|
|
 مناطق الحسن والجمال في السودان!
|
جمال بلدي ما ليهو مثيل وكمان في اغنية لعثمان الاطرش بهذا المعني ياليت وعزة يحتفنا بها او ود الجيلي المبدعون
ولكن هنا تساؤل مشروع كنا نساله دائما في فترة الجامعة ما هي مناطق الجمال في السودان وهنا ربما يظهر بعض التحيز فمنهم من يقول ان الجمال موجود في خمسة مدن بس والباقي كرور وهذا راي قابل للخطاء والصواب
1ـ شندي
2ـ رفاعة
3-كسلا
4-الابيض
امدرمان(ابوروف وبيت المال وكمان حي العمدة
يلا كدي نشوف الناس العندهم باقي جمال يكتبوا
واضيف ليها كمان مدني السني
|
|
 
|
|
|
|
|
|
|
 Re: مناطق الحسن والجمال في السودان! (Re: ebrahim_ali)
|
شندى مدينة وجمال فيها زولى سمح الخصال
شندى 20 سنة افديتها فى ارض شندى وياليت افديك كل حياتى
شندى ليس جمالها جمال الاناث فقط بل جمال منظرها الفواح وطبيعتها الخضراء
اه يازمن
تشكر ابراهيم فى اختيار دار جعل من ضمن مدن الجمال
رايك شنو فى كريمةالشوايقة
| |
|
|
|
|
|
|
|
|
|
Re: مناطق الحسن والجمال في السودان! (Re: DEEK_ALJIN)
|
ما تحيز
لكن والله دنقلا حلوة
زرتها زماااااان لكن لسه كل حتة فيها محفورة فى ذاكرتى
بس انا بحب حنتوب جدا جدا
كنا فى داخلية جماع عندنا سلالام لما نطلع فيها بنشوف مدنى من بعيييييييييد غاية فى الروعة .. والعجب لما نمشى البحر وتشوف ضفة النيل من الجانب التانى وشجر اخضر اخضر اخضر مكمل الخضار ذاتو
كنا بنصل البحر عبر ممر طوييييييييل من اشجار اللبخ المتشابكة فى بعض ومافى حتت شمس تقدر تخش بيناتها وتصل تلقى قدامك رملة تقول ما رملة حاجة كده ابيض على اصفر فيه لمعة شوية كده ما تعرفها جات من وين ..يا جماعة عم قرشو وين!!؟ ..تعال كمل معاى الكلام عن حنتوب الجميلة
| |
|
|
|
|
|
|
|
|
 Re: مناطق الحسن والجمال في السودان! (Re: ebrahim_ali)
|
الأخ أبو خليل
شكلك كده بتضرب على وترين يعني زي الواحد الواقف في حيطه لا معروف حا ينط لي بره ولا ينط لي جوه ، لأنه ومن خلال مطالعتي لردود الأخوة الذي تناوبوا في الرد على مقالك تأكدت ظنوني في أن بعضهم إنخدع وأعتبر المناطق الجغرافية هي المقصودة والبعض الآخر تحدث عن جمال السكان في تلك المناطق ورغم إن هذا هو الأقرب إلى ما تقصده إلا أنني أرجي تعليقي على مقالك حتى توضح وتبن وتفصح بصريح العبارة لأنني لو رددت على سطورك ربما أكون أغرد خارج السرب ومن ثم ينطبق على القول بأن كل إناء بما فيه ينضح - وحتى لا أكشف مواعيني وصحوني وغرافاتي أجد نفسي مرغما على الإنتظار بالرغم من مرارته حتى يتبين لي الخيط الأسود من الأبيض.
لك تقديري
| |
|
|
|
|
|
|
|
|
|
Re: مناطق الحسن والجمال في السودان! (Re: almulaomar)
|
الاعزاء بامسيكا فعلا شندي روعة وروعة في ناسها وجمال طبيعتها ونحن برضو من دار جعل لو تعرف التراجمة لكن كريمة دي سرها فيها وبس
ديك الجن الله من بورسودان ياخي اسكت ساكت ما تفتح لينا المواجع ياحليل زمن الجامعة لي فيها زولا كان عزيز بس حلفاوي وبمناسبة الحلفاوين ديل لو واحد حلفاوي يفيدنا الجماعة ديل اما حلوين لمن شرط او شنا لمن غلط دا يكون من شنو
دريمز دنقلا ما فيها شك لكن حنتوب احلى ومدني اجمل وناس ناس
الملا عمر لكن ضحكتني لوووووووووول ما قلت لي نط الحيط ياخي نحن لمن كنا صغار كنا بنلعب في الحيط ونجري ليك فيها لكن دي ما اظن يكون وترين وتر واحد وحساس لكن البضيف الوتر التاني من حقو لكن الاهم وانت لن تغرد خارج السرب حتى ولو لم نفصح فانت اهل العلم والدراية فيما ذهبنا اليه وكدي ورينا صحونك وغرافاتك وليس هنالك ما يدعو للمرارة والخيط واضح وصريح باي واحد انت بديت او عبرت لك كامل الحرية فيما تختار وافتكر الصورة وضحت ليك
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
الأخ الكريم أبو خليل
أشكرك على شرحك الضافي ، والضافي زي ما عارف هي الصافي بس في نقطة في الصاد ، والصافي في بعض الدول إسم زول وفي دول أخرى لبن عدييل كده المهم يا أخي الفاضل المقاييس تتفاوت هنا وهناك بس أكيد السمح سمح كان قام من النوم و ... إلخ يعني في شناة ما برفعو ليها الضو وما بختلفو عليها إثنين وبهذه المناسبة حكي لي أحد الأصدقاء بأنه كان لديه ضيفاً عربياً شامياً معزوم على العشاء في داره العامرة ومن منطلق وطنيته أدار صاحب الدار مؤشر القناة التلفزيونية إلى الفضائية السودانية وليته لم يفعل وتصادف بث برنامج في ساحات الفداء ، وبعد الإنتهاء من إحدى الحلقات عن أحد الشهداء إنتقل مقدم البرنامج إلى تخريج دفعه جديدة من أخوان نسيبة عفواً أخوات نسبية فجئ بهن على ظهور خيل وبعضهن سيراً على الأقدام يتأبطن أسلحة الدمار الشامل لم تكن هناك أى علاقة بينهن وبين النسوة إلا من نون أو تاء أقتضتها ضرورات اللغة العربية فنظر الضيف إلى مضيفه وقال له بلهجة شامية بعد إستعراض كامل الطابور أبو عبد الله ديل حريمكووو (هؤلاء نساؤكم) فقال أبو عبدالله آآي فقال الشامي: الله يعينكم.
| |
|
|
|
|
|
|
|
|
|
Re: مناطق الحسن والجمال في السودان! (Re: almulaomar)
|
يازول والله رفاعة خطيره
قبل دخولي الجامعه مرة من المرات جات سيره في الحله من رفاعه عارف اشنى اتنين في السيره السواق والكمساري هههههههههههههههههه يكه
في الجامعه شفنا العجب العجاب من رفاعه
لكن برضو ناس القطينه ماناسيهم ايامي الفي الدفاع الشعبي كنا بنمر في نص الحله ياسلام روعه والله وعندنا تعلمجي شرامي كلما نجي بي جم شلة من الطالبات يقول لليمين انظر ونردد الله اكبر بي صوت عالي
ههههههههههههههههههههههههه يكه
والجمال والحب في بلادي
والشايقيه برضو فيهم ناس جميلين
زاتو
_____________
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
يا ابراهيم انا برضو دنقلاوي ما من اللسته ههههههههه يكه
قلت ليك التعلمجي كان بيخلينا نعاين للجكس يعني لليمين انظر بيكون واقع في بيت الكلاوي ههههههههههههه يكه والله كان تعلمجي فرده
اسمو حسن بليل التعلمجي يوم ادانا ليك جكه طويله قرب يصل بينا كوستي واحد معانا في الخيمه اسمو حسن طب الخرطوم قام قال بليل ده ماشي وين باليل ده ماشي وين ههههههههههههههههههههه يكه لحدي ما التعلمجي اتكيف
زاتو
____________
صابحني دائما مبتسم
| |
|
|
|
|
|
|
|
|
|
Re: مناطق الحسن والجمال في السودان! (Re: مارد)
|
ااخرطوم 3 علي وزن انا دستوري نازل في الخرطوم 3 و الحلة الجديدة علي وزن اجمل غانية شفتك في الحلة الجديدة وبري علي وزن حبيبتك ابعدوها سكنوها البراري و الدويم علي وزن السافر سكن الدويم و بحري و الثورة و الديم و حي الزهور و السجانة و الصحافة و الامتداد و حي العرب و امبدة و العرضة و الهاشماب بدون اوزان و اخيرا ما عندي مانع حتي لو ضيعني ساكن الموردة
| |
|
|
|
|
|
|
|
|
|
Re: مناطق الحسن والجمال في السودان! (Re: Al-Masafaa)
|
الغالي مارد لك التحايا واظن الموضوع واضح ولكن ربما يكون من شقين جمال المكان وجمال الانسان فلهما وقعهما على النفس فلذلك من اين بداءت لك الاختيار ولكن انت بالذات لك الخيارين
المسافة فعلا الخرطوم ناس ما فيهم كلام لكن هل تتفق معي ان اغلب سكان الخرطوم هم من الاقاليم وبالتالي كونو خلطة فريدة وبالذات ناس نمرة 2 و3 وما تنسى الحلة الجديدة والموردة القراقير
لك التحايا ودوما نسعد بان نرى الجمال في ربوع بلادي وما احلاه عندما يمتزج بجمال الطبيعة الخلابة التي ينعم بها ريفنا الان
| |
|
|
|
|
|
|
|
|
 Re: مناطق الحسن والجمال في السودان! (Re: hanouf56)
|
شكرا يا أبوخليل على الأريحية الندية
المناطق الساحرة ومناطق الطبيعة الخلابة أغلب مدن الجنوب ، ومدن النيل الأزرق وخاصة سنجة ..الشلال.. الرماش ..الدندر السوكى .. الروصيرص .. سنار ..الدمازين.. قيسان ..الكرمك ، وكمان كسلا واركويت ، والأبيض ومنطقة رشاد .. وأبوجبيهة .. وأم روابة .. أما جمال الناس فى الغالب فى النيل الأبيض الدويم أبوحبيرة .. الشوال ..الكوة .. شبشة الشيخ برير .. وفى كسلا ، وحلفا الجديدة وخاصة دبروسة والقرى 5 و8 و11 و18 و23
وفى منطقة كساب الجعليين وود النيّل بالنيل الأزرق ومنطقة ودبلال بالجزيرة ، والقرير ونورى وقشابى وجزيرة التلبناب بالشمالية ، ومناطق شندى وعطبرة والباوقة ودارمالى وجزيرة مقرات. وجزيرة توتى وبعض مناطق الجموعية المتاخمة للعاصمة ، وأم دوم والعيلفون وأم ضوا بان بشرق النيل ، والكاملين بالجزيرة
أفتكر كفاية لغاية هنا .
| |
|
|
|
|
|
|
|
|
|
مناطق الحسن والجمال (Re: ebrahim_ali)
|
بمناسبة الجمال في رفاعة قالوا واحد مدير شركة سامع بناس رفاعة سمحين وكان عايز يعين ليه موظف في الشركة والمدير دا بحب الجمال شديد يعني بتكسر عديل لمن يشوف زول سمح المهمعمل اعلان للوظيفة واتقدموا ليهوا مجموعة بتاعت شباب وفي أثناء اجراء المقابلة لكل واحد من المتقدمين شاف ليهو واحد عجبو شديد يعني زول وسيم شرط فقام المدير سألوا قالوا من وين انت يا شاب فذكر له أنه من الأبيض فقام المدير قال ليهو أههههههه الأبيض الجمب رفاعة
يعني عليكم الله شن جاب الأبيض لرفاعة لكن المدير عجبو الشاب ساكت
حموز
| |
|
|
|
|
|
|
|
|
|
Re: مناطق الحسن والجمال (Re: hamooz01)
|
الحبيب دريمز
لك ولحنتوب تحياتى وقد كنت اهاتفها صباح اليوم
لقد اثرت شجونى وهيجت ذكرياتى بوصفك الجميل لحنتوب الجميلة فعدت لسنين خلت كان البال فيها رائقاً والذهن صافيا والحياة حلوة..
ولكن اخى زى ما قال حبيبنا الملا عمر زولك ده كلامه كتر وحنتوب لن تنافس فى ذلك المجال رغم انه كل واحد بيعجبه الصارو زى ما قالوا اهلنا..
| |
|
|
|
|
|
|
|
|
|
Re: مناطق الحسن والجمال (Re: قرشـــو)
|
الغالي الملا عمر بما انك قد افضت فيما ذهبت اليه وانا مرات كده ذاتي بتخيل البدربو فيهن ديل هل هن نساء ام ماذا ففي بعض الاحيان تجيني شكوك ولكن عندما اجي جمب بوابة عبد القيوم (جامعة القران الكريم) بتاكد وقطع شك انهن نساء ولكن سبحان الله الجمال في كل مكان الا بس في ..وبرضو عائزين مزيد بس ما بيت الكلاوي
hanouf56لك التحية ولاهل كل العمارات التحايالكن ما قلت لي ياتو عمارة في السودان ما كتار ياخوي في عمارة البنا والعمارة اربجي
مارد لك التحايا بامتداد هذا الجمال المعتق الذي اضفته وعيني عليك بارده وربنا يبعد عنك عين الحسود لكن ما تقول لي موسوعة في مناطق الجمال بشتى انواعه ويظهر عليك انت مولع باماكن الجمال ولديك ذخرية معرفية مهولة بهذه المناطق التي ذكرتها ولكن برضو عائزين نعزمك على رفاعة في اول زيارة ليك للسودان ونحن في انتظارك والف مراحب بيك
حموز لكن ود الناس ما قايلك تفضحنا للدرجة دي وايضا الابيض فيها برضو جمال وهذه المقولة كنا نسمعها ونرددها دائما في فترة الجامعة وهي بطريقة اخرى فيقال ان هنالك مامور انجليزي في فترة الاستعمار كان يعمل في رفاعة واتكيف جدا من ناسها وجمالها فتم نقله لسنار وزهج وقرف من الشغل فجاءه خطاب تاني بنقله للابيض فانبسط جدا وقال ليهم مش دي الابيض الجمب رفاعة لووووووووووووووووووووووووووولوووووو
قرشوالعزيز لك التحية ولحنتوب الجميلة ولكل عاشق للجمال فحنتوب هي تحفة وروعة ولكن ما قلت لي الملا عمر قال شنو الكلام ماهو واضح مش عائز شرح يلا ورينا وينك صاري جمالك ؟
| |
|
|
|
|
|
|
|
|
|
Re: مناطق الحسن والجمال (Re: ebrahim_ali)
|
النوبة ديل يالله سمحين خلاص يا الله
سمحين خلاص يالله ... كادقلى راس يالله
ـــ
مهرة دنقلا النسافا
مابقدر اقيس اوصافا
تبكى تبكى كل الشافا
ــ
متين يالله نتمنى
يكون فى نقزو مسكنا
بالمناسبة نقزو دى وين... لرفاعة؟
ــ
تلقى الدنيا باسمة... والايام طرب
هنا فى حى العرب
ـــ
جوبا مالك على ... انـــــأ
جوبا شلتى عينى... انــــأ
ــــ
انا ماشى نيالا ... اواوو
انا ماشى نيالا ... طمبرة
ــــــ
ناخد الاجازة ... وفى الزيداب نعيد
ـــ
يا كردفان الغرة
ام خيرا جوة وبرة
ـــــ
ليبيا ان شا الله تعقرى يا تعدمى
المال الخدرى والله شلتى
عيال من بدرى.. والله شلتى....
[واضح انها منطقة شناه فى هذه الحالة]
ــــ
قالى بجى مالو ماجة؟؟
[طبعا دى اغنية الاحتمالات المفتوحة على جميع المناطق الجغرافية بالسودان]
ــــ
كسلا اشرقت بها شمس وجدى
ـــ
الليلة والليلة
دار ام بادر ياحليلة
ـــ
لي فى المسالمة غزال..
ــــ
من النهود لى بارة
اشوف جمال البقارة
ــــــ
زولا سنونو بروق
وفى محكمة زروق
[الجمال يدخل المبانى الحكومية]
ــ
طيرى يا قمرية
ركى فوق الزنكى ... اتصنطى القضية
زولى البريدو المسجون بلا جنية
ــــ
صبرك لحظة واحدة ... يا ضابط السجن
اتزود بنظرة ... وارجع انسجن
ــــ[ الجمال مازال يتجول فى اروقة المحاكم والسجون]
ياسواقو ليه شلتو
من البيت لمدرستو
ــــ[ الجمال ماشى المدرسة]
دخلوهو الطب
علموهو يحب
لى عزاااابى
[ الجمال يتخصص فى دراسته]
نصيحة اخوية: الجمال ليس له مكان... هو فى كل مكان... ادعكوا عيونكم ... وسترونه!!!!!
| |
|
|
|
|
|
|
|
|
 Re: مناطق الحسن والجمال (Re: dreams)
|
الله الله الله عليك يابت شيخ الدين فعلا لقد اوفيتي وكفيتي وما خليتي ليك جتة ما زرتيها وحتى السجون كما جبتيها نقول شنو بعد كده ما خلاص عرفنا مكان الجمال موجود في السودان في كل مكان بس في امدر زايد كمان
وانقزي اسمها منقازة وهذه قريبة من الحصاحيصا وبرضو انا سمعت عنها انهم غاية في الروعة والجمال وبالمناسبة هم قبيلة الحلويين
لك التحية ايتها القامة التي تنثر عبيرها بين سطور البورد ولك اندي الاماني ومازال الليل طفلا يحبو في حضرة الحسن والجمال
دريمز فعلا تماضر تسكت بلد وتكفي عالم بحاله فهي موسوعة وذخيرة ملئية ولكن من هو الذي يفجر بما عندها وانا قبل كده طلبت ان (استنطقها) ولكن للاسف لم اتمكن من ذلك وما زال الاستنطاق قائما يااستاذة ونحن في انتظار الرد
| |
|
|
|
|
|
|
|
|
|
Re: مناطق الحسن والجمال (Re: ebrahim_ali)
|
استنطقتنى... وانتهيت...
انا النشرتو فى البورددة بعد استنطاقك... حداشر سنة ما قلتو... داير شنو تانى ... الموت؟
ياقول مرة فى السودان لاولادها... هدا ليه.. الملاح والكسرة والصلطة واللحمة المحمرة والرز ... تانى شنو ... الموت؟
وانا والله مادايرة اسكت بلد... دايرة اشارك مع البلد دى...
بلد من الخلاقين والمبدعين... شكرا لاثارة المواضيع الراقية الرشيقة... ولا كيف
لكن الجمال الاصلى فى ام درمان
ويصرخ ناس ام درمان باعلى صوت.ووووووب.. وهم يشيلون... شوف عينى الحبيب بحشمة لابس التوب... بينما ينظر اليهم ناس مدنى بحسد وامتعاض ... واضحين
يللا واصلو...
| |
|
|
|
|
|
|
|
|
|
Re: مناطق الحسن والجمال (Re: Tumadir)
|
فعلا انت استاذة وقديرة وقامة شامخة بحق وحقيقة ولكي مني خالص الود وفعلا لقد حاولت ان استنطقك ولكن كما اوضحت انو ليك حداشر سنة ما قلتي حاجة ولكن هل الحداشر سنة دي بتمرق بالسرعة ما لسع في شيء مخفي ومخباءة في الجراب وتبري من الموت يجي للعدو بس نحن طمعانين في المزيد لانو انتم كنتم في مرحلة لابد ان نوثق لها وهي مرحلة تعتبر في نظر الكثيرين مرحلة كانت ملئية بالمبدعين والفنانين واصحاب الفكر النير وانتم تعتبروا من الجيل الثاني اذا صح هذا التعبير في مجال الابداع الفني ولكن هل تكفي هذه المداخلات لتغطية حياة فنانة في قامتك كلا والف كلا لابد ان تجرى معكي حوارات وتسجيلات لكي تستصحبي فيها تلك المرحلة والمرحلة الراهنة والمرحلة القادمة بس انتي قولي عوووووووووووووووووووووووووووك ونحن جاهزين موية ونور
فعلا جمال امدر رهيب وبالذات ابوروف وحي ودروا وتجي لي جائ سوق الشجرة وفي حتة كده اسمها الحوش بالقرب من ابوروف عندي فيها صاحبي برضو شديدين شدة الحرامي السرق كاس العالم (عارفنها دي)ولا واضحة
| |
|
|
|
|
|
|
|
|
|
Re: مناطق الحسن والجمال في السودان! (Re: منعم)
|
إبراهيم شكرا ليك يا حبيينا الدعوة مقبولة وعلى ذكر رفاعة لابد من ذكر الحصاحيصا وتمبول أيضا وخلينى برضو أضيف لما أوردته سابقا المسيرية فى الغرب ،وبطون الكبابيش والنهود وبارا ، وكثيرا من قبائل الجنوب على رأسها الزاندى والشلك ، والفرتيت والأنواك . وبرضو سكان بدوس وهى قريبة من مدينتى الروصيرص و(ام درمان فلاتة_ إن اعتبرناها مدينة فهى أقرب إلى القرية الكبيرة جدا ) بالنيل الازرق ، وسكان بدوس بالرغم من أن أصلوهم من نيجيريا "فلاتة " إلاّ انهم يعتزون بسمرتهم الخلاسية الهادئة ولذا ينظرون إلى ذوى الأصول النيجيرية الأخرى بشئ من العجرفة والتفوق فى الملاحة .. وين العبابدة ؟ برضو فيهم كتير جدا من الناس الحلوين .. يارب فى زول فى البورد من العبابدة ؟
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
وما زلنا في حضرة الحسن والجمال نتفياء بظلالها الوفيرة وذكرياتها المفعمة بكل معاني الطيبة والجمال فما زال الحسن في بعض المناطق لم يطرق بابه ولم ينظر في جماله فلا بد من استدعاء كل مناطق هذه الجمال في بلادي لنتنسم عبيرها وشذاها وما زال الليل طفلا يحبو في حضرته
| |
|
|
|
|
|
|
|
|
 Re: مناطق الحسن والجمال في السودان! (Re: alhabeb)
|
كسلا الجمال تمام يازهجانة عشان عائزين نطير منك الزهجة بتاعتك دي فكسلا روعة في كل شيء ناس جنان وعسل بس وجبالها عائز لي فيها انا واخوي الكاشف ابوحراز شهر عسل هناك عشان نشوف الطبيعة على اصولها
الحبيب شندي ما فيها كلام تب نحن اولاد جعل نقعد ونقوم علي كيفنا
وهاك دي كمان ظهرت في عهد الانقاذ
هاك من دار جعل من شندي لاعند دامر المجذوب
في البورد التاني تفصيل غاية في الدقة عن انساب قبيلة الجعليين
اطلع واشوف
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
رفااااااااااااااااااعة!!!!!!!!
مافى شك انو بنات بلدى رفاعة من اجمل واحلى البنات على نطاق السودان ,,, طبعا دا علاوة على امتيازهن بالعلم والثقافة ,, بس الحاجة المحزنة هى كانت تكسير وابادة تمثال استاذ السودان الاول الشيخ بابكر بدرى وكان وقتها منصوبا امام مدرسة رفاعة الشرقية... وياود على كدى انا عندى معاك كلام فى الماسينجر
والتحية ليك ياودبلدى
| |
|
|
|
|
|
|
|
|
|
Re: مناطق الحسن والجمال في السودان! (Re: khal fatma)
|
سلامات
ياخال فاطمة
كل سنة وانت طيب
ياشباب كل سنة وانتو طيبين
خال فاطمة
لا اري اي سبب منطقي لما رميته من رد لانك بهذا الشكل تسعي لاهثا لتأطير التناولات التي يلوذ بها الاخوان في البورد بشكل لانعلم قوالبه
ثم ماالعيب في تناول القضايا بكافة ابعادها سوي في الشكل الطرحي كقضية للنقاش او البحث عن اجابات لتساؤلات مختلفة باعتبار اختلاف فهم الناس واهواءهم
واذا كان هذا الموضوع لايسع اناء من عدتك فلماذا ادخلته في فضيتك الخاصة
الاعتراض ارتجالي يااخ خال فاطمة وفيه اجهاض لذوق الزملاء الشرفاء فالذين ردو علي هذا البورد جميعا من اصحاب الفكر النير وطرحوا قضايا علي هذا المنبر حتي انت لم تدخل فيها للرد
دعني ادعوك للتروي حتي لاتأذي من لاذنب له
الاخ الحبيب ابراهيم علي
ماننسي كوستي ياجماعة برضو شديدة ولضيضة
| |
|
|
|
|
|
|
|
|
 Re: مناطق الحسن والجمال في السودان! (Re: طارق اسماعيل)
|
ودرملية ياغالي قلت لي كوستي الشديدة واللضيضة دي بلد اخوك بعد كده
تحياتي لكل يعشق اي جزء او بقعة من ارضه ووطنه او حتى مرتع صباه ومكان الحبيب الغائب المنتظر
لكم جميعا تحياتي
والشرير والبرتقالة شكرا جزيلا الطلب وصل
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
سلامات
الحبيب ابراهيم علي
كوستي الشباب ياعنيا
كوستي بلد الاحباب ياعينيا
شفتا الكلام دا كيف
بعد شوية لو سالوك قالو ليك شندي تقول ليهم موش شندي الجنب كوستي
لوووووووووووول
والله الف مبروك ومعليش ماجيتك لامن الم فيك بوريك الحاصل علي
ودمت ياراقي
| |
|
|
|
|
|
|
|
|
|
شندي ثم شندي ثم شندي ثم شندي ثم شندي (Re: ودرملية)
|
احييكم جميعا واوكد قمة الجمال في شندي بس لو مش بنحصر في العاصمة بل في الضواحي خاصة القرى المحاذية للنيل مثل الحوش الدويمات الفجيجة قندتو بس اختلف مع ناس بورتسودان لسوء الاحوال ا لجوية والموية فيها فعندما نحسب الجمال يجب حسابه من جميل النواحي الجمالية ناسه مناظره حسن التعامل الاحول الجوية
حنتوب جميلة وتفوق بورتسودان جمالا بس لاننسى ودمدني كمان لانها تكمل جمال حنتوب من الناحية ولكم منا التحايا انا سمعت بجمال نوري وكريمة وانا ان اشوفهم
| |
|
|
|
|
|
|
|
|
|
Re: مناطق الحسن والجمال في السودان! (Re: ايهاب)
|
ياشباب تحياتي أول حاجة معليش لكل من كتب ولم نرد عليه وذلك ليس تقليلاً من إسهامه ولا مشاركته .. بل تجدونني أحياناً ليس بالمتواجد باستمرار فلكل من كتب أو أرد أن يكتب له الشكر مقدماً ومؤخراً ..ولكل من أخذ في خاطره له العتبى حتى يرضى، وجميعاً في الهوى شرقاً .
لكل من كتب وشارك هنا شكراً جزيلاً على المساهمة القيمة والإطلالة الحلوة
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
يا اخوانا بصراحة انا يمكن اوافق صديق عزيز عنده رأي مخالف ــ كان كل يوم يجي الشغل وهو يتصبب عرقآ واخلاقه في نخرته و حالما يدخل المكتب يفتش تلك الخرقة ليمسح حذاءه وهو يتتم ،، تعرف يا منير نحن قاعدين في الحتة الغلط ،،، الحتة الاسمها السودان دي كعية ــ وهو عنده نظريه دائمآ يعبر عنها ببساطة ان نحن السودانيين ما كعبين، الكعب السودان ــ اسي شوف جن الشمس الافحة جبهتي دي من المحطة للمكتب مرورآ بتلك الرمال المنحركة في السكة و..و.. ــ الحتة النحن قاعدين فيها دي اجدادنا غلطوا فيها ـ عشان كده شايف أخلاقنا بقت كيف؟؟ ـ اسي شوف التاجر الحرامي بتاع سعد قشرة دا اللحاجة بمية جنيه يقول ليك بألف ، تلاقيه بره السودان تجي تشتري منه نفس البضاعة، يعرف انك سوداني يحلف طلاق انك تشيلها مجان ــ
ياخي العيب ما في السودانيين، العيب في السودان !!! ــ دا كلام صديقي ــ
أما من وجهة نظري فغايتو من مستوي الجمال الشفته في الدنيا دي(طبيعة والا غيرها) فنحن بصراحة وللأسف عايشين تحت الصفر ـ اقولها رغم وعيي بأن الذي نفسه بغير جمال لا يري في الوجود شيئآ جميلا !!! ـ
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
الاحباب الاعزاء
سلام عليكو
والله سودانا كلو سمح والله يجازي الكان السبب
بس نقول شنو
فعلا رفاعة جميلة واهلا جميلين وبالذات القرو معانا في جامعة الجزيرة
بس لو انتو عايزين بلد الجمال بجد بجد زورو الباوقة
دي جنةالله في الارض تخيل بلد من تخش ليها وانت بين الخضرة والجمال
والوجه الحسن والمية دي خليها ساكت ما نشفوها الا الجماعة
ويا حليل صلاح بن البادية لمن يقول
من نخيل الباوقة طرحة ومن مريدي السمحة نفحة
دي الطبيعة حنت علينا وخلدت بصماتا فينا
ليه لانك من بلادي
وترباس وشندي عندما يصدحا
الليلة الليلة وازاي الليلة
حرق بي نار الكمائن ديلا
اسد الساحة واشيل مفتاحة
وجناين الباوقة اللذيذ تفاحة
وكنا جماعة وركبنا اللوري
وعليك يا الباوقة القصاد ارتولي
حليل الباوقة وحليل ارتولي وفتوار
بنية من فتوار موقدة في النار
ومن لهيب الشوق ابكي ليل ونهار
يا اهلي يا الصالحين ويا رجال الدين
اقروا لي يس
واقروا لي يس ليرد الله غربتي وغربة من يحبمنكم
احبابي لا فض الله فوهكم
لقد هيجتم في زكريات وقلبتم علي المواجع والمضاجع
انها بلادي وان جارت علي عزيزة
واهلي وان ضنو علي كرام
واذكروا معي بابنوسة والمجلد ونيالا
وجبل مرة
وحنتوب الجميلةوالابيض والبان جديد
وتردة الرهد
والحمادي وخور جقمني
ولا تنسو الخوي تلك المدينة القرية التي
حباها الله بطبيعة خلابة
واذكروا معي ابو زبد ورجل الفولة
وصموعة وبوطة ووادي الغلة ويا حليل الغلة
وفي الخاطر عديلة وهبيلا
والتبونوالضعين
وشارف
ولا تنسوا بشمة والمجلد وابيي وبحر العرب واويل
وواو سحر الجنوب
انه السودان
هاهو الشعر بحور وبحور
كل حرف شاعري ملأ الأفق عطور
كل بيت من بيوت الشعر باقات وزهور
والقصيدات الجميلات فراشات تدور
والدواوين كنوز ودرر
وجمال عبقري وصور
أنه السودان فنان وشاعر
وطن يزهو في سبع سماوات ويزهو
مثل شمس لا تغيب
وهو تحليق بعيد في الاعالي
وانطلاقات مشاعر
وهو ترتيب الهي فريد ومهيب
يخرج السودان كالوردة من بين شقوق
في الصخور الأفرو عربيه ( بتصرف)
ويغني شاعرا يصدح ترنيما جميلا عبقريا
ويشيع الضوء تكوينا نجوميا بديعا
وبريقا شاعريا
يا الهي روحنا تسمو الي الأعلي نشيد
وتجوب الكون اطيارا تغني وتعيد
تخلب الألباب في ساعة تغريد ونشوى
وترى الناس سكارا كلهم للشعر فدوي
ويذوب القلب عشقا وفرحا
قد نسينا اننا في دورة الارض بشر
وتدفقنا طيورا تحت انغام الوتر
نتسامي للسماوات بأوقات السحر
هاهو السودان قد طل علي العالم فنانا وشاعر
(( وهو الآن عائر))( مني... بتصرف)
ومضى يستعمر الأفندة الخضراء في سطوت ساحر
هاهو السودان في صقر الصبيات الجميلات نشيد
وأغان صاقها الله لنا في يوم عيد
mailto:[email protected]
مسوا نوركم وشوفوا
المن جبينا صباح
الصباح ان لاح لا فايدة في المصباح
هل اتاك حديث الكوكب النضاح
قمرة تمطر خمرة وحارسها الفضاح
او تحيجنا محاسن الشمس للأيضاح
ما بتحيجنا محاسن محياها الوضاح
نور جمالا دهشنا معشر الفصاح
بين ناطق صامت وبين صامت صاح
غانية غانية محاسن فيها شوف يا صاح
الجمال الفيهو كل معني صاح
**********
القوام اللادن الأريج الفاح
من جسمها الناعم الأثمر التفاح
حلا عقلي وخلا في حشاي كفاح
جيش هواها احتل قلعة الاصفاح
أمتي
الوعي والحلم والغضب
سبع حمائم
سيل عمائم
نحل في البرية هائم
موكب وعد , موكب امكانات أمتنا.
نار ودخان
وثن ,طبل , قرآن
طفل ظل يقوم الليل ويمسك في رمضان
حلم برفاه الأرض وخوف من فتكات الغيب لمقبل امتنا
عذراء كقلب القمة امتنا
الألسن والشهوات هنا عذراء
أجفان الناس مكحّلة بالعّفة والإغضاء
حتى صيحات اللذة عند عوا هرنا عذراء
محض ثغاء
في اعلي قمم الشمس فرشنا للأضياف موائدنا
وركزنا في أحشاء الأرض بيارقنا
وتفيأنا نهر الدعوى وجبال العزة والنسيان
وتواصينا :
دقو طبول التمجيد لأمتنا
غنو للشعب ملاحم عزتنا
حريتنا
غنوا للشعب علي قيثار السادة والفرسان
فتمدحنا :
ها نحن علي يأفوخ الشمس نخط مضاربنا
فولاذ الدرع , صخور الساحل , فئ الأمن مضاربنا
جاموس الغابة وعل الواحة أمتنا
أفياء الأمن الممتدة
خطوات الخيل المعتدة
ضرس الأيمان الضارية الصلده
جاع البارود وما جاعت
وتهاوى النجم ولم تهوي
صمدت للريح بيارقها
تتمايح في الريح الحلو
تتمايح حتي انفجر الليل وهل الفجر
وأنشب عبء المسؤولية في الأعناق
عقود اللؤلؤ والمرجان
الحلم :
mailto:[email protected]
| |
|
|
|
|
|
|
|
|
|
Re: مناطق الحسن والجمال في السودان! (Re: سونيل)
|
الأحباب الأعزاء
البوست دا شفتو الصباح فوق لي قرابة الربع ساعة بفتش ليهو عشان أرد على الناس الكتبوا فيهو ما لاقيهو .. الحاصل شنو زمان البوست يقف في الصفحة الأولى اليوم كلو وتجد البوستات الموجود حظها في الردود والمطالعة الحصل شنو ياجماعة الخير ..حاجات كثيرة نزلت تحت تحت .. معليش ياشباب للمقدمة دي .
منير تحياتي لك وللطلة الحلوة الجمال شيء نسبي كما قيل أو كما جرت عليه الألسن فالسودان بسخانته وتعدد سحناته.. وسوء طقسه وحاله.. إلا أنه لا يصل لدرجة الصفر فيا عزيزي تفأل خيراً وربما تجد يوماً جمالاً يأسرك ويشدك نحوه بس يكون في السودان .
الجندرية تحياتي لكي رفاعة دائماً في الخاطر والبال وهي رقماً لا يمكن تجاوزه بأي حال من الأحوال .. فلنا بها ذكريات لن تنسى ابد الدهر من مدرسة رفاعة الشرقية والدفعة الفلتة في تلك الفترة ومنهم الغالي ود رملية وهو موجود بينا ورفاعة الثانوية وهيبة مديرها المنسي وشجرها الذي كنا نجلس تحتها لدك الحصص والذهاب لمركزكم الصحي بديم لطفي ..ومنها للبحر شتات للعوم ذكريات ليتها تعود... ولن تغيبي عني لحظة بشوارعها الفسيحة ومدارسها المميزة دوماً وناسها الحنان وجمالها الآخذ الذي يسلب العقول في كل شيء (بالمناسبة الصورة دي ابداً ما غريبة عني) .
سونيل
دائماً أنت هكذا إبداع في إبداع الشمالية جملية بس الباوقة دي سرها فيها بس وشكراً جزيلاً لتعريجك لبابنوسة ونيالا دي رهيبة بمعنى الكلمة
| |
|
|
|
|
|
|
|
|
|
Re: مناطق الحسن والجمال في السودان! (Re: ebrahim_ali)
|
امدرمان الآخذة بالالباب
جزيرة لبب
جبل مرة مازال والدى يحكى لى عن رحلته لذاك الساحر ايام الجامعة ببحة حنين لا تخطئها الاذن
كوستى و رفاعة لم ارهما لكن كل من عرفتهم من هاتين المدينتين كانوا آية فى التمدن و الحضارة
الدالى لانها مسقط راس رفيق العمر و الدرب و عشقى بعض عشقه لها
الخرطوم بحرى
وهذا بالمناسبة ليس ترتيبا تنازليا
| |
|
|
|
|
|
|
|
|
|
Re: مناطق الحسن والجمال في السودان! (Re: lana mahdi)
|
لنا مهدي تحياتي لكي ولاهلنا بلبب والدالي والمزموم .. وهذه دعوة مني لكي متى ما ذهبتي للسودان لزيارة رفاعة أو كوستي وهي بلد بالنسبة لي حالياً مواطن جديد بها وكذلك رفاعة بلد الوالد وكليهما بالنسبة لي وطناً أجد نفسي بين ثناياها وحشيانها الواسعات وجمالهن الفاتن الآخاذ كوستى الرديف والحلة الجديدة وشارع الدويم وفوال الزين و34 والنصر والاندلس كلها احياء لها صدى ووقع خاص في نفسي رفاعة مرتع الصبا قضيت بها أحلى وأجمل سنين العمر وذكريات لن تنسى مهما جار الزمان وحاجات تانية حامياني وكده
| |
|
|
|
|
|
|
| |
ebrahim_ali
bamseka
almulaomar
ALZOLZATOO
Al-Masafaa
hanouf56
قرشـــو
Tumadir
wadazza
khal fatma
ودرملية
مشتاق
maman
طارق اسماعيل
keiga2000
raheemsudani
ايهاب
Munir
الجندرية
lana mahdi
البحيراوي
فيس بوك
تويتر
انستقرام
يوتيوب
بنتيريست