقترح وبعد التشاور مع الاخ عبد الرحمن الطقي والتأكد من جواز هذا الامر من ناحية شرعية ، ان نبدا بسداد زكاة الفطر للصندوق ، ومن ثم تحويلها للمساهمة في دعم بعض الحاجات العاجلة،وهنا تحضرني حالة الاخ راشد والذي يحتاج الى زراعة كبد، وتقف الامكانات حائل دون شفاءه.
اخوتي اخواتي الاعزاء
اود ان اذكر فان الذكرى تنفع المؤمنين ، بان بورداب الدوحة كيان وكائن اجتماعي هدفه الاول والاساسي هو مد جسور المودة والمحبة والاخاء بين جميع الاخوة الاعضاء والعضواتفيه، باختلاف مواقفهم واراءهم السياسية وذلك انطلاقا بيننا جميعا ما يجمع اكثر مما يفرق ، واول مداميك الديمقراطية احترام الاخر وادعوكم ان نعض على وحجتنا جميعا واشدد على جميعا هذه.
ولا استثني احدا.
قبل الختام اود ان اشيد واشكر الاخوان ضحية وهارون دياب لما بذلوه من جهد وفي الختام اخوتي واخواتي
اعتقد انكم مجموعة مميزة من الكفاءات والقدرات والتي يمكن ان تثري النشاط وتعمل على التواصل مع اشقاءنا الكرام من الاخوة القطريين والذين تجمعنا بهم مودة ومحبة حقيقية وصادقة وذلك في غطار ممارسة كل انواع البدلوماسية الشعبية المنفتحة على الجميع ويمكن التاطير لذلك بالمشاركة في كثير من الفعاليات القطرية وتشكيل حضور في كثير من الفعاليات وخاصة الثقافية واعيد للذاكرة تجربتنا للعمل والتنسيق مع الاخوة والاخوات بنادي الجسرة الثقافي والتي كانت محل ترحيب واشادة وادعو هنا لاعادة التواصل معهم وامامنا فعاليات الدوحة عاصمة للثقافة
اخوتي اخواتي
لي رجاء وليس في الامر خحر على راي او تحديد مسارات وانما طلب اخوي من الجميع بان نبتعد عما هو شخصي وذاتي الى ما هو موضوعي.
والسلام ورحمة الله وبركاته.
الجمعة 21 رمضان1430 هـ11 سبتمبر 2009
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: Faisal Al Zubeir)
|
كلمة معبرة وقوية وجميلة يا عبدالجليل..| Quote: لي رجاء وليس في الامر خحر على راي او تحديد مسارات وانما طلب اخوي من الجميع بان نبتعد عما هو شخصي وذاتي الى ما هو موضوعي. |
وهذا هو عصب المصيبة ,,يجب أن يتعهد الجميع بذلك,,
شكرا فيصل الزبير,,
تغطية شاملة,,
تحياتى,,
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: Siddig A. Omer)
|
..
.
انت يا طارق جبريل
فلاحتك الا فى نجوم المنابر ( بورداب الخرطوم )
حسي شوف ناس ابوساندرا ديل بدافرو كيف
فى صحن عصيدة وكمان بلاستيكى ..
جمال السنوسى
وينك يا ما شايف ليك بث مباشر
من لبنى وكدا ..
____________
كيكى حليك زمنك فات وغنايك مات
بقيت تقعد فى الصفوف الخلفية
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: خالد حامد الجزولي)
|
اخوتي بورداب الدوحة تقف الكلمات عاجزة عن التعبير عن ما يجيش بً ماخاطري وفؤادي
حقيقة كثيرا ما كتبت وما تحدثت وكان الكلمات تجري على لساني والحروف تتساب لتحبر الورق
ولكني اجد نفسي الان محلك قف. ولكن لا بد من قول كلمة الحق التي لا بد من انني قائلها وهي انكم
قد شرفتونا كثيرا بوجودنا بينكم وتكريمكم لشخصنا الضعيف فكان اكليل شرف على رؤوسنا وهاماتنا
التقيناكم شخصياً بعد أن التقيناكم كثيراً عبر هذا الاسفير ولكن حقيقة من رأي ليس كمن تحدث عبر وسيط (كيبورد)
فكم كانت سعادتنا مضاعفة بوجودنا بينكم ولنجعلها علاقة مستمرة ما دمنا على ظهر هذه البسيطة
شكراً لكم فرداً فرداً لا اريد أن احدد احد لا تسقط عن ذاكرتي بعض الاسماء ، فلكم مني جزيل الشكر وعظيم التقدير والثناء
والمحبة ودمتم اخوة لنا
ولا يفوتنا أن نتقدم بالشكر والتقدير للباشمهندس بكري أبو بكر الذي جعل كل ذلك ممكناً
تحياتي وشكري وتقديري ومحبتي
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: SHIBKA)
|
Quote: الحبيب مصطفى عكر
الزول الطيب اللذيذ
والله مقصّر معاك بجد
بس ملحوقه وتتعوض
الواحد سعيد إنه فى بلد جمعتو بيك |
الوجيه ثانى تعرف نفس الاحساس يعترينى احيانا لماذا نلتقى بصورة عابرة يكون احدنا او كلانا فى عجلة من امره .. دعنا نقسم "اللوم" ونقول انو الايام الجميلة جايه ... فالعمل له سلطة قابضة على برامجنا ولكن حتما سنلتقى .. كل الود
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: SHIBKA)
|
هارون دياب
كيفك يازول ياسمح
شفت صورة خالد الجزولي في سري قلت ياربي الزول
ده متين خفس بهناك .
كرمكم وحفاوتكم بأستقبال حبيبنا الانسان المرهف خالد الجزولي واضح
بعدين ياهارون
المستشار حسن طه من عندنا
كدى رازي امكن يكون قريبك انت كمان
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: DKEEN)
|
دكين
انا سحبت كلامي داك بطلب من صديق
ولو داير تاني بنزلو ليك فيهو معلومة مفيدة ليك لو ما كنت قريتو
لكن انا متأكد انك قريتو واستفدت منو | Quote: لمتين حتكون طيرة كده ياوهبة؟؟ |
اما بخصوص سؤالك دا
برد عليهو بعد العيد
والى ذلك الحين كن بخير
وكل سنة وانت طيب
| |
|
|
|
|
|
|
|
|
|
Re: صور افطار بورداب الدوحة ( نجوم المنبر ) (Re: haroon diyab)
|
الحبيب / وليد
سلامات
Quote: هارون دياب
كيفك يازول ياسمح
شفت صورة خالد الجزولي في سري قلت ياربي الزول
ده متين خفس بهناك .
كرمكم وحفاوتكم بأستقبال حبيبنا الانسان المرهف خالد الجزولي واضح
بعدين ياهارون
المستشار حسن طه من عندنا
كدى رازي امكن يكون قريبك انت كمان |
واخوك من عنديكم برضو.....
وبعدين ياحبيب بين مراغة ومقاصر مجدافين وتصل
بس طبعا نحنا الاصل.....!!!!
ولامن تجي مراغة او كابتود ( المدام من هناك )
او اقجة ....يبقي انت في ارض الحضارات بالجد .
عموما تجدني ومعي الاحباب بورداب الدوحة من
اوفر الناس حظا بوجود هذا الرجل الهامة القامة
الاستاذ / حسن طه لانه رجل بقامة وطن .
خالد الجزولي في القلب قبل العين ....
وبرضو....
نتمني شوفتك لتكتمل جماليات الصورة
كل البيوت والابواب في الدوحة مشرعة لك
فاهلا ومرحبا .
حتما....
سنلتقي ....لنرتقي
مودتي واحترامي
| |
|
|
|
|
|
|
| |
صالح عبده
haroon diyab
Kostawi
Abdelhai Omar
محمد البشرى الخضر
ضحيه ابراهيم
almogira alemam
عماد الشبلي
فيصل محمد خليل
علا عابدين
Siddig A. Omer
james
أيمن الطيب
طارق جبريل
عماد الدين عبدالله
خضر حسين خليل
محمد خليل ساني
أمين يحيى
SHIBKA
عفاف الصادق بابكر
كمبورة
nadus2000
Faisal Al Zubeir
khaleel
ماضي ابو العزائم
سيف اليزل جعفر عبد الرحمن
خالد حامد الجزولي
وليد عبد اللطيف
حسن طه محمد
عبدالوهاب علي الحاج
فيس بوك
تويتر
انستقرام
يوتيوب
بنتيريست