|
شوال السكر زنة 10 كيلو بـ32 جنيه فقط
|
اي تاجر يبيع بأكثر من هذه القيمه يجب التبليغ عنه فوراً لدى أقرب محليه وسينال العقاب الرادع
الحمد لله سعر السكر عاد كما هو بل أقل حيث كان يباع قبل رفع الدعم عن المحروقات بـ35 جنيه
|
|
|
|
|
|
|
|
Re: شوال السكر زنة 10 كيلو بـ32 جنيه فقط (Re: ود الباوقة)
|
الحبيب ودالباوقه تسلم ياغالي وللتجار الذين يخزنون السكر لي رمضان ودايرين يغنوا على حساب الناس واقتصاد البلد بإعتبار إنو السكر حيزيد حأقول ليهم خزنوا ساي واملوا مخازنكم واحلامكم بالسراب لأنو انتاجية السكر عاليه جداً ومؤونته تكفي وتزيد ولن يرتفع السعر بل وربما ينخفض كمان
عمر مؤونة عام من الود
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: مازن الجمّال)
|
وين الكلام دا يا محمد فرح حتى مساء الأمس وفي تلفزيون السودان السكر زنة العشرة كيلو يباع بـ 48 و 49 جنيه وأكثر ومؤسسة السكر أو شركة السكر مش عارف قالت سعر الجوال 50 كيلو 224 جنيه من مخازنها فبالله أحسبها لينا وورينا كيف يمكن بيع السكر زنة 10 كيلو ب 32 جنيه وكمان فقط !
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: عبد الله كسلا)
|
(الكضابين) محمد فرح قبل ساعة من الآن أنا أشتريت الـ 10 كيلو من سوق بحري بـ 52 جنيه ومافي اقل من كدا لأنو سعر الجملة من العربية 51 جنيه مفروش قدام المحلات والبيع على عينك يا تاجر، والغريبة في ضابط شرطة اشترى قدامي بالسعر اعلاه.. انتو كضبكم دا حدو وين ؟ زمان النقيب (فتح العليم ) لمن كان بكتب باليوزر دا كان قليل أدب وبشتم النسوان بس وبكضب شوية شوية دا إذا غضينا الطرف عن موضوع الكهرباء هسي المجموعة الجديدة دي بقى نجركم شين وكضبكم غبي .. يعني كضبة زي دي اي زول ممكن يكشفها السؤال انتو ليه بتعملوا في نفسكم كدا ؟ يلا قوموا لفوا بلا يخمكم يا رمم
_______________ الشعب يطالب بعودة النقيب فتح العليم
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: عبدالوهاب علي الحاج)
|
Quote: (الكضابين) محمد فرح قبل ساعة من الآن أنا أشتريت الـ 10 كيلو من سوق بحري بـ 52 جنيه ومافي اقل من كدا لأنو سعر الجملة من العربية 51 جنيه مفروش قدام المحلات والبيع على عينك يا تاجر، والغريبة في ضابط شرطة اشترى قدامي بالسعر اعلاه.. انتو كضبكم دا حدو وين ؟ زمان النقيب (فتح العليم ) لمن كان بكتب باليوزر دا كان قليل أدب وبشتم النسوان بس وبكضب شوية شوية دا إذا غضينا الطرف عن موضوع الكهرباء هسي المجموعة الجديدة دي بقى نجركم شين وكضبكم غبي .. يعني كضبة زي دي اي زول ممكن يكشفها السؤال انتو ليه بتعملوا في نفسكم كدا ؟ يلا قوموا لفوا بلا يخمكم يا رمم
_______________ الشعب يطالب بعودة النقيب فتح العليم |
من زمااااااااااااااااااااااان قلنا ليك الجماعة ديل فارقهم ما سمعت كلامنا ساكت
أهــــلاً بــيــك معانا في قبيلة الشرفاء
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: عبدالوهاب علي الحاج)
|
يا محمد فرح (وجماعته) بالله أقطعوا وشوشكم دي مننا بأخوي وأخوك قبل شذاذ آفاقنا ديل بغضبتهم الضارية دي وجوعهم الوصل العضم دا ، يلحقوا زولكم دا عمنا القذافي
ياخ والله كجناكم عدييييل كدا ..!
أقطعوا وشوشكم دي مننا خلونا نشوفكم بعد خمسة وعشرين سنه مقبلة أمشوا ياخ .. خلونا نشتاق ليكم ولي كضبكم دا ياخ أمشوا خلونا نشوف غيركم ، إنشاالله الشيطان زاتو
يا كضابين
قال شوال السكر زنة 10 كيلو بـ32 جنيه فقط .. قال!!!!
_ غوور غوور يا بشير ..
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: Hadeer Alzain)
|
Quote: أهــــلاً بــيــك معانا في قبيلة الشرفاء |
انت يا ابو حسين برضو بقيت شرفاء زي ملاسي واساسي ؟ أنا لسه شوية علي عشان الحقكم ...مشكلتي بس لمن اشوف الاسم دا بتجيني كاروشة ولا نجوت إن نجا ناس كضابين ودجالين انا هسي جاي من السوق واشتريت سكر ما تقول الحمد لله ما قريت البوست دا قبل ما اشتري كان تلقاني في الحراسة لانو اصلو ما بتخيل زول ممكن يكضب كضب زي دا
| |
|
|
|
|
|
|
Re: شوال السكر زنة 10 كيلو بـ32 جنيه فقط (Re: بشير جبريل علي)
|
معايش الناس ما فيها لعب زي موضوع الكهربا وست الشاي صابون ..!!
Quote: اي تاجر يبيع بأكثر من هذه القيمه يجب التبليغ عنه فوراً لدى أقرب محليه وسينال العقاب الرادع
|
طيب المحلية نبلغ عنها لي أقرب ياتو حتة عشان تنال عقابا الرادع !! لأنو المحلية عن طريق بطاقات السكر بتبيع الشوال عشرة كيلو بي 50 جنيه ولو ما عندك بطاقة ممكن تلقاهو بي 60 أو 65 !!
محمد فرح والله الذي لا اله الا هو لو عندك السكر بي 32 حضر لي هسي دي 10 شوالات وأنا بجيك لحدي عندك اشيلم منك ..
قلت شنو ؟!
بعدين ياخي القصة ما قصة سكر !!!
| |
|
|
|
|
|
|
|