|
|
 المتظاهرون الاجانب!
|
لست من مؤيدي الانقاذولا من معارضيها ... فبالنسبة لي الاثنين احمد و حاج احمد (يعني لوست كيس بالانجليزي) و اتعاطي السياسة في احايين قليلة جدا... و هي حين ما تشكل الافعال الطائشة لما يسمون انفسهم بالسياسيين خطر داهم و بصورة مباشرة علي اعز ما املك في ذاك القطر الفضّل (مثال ضربة امدرمان اي تي سي....)
ولكن في الايام الفائتة استفزتني بعض تصريحات من يسمون أنفسهم بالمسؤليين و اصحاب المهام , اقول استفتزني و اخرجتني من طور حالة (اللا مبالاة) السياسية التي نعمت بها , بدأٍ من من يسمي بمندور المهدي و الذي يعتبر مسؤل كبير في الحزب الحاكم الي مصطفي عثمان الغني عن التعريف ,,,,, و لكن تصريح أخير(اتمني ان يكون كذلك !) لوالي الخرطوم (دكتور) عبدالرحمن الخضر ... اصاب عصب استفزازيتي في مقتل و انتهي من حالة لامبالاتي التي ياما نعمت بها و ذلك حسب ما ورد في الراكوبة نقلا عن صحيفة الصحافة (و بالحرف) :
Quote: واعتبر الوالي حرق الاطارات والاشجار في الشوارع طريقة احتجاجات غير مقبولة وشبهها بالدخول فى اعراض الاخرين، كما انها تتلف الطرق المسفلتة التي كلفت ولايته مليارات الجنيهات، «ولا يمكن تخريبها لاثبات وجه نظر».
واتهم الخضر اجانب بالوقوف وراء الاحتجاجات والتخريب الذي طال بصات الولاية ومركز شرطة و»دفار» للشرطة و3 سيارات مدنية، وقال «انهم اجانب بعضهم يقيم بصورة قانونية وبعضهم بلا اقامات». واكد اتاحة حرية التعبير لجميع الاحزاب ونفى منع اى حزب من ممارسة نشاطة السياسي «وفق المعايير المقبولة». |
يعني:
1- الوالي يصرح بان جميييييييع المتظاهريين اجانب(و انا من بحري ولولا الخوف علي ارزاق العباد ان تقطع بحول الله , لكنت اشرت الي بعض من جئ بصورته في مظاهرات بحري و بالاسم كمان ... بعضهم من اعرف منذ نعومة اظافري و بعضهم من اعرف لاكثر من 15 سنو و هكذا ) ولا مجال في التكيك من سودانيتهم ,,,, اتيت بمثال مظاهرات بحري لاني من بحري عرفت بعض من بالمظاهرة من الصورة ! وهذا ليس تشكيك في جنسية متظاهري المدن الاخري ... بل تثبيتا لسودانيتهم و تكذيبا لتصريحات الوالي و بقية المسؤليين
2- تصريح الوالي فيه من الغباء ما فيه (كيف لاجانب و كاسريين فيز و اقامات ان يجعلو من انفسهم لقمة سائقة(سايقة) للشرطة و بقية افراد القوات النظامية ... في حرامي بيتظاهر قدام القسم!!!!! و علي الهوا و قدام الهوا!!!
3-الوالي يعترف بوجود كمية كبيرة من الاجانب و اغلبهم بدون اقامات او كاسريين اقامات (يعني اعتراف صريح بفشل الدولة و عدم قدرتها في السيطرة علي اعداد الاجانب و قانونية اقامتهم ..... ياخي انت ما قادر تسيطر علي بضع الاف من الاجانب المقيميين بصورة غير قانونية (علي حد تعبريك و سزاجتك لكين ما مشت ولا ح تمشي فينا يا والينا لاننا مفتحين و مفاتيحها في جيبنا) ح تقدر تسيطر علي جموع المتظاهريين المظلوميين و اصاحاب الحق (اولاد البلد) الطلعت و الي لسة ما طلعت (وخاتاها ليك و ماسكاها في قلبها) دي كيييييييييييييف خاصة و ان الفئة الاخير تقدر بالملايين طبعا دا لو ما كل الشعب السوداني الفضّل...
-------------------------------------------------------
رجاء احترام عقولنا و بطوننا ... رجاء للمسؤلين الحكوميين : عدم التصريح او الادلاء بايييي تصريح في رمضان ... طبعاالسبب معروف!
|
|
 
|
|
|
|
|
|
|
 Re: المتظاهرون الاجانب! (Re: مازن فيصل هلال)
|
| Quote: 1- الوالي يصرح بان جميييييييع المتظاهريين اجانب(و انا من بحري ولولا الخوف علي ارزاق العباد ان تقطع بحول الله , لكنت اشرت الي بعض من جئ بصورته في مظاهرات بحري و بالاسم كمان ... بعضهم من اعرف منذ نعومة اظافري و بعضهم من اعرف لاكثر من 15 سنو و هكذا ) ولا مجال في التكيك من سودانيتهم ,,,, اتيت بمثال مظاهرات بحري لاني من بحري عرفت بعض من بالمظاهرة من الصورة ! وهذا ليس تشكيك في جنسية متظاهري المدن الاخري ... بل تثبيتا لسودانيتهم و تكذيبا لتصريحات الوالي و بقية المسؤليين |
Quote:
2- تصريح الوالي فيه من الغباء ما فيه (كيف لاجانب و كاسريين فيز و اقامات ان يجعلو من انفسهم لقمة سائقة(سايقة) للشرطة و بقية افراد القوات النظامية ... في حرامي بيتظاهر قدام القسم!!!!! و علي الهوا و قدام الهوا!!!
3-الوالي يعترف بوجود كمية كبيرة من الاجانب و اغلبهم بدون اقامات او كاسريين اقامات (يعني اعتراف صريح بفشل الدولة و عدم قدرتها في السيطرة علي اعداد الاجانب و قانونية اقامتهم ..... ياخي انت ما قادر تسيطر علي بضع الاف من الاجانب المقيميين بصورة غير قانونية (علي حد تعبريك و سزاجتك لكين ما مشت ولا ح تمشي فينا يا والينا لاننا مفتحين و مفاتيحها في جيبنا) ح تقدر تسيطر علي جموع المتظاهريين المظلوميين و اصاحاب الحق (اولاد البلد) الطلعت و الي لسة ما طلعت (وخاتاها ليك و ماسكاها في قلبها) دي كيييييييييييييف خاصة و ان الفئة الاخير تقدر بالملايين طبعا دا لو ما كل الشعب السوداني الفضّل... |
شكرا لكشف و تعرية الكذابين
الكضب حبلو قصير
| |
|
|
|
|
|
|
|
|
|
Re: المتظاهرون الاجانب! (Re: مريم الطيب)
|
سلام مريم
النشوف آخرتا بس! ... او كما يقولون
قال أجانب قال ... و مقيمين بصورة غير قانونية كمان ..... هو البجبرهم شنو عشان يقيمو بصورة غير قانونية في البلد ديك ... خليك كمان من يقومو بمظاهرات ... إحترموا عقولنا يا عاااالم!
--------
manubia
| |
|
|
|
|
|
|
|
|
|
Re: المتظاهرون الاجانب! (Re: مازن فيصل هلال)
|
ده الهروب من مواجهة الواقع
ورمي الاتهامات يمين وشمال
ياتو اجانب في السودان غير المرتزقة الجابوهم هم
من حماس وايران واشباههم ومكنوهم
اتهام ساذج ينم عن عقلية اجرامية
وايضا ينطوي على عدم الاعتراف بتعدد الاعراق في السودان
الذي يضم كل الالوان
المهم هم عارفين نفسهم كذابين
كنت استمع قبل قليل للقاء حاج ادم يوسف
اكاذيب يندى لها الجبين ,,,,,
ومكشوفة حتى لمحاورته
المهم شكرا يا هلالي
| |
|
|
|
|
|
|
|
|
 Re: المتظاهرون الاجانب! (Re: مريم الطيب)
|
مازن
تحياتي
يا خي الجماعة بفتكروا كل الشعب دا اغبياء
وممكن يكضبوا زي ما دايرين .. ويكبروا بعد الكضبة عادي ..
الوالي دا زول تحفة .. كشوه ناس القضارف .. جابوا العاصمة ... فتأمل
| |
|
|
|
|
|
|
|
 Re: المتظاهرون الاجانب! (Re: ahmed haneen)
|
| Quote: الوالي دا زول تحفة .. كشوه ناس القضارف .. جابوا العاصمة ... فتأمل |
قلت لي يا حنين الجماعة كشّو من القضارف .... يكون كشّا رامبو (السابق) داك؟؟ (: و طلعو (اجنبي)
الزول دا دكتوراتو دي في شنو!!! أم تشابه عليه (البقر)!؟
--------------------------
manubia
| |
|
|
|
|
|
|
| |
مريم الطيب
ahmed haneen
فيس بوك
تويتر
انستقرام
يوتيوب
بنتيريست